|
|
|
 Re: إنتو الأرصفة حقتنا دي مختلفة من بقية العالم ليه؟ (Re: جلال جبريل)
|
غايتو المغتربين ديل لمن بيمشوا السودان اجازات بشوفو اي حاجة شينة 
عدا الاهل والاصحاب والجيران والناس عموما
بلد اجمل شي فيها .......... ناسها
------------------------------
إنتو الأرصفة حقتنا دي مختلفة من بقية العالم ليه؟
المشكلة في اللبع
ديل بلبعو وببلعو اي شي (متين الخلاص)
| |
  
|
|
|
|
|
|
|
|
Re: إنتو الأرصفة حقتنا دي مختلفة من بقية العالم ليه؟ (Re: جلال جبريل)
|
اجازتي الفاتت شلت معاى جلابية ناصعة البياض مع شالها - وكمان غالية بالمناسبة - عيدت بيهم اول يوم وقلت تاني لبسة ليهم تكون في دعوة اخونا العوض المسلمي ..قمت في الخرطوم فتشت لي محل مغسلة اتوماتيكية وفعلا لقيتها وشكلها راقي جدا كالتي اراها في المهجر ...سلمتهم ليها وقلت ليهو غسيل ومكوه ....جيت للاستلام قبل ساعتين من موعد الدعوة ...وعينك ماتشوف الا اللون السكري ...الجلابية والشال ناصعي البياض بقوا سكري ... ماعرفت اعمل شنو ؟ الغى المشوار ولا البس بدلة وانا الاشتريت المركوب عشان امشي بيهو ...مجبر مشيت الدعوة والجماعة قايلنها سكرية لغاية هسه والمزعلني الطاقية ماكانت معاهم لذلك فضلت في لونها الابيض الناصع ..تقول لى ارصفة !!!
المسألة كلها ياجلال انهم مابعرفوا يعملوا اى حاجة ..عالم جربندية لا بتعرف ولا عايزة تتعلم ...اى شغل عشان تنجضه عايز معرفة وده ماعندنا في السودان ...
تحياتي ،،
| |
|
|
|
|
|
|
|
|
|
Re: إنتو الأرصفة حقتنا دي مختلفة من بقية العالم ليه؟ (Re: فايزودالقاضي)
|
Quote: المسألة كلها ياجلال انهم مابعرفوا يعملوا اى حاجة ..عالم جربندية لا بتعرف ولا عايزة تتعلم ...اى شغل عشان تنجضه عايز معرفة وده ماعندنا في السودان ...
|
ود القاضي حبابك
أنا حسب رايي المشكلة إدارية، لأنو هنا الشغل كلو بعملوهو الهنود والهندي يعلم الله المشرف بتاعو
يبعد بي جاي هو يقيف بيجاي. ولو ما الإدارة صحيحة والاشراف سليم والعين مسلطة علي العامل مافي شغل
بينجح.. لذلك كلام الأخ عبد الخالق قد يكون فيهو شيء من الصحة. المقاول بيشيل حقو ويفك بي عدلو ودي هنا
محلولة بي "مشتشار" والمستشار ما شخص بل شركة أعلى من المنفذة تستلم الشغل وتوقع علي جودته...
شكراً فايز والجاتك في جلابيتك سامحتك
| |
|
|
|
|
|
|
| |
جلال جبريل
عمر عبد الخالق سعيد
فايزودالقاضي
عمار عبدالله عبدالرحمن
Kabar
ناذر محمد الخليفة
طارق زروق
فيس بوك
تويتر
انستقرام
يوتيوب
بنتيريست