|
|
|
 Re: لا لا لا لا لا..لالا....لالالا........لا (Re: Moawia Mohammed)
|
السلام عليكم
تعرف يا معاوية يا صاحبي
اول مرة اسمع الأغنية دي
كان بجانبي احد الأخوة الملمين بالغناء السوداني
وأخبرني أن اسم الأغنية ( 404)
ولما سألته عن مغزى الأسم
أخبرني أن الفنان صلاح مصطفى يردد ( لا ) 404 مرة خلال الأغنية
ومن يومها حاولت أن أعدها .. ولم استطع ولا مرة اكمال العد حتى النهاية
.............................
وما الناس إلا هالك وأبن هالك *** وذو نسب في الهالكين عريق
| |
 
|
|
|
|
|
|
|
|
Re: لا لا لا لا لا..لالا....لالالا........لا (Re: الزوول)
|
الزول اللذيذ
نعلك طيب
تعرف الأغنية دي حيرتني جدا وحاولت كذا مره أعدها لكن والله يا الزول غلبني عديل كدا رغم السنين الطويلة القضيتها مدرس رياضيات في السودان ( يعني بتاع حساب زي ما بيقولوا أهلنا )
كنا دائما في أخر اليوم الدراسي نتلم كل المدرسين تحت ضل شجرة كبيرة في المدرسة ونتونس ونتناقش في قديم الأغاني ومعظم الحضور كانوا بتاعين لغة عربية أذكر منهم الشاعر الكبير وأستاذنا محي الدين الفاتح الذي دائما كنت أسمعه يترنم بالعزيزة رائعة صديقه سعد الدين ابراهيم التي يؤديها الفنان فتحي حسين .
وأذكر كذلك صديقي العزيز الأستاذ محمد عثمان الملك الرجل الموسوعة والمهتم بالتراث الغنائي السوداني كان كل مرة يسألني عن عدد المرات التي زكرت فيها (لا) في هذه الأغنية وطبعا كنت أعجز عن الاجابة ويخبرني بها ولا البس حين الا ويسألني مرة أخري فأكون قد نسيت من جديد.
يبدو لي أن صديقي قد استمع اليها كثيرا و أحصاها عددا وتأكد منها ومحتمل تكون 404 كما زكر صديقك.
علي العموم سأجلس اليها وأكرر المحاولة وسأوافيك بالنتائج.
تحياتي الخالصة ليك يا الزول
وتحياتي للأساتذة محي الدين ومحمد عثمان
وكل زملاء المهنة في السودان زمان
| |
|
|
|
|
|
|
|
|
|
Re: لا لا لا لا لا..لالا....لالالا........لا (Re: Moawia Mohammed)
|
السلام عليكم
معاوية صاحبي
كيفك
ياخي البيجو دي نكتها من وين؟
أثنين من أحلام الطفولة الخالدة
أحدها ... امتلاك البيجو 404
أظن السبب كان واحد قريبنا يمتلكها
بحالة جيدة ... بيضاء فاقع لونها ... تسر الناظرين
وما فاضلو الا يفرشلها سرير ويغطيها بالبطانية
اعتناء مبالغ فيه
كل يوم غسيل ومسح لغاية ما يخليها تلمع
وما تنسى البخوروالذي منو
ياخي ده وصل مرحلة ...
جاب فرشاة اسنان مخصوصة ينضف بيها الزوايا الصعبة
وطبعاً كنا ممنوعين تماماً من الأقتراب والتصوير
ومن يومها وأنا كل أملي لما أكبر اجيب عربية
ولازم تكون بيجو 404
وكمان لازم تكون بيضاء مكوية
زي عربية قريبنا ديك
المشكلة ....
لما كبرت لقيت ال404 ذاتو انقرضت
أو لعل مقاييسي اختلفت
ولكنها تظل حلم جميل من أحلام الطفولة
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
| |
Moawia Mohammed
الزوول
فيس بوك
تويتر
انستقرام
يوتيوب
بنتيريست