|
|
|
 Re: ***** المـريـخ و الـهـلال دمـروا الكـرة السودانية ***** (Re: عبدالوهاب علي الحاج)
|
Quote: انت يا زول بتجيب النسب دي من وين ؟
قلت لي نسبة الخطأ 80% ليه اصلو بدربهم جورج بوك ؟
يا زول قوم لف بلا كورة معاك |
البوست دا أنا قنعت منو
صبري طه و عبدالوهاب .....؟؟؟؟
أسمع ياوهم ما ياهم الناس اللي أنا شفتهم في مباراة المريخ و مباراة الهلال
ياخ ديل الواحد لم تكون الكورة تحتوا و الله زي قاطع خور أبو عنجة في الخريف ....
مافي واحد ثبت ليه كورة صاح أما الباصات فحدث و لا حرج اللاعب زميلو في الشرق و الباص ماشي غرب
يعني اللاعبين ليهو الباص دا إلا إكون شايل ليه جبادة علشان إستلم الكورة
دي ما كورة لكن إنتو ناس مرضانين ساكت و أهو الحمد لله لقينا مثال وااااضح للمشجعين اللي دمروا الكورة ....
| |
 
|
|
|
|
|
|
|
|
Re: ***** المـريـخ و الـهـلال دمـروا الكـرة السودانية ***** (Re: khaleel)
|
Quote: والغريبة يا ابو حسين
الهلال كان محتاج لقون واحد ويتاهل
والمريخ كذلك
محترفين مهاجمين اسعارهم اكتر من خمسة مليون دولار
وما قادرين يجيبو قون واحد |
أقول ليك حاجة يا خليلنا و الله لا أجانب و لا سودانيين ما فيهم واحد عندوا تحكم في الكورة
ياخ عادي الواحد إكون جاري بالكورة إعفصها و إقع
و عادي تلى اللاعب عندو الكورة و برااااهو و بي كل أريحية إلعبها باص للخصم
ياخ ناس المريخ قروش وارقو دي كان عملت فريق من الشباب الآن إنافس برشلونة ...
لاعبين مرض و عاملين فيها منقطنها و إدارات وهم....
| |
|
|
|
|
|
|
|
|
|
Re: ***** المـريـخ و الـهـلال دمـروا الكـرة السودانية ***** (Re: Emad Mohamed)
|
| Quote: الاعلام السالب والمحسوبين على المهنة من اهم عوامل تدهور الكورة فى السودان يا ابوحسين. |
أخونا عماد سلام
يُقال (لا أدري إن كان صحيحاً أم لا )
أن الكابتن سليمان فارس سأله أحد الصحفيين عن رأيه في أسباب تدهور مستوى الكورة في السودان
سأل الكابتن الصحفي : إنت لعبت كورة ...؟؟؟
فأجاب الصحفي : لا...
فقال له الكابتن : دا أول سبب ...
تحياتي و إحترامي
| |
|
|
|
|
|
|
|
|
 Re: ***** المـريـخ و الـهـلال دمـروا الكـرة السودانية ***** (Re: ABUHUSSEIN)
|
الهلال والمريخ
هم في ماضي الذكري والتاريخ
زي المنقة والبطيخ
وعاد صبحوا سردين وفسيخ
==========================
فعلا الهلال والمريخ دمروا الكرة السودانية
بإحتكارهم سمعة الأندية والمشجعين وقد أنقسم الناس إلى قسمين لا ثالث لهما ( هلالابي أو مريخابي ) ، أندية في مدينة من مدن السودان الكثيرة ، يشجعها مواطن في طوكر وفي كادوقلي وسنار وفي جزيرة صاي وفي قوز رجب ومدني الخ .... المدن السودانية .
أحتكروا لاعبين (كبار في نظرهم) وهم لا يعرفون الكرة ، شتان ما بين اللاعب السوداني واللاعبين في دول افريقيا وآسيا وكل القارات ، بنظرة سريعة لو شاهدت مباراة كرة قدم بين فرق سودانية وأخرى إن شاء الله أندونيسيا ، تشعر الفارق وتدرك أننا لا نعرف اللعب .
مشكلتنا في عدم إعترافنا بالحقيقة ( ندرة لاعب سوداني يعرف يلعب كرة ) ومشاكل أخرى لا حصر لها وهي ناتجة عن العقلية السودانية .
| |
|
|
|
|
|
|
| |
ABUHUSSEIN
عبدالوهاب علي الحاج
khaleel
Emad Mohamed
ولياب
فيس بوك
تويتر
انستقرام
يوتيوب
بنتيريست