|
|
|
 Re: شمار حار قالوا طلقوها ومرقت تفتش علي ساركوزي (Re: محمد عبد الماجد الصايم)
|
Quote: غايتو من يوم ود البشرى بطّل يجيب
خجالات في البورض دا القصة جاطت خالص!! |
..
اضف لذلك ..
إنو بكري يخم في الناس دي ساااكت ويجيبه لينا هنا دا ..؟
والله اخير كان الزول بتاع البنقو داك .. علي الأقل الواحد كان بيجي (يتكبسن) في البوست بتاعو ويصطبح بيهو ..
لكــن
بوست زي دا .. غلا تمشي تعمل بيهو فتح خشم .. يا قيدومه .. يا دق ريحــة .. يا تدق بيهو جرس يا تدق بيهو عرض الحيطة يا تدق بيهو اي حاجة ..
وين الزول الكان بجيب اسعار البنقو .. والله اخير من الزول بتاع (ابوقجيجـة) دا ..
| |
  
|
|
|
|
|
|
|
 Re: شمار حار قالوا طلقوها ومرقت تفتش علي ساركوزي (Re: abas)
|
| Quote: تفتكر لو جبنا ليهو باسطة ممكن أمورو تتصلح؟ |
..
اها شايف يا محكـــر جبت لينا الكلام في عبنـا .. الواحد دخل يبدل عـدة عندك أهو رشوهو في صمة خشمـو ..
يا ود الباوقـة ..
والله انا قاعد بس في حالة فرش متاع طوالي ..
الواحد لما مشى خلي البورد كان فيهو منافع للناس .. علي الأقل البنقـو كان برطب بالواحد ..
يعني زي ود الصايم دا يظبط ليهو حجر .. ويدخل البوست بتاع البنقـو بتاع الزول داك .. بالريحـة ساكت امورو بتمشي ..
لكن
حسع بوست زي دا .. والله إلا تجي داخل وشايل معاك محلبية .. ورز الوابــل .. وأجمل عدس ..
| |
|
|
|
|
|
|
|
|
 Re: شمار حار قالوا طلقوها ومرقت تفتش علي ساركوزي (Re: tmbis)
|
والله انا بعارض الانقاذ دي من يومها الجات ولمن تفوت انا وياها ما بنتفق في حاجة
لكن
هكذا معارضة يا هجو مرفوضة جملة وتفصيلاً لانها تسئ الى المعارضة بكافة رموزها ولا تسئ ابداً لنظام الانقاذ من اي وجه كان
المعارضة في نقد سياسات الانقاذ، كشف الفساد، توضيح تخبطها من يوم هلت علينا، وما الى اخره مما هو مسموح به ومتفق عليه في العمل السياسي ومما يذخر به السجل الحافل للانقاذ من مأسي وموبقات ارتكبتها في حق هذا البلد وحق مواطنيه .
يا اخي ابعد من كدا، ممكن اتكلم عن زواج مسئول كبير رئيس او غيره ليس من الناحية الشخصية فهو حر ان شاء الله يعرس مليون لكن من ناحية الظرف الذي يتم فيه هذا الزواج من تردى اقتصادي يعجز معه الشباب من الزواج مرة واحدة ومن اشتعال الجبهات ومن غيره من المشاكل التي تصنعها الانقاذ وتعجز عن حلها حتى لا ينطبق على مسؤلنا الكبير الذي يفترض انه لا يتعشى الا بعد ان يضمن العشاء لافقر مواطن من مواطنيه المثل الشهير الناس في شنو .............
لكن تاني
فلانة طلقوها دي ما عندها اي علاقة بمعارضة نظام سياسي.
اخلاقنا السودانية الاتربينا عليها بتمنعنا من كدا، انتو ما عارفين انه الخلى ملايين تمشى في جنازة نقد رغم الاختلاف الكبير مع افكاره هي عفة لسانه قبل نظافة يده؟
الواحد مرات بجيهو احساس (ولا اعني هجو) انه في معارضين شغالين لمصلحة الانقاذ اكثر من شغلهم لمصلحة المعارضة واشهرهم الشاعر المعتق واخر ينقل الاخبار غير المؤكدة التي تصيب المعارضة في مقتل يعجز عن نيله كل كيزان المنبر.
اخوانا الكيزان
قبل رمي هجو بالحجارة ارجو من الرامي ان يراجع كل مداخلاته بخصوص موضوع الاستاذة لبنى حسين، فتاة الكبجاب، وضرب نجلاء سيد احمد وغيره مما يذخر به السجل الذهبي للانقاذ في مجال اهانة المراة وبعدين اليجي يرمي هجو هنا عشان ما تختلط عليه المفاهيم ويناقض نفسو، فالموضوع في النهاية واحد وهو يتمحور حول المراة وكرامتها.
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: محمد عمر الفكي)
|
| Quote: هكذا معارضة يا هجو مرفوضة جملة وتفصيلاً |
الاخ محمد عمر الفكي
تحياتي
البوست ده ما عندو اي علاقه بي معارضه
بس الواحد لو كتب انو في كباية شاي وقعت من راس الدولاب
يقولو دي المعارضه وديل العملاء والخونه
هسع انا جبت سيرة المعارضه ولا سيرة الحكومه
بس الفي راسو ريشه بتحسس طاقية الجنبو
دي عشان ناس البنقو
بس
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: tmbis)
|
| Quote: وشايل معاك محلبية .. ورز الوابــل .. وأجمل عدس .. |
يا تمبس كلو زول شيلتو براه بشيله..
ألا تتفق معاى بأن مثل هذه البوستات لها فائدة..أنا حسب فلسفتى لها فائدة.
-بتعرف قيمة صاحب البوست من طرحه وبتعمل ليهو Ignore
البوست بيستفز بعض الأعضاء الحلويين وبيظهروا لينا.
الواحد لو عنده إنخفاض فى ضغط الدم ممكن يساعد فى رفعه.
عضو المنبر صاحب البوست بكون نفس عن نفسه بوضع حمل كبير عليه من مثل هذه الكتابة وممكن لقدام يتصلح.
ومن السلبيات إرهاق الباندوث من غير فائدة تجنى للقارىء وهذا من شأن الباشمهندس بكرى ابوبكر الذى اتاح لنا هذا الفضاء ألأسفيرى ومن باب أولى أن نحافظ عليه معه. .
ولكن من باب الحرية الشخصية كل شخص مخير فيما يكتب.
التحية للجميع وأولهم صاحب البوست.
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: rani)
|
| Quote: اشتم رايحة تجمع للغواصات بهذا البوست.. |
ولاجبنه سيرة الحكومه
ولاسيرة دارفور
ولاالجنائيه
ولاتقسيم البلد
ولاالفساد
ولاسيرة القتل
ولاسيرة الصالح العام
شمار عرس وطلاق هنايه من هناي
عشان الجماعه مايقولوا
معارضه وخيانه وعملاء وكده
انا ولابجيب خبر الحكومه
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: Haju Muktar)
|
Quote: لا لا حاشا..لا سياسة لا معارضة
خيابة بس |
حرام عليك يا ود البشرى... يلزمك إعتذار للخيابة. بتكون خيابة لما الواحد يقول كلام زي دا في مجلس خاص ولا في أضان زول. لكن البعملوا ليها البوستات و يقولوها بالمايكرفون دي لسع ما لقوا ليها اسم ذاته. و تاني بنسأل بكري دا بجيب الناس دي من وين؟
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: Elawad)
|
الاخ / هجو مختار
بعد السلام عليكم ،،،،
أرجو أن تفهم مداخلتي في سياق آخر غير التصنيف السياسي ومعارضة الإنقاذ والنضال ،وأعتبرني ياخي ود بن آدم عنقالي ساكت ساقتني الظروف
لمتابعة بوستك ده ، ياخي أنا والله كزول عادي أستئت جداً من كلامك المكتوب ده وأتضررت بشكل شخصي كقارئ وعضو في المنبر من تناول امر كهذا
بهذه اللغة وهذه الفجاجة ، وطبعاً من حقك تكتب كيفما تشاء ووقت ما تشاء لكن ياهجو ياخي في bottom line أظن إنو الاعضاء الكرام متفقين عليهو
وفي حد معين من اللغة يالتي يجب استخدامها وفي مواضيع أظن الشعب السوداني كلو متفق على عدم الخوض فيها سواء كانت صحيحة أم لا واربأ بك
ياخي وعشمي كبير أن تنأى بنفسك عن هذا وارجع أخد راحتك تماما في الإنقاذ أنشاء تسقط بكرة في دي نحن معاك ،،،
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: حافظ انقابو)
|
Quote: وخلي تمبس وود الصايم يجيبو ليك باسطة
نظام التحلية وكدا |
ده هناك في مارنجان
انغابو
كيفك وكيف
وكيف الغواسات في المنبر
ده بوست الغواسات ودي الفكره
الان عرفنا الامنجيه والغواسات
شكرا انا
موضوعي انتهي
لو في زول عايز البوست ده
بعد الان فانا متنازل عنه
شكرا واسف لبعض الاعضاء
ما رديت لمداخلاتهم ليس الا لانني غبي
في الرد وانتم اذكي مني
| |
|
|
|
|
|
|
|
|
 Re: شمار حار قالوا طلقوها ومرقت تفتش علي ساركوزي (Re: Haju Muktar)
|
Quote: اهي ظهرت تراجي
من قبيل قولت قلت ليكم ده موضوع
صعب عليكم
هسع نخليكم مع تراجي كان بتقدرو عليها
وما اظن
ماعندو علاققه بالسياسه دي قصه بلديه
جاء علااء وقال مين كده مختار
اه جاتكم تراجي كان بتقدروا عليها ردو ليها |
يعني إنت يا الفالح فتحت البوست و معتمد على تراجي تجي تسندك....؟؟؟؟؟
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: ABUHUSSEIN)
|
| Quote: اه جاتكم تراجي كان بتقدروا عليها ردو ليها |
ههههههههههههههههه
اتخيّلت منظرك عامل كيف و انت بتقول الكلام دا و الذي يتّسق تماما مع طبيعة البوست
يا هجو
طيّب ياخي ما كان تخليه تكتبو تراجي
اهو في النهاية مرة و حماسها لنقل شمار وارد عن طلاق فلانة او زواجها لا يثير نفس القدر من الإستهجان زي لمّا يجي من راجل بي شنب مالي مركزو - أو مفروض كدا
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: محمد البشرى الخضر)
|
| Quote: اهو في النهاية مرة و حماسها لنقل شمار وارد عن طلاق فلانة او زواجها لا يثير نفس القدر من الإستهجان زي لمّا يجي من راجل بي شنب مالي مركزو |
يعني ال (مرة) ما ماليه مركزها عشان ما عندها شنب ؟
وال (مرة) ممكن تنقل الشمار وما عندها شغله غير (فلانه طلقوها وعرسوها) لا لأي شيء سوى أنها (مرة) !!
و(نقل الشمار والكلام البلا شغله) لا يثير في النفس أي استهجان لو جا من (مرة) !!
عشان (اهو في النهااااايه .. مرة) !!
جيت تكحلها, قديتها عدييل يا ود البشرى !
ولا يوجد ماهو أسوأ من هذا البوست , سوى مداخلتك هذه !
والتي تقرأ - بالطبع - مقرونة بـ هذه Quote: عليكم الله يا جماعة دا كلام رجال
فلانة طلقوها و هناية عروسوها
طيب النسوان يقولوا شنو ؟؟؟؟ |
نحمد الله الذي جعلنا (نسوان) لا نكتب كما يكتب (صاحب البوست) !
التوقيع : داليا عبدالمنعم الكباشي .. (مرة) و(ما عندي شنب) وما ممكن أكتب بوست زي داا
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: داليا الكباشى)
|
ازيك يا دكتورة
انا عشان اللبس دا كنت حريص في اختيار الكلمات, كتبت | Quote: لا يثير نفس القدر من الإستهجان |
ودي تفرق عن لا يثير أي استهجان
و اتكلمت تحديدا عن (الحماس) لنقل شمار يتعلق بزواج وطلاق مش النقل في حد ذاته
وبالنسبة لي يا داليا دا الإحساس العندي
مرة تتحمس لنقل شمار له علاقة بامور خاصة زي دي اراه اقل استهجانا من لو اتى نفس التصرف من راجل بشنب ومفروض مالي مركزه
كونك لا توافقيني او تريه اسوا ما كتب في البوست - أوكي دا رأيك لا أملك إلاّ ان احترمه فهي رؤيتك كما لي رؤيتي
وعليك النبي يا داليا اسي انا القديتها؟ ياخ دا من قولة تيت مقدود
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: داليا الكباشى)
|
Quote: جيت تكحلها, قديتها عدييل يا ود البشرى !
ولا يوجد ماهو أسوأ من هذا البوست , سوى مداخلتك هذه !
والتي تقرأ - بالطبع - مقرونة بـ هذه
Quote: عليكم الله يا جماعة دا كلام رجال
فلانة طلقوها و هناية عروسوها
طيب النسوان يقولوا شنو ؟؟؟؟ |
تحياتى دكتورة داليا
انتى من ناس التنميط والتنسيط والتورية القال عليهم ود الصايم و لا شنو .. :)
يا دكتورة معروف للجميع ان اخبار الطلاق و الزواج و اخبار البيوت و الاسر هى اغلب
ونسات النساء فى كل المجتمعات و و نسات الرجال اغلبها سياسة رياضة دين و غيرو
لذلك قلنا دا ما كلام رجال خاصة فى منبر عام و بطريقة ( شمار حار ، هناية ، هناى )
خلينى ازبد ليك *
البوست بهذا الاسلوب لا يليق برجل لو كتبتو مرا بالنسبة لى عادى
ـــــــــــــــــــــــــــــــــــــــــــــ
ازبد ليك يعنى اديك الزبدة ( زبدة الحديث )
| |
|
|
|
|
|
|
|
|
 Re: شمار حار قالوا طلقوها ومرقت تفتش علي ساركوزي (Re: محمد البشرى الخضر)
|
أقترح استنساخ مصطلح:
مناضلو الحيض والنفاس
على وزن فقهاء الحيض والنفاس
وهي التهمة التي دائما ما يرمي بها المناضلون المشايخ والعلماء
--------
غايتو يا هجو آخرا آبعرفو لكن كان لقيت قدو قدو حايم بي جاي
بجيبو ليك جوة موضوعك ده وأعمل خروج ( لوق آوت ) وأطفي الكمبيوتر
والعملية دي بعملها يوم الخميس آخر الدوام وتاني ما بفتح الجهاز إلا يوم الأحد
وساعتها خلي ود الصايم ينفعك ^__________^
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: احمد العمار)
|
النساء و الرجال الما بعرفوا معنى زواج مثل ذاك وطلاق مثل هذا
| Quote: التوقيع : داليا عبدالمنعم الكباشي .. (مرة) و(ما عندي شنب) وما ممكن أكتب بوست زي داا |
هم من لا يعرف معنى ان يسلم احدهم مبلغ 25 مليون دولار لكبير صانعي الجنجويد!!
25 مليون دولار يا امرأه لا تكتب مثل هذه البوستات
تعني 25 مليون حشى محروق
وتعني 25 مليون طفل يتيم!!
فالتظل النساء نساء
و ليظل الرجال رجال
وليظل الوعي هو الوعي نصيب لقلة!
| |
|
|
|
|
|
|
|
|
|
Re: شمار حار قالوا طلقوها ومرقت تفتش علي ساركوزي (Re: ABUHUSSEIN)
|
هو اتاريهو عامل فيها حميل من البوست دا ..
بتاع الملايات دا مشى وين .؟ والله يا ابو حسين شغلك بقى زي الزفت .. كورتك فكت .. عليك الله زي دا يكون قاعد لحدت الآن في البورد وكمان بيسال في الناس كتبتو هنا لييه وما كتبتو هنا لييه ..؟
حسع ان اعايز اعرف هناية دي منو ظاطــه .. ناوووووووو
يللا تعال يا بتاع تبديل العدة انت .. هناية دي منو الذبحتنا بيها دي ..
| |
|
|
|
|
|
|
|
|
 Re: شمار حار قالوا طلقوها ومرقت تفتش علي ساركوزي (Re: ABUHUSSEIN)
|
| Quote: والله يا ابو حسين شغلك بقى زي الزفت .. كورتك فكت .. عليك الله زي دا يكون قاعد لحدت الآن في البورد وكمان بيسال في الناس كتبتو هنا لييه وما كتبتو هنا لييه ..؟ |
يا علاء الدين زي دا تعمل ليه (عذبني و تفنن في ألوان عذابي)
و بعدين تخليه كدا علشان تفك بيه الحيره
و تفك بيه الزهجة ....
| |
|
|
|
|
|
|
| |
Haju Muktar
محمد عبد الماجد الصايم
tmbis
ABUHUSSEIN
abas
محمد عمر الفكي
أمير فتحي
معاوية عوض الكريم
ismeil abbas
نادر النور آدم
rani
محمد البشرى الخضر
Elawad
Hassan Makkawi
عمر مصطفى مضوي
حافظ انقابو
علاء الدين يوسف علي محمد
Tragie Mustafa
داليا الكباشى
محمد جلال عبدالله
احمد التجانى احمد
على محمد على بشير
احمد محمد بشير
البشير دفع الله
almogira alemam
Zomrawi Alweli
فيس بوك
تويتر
انستقرام
يوتيوب
بنتيريست