|
|
|
 راجع صور زيارات الرئيس لدارفور وبحر العرب . (Re: Dr Salah Al Bander)
|
يعني يادكتور سهل جدا لأي مواطن أن يرسل طلقة لعمر البشير لو أراد ذلك , ولن يمنعه بعض الأفراد من قوات الأمن المحيطين به وأيادي أغلبهم خالية من أي سلاح .
ولا تستطيع أن تنكر بأي حال من الأحوال المسيرات العفوية التي خرجت وسار وسطها مكشوف الظهر وفاتح الصدر وحشود عشرات الآلاف الذين لا يمكن لأي جهة أن تسيطر عليهم سيطرة كاملة .
راجع صور زيارات الرئيس لدارفور وبحر العرب .
| |
 
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: salee)
|
رئيس أكبر دولة في العالم يأتي العراق متخفياً
وينزوي مسافرا في جنح الظلام دون إعلان،
البشير يعلن سفره قبل يوم على الأقل ويستقل سيارة
مكشوفة ويرقص ماشاء له الدلال،،
فليفعلها أحد أساطين القرن الجديد في أي بقعة
في العالم،،
شعبية البشير ليست لأنه المحبوب والمعشوق الأوحد
العكس : الموضوع الآن يتعلق بالوطن ، ضد العمالة،
ضد الخيانة، ضد الإرتزاق!!!
الشعب بحسه وبسجيته فطن لمخططات تهدف إلى صوملة
السودان والحالمون الواهمون الداقسون في أبراجهم
العالية يرجون فرحاً من بين براثن الآثمين ،،
بروافو شعب السودان!!!!!
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: عبد اللطيف بكري أحمد)
|
د.البندر
تحياتي
حشد الناس واخراجهم في مظاهرات مؤيده تجاره تجيدها الحكومه السودنيه , و تمارسها عند الحاجه في محاولاتها المتكرره لخداع الرأي العام الداخلي والعالمي بأنها تتمتع بدعم شعبي . بينما لا يستطيع بضع أشخاص التظاهر في أي قضية أخري تؤرق مضجع المواطنيين ...
ويواجهونها بالعنف المفرط وهو ديدن المجرمين المتكبرين ....
لكنها نسيت أو تناست أن حالها أصبح مكشوفا لدرجه أنه لن ينفعها أن تخرج مثل تلك الجموع ... فهي تقف عاريه أمام العالم أجمع بعد أن رأى وسمع بجرائمها التي لا يمكن انكارها ...
الحكومه لا يمكنها ستر عورتها, وأن فعلت ما فعلت فهي حكومه مجرمه ومطلوبه للعداله الدوليه ولن تتمكن من الأفلات بالتظاهر أو بتوزيع صكوك الغفران لمن يؤيدها بالوطنيه ومن يعارضها بالعماله والأرتزاق ...
لقد أنتهت اللعبه وليس هناك سوي مواجهه جرائمهم ودفع ثمنها ...
وسترون جميعا ذلك قريبا جدا ولو كره الزبانيه والمؤيدون ....
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: jini)
|
جني ياخوي أظنك تعلم أن أرباب الاستراتيجيات ما بيشتغلوا بالشخصيات والأفراد ـ وسواءآ تمترس البشير أم لم يتمترس لن يثنيهم عن أهدافهم شخص البشير سواءآ ذهب أو بقي !!! .. لأنو لو هسة البشير مشي ليهم وختوهو في السجن تاني يوم حيطلعوا ليهم إسم تاني وتالت ورابع و..و.. فالحكاية يا أخي ليست تمترس وعدم تمترس ـ الحكاية حسب تقديري المتواضع هي: أن نهضة السودان ووحدته وقوته بمساندة الصين وروسيا سيسحب البساط من تحت اقدام الدول الغربية التي كانت واضعة افريقيا كمخزون موارد استراتيجي ـ والليلة يوم العوزة !!.. وهم شافوا إن السودان سيكون بوابة الصين وروسيا لأفريقيا ـ والافارقة جاهزين للإلتفات شرقآ .. والشغلانة دي حتكون قاصمة ظهر للغرب المترنح ـ ياخي الواحد ما قادر يصدق أن الرجل الأمريكي الأبيض بقي بأسرته ساكن في الخيام زي ناس معسكر قومو بتاع الكونغو داك !! .. شاهدتهم قبل كم يوم في قناة الجزيرة واندهشت !! .. الناس اصبحت ساكنة في العراء لأنها ماقادرة تدفع الايجارات !!!! .. ولا يزال تسريح العمالة في امريكا والغرب عمومآ جاري زي الريح !! .. والأحوال ماشة في تدهور !! .. أها مع الحالة الصعبة دي يقوموا يلقوا بلد فقير هلفوت زي السودان يبني في السدود والطرق ومنطلق زي الصاروخ بمساعدة الصين فلازم يجن جنونهم!!! ، لأنو لو باقي الافارقة شافوا إنو السودان نجح ونهض بدون مساعدة امريكا وبل بمساعدة المنافس الصاعد الصين فذلك أمر لا يمكن السكوت عليه !!! .. وأسهل طريقة لفرملة التعاون الافريقي الصيني هو صوملة افريقيا حتي تهرب الاستثمارات وتهرب الصين ويقتتل الافارقة ويأتون هم في شكل ملائكة رحمة وإغاثة ورسل انسانية !!! ..
أنظر لتوقيت قراراتهم ضد السودان .. دائمآ تكون في الاوقات التي تلوح فيها آمال السلام وتوقيف الحرب .. هسة قرار المحكمة ده بالذات قصدوا منه إشتعال الحرب الأهلية وحرب شوارع في العاصمة والاقاليم وينفرط العقد .. والصورة طبعآ بيكون رسمها ليهم الجلبيون السودانيون.. يكونوا قالوا لأوكامبو إنو الزنوج محيطون بالخرطوم في شكل حزام أسود وما ادراك ماالافريقانيون أغلبية وينتظرون الفرصة للإنقضاض علي السلطة و..و.. زي كلام مرشدهم محمد سليمان الإنت عارفه !!..
لكين يازول قول الحمد لله إنو النتيجة جات عكس ما يشتهون .. ونحن يجب أن نعض علي هذه الوحدة الجماهيرية العفوية بالنواجذ وقد جعل الله هذه الوحدة العفوية ملتفة بالبشير .. فأصبح هذا الالتفاف سد جماهيري منيع ضد المؤامرات التي يريدون بها إحداث الفوضي لطرد الاستثمارات وعدم تمكيننا من الاستفادة من مواردنا الهائلة .. فيا أخي الآن زمن المواجهة وكل فريق عاضي التاني والبقول واي حقو راح !!!..
إذن لابد من تمترس البشير ولا بد من الوحدة الوطنية معه في هذا الظرف الحرج ـ والقيادات الكبري بعيدة النظر فطنت لهذا الخطر العظيم فوقفت مع البشير رغم أنها كانت المتضرر الأكبر من انقلاب الإنقاذ .. طبعآ أنا أقصد زعامات حزبي الاتحادي والأمة ..
فياخي قصة تنحي البشير دي شيلها من راسك ولا تظن أن الفلم حينتهي بنهاية البشير ـ بل ربما يادوب حيلقوا فرصتهم بنصب المزيد من الشراك حتي تقع الجماهير في فخ الصوملة ..
إزاحة البشير ليست هي هدفهم بل إزاحة الصين هي الهدف !!! ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: طلعت الطيب)
|
Quote: دى اشارة خاطئة للبشير وعشان كدة كلامو كله بقى بالجزمة وهذا سيؤدى لتصعيد لا مبرر ليهو سيتم تسوية موضوع السودان فى طاولة المساومات فى غياب السودان واخشى ما اخشاه ان يدخل السودان فى متاهة العقوبات نتيجة لتمترس البشيروسيتشرنق فيها ويزداد التسليح للحركات الدارفورية وتصرف الدولة على التسليح والأمن ويهرب الاستثمار وطنى واجنبى وترتفع الاسعار وسيكره الشعب البشير واليوم الذى اتى فيه البشير!
اى زول بعرف شوية اقتصاد وسياسة بيعرف التبعات والمآلات!
البشير الان عبء على المؤتمر الوطنى وسيصبح عبئا على السودان بأجمعه!
انت وانا قاعد والارشيف قاعد! |
صدفت، با جني!
وهنا عين الحكمة:
Quote:
لمكابرة لن تفيد ولن تفيده الكبارى او السدود ولن يصح الا الصحيح وهو التصالح مع كل اهل السودان والتعامل مع المجتمع الدولى باحترام وليس بالجزمة والصرمة! |
تحياتي لك يا د.بندر، مع رجائي أن تعلق على تحليل الأخ جني، الذي اتفق معه اتفاقاً تاماً في الجزئيات التي نصصتها من رأيه.
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
.. بعدين يا جني هو في عقوبات وحصار أكتر من العاملينو دا؟؟ .. لا قادرين نستورد اسبيرات لا تكنولوجيا ـ قطاراتنا وقفت وطياراتنا ماشة بدون صيانة و..و. وبترولنا الاكتشفوه من السبعينات خلوه مدفون ، لا حنوا علينا ولا قالوا لا حليلنا .. كانوا داخرينه ليومهم ده .. لكين زي ما شايف الطمع ودر ماجمع !! .. قالوا يدكنوه لغاية ما جو الصينيين شالوه !! .. فاصبحوا يقلبوا كفوفهم علي ما انفقوا فيه وعلي تفريطهم فيه !! ..
وبعدين عقوبات شنو البيفرضوها اكتر من كده ؟؟ .. يقفلوا ابوابهم بالغرب تتفتح الابواب بالشرق ولن يحاصروا إلا انفسهم !! .. ياخي إنت ساعة تقعد عمرك كله تحارب ده وتحاصر داك وتحاصر داك في الآخر حتلقي نفسك حاصرت نفسك براك !!! ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
يا جني نعم هناك مصالح بين الصين وروسيا وامريكا أكبر من السودان .. ولكن لا تنس أن بينهم أيضآ صراع مصالح وتنافس علي الهيمنة حسب فطرة الشعوب !! .. وزي ما شايف أن أمريكا ظلت سيدة العالم بلا منازع وذلك لأنها محتكرة تجارة النفط ومستحوذة علي نفط الشرق الاوسط وهي بذلك ماسكة العالم من ايده البتوجعه .. وإذا واصلت امريكا في السيطرة علي نفط افريقيا كمان ومواردها فستكون الصين تحت رحمتها ايضآ الي أجل غير مسمي .. ولا أظن أن الصين ستفرط وتترك امريكا تحتكر نفط افريقيا ومواردها الأخري ايضآ لتظل طول الزمن تابعة للغرب تستجديه الانضمام لهذه المنظمة وتلك المنظمة !!! ..
أنا رغم عدم اطمئناني وعدم ارتياحي للصينيين لأنهم قوم ماديون إلا أني اعتقد أنهم أخف ضررآ لأنهم ليس لهم معنا صراع تاريخي حضاري ديني مثل الغرب الذي ينحاز لعدونا الصهيوني التاريخي وذاك عداء أزلي إلي قيام الساعة !!..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
| Quote: الكيزان وقلة عقلهم.... |
طبعآ هذا مثال للخطاب الساذج الذي لا يري الدنيا إلا من خرم كيزان وشيوعيين ..
.
.
Quote: يا ود الزين انت ماشى للنازية وتحشيدها وده موضوع يطول
لكن بدل التعب ده ممكن جدا اجيب ليك برضو الاف الصور لنفس المشاهد حول تحشيد اهلنا البسطاء
على ايام السفاح جعفر نميرى
شوف نهاية نميرى كانت كيف وقيس على ذلك يا رجل |
طيب يا محترم ابقي راجل واحشد الجماهير دي لإسقاط البشير كما اسقطت نميري بدلآ عن الهروب والتمسح بالغزاة ليخلصوك منه ..
نظرتك للأمور مقلوبة ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
| Quote: لمكابرة لن تفيد ولن تفيده الكبارى او السدود ولن يصح الا الصحيح وهو التصالح مع كل اهل السودان |
يعني يا جني التصالح مع أهل السودان ده كيف في نظرك؟؟!! .. ياخي هناك اتفاقات سلام واستفتاء موعود وانتخابات متفق عليها وارتضتها احزاب السودان الكبري التي تمثل هذه الجماهير الشايفها في الصور ـ مش ناس قريعتي راحت ناس احزاب الفكة والطفيليات !! .. انتخابات وتحول سلمي مرتقب ارتضاه الصادق والميرغني ونقد ومناوي وناس الشرق وحتي الحركة الشعبية الخاتة كراع جوةوكراع برة دي .. و.و.. والجمهور منتظر .. يعني تصالح أكتر من كده كيف؟؟ .. يعني يلغوا أي حاجة ويقولوا خلاص فكيناها وكل زول يأخد نصيبه ؟؟ .. يعني الناس بعد الدم ده كله والدموع دي كلها وبعد ما خلاص الناس استبشرت بالانتخابات يجي اوكامبو يقطعها لينا ويدكها لينا فوق راسنا عشان حفنة من الغاضبين من الكيزان من زمن اتحادات الجامعات المتسكعين في الغرب وهم لا وزن لهم في الشارع السوداني بتاتآ؟؟ .. يعني عشان خاطر ناس جمعية اوكامبو وباقي الكرور نقعد ننتحر وندك مسيرة السلام ونرجع تاني لمربع التسعينات؟؟ !!! ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
.. الترابي المنافق ده الهسة الناس بتهلل ليهو ومحتفية بكلامه عن تسليم البشير والذي اصبح يري أن الغرب عادل ورحيم ، سمعته بأضاني في قناة الجزيرة أوالـmbc ما عارف ـ أيام سطوته وتمكنه ـ قال أن الغرب لن يتركنا حتي يقضي علي آخر أثر عربي واسلامي فينا !!! ..
الليلة جايي يغازل الغرب ويتملقه !!!!! .
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
طبعآ معروف جدآ نظرة اتباع الأحزاب الطفيلية وادعياء الاستنارة والمتعلمين لهؤلاء الغبش ـ فإنهم دائمآ ما يستخفون بهم ويعتبرونهم جهلاء ، عوام، سذج، أميين، ماقروا جامعة ، رعاع، مخمومين، متخلفين ،..،..، إلخ .. وهو بالضبط انطباعهم عن آبائهم وأكابرهم وأهليهم الذين لم يلتحقوا بالتعليم العالي حيث يعتبرونهم قاصرين ليسوا راشدين.. ولذلك لا يتركونهم ينعموا بإختيارهم لقياداتهم المنتخبة في الحقب الديمقراطية ، وسرعان ما ينقلبوا علي خيار هؤلاء العوام ليفرضوا وصايتهم عليهم .. سواءآ كانوا يمين أو يسار .. فإنهم اصحاب العمل السري والمؤامرات .. والشاطر فيهم هو من يصحو مبكرآ ليسيطر علي الحكم .. وسرعان ما تتكور المعارضة العنيفة من الطرف المتأخر ـ الذي شالته نومة ـ ويتحجج في معارضته بإستعادة الديمقراطية المغتصبة ـ دعاوي حق يراد بها باطل ..
وفي حالتنا الآنية نري أن هذا الفريق الشالته نومة عندما رأي أن أي ديمقراطية قادمة لن يكون له فيها حظ ـ كالعادة ـ نراه يستميت في إجهاضها قبل أن تولد !!! ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
Quote: طبعآ هذا مثال للخطاب الساذج الذي لا يري الدنيا إلا من خرم كيزان وشيوعيين ..
.
|
الاخ منير
سلامات
طيب سذاجة صناع القرار فى حكومة الجبهة الاسلامية تقول عليها شنو؟
Quote: غازي صلاح الدين للإنتباهة Saturday, 16 August 2008
: س: رغم ذلك هناك أزمة في ادارة هذه الأزمة من جانبنا وتم توريط السودان ربما من غير قصد في القبول ببعض القرارات الصادرة من مجلس الأمن مثل القرار 1593.. هل هناك مشكلة في التعامل مع العقلية الغربية بوجه عام..؟
ج- لا شك أنه عندما صدر القرار 1593 وكان أخطرقرار، قلت للأخوة هنا في صناعة القرار أن لا نقبل به.. وعلمتنا التجربة اللاحقة في القرار »1706« أنك إذا صمدت وقاومت بصورة مبدئية يمكن أن تلغي القرار وتعدله، وما كان ينبغي أن يقبل بالقرار»1593« الذي أحال القضية للمحكمة الجنائية الدولية واعتقد أن القبول به كان سذاجة.. !! والآن أنت ترى أن الأيام تصدق المخاوف التي تحدثنا عنها، والقرار الآن يوظف ضد الدولة من أعلى هرم سلطتها إلى مسؤولين آخرين بها، وكان ينبغي أن تتعلم أنه لا يمكن قبول أي شئ من الأمم المتحدة ولا كل ما يصدر عنها يكون صحيحاً ويمكن قبوله. )
|
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
الاخ منير
هذا الخطاب مرفوض جملة وتفصيلا
لا يصح ان تصف جزءاً من ابناء الوطن بهذه النعوت العنصرية .
فانت لم تكن خالقهم او رب نعمتهم .. كما انك لست اصيلاً في الوطن و الاخرون دون ذلك .
اما كل ما كتبته من تآمر الغرب على السودان هو لا يعدو ان يكون وهماً في مخيلتك , او سعياً للهروب الى الامام .
اخي الفاضل , ليس ما يمنع من وحدة اهل السودان و لكن على اساس تساوي الكتوف و ليس بلغتك هذه .
انا اعتقد من تصفهم بالكرور ارحم لك الف مرة من كل ما تحمله قادمات الايام لك و الايام بيننا .
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: الصادق ضرار)
|
Quote: ياخي هناك اتفاقات سلام واستفتاء موعود وانتخابات متفق عليها وارتضتها احزاب السودان الكبري التي تمثل هذه الجماهير الشايفها في الصور ـ مش ناس قريعتي راحت ناس احزاب الفكة والطفيليات !! .. انتخابات وتحول سلمي مرتقب ارتضاه الصادق والميرغني ونقد ومناوي وناس الشرق وحتي الحركة الشعبية الخاتة كراع جوةوكراع برة دي .. و.و.. والجمهور منتظر .. يعني تصالح أكتر من كده كيف؟؟ .. يعني يلغوا أي حاجة ويقولوا خلاص فكيناها وكل زول يأخد نصيبه ؟؟ .. يعني الناس بعد الدم ده كله والدموع دي كلها وبعد ما خلاص الناس استبشرت بالانتخابات يجي اوكامبو يقطعها لينا ويدكها لينا فوق راسنا عشان حفنة من الغاضبين من الكيزان من زمن اتحادات الجامعات المتسكعين في الغرب وهم لا وزن لهم في الشارع السوداني بتاتآ؟؟ .. يعني عشان خاطر ناس جمعية اوكامبو وباقي الكرور نقعد ننتحر وندك مسيرة السلام ونرجع تاني لمربع التسعينات؟؟ !!! ..
|
كويس انك جبت سيرة اتفاقيات السلام , بموجب (اتفاق سلام نيفاشا) اتى الدستور الحالى الذى شارك فى صياغته كل الاحزاب رغم ثنائية اتفاق السلام , سؤالى لك , لماذا عطل حزب المؤتمر الوطنى هذا الدستور الذى التف حوله كل الكيانات السياسية ؟
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: خالد حاكم)
|
.. يا أخ الصادق ضرار طالما أنت في الكلام الكتبناه ده كله ما عترت ليك غير كلمة كرور دي ممكن تذكر لي إتنين تلاتة من الفئات الأنا وصفتها بالكرور دي؟؟..
______________________________
يا أخ خالد حاكم .. أنا ما قاعد أمشي اتبحر في الورق والدستور وما الدستور .. أنا بشوف المشاهد القدامي .. والأنا شايفه إنو المؤتمر الوطني والحركة الشعبية وباقي مكونات الحكومة مافي واحد فيهم قال الاتفاقات إتلغت أو الحكومة نطت من اتفاقها ـ وشايف ناس سلفاكير وياسر عرمان وجبهة الشرق وناس مناوي ما يزالون مهججين وماسكين في عقد بينهم لم يشتكي أي منهم من نقضه !!! .. ولو حصل نقض أو تعطيل طيب أسأل الحركة الشعبية وقول ليهم القاعدين ليها شنو؟؟!!!..
وإنتو الحركة الشعبية دي اصلو ما بتتجرأوا تسألوها؟؟ حركة مستفردة بحكم كل الجنوب ونص حكومة الشمال وبتاخد نصف ايراد البترول ونص جهاز الأمن وتوقع علي كل سياسات الحكومة ـ وبعد كده تقول لي المؤتمر ألغي الدستور والحركة قاعدة تتفرج؟؟ !!! ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: الصادق ضرار)
|
لا قادرين نستورد اسبيرات لا تكنولوجيا ـ قطاراتنا وقفت وطياراتنا ماشة بدون صيانة و..و. وبترولنا الاكتشفوه من السبعينات خلوه مدفون ، لا حنوا علينا ولا قالوا لا حليلنا ..
إنتو منو..??
أوعا تقول نحنا الشعب السودانى الذى طبقنا فيه شريعة الله..
إنتو منو??
ومن الذى خولكم للتحدث باسم الناس..
من تكونون , سوى مجموعة لصوص وسارقين لأموال الشعب
تتبعهم جوقة من المعميين ,
فلتذهب أنت ونظامك وأوكامبو إلى الجحيم..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: الجيلى أحمد)
|
من الآخر كدة!
انا و انت
وكل المتداخلون الكرام
مافي سوداني واحد بفكر في أغتيال واللا تصفية جسدية
يعني
ممكن البشير
أو نميري
أو فرتكان
وطالما هو رئيس سوداني
ممكن كلهم الناس تختلف حولهم
ويناضلوا
من زمن المنشورات
والمظاهرات غير المعدة مسبقاً
وحتي الزمن السجم
الزمن الوهم
ومن النضال خلف الكيبوردات
لكن مافي واحد بقدر يستأسد علي السيادة الوطنية
كضابين يا مان
انا عمري ما كت أنقازي
ولا قاعد أصلي ذاتو يعني من الآخر كدة
لكن صدقني الناس ديل اغلبهم خاشين تحت شعار كضباً كاضب الجديد
أما بخسوس أنو الصور دي طبيعية
اقول ليك حاجة
قبل كم يوم كدة
انا كنت قاعد مع مان كدة
من أشد الكارهين لي نظام الأنقاز
لأسباب نضالية و أسباب شخسية
حضرنا زي مسيرة كدة
في قلب الخرتوم
مافي زول علق عليها خالس
لكن في النهاية أخونا بعد ما عرض ليه عرضتين مع القيقم
قال لي ياهو دة السودان
وياهم ديل السودانيين
يا أخواننا ناس كضباً كاضب ديل ما تصدقوهم
قلنا ليكمممممممممممم!
علي فكرة
الله يطلع د الفهم الناقص
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
يا رخيص لو كنت تظن أن الرجال تبيع مواقفها مثلك وترتجي جزاءآ من جبهة أو شيطان تكون واهم !! ..
أنت مدعاة للتندر
فليس من إنسان عاقل يلغى وظيفة الدين داخله
عبر الشتم,
أنت يامنير لاشئ,
شخصية يتمثل فيها عجز الإنسان المتأسلم عن التعبير..
لو أخضعت لك الأرض بمفاهيمك فستصبح زرائب للبشر
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: الجيلى أحمد)
|
Quote: فليس من إنسان عاقل يلغى وظيفة الدين داخله
عبر الشتم,
أنت يامنير لاشئ,
شخصية يتمثل فيها عجز الإنسان المتأسلم عن التعبير.. |
هسة الدخل الدين هنا شنو؟؟!!!..
العاجز هو من يحاول أن يلبس الآخرين ثوبآ من خياله ليحاكمهم به !!! .. تلبسون كل من يخالفكم ثوب الكوزنة لتلجموه عن الرد علي سفاهاتكم .. يالك من بئيس !!..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: الجيلى أحمد)
|
Quote: انا لم أقل بأنك كوز,
أنت تخيرت تلك الصفة وهى حلال عليك ,
هل يحرجك وصف الناس لك بالكوز?? |
الكوزنة بالنسبة لك خلاف سياسي وصراع علي كراسي ..
بالنسبة لي الاختلاف عقدي مفاهيمي ..
أنت وأشباهك تحاولون إلباس مخالفيكم ثوب التدين لتحاكموهم اخلاقيآ لأقوالهم وسلوكهم !! .. وتعتبرون الكيزان هم تختة التدين التي يجب أن تكون شريفة ونظيفة !! .. بينما تتحللون انتم من أي ثوب تدين اخلاقي يمكن محاسبتكم به .. وبذا حينما يعجز خطابكم منطقيآ تلتفتون للألفاظ والسلوك .. وهو ما ظهر في ردك التعيس اعلاه.. يعني انتم بلاوعي تضعونهم في رتبة التدين والأخلاق والفضيلة ويكون عماد معارضتكم لهم هو تصيد سقطاتهم وحيادهم عن الفضيلة التي رسمتوها لهم !!! .. وفي المقابل وضعتم انفسكم في موضع اللافضيلة ولا تدين حتي لا تحاسبوا ..
.
.
لا يحرجني وصف كوز لأنه لا يعنيني .. لكني أمقت البهتان ..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: الجيلى أحمد)
|
Quote: كل ردودك تعيد إلى الذاكرة سيرة صحائف" الوان"
حين تصبح الكتابة تهريج وكل الكون فى تسابق محموم
لتحصيل الشهادة,
لماذا تخجل عن الإفصاح بأنك متأسلم ..?? |
انت يازول مفلس؟؟ .. شنو متأسلم ومتدين وما ادراك؟.. عامل لينا الموضوع غلوتيات شفع!!!...
متأسلم واللا ما متأسلم هي قضيتك هنا؟؟ ..
.
.
أنا يازول صعلوق ساي وجاي للهلافيت الزيك ديل ..
.
.
.
الظاهر إنو الواحد مضيع زمنه معاك في الفارغة ساي .!!
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
الاخ د. صلاح
تحياتي..شكراً على البوست..
الاخMunir
للذكرى والتاريخ والميعاد المضروب قمت بحفظ كل الصور الجماهيرية التي انزلتها في هذا البوست للتاريخ وسأنزلها يوما ما بعنوان ( للاخ Munir مع التحية).
لكن أذكرك بحادثة حدثت يوم الجمعة 2/6/1976م في تمام الساعة التاسعة صباحاً وكل مواطني امدرمان على الشارع الرئيسي المؤدي إلى شارع وادي سيدنا وكل الجماهير تهتف سقطت سقطت يا نميري والزغاريد في العلالي كنت حينها في الصف الرابع الابتدائي، والكل فرح بزوال نظام مايو وامدرمان كلها تهتف والارض تهتز بالهتافات.
وأثناء تلك الزغاريد والفرحة العامرة تأتي سيارة فلكسواجن كبيرة (حافلة) والبا الخلفي على مصراعية مفتوحاً ويظهر جندي ملامحه أقرب للتشاديين او النيجريين ويمسك بمدفع رشاش فيما بعد عرفت أنه المدفع 42 ونزل رجل طويل القمة يرتدي بنطول وقميص عادية جدا وسأل الناس أين منزل الشيخ يسين عمر الامام وبصوت واحد دله الناس على ذلك البيت الكبير، والنساء تزغرد ونحن أطفال حار بنا الدليل لكننا كنا نعلم جيداً ما يدور وكنت واحداً من طلائع مايو مع الاخ هاشم الزبير (القيادي المايوي المعروف في الاتحاد الاشتراكي)، لكننا لم ندري لماذا كل هذه الزغاريد..؟!.
المهم مع منتصف النار وسخونة الجو رجعنا إلى بيوتنا ومع آذان الظهر من مسجد الامين عبدالرحمن الضرير على شارع الوادي مكان كنا نقف سمعنا صوت اطلاق رصاص في الهواء وفهرعنا جميعاً للشارع مرة آخرى وكنت استغرب من ناس امردمان في كل الانقلابات يخرجون للشارع مع الرصاص والدبابات.
وفجأة ظهرت دبابة كبيرة كنا نطلق عليها (صلاح الدين) وعلى ظهرها يركب ابوالقاسم محمد ابراهيم ومعه شخص آخر وكانا يطلقان الرصاص في الهواء وعلامات النصر فوق روؤسهم.
وبعد قليل
بدأت الزغاريد والصيحات عائد عائد يا نميري.. ولاول مرة أهتف مع الناس عائد عائد يا نميري بكل جوارحي كنت أشعر بهذا الهتاف لمعرفتنا بجعفر نميري وكنا نراه مترجلاً من سيارته ويرفع يديه بالسلام على ناس الحي وبالاسم في شارع ودالبصير بودنوباوي، وكنا نرى نميري في أعياد مايو التي شاركنا فيها منذ صغرنا وكانت تأتينا البصات لحضور العرض العسكري وكنا في طلائع مايو ثم الكشافة البرية بمركز شباب امدرمان.
المهم
رجعت الزغاريد والفرحة بعودة النميري..
وفي المساء كنت أفكر ملئاً..
الجماهير هللت وكبرت وفرحت بزوال نظام نميري..
وبعد ساعات
هللت وزغرت بعودة نميري..
هذا هو الشعب السوداني الذي خرج للبشير في درافور وفي كل مناطق السودان وسيفعلها مرة آخرى مع رئيس آخر..
والايام دُول..
وسأذكرك أخي Munir
والتحية لك والاخ صلاح..
| |
|
|
|
|
|
|
|
|
|
Re: وترى الشوك فوق الورود وتعمي أن ترى فوقه الندى إكليلا (Re: Munir)
|
Quote: افريقيا كمخزون موارد استراتيجي ـ والليلة يوم العوزة !!.. وهم شافوا
إن السودان سيكون بوابة الصين وروسيا لأفريقيا ـ والافارقة جاهزين للإلتفات شرقآ ..
والشغلانة دي حتكون قاصمة ظهر للغرب المترنح |
يعني السودان يقاتل مع الصين من اجل مصالحها ومصالح روسيا...تعرف انو النظام في بوكير قبل
كان يقول امريكا وروسياقد دنا عذابها ولمي جدادك..
(وللحق ماكان يقول الصين) وكان يهدف لتجيش الناس ضدهما لا بغرض المصالح
التي تفضلت بذكرها ولكن وكان بهدف انو الموضوع يتعلق بان روسيا وامريكايجمعهما العداء للاسلام
ولكن اليوم العقلية تبلدلت بسبب تبدل المصالح ...اذن الحرب حرب مصالح اليس كذلك؟؟والخصومة مبنية
علي المصالح ونحن نعرف كدة كويس وليس هي شعارات جوفاء تتطلق تارة مببرة باسم الوطنية وتارة اخري
باسم الدين...وده كمان بنور لينا طريقنا وبخلينا نعرف فكرة الدفاع عن الانقاذ وزي ما هي الرويحة
حارة وحلوة كمان برضو المصالح بتاعة البزنس برضها حارة زي ماهي حارة لامريكا....
بعدين ياخي شنو انت فالقنا الديقراطية و الانتخابات؟؟ياخي الديمقراطية دي نحن بنعرفها انها مناخ مش
انتخابات .والانتخابات لا تعني اكثر من اداء لتنفيذ الديمقراطية مش هي زي الديمقراطية المدعاة
في غياب الحريات
والحقوق التي سوقها النظام التمكين والتي
لن تنطلي علي احد(باستثناء هتيفة النظام ومترفيه) ...بمعني في غيات الحق في التعبير صحافة وندوة
والحق في التظاهر اذا الحكومة لا تحتمل الراي الاخر وتعد بتقطيع الاوصال وتزور الانتخابات حتي النقابية
وتزل المعارضين ودونك البورد ده...وتمنعهم من..............
Quote: طبعآ معروف جدآ نظرة اتباع الأحزاب الطفيلية وادعياء الاستنارة
والمتعلمين لهؤلاء الغبش ـ فإنهم دائمآ ما يستخفون بهم ويعتبرونهم جهلاء ،
عوام، سذج، أميين، ماقروا جامعة ، رعاع، مخمومين، متخلفين ،..،..، إلخ ..
وهو بالضبط انطباعهم عن آبائهم وأكابرهم وأهليهم الذين لم يلتحقوا بالتعليم
العالي حيث يعتبرونهم قاصرين |
طبعا الكلام ده كانت بتقولو الانقاذ في فترة التمكين...
وكانا عندما نقول لهم انهم غير ديمقراطين وامعاناً في اخفاء انتماءهم (كما انت الان) كانو
علي وشك انو يقولو صعاليق وما بصلو وتصدق عديل كدة كانو بقولو لا لتجار الدين والطفيلين
اما عندما تكون الاسئلة متعلقة بانهم ارتدو علي الديمقراطية يقولون لك اي ديمقراطية دي
ديمقراطية الطائفية دي ياخي الشعب السوداني ده مليان امية فلن يصوت بشكل متطور الا بعد ان
يتعلم كويس ..(طبعا نحن فاهمين انو بعد يتجهل كويس) ...والان انتم تقومون بدور التجهيل .
لذلك الصراع سيستمر فارجو الا تدع فكرة انو الناس كلها ستجتمع علي قلب نفر واحد ...ياخي
مافي اجماع في العمل السياسي ...حتي الرسول (ص) وفي المدينة المنورة كان له معارضين..
دعك من البشير وصحبه...طبعاً انت بتفتكر انو خلاص روحكم طلعت ولسان حالك يقول انو الشعب
ده نحنا ده الوقت الوحيد الذي ممدنا له قرعة التأيد والله مايقيق معانا نقطع اوصاله علي
طول ...زمان كنا بنمد له قرعة نشحد منو الاتوات والجبايات وهي مازلنا نرفع ليه علي الرغم
من اننا دولة نفطية ونفطنا يسد عين السد زاتو لكن برضو نحنا ما بنستغني منو عشان دي بتساعد
في الازلال والافقار وكمان ممكن تساعدنا في حياة نقنقة ومنصرفات المجاهدين وحورهم...
| |
|
|
|
|
|
|
|
|
|
فشل آخر لصلاح بندر (Re: Dr Salah Al Bander)
|
إن عدم مقدرتك يا صلاح بندر على تقييم مقدار الدعم الذي حصل عليه فخامة الرئيس البشير بعد قرار المحكمة الجنائية ..
يعتبر فشل بأحد أمرين::
الأول:: إما الفشل في التغلب على الأهواء الذاتية وبالتالي فشلك في القدرة على قول الحقيقة ..
الثاني: أو الفشل في القراءة الصحيحة للاستفتاء الشعبي العظيم الذي عم القرى والحضر ..
اختار أحد الفشلين ..
ليضاف إلى الفشل والنزاع المخزي في مركز حقوق الإنسان بالخرطوم ..
شيء محزن والله .. لمن الشخص يكون وصل لهذا العمر ..
جاد
| |
|
|
|
|
|
|
|
|
|
شكرا منير (Re: JAD)
|
Quote: جني ياخوي أظنك تعلم أن أرباب الاستراتيجيات ما بيشتغلوا بالشخصيات والأفراد ـ وسواءآ تمترس البشير أم لم يتمترس لن يثنيهم عن أهدافهم شخص البشير سواءآ ذهب أو بقي !!! .. لأنو لو هسة البشير مشي ليهم وختوهو في السجن تاني يوم حيطلعوا ليهم إسم تاني وتالت ورابع و..و.. فالحكاية يا أخي ليست تمترس وعدم تمترس ـ الحكاية حسب تقديري المتواضع هي: أن نهضة السودان ووحدته وقوته بمساندة الصين وروسيا سيسحب البساط من تحت اقدام الدول الغربية التي كانت واضعة افريقيا كمخزون موارد استراتيجي ـ والليلة يوم العوزة !!.. وهم شافوا إن السودان سيكون بوابة الصين وروسيا لأفريقيا ـ والافارقة جاهزين للإلتفات شرقآ .. والشغلانة دي حتكون قاصمة ظهر للغرب المترنح ـ ياخي الواحد ما قادر يصدق أن الرجل الأمريكي الأبيض بقي بأسرته ساكن في الخيام زي ناس معسكر قومو بتاع الكونغو داك !! .. شاهدتهم قبل كم يوم في قناة الجزيرة واندهشت !! .. الناس اصبحت ساكنة في العراء لأنها ماقادرة تدفع الايجارات !!!! .. ولا يزال تسريح العمالة في امريكا والغرب عمومآ جاري زي الريح !! .. والأحوال ماشة في تدهور !! .. أها مع الحالة الصعبة دي يقوموا يلقوا بلد فقير هلفوت زي السودان يبني في السدود والطرق ومنطلق زي الصاروخ بمساعدة الصين فلازم يجن جنونهم!!! ، لأنو لو باقي الافارقة شافوا إنو السودان نجح ونهض بدون مساعدة امريكا وبل بمساعدة المنافس الصاعد الصين فذلك أمر لا يمكن السكوت عليه !!! .. وأسهل طريقة لفرملة التعاون الافريقي الصيني هو صوملة افريقيا حتي تهرب الاستثمارات وتهرب الصين ويقتتل الافارقة ويأتون هم في شكل ملائكة رحمة وإغاثة ورسل انسانية !!! ..
أنظر لتوقيت قراراتهم ضد السودان .. دائمآ تكون في الاوقات التي تلوح فيها آمال السلام وتوقيف الحرب .. هسة قرار المحكمة ده بالذات قصدوا منه إشتعال الحرب الأهلية وحرب شوارع في العاصمة والاقاليم وينفرط العقد .. والصورة طبعآ بيكون رسمها ليهم الجلبيون السودانيون.. يكونوا قالوا لأوكامبو إنو الزنوج محيطون بالخرطوم في شكل حزام أسود وما ادراك ماالافريقانيون أغلبية وينتظرون الفرصة للإنقضاض علي السلطة و..و.. زي كلام مرشدهم محمد سليمان الإنت عارفه !!..
لكين يازول قول الحمد لله إنو النتيجة جات عكس ما يشتهون .. ونحن يجب أن نعض علي هذه الوحدة الجماهيرية العفوية بالنواجذ وقد جعل الله هذه الوحدة العفوية ملتفة بالبشير .. فأصبح هذا الالتفاف سد جماهيري منيع ضد المؤامرات التي يريدون بها إحداث الفوضي لطرد الاستثمارات وعدم تمكيننا من الاستفادة من مواردنا الهائلة .. فيا أخي الآن زمن المواجهة وكل فريق عاضي التاني والبقول واي حقو راح !!!..
إذن لابد من تمترس البشير ولا بد من الوحدة الوطنية معه في هذا الظرف الحرج ـ والقيادات الكبري بعيدة النظر فطنت لهذا الخطر العظيم فوقفت مع البشير رغم أنها كانت المتضرر الأكبر من انقلاب الإنقاذ .. طبعآ أنا أقصد زعامات حزبي الاتحادي والأمة ..
فياخي قصة تنحي البشير دي شيلها من راسك ولا تظن أن الفلم حينتهي بنهاية البشير ـ بل ربما يادوب حيلقوا فرصتهم بنصب المزيد من الشراك حتي تقع الجماهير في فخ الصوملة ..
إزاحة البشير ليست هي هدفهم بل إزاحة الصين هي الهدف !!! ..
|
| |
|
|
|
|
|
|
|
|
|
Re: فشل آخر لصلاح بندر (Re: Faisal Elrasheed)
|
Quote: جني ياخوي أظنك تعلم أن أرباب الاستراتيجيات ما بيشتغلوا بالشخصيات والأفراد ـ وسواءآ تمترس البشير أم لم يتمترس لن يثنيهم عن أهدافهم شخص البشير سواءآ ذهب أو بقي !!! .. لأنو لو هسة البشير مشي ليهم وختوهو في السجن تاني يوم حيطلعوا ليهم إسم تاني وتالت ورابع و..و.. فالحكاية يا أخي ليست تمترس وعدم تمترس ـ الحكاية حسب تقديري المتواضع هي: أن نهضة السودان ووحدته وقوته بمساندة الصين وروسيا سيسحب البساط من تحت اقدام الدول الغربية التي كانت واضعة افريقيا كمخزون موارد استراتيجي ـ والليلة يوم العوزة !!.. وهم شافوا إن السودان سيكون بوابة الصين وروسيا لأفريقيا ـ والافارقة جاهزين للإلتفات شرقآ .. والشغلانة دي حتكون قاصمة ظهر للغرب المترنح ـ ياخي الواحد ما قادر يصدق أن الرجل الأمريكي الأبيض بقي بأسرته ساكن في الخيام زي ناس معسكر قومو بتاع الكونغو داك !! .. شاهدتهم قبل كم يوم في قناة الجزيرة واندهشت !! .. الناس اصبحت ساكنة في العراء لأنها ماقادرة تدفع الايجارات !!!! .. ولا يزال تسريح العمالة في امريكا والغرب عمومآ جاري زي الريح !! .. والأحوال ماشة في تدهور !! .. أها مع الحالة الصعبة دي يقوموا يلقوا بلد فقير هلفوت زي السودان يبني في السدود والطرق ومنطلق زي الصاروخ بمساعدة الصين فلازم يجن جنونهم!!! ، لأنو لو باقي الافارقة شافوا إنو السودان نجح ونهض بدون مساعدة امريكا وبل بمساعدة المنافس الصاعد الصين فذلك أمر لا يمكن السكوت عليه !!! .. وأسهل طريقة لفرملة التعاون الافريقي الصيني هو صوملة افريقيا حتي تهرب الاستثمارات وتهرب الصين ويقتتل الافارقة ويأتون هم في شكل ملائكة رحمة وإغاثة ورسل انسانية !!! ..
أنظر لتوقيت قراراتهم ضد السودان .. دائمآ تكون في الاوقات التي تلوح فيها آمال السلام وتوقيف الحرب .. هسة قرار المحكمة ده بالذات قصدوا منه إشتعال الحرب الأهلية وحرب شوارع في العاصمة والاقاليم وينفرط العقد .. والصورة طبعآ بيكون رسمها ليهم الجلبيون السودانيون.. يكونوا قالوا لأوكامبو إنو الزنوج محيطون بالخرطوم في شكل حزام أسود وما ادراك ماالافريقانيون أغلبية وينتظرون الفرصة للإنقضاض علي السلطة و..و.. زي كلام مرشدهم محمد سليمان الإنت عارفه !!..
لكين يازول قول الحمد لله إنو النتيجة جات عكس ما يشتهون .. ونحن يجب أن نعض علي هذه الوحدة الجماهيرية العفوية بالنواجذ وقد جعل الله هذه الوحدة العفوية ملتفة بالبشير .. فأصبح هذا الالتفاف سد جماهيري منيع ضد المؤامرات التي يريدون بها إحداث الفوضي لطرد الاستثمارات وعدم تمكيننا من الاستفادة من مواردنا الهائلة .. فيا أخي الآن زمن المواجهة وكل فريق عاضي التاني والبقول واي حقو راح !!!..
إذن لابد من تمترس البشير ولا بد من الوحدة الوطنية معه في هذا الظرف الحرج ـ والقيادات الكبري بعيدة النظر فطنت لهذا الخطر العظيم فوقفت مع البشير رغم أنها كانت المتضرر الأكبر من انقلاب الإنقاذ .. طبعآ أنا أقصد زعامات حزبي الاتحادي والأمة ..
فياخي قصة تنحي البشير دي شيلها من راسك ولا تظن أن الفلم حينتهي بنهاية البشير ـ بل ربما يادوب حيلقوا فرصتهم بنصب المزيد من الشراك حتي تقع الجماهير في فخ الصوملة ..
إزاحة البشير ليست هي هدفهم بل إزاحة الصين هي الهدف !!! .. |
وكأنك تقول بعدم محاكمة القاتل لان القتيل مستهدف بالقتل فى كل الأحوال!
يا صديقى من يترك جروحه مكشوفة للبكتريا يجب ان لا يلوم البكتريا!
ايا كانت الحجج والمبررات والمسوغات فان سد الذرائع لا يكون الا بانتظام العدل والمساواة والتنمية للسودان بأجمعه دون وصاية أو تفريق على أساس الدين او العنصر او الجنس أوالثقافة والتى هى الثقوب التى ينفذ منه الأعداء والطامعون!
جنى
| |
|
|
|
|
|
|
|
|
|
Re (Re: jini)
|
نقاط مهمة
1) الاطواق الامنية ده شغل استخبارات وامن هم اكثر الناس مقدرة على الافادة في هذا الموضوع.
2) الاغتيالات دي نحن كسودانيين ما عندنا.
3) الشعب السوداني شعب بطبعه شعب طيب وكريم وبيرحب بالضيوف. فقد خرج الشعب السوداني
للحاكم الانجليزي وللازهري ولعبود وللصادق والنميري. ده شئ طبيعي لا علاقة له بالشعبية.
4) اي مسيرة فيها لافتات لايمكن ان تكون مسيرة عفوية بل مسيرة مخطط لها.
تحياتي للجميع
| |
|
|
|
|
|
|
| |
Dr Salah Al Bander
فتحي البحيري
حيدر حسن ميرغني
البشير دفع الله
bamseka
Nasr
Shawgi Sulaiman
عصام دهب
salee
مجدى محمد مصطفى
Munir
wadalzain
محمود أحمد أبوشرا
jini
طلعت الطيب
Haydar Badawi Sadig
خالد حاكم
الصادق ضرار
الجيلى أحمد
الرشيد ابراهيم احمد
حبيب نورة
khalid abuahmed
ibrahim alnimma
هاشم نوريت
JAD
Amin Mahmoud Zorba
Faisal Elrasheed
محمد الشيخ أرباب
فيس بوك
تويتر
انستقرام
يوتيوب
بنتيريست