|
|
 ومع العطور .. يحلو الحديث ..!
|
العطور .. تلك النسمات اللطيفة التي تتسلل الى الدواخل عبر الأثير ثم ما هي إلا طرفة عين حتى تتخطفها الدواخل ..
فلربما اغمضت عينيك وأنت تستنشق -بعمق- عبيراً باذخاً ، فتصبح النفس غير النفس .. والزمان غير الزمان ..
وإذا ببيت من الشعر يخرج من ذاكرتك فتصيبك الدهشة حينما ترى حروفه تغدوا مروجاً .. وأنهاراً .. وظلالاً ..!
والريح تعبث بالغصون وقد جرى *** ذهب الأصيل على لجين الماء
*****
العطر طِيب .. والطيب منقبة ..
حبب لرسولنا الكريم صلى الله عليه وسلم الطيب في الدنيا -فداه أبي وأمي- هذا على ما شهد له الناس من أن عرقه كان يؤخذ منه في قارورة ..
ثم يصب على العطر .. فيفوح العطر فرحاً بطيب عرقه صلى الله عليه وسلم
يا حبيبي يا رسول الله ..
*****
الناس مثلما هم معادن .. هم كذلك مثل العطور ..!
فيهم الأصيل .. والإمّعة ..
الرفيع .. وال######## ..
الغالي .. والرخيص ..!
وإختيار العطر يدل على شخصيتك .
*****
من شاء أن ينطلق بآلة الزمن الى الوراء .. فليس له إلا العطر ..!
عجيب أمر هذا العقل حينما يصور لنا التاريخ ماثلاً أمامنا على طريقة الـ Flash Back
ولكن .. تتناثر بقايا الذكريات من طول الدهر ، فلا يكتمل المشهد .. ولكن ...
قطرة عطر واحدة بإستطاعتها أن تعيد المشهد كاملاً .. وإن كان قبل أربعين سنة ..!!
|
|
 
|
|
|
|
|
|
|
 Re: ومع العطور .. يحلو الحديث ..! (Re: محمد عبدالله مختار)
|
حينما أتنسم عطر fahrenheit اعود الى الطفولة اسرع من لمح البصر ..
(العزيزية) .. ذاك الحي القديم .. ذكريات لا يمكن لقرص سعته الف تيرابايت تخزينها ..
ولكنها في الدواخل محفوظة عن ظهر قلب ..
fahrenheit .. عطر الوالد -حفظه الله- لم أفكر في اقتنائه أبداً .. فهو لا زال حتى هذه اللحظة -عطر والدي- فكيف لي بإقتنائه ؟
ثم اليس من الرائع أن أسترجع الذكريات على سبيل المفاجآت بدلاً من الإسترجاع المصطنع ؟
أفضل هذا ..
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
زجاجة عطرك .. عنوانك ..
أعلم جيداً أن الإنسان المميز يحب أن يكون مميزاً حتى في عطره .. لذلك تجده يحتفظ بزجاجة عطر واحدة
يخلص لها كثيراً .. ولا يبخل عليها مهما كان الثمن غالياً ..
لكن لا بأس بأن يكون المرء مميزاً .. في الصيف .. وفي الشتاء ..
في النهار .. وفي الليل ..!
فإن كان لكل مقام مقال .. فلكل وقت عطره ..
الطبيعة كتاب مفتوح .. غامض ولكنه يبذل أسراره لمن يخلص له ..
ألا ترى معي تنوع الأزهار في الطبيعة ..
في فصل .. وآخر ..؟
في بلد .. وبلد ؟
تعال نتعلم سوياً من هذا الكتاب المفتوح ..
عطر للشتاء .. وعطر للصيف .. قارورة عطر للصباح .. وقارورة عطر للمساء
وقارورة عطر .. لزوجتك 
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
حينما كنت صغيراً .. كنت أتأمل قوارير العطر بفضول شديد .. ولكنني -بلا شك- كنت أتوه ما بين Perfume و Eau de toilette و Eau de cologne
الأول .. جلّ تركيبته من الزيوت العطرية .. وهو الأقوى بلا منازع ..
ثم قللوا من تركيزه فأنتجوا لنا Eau de perfume .. والذي تبلغ نسبة الزيوت العطرية فيه .. الربع .. أو ينقص منه قليلاً ..
الثاني .. نسبة الزيوت العطرية فيه لا تزيد عن 10%
الثالث .. نسبة الزيوت العطرية فيه لا تزيد عن 5%
والنسب التي ذكرتها تقريبية .. وغير دقيقة ، فأنا أكتب من الذاكرة .. وصححوني ان كنت مخطئاً
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
اختيار العطر مسألة شخصية جداً .. ربما تشبه اختيارك لأصناف الطعام ..
لكن علينا أن ننتبه أن هنالك بعض العطور تسبب الإزعاج للآخرين .. لذا يجب مراعاة مشاعر الآخرين
بعض الناس يعانون من حساسية تجاه عطور معينة خاصة ان كانت شديدة التركيز .. فتجدنا أحيانا نؤذيهم دون قصد
بعض العطور تصل مرحلة من الإيذاء للآخرين وكأنها تسدد لهم لكمات قوية على أنوفهم ..!
شخصياً أميل للعطور ذات الطابع الهادئ .. والمريح
فالعطر ليس لك لوحدك .. بل يشاركك فيه الآخرون ..
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
أجمل ما في العطور الأصيلة رائحتها .. وأسوأ ما فيها هو أثمانها الباهظة .
لا تعجبني دعايات العطور التي تبث على الفضائيات .. أراها -في الغالب- عوارة بكل ما تحمله هذه الكلمة من معاني 
ولم يحدث قط أن اشتريت عطراً بسبب دعاية تلفزيونية .. أفضل أن أشتم العطر بنفسي وبعد ذلك أقرر ما ن كنت سأشتريه أم لا
في المداخلة التالية بإذن الله سأتحدث عن بعض العطور التي أعجبتني .. بالطبع كنت سابقاً قد ذكرت عطر والدي العزيز (فهرنهايت) ولكنه العطر الوحيد الذي اعجبني ولم أقتنيه ..
بالطبع ..ما يعجبني قد لا يعجب غيري .. اختلاف الأذواق موجود في كل شئ
ولولا اختلاف الأذواق لبرات السلع ..!
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Cool Water .. من العطور القديمة الظهرت في نهاية التمانينات
هذا العطر مناسب جداً للصيف .. خاصة في سخانة السودان البتلحم دي ..
عندو عيب واحد بس .. في الأول الفوحان بتاعو رهيب لكن بعد ساعة او ساعة ونص بيبدا يقل ..
لكن عموماً .. حاجة كده مبالغة .. منعش للغاية !!
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Dior homme intense .. أحد ابداعات ديور
لا يعلى عليه في الأمسيات .. مميز للغاية .. ثابت بصورة مثيرة للإعجاب
رومانسي .. مناسب جداً لو انت والمدام طالعين تتعشوا بره .. أو ماشين للتنزه ..
عندو مشكلة واحدة بس .. غالي شوية .. لكن يستاهل والله ..!
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Polo Blue ربما هو العطر الوحيد الذي يتفق عليه الجميع .. أقول ربما ..
حتى الذين يشتكون من حساسية الأنف تجاه العطور .. لم يعانوا منه
هدوء .. أناقة .. رقة .. وجاذبية .....
عطر صيفي درجة أولى .. منعش للغاية ..
مخفف للأحزان .. مهدئ للنفوس
ببساطة .. عطر لن يتكرر ..!
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
الآن اسمحوا لي أن أتحدث عن عطر صيفي .. رائع
Azzaro Chrome Legend .. أسطورة حقيقية
لا أقول أنه عطر صيفي .. صباحي .. بل أقول أنه يناسب الخروج في شمس السودان في منتصف النهار .!
يعطيك احساس بالبرودة .. في عز الحر
في رمضان .. يشكك الزول في صيامو .. يقطع العطش عديل كده
رائحة الفواكه فيه واضحة .. لكنها متزنة .. بالطبع هنالك البعض لا يحب العطور التي تحتوي على رائحة الفواكه ..
شخصياً .. الفاكهة من الطبيعة .. وأحب رائحة الطبيعة
| |
|
|
|
|
|
|
|
|
|
Re: ومع العطور .. يحلو الحديث ..! (Re: وضاحة)
|
Quote: الاخ محمد بالله ركز لينا على عطور النساء ما هى احدث العطور الفرنسية
شكرا يا زوق |
شكراً جزيلاً وضاحة على الحضور ..
للأسف ما عندي فهم في العطور النسائية .. قصدي الأحدث ياتو والقديم ياتو ..
لكن ان شاء الله حأذكر ربما ثلاثة او اربعة عطور نسائية أعجبتني رائحتها .. بس أخلص الرجالية في الأول
تحياتي
| |
|
|
|
|
|
|
|
|
 Re: ومع العطور .. يحلو الحديث ..! (Re: نادر النور آدم)
|
ياخ دا كلام جميل جدا جدا!!
جرّبت أغلب العطور الهنا دي .. خاصة Dior homme intense
فترة طويلة كنت بستعمل العطر التحت دا .. لكن السوق بقى ضارب!!
_
الفهرنايت جميل جدا .. خاصة في السودان!
_
قسما بالله الـ Fuel for Life دا شايفو قدامي
ليهو أكتر من شهر وما جرّبتو .. أم روان جابتو
مع مجموعة عطور ولسع الدور ما وصل ليهو!!
| |
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Quote: علاقة ارتباط بهذا العطر امتدت لعشر سنوات
عطر جميل وبسيط وفواح ومنعش
وممكن تطلع من الحتة وتخلي الريحة وراك عادي ^_^
وبما إني بفكر في التغيير الآن فالبوست دا حا يكون فرصة ذهبية |
يا الف مرحب بيك يا نادر النور ..
والله ينور عليك في الدارين .. قول آمين
وشكراً على العطر الجميل .. والحضور الأجمل ..
تصدق أنا زاتي داير أغير ، قلت أستفيد من خبرة الأعضاء وأطلع لي بي عطرين تلاته
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Quote: قسما بالله الـ Fuel for Life دا شايفو قدامي
ليهو أكتر من شهر وما جرّبتو .. أم روان جابتو
مع مجموعة عطور ولسع الدور ما وصل ليهو!! |
ود الصايم يا عمك .. أخبارك ياخ ..!
ليك حق يا عمك تتجدع ما دام أم الأولاد جايبه ليك مجموعة عطور ، ربنا يسعدكم ان شاء الله ..
وشكراً يا مان على العطور الظريفة .. لكن يا ود الصايم ماله عطورك دي كلها أمورها ما واضحة 
أنا غايتو مشكلتي معقد عديل كده .. لو الفرنسيين ما كتبوا على العطر كلمة الرجل Homme ما بشتريهو ..
خليك من دفع القروش .. كان مجاني ما بشيلو
بالنسبة لي عطرك الأخير ده .. ما عندي غير أقول ليك : ود الصايم بطل دغمسه
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
معليش يا جماعة .. أنا ما شغال بترتيب زمني .. مجرد طرح لبعض العطور التي أعجبتني
نواصل في الموضوع ..
عطر Hugo .. by Hugo Boss
معروف للجميع .. قديم لكنه أصيل 
عطر صيفي رائع .. لا أجمل من أن تبدأ به يومك
انتشاره الواسع والتقليد السيئ كان سبباً في ابتعاد المميزين عنه ..
لكن يبقى سحره في عذوبة عطره .. وثباته لفترات طويلة .. وفوحانه القوي .. وجاذبيته المذهلة
الشئ الوحيد الذي لم يعجبني فيه هو التناقض الصارخ ما بين التصميم الرائع للقارورة .. والشكل البائس للعبوة الكرتونية .!
| |
|
|
|
|
|
|
|
|
 Re: ومع العطور .. يحلو الحديث ..! (Re: محمد عبد الماجد الصايم)
|
Quote: دا ياهو المطلّع روحنا عديل!!
يا تشتري من حتات معروفة وبأسعار خيالية
يا كمان تغني ظلموني الناس!! |
يا عمك ديل أمران أحلاهما مر ..
تمشي للناس الفاهمين (باريس قالاري على سبيل المثال) يجزروك ضحى ونصة نهار .. ويكرهوك الفهم زاتو
تمشي لي ناس قريعتي راحت تطلع مبسوط لكن أول ما تستخدم العطر تتذكر المثل السوداني المعروف : الرخيس بي رخستو يضوقك مغستو
للأسف .. ما أظن في عطر أصلي يكون الـ1 مل بأقل من 1 دولار ..
كده كده انتو في رحمة احمدوا ربكم ساي .. تعال شوف ناس باريس قالاري في عفراء مول بيعملوا في الناس شنو ..
تعمل فيها حريف تشتري عطور عبر الإنترنت عن طريق فريبك في الخارج وتترسل ليك بالدي اتش ال يلموا فيك قطاع الطرق بتاعين الحكومة (الجمارك) ويا تدفع أسعار خرافية ويا تنسى الموضوع .!
غايتو لو في مكانكم بشتري من مواقع الإنترنت المعروفة .. حاجة أصلية وأسعار ما رخيصة لكن أقل من السوق المحلي
| |
|
|
|
|
|
|
|
|
|
Re: ومع العطور .. يحلو الحديث ..! (Re: مازن فيصل هلال)
|
Quote:
Aramis
عطر لا استبدله بالف زجاجة عطر متنوعة
... غايتو من نعم الدنيا في دبي العطور و السيارات
---------------------------------
بوست جميل عطر و فريد,,,, وسط هذا الزخم من ال... |
مازن يا راقي .. شكراً على الحضور .. والعطر الرائع
أرامز العطر الأمريكي الأمريكي المعروف ..
فعلاً .. عطر راقي .. فخم
عادي في الملابس بكون موجود كم يوم .. ثبات عجيب
لكن وجهة نظري الخاصة انو قوي شوية .. يعني لو عملت في يدك وشميت مباشرة بيجيك صداع طوالي ..!
بالنسبة للصيف بشوف انو تقيل شوية .. وبالتأكيد كلامي ده ما بيقدح في العطر الراقي ده .. بس وجهة نظر
أشكرك للمرة التانية ويدك معانا في البوست ده عشان الناس تستفيد ..
تحياتي
| |
|
|
|
|
|
|
|
|
|
Re: ومع العطور .. يحلو الحديث ..! (Re: سيف اليزل برعي البدوي)
|
| Quote: غايتو لو في مكانكم بشتري من مواقع الإنترنت المعروفة .. حاجة أصلية وأسعار ما رخيصة لكن أقل من السوق المحلي |
تحياتي يا محمد
مرة عملتا مقارنة مرة بين اسعار السوق المحلي واسعار الانترنت لقيت مع سعر الشحن الاسعار بتكون متقاربة جدا والفرق ريالين او تلاتة ما اكتر
بالنسبة لباريس قالاري الفي عفراء ديل اكتر من جزارين مرة عملتا مقارنة بين اسعارهم واسعار الخليج لقيت السعر عندهم دبل وفي بعض الاحيان اكتر
غايتو اقع قرايبك الفي الخليج اديهم ميتين تلتمية دولار واكتب اسامي عطورك بتصل .
ياود الصايم ناس في محلات زي ناس سنسي وفيسسز عطورهم اصلية واسعارها متوسطة
دي العطر المفضل اخر ايام زمان كان البولو بانواعه
| |
|
|
|
|
|
|
|
|
|
Re: ومع العطور .. يحلو الحديث ..! (Re: ولياب)
|
الاخ محمد عبدالله مختار
سلام
احييك على البوست الجميل دا
الاخ ولياب جبت واحد من العطور الخطيره ف Jean Paul Gualtier le male ما فيهو اى كلام بس قدم شويه
كونى من الناس البسجرو كتير دايما بختار الريح القويه
غايتو التلاته البستعملم اسى
narciso rodriguez for him للشغل
paco rabanne 1 million دا chick magnet
واخيراً my favourite brand Gucci
| |
|
|
|
|
|
|
|
|
|
Re: ومع العطور .. يحلو الحديث ..! (Re: Amin Salim)
|
اما لو الزول مقرش شديد يشترى لى يوم عرسه ريحه من creed لانهم الافضل والاحلى والاغلى الجماعه ديل اتأسسو سنة 1760 و لسه بعملو الريح بتاعتم ب الطريقه التقليديه...ريحم متوفره فى ال high end stores
على ما اذكر كانت الريحه دى ضمن الشيله فى زواج ملكى فرنسى بريطانى بس ما متذكر التفاصيل
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
| Quote: Calvin Klein Eternity for Men |
شكراً جزيلاً أستاذ سيف اليزل على الحضور الجميل ..
Eternity عطر قديم راقي جداً .. ينافس بقوة أحدث العطور الموجودة على الساحة الآن ..
عطر يذكرك بعراقة فهرنهايت وتفوقها حتى تاريخ كتابة هذه المداخلة
حقيقة بعض العطور القديمة لن تتكرر أبداً مهما كان
عطر راقي من زول راقي
تحياتي
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Quote: تحياتي يا محمد
مرة عملتا مقارنة مرة بين اسعار السوق المحلي واسعار الانترنت لقيت مع سعر الشحن الاسعار بتكون متقاربة جدا والفرق ريالين او تلاتة ما اكتر
بالنسبة لباريس قالاري الفي عفراء ديل اكتر من جزارين مرة عملتا مقارنة بين اسعارهم واسعار الخليج لقيت السعر عندهم دبل وفي بعض الاحيان اكتر
غايتو اقع قرايبك الفي الخليج اديهم ميتين تلتمية دولار واكتب اسامي عطورك بتصل . |
مشكور يا أبوحميد على المداخلة ..
في الحقيقة يمكن في سوء تفاهم يمكن انت قاصد شراء عطر واحد فقط
أنا بتكلم عن شراء مجموعة عطور مرة واحدة عبر الإنترنت .. سعر الشحن للعطر الواحد ياهو زاتو سعر الشحن لي تلاته عطور!
ولو عايز تزيد واحد تاني الزيادة في الشحن بتكون بسيطة يمكن خمسه دولار حاجه زي كده
وصدقني حتلقى في فرق كبير .. غير انو على سبيل المثال ناس باريس قالاري تلقاهم رافعين سعر العطر بصورة ما منطقية
اضافة لي انو أحياناً في عطر مميز ما بتلقاهو في السوق .. لكن بتلقاهو في الإنترنت .. ومضمون انو أصلي
أكيد بقصد المواقع العندها سمعة طيبة ..
بالنسبة للعطر joop Jump أولاً شكراً على الهدية الجميلة
بالنسبة لي دي اول مرة يمر علي العطر ده لكن من الشكل الخارجي حاجة روعة
والله انا لمن اشوف اي عطر فيهو بلو برتاح نفسياً كده حتى قبل ما أجربو
لو ربنا يسر الأمور بمشي افتشو وأجرب .. بس ان شاء الله الفلسة بتاعة اليومين دي تفكنا
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Quote: الاخ محمد عبد الله لك التحية
بوست راااائع . ثقافة العطور عندنا فى السودان متدنية !
كما ذكرت الاخت وضاحة جيب عطور نسائية كمان ] |
شكراً يا دكتورة على الحضور ..
مشكلة العطور في السودان مشكلة كاش وجمارك وضرائب ونهب وسلب ودولار طالع وجنيه داقي الدلجة
بالنسبة للعطور النسائية كنت بفضل أخلص العطور الرجالية في الأول لكن يبدو لي عطر حالياً ما بطال .. وخلينا نبدأ بي عطر من جيفنشي
very irresistible L'Intense
عطر نسائي أكثر من رائع ..
تصميم القارورة براهو يستحق جائزة عالمية ..
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
أمين سالم يا مان .. أخبارك وان شاء الله انت طيب ..
أول حاجة اسمح لي أقول ليك حاول توقف التدخين .. صحتك بتهمنا
بالنسبة للعطور
narciso rodriguez for him بالحيل بعرفو .. عطر المسك الرائع
One Million عطر راقي جداً .. من وجهة نظري الخاصة توجد عطور شبيهة له والعطر لا يتناسب وفخامة العبوة ..
لا ch magnet ولا حاجة بتكون انت وجيه ساي
بالنسبة لي عطر قوتشي الأخير Guilty فده عطر نسائي راسو عديييييييل
أما لو قصدك Guilty الرجالي فده موضوع تاني
| Quote: اما لو الزول مقرش شديد يشترى لى يوم عرسه ريحه من creed |
ناس كريد ديل عطورهم مجنونة خاصة الأسطورة كريد الأبيض لكن أسعارهم خرافية
، ناس ديور مالهم؟ عيبهم لي
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
la nuit de l'homme
أسطورة حقيقية في عالم العطور .. أحد ابداعات ايف سان لوران
عطر رجالي عصري .. رقيق .. عذب .. أنيق .. رومانسي .!
أحد عطور الأمسيات الرائعة .. رائع رائع هذا العطر
توجد منه اصدارتين .. ماء تزيين وماء العطر
أمسك في ماء التزيين قوي .! Eau de toilette
عطر فوّاح .. ثابت .. لانوي دو لوم يستحق التجربة
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
الأخ / نادر النور
مع التحية والتقدير
اشكركم على الإشادة بعطري المفضل ( إسنسيا ليوي) وهو من العطور الفخمة والمتميزة وأجمل ما فيه تركيزه القوي وأنه فواح .
تسلم وعطر الله ايامك .
الأخ / محمد عبد الله
مع عاطر التحية ، الروعة في بوستك الفايح صندل ومسك وعود وورد الذي جلب لنا أثمن العطور من المشاركين الفنانيين العاشقين والمترفين والمترعين بالعطور الأخاذة الجذابة ، وللعطور سحرها الجميل في الأنفس ولكل عطر عبيره الخاص وربما أرتبط معك بذكرى معينة ،
دم أخي عاطر وناثراً للمسك .
الأخ / أمين سالم
تحايا عطره
شكرا على التعليق ، ونسأل الله لك العزيمة في الاقلاع عن التدخين ، وفعلاً المدخن يحتاج للعطور القوية الفواحة وبما أنك مدخن أوصيك ببخاخ ( معطر النفس) .
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Quote: بالنسبة لي دي اول مرة يمر علي العطر ده لكن من الشكل الخارجي حاجة روعة
والله انا لمن اشوف اي عطر فيهو بلو برتاح نفسياً كده حتى قبل ما أجربو
لو ربنا يسر الأمور بمشي افتشو وأجرب .. بس ان شاء الله الفلسة بتاعة اليومين دي تفكنا |
تحياتي يا محمد
نتمنى انو الفلسة تروح قريب وتجرب عطور الدنيا كلها
عطر جوب جمب طلع سنة 2005 ولكن للاسف بقى التقليد منو كتير ومعظم الكويسة بقيت ما بتجيب منو لانه بتلاقيه في محلات بتباع بي 70 و 80 وسعر الاصلي حوالي 250
اذا كنت بتحب المسحة الشرقية في العطر في عطر طالع من 2010 وتجريتو رائعة جدا اسمه مان من بولغري
| |
|
|
|
|
|
|
|
|
|
Re: ومع العطور .. يحلو الحديث ..! (Re: حمد فتح الرحمن)
|
Quote: الأخ / محمد عبد الله
مع عاطر التحية ، الروعة في بوستك الفايح صندل ومسك وعود وورد الذي جلب لنا أثمن العطور من المشاركين الفنانيين العاشقين والمترفين والمترعين بالعطور الأخاذة الجذابة ، وللعطور سحرها الجميل في الأنفس ولكل عطر عبيره الخاص وربما أرتبط معك بذكرى معينة ،
دم أخي عاطر وناثراً للمسك . |
ولياب يا راقي ..
أعجز عن وصف كلماتك التي فاحت كعطر جميل .. لك مني جزيل الشكر والتقدير
بالنسبة للعطر الخاص بك (إسنسيا ليوي) عندي سؤال .. هل هو عطر شتوي ؟ زي ما عارف نحن في السودان بتناسبنا العطور الصيفية
الشتوية بنستخدمها هنا في أمسيات الصيف لكن للفترات الصباحية ما بتنجح أبداً
برضو بسأل من السعر ؟
تحياتي يا رائع ..
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
| Quote: اذا كنت بتحب المسحة الشرقية في العطر في عطر طالع من 2010 وتجريتو رائعة جدا اسمه مان من بولغري |
مشكور جداً يابوحميد على العطر الجميل .. وتم اضافته للقائمة
من شكل القارورة واضح انو عطر صيفي .. وده معاي ميه الميه ، العطور الشرقية أجمل حاجة في الأعياد ، الأمسيات الرمضانية ، كذلك يوم الجمعة (خاصة الصلاة) ..
تحياتي
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
استراحة
أنصح أي شخص بعدم شراء أي عطر قبل التجربة لأنو أذواق الناس بتختلف ، وحتى التجربة تحتاج الى وقت ، يعني أول استنشاق للعطر ما بديك الحقيقة
لأنو معروف افتتاحية العطر بتتغير بعد فترة وجيزة ، بعد داك بتجي المرحلة التانية وهي الأهم ، الناس بسموها قلب العطر وأنا بسميها (لب العطر) ..
المرحلة التانية بتوريك حقيقة العطر ومدى الثبات والفوحان ، نهاية العطر وهي المرحلة البيسموها (قاعدة العطر) مهمة جداً لأنو مرات تتفاجأ انو في عطر جميل جداً لكن نهايتو بتكون ريحة معدنية سيئة للغاية ..
برضو رش العطر على الملابس او على الجسم بيوريك انو في اختلاف كبير جداً .. ثبات العطر على الجسم أقل من الملابس ,, والملابس ذاته خشم بيوت ، الملابس المصنوعة من القطن الطبيعي على سبيل المثال العطر بيثبت فيها لفترة طويلة جداً عكس الملابس المعمولة من الألياف الصناعية ..
عشان كده قصة انو الزول يجرب العطر ويشتريهو مباشرة دي عايزة وقفة ..
مهم جداً الواحد يشتري العطر الأصلي ودي مسألة عايزة وقت نخليها لي وقتها ، برضو تخزين العطر مهم جداً للمحافظة عليهو ، معظم الناس للأسف لمن يفتحوا عطر جديد بيجدعوا الكرتونة ، مش كده وبس تلقاهو خاتيهو قصاد الشباك والشمس داقه فيهو ، مع العلم انو عدو العطر الأول الضوء والحرارة . لذا وجب الإنتباه ووضع العطر في مكان مظلم وبارد قدر الإمكان .
من المهم برضو انو الزول يشتري العطور بواقع عطر صباحي وعطر مسائي ، معظم العطور الشتوية ممكن الواحد يستخدمه في الأمسيات الصيفية ، ومعظم العطور الصيفية الواحد ممكن يستخدمه في الصباحات الشتوية لكن شرط تكون الأيام الفيها دفء شوية لأنو العطور بتتحكم في الأحاسيس ، ما ممكن الدنيا برد شديد الواحد يمشي يتعطر بأزارو كروم لجند والله يموت نفسيات ساي
تحياتي
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
Quote: ولياب يا راقي ..
أعجز عن وصف كلماتك التي فاحت كعطر جميل .. لك مني جزيل الشكر والتقدير
بالنسبة للعطر الخاص بك (إسنسيا ليوي) عندي سؤال .. هل هو عطر شتوي ؟ زي ما عارف نحن في السودان بتناسبنا العطور الصيفية
الشتوية بنستخدمها هنا في أمسيات الصيف لكن للفترات الصباحية ما بتنجح أبداً
برضو بسأل من السعر ؟
تحياتي يا رائع .. |
مع التحية لبائع المسك
لك مني التقدير على كلماتك ، وعطر ليوي يتناسب مع الأجواء الباردة اللطيفة ومع الأمسيات ، الفترات الصباحية الحارة في أجواء السودان تصلح معها العطور القوية كالورد والمسك (والتي تكون على شكل دهن) .
وبخصوص السعر ، يترواح ما بين 150 ريال إلى 200 في بعض المحلات ، في المطارات يترواح السعر بين 340 ريال إلى 400 ريال .
ولو أنت في السودان أعتبر وصول زجاجة عكر من ليوي هدية مني لك عند حضوري في نهاية يونيو أو الأسبوع الأول من يوليو 2012م بإذن الله .
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
الاخ محمد بست جميل ..موفق ومفيد وخفيف ..شكرا ياخ..
الاخ ولياب جاب خلاصة الكلام هنا..
| Quote: وهذا العطر من العطور الخطرة جداً ورهيب لأبعد الحدود ، من جين بول قولتير Jean Paul |
واني اشهد انك رجل ذويق ياخ ده عطر خطيييييييييييييير جدا جدا جدا بس النسائي منو ما جميل..
بجيييكم برواااقه..
| |
|
|
|
|
|
|
|
|
|
Re: ومع العطور .. يحلو الحديث ..! (Re: mohmed khalail)
|
| Quote: ولو أنت في السودان أعتبر وصول زجاجة عكر من ليوي هدية مني لك عند حضوري في نهاية يونيو أو الأسبوع الأول من يوليو 2012م بإذن الله . |
والله يا ولياب الواحد ما عارف يقول ليك شنو؟ دي مفاجأة جميلة جداً لأني والله فتشت العطر ده هنا في السودان وما لقيتو .. ربنا عز وجل بيقول : (واذا حييتم بتحية فحيوا بأحسن منها أو ردوها) ، ان شاء الله تصل بالسلامة والبلد ترحب بيك وتلقى في انتظارك عطر راقي (هدية بسيطة مني) وان شاء الله اختياري يناسبك .
عاجزين عن الشكر يا رجل يا راقي ..
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
أمس يا جماعة لقيت ليكم محل عطور ممتاز في شرق النيل ، شركة اسمها فيكو ، وانت جايي من الخرطوم بعد ما تقطع كوبري المنشية أ,ل استوب بيلاقيك اخد شمالك ، المحل على يدك الشمال وانت ماشي على حلة كوكو ..
شركة محترمة ، معرض كبير ، التكييف في المحل عالي جداً وده بيحافظ على العطور ، عندهم شباب ممتازين جداً ، أول حاجة سألتهم عن استيراد العطور من الخارج بيجيبوها كيف ؟ الإجابة على مسؤوليتهم : قالوا بيجيبوها في حاويات مكيفة
معظم العطور العالمية موجودة عندهم ، على سبيل المثال :
هوغو ، فهرنهايت ، بولو بأنواعه ، مجموعة أزارو بالكامل ، ون ميليون ، كول ووتر ، آبي غوج ، فيول فور لايف ، ارماني كود وأرامز ... والكثير الكثير
بس للأسف فوجئت بعدم توفر لانوي دو لوم وديور اوم انتنس ، لكن قالوا ممكن يوفروهم قريب ان شاء الله
المداخلة الجاية ان شاء الله بوريكم تجربتي لعطرين في ورق التست ، الأسعار كذلك
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
بالنسبة لتجربة العطور ، طلبت منهم تست لي واحد من العطور الاستخدمتها قبل كده عشان اعمل مقارنة واشوف الثبات والفوحان كيف ، فوجئت بعدم توفر تستر الا لعطرين فقط حقيقة اول مرة اسمع بيهم ..
الراجل طلع ورق تست (لاكوست) وفي كل واحد عمل رشتين من كل عطر ..
الأول عطر اسمو ويسدوم ، عطر رجالي الثبات بتاعو عالي جداً (لسه الريحة واضحة في ورقة التست بعد مرور 24 ساعة) والفوحان بتاعو ممتاز في أول 5 ساعات ..
العطر التاني نسيت اسمو ، ريحتو (سبايسي) وفوحانو اعلى من العطر الأول لكن ثباتو أقل .. لأنو حالياً ريحتو اختفت من ورقة التست .
غايتو العطرين ديل في النهاية ما أظن اشتري واحد فيهم لكن لو عطور الجماعة ديل كلها بالمستوى ده فده مكسب كبير جداً .
سألت من أسعار بعض العطور فكانت كالتالي :
- آبي غوج 325
- بولو سبورت 315
- أزارو كروم لجند 315
- ون ميليون 530
- ارماني كود 475
سألت من ايفوريا النسائي قلت اجيبو هدية للمدام طلع عندهم بي 750 فعملت رايح
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
نواصل ...
عطر l'instant de guerlain pour homme من جيرلان
أحد العطور التي لن تتكرر .. ابداع حقيقي لأحد أرقى دور العطور في العالم ..
ولولا اختلاف الأذواق لربما كان عطراً لا يختلف عليه اثنان .. مذهل هذا العطر .!
توجد منه اصدارتان ، ماء تزيين وماء عطر ، بالطبع من يملك المقابل المادي عليه أن لا يتردد في اقتناء الاصدارتين
يصلح ماء التزيين للفترات الصباحية ، وماء العطر للأمسيات ، الجاذبية والجمال في هذا العطر تبلغ حد الترف
ثبات هذا العطر مذهل خاصة (ماء العطر) ، فما ان تضعه على ملابسك حتى يصبح لصيقاً لها فلا يفارقها أبداً
حتى بعد غسل الملابس وعند الكي تحديداً يفوح هذا العطر ليؤكد للجميع انه أسطورة ماثلة على أرض الواقع .!
highly recommended
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
سلام يا ابو حميد وشكرا تاني كمان على البوست الفواح ده..ياخ بسأل عن عطر نسائي جميل جدا اسمو M2 احمر اللون في فتيل مخروطي الشكل اهداني ليهو واحد سعودي قبل 9 سنوات واهديتو بدوري للوالدة لكن من شدة ما عجبني فتشت ليهو فوق تحت ما لقيتو قلنا نهديهو للمدام كمان اها همتكم معانا..
كمان في عطر خفيف وجذاب اسمو Insurrection وسعرو معقول جدا جدا جدا البجربوا حيشكرناعليهو..
تحياتي
| |
|
|
|
|
|
|
|
|
|
Re: ومع العطور .. يحلو الحديث ..! (Re: mohmed khalail)
|
مشكور يابوحميد على اثراء البوست ، في الحقيقة ما عندي فكرة عن العطر الإسمو M2 لكن بسأل ليك منو ان شاء الله
أما بالنسبة لي Insurrection فده عطر مبالغة وسعرو كمان هادي جداً ، والله انت زول راقي ، الله يديك العافية يا مان
تحياتي
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد عبدالله مختار)
|
الاخ محمد مختار وضيوفة
ده غايتو عطرى المفضل. استعمله من قبل 15 سنه تقريباً
الكلاسيكى الذى يناسب جميع أوقات اليوم سعر ال50 مل 57يورو وال 100مل 76 يورو
اما هذا DKNY Golden Delicious
فقد كان صيحة المسم بلا منازع فى أوروبا فى نهاية السنة الماضية , وهو رخيص نسبياً , اشتريت منه فى بروموشن فى السوق الحر ب 39.99 يورو للزجاجة 50 مل.
اما عطرى النسائى المفضل والذى لا يعلى علية فهو
فقد ابدع خبراء كوكو شانيل فى نمره 5 هذا وتخطوا حاجز ابداع
ثمنه حوالى 59 يورو لل50 مل
نحياتى
| |
|
|
|
|
|
|
|
|
|
Re: ومع العطور .. يحلو الحديث ..! (Re: محمد مكى محمد)
|
الفاضل / محمد مكي .. التحايا العطرة لك وأنت تضفي على البوست مساهمة قيمة ، لك منا جزيل الشكر والتقدير ..
عطور Hugo Boss بشكل عام تظل عبر العصور كالذهب ، لا تغيره السنوات ولا يقربه الصدأ .!
أما عطر Boss تحديداً فهو بلا شك من أميز عطور المجموعة
ومن نفس الدار أهديك هذا العطر الذي -ان لم تجربه من قبل- سيكون بالنسبة لك احد الخيارات التي لا يعلى عليها
عطر XY من هوغو بوس .. منتهى الإبداع .!
Quote: اما هذا DKNY Golden Delicious
فقد كان صيحة المسم بلا منازع فى أوروبا فى نهاية السنة الماضية , وهو رخيص نسبياً , اشتريت منه فى بروموشن فى السوق الحر ب 39.99 يورو للزجاجة 50 مل.
|
شكراً جزيلاً على المعلومات القيمة ، ما بعرف العطر ده قبل كده ، ودي فرصة طيبة انو الواحد يمشي يفتش عنو بس ان شاء الله القى ليهو تستر
عندي تعليق بسيط بخصوص القارورة ، ما عارف ليه التصميم بديني احساس العطور النسائية؟ هل العطر ده رجالي بحت ولا من النوع العديم الجنس؟
لأنو في عطور كتيرة بتصلح للرجال والنساء
| Quote: فقد ابدع خبراء كوكو شانيل فى نمره 5 هذا وتخطوا حاجز ابداع |
سبحان الله .! العطر ده كنت شايفو عند الوالدة وأنا يادوبك في اولى ولا تانية ابتدائي ما متذكر ، والله من شفت القارورة جاتني ريحة العطر من الذاكرة ، تقريباً ريحة ياسمين ان لم تخني الذاكرة
شكراً جزيلاً على الحضور الجميل والمشاركة الأجمل ..
وطمعانين لسه تزيدنا أكتر .. وأكتر
تقبل عاطر التحايا
| |
|
|
|
|
|
|
| |
محمد عبدالله مختار
heba Elmahi
محمد البشرى الخضر
وضاحة
ولياب
نادر النور آدم
محمد عبد الماجد الصايم
ismeil abbas
Fadl Karrar
سيف اليزل برعي البدوي
حمد فتح الرحمن
ندى صالح الطيب
محمد قسم الله محمد
طارق عمر مكاوي
Amin Salim
mohmed khalail
محمد مكى محمد
فيس بوك
تويتر
انستقرام
يوتيوب
بنتيريست