|
|
 Re: Mark Zuckerberg وعيد ميلاده أل 28 عامآ ثورة في عالم النت (Re: عادل نجيلة)
|
.
عادل نجيلة سلامات
حقيقي كنت بجهز لعمل بوست بنفس المضمون لكنك دايماً سباق . . و تقبل بعد الود هذه المادة المختصرة:
الشاب الفنان ده أخبار طرحو المثير للجدل لاسهم الفيسبوك اليومين الفاتو في البورصة طغت تماماً علي أخبار عيد ميلادو ال28 - وهو يتوقع بالنقلة دي انو يكون منها عائد يفوق الخمسة مليار دولار للفيسبوك لو بيعت الأسهم بمتوسط الأسعار المطروحة بيها في( ناسداك) . . شايف أحلام عيد الميلاد وردية كيف؟!
. . هنا بيدق أجراس إفتتاح يوم العمل لبورصة نيويورك (ناسداك) لطرح أسهم فيسبوك في الثامنة من صباح أمس الجمعة 18 مايو 2012 . .
. . غايتو اوباما أخير ليهو يمسك قوي في الشاب ده (يمين اوباما) في الفترة الحرجة الجاية دي لانو العلي يسارو فجعنا جميعاً برحيلو المبكر بداء السرطان (العملاق ستيف جوبز) و الاتنين شكلو قوة جذب غير عادية لاصوات الشباب لصالح اوباما في الانتخابات الفاتت.
. . ومع إنو شكلو اوباما ما مقصر في إنو يكون قريب منو بس في الفترة الجاية دي تحديداً محتاج للدماء الشابة دي شديد خاصة بعد إهتزاز موقفو عند أعمامك كبار السن مؤخراً بسبب تصريحاتو الكونترفيرشيال بموقفو المؤيد لزواج المثليين
و معاك نقول ليهو . . سنة حلوة يا جميل !!
.
| |
 
|
|
|
|
اسماعيل كردولي
فيس بوك
تويتر
انستقرام
يوتيوب
بنتيريست