|
|
|
 Re: عماد حسين، الحق، جادات بقى يتفنن في السرقة (Re: ود الباوقة)
|
الشفيع
عساك بخير
الحركات الزي دي توفر جهد كبير على الحكومة في معركتها ضد المعارضة
وزي ما قال احمد محمد بشير: الزول ده قاعد يضر المعارضة
لأنه بهذه الممارسات يطرح نفسه كـ كذاب وملفق كبير
هسع ده.. داير كيف يقنع الناس أنه البديل الصالح لحكومة المؤتمر الوطني؟!!!
المشكلة في مولانا خدر الذي أفتى بجواز الكذب لاجتثاث النظام!!!
الغريبة لما نجي نتكلم يطلعونا غواصات!!!
يا لها من أخلاق!!!
| |
 
|
|
|
|
|
|
|
|
Re: عماد حسين، الحق، جادات بقى يتفنن في السرقة (Re: الشفيع وراق عبد الرحمن)
|
Quote: هسع ده.. داير كيف يقنع الناس أنه البديل الصالح لحكومة المؤتمر الوطني؟!!!
المشكلة في مولانا خدر الذي أفتى بجواز الكذب لاجتثاث النظام!!!
|
تحياتي يا عماد ..
بعد الاعتراض بشده على فعل جادات و رأي خدر ..
الاقتباس الفوق من كلامك ده خطير جداً وهو مكرر دوماً في المنبر لكن اعتقد انو اللحظة دي محتاجه لوقفه عندو
صلاح جادات و طارق أبو عبيدة مافي واحد فيهم طارح نفسه للناس أنه بديل للمؤتمر الوطني سواء صالح أو طالح.
صلاح و طارق الاتنين " معارضين " للمؤتمر الوطني وعاوزين سقوطو .. اختلافك مع الياتم دي مشروع و طبيعي جداً.
لكن انك تعتبر انو معارضتم دي طرح لأنفسهم كبديل و تجيب الفرضية في سياق انهم هم ذاتم كعبين فانت للاسف بتقود تفكير القارئ لخط واحد : عاين خدر و صلاح الطارحين روحم بديل للحكومة الكعبة هم زاتم كعبين ففوق كم تعبان تغير كعب بكعب ؟
وما أظن انو ده قصدك يا عماد طبعاً. لكن للاسف فرضية انو المعارض في المنبر ده طارح روحو بديل للانقاذ ده كلام ما سليم بل يقارب انو يكون افتراء عليهم.
ما اظن هشام هباني بكعوبيتو اليقسمو منها طارح نفسو بديل للانقاذ او لنافع علي نافع.
ديل مواطنين زيهم زيك بيكرهو نافع علي نافع و البشير و الانقاذ لما فعلوه بالشعب.
واذا فرضنا انو واحد فيهم عاوز يطرح نفسو كبديل فهو طارح نفسو بديل ديموقراطي ..
يعني ما قال للناس اعملو ثورة و جيبوني انا
الناس بتتكلم عن اسقاط النظام القمعي الفاسد لاقامة نظام ديموقراطي تعددي ..
في النظام ده المواطن صلاح جادات ليو حق انو يترشح للرئاسة .. و الشعب يقرر
والمواطن خدر يحق لرئيس حزب امه انو يجيبو وزير اعلام
المعترض على جادات ما يديهو صوتو .. و ينشر كضبو و يخلي الناس ما ترشحو
المحتج على خدر يجيب البوست بتاعو و ينشرو في الجرايد و يقول لرئيس الجمهورية يا زول انت جنيت ؟ يقول كده و هو متأكد انو ما حيعتقلوهو.
الايحاء للناس انو المعارض السمح او الكعب طارح روحو كشخص بديل لنظام الانقاذ ده ايحاء ما سليم يا عماد.
وان كان الامر كذلك فدونك عشرات المعارضين الكويسين الانت ما عندك عليهم اختلاف امشي ادعمم كبديل للانقاذ بدل خدر و جادات الكعبين.
| |
|
|
|
|
|
|
|
|
Re: عماد حسين، الحق، جادات بقى يتفنن في السرقة (Re: حمور زيادة)
|
سلام للجميع هنا
كتب الاخ حمور
| Quote: لكن للاسف فرضية انو المعارض في المنبر ده طارح روحو بديل للانقاذ ده كلام ما سليم بل يقارب انو يكون افتراء عليهم. |
هل هذا ينطبق على جميع المعارضيين هنا ( في وجود من هم في ادارة احزاب و لجان مركزية لاحزاب ) لانك هنا شملت الجميع بالقول و لم تخصص بقولك | Quote: ديل مواطنين زيهم زيك بيكرهو نافع علي نافع و البشير و الانقاذ لما فعلوه بالشعب. |
ثم نأتي للفرضية التانية | Quote: واذا فرضنا انو واحد فيهم عاوز يطرح نفسو كبديل فهو طارح نفسو بديل ديموقراطي .. |
حتي اعضاء الحركات المسلحة هنا طارحين انفسهم بديل ديمقراطي ؟؟
| Quote: الايحاء للناس انو المعارض السمح او الكعب طارح روحو كشخص بديل لنظام الانقاذ ده ايحاء ما سليم . |
و مالوا ما يطرحوا انفسهم بديل للانقاذ ...و لكن اذا اراد الاخ عماد او غيره ان يبصر الناس بعيوب المعارض فهذه اراها محمدة منوا ...اما دعم المعارضين ضد الانقاذ فهذا مما فيه نظر ....فيمكن ان يراى احدهم ان المجتمع السوداني لا يستحمل اقصاء المؤتمر الوطني و يجب ان يتنازل المؤتمر الوطني و يقتسم السلطة مع غيره من السودانيين حتى لا نكون صومال اخر .......و غير ذلك من الخيارات ....
و ليس خيار | Quote: ادعمم كبديل للانقاذ |
..فهذا كان الناس الان بين خياريين اثنين .......و اعتقد ان السياسية تحتمل الكثير من الخيارات .....
| |
|
|
|
|
|
|
|
|
|
Re: عماد حسين، الحق، جادات بقى يتفنن في السرقة (Re: مدثر صديق)
|
سلام يا مدثر ..
نعم هذا يشمل حتى اعضاء الاحزاب هنا .. لأن كل شخص هنا يعبر عن رأيه .. ما لم تكن تظن أن الحزب الشيوعي فرعية هولندا اجتمع و قرر ما كتبه خدر.
افراد الاحزاب هنا يعبرون عن رأيهم الشخصي بطريقة كل منهم .. و هذا أمر لا أظن عليه خلاف.
هل عماد يعبر في كل بوست و موقف عن رأي جماعة انصار السنة ؟ هل مداخلته التي كتبها هنا هي رأي " جماعة أنصار السنة المحمدية " أم هي رأي عماد حسين الشخصي ؟
حتى عضو الحركة المسلحة ما طارح " نفسو " كبديل ديموقراطي او غير ديموقراطي .. هو يقاتل لطرح حركته .. فلما أجي امسكو هو و اقول عاين " ده " الطارح " نفسو " بديل للانقاذ بكون ما منصف. لأنه فعليا ما طارح نفسه.
والحركات المسلحة لا اعرف عنها انها تقاتل اصلا لتحكم هي .. هي حركات عندها مطالب تريد ان تحققها لاقاليمها .. ولا اعرف من ضمنها انها تريد ان تحكم بديلاً عن الانقاذ. لكن حتى لو كانت كذلك فهي لم تطرح عضويتها معنا هنا كبدائل حتى نقول عاينو فلان الطارح روحو بديل للانقاذ.
بالنسبة لي موقف حزب الامة الرسمي موقف سيء ومتخاذل .. لكن موقف افراد حزب الامة هنا في البورد او من اعرفهم في الحقيقة متقدم و رائع في انحيازه الكامل لخيار اسقاط النظام. فهل هذا العضو طارح " نفسه " بديل للانقاذ ؟
وهل أصلا الطرح لشخص او حزب بديل حزب أو شخص ؟
الطرح لنظام بديل لنظام .. نظام يقدر أن يلفظ الحزب و الجماعة و الفرد السيء بكل سلاسة.
لا اعتراض عندي على تبيين عماد لعيوب المعارض .. بل أنا أشد على يده في ذلك
اعتراضي هو انه اعتبر صلاح جادات و خدر طارحين أنفسهم كبديل عن الانقاذ.
بالنسبة لما رأيته انت يحتمل اختلاف الاراء انا لا اراه كذلك للاسف
لأن من يظن ان من الممكن ان يُطلب من المؤتمر الوطني بلطف ليقتسم السلطة هو اولا يعاند حقائق المؤتمر الوطني التي خبرناها 23 سنة
ثم ثانيا ان الامر ليس أمر " اقتسام " الامر أمر " نظام " مكان نظام
ثالثا ان ما تقوله يقصي فرضية المحاسبة .. انا شخصياً لا أقبل ان من نكل بالشعب لربع قرن ان ينتهي بعقد صفقة تقاسم سلطة و كانت يا عرب. لابد من محاسبته من أكبر رأس حتى أصغر تابع على الجرائم التي ارتكبت في حق الوطن و المواطنين.
وهذا ليس سياسة .. هذا مبدأ
انا شخصيا و لله الحمد لست سياسيا ولا احب السياسة و لا افهم فيها ..
لكني اقف داعماً للثورة انطلاقاً من مبدأ
من جعل السودان ثالث دولة فاسده في العالم يجب أن يسقط و يحاسب
من اباد الالوف و هجرهم في دارفور يجب أن يسقط ويحاسب
من عذب و قتل المعارضين في معتقلاته يجب أن يسقط و يحاسب
من نهب المال العام و افسد الحياة السياسة ومارس سياسات الافقار للشعب السوداني يجب ان يسقط و يحاسب
هذا مبدأ يا مدثر لا سياسة
لو كنت تعتبر ان الموقف من دماء الناس و اعراضهم و الفساد و الابادة و السرقة سياسة فحدثني عن هذا ربما اقبل اختلاف الاراء عندها
| |
|
|
|
|
|
|
|
|
|
Re: عماد حسين، الحق، جادات بقى يتفنن في السرقة (Re: حمور زيادة)
|
أخونا حمور
عساك بخير يا أخي
مجمل ما كتبته هنا عن المعارضة يمثل تراكمات (تعامل + ملاحظة سلوك)
إن كانت المعارضة ممثلة في هؤلاء فلا مرحباً بها
وإن كان منها فصيل في اخلاقيات خدر وجادات، فلا مرحباً بهذا الفصيل
كونك تحاول اقناعي أن هناك من يعارض بغرض سقوط النظام فقط.. دي حتة ماها منطقية البتة
أي زول داير يسقط النظام أكيد أنه يسعى لإيصال شخص يعبر عن رؤاه
وجزء من رؤى جادات وخدر هي هذا الكذب في محاربة النظام
كيف أضمن أن من سيصل للحكومة لن يكون على نفس الرؤى العجيبة هذه
ترى: لو جاء نظام بديل للكيزان، على أي وتيرة أخلاقية سيتعامل معه جادات
وخدر (تأييداً) هل برضو عن طريق الكضب؟!!
تحياتي
| |
|
|
|
|
|
|
| |
الشفيع وراق عبد الرحمن
عماد حسين
حمور زيادة
مدثر صديق
فيس بوك
تويتر
انستقرام
يوتيوب
بنتيريست