بعد التحايا والتبريكات بقدوم الشهر الكرىم ....اعاده الله علينا بالخير والمحبة..
انتم موعودون باذن الله باوقات حافلة بالتقرب الى الله بالطاعات انشاء الله ....
و مع فسحة قليلة للترويح .. نلتقي هنا ... وكما كنا منذ عام مضى نبحر فى فى زورق من الالحان مع النجوم الكواكب وفى معية فنان السودان وافريقيا الاول ... مع أ عز الناس .. شدا فيها هرمنا الاول -الذى مضى الى ربه مرضيا باجمل واعذب الالحان..
والان وللمرة الثانية. تطل علينا ايقونة الشروق - النجوم الكواكب- فى اجمل وارقى لقاء..- وبالسهل الممتنع ...وفى اجمل ما تقدمه القنوات السودانية ..تطل علينا مرة اخرى فى زورق للألحان ..مع هرمنا الثانى ...
وهنا......انظر بعين الخيال لهذا اللقاء المرتقب وبشوق شديد ....استحضر ..وفى هذه اللحظة ...ما شدا به هرمنا الثالث : بعثت قي زورق مسـ ـتلهم من كلّ فنّ مرح المجداف يختا ل بحوراء تغنّي فقلت, والنشوة تسري في لساني: هاجت الذكرى , فأين الهرمان أين وادي السحر صداح المغاني؟ أين ماء النيل ؟ أين الضفتان
(عدل بواسطة Awad Omer on 07-26-2012, 07:14 PM) (عدل بواسطة Awad Omer on 07-31-2012, 08:33 PM)
07-19-2012, 05:56 AM
Awad Omer Awad Omer
تاريخ التسجيل: 12-26-2005
مجموع المشاركات: 757
ومع نسمات الليل العليل ...في هذا الشهر الكريم ....نشهد مساء كل يوم .. (الرائعة المبدعة- النجوم..الكواكب ) وهى تحتفى بروائع فضل الله محمد.. واخرين وتملأ ليالينا لحنا و شجنا..برشاقة فى الحوار واناقةفى التعابير بدون تكعيب وتكلف ... حتى انك تحتار ..لمن تطرب فى هذا اللقاءالثلاثى.؟.. للكلمة المموثقة الجميلة ...ام للعملاق الموسيقار المغنى ... ام لهذه الايقونة التى تبحر بنا فى هذا الزورق الملىء بالالحان...؟
زورق الألحان زورق الألحان عابر طريق فايت نام في العيون ارتاح عيون حبيبي ديار تستقبل السوّاح رموشه طول اليوم غرقانة في الأفراح الأسود النشوان زورق من الألحان فوق البحار البيض سابح بلا ربّان مكتوبة فوق سطحه قصة حياة انسان أملاكه في العالم ريشة وضمير وكمان عيون حبيبي ديار ساحاتها حنيـّـة رسالة من الروح أنشودة صوفيّـة حكاية للأطفال أو رقصة زنجيّـة بيتين من الدوبيت في ليلة صيفيـّة
ست البنات يا أغلى من عينيّا)) ممشوقة القوام يا الخاتية من الليّـا عينيك أمات بريقاً ليـّأ كم سلبن عقلنا وجهرن كمان عينيـّأ شعرك دفة الليل الما بتبلّو تريـّا ((وثغرك فجـّـة البرق اللسحابة أم ديّ
أجمل عيون عندك يا أجمل الحلوين نجدة غريق ومنار برجّع التايهين لديارهم الطيبة طيبين ومرتاحين تايه أنا وحيران رجّعني للعينين
(عدل بواسطة Awad Omer on 07-26-2012, 07:20 PM) (عدل بواسطة Awad Omer on 07-31-2012, 08:36 PM)
07-19-2012, 05:58 AM
Awad Omer Awad Omer
تاريخ التسجيل: 12-26-2005
مجموع المشاركات: 757
(عدل بواسطة Awad Omer on 07-26-2012, 08:27 PM) (عدل بواسطة Awad Omer on 07-31-2012, 08:18 PM) (عدل بواسطة Awad Omer on 08-11-2012, 02:03 PM) (عدل بواسطة Awad Omer on 08-11-2012, 02:04 PM)
07-19-2012, 06:01 AM
Awad Omer Awad Omer
تاريخ التسجيل: 12-26-2005
مجموع المشاركات: 757
(عدل بواسطة Awad Omer on 07-19-2012, 09:20 AM) (عدل بواسطة Awad Omer on 07-22-2012, 09:52 PM) (عدل بواسطة Awad Omer on 07-23-2012, 10:01 PM) (عدل بواسطة Awad Omer on 07-31-2012, 06:00 PM)
07-19-2012, 09:32 AM
Awad Omer Awad Omer
تاريخ التسجيل: 12-26-2005
مجموع المشاركات: 757
بعد الحمد لله والشكر له ..بلغنا رمضان واعاننا على صيام اوله... الان بدات رحلتى مع زورق الالحان ... اللقاء فى اوله اصابنى بقليل من الملل ...ذلك ان الاستاذ اكثر من التكرار والاسترسال غير المحبب...خاصة فى معلومات عامة لا تحمل اى خصوصية محببة.. وسمعناها من قبل .. ولكن سيدة اللقاء ..النجوم الكواكب ...كانت كعادتها درة تحلق عاليا ..وتبسط الطريق للضيف بقليل من الكلام وكثير من المعانى ...لم يلتقط الاستاذ معظمه او فاتته المقاصد ...فهوم بعيدا... على العموم ..كان ختامه مسك ..بالتوزيع الموسقي عالى الدقة والاداء ..لرائعة الخليل..ودمدنى.. يبدو اننا موعودون ..بدوزنة ونغم... كونوا على موعد..
07-21-2012, 09:31 AM
Awad Omer Awad Omer
تاريخ التسجيل: 12-26-2005
مجموع المشاركات: 757
يكفى ان نرى هذا الاندياح(كقول اهل الانقاذ)ينثر علينا الكلام الحلو..بدون اى تكلف... لا تخاف من من التكرار ....مع اعجابى الفائق بعفراء فتح الرحمن لكن لسلمى فى الاداء لون وطعم خاص..
احسب انك سوف تستمتع بالاندياح..
دمت....
07-22-2012, 07:33 PM
Awad Omer Awad Omer
تاريخ التسجيل: 12-26-2005
مجموع المشاركات: 757
هناك وعدٌ بالجمال..فى هذا اللقاء.. اليوم نثر شاعرنا المجيد المقل : محمد على جبارة - كما توصفه سلمى - نثر علينا رياحين من شعره الصادق المعبر ..لياخذ بيد فنانا العملاق وهو يتلمس طريقه فى بدايات مشواره.. هناك كانت ..وحياة ابتسامتك...اانا وحبيبي ..مسيحية ...الخ ولكن لم اكن اعرف ان شاعرنا له في الدوبيت ناصية ايضا ...وهو ضرب من الشعر نهواه لصدقه وجزالته ...ومنه هذه اللوحة التصويرية فائقة الجمال من شاعرنا محمد على جبارة - على رواية ود اللمين -:
ست البنات يا أغلى من عينيّا..ممشوقة القوام يا الخاتية من الليّـا..
عينيك أمات بريقاً ليـّأ... كم سلبن عقلى وجهرن كمان عينيـّأ...
شعرك دفة الليل الما بتبلّو تريـّا.... وثغرك فجّة البرق اللي السحابة ام ديّة ...
هناك اتساق فى شعر وصدق شاعرنا ..انظر الى : وحياة ابتسامتك ...و....وثغرك فجّة البرق اللي السحابة ام ديّة...
انا استمتعت اليوم بالاداء المبهر للاستاذ ل: انا وحبيبي ..مع اكتمال الفرقة المسوسيقية وتاثر ود اللمين لذكرى الشاعر مما انعكس فى ادائه الرئع اليوم.. اشكر سيدة اللقاء (.النجوم الكواكب) على هذا البذل الآسر ..ولى عودة هنا
سانقل لكم الحلقة هنا... حال نزولها...
ودمتم
07-22-2012, 07:45 PM
Awad Omer Awad Omer
تاريخ التسجيل: 12-26-2005
مجموع المشاركات: 757
انا لم استطيع الفكاك من نوستالجيا..ذاد الشجون ..ليه ؟ لا ادرى.. يبدو ان هناك شفرة فى الحان او توزيع او اداء ابو اللمين تنفتح لها كل المسامات.... لا ادرى ..
هل من معين ..؟
07-23-2012, 09:56 PM
Awad Omer Awad Omer
تاريخ التسجيل: 12-26-2005
مجموع المشاركات: 757
مساكم سعيد... بعد ان جهزنا مشاعرنا لموعدنا المضروب مع الجمال والتالق مغ سيدة اللقاء ( النجوم الكواكب ) وهى فى عليائها... تنقلنا فى انسياب على زورقها من شاطئ لشاطي برفقة استاذنا الكبير.. وكالعادة ...وجدت ان السودانىون ديل.. غايتو ..(.اساسا )..عجائبهم لا تنقضى .....وهم فى قمة فوضاهم المعتادة .. قاموا اليوم نزلوا ليك حلقة ... مبتورة من سياقها ومقدماتها .. اعرف ان الحلقات مسجلة قبل رمضان ... ولكن يبدو ان واحد من اياهم ..وبدون تسلسل منطقي ..قام ركب الحلقة المبتورة دى..حتى شككت فى اننى لم اتابع الحلقة المفقودة هذه من الاساس ..
على العموم اللقاء كان فى غاية السلاسة والجمال ..خاصة ان الاستاذ فضل الله محمد ..يمتاز بكثير من التهذيب والرقة والتواضع .. كانت معظمها عن اكتوبر وما بعدها ..ولقاءات الاستاذين فى كثير من الاعمال..... اجملها على الاطلاق- فى ما ارى - ذاد الشجون ( كسارة الضلع دى ) ولا تدانيها فى رقتها وشجنها ... الا الحب والظروف التي كانت خير ختام لهذا اللقاء .. ولنا عودة للتفصيل...وحتى ذلكم الحين... صدقا.. اتمنى لكم دوما ان تكونو بخير.. سوف ارفع الحلقة هنا حال توفرها...
الحب .. والظروف ..
كلمات: فضل الله محمد
قلنا ما ممكن تسافر نحن حالفين بالمشاعر لسه ما صدقنا انك بجلالك جيتنا زاير السفر ملحوق ولازم انت تجبر بالخواطر * * * * * * الغريبة الساعة جنبك تبدو أقصر من دقيقة والدقيقة وإنت ما في مرة ما بنقدر نطيقها دنيا بقربك يفرهد كل طائر يحيا فوقها وجنة من بعدك بيذبل كل مخضر فيها ناضر * * * * * * لو تسافر دون رضانا بنشقى نحن الدهر كله ما بنضوق فى الدنيا متعة وكل زول غيرك نمله أقل حاجة تخلي سفرك حتى لو إسبوع أقله وإنت عارف نحن بعدك للصباح دايما نساهر * * * * * * لا لا ما بنقبل نسيبك تمشي للوحدة وتعاني برضو ما بنقدر نقاوم شوقنا من بعدك ثواني وما بنغنى وراك كلمة وما بنشوف البهجة تاني غايتو لو شفقان علينا ما أظنك يوم تسافر
حلقة الىيوم .. حلقت بنا فى السبعينيات من القرن الفائت فى مسيرة استاذنا الكبير ..برفقة الشاعر د. مبارك بشير وهو من تغنى له ابو اللمين عويناتك ترع لولى ..وبحار ياقوت....ووردى غنى له عرس الفداء ( نلتقيك اليوم يا وطني ..لقاء الأوفياء) و «يا نسمة».. بصورة عامة الحلقة كانت جامدة ولحد ما رزمها بطئ .... سيدة اللقاء ..كما العادة دائما...بذلت مجهودا لاستخراج تفاصيل وخلفيات لتلك الفترة والكن الاجابات من الضيفين جاءت مبتورة ومسترسلة او لاسئلة لم تطرح اصلا ... كان هناك فى مكان ما.. فراغ لم يملأ فى هذا اللقاء .... سارفع الحلقة لاحقا ..كونوا دوما بخير ... ودمتم...
اقول ليها عويناتك ترع لولي وبحار ياقوت
مناحات ريد حزاينيه بغازل فيها مأساتي
وفي شرف العبور ليها بموت واكسر شراعاتي
تقول لي غناك حزين غناي حزين
وانا الواهب قصائدي الباكيه للفرحه
وانا البديها شان ريدي وصباي طرحه
قول ليها عويناتك زي سواد قدري
مكحله عمري من بدري
لو بقدر اسافر في بريق لحظك وما ارجع
تقول لي خايفاك تتوجع واتوجع
اقول ليها عويناتك ديار وعدي
مسوره بي جدار صمتك
عذابي معاك بريدك قبل ما اعرفك
ولو بقدر اشيل من الزمن وقتي
بموت في لحظه واوهب ليك عقاب عمري
07-25-2012, 05:21 PM
Awad Omer Awad Omer
تاريخ التسجيل: 12-26-2005
مجموع المشاركات: 757
حلقة اليوم ..عادت بنا الى الستينيات .. والاكتوبريات ... هناك مشكلة حقيقية فى التسلسل الطبيعى فى هذه الحلقات ...بعد ان كتا بالامس فى السبعنيات ...عدنا اليوم لاكتوبر والستينيات... على العموم الحوار فى معظمه ابتعد عن الشاعرية المعهودة فى مثل هذه اللقاءات ...كان فلسفيا متحجرا ....عن الثورات ونشاتها وتطورها.. ختم اللقاء بانشودة ..شهر عشرة.. وفى رائ الشخصي .... اختيار غير موفق وضيق ومحصور فى اطار زمانه ولا يسقط على الحالة الماثلة الان...وليس كغيره من اناشيد اكتوبر...
07-25-2012, 09:36 PM
Awad Omer Awad Omer
تاريخ التسجيل: 12-26-2005
مجموع المشاركات: 757
ساحاول ان اخرج بكم قليلا من سياق حلقات ..زورق الالحان..وانقلكم الى الزمن الجميل ....زمن ثمانيات القرن الفائت حيث ولادة اجمل ما كتب فضل الله محمد واعذب ما شدا به ابو اللمين ودرة اعماله (زاد الشجون -- كسارة الضلوع ) الشجن واللحن العذب متدفق فيها من كل جانب ..والحوار حميم لدرجة مذهلة ...والتوزيع الموسيقى مثالى لدرجة الكمال... من قيثارة الاغنيه السودانيه... هيا ...انا وانتم نعيش هذه النوستالجيا ونتامل هذا الشلال المتدفق العذب من الالحان والكلمات... ودمتم...
07-25-2012, 09:55 PM
Awad Omer Awad Omer
تاريخ التسجيل: 12-26-2005
مجموع المشاركات: 757
***************************** مافتكرت الحظ يساعد عمرى يورق من جديد من بعد فرقتنا ديك مين كان بيفتكرك تعود كنت بحتاج ليك بشده وانت بعيد مافى عيشه بلاك بتبقى ومافى نشوه ومافى ريد و الهوى الجنبك عرفتو عاطفه ملتهبه وجنون ويـــن حنـــهـرب مـــنو ويــن
***************************** اه ادعينا وقلنا تانى ماحانشتاق فى عمرنا وقبل ماتمر ليله واحده بحراره الشوق غمرنا كم كم لهينا وقلنا يمكن ندفن الحب فى سهرنا الحياة صعبت علينا وبى اثر فقدك شعرنا شفت كيف حبك حياتنا انت يالحبك حياتنا وكــيف بدون حــبك نكـون وين حــنهــرب منو ويــــن
**************************** شفت كيف حبك بيعمل يشغل الوجدان ويعذب وبرضو بتقول عنى خادعك وانى بتلاعب وبكذب ليك حق دنياك خاليه لابتشيل هم لابتتعب كنت تتعلم تجامل لو فؤادك مره جرب انو مايدق دقه واحده الا ويتفجر حنين يفتح قلوبنا ديار محبه ديار حياه للعائدين
07-26-2012, 07:06 PM
Awad Omer Awad Omer
تاريخ التسجيل: 12-26-2005
مجموع المشاركات: 757
اعود بكم مرة اخرى مع فضل الله محمد الى الستينيات والاكتوبريات لا حيلة لى فى الامر ...هناك مشكلة فى التسلسل المنطقى فى عرض الحلقات...من السبعينات نعود مرة ثانية الى الستينيات وهذه الحلقة : الفنان محمد الأمين -- زورق الألحان -- الحلقة السادسة
(عدل بواسطة Awad Omer on 07-26-2012, 07:28 PM) (عدل بواسطة Awad Omer on 07-26-2012, 08:30 PM)
07-26-2012, 08:43 PM
Awad Omer Awad Omer
تاريخ التسجيل: 12-26-2005
مجموع المشاركات: 757
حلقة اليوم كانت عن الشاعر خليفة الصادق....الذى تغني له ابو اللمين باكثر من قصيدة اشهرها..اغنية ...اسمر وعلىي رواىة ابنه.... تغنى له ايضامن السعوديى .. الفنان ..محمد عبده.. وطلال المداح.... ابان قترة غربته بالسعوديه التى بدأها عام 1948.. اللقاء فى عمومه اتسم بالبطء مع قليل من التباعد وان كان ملئ بالمعلومات التى قد تكون جديدة علي معظمنا..لان الشاعر لم يوثق له من قبل ... ساوافيكم بتفاصيل اوفى ..وبالحلقة ..وحتى ذلكم الحين ..صدقا اتمني لكم ان تكونو بخير..
اغنية اسمر/ الشاعر خليفة الصادق.
اسمر جميل فتان ما بجود بمثله زمان ملاك في شكل انسان سبحان من صور عيونه نعسانه فتانه فتاكه وقامته كالبانه يتهادى لو يخطر اسمر فى طبعه فريد فات حسنه كل حدود وسهام عيون السواد عليها مين يقدر اسمر ياساحر المنظر فى صوتو احلى نغم يشجيك اذا اتكلم والحكمه لو يبسم بسم الجود يسحر فى حدثه احلى غنا همساته تطربنا ولو مره طرفه دنا كم للقلوب يأسر حبيبى يا اسمر يا ساحر المنظر
07-27-2012, 11:01 AM
Awad Omer Awad Omer
تاريخ التسجيل: 12-26-2005
مجموع المشاركات: 757
بالمصادفة...وهربا من الدعايات الكثيرة و المسيخة دى .. فتحت برنامج اغانى واغانى ..حلقة اليوم....ولقيت الفنان عبدالله محمد والشاعر عوض جبريل والشاعرة سمرقندية طوالى ...باكاتى اتجهجهوا ...و ماقدرت ارجع تانى هناك ..
عذوبة الصوت لعبالله محمد واللحن والايقاع المبدع... وجمال الكلمة كان آسرا .... بس لو فرفورة دة ..قطع وشو شوية مننا ..... كانت تكون اكثر جمالا .... خاصة مع ثلالثة من اجمل ما غنى عبد الله محمد ..: للشاعر الكبير عوض جبريل حيث غني له(الحنين) و(الأيام سجية) ...ثم للشاعرة سمرقندية المحتسب(غدر الزمن) .....
الحنين.......الشاعر الكبير عوض جبريل
الحنين البي ليه ما قدرو العمر من وين بيشترو ضوق وقاسي الوحدة ياقلبي الرهيف ياوليف الشوق بقيت فاقد الوليف من تناسى وضاع خلاص حبي الشريف الكلام البينا كيفن ينكرو الحنين البي من قلبي الأمين من مشاعرو السامية والريد الدفين الحنين البي لو طالت سنين ما بتمر بي خاطري لحظة تودرو وين زمان العشرة وين طيبة القلوب وين أماني عمرنا والريد الطروب المحبة البينا لو كانت ذنوب الذنب في الريدة ليه ما يغفرو
(عدل بواسطة Awad Omer on 07-28-2012, 06:26 AM) (عدل بواسطة Awad Omer on 07-28-2012, 09:21 PM)
07-28-2012, 06:28 AM
Awad Omer Awad Omer
تاريخ التسجيل: 12-26-2005
مجموع المشاركات: 757
سلواي قصايد شاعر إتغرب .....وزادو بقى الصبر....زادو...وزادو.. بقى الصبر..
أعمل شنو.....بعد الحصل بيناتنا...... ما نفذ القدر....؟
يرجع يعاودني الحنين خاطري اللكسير يوم ينجبر....غدر الزمن ...
ساعود لحلقة اليوم ... مع زورق الالحان ..لاحقا.
(عدل بواسطة Awad Omer on 07-28-2012, 09:03 PM) (عدل بواسطة Awad Omer on 07-28-2012, 09:05 PM) (عدل بواسطة Awad Omer on 07-28-2012, 09:09 PM) (عدل بواسطة Awad Omer on 07-31-2012, 09:05 PM) (عدل بواسطة Awad Omer on 08-04-2012, 07:55 AM)
فى اعققادى انه 30 حلقة لا يمكن ان تحيط وتوثق او حتى تعطى نمازج لمسيرة ابو اللمين الطويلة...وماعونه الكبير.. كان يمكن ان يستفاد من ساعة الزمن المخصصة ىوميا لهذا البرنامج بصورة اكمل من كدة ...لو ... ان معد البرنامج خصص 3 اغانى لكل حلقة... وبينهما يكون الحديث الحلو والشيق دة .. بدل اغنيىة واحدة فى كل حلقة و فى اخر 10 دقائق. كان يمكن ان نستمتع ب 90 اغنية من روائع ابو اللمين فى هذا الشهر ....وحتي دى امكن لا تغطى الا جزء يسير من انتاج ابو اللمين ...... ........................ غايتو.... امكن القناة دقست..
الان فقط..... بدأو يستعدلون الفتلة التى احدثوها فى تسلسل البث للحلقات ... هذه هى الحلقة التاسعة ...لكن مفروض ان تكون الرابعة .... الحلقة عادت بنا ثانية لاوائل الستينيات ونشاة وتنافس الفرق الموسيقىة بمدنى ..من اضواء الجزيرة الى نجوم مدنى ...وفضل الله محمد.. ومحمد مسكين...وبلابل الجزيرة ومن ارض المحنة ومن قلب الجزيرة ...الى قالو متألم شوية..الى اكتوبر 21... ساعود حالا للاستطراد فى هذا ايام الزمن الجميل وتلك الايام الخضراء ...
07-30-2012, 00:07 AM
Awad Omer Awad Omer
تاريخ التسجيل: 12-26-2005
مجموع المشاركات: 757
اليوم... كان استثنائا... مع الحلقة العاشرة من ..زورق الالحان. كان يوم التراث ومساهمة الاستاذ الموسيقار محمد الامين فى إحيائه وبعثه فى قوالب جديدة محببة.. سيدة اللقاء كما ضيفها كانت نجمة الحلقة .. وكانت فطنة وحاذقة فى قيادة هذا الزورق و فى العبور بنا عبر محطات من ابداع ابو اللمين ..من بدور القلعة.... الى... جانى طيفو طايف . وفى غرار الغبوس.... المناحة التى انشدتها احدى النساء فى وداع الشيخ عبد الباقى وهو ينقل ليدفن فى مثواه الاخير .. ولعلها ابنته ..على ما اعتقد ..وهاهنا دمعت عينا سيدة اللقاء تاثرا بالاداءالمبهر والنص...كما دمعت دمعت عينانا مع الكلمات ومعها ا كفاحا...ولعلها تذكرت عزيزا ..وهنا تترأي قوة النص وجمال الاداء وقوة اللحن واثره على المحيط.
بعدها نقلتنا ..سيدةاللقاء ...النجوم الكوكب... فى زورقها الملئ بالالحان ... وبسلاسة فائقة الى الحماسة وانشودة ..عيال اب جويلي.....
............عيال اب جويلي ..................
عيال اب جويلي الكمبلوا وعرضوا في دار كردفان اتغربوا وسدروا ضربوا الجوز عديل حاشا ما ضلوا لبنات البلد سمح الخبر جابوا
غني و شكري يأم قرقدا سايح من دار كردفان جانا الشناع فايح في الفاشر الكبير طلعوا الصايح دقوا الجوز عديل اصلوا العمر رايح
دقي وزغردي يام قرقدا حسوا الليله بجيب القول علي البيسوا عيال اب جويلي الجيلوا و تعلوا ديل درب اب درق شقوا
غني و شكري يا خدرة الورتاب فوق ود الفحل الليله جبتا جواب حقيت الاسم ياسالم الارباب قيدومة العيال ... ركازة للمرهاب
07-30-2012, 01:00 AM
Awad Omer Awad Omer
تاريخ التسجيل: 12-26-2005
مجموع المشاركات: 757
غرار العبوس كما رويت للاستاذ ابو الامين.... بواسطة قريبه بشير محمد سالم الارباب.... هى من تاليف امرأة وناحت بها عند تشيع الشيخ عبد الباقي بن الشيخ حمد النيل ( ازرق طيبة ) ........ وهناك رواية اخرى ...انها مرثية من تاليف الشيخ دفع الله ود فريجون ..ومناحة في رجل العلم والتصوف... العارف بالله الشيخ عبد الباقي بن الشيخ حمد النيل ( ازرق طيبة ) رجل الدين والخلاوى المشهور والذي اسس مجتمع ديني في قرية طيبة بمنطقة وسط الجزيرة....
غرار العبوس
غرار العبوس دار الكمال ونقاص دوبة حليل ابوي اللي العلوم دراس
تبكيك الجوامع الانبنت ضانقيل لقراية العلم وكلمة التهليل بتصادم المغارة خيولا بجن بالليل يا ود ليل البحور يا الجدك المانجيل
دوبة حليل ابوي اللي العلوم دراس
في يوم الخميس جانا الخبر وانشاع في الاربع قبل ازرق طويل الباع تبكيك الخلوق بي اغزر الدماع
دوبة حليل ابوي اللي العلوم دراس
غرار العبوس دار الكمال ونقاص دوبة حليل ابوي اللي العلوم دراس
من الحقيبة اختار ابو اللمين رائعة ابو صلاح .....بدور القلعه...التى كتبها فى احدى حسناوات حى القلعه الذى يقع وسط ام درمان عندما طلب منها العريس ان ترقص فى وسط الحفلة......فالتقط ابو صلاح الكاميرا كالعادة ومنحكم هذه الصورة (الديقيتال)... الرائعة....
بدور القلعه ....كلمات والحان الشاعر صالح عبد السيدايو صلاح
السيوف ألحاظك تشهرا للفؤاد المن بدرى انهرا اخفى ريدتك مرة و اجهرا نار غرامك ربّك يقهرا يا بدور القلعة و جوهرا **** صيدة غيرك ايه الجسّرا تستلم افكارنا و تأثرا حال محاسنك مين الفسّرا يا الثريا الفوق اهل الثرى يا بدور القلعة و جوهرا ***** الصدير اعطافك فتّرا النهيد باع فينا و اشترى الشعر اقدامك ستّرا رقيصيبو قلوبنا البعترا يا بدور القلعة و جوهرا ***** عالى صدرك لخصرك برا فيه جوز رمان جلى البرا الخطيبة و ردفك منبرا يا بدور القلعة و جوهرا ***** جلسة يا ابو الحاج اتذكّرا و رنّة الصفّارة اتفكّرا وهبة بى مزيقتو اتحكرا كم طرب افكارنا و اسكرا يا بدور القلعة و جوهرا ***** العيون النوركن بجهرا غير جمالكن مين السهرا يا بدور القلعة و جوهرا
07-30-2012, 10:42 PM
Awad Omer Awad Omer
تاريخ التسجيل: 12-26-2005
مجموع المشاركات: 757
ومعاكم بدينا ندخل فى الغريق .................................. مع رائعة الشاعر.. معتصم محمد بابكر الازيرق ... طائر الأحلام ...اللذى درس في كلية الآداب جامعة القاهرة وله ايضا علاقة بالموسيقي وعمل الماجستير في احد جوانب الموسيقي في انجلترا..........اعتقد انه كتب طائر الأحلام في مرحلة الثانوي...ولحنها ابو اللمين...
...يا شراعاً أوصَلَ الزورق للشاطيء فجرا... ...........ثُم ضَاع الطفلُ يا رَباهُ من بينَ يَدَيا ...
طائر الأحلام / للشاعر / معتصم محمد بابكر الازيرق
يا مُنىً ..أهدي إلى المهجة أنفاساً وعُمرا أهرقت دُنياك في دُنيَايَ أنغاماًً وسحراً وتَذوَقتُ غراماً منكَ مَشبوباً ومُرا يا هزاراً رائعُ الطلعة فَتاناً أغَرا فَجرَ الألحانَ في قلبي إعلاناً وسرا يا صَباحاً فَتقَ الآمال في الخاطر زهرا ونَدى يُدفقُ أشواقاً ويغرورق عطرا يا جناحاً طَوَقَ الأضلاعَ أفراحاً وبشرا يا شراعاً أوصَلَ الزورق للشاطيء فجرا ما الذي أهديه إلا ذوب اضلاعي شعرا وافتتاني واندفاق أغاريديَ خَمرا قد تنَعَمتُ عَطاءأً منك ثَراراً روياً وحُنُواً هَدهَدَ الآلام رَفرَافاً نَديا يا عيوناً كاليَنَابيع شُرُوداً وابتساماً نَبعت في حَقل أيامي رَبيعاً وسَلاما وقواماً كالأهازيج تَثَنى وتَسَاما وانسياب الشَعر مَرأى بيدر صَلى وناما يا عُيوناً كالغناء العَذب في دفيء العَشية يا عُيوناً مثل صُبح العيد في الدار الحفيه كانت الفرحة في قُربك أعراساً من الضوء وكان الشعرُ طفلاً غَسقيا فتَبنَاهُ المُغني وحَباهُ من بريق النَغَم الوَهاج كالبلور زِياً ورعَى الأزهارَ في كلتا يَدَيه ثُم ضَاع الطفلُ يا رَباهُ من بينَ يَدَيا فَتَلَهَفتُ عليه ومضَى الزَورَقُ بالملاح جيلا كان الإعصَارُ والبحرُ عَتيا هكذا دارت بنا الأيامُ يا طائرَ أحلامي الزَقَاليل ويا طَلق المُحَيا
(عدل بواسطة Awad Omer on 07-31-2012, 00:38 AM) (عدل بواسطة Awad Omer on 07-31-2012, 10:39 PM)
07-31-2012, 00:59 AM
Awad Omer Awad Omer
تاريخ التسجيل: 12-26-2005
مجموع المشاركات: 757
قد تدخل علينا معانى هذا البيت من اى اتجاه وتفعل ما تفعل فينا .ولكن ان نتفق فى زرف دمعات ونحن نحمل مع هذا البيت معنى او ذكري ... ابو اللمين حين يشدو بهذه الاغنيية ويدمع بحرقة لذكري اخيه الذى توفي علي كتفيه وهو فى عمر الثالثة..عندما يردد هذا البيت.... ما بال الدمعتان اللتان سقطتا من سيدة اللقاء تاثرا... لا بد ان هناك كيمياء من الرقة والحس المرهف تجمع بين الضيف والمضيف ..
07-31-2012, 02:31 AM
Elmosley Elmosley
تاريخ التسجيل: 03-14-2002
مجموع المشاركات: 34683
عزيزي عوض لك كثير من الشكر الحقيقه محمد الامين يحتاج الى زمن غير محدود ليعطي ماعنده فنيا وتاريخيا ارجو ان تستمر هذ الحلقات طويلا وشكرا جزيلا لمساعدتنا ونحن بعيدون للاستمتاع بحضرة الباشكاتب ولمقدمة ومعد ومحرج البرنامج التحية الخالصة كل الود
Quote: عزيزي عوض لك كثير من الشكر الحقيقه محمد الامين يحتاج الى زمن غير محدود ليعطي ماعنده فنيا وتاريخيا ارجو ان تستمر هذ الحلقات طويلا وشكرا جزيلا لمساعدتنا ونحن بعيدون للاستمتاع بحضرة الباشكاتب ولمقدمة ومعد ومحرج البرنامج التحية الخالصة كل الود
اولا..... اشكرك جزيل الشكر على المرور الجميل..
اشاركك الراي انه هذه الساعة اليومية لم تتمكن من منحنا الا فليفرقليل من معين ابو اللمين الكبير ... ولكن الحديث عن سيدة اللقاء ..النجوم الكواكب .. حديث ذو شجون ...ولا اضيف....انا مابفسر وانت ما بتقصر..... ساواصل فى اضافة المزىد فى قادم الايام ان شاء الله.. وحتى ذلكم الحين ..صدقا ..اتمنى ان تكون بخير...
ودمت.......... و
07-31-2012, 08:07 PM
Awad Omer Awad Omer
تاريخ التسجيل: 12-26-2005
مجموع المشاركات: 757
مع توالى الحلقات في استضافة الاستاذ فضل الله محمد .... خاصة انه مازالت رائعته ...زورق الالحان...عنوان هذا اللقاء... لم تغنى بعد.. بدات اخاف... ان يمر هذ اللقاء دون ان نستمتع باجمل ما كتب فضل الله محمد واعذب ما شدا به ابو اللمين ودرة اعماله (زاد الشجون -- كسارة الضلوع )
07-31-2012, 10:08 PM
Awad Omer Awad Omer
تاريخ التسجيل: 12-26-2005
مجموع المشاركات: 757
حلقة الليلة كانت .. حوارية شيقة مع الاستاذ فضالله محمد ..عن الشعر والقانون والصحافة ..وايهم طغى علي الاخر فى نهاية المطاف...فى مسيرة الاستاذ.. فضل الله يمتاز فى ردوده بالهدوء والذوق العالى وبالنظرة العميقة لتحليل اتجاهات .. شعر الغناء.. انا استمتعت باللقاء .. و باغنية الجريدة ... التى كانت عبارة عن حوار بين الشاعر والمحبوبة العنيدة...
أي حاجة تمر بخاطرك قصة أو أخبار جديده عندي ليك خبر أهم جايبو بي أشواق شديده أسمعي وطاوعيني مرّه أيوة، ما تخليك عنيدهْ عايز أقولك .. ولا سيبك اقري احسن في الجريده
عايز أقولك .. ليه أقولك ما بقولكْ .. مش مخير ساعة مرت .. ساعة واكتر والوقت روّح تأخر زى عنادك عايز اعاند لكن يظهر ما ح اقدر عايز اقولك .. بحبك يا وحيدة بقرى في عيونك حياتي وعاملة مشغولة بجريدة
08-01-2012, 09:51 PM
Awad Omer Awad Omer
تاريخ التسجيل: 12-26-2005
مجموع المشاركات: 757
Quote: بس عليك الله يا عوض عندما يغني الأستاذ أبو اللمين (زورق الألحان/عابر طريق) قول لينا عوووك
اولا ..اشكرك اخى الهادى ...وللاطمئنان ..لم تغنى بعد..واعتقد ستكون اخر ما يغنيه الاستاذ .. لانها هى اللوغو بتاع البرنامج وانا زاتى زيك......... نائم لى فوق رائ.....لم ياتى وقته بعد..
اطمئن ساكون لها بالمرصاد...
اغنية زورق الالحان للشاعر فضل الله محمد.................عابر طريق والموسيقار محمد الامين
عابر طريق فايت نام في العيون وارتاح عيون حبيبي ديار تستقبل السواح بشوشة طول اليوم سرحانة في الأحلام الاسود النشوان زورق من الالحان فوق البحار البيض سابح بلا ربان مكتوبة فوق سطحة قصة حياة انسان أملاكة في العالم رشة وضمير وكمان اجمل عيون عندك يااجمل الحلوين نجدة غريب ومنار برجع التايهين تايه انا وحيران رجعني للعينين
08-02-2012, 07:44 PM
Awad Omer Awad Omer
تاريخ التسجيل: 12-26-2005
مجموع المشاركات: 757
كما يبدو ان الجماعة اياهم تانى قلبو ا تسلسل الحلقات... من السياق تبدو انها الحلقة الثانية وليست الاولي في ضيافة الشاعر المرهف الاستاذ.. الحلنقي الحلقة متباعدة في حوارها ومليئة بالاسترسال والتكرار ...
............................................زورق الالحان والموسيقار محمد الامين 14............الحلنقى ..و......وعد النوار (ياريت من أول...)
..وعد النوار......... كلمات: الحلنقى اداء : محمد الأمين
ياريت من أول وريتنا إنك يمكن تتأخر يوم كان غايتو إطمنّا شويه وبحرك ياليل ما طفنا نجوم بيقولو الغايب عذره معاه وفى غيابك ياما نشيل اللوم ***************** مرت لحظات وكمان ساعات طالت وحياتك منتظرين لو وشوش صوت الريح فى الباب يسبقنا الشوق قبل العينين ونعاين الشارع نلقاه تائه فى دموع المغلوبين ***************** العيد الجاب الناس لينا ما جابك يعنى نسيتنا خلاص مع إنك إنت الخليتنا نغنى الحب ذكرى وإخلاص صبحت دمعتنا وسادتنا كدى حاول اعرف لينا خلاص ***************** شال النوار ظلل بيتنا من بهجة وعدك ماجيتنا وفضلنا وحاتك منتظرين شوف وين روحتنا وديتنا ... وين
08-03-2012, 10:49 PM
Awad Omer Awad Omer
تاريخ التسجيل: 12-26-2005
مجموع المشاركات: 757
ياخ مش معقول ...ديل سحرة عديل كدة.. كدى ..شوف ديل اخذونا وجهجهونا كيف .... مرة يمين ومرة شمال .خاصة الساحر الكبير الذي علمهم كل هذا السحر ... الليلة لو علمنا ..استفتاء منذ كان السودان سودانا ..منو الشتل وجدانو بالورود والندي...واكثرهم اثرا فى حياتهم....كلهم يقولو وبصوت واحد...حلنقي... ياخ انا ما فتحت اي شباك على اى مغنى سودانى كبير ..الا وجدت انه اجمل واعمق وارق نسمة غشتها نفحة من حلنقي .. امسك اى اجمل اغنية من اى فنان سودانى بدون فرز ...طوالى تلقها من الساحر دة... شوف.. اعنية.. بتتغلم من الا يام دى صوتو ليها الصحافيين والجماهير والكتاب فى اوائل الثمانينات ..كاجمل ما انتجهه الغناء السودانى منذ ان كان بالرق والطار...
غايتو الله يطول عمره وىبارك فيه ..لاهدائه هذا الجمال الباذخ لكل السودان.. اخترت ليكم التسجيل القديم دة خصوصى.... لانه اجمل من ادائها فى حلقة اليوم ..
كدى ..اخليكم مع الجهجهة دى شوية....
الأستاذ الفنان محمد الأمين - بتتعلم من الأيام.....الاستاذ...الحلنقى
08-04-2012, 07:29 AM
Awad Omer Awad Omer
تاريخ التسجيل: 12-26-2005
مجموع المشاركات: 757
اليوم... اللقاء كان مميزا جدا...وفي ضيافة الشاعر المميز عمر خالد ... مع..خمس سنين...وحلم الاماسي ... عرفنا ان بذرة الابداع تغرس من الطفولة والبيئة المحيطة ...خاصة و ان الشاعر حفيد للشاعر الكبير محمد سعسد العباسي... وان ارض الجزيرة الخضراء بمائها ونيلينها و بثرائها في البئية الخضراء والوفرة والانسان ..افرزت طيف واسع من المبدعين والرواد فى شتى مناحي الحياة.. اللقاء ختم باغنية..خمسة سنين ..التى كتبها عمر خالد فى رفيقة دربه ..فى اول ايام اللقاء بينهم و وبعد ان تم الارتباط...!
08-05-2012, 09:29 PM
Awad Omer Awad Omer
تاريخ التسجيل: 12-26-2005
مجموع المشاركات: 757
تذكر دائما ان هناك وعد بمزيد من الجمال فى هذا اللقاء ...ابقى دايما على موعد ... تذكر انك..فى حضرة...النجوم الكوكب ... المتالقة دوما و المبدعة ..سيدة اللقاء.. الجمال فى كل مكان ..والحديث دائما .. شيق وسلس.. .......................................................................................................النجوم الكوكب ...
08-06-2012, 06:58 PM
Awad Omer Awad Omer
تاريخ التسجيل: 12-26-2005
مجموع المشاركات: 757
الان مغ الشاعر عمر خالد وخمسة سنين .......................................................................الفنان محمد الأمين -- زورق الألحان -- الحلقة 17.........خمسة سنين
08-06-2012, 07:56 PM
Awad Omer Awad Omer
تاريخ التسجيل: 12-26-2005
مجموع المشاركات: 757
اليوم على الرقم من قصر الحلقة..وبرودها..الا انها كانت عن شاعر الرقة والعذوبة والشجن ...ابو امنة حامد..صاحب الكلمات القلقة و الراقصة بلا الحان... ولو فقط قال ..بنحب من بلدنا ..ما برة البلد ...سودانية تهوى عاشق ود بلد ...............لكفاه ذلك وخلده فى قلوب الناس اجمغين ..
شوفوا والجمال والرة فى كل كلمة من شدوه العذب.....
بنحب من بلدنا .........ما برا البلد سودانية تهوى عاشق ود بلد بعيون المفاتن شي ما ليهو حد.. التوب المهبهب فوق أم الضفاير والخد المعطر زي أحلى الأزاهر والخطوة الأنيقة ترنيمة مشاعر أنا بي كلو عمري بمشيلا وبسافر مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا.. في حلفا البداية أحلامي وهنايا أنا عايش لحبي المخضر برايا النافرة الأليفة بجروحي وهنايا أنا لي في كريمة شايقية بشلوخا نعتز بصفاتا ما نجهل تاريخا ماها المابية ريدتي ومو ياها المسيخة.. في شندي العظيمة تلقى بنات جعل وحدات في المتمة زي لون العسل النايرات خدودن زي فجرا أطل في سنكات بنعشق بت سمرة وأبية ترتاح في الضريرة خصلاتا الغنية.. عاشت في شعوري أحلى هدندوية الواردات جدودن في الجود والشجاعة البظهر جمالن من زمن الرضاعة سودانية مية المية في زوقا وطباعة يا ناس أرحموني أنا قلبي فرطاعة .. لو تلقطنا اليانعة السمحة ونضيرة تستنى الحليوة في مشية أميرة أجمل حب عندي في قلب الجزيرة لي في الغرب أغيد في دار حمر والبقارة نحميها بسيوفنا تفاحنا ونضارة تسكرنا الليالي وتطربنا النقارة لي في جوبا الساحر تسلم لي خدودو يمرح في غاباتو يسرح في ورودو حبي الغالي ليهو ما بعرف حدودو ////////////////////// ما نسيناك أبو آمنه وأحمد الجابري ... رحمهما الله
مانسيناك جاي تعمل إيه معانا بعد ما بدلتنا ماسقيناك أحلي ما في عمرنا من عواطف مالقيناك الرهيف قلبو بيعيش في شكو اكثر من يقينو تستبيهو نظرة جارحة وتحترق بالحب سنينو قلبو ضايع في العيون الشاربه من حبو وحنينو وناكرة حتي إنو إنسان يسعي لي قلبي يعينو جاي تعمل إيه؟؟؟
ماكفاهو العذاب الهو فيهو ليه تزيد آلامو اكتر وليه عيونو العمرها ماخانتك تبكي و تسهر وليه توشح فجرو بالأحزان بعد ماقلبو نور اضحي جرح الفرقة في قلبو الحزين من حبو أكبر
قلبي غافر ليك ذنوبك سيبو بس تنشف جراحو الحنين العايش لحبك صرت تسخر من نواحو سيبو مرة يغسل احزانو بالأمل يشرق صباحو وكيف يطير لعشو عصفور منكسر مكسور جناحو جاي تعمل إيه؟؟؟ مانسيناك جاي تعمل إيه معانا بعد ما بدلتنا ماسقيناك أحلي ما في عمرنا من عواطف مالقيناك ////////////////////////
سال من شعرها الذهب.................أبو آمنه وصلاح بن الباديه
سال من شعرها الذهب فتدلى وما انسكب كلما عبثت به نسمة ماج واضطرب النسيمات والخصل فى عناق وفى غزل نسجت حوله القبل موكبا يغزل الطرب فيه من سمرة الأصيل شعرها المذهب النبيل ثغرها اليانع البليل كرزة حفّها العنب يا حبيبى ... أكلما قلبىّ المغرم احتمى بك وانزاح ملهما عاد كأسا بلا حبب فاره .. مترف .. لدن .... لا .. ولا فنن هدنى الوجد والشجن فى الهوى قلبى إغترب رقص الورد والزهر مهرجانا على النهر سال فى الشط وانهمر عطره الحلو وانسرب أى غصن إذا انثنى فيه تحتشد الدّنا الثريات والسّنا غير بدرى إذا احتجب عشت فى الحب منتهى إلاّ لكن بلا انتهاء تائه .. ذاهل النّهى شفّنى الوجد والطرب إن تكن أنت لم تزل يوم بدر المنى اكتمل نحن شلناك فى المقل وقعدنا على الله اللهب ///////////////////////////////
وشوشنى العبير ..فانتشيت وساقنى الهوى فما أبيت يد الحرير أرتعشت بكفى فبكيت من رقتها..بكيت صبية ..العطر يشتهيها أمذنب أنا اذا اشتهيت؟ جدائل الليل على كتفيها تهدلت حولى فما اهتديت أجمل منها ما أحتوى فالعبق الصادح ما أحتويت حبيبتى أغرودة العذارى ورنة الأفراح ان غنيت لا تسألنى كيف كان الملتقى وكيف فى دروبها مشيت وكيف طاف الثغر فى ابتهال وكيف فى محرابها صليت سر عميق حبها بقلبى ما قلته للناس ما حكيت فان روى الغيثار سر قلبى قولوا ما قلت وما رويت لكنه حين بكى حنينا بكيت من رقته ..بكيت ////////////////////////////
محمد الامين ..........– ابو آمنه حامد
جانا الخبر شايلُه النّسيم في الليل يوشوش في الخمايل هشّ الزّهر بكت الورود سالت مشاعر النّاس جداول رجع البلد بعد السّنين المُرّة يادوب العيون سهرن هجد
في عيونُه فاض شوقن هتن لي حبّه للناس للوطن ما غيّرت ريدتُه السّنين وما بدّل إحساسُه الزّمن وشفنا المشاعر الحلوة في ساحاتنا بالآمال مشن يا حليلُه ما رجع البلد وعيونّا ما سهرن هجد
إنت ما نسمة في هجير إنت ما راحة ضمير إنت ما بهجة مشاعر إنت ما رحلة عبير انت ما ياكا الحِنيّن إنت ما ياكا الأمير كيف نسيبك تمشي تاني وإنت نوّرت البلد دا العذاب فارق طريقنا والعيون سهرن هجد ////////////////////////////
فرحة......................وردي وأبو آمنة
بين الرّيد والهوى عشنا أيّامنا سوى ما قاسينا النّوى ما أحلاك يا هوى الهم راح وإنطوى عش ريدتنا استوى بين إيديهُ هنايَ في عينيهُ منايَ حقّقنا أحلامنا والعاشق عقبالُه
بيني وبينُه حكاية ما ليها نهاية وأحلام دنياي لو شفتوهُ معاي خطوُه الحالم آية يروي محاسنُه رواية كم ضوّت دنيايَ نوّر دربي برايَ حقّقنا أحلامنا والعاشق عقبالُه
أنا بحبُّه أكتر ياما هوايَ بيكبر ياما مشاعري بتسكر حبُّه النّامي الأخضر راعيناهُ وأزهر في قلبينّا ونوّر والعزّال كدناهم في لحظة نسيناهم حقّقنا أحلامنا والعاشق عقبالُه
اليوم ..الحلقة عن الة البيكلو الايطالية واثرها فى الموسيقي والالحان السودانية..مع الموسيقي ...اسامة بيكلو .......................................الفنان محمد الأمين -- زورق الألحان -- الحلقة 19.... كلام زعل...فضل الله محمد
08-08-2012, 11:23 PM
Awad Omer Awad Omer
تاريخ التسجيل: 12-26-2005
مجموع المشاركات: 757
اخيرا ...امتلا الكاس بالشجن العميق ...مع زاد الشجون... اليوم زفت الينا العروس....درة اغنيات ابو اللمين وواسطة عقدها المنضوض بلا منازع ..ان لم تكن درة الغناء السودانى كله ....كلمة ولحنا وتوزيعا واداء....واشدد على توزيعا دى .. انا استمتعت جدا بادائها اليوم على الرغم من قصره... لدواعى زمن الحلقة المضغوط ... مقارنة بتسجيل لندن ..ولكنه كان لحنا سيمفونيا اخاذا..
ولى عودة ...
08-11-2012, 09:54 AM
Awad Omer Awad Omer
تاريخ التسجيل: 12-26-2005
مجموع المشاركات: 757
اليكم .. الاغنىة الحديقة....الاغنية الاغانى.... درة الغناء السودانى كله ....كلمة ولحنا وتوزيعا واداء....واشدد على توزيعا دى .. اليكم...31 دققيقة كاملة... وشلال من اللشجن واللحن المتدفق الاخاذ والتوزيع السيمفونى العبقري... انا استمتعت جدا بادائها اليوم على الرغم من قصره... لدواعى زمن الحلقة المضغوط ... مقارنة بتسجيل لندن ..ولكنه كان لحنا سيمفونيا اخاذا..
.................................................زورق الالحان (22).......الموسيقار محمد الامين .................زاد الشجون .....فضل الله محمد
(عدل بواسطة Awad Omer on 08-11-2012, 09:58 AM) (عدل بواسطة Awad Omer on 08-11-2012, 10:05 AM) (عدل بواسطة Awad Omer on 08-11-2012, 10:06 AM)
08-11-2012, 10:09 AM
Awad Omer Awad Omer
تاريخ التسجيل: 12-26-2005
مجموع المشاركات: 757
يا نديمى.....دعك من عثرات قولى واترع الكاس تناجى الكون مثلى تظننى ابيد العمر لهوا لا لا كلا اذ انا جسم به البركان يغلى سوف ياتى باسم الثغر يلوح بالامانى ضي عينيه بريق وغموض ومعاني يحمل الروح اليا يزرع العطف نديا يسكب الاهات همسا فى ثنايا اذنيا وبها احيا وانسى ما ضنانى حينما يبدو حبيبى فوق افق القلب يحبو فوقه هالات نور بها الاضواء تخبو واغاريد الامانى فى حنايايا تشب مثل سريان الحقيقة فى مشاعرنا العميقة مثل حلم الدهر ياتيك سريعا فى دقيقة عندها أنسى كياني عهده بالحب ايام ستكثر وتطول ويح قلبى منك يا بدرى اذا حان الافول قبل ان نحصد زرعا ماؤه قد كان دمعا وتباريحا وشوقا وصدودا وامل انما قلبى عنيد لا يبالى لا يمل ينظم الحب اغانى لا...لا....لا تسلنى ضي عينيه بريق وغموض ومعاني
08-11-2012, 01:20 PM
Awad Omer Awad Omer
تاريخ التسجيل: 12-26-2005
مجموع المشاركات: 757
معليش ارجع تاني .... شوفوا هذه اللوحة الحديقة ..التى قطفها ابو اللمين من اشعار مجموعة من شعراء السودان على مر العصور .... ووضها لكم للوحة ملئة بالشجن والمعاني
جديات العسين by الموسيقار محمد الأمين.
جديات العسين قالن لى احمى رهودنا عن اسد الشرى وامنع ضوارى فهودنا قالن لى لو تحفظ مواثيقنا وتراعى عهودنا تتوسد غدايرنا وتنام فى روهودنا اريل شام شروق شراكي ما نشابك ...وشم نفسك يفوق مسك العشاري الشابك عشبة بان قسى، المى فريك نقادة وارضو البان قسى ديسها المهضلم قادة يا خالق المسيّ بدلة منام لي رقادها يا خالق الوجود انا قلبى كاتم سرو وما لقيت من يدرك المعنى بيهو ابرو قصبة منصح الوادى المخدر درو قعدت قلبى تطويه وكل ساعة تفرو
08-11-2012, 07:15 PM
Awad Omer Awad Omer
تاريخ التسجيل: 12-26-2005
مجموع المشاركات: 757
اليوم ان لقاءءا ممتعا مع الاستاذ وذكريات ....مع رائعة الشاعر ...محمد الحسن دكتور.... اغنية مراكب الشوق
كلمات اغنية مراكب الشوق محمد الامين
شايلك معاي و ادفق بطيبة العيون وكتين أسير مشوار براي و اتاتي زي رمشاً حزين بكى الصباح واتمسى بحزنو المساء وابقى الوحيد زي بلبل فقد الجناح هاجر جناه على الصقيع كاس لبوادي مِشمِسة وارحل شواطئ الغربة مغلوب بالرياح وانحت حروف فوق الصخور و اتحسسا وابعث غناي مع كل آها و كل زفرة وكل ضحكة مونسة شان تمشي لعيونك تعيش وتونسا
واتخيلك وكتين اشوف أُماً تهبب لعروس وقت الزفاف و ترقصا وارحل بعيد فوق شعرها زي مركب نشوان مشى فوق موج و شلالات و آخر المطاف فوق شط حنان مهجور زمن راح واتنسى وزي ريس الساري الغريب غالَب ليالي الشوق على الساري إتكى ورش الدموع برعشة الغيم البكى ودس الانين فتق جراحات الحنين في الغربة باسة و وَشوَشا واتذكرك وكتين اشوف لارنجة تتحدى الرياح عِز السموم صدر الشتاء وتمد غلالها على الهجير تفرح ....تفرِح الرياح و توسوِسا
08-11-2012, 09:46 PM
Awad Omer Awad Omer
تاريخ التسجيل: 12-26-2005
مجموع المشاركات: 757
ابو اللمين وسيدة اللقاء عطروا ليالينا بكمية هائلة من الجمال والفرح ... ووسط هذه الحدائق... لقيت نفسي شغال مدور طول الوقت بين اتنين .. زى بتاع البنقز .. بين زاد الشجون وبتتعلم من الايام ......ومرة ..مرة ..قلنا ما ممكن تسافر ... بديها نقرة ...!!!
08-12-2012, 11:05 PM
Awad Omer Awad Omer
تاريخ التسجيل: 12-26-2005
مجموع المشاركات: 757
اليوم مع درة من درر القصيد السوداني ........طائر الأحلام / للشاعر... معتصم محمد بابكر الازيرق
.......................الفنان محمد الأمين -- زورق الألحان -- الحلقة 24....طائر الأحلام / للشاعر / معتصم محمد بابكر الازيرق
طائر الأحلام / للشاعر / معتصم محمد بابكر الازيرق
يا مُنىً ..أهدي إلى المهجة أنفاساً وعُمرا أهرقت دُنياك في دُنيَايَ أنغاماًً وسحراً وتَذوَقتُ غراماً منكَ مَشبوباً ومُرا يا هزاراً رائعُ الطلعة فَتاناً أغَرا فَجرَ الألحانَ في قلبي إعلاناً وسرا يا صَباحاً فَتقَ الآمال في الخاطر زهرا ونَدى يُدفقُ أشواقاً ويغرورق عطرا يا جناحاً طَوَقَ الأضلاعَ أفراحاً وبشرا يا شراعاً أوصَلَ الزورق للشاطيء فجرا ما الذي أهديه إلا ذوب اضلاعي شعرا وافتتاني واندفاق أغاريديَ خَمرا قد تنَعَمتُ عَطاءأً منك ثَراراً روياً وحُنُواً هَدهَدَ الآلام رَفرَافاً نَديا يا عيوناً كاليَنَابيع شُرُوداً وابتساماً نَبعت في حَقل أيامي رَبيعاً وسَلاما وقواماً كالأهازيج تَثَنى وتَسَاما وانسياب الشَعر مَرأى بيدر صَلى وناما يا عُيوناً كالغناء العَذب في دفيء العَشية يا عُيوناً مثل صُبح العيد في الدار الحفيه كانت الفرحة في قُربك أعراساً من الضوء وكان الشعرُ طفلاً غَسقيا فتَبنَاهُ المُغني وحَباهُ من بريق النَغَم الوَهاج كالبلور زِياً ورعَى الأزهارَ في كلتا يَدَيه ثُم ضَاع الطفلُ يا رَباهُ من بينَ يَدَيا فَتَلَهَفتُ عليه ومضَى الزَورَقُ بالملاح جيلا كان الإعصَارُ والبحرُ عَتيا هكذا دارت بنا الأيامُ يا طائرَ أحلامي الزَقَاليل ويا طَلق المُحَيا
08-14-2012, 07:10 PM
Awad Omer Awad Omer
تاريخ التسجيل: 12-26-2005
مجموع المشاركات: 757
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Awad Omer
محمد علي شقدي
إبراهيم عبد الحليم
حبيب نورة
Tumadir
Elmosley
Elhadi
فيس بوك
تويتر
انستقرام
يوتيوب
بنتيريست