|
Re: 22 مايو ، 8:30 ص الي 5 مساء بمكتب استقبال الامن بحري (Re: بخاري عثمان الامين)
|
مشينا بداية موقف شندي نجلاء طلبت جرائد وموية
فقد كانت تتوقع ( لطعة طويلة ) .. لم اجد جرائد واكتفينا
بالموية ، سألني من المكتب ودخلنا اليه تقريبا عند الثامنة
والنصف صباحا ، الشاب بالاستقبال سأل عن سبب حضورنا
افيدناه بامر التكليف .. سأل نجلاء عن أسمها بالكامل ( رباعي )
سجل الأسم في ورقة .. وسألها عن بطاقتها وردت ليهو : كلامك غريب
انا نجلاء وناسكم قالوا اجئ معقول اجيب بطاقتي ،، صمت وانزوي .
جاء آخر سلم علينا وقال شوية كده وبنادوكم واخبر الشاب الذي بالاستقبال
ما يفيد انه يعرف نجلاء ، سألت نجلاء عنه وقالت لي دا الجانا امس في البيت
عند التاسعة وعشر دقائق طلبت نجلاء للدخول وأنا عملت فيها رايح وعايز أمشي معاها
ثبتني وقال لي أنت تنتظر هنا ، ودخلت نجلاء ودخلتني الهواجس والظنون والقلق وتذكرت رجل
أحبه واعرفه فهو ابن الحي الذي ولدنا فيه :
ومن منكم لا يعرفه ؟؟؟؟
| |
|
|
|
|
|
|
Re: 22 مايو ، 8:30 ص الي 5 مساء بمكتب استقبال الامن بحري (Re: الرفاعي عبدالعاطي حجر)
|
Quote: بالله تواصل سردك عن اليوم وكل تفاصيل التفاصيل لا تنسى شيئ الخرطوم يحكمها التتر ومحاكم التفتيش ويرعب النظام كاميرا في يد بتنا الجسورة نجلاء ... حفظكم الباري . |
شكرا حجر للمرور وكلامك حقيقة أضف اليه أنهم مصدقين بدون اي شك
أنهم افضل مننا .. ( نحن بقية الشعب )
عموما مكتب الاستقبال حالته مزرية جدا ، متسخ ومقاعده ممزقة واندهشت لانه
لوجود دولاب به يخص مجموعة من الامنجية فيه شنط وملابس وخوذات المواتر ..
في تلفزيون صغير وكانت قناة الجزيرة هي المدورة وطبعا الجزيرة لو في خبر بتلوكه
لبانة والخبر الاساسي كان التفجير باليمن والذي تبنته القاعدة وذكرت في بيانها استهدافها
لوزيراً ما ولكنه لم يصب بأذي وخلف التفجير الانتحاري 39 قتيلاً .. سألت بعضهم سؤال
مباشر عن رأيه في هذا التفجير وقد ابدوا امتعاضاً من زهق الارواح !!!
| |
|
|
|
|
|
|
Re: 22 مايو ، 8:30 ص الي 5 مساء بمكتب استقبال الامن بحري (Re: بخاري عثمان الامين)
|
بعد مسافة كده استبد بي القلق وطلعت من المكتب وشماله لقيت لي ست شاي
واتناولت قهوة سريعة وقفلت عائداً للمكتب ....
لقيت المكتب به عدد اكبر من افراد الامن ومعظمهم وقوف وكأنهم ينتظرون حدث ما ،
وفعلا الحدث كان الفطور ، صحن فول ( كبير ) وكمية من العيش وعزموني وباصرار
ورفضت باصرار اشد ، كنت مدرك تماماً انه نجلاء لو تموت ما ح تأكل منهم أي شئ ، هي لم تقل
لي انها بصدد رفض الطعام ولكنني اعرف طبيعتها واتوقع بنجاح ردود فعلها كلها وقليل من التضامن
من جانبي أن اضرب معها عن الطعام في هذا اليوم ..
| |
|
|
|
|
|
|
Re: 22 مايو ، 8:30 ص الي 5 مساء بمكتب استقبال الامن بحري (Re: عمار عوض)
|
Quote: التحية والقومة ليكم يا بخاري ونجلاء وأطفالكما واصل في الحكي البوست دا ما شفناهو إلا هسا بعدما أدرجه أحدهم في بوست نجلاء
واصل يا بخاري وعلموا الناس هنا معنى النضال الحقيقي وليس النضال الكيبوردي |
الغالي النذير حجازي نعم نحكي وندعو أن تصير حقبتهم
كلها ( حكاوي وتنحكي ) ...
كان المكتب يزدحم فجأة باعداد كبيرة وما يلبث ان ينفض الجمع
أسمع نقاشهم وونساتهم بدون تعليق ( طبعاً ) من جانبي علي الرغم
من أن معظهم وفي لحظة ما كلهم لا يعرفون سبب تواجدي بالمكتب ..
دخل ثلاثة منهم في ونسة عن زميل لهم وممكن تسميها ( قطيعة )
حول كمية الاكل التي تناولها وذكر احدهم أن المعني يكثر من الاكل
لمن يكون مسافر ( لاولاده ) ويعتقد أن في ذلك energy والكلمة الانجليزية
من عندي .. وقد أستشهد عليه بأنه آخر مرة التهم كيلو ( باسطة ) كامل ، قربت
أقول ليهو لكن السكر وبالذات الفي الباسطة مافيه طاقة وبالعكس ممكن ( يعوق )
صاحبكم دا ، لكن تاني قلت مالي ومالوا أن شاء الله تلحقوا أمات طه ، وأنا ان صفعني
أحدهم علي خدي الايمين سادير له ( ظهر المجن ) فكيف أصحح لهم وزوجتي لا ادري
عنها شئ في داخل المبني ..
| |
|
|
|
|
|
|
Re: 22 مايو ، 8:30 ص الي 5 مساء بمكتب استقبال الامن بحري (Re: صابر عابدين)
|
وفي لحظة ما أصبحت وحيداً في المكتب ولاشئ انظر اليه سوي
قناة الجزيرة بالتلفزيون امامي ودخل شاب ( بدين ) جلس علي الكرسي
خلف التربيزة واخرج قلم وورقة وخلت أنه سوف يسألني ولكنه بدأ يحدق
في الشاشة ومناظر تفجير اليمن يتم اعادتها .. سألني : أسمع دي وين ؟ اجبته : اليمن .
وعاد بسؤال آخر : منو العمل التفجير دا ؟ أجبته : التفجير تبناه تنظيم القاعدة .
فعلق هو : ااااا ديل ناس الرئيس علي صالح !!
لم اعلق وسرحت بعيد وراح خاطر لدكان اليماني في ديم ابريش ، دكان واسع بفرندة كبيرة
وما أن تدخل المحل حتي تداهمك ريحة الطحينة والزيت وعم اليماني بسروال وعراقي متسخ
ودقنه الابيض وطيبته البائنة ، ارجعني من سرحتي الامنجي بسؤال : اسمع موش ديل ، ناس القاعدة
التابيعين للرئيس ؟ قلت له : أنت شكلك ما عارف أي حاجة .. وفعلا الفتي جاهل تماماً ، لو حاولت ان
أن اشرح له ساتعب بالقطع : القرن الافريقي ، الحوثيين ، اليمن الجنوبي واليمن الشمالي و هلم لذا
اثرت الصمت ..
أتمني ان يسمع الشاب بهذا البوست ليبحث عن صاحب هذه الصورة
| |
|
|
|
|
|
|
Re: 22 مايو ، 8:30 ص الي 5 مساء بمكتب استقبال الامن بحري (Re: بخاري عثمان الامين)
|
Quote: الرجل النبيل بخاري التحية ليك وللجسورة نجلاء ، لستم وحدكم اخي بخاري ،، الان يصطف معكم تضامنا خيرة ابناء السودان.. |
الاستاذ حافظ تسلم ويسلم شعبنا وتسلم بلاد النور
وارهاص الخير
ولابد يوم باكر يبقي اخير
_________________________________________________
ساد الصمت بيني والشاب الما فارز علي عبد الله صالح من أسامة بن لادن
قلت ياخ افتح معاهو حوار حول ( المراقات ) الماسكنها الرؤساء
مثلاً علي عبد الله صالح مراقته للعالم انه بحارب القاعدة وحسني مبارك مراقته كانت
انه بعده خا يكون في فوضي .. وزولنا مراقته أنه الحكم الاسلامي حا يروح ، وعدلت الفكرة
وقررت سؤاله عن ( البرادو ) التي تم قصفها وحاتك يا حافظ زولك طلع ما عنده ادني فكرة
وقال لي العربية السوناتو ، قلت له لا السوناتو بتاعت ( الطيارة الجات طافية انواراها والدنيا ليل
ووقت صلاة العشاء ) ... يا زول البرادو دي هسه الصباح دا ، فعلق انه لسه ما سمع بيها
http://www.youtube.com/watch?v=LwIDL48AOsU
| |
|
|
|
|
|
|
Re: 22 مايو ، 8:30 ص الي 5 مساء بمكتب استقبال الامن بحري (Re: بخاري عثمان الامين)
|
Quote: متاااااااااابعة شديدة للتوثيق يابخاري
وتحياتى للنخله نجلاء بت سيد احمد الشيخ التى ترد على من يرمونها بالحجارة تمرا شهيا من النضال السودانوي |
عمار عوض يا حبوب يا ريت نوثق كمان لافراح البلد
ويا ريت الناس الاتعرضوا للاذي من قبل اجهزة المؤتمر
الوطني يكون جزء من همه الكتابة والتوثيق فمبدأ عفا الله
عن ما سلف قد عفا عليه الدهر ..
| |
|
|
|
|
|
|
|