|
|
 أطفال السودان يحمدون الله كثيرا ويشكرون
|
حمودي ولدي من مواليد السعودية وعاش كل سنوات عمره (عشر سنوات )
وشاءات الاقدار والظروف بمشيئة الله وأستقر حالهم قبل سنة ونيف بالسودان
وصار الوصل بيننا الهاتف رغم سؤ الشبكة وأدناه احدى المكالمات معه :
حموووووووودي كيفك ؟
الحمد لله
المدرسة كيف ؟
الحمد لله يابا ( وترك قولة بابا)
يعني مبسوط وامورك كلها تمام ؟
والله الحمد لله يابا
حمودي يا أخوي الحكاية شنو ؟
ونعم بالله وكلامك كويس كونك تحمد الله كثيرا
لكن كمان بعدما تحمده وتشكره وتثني عليه قول أما بعد
ووريني الحاصل شنو وتقول لي كداين من كداين علما باني غرست فيهم لهجتنا
العامية والتي سهلت عليهم الاندماج سريعا في بلدهم
اها يا حمودي وريني الحاصل شنو
والله يابا دا الكلام اللقيتو في السودان
أئ زول تسألوا تلقوهو كيفك طوالي اقول ليك الحمد لله
واسع جنبي صاحبي هاك اٍسألو شوف اقوليك شنو
وكانت المفأجأة بالظبط زي ما قال
خلاص اديني حمودي وهو ربنا اخليه واحفظو يتحدث بلغة اكبر منه بكثير
طيب يا حمودي لشنو الناس في السودان طوالي بحمدو الله
فرد دون تردد لان السودان كلو ورط
تدخل في ورطة تمرق منها تقول الحمد لله وتاني تدخل في ورطة تتطلع منها تقول الحمد لله
السودان دا كلو ورط
طيب انت مالك ومال ورط السودان
والله يابا وضحك ياخي انا اسع في ورطة
ورطتك شنو ؟
اسع صاحبي الكلمتو دا مشتركين في كتاب انا وهو
قال الا اشيلو اسع مع انو دا يومي انا لكن انا ما بحب المشاكل بديهو ليهو
وبقول الحمد لله انو ما اتشاكلنا لانو صاحبي
|
|
 
|
|
|
|
|
|
|
|
Re: أطفال السودان يحمدون الله كثيرا ويشكرون (Re: عبدالله ود البوش)
|
وبهذ المناسبة ايها الاخوة والاخوات
الخليج دا اصلو ما مضمون بلفاكم بالقانون
عشان كدا علموا اولادكم لهجة بلادهم وخوشنوهم زي الخيش
عشان الواحد لمن امش هناك اركب معاهم في سرج واحد
ونحن راكبين الباخرة كان أخر اجتماع لفريد مع اخوانه قاليهم شوفو
من اسع دي تاني مافي حاجة اسما بابا ارموها في البحر دا
وفي عشفنا دا قولوا لادروب شوف رزق غيرنا وان الارزاق بيد الله
.
.
ونفعني التخوشن كثيرا في حوش سواكن
حرم نادر الله اخليهو لب الشوال في ضهرو واقول لادروب امش شوف حنكشك وين
هيييييييييييع
يا حلييييييل اولادي شيالين التقيلة فقدتهم ووحدوا بي
الله كريم
| |
|
|
|
|
|
|
|
|
|
Re: أطفال السودان يحمدون الله كثيرا ويشكرون (Re: عبدالله ود البوش)
|
حمودي باقي ليهو السربة وطييع الحمير .. الوحدة تختاك ازول شيل جوزاك والحق رمضان بي هناك ...زمااان بنكزن عارفين العنكوليب مزروع في ياتو سرابة وبننتظر الجكس في الضهرية محطبين ولا معلفين ...وكان البيارة قطعت ووردوا الترعة دا يوم مميز...هسع البلي بقى كلو سوفتوير اقول لي حمودي ..دا غير سرقة الفول الاخضر وحرقو وغير مسحة الكنابي ديييك عسلية وكجومورو وحسوة فقرا...وسرقى المفاتيح لود الطهور وشليل بالليل والبحث عن العضم وشرطة حرامي ..آزول حمودي الجماعة بقثولو ليهو أمحمد دحين اجنا ابوك قالو جاي بوشو من السعودية كلمو يجيب لي معاهو رادي يجيب ازاة لندن باقي رادينا كضاب الا في خبر الوفيات ..
| |
|
|
|
|
|
|
|
|
Re: أطفال السودان يحمدون الله كثيرا ويشكرون (Re: عبدالرحمن الحلاوي)
|
مسكين حمودى
اجرمت فى حقوا وخاصة فى الزمن الحاضر كونوا ترجعوا السودان بعد خرب والناس جاعت وبقت تبيع فى عرضها ولحمة
ولا تعليم ولا صحة ولا ثقافة ولا اخلاق وما في غير الكذب والغش والنفاق
وحا تعرف كده لما يكبر ويتخرج من الجامعة
انا بتكلم عن تجربة شخصية
وانا بشكر ابوى الانقذنى انا واخوانى وببوس جبينوا
لانوا اتعلمنا اشياء كثير خارج السودان
لو كنا للحين فى السودان كنا ضعنا وضاعت طموحاتنا كا شباب
يا ريت تفكر الف مرة علشان تنقذ حمودى وترجعوا لى فى بلد توفر ليه تعليم والصحة والايمان باللعه يكون ايمان حقيقى حقيقى ما مزيف
وتعلموا يعطى من غير مقابل وتعلموا كيف يحترم الانسانية
كل الود والاحترام والتقدير
| |
|
|
|
|
|
|
|
|
|
Re: أطفال السودان يحمدون الله كثيرا ويشكرون (Re: وضاحة)
|
إبن عمي ود البوش
رغم أن الزمن ليس كبقية الأزمان وأسس التربية إختلفت وتغيرت بالتغير التكنلوجي والثورة الكبيرة التي صاحبتها من تغيرات فى جميع ما يحيط بنا ، نحمد الله أن أبناءنا تشبعوا بنهج كريم واسس سليمة باقية ، أذكر أننا وعند زيارتي للسودان بعد غيبة طويلة كانت صغيرتي تتكلم العربية ممزوجة ببعض الكلمات الإنجليزية ، فضحكت والدتي وأخذت تعلمها النطق الصحيح وبعد إكمال إجازتنا إندهشت للتغير فى لسان إبنتي ونطقها السليم لكل كلمة سودانية عامية !
ربنا يحفظ حمودي وأتمني يقضوا إجازة طيبة برفقتك
| |
|
|
|
|
|
|
|
|
|
Re: أطفال السودان يحمدون الله كثيرا ويشكرون (Re: مها عبد الله)
|
للغربة ثمن ...
وخصوصاً حينما يكون ثمنها (فلاذات أكبادنا) و (صحتنا)
حال أطفال المغتربين يدعو (للشفقة) نضارة وجوه وضمور فكر وفقدان هويه ...
مستقبل أبناءنا هاجس أفكر فيه كثيراً ... بين شفقة وآلم
.
.
هنئياً لحمودي وهو يترعرع بين حبوباته وأعمامه وخيلانه
في كل ورطه (عام من الأغتراب) ..
وبكل تحميده وشكر براكين من الحسنات ...
ياخ أنت ربنا عافي منك دنيا وآخره ..
ربنا يحفظك ويغطيك يارب ...
.
.
ولك التحية (ود البوش) ...
| |
|
|
|
|
|
|
|
|
|
Re: أطفال السودان يحمدون الله كثيرا ويشكرون (Re: معتز زيزي)
|
معتز زيزي الفنان الجميل الرائع
Quote: هنئياً لحمودي وهو يترعرع بين حبوباته وأعمامه وخيلانه
|
الله اهنيك باولادك يا ولدي والله طمنتني
رغم اني مطمئن عليه وعلى الجو الذي يعيش فيه
ولكن كلامك كان لسان حال الصوت الغالب حين فكرت في بقائه هنا او العيش مع اخوانه بالسودان
| Quote: مستقبل أبناءنا هاجس أفكر فيه كثيراً ... بين شفقة وآلم |
أطمئن يا عزيزي زيزي ما دام هذا احساس والدهم بهم
شكرا زيزي مع تحياتي
| |
|
|
|
|
|
|
|
|
 Re: أطفال السودان يحمدون الله كثيرا ويشكرون (Re: مها عبد الله)
|
بت عمي الفالحة ورايقة راقية
تحية وسلام واحترام
.
.
| Quote: رغم أن الزمن ليس كبقية الأزمان وأسس التربية إختلفت وتغيرت بالتغير التكنلوجي والثورة الكبيرة التي صاحبتها من تغيرات فى جميع ما يحيط بنا |
غايتو يا مها حيرتيني في تربيتي لاولادي بالبلدي
يعني اعد قابلني ولا كيف ؟
.
.
سرورة حظها بان مها امها وربنا اخليها واحظفها
بصراحة غايتو انا ربيتهم كما رباني ابوي ودا اسهل الطرق
وبالمناسبة حمودي صورة طبق الاصل لي وهذا يعني انو زي جدو وواحد
غايتو العلماء ديل احيروا
شكرا بت عمي عبدالله
| |
|
|
|
|
|
|
|
|
|
Re: أطفال السودان يحمدون الله كثيرا ويشكرون (Re: وضاحة)
|
Quote: مسكين حمودى
اجرمت فى حقوا وخاصة فى الزمن الحاضر كونوا ترجعوا السودان بعد خرب
والناس جاعت وبقت تبيع فى عرضها ولحمة
|
الدكتورة وضاحة
تحية وسلام
.
.
فعلا مسكين حمودي يا وضاحة توفيت والدته ولم يتشبع بحنانها
.
.
واستغربت لحكمك القاسي علي بالاجرام دون معرفة حيثيات وضعي المميت أصلا
| |
|
|
|
|
|
|
|
|
|
Re: أطفال السودان يحمدون الله كثيرا ويشكرون (Re: عبدالله ود البوش)
|
الاخ ود البوش .. تحية واحتراما
صدقني نحن خارج الوطن نعيش في " ورطة كبيرة" ، ورطة كيف يتم التعاطي بموضوعية مع واقعنا المعاش.. وكيفية اقناع اطفالنا بأن هذا واقعنا الذي ينبغي ان نعيشه دون النظر الى ماوراء البحار..
ابارك لحمودي انه اضحى يعيش كما اهل السودان عبر الزمان الطويل..
في خاتمة المطاف لابد ان نكون يوما داخل وطننا..لذلك على "المتبرمين" من عذاب الوطن ان يوطنوا انفسهم منذ اللحظة على الواقع المعاش في ارض الغبش..
ومني ليكم سلام .
| |
|
|
|
|
|
|
| |
عبدالله ود البوش
عبدالرحمن الحلاوي
وضاحة
مها عبد الله
معتز زيزي
مصطفى محكر
فيس بوك
تويتر
انستقرام
يوتيوب
بنتيريست