لهذا.. الكارثة وشيكة على السودان

مرحبا Guest
اخر زيارك لك: 03-19-2024, 05:09 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-07-2012, 03:40 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
لهذا.. الكارثة وشيكة على السودان

    ليس بسبب ذهاب بترول الجنوب
    ولا غلاء الاسعار .. لكن لهذا

    ثلاثة حوادث مرت علي في الثلاثة ايام الفائتة
    كلها تحكي عن مقدار الظلم في هذه البلد وعدم مخافة الله
                  

05-07-2012, 03:53 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    يوم السبت حضر الى مقر الصحيفة (التيار) اثنين من ابناء
    الرزيقات .. عمرهم في الاربعينات
    قالوا انهم فقدوا اربعة من ابنائهم وعايزين ينشروا بلاغ بفقدانهم
    بعد ما قعدت معاهم عرفت القصة الحزينة دي
    هم ثلاثة من ابناء الرزيقات جو الخرطوم كرت كرتونة
    واشتغلوا في مصنع بلك في منكقة الكلاكلة
    المهم بعد شهر كدا وقفوا بتاع ركشة وطلبوا منو يوديهم الى الحاج يوسف
    بتاع الركشة عرف انهم ما عارفين حاجة في الخرطوم
    قام طلب من كل واحد (15) جنيه مقابل يوصلهم الى الحاج يوسف
    الجماعة بطيبة ناس الغرب دفعوا القروش وركبوا
    في ابو حمامة لاقتوهم ناس الالزامية.ز بتاع الركشة وقف بعيد
    وقال لاخوانا ديل بتاعين الالزامية (ادفعوا مية جنيه بخارجكم منهم)
    وبطيبة ناس الغرب جماعتك دفعوا المية
    طبعا نزلهم من الركشة وقال ليهم انتظروا هنا امشي ادفع ليهم وارجع ليكم
                  

05-07-2012, 04:04 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    اهلنا الغرابة قعدوا في مكانم داك لحدي العصر في انتظار بتاع الركشة
    والمؤمن يكون صدّيق
    المهم في المغرب قنعو منو ورجعو الى مقر سكنهم واستعوضو الله في قروشهم
    بعد كم يوم بتاع الركشة ذات نفسو جا لحدي عندهم في المصنع .. كان موصل مشوار
    اهلنا ناس الغرب نطو ليهو في رقبتو
    اتدخل مدير المصنع (تركي) وقال ليهم حلو الموضوع في الشرطة
    اهلنا ناس الغرب ركبو مع بتاع الركشة ومشو معاهو للشرطة
    بتاع الركشة شكلو تابع لاستخبارات احدى الوحدات العسكرية هناك
    قام طوالي موداهم لمعسكر الجيش باعتبارهم (حركات مسلحة)
    وهناك اعتقلوا (بحسب كلام اهلم الجو الجريدة)
    وسألوهم عن عددهم.. عرفوا انهم اربعة
    قامو ركبو تاتشر ومشو الى محل سكنهم
    (بشهادة) عمال المصنع انو الناس الفي التاتشر كانو عساكر استخبارات
    واخذوا الشخص الرابع معاهم
                  

05-07-2012, 04:15 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    المهم بعد ان طالت فترة غيابم
    تم الاتصال بزويهم القاعدين اصلا في الخرطوم
    وديل بعد تحريات اتأكدوا من انو ناسهم معتقلين عند احدى وحدات القوات النظامية
    لكن نفس الجهة نكرت حطب وجودهم عندها
    اهل الناس ديل مشوا للنيابة وحكو القصة كلها لوكيل النيابة
    طبعا جابو عمال شهدو على انو جنود يعرفونهم اخذو الرابع من داخل مقر الشركة
    وكيل النيابة فتح ليهم بلاغ بغياب االاربعة
    ووقف الامر لحدي هنا
    تكون عارف انو ناسك معتقلين بدون سبب
    لكن الجهة المعتقلاهم ينكرو حطب
    والله والد احد المفقودين قال كل همو ان يعرف ولدو وين اسع
    حي ولا ميت ما مشكلة بس يعرف مكانو
    بالمناسبة الناس ديل وصلو لحدي ناس الجهاز
    وهم قال ليهم ناسكم ديل ما عندنا وما سبق اعتقلناهم
                  

05-07-2012, 04:30 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    وامس الاحد حضر الى الصحيفة مواطن من سنجة
    قال انو في واحد رفع دعوة ضدو في ملكية ارض ورثها هو من جدودو
    وابرز شهادات تؤكد ذلك
    المهم القاضي كان ليهو صلة قرابة بالمدعي
    وبالفعل حكم لقريبو
    ولمن المدعى عليه رفع تظلم وطالب بتحويل القضية الى قاضي آخر بحجة وجود قرابة باحد اطراف القضية
    كان رد فعل القاضي انو رفع عليه قضية اشانة سمعه (159) وسجنو لمدة ثلاثة ايام على ذمة التحقيق
    المواطن ما ساب حقو وقام رفع دعوة ضد القاضي باعتبارو تجاوز في استخدام صلاحياتو
    الموضوع وصل الى المجلس القضائي العالي
    طبعا الكلام تم خلال فترة طويلة وسر بين سنجة والخرطوم
    وفي آخر المطاف الموظف المسؤول قال ليهو ما عندك حاجة عندنا ونحن علي كيفنا
    ندي القاضي دا حافز ولا نعاقبو
    المواطن رد علي الموظف بانو يتذكر يوم القيامة
    الموظف رد عليهو (بأنو الله لمن عمل يوم مقدارو خمسين الف سنة) عملو مخصوص للحاجات الزي دي
    يعني ظلم وقلة ادب مع المولى عز وجل
                  

05-07-2012, 05:33 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    القصة الثالثة حدثت اليوم
    وبطلها معتصم حاليا بحوش صحيفة التيار
    قال انو كان عندو طاحونة دهب بمنطقة ابوحمد
    وان افراد يتبعون لجهة امنية قلعو منو طاحونتو واستولو عليها بمساعدة مهندس
    المحلية
    طبعا دا على حسب اقوالو
    المهم الراجل عسكري سابق علشان كدا ما خاف منو وصعد الأمر الى قيادتهم بالمنطقة
    زوهم لمن شعروا بان الموضوع حيجيب ليهم هوا
    قالوا ليهو بنطلع ليك قطعة ارض تانية وانت اعمل فيها الطاحونة
    وبالفعل دفعو كل الرسوم وكملو الاجراءات بمساعدة المهندس بالمنطقة
    لكن هو استمر في الموضوع وصعدوا الى ان وصل الى رئاستهم في الخرطوم
    وجاب لافتة كبيرة كتب فيها عبارة (يا ... جوة حوشك في ناس فاسدين) وبحسب كلامو
    وقف امام البوابة وما فتح اللافتة وهو منتظر سيارة كبيرهم علشان يفتحها قدامو
    العساكر جو واقنعوهو بانهم حيخلوهو يقابل الزول الكبير
                  

05-07-2012, 05:42 PM

على ميرغني

تاريخ التسجيل: 11-24-2009
مجموع المشاركات: 2932

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    المهم انهم دخلوه استقبال جانبي وقاموا كتفوه
    وضربوهو ضرب غرائب الابل
    وبعد العلقة اتصلوا على ناس 999
    وسلموهو ليهم
    وفي الطريق هو قال لناس الشرطة ان الناس ديل ضربوهو شديد
    وجائز جدا يموت في الحراسة والحاجة دي ح تعمل للشرطة مشكلة
    قامو ناس تلاتة تسعات رجعو بيهو للجهة الضربتو واخذو معهم واحد منهم
    بالفعل وضع في الحراسة وقدم للمحكمة في اليوم التالي
    وبحسب كلامو لا كان في شاكي ولا دفاع ولا متحري بس هو والقاضي رأس
    ولمن قال الكلام دا للقاضي، قام القاضي قال ليهو (بس كدا)
    الراجل عرف انو كترة الكلام حتجيب ليهو عقوبة كبيرة
    وانو مافي قانون
    وبالفعل خلال ربع ساعة حكم القاضي عليهو بشهر سجن
    وهو شائل خطاب من ادارة سجن امدرمان بانتهاء عقوبته امس يوم 5 مايو
    وهو الآن معتصم داخل حوش صحيفة التيار في انتظار محامي يتبرع بتولي قضيته
                  

05-07-2012, 07:06 PM

Dr. Ahmed Amin

تاريخ التسجيل: 02-20-2007
مجموع المشاركات: 7616

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لهذا.. الكارثة وشيكة على السودان (Re: على ميرغني)

    الأستاذ علي ميرغني ...

    فعلا المشاهد الـ(3) محزنة ومؤلمة للغــاية ..

    وصدقت والله .. الظلم ظلمات وبه ينزل غضب الله .. نسال الله ان يجيرنا من غضبه

    السودانيين اتغيروا شديد ياخي ( للاسوأ) ..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de