|
|
 الى الذين كانوا يخاطبون الشيطان ويرد عليهم .. توجد أسماء
|
عمار محمد ادريس
هشام هباني
ول أبا كبر
حمد عبدالغفار عمر
تبارك شيخ الدين جبريل
دكتور العوض
محمد هارون حميدان
وليد الشفت
ناصر يوسف
محجوب البيلي
محب
محمود مصطفى
صلاح ابو دية
أشرف
لماذا بدأ الشيطان بالرد على عمار محمد ادريس وهو لم يكن اول المتداخلين؟؟
لأن عمار هو أول من أتى على ذكر
| Quote: اني علي مقربة من جموع الشياطين |
ويعود الشيطان مجددا ويبدأ التداخل مع الاخ حمد عبدالغفار؟؟ ولنفس السبب لان حمد بمداخلته
هبش شيطان محسن عديييل
| Quote: هل تتحدث بلسانك شخصيا وعن نفسك أم تروي عن شخص آخر |
وهذا ما اقر به محسن نفسه، انه لم يكن الذي يكتب
اما تبارك فالشيطان شكره عدييييل كده لوووووول
| Quote: شكراً لك على هذه الإفادة القمينة، وجزاك الله خيراً. |
اما صلاح ابودية، فالشيطان زعل منو زعل شديد خلاص
Quote: تريدون لي التثبيط والله يريد بي الهمّة.
قلت لي داير تشرح سودانيز أون لاين للأنبياء؟ أها يا صلاح دي ياها فلاحة سكّان الإنترنت البقصدها ليك بالضبط، الواحد ما بعرف يطير وداير يشرح لعيسى بن مريم البحيي الموتى حكاية الوجه البدردق، هسع في ذمتك الداير شرح ياتو في الموضوعين!؟ |
_________
دا جرد عشرة صفحات، بنرجع بالباقي
|
|
 
|
|
|
|
|
|
|
 Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
بوست في منتهى السخف وعدم الموضوعية
و شنو الرغبة الشديدة في التشفي والسخرية دي ؟
زول أخطأ واعتذر والموضوع انتهى والناس بتحاول تساعدو عشان ما تفقد
زول مهم وكاتب مبدع نحفظ له انه قد جمل ايامنا واتحفنا بكتابات احببناها
انت شن نفرك في البورد
________________
بالمناسبة ممكن جدا انت ذاتك انا احولك لمادة سخرية في هذا البورد
واطلع منك صديق مهدي او سيف مساعد جديد وانا قادر على ذلك
خصوصا وانت ذاتك ممكن تساعدني على ذلك بطلاشتك وبيضنتك
فارعى بقيدك !!
| |
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
Quote: وحتى لو كان سخف مني، ######رية من محسن خالد، او سخرية من الموضوع برمته
من حقي افتح بوست واعبر فيهو عن رايي؟؟ |
المقام ليس مقام سخرية وضحك،
الزول في أزمة ونسأل الله انو يفرج عنو
عشان كدا انا قلت ليك القليل من الحساسية لن يضرك
وع العموم انت حر طبعا فيما تكتب ونحن احرار برضو في رأينا فيما تكتب
والبلعب الدح بعدين ما يقول أح، وممكن يترد الصاع صاعين يوما ما
سلام يا ابو الكباتن
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: عبدالوهاب علي الحاج)
|
شعورك دا مقدر، وانا هنا لا اكذب ولا اتجمل
| Quote: عشان كدا انا قلت ليك القليل من الحساسية لن يضرك |
Quote: المقام ليس مقام سخرية وضحك،
الزول في أزمة ونسأل الله انو يفرج عنو |
كدي افهم بوستي في الاول، نعم هو ستند تماما على حائط محسن خالد
لكن ليس له دخل بمحسن خالد شخصيا
القصة عندي كلها "وهم" وفي هذه لا تستطيع ان تنكر فصاحب الموضوع قال بذلك
كل مافي الأمر انني اردت ان اتخيل ان كان فعلا هو الشيطان الذي يرد حين كان متلبسا محسن
ماهي شكل الردود، وعلى من رد ...
ما تكبر الموضوع ساكت
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
الاخ مرتضى
Quote: احمد بن عوف سلام:
نسمع كثيرا (جزاك الله خير دي من شياطين الإنس الحاكمننا
بس لو صدق زعم (م.خ) انو الشيطان ذات نفسو هو الفتح البوست!! هل يشكر الشيطان ربه ويقول بكل قوة عين جزاك الله خير!؟؟؟
رفقا بالشيطان يا هؤلاء..... |
سبقتني (لو ما وقف لي هبدالوهاب في حلقى)
ملاحظتي انه يستشهد بآيات قرآنية؟؟؟؟؟
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: خضر حسين خليل)
|
وهبة هو العدو الاول للمبدعين، يغيب ويغيب لمن يختفي عن الانظار ويجيك راجع بالغنيمة زي كلـــب الصيدما داير اقول زي الصقر، المنبر دا بقى حمال اوجه
بمناسبة الــــكلاب دي يا حاج اراك قد تجنيت على كــلاب بحري في بوست سابق
اطمنك كــــلاب بحري بخير، اول يوم في اجازتي لقيت الجماعة شايفين شغلهم تمام، اتذكرتك ضحكت وقلت عمك دا كنا شمت فينا وليد الشفت ساهي.
ارفع يدك عن مبدعيناما كفاك صديق مهدي
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
| Quote: انت يا عبدالوهاب، ياخي ما ارسل ليك draft لبوستاتي قبل ما افتحها |
والله دا حل ممتاز وايميلي في البروفايل
كان دي بوستاتك فانت بالجد بتستحق اني اشملك واتعهدك بالرعاية
قال من الدقيقة الرابعة قال
هههههههههه
_________________
يا ود الفكي | Quote: ارفع يدك عن مبدعيناما كفاك صديق مهدي |
تصدق المبدع دا برضو محفز للخيال ....
وبعدين ياخ معقول تجي الخرطوم وما تدينا خبر
اصبر بنجي مكة ونشخت ليك عادي
| |
|
|
|
|
|
|
|
|
 Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
| Quote: ياخى المابقدر ينتقد محسن خالد قبل كدا دى فرصة ينتقدو!! |
عليك الله يا بلة شفت المحن دي ؟
شوف زولك دا قال شنو ،قال ليك "كدي افهم بوستي في الاول، نعم هو ستند تماما على حائط محسن خالد
لكن ليس له دخل بمحسن خالد شخصيا" .. 
ولاحظ معاك اليومين دي لطه جعفر كمان ياخ ديل تحف عديل
اصبروا ساي ما محسن دا، يوم بجي راجع فيكم خلف .. الجري ذاتو ما بحلكم
وأخير ليكم كل زول يمد كراعو على قدر لحافو
____________________
| Quote: بعدين انت بوستاتي بتعرفها كويس، ما تعمل رايح منها تاني |
ابو عوف أو أياً كان اسمك !!
بوستات شنو البعرفها ليك انا ؟
ات آزول ماك نصيح ؟
أنا ذاتي اتفجأت لمن لقيتك قاعد هنا من 2010
شفت ليك بوست واحد بتاع الكورة داك جيت ضحكت عليك فيهو
تاني ما بعرف ليك بوست، لكن من هنا وماش بعمل ليك سيرش عديل
نحن لاقين زول يونسنا ويفرِّق علينا ؟!!
خخخخخخخخخخ
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
المستغرب ليهو انا واحد من الذين خاطبهم الشيطان لم يتداخل، وهذا ليس منبع استغرابي
المحيرني الناس الشيطان ما اشتغل بهم (حتى الصفحة 20) هم المدافعين عن الشيطان؟؟
ابليس دا اتاريهو ختري
قال ليهم انا المهدي ..... دافعوا عنه
قال ليهم انا الشيطان، بقو في حيص بيص
ان صدقوا الاولى فما عليهم الا ان يصدقوا الثانية
بله / السنوسي / عبدالوهاب
الراي شنو
الكان بكتب ياهو محسن وللا الشيطان؟؟
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
بدأت اشك في ان الشيطان ما زال يكتب في البورد
ماهو السبب الذي يجعل السنوسي / بله / عبدالوهاب
ان يكيلوا لي كما من السخرية والاستهزاء وليس بيني وبينهم
الا زمالة هذا البورد
نفسكم مالو حار؟؟ لا اطلب منكم ان تخففوا علي "عصرتكم" دي والليلة لقيتو ليكم
ميتة ودا زبوني لا لا لا خليهو لي
دوسوا للآخر، قشة ما تعتر ليكم
لكن الخوف انو ما يكون منكم؟؟ يكون الشيطان زاتو راكب اصابعكم وبطقطق على لسانكم
كدي استعيذوا من الشيطان واعملموا لوغ آوت ولوغ ان تاني، وان لزم الأمر اهملوا ري ستارت للجهاز
لو لغتكم ياها بقت هي نفسها، وانا جادي في الكلام دا، اسعوا ليكم مساعدة، لانو ده ما رد
الفعل الطبيعي لبوست زي دا
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
تحياتي يا دكتور
يا سلام ياخي، العرفة بدأت اشك فيها من ما سألتني باسم صلاح الثلاثي
لكن صورتك البعدية والشعر يا اخوي ما كان قدر ده؟؟
كيفك وكيف اولادك ان شاء الله طيبين
وين اراضيكم هسع؟؟
وعبدالوهاب خليهو على راحتو، راجل على نياتو
وهو ما عارف اساسا انو واحد من اهداف البوست
يعني وجوده كما هو شيء مرغوب فيه جدا
الراجل معيار ياخي
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
ما قلت ليك الصادق
هو سؤال واحد مطروح، الكان بكتب هو محسن وللا الشيطان
ولن يستطيع واحد من بواليس البورد ان يجاوب
ياهو يبقو في جنس دا
معقول دا يسألو ناقد رياضي في حجمك ؟
ياخ انت عاينت لمباراة الهلال من الدقيقة 4 للدقيقة 6 عرفت الهلال طاير طاير !!
في دقيقتين بس ... والله ابليس هيمسيلف ما عندو قدرات زي دي
تجي تسألنا نحنا المساكين ديل الكان بكتب منو ؟
ايه التواضع دا يا ابو الكباتن
مسكين يا عبدالوهاب ياخي لو ما عارف الاجابة ممكن نساعدك شوية
بيني وبينك ان ابقيت مستمتع شوية بوحودك في البوست
وجودك يعني وجودي كشخص يمكن الالتفات اليه
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
السنوسي
انت الآن مقتنع بانو دي اجابة بتاعت زول مفترض يكون بعامل الناس كما علمنا
ديننا وتقاليدنا واعرافنا
الراجل كاهن.. . .كاهن وبتاع تحليل ولا ينقصو الا مشاهدتكم يا وهبه
شواف شواف شديد.
ياخي خليك من الذوق والتهذيب، رجالة ساكت كده بترضاها؟
بتتخيل نفسك وسط مجموعة من الرجال وتقعد تستهزأ ليك في شخص لم يسيء اليك؟؟
ياخي خليك من دا، انت متأكد انو لو كنتا واقف قدامي ممكن تتخيل انك تقول كلامك دا
وبعداك تمشي في الارض مرحا؟؟
لكن زي ما قلت ليكم، وجودكم ضروري
لحد ما نعرف انو الكان بكتب هو محسن وللا الشيطان
وانت بتساندو الآن في محسن الكان ام محسن المتلبس
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
السنوسي يا أمباشى
علي اليمين شواف ذاتا شوية عليهو كدي هاك اقرا دي
إحدى ابداعات ابو الكباتن | Quote: البوست دا انا عندي فيهو راي من قولة تيت لكن ما بقولوا هسع |
هههههه
من قولة تيت دي بتديك احساس بفهمو العميق للكورة والرياضة عموما
زول كان ملاكم وبتاع جمباز الخ
زول من قولة تيت عرف البوست وشاهد مباراة من الدقيقة 4 عرف المغلوب منو
تجي تقول لي ما بعرف خط الشيطان في الكيبورد .. الشيطان خطو ظاهر بالمناسبة !!
بالله يا أمباشى سنوسي سوق معاك الشاويش بلة موسى دا واتخارجوا لينا من هنا !!
___________
والله يا ابنعوف انا لو عندي امكانياتك دي ، طوالي بشتغل وداعية
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
Quote: هشام هباني
ول أبا كبر
حمد عبدالغفار عمر
تبارك شيخ الدين جبريل
دكتور العوض
محمد هارون حميدان
وليد الشفت
ناصر يوسفمحجوب البيلي
محب
محمود مصطفى
صلاح ابو دية
أشرف
|
الأخ أحمد إبن عوف
تحية طيبة يا رجل ،،،
ما عارف غايتو لكن لقيت إسمي مكتوب
قلت يمكن أكون مطلوب القبض علي ولا شيتاً تاني ياخ
أصلو بقية عمرنا الباقي لينا ده الواحد عاوز يعيشو في هدوء الله يرضي عليك
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: ناصر يوسف)
|
سلامات يا دفعة
Quote:
المحيرني الناس الشيطان ما اشتغل بهم (حتى الصفحة 20) هم المدافعين عن الشيطان؟؟
|
مقروءةً مع المداخلة المصرح فيها بي اسمي (قيقراوي راجي رد الشيطان لحدي صفحة 20) او نحو ذلك ..
افهم انو انا المقصود .. او احد المقصودين؟
ان كان ذلك كذلك .. نعم حاضر
السؤال شنو؟
---------
بالجمبة كدا ..
انت المزعجك شنو في حكاية اننا اتكلمنا مع الشيطان او بندافع عنو
المشكلة وين؟
بتخاف من الشيطان يا دفعة ول شنو؟
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: قيقراوي)
|
سلام يا احمد
ياخي أنا لي هسة متكيف من رد محسن الأول علي وحا أعيش عليهو سنتين ثلاثة لقدام
والله اليومين ديل معنوياتي في السماء وأقول ليك حاجة
أنا عندي نقل كفالة خسرت فيهو الوراي والقدامي وغيرت ليهوا مهنة ثلاثة مرات ولي 5 شهور بلاوي في مكتب العمل
أها شفت نقل الكفالة دا ما تم إلا
يوم عشرة صفر 1434 هـ.
تصدق ؟
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
الاخ ناصر يوسف
تحياتي
Quote: الأخ أحمد إبن عوف
تحية طيبة يا رجل ،،،
ما عارف غايتو لكن لقيت إسمي مكتوب
قلت يمكن أكون مطلوب القبض علي ولا شيتاً تاني ياخ
أصلو بقية عمرنا الباقي لينا ده الواحد عاوز يعيشو في هدوء الله يرضي عليك |
ما تاخد في بالك، لا مطلوب لا شيتين
كل ما في الأمر انو حبيت اهبش مستوى مثقفينا وهل اننا قدر المسئولية، ان كنا فعلا نستطيع
او لا نستطيع ان نجاوب على سؤال
هل الذي كان يكتب هو الشيطان ام لا؟؟
واخترت مدخل للبوست على الشكل الذي رأيته، على من كان يرد وبماذا كان يرد الشيطان
طبعا لم يكن من الممكن ان اعمل كوبي بيست لكل ما كتب، الا بعض المقتطفات من هنا وهناك
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
سلام يا قيقا
Quote: انت المزعجك شنو في حكاية اننا اتكلمنا مع الشيطان او بندافع عنو
المشكلة وين؟
بتخاف من الشيطان يا دفعة ول شنو؟ |
انا لو بخاف من الشيطان يا قيقا كنت فتحت ليهو بوست؟؟
السؤال ما زال قائما يا دفعة
هل انتو الآن بعد تصريح محسن، مقتنعين بانكم كنتم تتحدثون مع الشيطان؟؟
هل ما زال الشيطان هو من يكتب، واقصد ذلك الاعتذار تحديدا؟ من اين تضمنون انه ما زال الشيطان
وليس محسن
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
سلام يا حمد
Quote: سلام يا احمد
ياخي أنا لي هسة متكيف من رد محسن الأول علي وحا أعيش عليهو سنتين ثلاثة لقدام
والله اليومين ديل معنوياتي في السماء وأقول ليك حاجة
أنا عندي نقل كفالة خسرت فيهو الوراي والقدامي وغيرت ليهوا مهنة ثلاثة مرات ولي 5 شهور بلاوي في مكتب العمل
أها شفت نقل الكفالة دا ما تم إلا
يوم عشرة صفر 1434 هـ.
تصدق ؟ |
والله لو كانت كل هذه المعمعة لم تحصد الا نقل كفالتك لكفتنا (ويبدو انها كذلك)
حقيقي لم اعرف انها اصبحت مشكلة عويصة الى وقت احد زملائنا السودانيين
ناقل كفالة لشركتنا والقصة قربت ليها 9 شهور، دي بقت عاضة شديد
تحياتي
بس اعمل حسابك، الشيء الرد عليك ممكن يكون بدردق فيك بقصة التسهيلات دي
لانك كنت من المتشككين (بمزح يا زول)
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
سلام يا محب
رأي نحترمه
| Quote: بوست غير موفق اخي احمد .. راجع نفسك ... محسن ليس شيطان .. القليل من الحساسيه والرافه .. |
لكن ادينا حق الرد
او كما يقول الخواجات hell no
لا يمكن ولن تجد اي اشارة في كلامي انني اقصد ان محسن هو الشيطان نفسه؟؟
قضية تلبس الشيطان موجودة عندنا كما هي موجودة في معظم الديانات
نختلف في كيف وماهية التلبس
البوست بسأل هل هي مسألة حقيقية؟؟ اي الذي حدث مع محسن، ام هي اوهام دينية
لا يجب ان نصدقها وان كانت حقيقية، وما موقف المثقفين منها
هذه امور تركناها خلفنا، وما زالت تعاني منها بعض المناطق حيث ينتشر الجهل
والدجل الكجور
وهذه قضية بالمناسبة ولغرابة الصدفه، يحاربها السلفييون بنفس شراسة محاربة الملحدين وبعض العلمانيين لها
تحياتي
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
Quote: لحد ما ارجع لمداخﻼتك، قبيل وقعت ليك في خطأ، نصيحتي ليك
كانت تعمل لوغ آوت وستتعيذ من الشيطان بعدين تعمل لوغ إن
لكن انت فطيت حتة اﻻستعاذة دي، عشان كده رجعت بنفس حالتك
دحين، أعد
|
ما مشكلة يا ابنعوف نتوضأ عديل ونجي داخلين هني، بس انت حاسب ما تقع وانت متكل،
بالمناسبة، اتا يا ابنعوف (خط) الشيطان شكلو كيف؟
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: Elsanosi Badr)
|
لا زال السنوسي رايح ليهو الدرب ولا يعرف اجابة
وماسك في:
| Quote: ياخي اتا ده انا ما عارف ما اكتشفتك من زمان لييييه، ياخي وهبه هو الطلع شواف، شوف صحي صحي |
| Quote: ههههههههه، يلا جاوب |
انا جاوبت من قبيل، وافترضت ان الشيطان هو من كان يكتب
انت رأيك شنو؟؟
لو ما عندك فكرة، بنعفيك، عشان تاخد راحتك على الآخر في السخرية من شخصي
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: Elsanosi Badr)
|
يا احمد حدد السؤال عشان نقدر نرد عديل
انا بالجد ما فاهم البوست دا موضوعو شنو، وانت قناعاتك شنو في المسألة بالضبط
اما حكاية مصدقين او ما مصدقين كلام محسن فدا سؤال غريب بالنسبة لي ,,
بقراية الكلام في سياقاتو، استلف تعبير الاستاذة منى خوجلي الجميل (أصدق صدق محسن خالد)
بجي احكي ليك قصتي مع الشيطان
-----
بعدين يا دفعة انظر للنصف الممتلئ من الكوب
كدا الواحد اضاف للسيرة الذاتية بتاعتو كفي ديغيتال (يناضم الانس والجن)
المافي شنو!؟
فا شنو؟
بي كووووووول يا حبيب
اب غرة الاسفيري دا ما بسوي ليك الحبة دي
بعدين زول ظريف ذاتو ياخي
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: قيقراوي)
|
Quote: ﻻ زال السنوسي رايح ليهو الدرب وﻻ يعرف اجابة
|
هههههههههه اتا ا زول ماك عارف نحنا اولاد رواعية وعقاب ترباله، هسي في زمتك زي (شوفك) نقدر نجاوب عليهو بشنو؟!!!
ياخي ابنعوف وماك طالبني حليفه، اتا ده تاني (الذ) زول هنا، فشنو ياخي ارفع القزاز،
هسي انا من قبيل (راتع) في الارشيف هيلك.
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: Balla Musa)
|
ود ابنعوف
انت قاصد ياتوا شيطان ؟
شيطان العقائد ؟
شيطان التراث ؟
شيطان السلطة ؟
الشياطين بقو خشوم بيوت !!!!!!!!!!
وارمي ليك سنيبهار
محسن شيطان من يوموا
شيطان ضد العقائد التي اضحت رسن علي افواه البسطاء
شيطان علي التراث الذي امسي افيون يخدر الغلابه
شيطان علي سلطة تتوهم ان العقائد والتراث سلعة لاتحتاج لتسويق او ترويج بل جموع من بسطاء وغلابه !!!!!!!!!!
( مزج أوّل ) :
المجد للشيطان .. معبود الرياح
من قال " لا " في وجه من قالوا " نعم "
من علّم الإنسان تمزيق العدم
من قال " لا " .. فلم يمت ,
وظلّ روحا أبديّة الألم !
( مزج ثان ) :
معلّق أنا على مشانق الصباح
و جبهتي – بالموت – محنيّة
لأنّني لم أحنها .. حيّه !
... ...
يا اخوتي الذين يعبرون في الميدان مطرقين
منحدرين في نهاية المساء
في شارع الاسكندر الأكبر :
لا تخجلوا ..و لترفعوا عيونكم إليّ
لأنّكم معلقون جانبي .. على مشانق القيصر
فلترفعوا عيونكم إليّ
لربّما .. إذا التقت عيونكم بالموت في عينيّ
يبتسم الفناء داخلي .. لأنّكم رفعتم رأسكم .. مرّه !
" سيزيف " لم تعد على أك######## الصّخره
يحملها الذين يولدون في مخادع الرّقيق
و البحر .. كالصحراء .. لا يروى العطش
لأنّ من يقول " لا " لا يرتوي إلاّ من الدموع !
.. فلترفعوا عيونكم للثائر المشنوق
فسوف تنتهون مثله .. غدا
و قبّلوا زوجاتكم .. هنا .. على قارعة الطريق
فسوف تنتهون ها هنا .. غدا
فالانحناء مرّ ..
و العنكبوت فوق أعناق الرجال ينسج الردى
فقبّلوا زوجاتكم .. إنّي تركت زوجتي بلا وداع
و إن رأيتم طفلي الذي تركته على ذراعها بلا ذراع
فعلّموه الانحناء !
علّموه الانحناء !
الله . لم يغفر خطيئة الشيطان حين قال لا !
و الودعاء الطيّبون ..
هم الذين يرثون الأرض في نهاية المدى
لأنّهم .. لا يشنقون !
فعلّموه الانحناء ..
و ليس ثمّ من مفر
لا تحلموا بعالم سعيد
فخلف كلّ قيصر يموت : قيصر جديد !
وخلف كلّ ثائر يموت : أحزان بلا جدوى ..
و دمعة سدى !
( مزج ثالث ) :
يا قيصر العظيم : قد أخطأت .. إنّي أعترف
دعني- على مشنقتي – ألثم يدك
ها أنذا أقبّل الحبل الذي في عنقي يلتف
فهو يداك ، و هو مجدك الذي يجبرنا أن نعبدك
دعني أكفّر عن خطيئتي
أمنحك – بعد ميتتي – جمجمتي
تصوغ منها لك كأسا لشرابك القويّ
.. فان فعلت ما أريد :
إن يسألوك مرّة عن دمي الشهيد
و هل ترى منحتني " الوجود " كي تسلبني " الوجود "
فقل لهم : قد مات .. غير حاقد عليّ
و هذه الكأس – التي كانت عظامها جمجمته –
وثيقة الغفران لي
يا قاتلي : إنّي صفحت عنك ..
في اللّحظة التي استرحت بعدها منّي :
استرحت منك !
لكنّني .. أوصيك إن تشأ شنق الجميع
أن ترحم الشّجر !
لا تقطع الجذوع كي تنصبها مشانقا
لا تقطع الجذوع
فربّما يأتي الربيع
" و العام عام جوع "
فلن تشم في الفروع .. نكهة الثمر !
وربّما يمرّ في بلادنا الصيف الخطر
فتقطع الصحراء . باحثا عن الظلال
فلا ترى سوى الهجير و الرمال و الهجير و الرمال
و الظمأ الناريّ في الضلوع !
يا سيّد الشواهد البيضاء في الدجى ..
يا قيصر الصقيع !
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: MAHJOOP ALI)
|
سلام يا قيقا
كتبت ليك رد لكن الكوتة يا معلم انتهت، واهو انتظرنا الري
Quote: يا احمد حدد السؤال عشان نقدر نرد عديل
انا بالجد ما فاهم البوست دا موضوعو شنو، |
هل الكان بكتب هو محسن خالد ام الشيطان؟؟ وعليك الله ما تقول لي السؤال ما واضح
| Quote: وانت قناعاتك شنو في المسألة بالضبط |
انا قناعتي في المسألة كانت وهي مداخلة وحيدة لي في البوست
الرجل لم يكفر
الرجل لم يشرك
الرجل لم يدعي النبوءة
الرجل ادعي ما هو متاح لاي شخص
لكن قناعتي تغيرت، بعد ظهور قصة الشيطان؟ ودا افتكر من حقي
Quote: اما حكاية مصدقين او ما مصدقين كلام محسن فدا سؤال غريب بالنسبة لي ,,
بقراية الكلام في سياقاتو، استلف تعبير الاستاذة منى خوجلي الجميل (أصدق صدق محسن خالد) |
ياتو محسن؟؟ ماهو دا المحيرنا زاتو وساكين نعرفو، محسن الأول ام الثاني ام الثالث
| Quote: بجي احكي ليك قصتي مع الشيطان |
ياخي انت الشيطان قنعان منك زاتو، ^__^ وهذه ما قصدتها عندما ذكرت في أول البوست
-----
Quote: بعدين يا دفعة انظر للنصف الممتلئ من الكوب
كدا الواحد اضاف للسيرة الذاتية بتاعتو كفي ديغيتال (يناضم الانس والجن)
المافي شنو!؟ |
هههههههههه
Quote: فا شنو؟
بي كووووووول يا حبيب
اب غرة الاسفيري دا ما بسوي ليك الحبة دي
بعدين زول ظريف ذاتو ياخي |
نكلم بكري يديهو باسورد براهو وما يستغل زملائنا الاعضاء في المنبر
تحياتي
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
الاخ بله
تحياتي
Quote: وهذه قضية بالمناسبة ولغرابة الصدفه، يحاربها السلفييون بنفس شراسة محاربة الملحدين وبعض العلمانيين لها
يا أحمد
أنت مع ياتو مجموعة من الملونين أعلاه؟ |
لا هذا ولا ذاك، احنا ناس وسط ساكت، نتبع البرامج العملية، ولا شأن لي بعقيدة او ايدلوجيا اتمسك بها
اصلي خلف اي امام، سلفي، صوفي، درويش ساكت، اؤمن بوجوب وجود هذا الطرف وذلك الذي نقيضه
ودي طبيعة بشريه، زرعها الله فينا
"والهمها فجورها وتقواها"
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: أحمد ابن عوف)
|
الاخ محجوب علي
تحياتي
Quote: ود ابنعوف
انت قاصد ياتوا شيطان ؟
شيطان العقائد ؟
شيطان التراث ؟
شيطان السلطة ؟
الشياطين بقو خشوم بيوت !!!!!!!!!!
وارمي ليك سنيبهار
محسن شيطان من يوموا
شيطان ضد العقائد التي اضحت رسن علي افواه البسطاء
شيطان علي التراث الذي امسي افيون يخدر الغلابه
شيطان علي سلطة تتوهم ان العقائد والتراث سلعة لاتحتاج لتسويق او ترويج بل جموع من بسطاء وغلابه !!!!!!!!!! |
قاصد الشيطان الاعترف بيهو محسن شخصيا، ان ما جرى على يديه لم يكن يتحكم به بتاتا
وهذه آخر كلمات محسن بالامس
| Quote: الله وحده يعلم أنّ الذي وقع معي هو كما تم أمامكم بالضبط، ولم أتدخّل فيه بشيء مطلقاً. |
والاعتراف سيد الادلة
هناك من يعشقون المنهج الفلسفي والتنظير الايدلوجي والتحليل النفسي ... الاخ
انا لست منهم
شيطان يعني شيطان، الحدثنا بيهم القرآن والسنة النبوية
تلبُس، مس باي طريقة ما فارقه
شخصيا، لم اسيء الى محسن، اذهب الى بوستات والله الواحد يستحي من قراءة النعوت والالفاظ التي
وصف بها البعض محسن، لم افعل ولن افعل.
| |
|
|
|
|
|
|
|
|
|
Re: الى الذين كانوا يخاطبون الشيطان ويرد عليهم .. توجد أسماء (Re: الشفيع وراق عبد الرحمن)
|
سلام تاني يا أحمد
ما كنت أرغب أن اتكلم في ما يخص هذا الموضوع
لكن :
ما يُحمد لمحسن إنه زول سعىبكل ما يملك ليمتلك ناصية المعرفة وليكشف نواميس الكون والمعرفة وما يهم إلى طريق أوصلته تلك المعرفة
بس السؤال هل محسن كفرد كان يحتاج إلى كل تلك المعرفة لتسيير حياته الطبيعية كفرد؟
أعتقد أن ربع معرفته أو أقل يمكّنه من العيش في ود كامل مع الآخرين ولكنه أراد خدمة المجتمع وأرساء قيم المحبة والعدالة في مجتمع يحفه الظلم من أي جانب وذلك
باستخدام ذكاؤه الذي منحه إليه الخالق وعن طريق التبحر في ضروب المعرفة المختلفة ونشر ما تحصل عليه من علم ومعرفة على الملأ حتى تكون الفائدة عامة
وهل يستوي الذين يعلمون والذين لا يعلمون ؟
في كل الأحوال هو في سعيه هذا أفضل مننا فإن أصاب فله أجران وإن أخطأ فقد نال شرف المحاولة ويجب علينا إحترام إنسانيته
| |
|
|
|
|
|
|
| |
أحمد ابن عوف
عبدالوهاب علي الحاج
خضر حسين خليل
محمد عمر الفكي
Balla Musa
Dr.Elsadig Abdalla
Elsanosi Badr
قيقراوي
حمد عبد الغفار عمر
Muhib
الشفيع وراق عبد الرحمن
MAHJOOP ALI
هيثم التوم
فيس بوك
تويتر
انستقرام
يوتيوب
بنتيريست