|
اعلان نتائج قرعة اللوتري للعام 2013
|
تحياتي لعموم اللوتراب
ستقوم ادارة الهجرة بالولايات المتحدة الامريكية باعلان نتائج قرعة اللوتري للعام 2013 في الاول من مايو وساقوم بشرح مبسط للطريقة التي يمكن ان يراجع بها جميع الاخوة والاخوات والقراء عبر موقع ادارة الهجرة عما اذا قد تم قبلوهم لهذه القرعة.
امنياتي للجميع بالفوز
Quote: DV 2013 Program: Beginning on May 1, 2012, all entrants may check the status of their entry.
Entrant Status Check will be the ONLY means of informing you if your entry was selected or not. All entrants, including those NOT selected, may check the status of their entries through the Entrant Status Check on the E-DV website www.dvlottery.state.gov. Entrants will need to use the information from their confirmation pages saved at the time of entry. |
|
|
|
|
|
|
|
|
Re: اعلان نتائج قرعة اللوتري للعام 2013 (Re: الامين موسى البشاري)
|
ستضح لك الصورة ادناه بعد نقرك علي الرابط
www.dvlottery.state.gov
ومن ثم تدخل البيانات المطلوبة وهي
1/ الكونفيرميشن نمبر 2/ الاسم الاخير او اسم العائلة 3/ سنة الميلاد ( ارجو ان ينتبه الجميع لعدم ادخال يوم او شهر الميلاد. فقط سنة الميلاد)
وبعد داك تقول يا مسهل وتدوس علي ( كونتنيو)
بهديها بتظهر ليك ارقاك كدا قوم دخل الارقام دي
وتااااااااااني تقول يا مسهل.... وتاني فرد دوسة علي ( كونتيو) وبتظر ليك نتيجتك ياااا غرقت يا جيت حازما لووووووووب علي قول دينا
| |
|
|
|
|
|
|
Re: اعلان نتائج قرعة اللوتري للعام 2013 (Re: الخير محمد عوض)
|
Quote: شهرا ما عندكـ فوقو نفقة ما تعد ايامو شكراً يا الخير وبالتوفيق للجميع جهدكـ مقدر وربنا يثيبكـ عليه يا الخير |
الاخ الامين تحياتي يا حبوب وتسلم علي المرور.... انت هين يا حبوب الشهر دا ما عندك فوقو نفقة لكن المشكلة ( حبظلم بظاظا) بكون مصادق الحمام هسي هههههههههه
ودي
| |
|
|
|
|
|
|
Re: اعلان نتائج قرعة اللوتري للعام 2013 (Re: الخير محمد عوض)
|
الخير إزاى الحال
حتى لو فزنا ياخى عايز ليك رسوم فيزا 3000 ريال يعنى أنا واولادى 12000 ريال فيزا بس ياخ معقول؟!!!! الأمريكان صراحة ببالغو والأمر من كده إنو لو ما ادوك الفيزا لاى سبب قروشك Unrefundable
غايتو كدى نفوز وبعدين ندبرا
تحياتي يا الخير
| |
|
|
|
|
|
|
Re: *** دخل القش .. وما قال كش *** (Re: محمد عبد الماجد الصايم)
|
Quote: ود الفكي .. إت السنة الفاتت مش جيت عملت لينا (حركة في شكل وردة) وقلت الحكاية ضربت!! الظاهر عليكـ ح تاخد لفّة تاني!! |
تلف للصدقة والزكاة، قول امين سريع قبال ما يخطفها منك زول السنة الفاتت بعد ما شفتك انت وهارون دياب ما اختاروكم كالعادة قلت اقلقكم شوية، لكن القلقة البصح السنة دي، كدي لما افتح البوست بتاع الفوز اليسبقك زول على النهنئة عشان نخسر بعض رسمي خلي روحك رياضية ماتقول السنة دي البنغالة ما مقدمين
| |
|
|
|
|
|
|
Re: *** دخل القش .. وما قال كش *** (Re: محمد عمر الفكي)
|
الاخوة اللوتراب حييتم.... وعذرا ان تاخرت في الرد
طبعا الايام الفاتت دي اتهلجنا هجلجة شديدة جدا ههههههههههه فقلنا نستريح شوية كدا مع الاحباب
العزير بشير حسن بشير
Quote: تشكر يا الخير على مجهودك الكبير وجعله الله فى ميزان حسناتك |
تسلم كتير يا بشير وربنا يقدرنا يا بشير -علي قدر العندنا- نخدم ونفيد الناس.
المريخابي الصفوة هارون دياب.... سلامات يا صديقي
Quote: ياعمك ..... سلامات اها ندخل الرقم القديم ولا شنو.....؟ |
ايوة يا صفوة. الرقم الرسلتو ليك دا بس ابقى عليهو عشرة ودخل الرقم متبع طريقة الشرح الفي بداية البوست تقبل اطيب التمنيات يا حبوب
واصل كيفك يا رجل وصدقني كان فزت القروش بتدبر مافي عوجة تب وانا من هسي علي حق التزكرة ذهاب وغياب ههههههه
اخانا العزير محمد عمر الفكي.... سلامات يا رجل
Quote: يا الخير رسلت ليك ايميل طويل عريض وما رديت علينا؟ الايميل رسلته على [email protected] عندك ايميل غيرو؟ |
يبدو لي يا ابو حميد ما بتكتب عنواني صاح لانو بعد حرف الـ ( y ) ما ( - ) .... الصحيح انو بعد حرف الـ ( y ) انك تكتب ( _ ) وحبابك كتير يا محمد انا يا سيدي تحت الخدمة وعوجة تب مافي باذن الله وممكن تضيفني في الفيسبوك برضو لاني بقيت اتواجد هناك اكتر.... ما شايف ود القاضي شايل حالي كيف ..... تحياتي
Quote: قلت لي الأول من مايو .. ياخ دا وكت ضيّق خلاس لحدي ما الواحد يلملم حاجاتو ويتجه إلى أرض الأحلاااااام والعم سام!!
|
شفقة نفيسة بس ههههههههههه..... هسي القال ليك منو بستفو طوالي كدا ..... ياود الصايم الناس الحا يفوزوا هسي بعد كم يوم ديل ما حا يجو امريكا الا في اوائل او منتصف عام 2013.... جنس شفقة
Quote: يا زول هوي! السنة الجاية ما داير |
والداير منو .... وبعدين محمد عمر دا كان فاز يا يدورك هنا لامن تفهم شي هههههه
اخانا حافظ انقابو كيفك يا حبيب وان شاء من الفايزين المرة دي لكن يا حافظ قالو اول مرة برجعوها في مساماها هههههههههههه فشنو يعني اذا ما حصل النصيب تخلي اخلاقك رياضية زي اخوك ود الصايم دا بقدم من زمن بوش الاب الاكبر ههههههه وتراهو غايتو صابر كل مرة بحرد وتاني بقدم
Quote: شنو في الفيس نسلم عليك ماترد والجكس قبل يسلم ترد عليهو ؟!! ... |
ود القاضي يا فضيحة ههههههههه عشان حركاتك دي ان شاء تفوز ........ وانا قااااعد يا صديق بهناك وانا زاتي دايرك والله مغروض فيك....المرة الجاية حا ارد ليك قبل ما تسلم.
Quote: غايتو انا قدمته السنه الفاتت وما لفقت وهسي قدمته قنعانه ... كدي النشوف اخرتا |
القنع دا ما سر اللعبة زااااااااااااتو يا نجلاء ههههههههه.... اهممممم حاجة الزول يقدم ويعمل فيها نظام الموضوع ما هاميهو كتير ونظام اه فزت فزت ما فزت يعني شنو امنياتي لك يا خية بالفوز في هذه المرة
Quote: حسي في داعي... كان تخلينا ناسيين الموضوع يا الخير! |
اووووووووو بت الحسين سحسيا بي اندينا.... كيفك يا خية او ( يا بت اهلي ) والبين قوسين دي بشرحها ليك في العدد القادم لوووووووووب....امنياتي الصادقة لك يا خية بلوترة موفقة في هذه المرة.
كامل امنياتي للجميع
| |
|
|
|
|
|
|
Re: *** دخل القش .. وما قال كش *** (Re: الخير محمد عوض)
|
سـلام الاخ الخـير
شكرا علي البوست الخدمي المتميز ...
لو تكرمت عندي سؤال بخصوص معرفة النتيجة...؟؟؟
هل أدخال رقم التاكيد لمعرفة النتيجة بتعملو مرة واحدة فقط,, ولا ممكن تعيدو عدة مرات في فترات مختلفة ؟؟؟
لأنو سمعت أنو النتيجة بتطلع علي دفعات.. وفي شهور متتالية ....
تحياتـــي ....
| |
|
|
|
|
|
|
Re: *** دخل القش .. وما قال كش *** (Re: Mutaz Khalil)
|
Quote: و تكرمت عندي سؤال بخصوص معرفة النتيجة...؟؟؟
هل أدخال رقم التاكيد لمعرفة النتيجة بتعملو مرة واحدة فقط,, ولا ممكن تعيدو عدة مرات في فترات مختلفة ؟؟؟
لأنو سمعت أنو النتيجة بتطلع علي دفعات.. وفي شهور متتالية .... |
الاخ معتز خليل طاب يومك يا رجل اما فيما يتعلق بالسؤال النتيجة التي يتحصل عيها المتقدم -اذا كانت رفض او قبول- هي النتيجة الاخيرة وداير اصحح الفهم الخاطئ بانو النتيجة بتطلع لي شكل دفعات.... طبعا دا مفهوم خاطي حاليا, لكن قبل عدة سنين فعلا النتيجة كانت بتظهر علي علي دفعات والسبب في كدا انو قبل عدة سنين كان برسلو لاخطار الفائزين عبر البريد العادي وما كان في حاجة اسمها ( كونفيرميشن نمبر) رقم تاكيد ....وطبعا ما كانو بقدرو يرسلو كلللللل النتائج دفعة واحدة..... عشان كدا كانو برسلوها في شكل دفعات.... اما الان وبعد ان اصبح كل متقدم يملك كونفيرميشن نمبر فالنتيجة التي تظهر لك عند مراجعة نتيجة التقديم هي النتيجة النهائية اتمني اني اكون وفقت في شرح هذه النقطة الهامة.... تحياتي وامنياتي.
| |
|
|
|
|
|
|
Re: *** دخل القش .. وما قال كش *** (Re: الخير محمد عوض)
|
Quote: ومن ثم تدخل البيانات المطلوبة وهي
1/ الكونفيرميشن نمبر 2/ الاسم الاخير او اسم العائلة 3/ سنة الميلاد ( ارجو ان ينتبه الجميع لعدم ادخال يوم او شهر الميلاد. فقط سنة الميلاد)
وبعد داك تقول يا مسهل وتدوس علي ( كونتنيو)
بهديها بتظهر ليك ارقاك كدا قوم دخل الارقام دي
وتااااااااااني تقول يا مسهل.... وتاني فرد دوسة علي ( كونتيو) وبتظر ليك نتيجتك ياااا غرقت يا جيت حازما لووووووووب علي قول دينا |
الأخ الخير ـ تحية ود وتقدير
يبدو لي وأنت سيد العارفين ـ إما تدخل (الكونيرميشن نمبر) + (للإسم الأخير أو إمس العائلة)
أو
(للإسم الأخير أو إمس العائلة) + (تاريخ الميلاد بالسنة فقط)
لدى سؤال أخي الخير ـ
ماهى الصيغة التي ستظهر لي في حال قبل طلبي ، والصيغة الأخرى في حال لم يحالفني الحظ ورفض طلبي
| |
|
|
|
|
|
|
Re: *** دخل القش .. وما قال كش *** (Re: محمد علي البصير)
|
ألاخ محمد علي البصير
تحياتي يا حبوب
Quote: يبدو لي وأنت سيد العارفين ـ إما تدخل (الكونيرميشن نمبر) + (للإسم الأخير أو إمس العائلة)
أو
(للإسم الأخير أو إمس العائلة) + (تاريخ الميلاد بالسنة فقط) |
طبعا يا محمد ما اوردته انت في المقتبس اعلاه من الاخطاء البقعو فيها كتير من الناس.... طيب الصحيح شنو؟ الصحيح ياخي الفاضل هو ان المتقدم حتى يراجع نتيجته لا بد ان يملا (كل) الخانات ( التلاتة) كللللللها حتين يقدر يعرف نتيجتو شنو........ طيب المشكلة وين؟...... المشكلة في كلمة OR الخاتيها الخواجة دي مش كدا.... طيب يا محمد OR دي عمنا الخواجة ختاها عشان يقول انو الما عندو لاست نيم ولا اسم عائلة يقوم يعمل علامة ( تك) في المربع الصغير المختوت دا وبنعفيهو من انو يملا الخانة الفي الوسط دي بتاعة اسم العائلة او الاست نيم ودي طبعا حالة ناااااااادرة جدا انو زول ما يكون عندو لاست نيم ولا اسم عائلة. المهم..... خلاصة الموضوع شنو؟.... خلاصة الموضوع انه لااااااااااا بد من ملئ الثلاتة خانات كااااااملة حتي يتثنى لك معرفة نتيجة تقديمك...... يعني مافي زول يكون ضيع الكونفيرميشن نمبر بتاعو ويجي يقول كدي النجك نتيجتي وما املا الخانة الاولى دي..... دا مستحيييييييييييل يعرف ليهو نتيجة لانة بدون الكونفيرميشن نمبر دا وباقي البيانات المطلوبة ماااااااافي زول بقدر يعرف نتيجة تقديمه.
الخلاصة: لاااااااا بد من ملى التلاتة خانات للتعرف علي نتيجة التقديم
اما فيما يتعلق بـ:
Quote: ماهى الصيغة التي ستظهر لي في حال قبل طلبي ، والصيغة الأخرى في حال لم يحالفني الحظ ورفض طلبي |
فدي يا سيدي الفاضل هسي مااااااا عندي ليها اجابة الا يفوز معاي زول من المتقدمين واشوف الصيغة الجديدة بتاعة خطاب القبول او رسالة الرفض لاعرضها في هذا البوست باذن الله واتمنى ان يكون ذلك الشخص هو انت باذنه تعالى.... تقبل تحياتي واتمنى اني اكون قدرت ارد علي اسئلتك بصورة كويسة.
| |
|
|
|
|
|
|
Re: *** دخل القش .. وما قال كش *** (Re: Asim Fageary)
|
Quote: ألاخ محمد علي البصير
تحياتي يا حبوب
Quote: يبدو لي وأنت سيد العارفين ـ إما تدخل (الكونيرميشن نمبر) + (للإسم الأخير أو إمس العائلة)
أو
(للإسم الأخير أو إمس العائلة) + (تاريخ الميلاد بالسنة فقط)
طبعا يا محمد ما اوردته انت في المقتبس اعلاه من الاخطاء البقعو فيها كتير من الناس.... طيب الصحيح شنو؟ الصحيح ياخي الفاضل هو ان المتقدم حتى يراجع نتيجته لا بد ان يملا (كل) الخانات ( التلاتة) كللللللها حتين يقدر يعرف نتيجتو شنو........ طيب المشكلة وين؟...... المشكلة في كلمة OR الخاتيها الخواجة دي مش كدا.... طيب يا محمد OR دي عمنا الخواجة ختاها عشان يقول انو الما عندو لاست نيم ولا اسم عائلة يقوم يعمل علامة ( تك) في المربع الصغير المختوت دا وبنعفيهو من انو يملا الخانة الفي الوسط دي بتاعة اسم العائلة او الاست نيم ودي طبعا حالة ناااااااادرة جدا انو زول ما يكون عندو لاست نيم ولا اسم عائلة. المهم..... خلاصة الموضوع شنو؟.... خلاصة الموضوع انه لااااااااااا بد من ملئ الثلاتة خانات كااااااملة حتي يتثنى لك معرفة نتيجة تقديمك...... يعني مافي زول يكون ضيع الكونفيرميشن نمبر بتاعو ويجي يقول كدي النجك نتيجتي وما املا الخانة الاولى دي..... دا مستحيييييييييييل يعرف ليهو نتيجة لانة بدون الكونفيرميشن نمبر دا وباقي البيانات المطلوبة ماااااااافي زول بقدر يعرف نتيجة تقديمه.
الخلاصة: لاااااااا بد من ملى التلاتة خانات للتعرف علي نتيجة التقديم
اما فيما يتعلق بـ:
Quote: ماهى الصيغة التي ستظهر لي في حال قبل طلبي ، والصيغة الأخرى في حال لم يحالفني الحظ ورفض طلبي
فدي يا سيدي الفاضل هسي مااااااا عندي ليها اجابة الا يفوز معاي زول من المتقدمين واشوف الصيغة الجديدة بتاعة خطاب القبول او رسالة الرفض لاعرضها في هذا البوست باذن الله واتمنى ان يكون ذلك الشخص هو انت باذنه تعالى.... تقبل تحياتي واتمنى اني اكون قدرت ارد علي اسئلتك بصورة كويسة. |
شكراً أبو الخيرات يا حبيب ـ
ربنا يجعل هذا العمل في موازين الحسنات
| |
|
|
|
|
|
|
Re: *** دخل القش .. وما قال كش *** (Re: محمد علي البصير)
|
اخانا ود البصير تسلم لكريم الدعوات
وددت التنبيه الى انه قد تبقى يوم واحد فقط وانو فرق الزمن بين امريكا والسودان هسي تقريبا حوالي سبعة ساعات بتوقيت الساحل الشرقي لامريكا..... عليه, يوم واحد خمسة دا لامن يجي في امريكا الساعة بتكون سبعة صباحا بتوقيت السودان ودول الخليج..... يعني البل بدري بدري.... الزول ياخد ليهو بلة ويمشي الشغل
ONE more day to go
| |
|
|
|
|
|
|
Re: *** دخل القش .. وما قال كش *** (Re: الخير محمد عوض)
|
الاخ معتز خليل تحياتي تنبيه هام لمعلومة اوردتها انا هنا وهي معلومة خاطئة... وسبب ايرادي لها خطأ هو اني لم اطلع علي المعلومة الجديدة التي وردت في موقع الهجرة وبنيت ايرادي للمعلومة لبيانات قديمة.... ارجو عذري في ذلك... وردني من الاخ وزميل البورد خالد سوميت التصحيح لمعلومتي الخطا وبالفعل بالرجوع لموقع ادارة الهجرة تاكدت من المعلومة الجديدة وهي تتعلق بسؤالك
Quote: و تكرمت عندي سؤال بخصوص معرفة النتيجة...؟؟؟
هل أدخال رقم التاكيد لمعرفة النتيجة بتعملو مرة واحدة فقط,, ولا ممكن تعيدو عدة مرات في فترات مختلفة ؟؟؟
لأنو سمعت أنو النتيجة بتطلع علي دفعات.. وفي شهور متتالية |
سابقا كان ما اوردته لك في ردي الاول.... اما الان فوجدت الاتي في موقع الهجرة
Quote: DV 2013 Entrants: Please keep your confirmation number until at least September 2013, even if you are not selected on May 1, 2012. The Department of State may select more DV 2013 entries on October 1, 2012. |
الكلام دا معناتو شنو... معناتا اي زول لو راجع نتيجتو ولقى انو ما فايز ما يقوم يهمل الكونفيرميشن نمبر بتاعو بل يجب ان يحتفظ به لغاية شهر سبتمبر ويراجع بيهو تاني لانهم في شهر اكتوبر يوم واحد ( احتمااااال) يقوم يعملو اختيار تاني..... وجب التنبيه لهذه الجزئية العامة جدا جدا جدا..... وامنياتي للجميع بالتوفيق.
سويعات بسيطة تبقت لاعلان النتيجة وان شاء الله حبظلم بظاظا يفوز يا عمر
| |
|
|
|
|
|
|
Re: اعلان نتائج قرعة اللوتري للعام 2013 (Re: الخير محمد عوض)
|
اخونا الخير
لك التحية
سؤال
انا لما قدمت .. ضغطت بالغلط على المرحلة الثانوية في المؤهل .. في حين انو انا خريج جامعي .. وما انتبهت للموضوع ده الا بعد ما اخذت الكونفيرميشن نمبر .
اها هسي انا اعمل شنو .. لو انشاء الله فزت .
لك التحية مجددا
| |
|
|
|
|
|
|
Re: اعلان نتائج قرعة اللوتري للعام 2013 (Re: قمر الانبياء عبد الحي)
|
Quote: نا لما قدمت .. ضغطت بالغلط على المرحلة الثانوية في المؤهل .. في حين انو انا خريج جامعي .. وما انتبهت للموضوع ده الا بعد ما اخذت الكونفيرميشن نمبر . اها هسي انا اعمل شنو .. لو انشاء الله فزت . |
الاخ قمر الانبياء تحياتي
ارجو اضافتي في صفحتي في الفيسبوك بنفس اسمي المستعمله هنا دا
| |
|
|
|
|
|
|
Re: اعلان نتائج قرعة اللوتري للعام 2013 (Re: الخير محمد عوض)
|
Quote: دخلت الويب سايت ولقيت انو الكونفيرميشن نمبر ببدا ب 2012 ... ده المفروض ... وانا عندي بتاع 2013 فياريت توضح لينا لو نتيجة 2013 عندها عنوان تاني او المشكله وين. |
وليد خلاص قمنا للكبكبة هههههههههههه.... تحياتي يا حبوب وكل الامنيات
| |
|
|
|
|
|
|
Re: اعلان نتائج قرعة اللوتري للعام 2013 (Re: الخير محمد عوض)
|
اها يا حبظلم عليك الله ان فزت اديني البرادو "ربنا يديك خيرها ويكفيك شرها" هدية او بسعر رمزي وانا قدام الناس دي كلها ان فزت والله الكورلا تمانية وتسعين هدية ليك لا قرش لا تعريفة شوف انا ما بشوف نتيجتي الا لمن اشوف خبرك انت وهارون واخونا المجاهد شنو ربنا يوفقكم في فكي تاني من الاسرة تم استجلابه من الطائف امس مخصوصا عشان يمسك لي طرف السبحة من الجنبة التانية وبنتلاقى في النص وتاني نديها كرة
| |
|
|
|
|
|
|
Re: اعلان نتائج قرعة اللوتري للعام 2013 (Re: محمد عمر الفكي)
|
سلام الخير والضيوف هنا ...
الجديد المدة دي انو حيعملو سحب تاني غير السحب الاول ... السحب التاني حيكون يوم 1 اكتوبر 2013 ... عشان كدا حتي لو الواحد ما فاز في النتيجة بتاعت يوم 1 مايو د يحتفظ بالكومفورميشن نمبر حتى شهر عشرة يمكن يفوز في السحب التاني ..
الكلام دا اعلنوهو في الموقع الرسمي بتاعهم :
Quote: DV 2013 Entrants: Please keep your confirmation number until at least September 2013, even if you are not selected on May 1, 2012. The Department of State may select more DV 2013 entries on October 1, 2012. |
| |
|
|
|
|
|
|
Re: اعلان نتائج قرعة اللوتري للعام 2013 (Re: محمد عبد الماجد الصايم)
|
الاخ وائل الفحل تحياتي
وتسلم لتوضيح هذه الجزئية الهامة والتي اوضحتها انا في مداخلة سابقة بهذا الخيط وايرادك لها فعلا بيؤكد اهميتها وكدت انا انا اعيدها مرة اخرى وخيرا فعلت انت بان لخصتها بصورة مبسطو وواضحة.... سلمت يا حبوب
اخانا ابن الصائم تحياتي يا حبوب كنت قدر ارسلت لك الكونفيرميشن نمبر ارجو ان تراجع ايميلك وكان ما لقيتو احب اطمنك انو موجود معاي وما تشيل هم.... اشوف ليك وللا تشوف براك
| |
|
|
|
|
|
|
Re: اعلان نتائج قرعة اللوتري للعام 2013 (Re: ناذر محمد الخليفة)
|
اخانا بهاء بكري الرجل الذي اختفى عنا في ظروف غامضة... كيقك يا حبوب وباذن الله اراجع ليك نتيجتك واديك اخبار سعيدة...انت وصاحبك لابسين طواقي اخفاء الايامات دي....تحياتي لك والاسرة.
Quote: خلاص نوصل سلوكنا مع فيوز الموقع أمكن تنور وأمكن تعمل شورط؟!
زي ما قال ود الفكي .. في مشكلة في الرابط .. كدي شوف الحاصل شنو ..! |
ناذر بطل كبكبة.... الموقع يا ابو الصحب حا يفتح الساعة سبعة مساء بتوقيت السودان ولحينها استعين بالصبر والصلاة
| |
|
|
|
|
|
|
Re: اعلان نتائج قرعة اللوتري للعام 2013 (Re: إدريس البدري)
|
يا ناس السعودية من الساعة 7 بحاول ادخل الموقع عبر الانترنت اكسبلورر بس ما قادر، بالقوقل كروم الصفحة بتفتح لكن رابط النتيجة ما بظهر الخير الحقنا بسرعة وادينا النجيضة مافيني طريقة اصبر لحبظلم دا لحدي بكرة وصراحة كدا خايفو يمشي ينوم قبل ما اقلقله
| |
|
|
|
|
|
|
Re: اعلان نتائج قرعة اللوتري للعام 2013 (Re: اشرف السر)
|
شوف يا اشرف تزح جاي جاي بتلقى زول اخد محلك ويمكن يفوز خليك سواق ليموزين باكاستاني بس، لما يشوف زول رامي اشارة داير يخش الشارع يجري جري ويقفل له الشارع ويقعد يعاين فيهو بوجه خالي من اي احساس غير التحفز للمشكلة خليك زيو
| |
|
|
|
|
|
|
Re: اعلان نتائج قرعة اللوتري للعام 2013 (Re: إدريس البدري)
|
تسلم يا الخير ودايما سباق الله يديك العافية ياخي انا كل سنة مواظبة علي التقديم وعارفة انه النحس جايني من ود حلتي ود الصايم طيب الله ثراه البفكني وبحلني من ود الصايم دا ليه الحلاوة وبعداك اموري كلها بتظبط المشكلة النحس بتاعه اتجاوز قصة اللوتري ودخل اللحم الحي دحين يالخير شوف طريقة للخو ود الصايم دا وخارجه هسي عشان اشوف النتيجة اللنك ما فتح معاي الدبارة شنو
| |
|
|
|
|
|
|
Re: اعلان نتائج قرعة اللوتري للعام 2013 (Re: Dr. Ahmed Amin)
|
Quote: الموقع قطع موية ونور
والخير زاغ ..
|
الخير لاااااااااابد وعندو نفس مشكلتكتم انو السيرفر بيزي ودا شي طبعا متوقع مع الملايين المقدمة دي غايتو قلت اديها كم ساعة كدا وابدا تاني من جديد اجك واشوف الحاصل شنو ولو فتح معاي باذن الله حا ارجع هنا لافادة الناس بذلك.
| |
|
|
|
|
|
|
Re: اعلان نتائج قرعة اللوتري للعام 2013 (Re: اشرف السر)
|
سلام يالخير بريدو سيرو اللية يوم جديدو تشكر ياحبيب كنت عايز اول زول يخش يفرحك لانك زول خير اكيد كنت ح تفرح ليه لكن معليش غايتو 3 ارقام جلت لاصحاب مختلفين ان شاءالله يفرحوك الغيري حظ اوفر للبقية اما نحن ننتظر العدد القادم
| |
|
|
|
|
|
|
Re: اعلان نتائج قرعة اللوتري للعام 2013 (Re: عادل خياري)
|
سلام يا لوتريات ويا لوتريين
العاوز يشيك وما قادر بسبب النت
ممكن يرسل لي الكونفيرميشن نمبر وتاريخ الميلاد والفاميلي نيم
عندي إنترنت عالي الجودة والسرعة شيكت لناس هنا ومنهم من قضى نحبه ومنهم من فاز
دقائق معدودة وبتظهر قلنا نساعد وبالذات ناسنا في السعودية
ونشارك الخير في الأجر
بس لمن تمشوا أمريكا ما تنسونا من صالح الدعوات
لأني شايفهم بيشتكوا
لكم الود
| |
|
|
|
|
|
|
Re: اعلان نتائج قرعة اللوتري للعام 2013 (Re: مريم بنت الحسين)
|
سلام
أنا أي واحد رسال لي حأرد عليهو
بس خلوني أخلص التشييك وطبعاً الأرسل أول حأرد عليهو أول
الموقع بيفتح معاي كويس
بس مؤخراني سودانيز أونلاين وفتح البريد الخاص
على العموم شغال ليكم كلكم
وحأرسل ليكم الرد سواء كان إيجابي أو سلبي
مع خالص الود والتنيات بالتوفيق
| |
|
|
|
|
|
|
Re: اعلان نتائج قرعة اللوتري للعام 2013 (Re: محمد عبد الماجد الصايم)
|
رحنا في شربة مية
اول المعترفين بالسقوط في هذه القرعة العجيبة
Quote: Based on the information provided, the Entry HAS NOT BEEN SELECTED for further processing for the Electronic Diversity Visa program at this time. More entries will be selected in early October 2012, so please keep your confirmation information until at least that time.
Please verify that you have entered all information correctly. You may re-check the Entry status by clicking on the ESC Home Page link below. |
شكرا للخير على اجر المناولة وانا اصلا عارف حظي في الكبده عضم
| |
|
|
|
|
|
|
Re: اعلان نتائج قرعة اللوتري للعام 2013 (Re: عبدالمجيد الكونت)
|
دا العبد لله Based on the information provided, the Entry HAS NOT BEEN SELECTED for further processing for the Electronic Diversity Visa program at this time. More entries will be selected in early October 2012, so please keep your confirmation information until at least that time. Please verify that you have entered all information correctly. You may re-check the Entry status by clicking on the ESC Home Page link below
معترف وح ابلع مع البالعين
| |
|
|
|
|
|
|
Re: اعلان نتائج قرعة اللوتري للعام 2013 (Re: حافظ انقابو)
|
كل التهاني للفائزين وترحب بيكم بلاد عمكم سام.... وهارد لك لمن لم يتم اختيارهم هذه المرة ويا ريت لو في اي اخبار حلوة
لاي شخص من اللذين فازو يورينا ليها هنا خصوصا اللذين قدموا معي ولاني لم استطيع مراجعة كل الناتئج هذه المرة......كل الذين قدموا معي ارسلت لهم رقم التاكيد
لمراجهة نتائج تقديمهم ..... تحياتي مرة اخرى وحظ سعيد.
| |
|
|
|
|
|
|
|