|
هل إشتري بكري أبوبكر صحيفة الرأي العام أم العكس!!
|
معليش للعنوان المثير ولكن للفت النظر وإستجلاء الحاصل
عند محاولتي فتح موقع صحيفة الرأي العام علي الأنترت يقودني مباشرة لموقع سودانيزأونلاين
عاودت الكرة عدة مرات ونفس الشئ. مع العلم أن رابط موقع الصحيفة عندي في الفيفرايتس ليهو سنين طويلة وكانت من أكتر المواقع السودانية إنضباط من ناحية تجديد الموقع وإستمراره
حتي أتأكد أنه ليس هناك خطأ ما بحثت عن الرأي العام في قوقل وجاني رابط برضو لما فتحتوا وصلني بموقع سودانيزأونلاين
دا هكر والله بيع وشراء والله شنو الحاصل (:
|
|
|
|
|
|
|
|
Re: هل إشتري بكري أبوبكر صحيفة الرأي العام أم العكس!! (Re: Frankly)
|
سلام اسامة الراي العام كانت مستضافة في نفس سيرفر سودانيزاونلاين لغاية ما صحفي عندهم اسمو التاج عثمان كتب مقال شن فيهو هجوم قاسي ومتحامل على سودانيزاونلاين وعلى بكري شخصيا واتهمو فيهو انو عميل للمخابرات الامريكية وتهم اخرى وبلغة اسفاف وسفالة فبكري يبدو انو قال ليهم جريدتكم عندكم وسيرفري عندي
| |
|
|
|
|
|
|
Re: هل إشتري بكري أبوبكر صحيفة الرأي العام أم العكس!! (Re: محمد إبراهيم علي)
|
Quote: سلام اسامة الراي العام كانت مستضافة في نفس سيرفر سودانيزاونلاين لغاية ما صحفي عندهم اسمو التاج عثمان كتب مقال شن فيهو هجوم قاسي ومتحامل على سودانيزاونلاين وعلى بكري شخصيا واتهمو فيهو انو عميل للمخابرات الامريكية وتهم اخرى وبلغة اسفاف وسفالة فبكري يبدو انو قال ليهم جريدتكم عندكم وسيرفري عندي |
علي كدا يا محمد إبراهيم بكري صيع الجماعة
حقيقة موقع الرأي العام من المواقع السودانية المهمة
الغريبة هي كيف يعني بكري مستضيف الموقع علي السرفر حقو !! دي ما وقعت لي والله قاصد إنو بكري هو العمل ليهم إجراءات الإستضافة عند الموقع المضيف بي إسمو وهو البدفع قروش الهوست؟!!
أتمني من الأخ بكري يورينا الحاصل حتي لا يتهم بهكر الموقع
| |
|
|
|
|
|
|
Re: هل إشتري بكري أبوبكر صحيفة الرأي العام أم العكس!! (Re: أسامة البلال)
|
الاخ الحبيب اسامة سلام و تحية فى اى مكان اذا ما بتدفع الايجار بتطرد ....يعنى اذا ما دفعت للموقع هذا رسومه السنوية او الشهرية بفقده
ويا سيدى الشباب فى الخرطوم اعطوهم اخطار لمعالجة الموضوع و مستعدين لارجاع الموقع اذا دفعوا لهم المتاخرات التى عليهم و ما على الا تطبيقها هنا ....فاذا هو حريصين على الموقع فعليهم الاتصال بهم فهم يعرفون دربهم
وشكرا بكرى
| |
|
|
|
|
|
|
Re: هل إشتري بكري أبوبكر صحيفة الرأي العام أم العكس!! (Re: أسامة البلال)
|
تعرف ياي أسامة صحيفة الراي العام اعتقد انها اول صحيفة سودانية على الأنترنت ..!!
أنا متذكر سنة 98 ولا 99 ونحن في الغربة عدد المواقع السودانية كان يعد على اصابع اليد الواحدة ...
بجاني الرأي العام افتكر كان في صحيفة اسمها الدراويش وتقريبا موقع اسمو عزة .. كان المهاجرين بالخارج بيعتمدوا أعتماد شيه كاي على المواقع دي في نقل الأخبار ..
اتمنى أن يعود موقع الراي العام للعمل بأعجل مما تيسر ..
| |
|
|
|
|
|
|
|