|
مرثية رئيس الجالية الاسبق في النقابي الفذ الراحل عبداللطبف كمرات
|
مرثية عم عبداللطبف
دكتور: محمد بشير
كمرات حلال الشبك
يوم الخلوق منزردة
ساعة اللطام مصادم
صلب الحديد ماخردة
فارس الحوبة براك
يوم دق النحاس والعرضة
حب المعرفة والانسانية
عندك عادة بقت ليك مرضة
كنت في دارك العامره
هاشي وباشي
تندهش لهالة الترحاب
والوداد الراشي حبوب للكبير والشوق
للطفل والناشي
للحق حسام وطبزو في عينه الفاشي
*************
في حدقات العيون شايل الوطن ديمة
مقتول بهمومه وبرفعتو وتعظيمه وبحقوق عمالو
ناضلتا بكل عزيمة
وللعالمية وصلت
والدنيا كلها عليمة
كنت كبيرنا وكنت خبيرنا
وكنت دليلنا في غربتنا
وقت اليأس والضيق
كنت البسمة في كشرتنا وصيتنا علي الوطن بالعشرة ومأتكل عزيمتنا
وصيتنا بالصبر والصمود
وبشرت بعودتنا
************
شاهد الله الكريم
يواليك بالغفران والرحمه
انت من صالح عباده
القلوبهم فيها الرحمه
قلبك عامر وروحك
بحب الناس مزدحمة
عفة اليد واللسان من
صفاتك تنجيك يوم الزحمة
يا ابو المهدي المصاب جلل
والفقد عظيم لكن نقول يا لطيف
رحلت عنا وخليتنا في
نص البحر دون مقاديف
الوطن مكلوم محتل ويقلع
غريق يشابي للقيف
يا أبو علي حليلك بعدك
يطيب لينا المقام في كارديف كيف.
------------------------
دكتور محمد بشير, رئيس للجالية السودانية بجنوب ويلز وكارديف لدورتين سابقتان. وفي مرثيته للنقابي الراحل كمرات, حكمه وعلم وبساطة وتواضع وايمان بان الخير غالب في الحياة. وعباءته واسعة في السماحة السودانية التالدة, وستظل تكسو نتوءات الافكار وغلواء المقاصد فتصير الامور متناسقة متقاربة وأن بدت متباعدة في حالة الوطن.
|
|
|
|
|
|
|
|
|