|
|
|
 Re: دي قنـــــاة شنو ؟! ومين الرئيس محمد البيييشييير دا ؟! (Re: tmbis)
|
| Quote: من هي اسماء الحسيني ..؟ |
هي الزوله الشالت صورة (اللوري) الشهيرة من سودانيز اونلاين , وختتها في مقال قالت فيهو (الجنوبيون يبدأون الرحيل الجنوب بعد الانفصال)
أو شىء من هذا القبيل !
وأحب أضيف أنو زي الكان عندها باسويرد هنا في (سودانيز أونلاين) !
-------
في زول عندو صورة (اللوري) 
| |
  
|
|
|
|
|
|
|
 Re: دي قنـــــاة شنو ؟! ومين الرئيس محمد البيييشييير دا ؟! (Re: محمد إبراهيم علي)
|
بالليل شنو يا باشمهندس ..؟
والله حسع دي فتحتو والعين بتشوف .. قمت لقيت ليك الزميلة جايبه الفيديو دا .. وقريت ليك هل اندلعت الثورة في السودان ..؟
ويللا يا مؤمن يا مصدق افتح اللنك ..
ياخ منتهى المسخرة بتاريخ السودان من بعانخي إلى المناضل محمد عادل .. صاحب الفيديو المسخرة دا ..
واحدة لبنانية واللا جنسها شنو ما عارف .. جايبنها في محطة تلفزيونية ومحفظنها عبارات من زمن المدينة الرياضية .. قالت اندلعت المظاهرات حتى وصلت كسسسله .. كما انها عملت العجب لي ميدان جاكسون ..
تتلعثم .. وتتمتم .. بداية البرنامج قالت الرئيس محمد البشير .. قردما فتشت في السيرة الذاتية للرئيس ما لقيت اسم محمد دا .. بصروة اوضح شالت من هنا وقرمت من هنا وعملت شربات من الفسيخ ..
جابت ليها زولة اسمها اسماء الحسيني .. قالت خبيرة في الشان السوداني
خبيييييييرة عديل كدا .. وللاسف طول لففاني في السودان دا وفي الشان السوداني ما لاقتني اسماء الحسيني دي حايمه ليها في حلة يا في جامعة يا في بيت بكاء .. يا في سماية ..
جابت ليها صحفي قال اسمو عمار قاعد في القاهرة .. برضو خبير في الشان السوداني .. مع انو شكلو بيقول انو ناشط بس .. من ضمن المنشطات الحايمة اليومين ديل .
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: tmbis)
|
عمار فتح الرحمن ,, كاتب وصحفي سوداني
يا سيد عمار لمن لقيت المذيعه بتقول اسم رئيس جمهوريتك (غلط) , حقو طوالي تعتذر وتقول ليهم : شكـرا !
وتشيل ورقك وتغادر ! أكرم لينا وأكرم ليك !
السيده ليليان داوود الموووزيعه : منو الكتب ليكي النشرة دي ؟! الكتبها ليك غايتو (ظلمك ظلمك) !
--------
ناصر المحسي شكرا مره تانيه :)
يا باشمهندس ابراهيم : كان تتذكر لينا مليون دولار هسي كان جاتنا :)
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: tmbis)
|
الظاهرة الصحفية اسماء الحسيني التي ادعت انها خبيرة في الشأن السوداني + مقدمة البرنامج + الصحفي السوداني الذي لا اعرفه :
عرجو بي إلى بعض الخبراء في الشان السوداني الذين خرجوا علينا في منبر سودانيزاونلاين دوت كوم .. والذي هو وطن من لا وطن له ..
خرجوا علينا .. بتصنيفاتهم المعهودة والتي من ضمنها انهم يفرزون .. لحم الضان من لحم الغزال بمجرد حاسة الشم ..
بصورة اخرى ..
انهم باتو من الان تصنيف الشخوص كل حسب ما تشتهي شهواتهم ..
بل ذهبوا اكتر من ذلك بان ابتدت حاستهم العاشرة تسوقهم إلى تشكيل حكومة المنفى .. شكلوا حكوماتهم .. بمنظور فلسفي عميق جدا وصنفوا في قوائم من هو تبعهم ومن هو ليس في فريقهم ..
مضحك امر الشعب السوداني الفضل ..
مضحك امر المتثاقفة .. والمثقفاتية .. وامر الخبراء في الشان السوداني .. والناشطين ..
| |
|
|
|
|
|
|
|
|
 Re: دي قنـــــاة شنو ؟! ومين الرئيس محمد البيييشييير دا ؟! (Re: طارق جبريل)
|
Quote: بوست هابط ياخ
ودخلت بس عشان اسلم علي تمبس |
.. 
والله يا طارق من شدة ما هابط لمان شربت لي موية ملح .. كان تشقني كان تخليني ..
المقدمة بتاعت البرنامج .. مدنها ورقة طول وعرض .. تتلعثم .. وتتكبكب .. وهي بتقرا منها ..
اتصلت ليها على زولة مصرية برضو قالت قاعده في الخرطوم وقالت برضو مهتمة بالشان السوداني .. واحتمال كبير تكون ناشطة .. الزولة الاتصلت عليها دي .. بدل ما نسمع صوته عايزه تقول شنو في النشاط حقها دا .. قامت اخدت ليها قحة شوية كدا .. وصوته قطع .. ربما يكون عندها ( كتكوتـه) طالما انها مهتمة باشان السوداني .. لابد من انو يكون جاته كتكوتـة .. ولو ما جاته كتكوتة على اقل تقدير تكون جاته حصبة يا ضربته ملاريا .. صوت قحته دا ما مطمني غايتو ..
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: tmbis)
|
| Quote: تلك الخلفية التي ظهرت بجانب الست اسماء تبين ميدان التحرير وتجمع المصريين فيهو بخصوص ازمة دستورية |
قالوا ليكم الربيع العربي سوف يمكن استحمال كدا يمر بالسودان !
يا جماعه عليييكون الله ! نحن ما عندنا ربيع عربي ! سموهو لينا (الهمبريب السوداني) ولا (الطراوه الفي الصي)
ولا أي شي تاني ! ليه مفروض علينا نكون زي المصريين ولا الليبيين ولا اي ناس تانيين خلقهم الله في حته تانيه غير السودان ؟!
| Quote: توضح لي انها كيف مهتمة بالشان السوداني وشن العلاقة بينه وبين الشعب السوداني واحساس الشعب السوداني |
لو سمحتا يا زميل البورض ! انت حاتعرف اكتر من الحاجه أسماء يعني ؟!
الزوله دي كانت ساكنه في الديم ورحلت جمبكم المورده قريبات دي ,, بيتهم فاتح في بيت ناس عقارب وش
وهوايتها المفضله : التزلج على الحفير
-------
(الهمبريب السوداني) مصطلح منقول عن صديق :)
| |
|
|
|
|
|
|
|
|
 Re: دي قنـــــاة شنو ؟! ومين الرئيس محمد البيييشييير دا ؟! (Re: tmbis)
|
Quote: خبيييييييرة عديل كدا .. وللاسف طول لففاني في السودان دا وفي الشان السوداني ما لاقتني اسماء الحسيني دي حايمه ليها في حلة يا في جامعة يا في بيت بكاء .. يا في سماية ..
جابت ليها صحفي قال اسمو عمار قاعد في القاهرة .. برضو خبير في الشان السوداني .. مع انو شكلو بيقول انو ناشط بس .. من ضمن المنشطات الحايمة اليومين ديل . |
يا تمبس
سلام
ياخ لو ما عارف قوقل
اسماء الحسينى صحفية معروف اهتمامها بالسودان وهى خبيرة الشئون الافريقية بجريدة الاهرام وزارت السودان مرات عديدة والتقت بكبار المسئولين اضافة الى انها كاتبة مواظبة فى سودانايل و لها عشرات المقالات المنشورة هناك عن الشأن السودانى
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: ناصر المحسى)
|
أشك في أن الزميل والزميلة العزيزين امبارح متعشيين بي روب
يا جماعة نحن في حالة ثورة او في الحقيقة "الثورتو انطلغت" عديل كدا
فلا داعي لتشتيت الكور وكدا.
بالمناسبة : في قناة تلفزيونية للمعارضة السودانية على القمر النايلسات
ترددها 11555 vertical كدي شوفيها يا داليا وادينا رأيك كخبيرة قنوات وكدا
كنت عايز افتح بيها بوست لكن والله بقى ما فينا روح للمجابدة وحكاية شكرا على المرور وووو ألخ
____________
وبالجمبة كدا مشتاقين وماعندكم جية قريب ؟
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: عبدالوهاب علي الحاج)
|
Quote: بالمناسبة : في قناة تلفزيونية للمعارضة السودانية على القمر النايلسات
ترددها 11555 vertical كدي شوفيها يا داليا وادينا رأيك كخبيرة قنوات وكدا
كنت عايز افتح بيها بوست لكن والله بقى ما فينا روح للمجابدة وحكاية شكرا على المرور وووو ألخ
|
لا لا كل سنه حلاوة ؟ يا عموو وهبه هي مرة واحدة والسلام , ودي زاتها لقيناها بالصدفه ,
لكن معلومه أنو في قناة خاصه (بالمعارضه السودانيه) دي كويسه , لانو قبل كم يوم قريت
على لسان (زميله) هنا أنو المعارضه ما عندها قناة فضائيه ولا حتى أذاعه ! واستغربتا جدا !
بعدين انا ولا فاضيه ليكون ولا فاضيه لي قنواتكون دي , تراا ورانا معايش
وياسيدي لا تقول شكرا للمرور ولا شيتين , اكتب كلامك كللللو ورا بعض وأهرب :)
----------
جيه قريب مافي لكن السعي الحثيث موجود , صاحبكم بقى يجي خاشي البيت يقول لي : نفسي امشي شارع النيل !
| |
|
|
|
|
|
|
|
|
 Re: دي قنـــــاة شنو ؟! ومين الرئيس محمد البيييشييير دا ؟! (Re: عبدالوهاب علي الحاج)
|
| Quote: بالمناسبة : في قناة تلفزيونية للمعارضة السودانية على القمر النايلسات |
وهبة الجقروتة ..
اخشى ان القناة الفضائية المعنية تكون القناة حقت .. مرتضى جعفر وتراجي واستيف ..
مش قبل كدا قالو عايزين يعملو ليهم قناة عشان يسقطوا بيها (المربوطة) بتاعت قناة الشروق ..؟
مرتضى جا قال في غمرة هوشة انتابته .. معا من أجل قناة فضائية .. وانا طبعا كنت فاتح لي بوست خاص بقناة الشروق في بدايته ..
مرتضى قناة من وقتها وكلما اللاقيهو في مكان .. بجي داخل وشايل معاي في يدي .. (اريل) عشان اساهم بيهو معاهو .. مرات بجيب لي (دش) ورسيفر .. ودا كلو وحيات ابتسامتك ما طمـر فيهو ..
المهم حسع دي عايزين نعرف القناة دي بتاعت منو .. عشان نكون واضحين .. انا غايتو ما شايف لي معارضة اعرض من معارضة البورض دي ..
..
حضر حالك اذا بتريد نحن جايين قريبات دي ان شاء الله .. موضوع الزميلة الخاص بي (شارع النيل) دا ما تصدقوا .. نحن ناس (ثورات) ساااكت ..
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: هشام المجمر)
|
جايبين سيدة (مصريه) خبيره في الشأن السوداني (نحاول ننسى موضوع اللوري دا)
ومعاها صحفي (سوداني) ,, ووين المنطق البيخلي الست ليليان تقدم السيده (الخبيره) قبل الصحفي السوداني ؟
الموضوع دا بالعمر ؟ ولا بالأقدميه ؟ ولا بالبركه ولا شنو بالضبط ؟!
بعدين يا ست ليليان موش مفروض كدا تجيبي ليكي مسؤول سوداني (الناطق الاعلامي باسم الحكومه مثالا)
عشان تكون (الصورة كامله) فعلا !!
عجبني ليك ياعمار
--------------
هشام المجمر شكرا على المرور :)
طارق جبريل .. الفيك اتعرفت :)
| |
|
|
|
|
|
|
|
|
 Re: دي قنـــــاة شنو ؟! ومين الرئيس محمد البيييشييير دا ؟! (Re: هشام المجمر)
|
سلامات يا مجمر ..
| Quote: ياخ لو ما عارف قوقل |
طبعا ما ممكن اقوقل اسماء الحسيني .. عشان اضيع زمني معاها .. انا حسع دي زعلان علي الزمن الضيعتو بسمع في كلامه في القناة المريبة دي ..
| Quote: اسماء الحسينى صحفية معروف اهتمامها بالسودان وهى خبيرة الشئون الافريقية بجريدة الاهرام وزارت السودان مرات عديدة والتقت بكبار المسئولين اضافة الى انها كاتبة مواظبة فى سودانايل و لها عشرات المقالات المنشورة هناك عن الشأن السودانى |
زارت السودان معناته يا هشام خبيرة بالسودان ..؟
خبيرة بالشان الافريقي دي حاجة تانية لكن خبيرة بالشان السوداني دي صعبة شوية اني احتمله .. كلامه دا كلام زول ما ليهو اي علاقة بي اي شان
السودان لا يعرف حقيقته الا من عاش فيه وخبر طبيعته وطبيعة اهله .. لكن زي البتقول المدينة السودانية كسسسسله دي وزي اسماء الحسيني صدقني تحتاج الى الف سنو ضوئية علشان تعرف ربع متر من مساحة السودان وعن احداثيات اهله السياسية والاجتماعية ..
هو اي زول بجي هنا يقول انو مشى السودان وانو مهتم بالشان السوداني وكتب ليهو كلمتين معناته بيعرف .؟
لا وايم الحق اسماء الحسيني دي تطلع من راسنا وتفتش ليها اهتمامات تانية ..
وقنوات زي دي بتروج لي امثال اسماء الحسيني ، وهذه المقدمة اللذجة جدا في تقديمها .. ارجو ان يقف الجميع في وجههم ولا مجال للتشويه الذي يمارس علينا .. في حقوقنا وفي مفاهيمنا .
لو كانت هي من تهتم بالشان السوداني .. كان على اقلاهو .. تحاول تغير الصورة التي ينادينا بها الكثيرين من الدول العربية .. وحتى الدولة التي تعيش فيها .. وعن الصورة التي اقترحوها لنا ..
يا عمي بلا ايماء الحسيني بلا اسماء بن بن ..
| |
|
|
|
|
|
|
|
|
|
Re: دي قنـــــاة شنو ؟! ومين الرئيس محمد البيييشييير دا ؟! (Re: ناصر المحسى)
|
ديل الناس البنقلوا من الناس الغلط....
دى مشكلة ألأعلام فى الشرق ألأوسط........يصلوا ليك خمسين مليون قتيل وتلقى عدد السكان 2مليون بس....تضخيم فى الفاضى..
الحقيقة هناك مظاهرات نعم....لكن ثورة لسه....
ياريت الناس تمتلم المعلومة السليمة عشان تعرف حاجاته..........تحياتى أخت داليا ..
والتغيير مطلوب بس برؤية وفكر.
| |
|
|
|
|
|
|
| |
داليا الكباشى
ناصر المحسى
tmbis
محمد إبراهيم علي
طارق جبريل
هشام المجمر
عبدالوهاب علي الحاج
ismeil abbas
مدثر صديق
منتصر عبد الباسط
فيس بوك
تويتر
انستقرام
يوتيوب
بنتيريست