|
|
|
 Re: ألم تكن أرض الله واسعة فتهاجروا فيها ... (Re: عاطف عمر)
|
Quote: تحياتي وسلامات يا سعادتك
دا نوع الكلام الـ بيلخبط كل الحسابات
حساباتنا نحن من بدأنا نفكر ونجهز بل وشرعنا في الخطوات الأولية للعودة الطوعية
خاصة عندما يصدر من شخص مثلك
شخص مثلك ( عمر عثمان ) بحسابات كثيرة - ووفقاً للصورة الذهنية التي رسمناها لك - يتوقع المرؤ أن تكون قادر على التعايش مع الأمور الجارية
نعم... الصلاة فيها السر والجهر
لكن أن تطلع الدعوة للعلن فأكيد قد أطلك الشديد القوي
ربنا يستر
على العموم نتابع |
سلام ياعاطف ........
في العام 2003م عدت عودة طوعية من غربة قصيرة (5) سنوات
الأن وبعد مضي قرابة العشرة اعوام لم تعد المشكلة في الحالة
الاقتصادية والغلاء فحسب لكننا اصبحنا غرباء في وطننا وهو اقسي
شعور ممكن ان تحس وتشعر به و(غربة وطن) اخير منها (غربة بقروش)
| |
  
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: طارق جبريل)
|
| Quote: يعني انا لمن طلعت الجنسية المغربية لي أولادي ما ندمان |
حسنا فعلت يا شباوي.. والحنك القديم بتاع بلد المحنة وناس الطيبة بقى ما بقسم..
كل زول جاري وجاري.. يمين الله مافي زول بديك دقايق من زمنو عشان تسمعو..
بلد موبوءة بمشاكل مزمنة.. وابتلاها الله بقادة أنانيين وساسة مكنكشين..
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: طارق جبريل)
|
عبّرت عني تماماً أخي عمر عثمان.
نفس الشعور ونفس الملامح.
بعد عودة من غربة ومحاولة للاستقرار في الوطن اكتشفت أنني غريب في هذا الوطن. وليس لي من أبجديات العمل وكسب الرزق فيه شيء.
فها أنا أفعلها وأجازف بالتوجه إلى دولة الإمارات العربية المتحدة يوم 4 يونيو بحثاً عن رزق الله عز وجل. في مغامرة أوكلت أمري فيها للخالق عز وجل.
ربنا يعينك ويعن العبد الضعيف ويعين الجميع.
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: Hani Arabi Mohamed)
|
Quote: عبّرت عني تماماً أخي عمر عثمان.
نفس الشعور ونفس الملامح.
بعد عودة من غربة ومحاولة للاستقرار في الوطن اكتشفت أنني غريب في هذا الوطن. وليس لي من أبجديات العمل وكسب الرزق فيه شيء.
فها أنا أفعلها وأجازف بالتوجه إلى دولة الإمارات العربية المتحدة يوم 4 يونيو بحثاً عن رزق الله عز وجل. في مغامرة أوكلت أمري فيها للخالق عز وجل.
ربنا يعينك ويعن العبد الضعيف ويعين الجميع. |
ربنا يوفقك ياهاني .......
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: فايزودالقاضي)
|
| Quote: شعور ممكن ان تحس وتشعر به و(غربة وطن) اخير منها (غربة بقروش) |
العزيز عمر..
تحياتي لك
على الضفة الأخرى من المقتبس المعضد بالتعليق المستحسن من صديقنا محمد جمعة (له التحية)، أقف ملوحًا بـ:
Quote: مَنْفَى
غنّي المُغنّي.. في اشْتبَاهٍ
بين فُصْحَي..؛
لُكْنَةٍ عُجْمَي
وفي حزنٍ .. رَطَنْ
كان صوتًا عَالقًا..؛
أوْ غَارقًا في اليُتْمِ
صِدْقًا ..
كان حُلمًا أمسكَ الإيقاظَ..
من غَفْوِ الوسَنْ
هكذا أدركتُ مَعني
أنْ يصيرَ القلبُ منفَى..
لاغترابٍ في وطَنْ |
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: Dalal Ezzaldin)
|
Quote: ياممسوخ انا من يوم قريت ليك اول حرف في البورد ده قلت الزول ده اصلوا ماعنده خلف في السودان ..
لوعندك بنية عرسها لي خلينا النشوف المغرب ...
|
دحين انا كان وأدتها بديك ليها يا ود القاضي
يا ود دياب وحاتك في الاول كنت زعلان
لكن هسي مرتاااااااااااااح
| |
|
|
|
|
|
|
|
|
 Re: ألم تكن أرض الله واسعة فتهاجروا فيها ... (Re: طارق جبريل)
|
وكما قيل :
الفقر في الوطن غربة
والعكس صحيح!
السودان دا يا جنابو بس محتاج رجال ضكرانين ينسوا أنفسهم أولآ ، أي
يصلوا مرحلة نكران الذات "selflessness" ، رجال يحكمونا بالعدل ،
رجال زي والي القضارف الضكران داك، الشاتوهو في صمة خشمو في كلمة حق!!!!! 
السودان بس محتاج لرجال يخافوا الله رب العالمين في سرهم وجهرهم، في
منامهم وصحوهم ، يخافوا الله رب العالمين فينا .. في شعبهم وأوطانهم. السودان
بدل يقفلوه بس محتاج "رجال صدقوا ما عاهدوا الله عليه" ..! ولا نطمع في أكثر من ذلك
بحلم مش؟! 
يا جنابو ياخ حواء السودان دي واااالدة بس ساعدوا بالدفرة
اللهم فرج كرب السودان وكرب أهله .. ياااا رب
تحياتي لكم والأسرة
-
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: Hadeer Alzain)
|
Quote: السودان دا يا جنابو بس محتاج رجال ضكرانين ينسوا أنفسهم أولآ ، أي
يصلوا مرحلة نكران الذات "selflessness" ، رجال يحكمونا بالعدل ،
رجال زي والي القضارف الضكران داك، الشاتوهو في صمة خشمو في كلمة حق!!!!!
السودان بس محتاج لرجال يخافوا الله رب العالمين في سرهم وجهرهم، في
منامهم وصحوهم ، يخافوا الله رب العالمين فينا .. في شعبهم وأوطانهم. السودان
بدل يقفلوه بس محتاج "رجال صدقوا ما عاهدوا الله عليه" ..! ولا نطمع في أكثر من ذلك
بحلم مش؟!
يا جنابو ياخ حواء السودان دي واااالدة بس ساعدوا بالدفرة |
تعرفي ياهدير مرات كتيرة بقول التفكير في الهجرة والاغتراب ده تفكير اناني !!
لكن مرات اخري بغلب عليك صوت العقل وعامل السن وتقوم تمسك قوي في كلام
* العقيد شرطة معاش/عمر عفيفي (مصري الجنسية) صاحب كتاب (ثورة الشطرنج)
عندما قال :
Quote: الشعب (وهنا إستثنى فئة عمرية هي من هم فوق الأربعين ) ..
لأنه يعتقد أن الجيل الواحد يقوم بثورة واحدة فقط .. |
وبما انو انا فوق الاربعين وقمت بثورة من قبل (ابريل 86) اذن سقط عني التكليف
ولا املك الا ان ادعو معك | Quote: اللهم فرج كرب السودان وكرب أهله .. ياااا رب |
هرمنا ياهدير بالجد كده ......
__________________________________________
* العقيد عمر عفيفي القائد الحقيقي لثورات الشطرنج ..!
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: khaleel)
|
يا قريبي
تحياتي ,,,
قضيت اجازة الان في نهاياتها وشاهدت الوقت الممحوق
وغربة الدار وسط الاصدقاء ورفاق الذاكرة ايام كانت
عموماص ما تعكسه لعلك الاكثر دراية به لكن الحياة
قاسية والحل في التغيير لنكون شركاء في هذا الوطن
الثورة الحقيقة وتغير شامل في المفاهيم والحياة هو
ما نحتاجه , كُن بالف خير وغداً افضل بلا شكـ .
............................................حجر.
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: الرفاعي عبدالعاطي حجر)
|
السودان يتعامل مع أبنائه كالنفايات... يقذف بهم بعيدا، وعندما يستقبلهم من جديد على مضض فهو يستقبلهم بعد أن يتم تدويرهم فيستهلكهم من جديد ويدفنهم بعد أن يصبحوا نفايات خطرة... يضيق السودان بأهله في تحد صارخ لقوانين الجغرافيا والطبيعة: تنزل السماء عليه مدرارا فيجود على الناس بالعطش؛ ويرزق بالثمرات والأنعام لتعم المجاعة...
دعونا نبحث في التاريخ فلربما هناك من دعا على هذا البلد دعاء مستجابا.
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: محمد الأمين موسى)
|
Quote: السودان يتعامل مع أبنائه كالنفايات... يقذف بهم بعيدا، وعندما يستقبلهم من جديد على مضض فهو يستقبلهم بعد أن يتم تدويرهم فيستهلكهم من جديد ويدفنهم بعد أن يصبحوا نفايات خطرة... يضيق السودان بأهله في تحد صارخ لقوانين الجغرافيا والطبيعة: تنزل السماء عليه مدرارا فيجود على الناس بالعطش؛ ويرزق بالثمرات والأنعام لتعم المجاعة...
دعونا نبحث في التاريخ فلربما هناك من دعا على هذا البلد دعاء مستجابا. |
شكراً محمد الامين موسي .. 
| Quote: دعونا نبحث في التاريخ فلربما هناك من دعا على هذا البلد دعاء مستجابا. |
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: الرفاعي عبدالعاطي حجر)
|
Quote: يا قريبي
تحياتي ,,,
قضيت اجازة الان في نهاياتها وشاهدت الوقت الممحوق
وغربة الدار وسط الاصدقاء ورفاق الذاكرة ايام كانت
عموماص ما تعكسه لعلك الاكثر دراية به لكن الحياة
قاسية والحل في التغيير لنكون شركاء في هذا الوطن
الثورة الحقيقة وتغير شامل في المفاهيم والحياة هو
ما نحتاجه , كُن بالف خير وغداً افضل بلا شكـ . |
او كما قال القدال :
تشوف الضلمة في الضحى والنَهار مخنوق ..
ولو غنيتِ والغُنا للسلام مخنوق ..
أعرفي إنك الزمن اللى جاي شروق .. وأعرفي إنك .. الزمن الحبيبوحنون
فيا الخرطوم .. عيون الحق ما بتنوم .. عيون الحق ما بتنوم
تحياتي ياقريبي ........
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: omer osman)
|
كدا وب وكدا وبيين!!!!!!!!!!
انا اليومين ديل خلاص زهجت من غربة بلد الخواجات دي ووصلت القمة
سفري للسودان في الايام الجاية دي احلم بيه كل يوم واعد الايام والساعات
الايام دي انا بسال نفسي كتير واقول الجابني البلد البائسة دي شنو كان قعدت في بلدي
ماكان احسن
تحياتي
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: tasneem)
|
اخى عمر تحياتى
هذا ماقلته قبلا فى بوست آخر....
Quote: ان الوطن ليست ارض جرداء من البعد الانسانى..
هى مسارات ترتبط وثيقا...لا انفصام من تسخير الله..الارض وما حوته من نعمة للانسان...
ومفاهيم القيم من قبل الاديان وبعدها ما اتت الا لترسيخه فى ادراك
البشر..ليعى بدوره فى المهمة التى انزل لها من سماوات عليا..
الى ارض الابتلاء..والكدح والملاقاة..
انك كادح الى ربك كدحا...فملاقيه
لا احد يستطع ان يستقوى بالعزلة..
دون الحرية والاخاء والمساواة والتعاون والتكافل والتراحم
ان انتفت كل تلك..فما يتبقى الا.....
قول الرحمن...
الم تكن ارض الله واسعة...فتهاجروا فيها...إإإ
عندها...يختفى معنى الوطن فتصبح فى اضابير الورق والتاريخ
الارض ..
ان تجردها من الانسان تصبح مفردة هلامية لا توحى يشئ
ان غاب كل اهل العشيرة...والمعارف من ارض...
هل تبقى وطن ؟
ولتحتويك ارض...فيها قيم الفطرة الالهية..وماتواضع عليه
الناس....فهى الوطن. |
يا تسنيم ..سلامى
بعد ان تاتى عائدة....
سيكون لقولك هذ...معانى وقول آخر
ارجوك مدنا باى تغير فى الموقف
Quote: انا اليومين ديل خلاص زهجت من غربة بلد الخواجات دي ووصلت القمة
سفري للسودان في الايام الجاية دي احلم بيه كل يوم واعد الايام والساعات
الايام دي انا بسال نفسي كتير واقول الجابني البلد البائسة دي شنو كان قعدت في بلدي
ماكان احسن |
| |
|
|
|
|
|
|
|
|
|
Re: ألم تكن أرض الله واسعة فتهاجروا فيها ... (Re: Abureesh)
|
لمتين يلازمك فى هواك مر الشجن ويطول بأيامك سهر ويطول عذاب .. غني وابكي بس يانزار
غنيت لا من فتر الغناء من غناي
والعود مدوزن بالصبر لو كان
بينطق قال كفاي.
_________________________________
أحسن نخليهم لي الليالي
ولي الزمن..
يمكن يحس ضميرهم
ويهديهم لي الصواب...
أو يتخارجو بي حساب...
وانا وانت وجموع الباكين والمغنين والمساكين والصابرين
نلقي حقنا في الدنيا دي قبال الآخرة....(قول يامين)
| |
|
|
|
|
|
|
| |
omer osman
فايزودالقاضي
عاطف عمر
محمد حامد جمعه
أمجد الزين
طارق جبريل
Hani Arabi Mohamed
الطيب برير يوسف
Dalal Ezzaldin
Hadeer Alzain
Mohammed Elhaj
nazar hussien
khaleel
الرفاعي عبدالعاطي حجر
محمد الأمين موسى
طارق الجبلابى
Abureesh
فيس بوك
تويتر
انستقرام
يوتيوب
بنتيريست