|
إعتقال البوشــــــي ونجـــــــلاء سيـــد أحمـــد ..
|
إذا كان القصد منه إخافة البقية ، فهي حسبة بلا شك خاسرة !
بل على العكس تماما فإنها تعطي البقية دافعاً لمواصلة النضال..
فحينما تشتعل جزوة الثورة ، فإن سقوط المناضلين في إوارها لا يزيدها إلّا إشتعالاً !!
أطلقوا سراح المعتقلين فوراً .
|
|
|
|
|
|
|
|
Re: إعتقال البوشــــــي ونجـــــــلاء سيـــد أحمـــد .. (Re: Hassan Bakri Nugud)
|
عرفتوا.....محمد سليمان ليه حق قدر شنو؟!
اها بقية معتقلي الهامش لا تعرفون حتى اسمائهم!
يبقى يتظاهروا معاكم ليه؟! وانتم ادرى بانهم....داخل المعتقلات الموت هو نصيبهم ؟!
نحن بنقول اطلقوا سراح الجميع ولكننا نثبت ونوثق بانكم لا تعرفون حتى اسماء معتقلينا!
المجد لطلاب الاهليه المعتقلين المجد لكل مختطف لا يعرف اهله متى سيستلمونه جثة هامده من ابناء الهامش العرقي!
| |
|
|
|
|
|
|
Re: إعتقال البوشــــــي ونجـــــــلاء سيـــد أحمـــد .. (Re: Tragie Mustafa)
|
تقول تراجى مصطفى:
(عرفتوا.....محمد سليمان ليه حق قدر شنو؟! اها بقية معتقلي الهامش لا تعرفون حتى اسمائهم! يبقى يتظاهروا معاكم ليه؟! وانتم ادرى بانهم....داخل المعتقلات الموت هو نصيبهم ؟! نحن بنقول اطلقوا سراح الجميع ولكننا نثبت ونوثق بانكم لا تعرفون حتى اسماء معتقلينا! المجد لطلاب الاهليه المعتقلين المجد لكل مختطف لا يعرف اهله متى سيستلمونه جثة هامده من ابناء الهامش العرقي! )
الرجاء ذكر أسماء معتقلى (الهامش) حتى يطالب الجميع بإطلاق سراحهم.
يجب إصلاق سراح كافة المعتقلين السياسيين.
.
| |
|
|
|
|
|
|
Re: إعتقال البوشــــــي ونجـــــــلاء سيـــد أحمـــد .. (Re: Khalid Kodi)
|
تجيب اسمائهم انت يا خالد كودي مش نحن؟!
مش انتو بتوع قرفنا و زهجنا و طرشنا! وغيرها من المستهبلين؟!
غالبكم توثقوا لناس الهامش ليه؟!
الخلاكم تعرفوا البوشي ونجلاء وتجهلوا البقيه شنو؟!
ما عاملين فيها اكبر منظمه شغاله لاسقاط النظام سلميا!!
اها وليداتنا وبنياتنا الاتورطوا معاكم في سلميا ديل حقوا تختشوا وتعرفوا اسمائهم!
| |
|
|
|
|
|
|
Re: إعتقال البوشــــــي ونجـــــــلاء سيـــد أحمـــد .. (Re: Tragie Mustafa)
|
الفاضلة تراجي
سلامات ..
الثورة في الأساس لتصحيح المفاهيم ، والسياسات الإقصائية الإتبعتها الحكومة دي طيلة الفترات السابقة ..
والكان واحد من نتائجها المؤلمة جداً ظهور مصطلحات زي الإنت زكرتيها دي .. هامش ، ومركز ، وجلابة .... إلخ
نحن بنادي بإطلاق سراح جميع المعتقلين بدون تمييز ، لأنو ما قاعدين نفكر بالذهنية دي.
والكلام عن البوشي ونجلاء تحديدا لأنو ديل القدرنا نعرف أخبار إعتقالهم ( بي الإسم ) من خلال صفحات الفيس .. وهسة أنا شخصيا لو عرفت إسم زول معتقل أي كان تأكدي إني حأفتح بوست بإسمو ، وبرضو أطالب بإطلاق سراحو فوراً
Quote: يبقى يتظاهروا معاكم ليه؟! |
مافي زول بيتظاهر ، أو يشارك في ثورة عشان زول .. مفروض كل زول تحركو قناعاتو .
وبرضو بنقول معاك :
Quote: المجد لطلاب الاهليه المعتقلين المجد لكل مختطف لا يعرف اهله متى سيستلمونه جثة هامده! |
يا أختنا تراجي في المرحلة دي محتاجين فعلا جهودنا تتضافر وتتوحد ، وهدفنا وااااااضح .. ثورة حتى النصر !
| |
|
|
|
|
|
|
|