|
|
|
 Re: ( نصيحة ) لا تتزوج طبيبة لأنها .... (Re: حبيب نورة)
|
علي هامش حوار لطيف مع أحد الأصدقاء الذين يتحفوني بالكثير من المعلومات والمعرفة التي قد لا تتوفر لي علي صفحات الكتب والمراجع؛ تكون لدي إعتقاد راسخ أن معظم الأطباء يحتاجون إلي أطباء نفسيين؛ بل أن الطبيب يجب عليه أن يتردّد علي عيادة رصيفه النفسي مرة واحدة كل شهر علي الأقل . وأغلب الظن أن هذه العقد والإضطرابات النفسية تبدأ في التشكّل منذ أيام الدراسة الجامعية . والمجتمع يعتبر أيضاً مسؤول مسؤولية مباشرة عن تناسل وتوالد هذه العقد والأزمات؛ فعلي سبيل المثال نحن نبدأ بإطلاق كنية طبيب علي طالب الطب في يومه الدراسي الأول؛ ونبدأ في عزله عن رصفاءه من بقية الطلاب؛ وهذه المعلومة تنظيرياً قد تقبل؛ ولكن قد يختلف معي حولها الكثيرين . ولكن من خلال ملاحظاتي الخاصة توصلت إلي كثيرٍ من الحقائق والتي مكّنتني من تكوين أفكار أولية؛ قد تكون خاطئة وقد تكون صحيحة؛ وهي ليست معالجة لمشكل ولكنها مفيدة جداً لي علي الأقل وتعينني كثيراً في صناعة الشخوص وهذا ما يهمني في كل الأمر برمّته .
| |
  
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
لم يكن في وسعها أن تتحمل عبئاً آخراً يضاف إلي أعبائها الدراسية الكثيرة؛ وبطبيعة الحال كانت تسليتها الوحيدة هي إلتهام كل هذه المراجع الضخمة فدفنت رأسها الجميل في بطون أمهات كتب الطب . لم تكن تشعر بتيار الهواء الساخن الذي يحيط بها . أوصدت جميع النوافذ والأبواب بمزلاجٍ من لا إهتمام . لم يكن يمثل لها الهواء الذي يتسلّل بالخارج شيئاً . كانت تراه متخثراً شديد النتانة . العالم في نظرها لم يكن سوي رائحة المحاليل والقطن الأبيض والشاش الذي يتناثر هنا وهناك . لم يكن أوسع من عيادة . كل ما هنالك كان أبيضاً . الروب الذي ترتديه علي الدوام وكأنه وسام علي صدر محاربٍ فقد زراعيه في معركةٍ مصيرية . ما كل هذا البياض ؟ بل ما كل هذا الصقيع ؟ لم تكن تهتم أبداً ولا يتحرك الثلج من فراشها قيد أنمُلة . تتساقط علي أحلامها كراتاً من الثلج وتصحو وهي مقطبة الجبين . باردة باردة باردة . تغادر فراشها بساقين باردين قابعتين في أغلالها الصقيعية . تحتسي كوباً مضجراً من الشاي وهي تحمل بيمينها كتاب؛ وتحدّق في ورقةٍ متسخة ببعض الملاحظات والأرقام والضجر كانت ملقاة علي طاولةٍ باليسار . مملةٌ كانت .
الآن قد مضت أربع سنوات منذ أن ألتحقت بذلك العمل في المشفي الخاص دون أن يطرأ علي حياتها جديد يذيب الكتل الجليدية القابضة علي أنفاسها . أزدادت فترة البيات العاطفي الذي يسيّج قلبها بالثلج . تداوم يومياً علي فعل الأشياء نفسها برتابةٍ قاتلة . كانت روحها تموت ببطء شديد ولا تعود إلي قمة نشاطها وحيويتها إلا عندما يخبروها بأن هنالك مريضاً مسجيً في أحد الغرف . كان ينتابها شعور غريب بالفرحة العارمة . لا أدري إن كانت آلام المرضي هي التي تريحها فقط وتجعلها تحس بآدميتها . تحمل حقيبتها الطبية وتهرول صوب هذا المريض وعلي فمها شعورٍ غريبٍ بالظفر . الآن قد وجدت مبتغاها . المرضي فقط هم الذين يشعرونها بالسعادة . لا أشك أنها تجعلك تشكّ بأن الإنسانية يجب أن تدخل إلي شرايينك عبر إبرة دواء أو أقراص تتناولها بين الفينة والأخري؛ حين تشعر بأنك لست بني آدم . وبعد إنقضاء مهمتها الإنسانية السامية يعود إليها فتورها وبرودها وضجرها ويتساقط عليها الثلج . ستجدها جالسة كئيبة مترهّلة فاترة بلا طعم ولا لون . فقط اللون الأبيض الموحش الكئيب .
يبدو أن أنثي الشتاء الطويل قد أعتادت هذا الجمود بالقدر الذي يجعل أسنانك تصطك برداً حين تجلس في المقعد المقابل لمحيط قلبها المتجمد الشمالي . سيزعجك زمهرير نظراتها التي تتساقط من ثلاجة نظارتها الطبية السميكة . ستنظر إليك بتعالٍ مخيف فأنت لست مريضها . أنت مجرّد بني آدم ساقته أقداره السيئة للسقوط من طائرة في دائرتها القطبية فحلّق بلا مظلة؛وهوي . وهرباً من الثلج دفن نظرته الأخيرة في كوخٍ من الصقيع . ستكتشف أنه كان من الأجدر أن تلاحق أحدي الممرضات اللائي تبشر سيقانهن الساخنة بصيفٍ طويل . ولكن رغبتك المحمومة في إكتشاف هذه الإنسانة التي لا تشعر بوجودك أصلاً يدفعك إلي مزيدٍ من التحمّل الغير مجدي . فها أنت تضع علي جسدك نصف قارورة عطر؛ ولكن أنثي الشتاء الطويل كانت ستغرم بك لو كان علي جسدك ربع قنينة دواء . لو كنت مكانك لهربت من مشارط عينيها قبل أن تنقض علي عروقك وتحقنك باللا حياة . ولكنك لن تفعل وستظل مسمّراً أمامها حتي تجد نفسك في وقتٍ ليس بالبعيد، ملقيً بإهمال في ثلاجةٍ للموتي؛ لا يعودون إلي الحياة إلا بأمر الطبيب .
بلا وعيٍ مضيت نحو قدرك . كانت درجة التخدير أكبر من القدر المسموح به؛ ولكنها كانت كافية لكي تصبح مريضاً بصورةٍ دورية وأنت في عشك الأبيض . ستجعلك الأطعمة الصحية الخالية من الكلويسترول والشحم والدسم تمرض أكثر . وفي هذه الحالة سيحدث مرضك نوع من التقارب كنت تبحث عنه بلا كلل . ستضع كفها علي جبينك وتجعلك تحس بحرارتها . ستصبح إبتسامتها أكثر سحراً وحنواً . فهذا ( البيشن ) الذي يقاسمها السرير يستحق أن يعامل كبني آدم في هذه اللحظة تحديداً . لو كنت مكانك لتمارضت أكثر وأكثر ولم أحرم نفسي من هذه العناية الفائقة؛ ولكنك لم تسمع نصيحتي السابقة . تمارض أكثر يا صاحِ . فكلما نهشت عظامك الحمّي أكثر ستصبح عشيقها الأول والأخير . أجعلها تحس ببرودة أوصالك ستصليك سعيراً من القبلات تمطر بها جبينك . أجعل من تقوّس ظهرك وأوجاعك معبراً لإستقامتها العاطفية . توكأ علي ضعفك الإنساني وسِر إليها . أقسم لو أنك تمكنت من قطع الممر الصقيعي الذي يفضي إلي قلبها ستجعلك أمير المناطق المدارية في ثوان؛ وستتمكن من حلّ إزارها وأنت تكحُّ في وهن بالغ .
وبعد أن تختلط رائحة المحاليل التي تنبعث من جسدك المنهك بعطر المواد المطهرة التي تضعها غالباً في سهراتها البيضاء في إحدي المشافي . ويتعود جسدك علي رائحة المرض؛ وعروقك علي وخزات الإبر؛ وتتكوم سلال البرتقال والليمون في الثلاجة . لن تفلح في خداعها بمرضك . سيتآمر عليك جهازك المناعي وهي لن تضيع هذه الفرصة أبداً . ستتركك لوحدك تنتظر وتعود إلي موتها السريري . ستجعلك تعلم بأن الزواج من طبيبة هي حالة مرضية ينبغي عليك الشفاء منها أولاً . وحتماً ستحتاج إلي فترة نقاهة عاطفية ربما لن تنجح في عبورها ما تبقي من عمرك . وهذه الحالة ليست عامة بالطبع؛ ولكنها تتكرّر كثيراً لدرجة أني صديقي هذا لن يقرب المشافي ولا المصاح مجدداً في حياته مخافة أن تصطدم نظرته بمعطف طبيبة تجعله يرتكب هذه الغلطة ويندم حيث لا يفيد الندم . فغالباً هذه الطبيبة لم ترتبط في حياتها بغير أبيها وأنتابتها عقدة ( ألكترا ) أو أحد أساتذتها التي كانت تحب فيه تفوقه العلمي .
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: حبيب نورة)
|
أصل الحكاية أن أحد أصدقائي أبتلاه ربه بزيجةٍ من هذا النوع كمّلت مروتو في المساسقة في عنابر الروح وعندما قصّ علي مسامعي حكايته بمغصة غير خافية تعاطفت معه كثيراً وقررت أن أكتب عن هذا الموضوع . ولكن شغلتني المشاغل ولم أكن أعلم بأن ربي سيكرمني بمغصة أخري تجعلني أسارع للتعبير عن محنة هذا المسكين . وأعتقد أن هذا الباسل الذي عاني ما عاني من مرارة الأسر الطبي وجاهد كثيراً حتي تمكن من إستلام إذن الخروج الأبدي؛ أعتقد أنه الآن يمتلك رأياً ثابتاً واحداً هو أن ( الطبيبات عيانات ) وهذا الرأي ليس لي ؛ ولكني أتمثّل قوله الذي أكدته لي حُرقته وهو يحكي لن عن تجربته السابقة مع طبيبة . وأعتقد أيضاً أنه لن يطرب أبداً لسماع أغنية مثل أغنية سيد خليفة التي يقول فيها ( يالسمرة وحبيبة .. ويا النادية ورطيبة .. أزور القصر العيني وتنقذني الطبيبة )
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: عزالدين عباس الفحل)
|
Quote: المراة الان وصلت وكالة ناس للفضاء ،
غير تلك التي تهز باردافها ،
الغليظة في محفل المقابر ،
فـي قــاهــرة الـمـعـز ،
مع خالص الود ،،، |
الفحل كيفنك وأخبار كاسر الأمواج شنو ؟ :)
هههههههههههههه يا زول الفيك إنعرفت
الموضوع ده ما دراسة يا عمك؛ وكمان ده ما رأيي أنا لم أتزوج بعد
ده نقلاً عن صديق لكن بتصرّف
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: مرتضي عبد الجليل)
|
Quote: يا حبيبا, كاتبي الإسفيري الاروع:
تسلم من كل برد يا حبيبنا |
أشكرك عزيزي مرتضي علي الإطراء الجميل
لقد رفعت سقف معنوياتي إلي عنان السموات ؛ في الواقع سقف معنوياتي أصبح محمولاً الآن
يمكنني أن أحل مساميره متي شئت
عندما يلامس رأسي
تسلم يا عزيز
وشكرن كتيرن
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
يا حبيبها...
بإعتباري نقيضا لصديقك الذي أتحفك بتجربته المضنية
علاوة علي ملاحظاتك ومشاهداتك...ستجدني إن شاء الله
من المختلفين وجدا كمان...دي خت تحتها خط...
فالزواج من حيث هو زواج لا يبني علي المهنية الا ان يكون ذلك
إستكمالا لشرط الكفاءة كتعليم وليس مهنة...فنصيحتك دي كان
لقيت زمن بنسفا ليك حرف حرف ومن واقع تجربة عملية...
وإلي أن ألقي الزمن دا أعتبرني مختلف معاك ومع نصيحتك
فزواجك من طبيبة يضمن لك جوا عائليا صحيا لك ولعيالك...
وإنت مطمئن...فالطمأنينة علي نفسك ومالك وعيالك دي
ياها المحصلة المطلوبة من الزواج...والنفس المطمئنة وما أدراك بها
هي القادرة علي العطاء...
حا اجيك راجع بي نضم وشواهد عديل عشان ما يبقي تنظير..
وكلام قاطعو من راسي...
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: nazar hussien)
|
Quote: فزواجك من طبيبة يضمن لك جوا عائليا صحيا لك ولعيالك...
وإنت مطمئن...فالطمأنينة علي نفسك ومالك وعيالك دي
ياها المحصلة المطلوبة من الزواج...والنفس المطمئنة وما أدراك بها
هي القادرة علي العطاء...
حا اجيك راجع بي نضم وشواهد عديل عشان ما يبقي تنظير..
وكلام قاطعو من راسي... |
أبو النيز يا لذيذ
صباح الجمل
ما عندي مشكلة أكيد لمن تجي كلنا ح نستفيد من تجربتك
ومع العلم إنو ده ما كلامي أنا
أنا نقلتو بتصرف
منتظرك تجي يا حبيب وإلا ح أعتبرك منظراتي مثلي تماماً وقاطع تنظيرك من راسك
شكرن كتيرن !
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
Quote: منتظرك تجي يا حبيب وإلا ح أعتبرك منظراتي مثلي تماماً وقاطع تنظيرك من راسك
|
لا... يا حبيب نورة...
إنت ممكن تعتبرني (مخوّف) أو كذّاب مثلا لكن ما ممكن تعتبرني بنظر
لأن التنظير...شي والتجربة العملية...هنا هي نتيجة مباشرة لمسيرة
حياة
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: ود الباوقة)
|
كامل تضامني مع الطبيبات
ضد نظرية المنظراتي ل"لتبويرهن" ^_^
* يعني شنو لو "لوليت" الشفع ونومتهم لما تكون
زوجتك عندها نبطشية؟؟؟
*يعنشي شنو لو نمت براااااك في البيت؟؟
* يعني شنو لو لو طبخت ليك وليها؟؟؟
*يعني شنو لو زاروك اصحابك وضيفتهم برااااااك؟؟؟
..........
وبرضو:
أنا عا########ي الطبيبة
قي قلبي الحبيبة
من جواي بريدا
وبكتب الفين قصيدة
ريدة صادقة وشديدة
كامل التضامن مع الطبيبات
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حافظ انقابو)
|
Quote: * يعني شنو لو "لوليت" الشفع ونومتهم لما تكون
زوجتك عندها نبطشية؟؟؟
*يعنشي شنو لو نمت براااااك في البيت؟؟
* يعني شنو لو لو طبخت ليك وليها؟؟؟
*يعني شنو لو زاروك اصحابك وضيفتهم برااااااك؟؟؟
|
ومالو لو كان الشفع ديل أطفال أنابيب لو كان الزواج سيسبب إشكالات جينية ؟
وما بعيد يطلع المولود منغولي
بطّل مرمغة وكسير تلج يا عمك
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
مرمغة مين وكسير تلج مين
ياعم أنا ح اقاتل قتال شرس
ضدك في البوست دا
ياخي الطب دا مهنة انسانية لابعد
الحدود .. ولو زوجتك طبيبة أكيد
ح تكون شريك معاها في الاجر
من خلال صبرك عليها وتحمل
جزءكبير من المهام في البيت
ياخ ضحي بساعات كل يوم
بتلقاها قدامك يوم الحشر
كامل تضامني مع الطبيبات
ولا لتبويرهن
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حافظ انقابو)
|
حبيبنا
سلام
الطبيبة و الطبيب ايضا لا يصلحون لزواج تقليدى
فالطبيبة المتزوجة تحتاج لتذكيرها اكثر من مرة فى اليوم بانها متزوجة
ان كنت تروم (او ترومين) زواجا بارت تايم و على هامش حياتك فعليك بالطبيب او الطبيبة
للاسف كثير من الزيجات (الطبية) فاشلة
انا بكلمكم من داخل الحوش الطبى
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: عوض محمد احمد)
|
Quote: الطبيبة و الطبيب ايضا لا يصلحون لزواج تقليدى
فالطبيبة المتزوجة تحتاج لتذكيرها اكثر من مرة فى اليوم بانها متزوجة
ان كنت تروم (او ترومين) زواجا بارت تايم و على هامش حياتك فعليك بالطبيب او الطبيبة
للاسف كثير من الزيجات (الطبية) فاشلة
انا بكلمكم من داخل الحوش الطبى |
وشهد شاهدٌ من أهل البيت
مشكور يا اخ عوض علي الإفادة والمداخلة الطيبة
وبالفعل الموضوع يحتاج إلي دراسة وافية
أنا شخصياً أنتهي دوري
وممكن أناقش مع الناس عشان أستفيد
شكرن كتيرن
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: عزالدين عباس الفحل)
|
Quote: وانا عارفك غير متزوج ،
لسة في طور الحبكانة ،
وليه اسمك حبيب نورة ،
لكن بنصحك بالزواج من طبيبة ،
وان قلت نسبة الجمال ،
الي دون الصفر ،، |
ولو سكنت جمب مستشفي مش أفضل شوية ؟
إجابتي دي بتؤكد إنو وش البامية ما ياهو :) 
أما بخصوص كاسر الأموج
جاييه قرييييييييييييييييب جداً
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: عزالدين عباس الفحل)
|
Quote: وانا عارفك غير متزوج ،
لسة في طور الحبكانة ،
وليه اسمك حبيب نورة ،
لكن بنصحك بالزواج من طبيبة ،
وان قلت نسبة الجمال ،
الي دون الصفر ،، |
ولو سكنت جمب مستشفي مش أفضل شوية ؟
إجابتي دي بتؤكد إنو وش البامية ما ياهو :)
أما بخصوص كاسر الأموج
جاييه قرييييييييييييييييب جداً
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
عندنا في حلتنا واحد إسمو عم علي والراجل ده كان ساخر جداً وسفيه من السفهاء المحترمين جداً
يعني من النوع البعتبر إنو السفاهة دي أدب وليه قواعدو وأسسو وضوابطو
واخد بالك وكمان ما بعترف بأي سفيه رمتالي ساهي
المهم الرجل الطيب ده كان يكني العضو ب ( شيخي أب عصاية ) يعني مثلاً لمن يكون داير يقوم من الأرض
يقول ليك يا شيخي أب عصاية
أها قالوا ليك مرة كان زاير ليه عيان في مستشفي الخرتوم وتصادف إنو في دكتورة من ماركة الدفارات الشهيرة ولسه ربنا ما قسم ليها الولادة
كل مرة تسمع عم علي ده يقول يا أب عصاية
قامت سعلتو : إنت يا عمي أب عصاية ده منو ؟
قال ليها ده شيخي .
قالت ليه شيخك ده ما بدّي الجنَي ؟؟
دردم عم علي سفة كااااااااااااربة وكوّع في الفرشة بتاعة الممارضين وقال ليها :
الله !!! والله يجيبو ليك خرّيج :)
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
وبقدرتك على تحليل مشكلة ( سخونة ) الأجواء بــ ( سعد قشرة ) ، إلى مشكلة ( صقيع ) الطبيبات بكل سلاسة ويُسر ، كإنتقال أصابعك ( الحريفة ) بين ( موجات ) راديو عتيق الطراز ؛
يمكنني منحك درجة : ( خبير الأرصاد الجوية ) في هذا البورد !
وكلي ثقة أن كتاباتك الراصدة ، المحللة هي الــ( تيرمومتر ) الأكثر دقة لدرجة حرارة طقس البورد
لله درُّك يا رجل
____________
هذا بالطبع مع تحفظي الكبير على رأي ( صديقك ) في موضوع الطبيبات ..
الطبيبات ديل ملائكة الرحمة ، والحنية ، والزوق ، وأي حاجة زاتو ياخ .. صحبك ده موهوم ولا شنو
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: Hassan Bakri Nugud)
|
Quote: وبقدرتك على تحليل مشكلة ( سخونة ) الأجواء بــ ( سعد قشرة ) ، إلى مشكلة ( صقيع ) الطبيبات بكل سلاسة ويُسر ، كإنتقال أصابعك ( الحريفة ) بين ( موجات ) راديو عتيق الطراز ؛
يمكنني منحك درجة : ( خبير الأرصاد الجوية ) في هذا البورد !
وكلي ثقة أن كتاباتك الراصدة ، المحللة هي الــ( تيرمومتر ) الأكثر دقة لدرجة حرارة طقس البورد
لله درُّك يا رجل |
هههههههههههههههههه يا نجود يا صديقي
الكاتب الحريف هو الذي يعطيك نشرة أخبار متكاملة وخصوصاً نشرة الأحوال الجوية
النصوص المعبئة بالتضاد هي أكثر قدرة علي تأكيد الفعل الفلاني أو نفيه
المهم يا زول
صراحة الإنتقال الحاد ده من سخونة سوق سعد قشرة المخورنة إلي فريزر الدكتورات والله لم أنتبه له إلا الآن
لله درّك إنت ده
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
Quote: صراحة الإنتقال الحاد ده من سخونة سوق سعد قشرة المخورنة إلي فريزر الدكتورات والله لم أنتبه له إلا الآن
لله درّك إنت ده |
مع إني ما قادر أثبت ليك حسن النية في المقاربة دي لمعرفتي بمدى ذكائك ، و ( خبثك ) الكتابي ؛ لكن أهو نصدقك عشان ماف زول يشكك في إيماننا كمان بإعتبار إنو ( المؤمن صدّيق ) وكده
-
-
-
-
-
-ــــــــــــــــ
قلت لي ما قاصد ، اآآآآ ! ؟
ياخ تسوقنا من السخانة ديك ، لي البرد ده عاااااادي كده ! ؟ .. ما خايف علي الناس دي من ( الإلتهاب ) ؟
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: عوض عبدالله طه)
|
Quote: سلامات يا حبيبا
اوافقك تماماً
هو العمر بعزأة ؟؟؟
أو زي ما قال حِمّيد ( هي الدنيي كلها كم حرف؟ )
لا من الزول يقضيها تضحية ونويم شفع .
وأزيدك من الشعر بيت
برضك اعمل حسابك واعملن حسابكن من الاستاذة والأستاذ |
حبيبنا يا عوض طه
والله ريحتني في أيمان صليبي
مع إني زمان كنت معجب بي أغنية يا بنات المدرسة نادوا لي المدرسة
والتي لو أكملت باقي مقاطعها قطع شك ح أتخورن ح أتخورن
خلينا كده ظريفين شديد
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
| Quote: ليه المراة أكثر نجاحاً في مهنة التمريض من الرجل ؟ |
لأن التمريض ( والمهن الطبية عموما ) تحتاج الى قدر معين من الحنو ، ودفء المشاعر ، والتحمل ؛ يندر وجوده في الرجال !
تسمية ملائكة الرحمة لم تأتي من فراغ ؛ فالتعامل مع آلام المرضى ، وشكواهم المستمرة تلزمه أخلاق شبيهة - مجازا - بأخلاق الملائكة !
ولذلك ، فإن المرأة أنسب من يقوم بمثل هذا الدور لما حباها به الله من مقدرة فطرية على التحمل ، ومن عاطفة ، وحنو كبيرين يؤهلانها بدءاً للقيام بدورها كأم بكل ما يلزم هذا الدور من تحمل ضغوطات وأعباء تربية أبنائها .
ما تحتمله المرأة في يومها ( العادي ) في المنزل ، أكبر من ما يحتمله زوجها في شهر من العمل الشاق المتواصل !
التحية ، والشكر لكل نساء الأرض قاطبة لما يقدمونه يوميا من تضحيات .
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: فايزودالقاضي)
|
| Quote: غايتو حسب النكتة المعروفة ناس اعد وكرر ديل هم الافضل من ناس التعقيم والزوايا الحادة والمنفرجة .. |
الاخ الكريم
ارجو ان تكون مشاركتك فى صلب موضوع البوست
واتمنى ان لا تحرف مسار البوست
المره الفاتت بى حركاتكم دى طلعونا صقائح
المره دى ح يطلعونا شنو
تبا لك ..
يا قالب الجلى ..
حبيب نوره هوووى
شوف تانى البشارك معاك منو
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حافظ انقابو)
|
الأخ حسن نجود
| Quote: التحية ، والشكر لكل نساء الأرض قاطبة لما يقدمونه يوميا من تضحيات . |
نعم
الشكر لأمهاتنا أمهات المؤمنين زوجات رسول الله صلى الله عليه وسلم لما قدمن من تضحيات
أشكر سيدة نساء الجنة السيدة فاطمة الزهراء ريحانة حبيب الله وحبيبي محمد صلى الله عليه وسلم
أشكر أمي الحيبية إلى قلبي السيدة خديجة بن خويلد
وأشكر أمي الحبيبة إلى قلبي السيدة عائشة رضي الله عنها
أشكر امي (رحمة الله عليها)
أشكر حبوبتي أم أمي التينة (رحمة الله عليها)
أشكر حبوبتي بتول أم أبوي (رحمة الله عليها)
أشكر كل أخواتي هاجر وصفاء وآمنة إيمان
أشكر زوجتي وزوجات أخواني كلهن لما قدمن لنا من أبناء يرفعون اسم عائلتنا واسم وطننا وبنات يملأن قلوبنا محبة ومحنة
الصادق
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: الصادق صديق سلمان)
|
{اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ }البقرة255
(( ُقلْ أَعُوذُ بِرَبِّ النَّاسِ{1} مَلِكِ النَّاسِ{2} إِلَهِ النَّاسِ{3} مِن شَرِّ الْوَسْوَاسِ الْخَنَّاسِ{4} الَّذِي يُوَسْوِسُ فِي صُدُورِ النَّاسِ{5} مِنَ الْجِنَّةِ وَ النَّاسِ{6}
((قُلْ أَعُوذُ بِرَبِّ الْفَلَقِ{1} مِن شَرِّ مَا خَلَقَ{2} وَمِن شَرِّ غَاسِقٍ إِذَا وَقَبَ{3} وَمِن شَرِّ النَّفَّاثَاتِ فِي الْعُقَدِ{4} وَمِن شَرِّ حَاسِدٍ إِذَا حَسَدَ{5}
إن شاء الله يطبنك ويطبن بوستاتك يا حبيب نورة
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: الصادق صديق سلمان)
|
Quote:
نعم
الشكر لأمهاتنا أمهات المؤمنين زوجات رسول الله صلى الله عليه وسلم لما قدمن من تضحيات
أشكر سيدة نساء الجنة السيدة فاطمة الزهراء ريحانة حبيب الله وحبيبي محمد صلى الله عليه وسلم
أشكر أمي الحيبية إلى قلبي السيدة خديجة بن خويلد
وأشكر أمي الحبيبة إلى قلبي السيدة عائشة رضي الله عنها
أشكر امي (رحمة الله عليها)
أشكر حبوبتي أم أمي التينة (رحمة الله عليها)
أشكر حبوبتي بتول أم أبوي (رحمة الله عليها)
أشكر كل أخواتي هاجر وصفاء وآمنة إيمان
أشكر زوجتي وزوجات أخواني كلهن لما قدمن لنا من أبناء يرفعون اسم عائلتنا واسم وطننا وبنات يملأن قلوبنا محبة ومحنة
|
الشكر لهنّ جميعا على عطائهن اللا محدود.
نُقُد ، نُقُد .. والله يا حبيب نورا الله يسامحك غايتو !
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: الصادق صديق سلمان)
|
Quote: أشكر امي (رحمة الله عليها)
أشكر حبوبتي أم أمي التينة (رحمة الله عليها)
أشكر حبوبتي بتول أم أبوي (رحمة الله عليها)
أشكر كل أخواتي هاجر وصفاء وآمنة إيمان
أشكر زوجتي وزوجات أخواني كلهن لما قدمن لنا من أبناء يرفعون اسم عائلتنا واسم وطننا وبنات يملأن قلوبنا محبة ومحنة
|
الشكر لهن جميعهن
وربنا يرحم الأموات
والتحية لنساء بلادي العظيمات
شكرن كتيرن يا الصادق
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: على محمد على بشير)
|
Quote: ارجو ان تكون مشاركتك فى صلب موضوع البوست
واتمنى ان لا تحرف مسار البوست
المره الفاتت بى حركاتكم دى طلعونا صقائح
المره دى ح يطلعونا شنو
تبا لك ..
يا قالب الجلى ..
حبيب نوره هوووى
شوف تانى البشارك معاك منو |
أبو علي
أرسنا رسالة داخلية للمدعو فايز ود القاضي لكفه عن العبث ببوستاتنا الهادفة
ولا عذر لمن أنزر
وتباً لكما الأثنين
لازم تشاركوا
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: فايزودالقاضي)
|
| Quote: غايتو حسب النكتة المعروفة ناس اعد وكرر ديل هم الافضل من ناس التعقيم والزوايا الحادة والمنفرجة .. |
يا قريبي كل يوم تثبت أنكـ أحد صفائح البورد
..
..
__
حبيب نورة تصدق أي واحدة قريبة لي بنصحها بعدم دراسة الطب
وبقول ليها اكسبي زمنكـ
ياخ دراسة لمدة 6 سنوات وسنة امتياز ديل لوحدهم سبعة سنوات
غيرها بتكون جابت ليها 3 (بطون) شفع
يعني حتفني زهرة شبابها في العلم
كمان اسبابكـ دي يعني بووووووووووورة بمزااااااااج
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: مها عبد الله)
|
اصبر لى الليلة عاد ياحبيبها !
كتاباتك الفنية وقدراتك الروائية ماعندنا فيهن كلام
الا عاد الفيك انعرفت!!!( وش ضاحك)
أمانة فى زمتك دة عنوان دة ولا أعلان حرب عديييل!
قال نصيحة قال!!!
أها عاد أسمع النحدسك ياود امى:
الاتزوج طبيبة بخيت وسعيد وامه داعية ليه.
الزواج الناجح ياجماعة مامن مقوماته نوع مهنة الزوج او الزوجة،
ولكن من اهم مقوماته الحب والتفاهم والاقتناع التام بالشريك بكل جوانبه المهنية والانسانية،
الزوجة الطبيبة أكيد حتواجه بعض الصعوبات للتوفيق بين حياتها الاسرية والمهنية ،
لكنها حتتغلب علي الصعوبات دى بالوسائل الحديثة لتدبير المنزل، وبالاستعانة بعاملة منزلية أو بمساعدة الأهل الاقربين
وطبعا تعاون الزوج العادى الموجود فى كل الزيجات الاخرى ( الأزواج المتزوجين من غير طبيبة) بكون ليه اثر طيب برضو،
بعدين ماتنسى فوائد الزواج من طبيبة حتوفر عليك الكتير من فواتير زيارات الأطباء الغير ضرورية خاصة للأطفال ،( الولد محموم يلا الدكتور ، البت عندها مغس يلا العيادة ..)
وليك انت دة زاتك! بلمسة حانية وقياس ضغط وعلاج من منازلهم!
بعدين الطبيبة حتى لو قلت ساعات تواجدها فى المنزل لكن العبرة بالنوعية وليس بالكمية
ياما زوجات متواجدات 24 ساعة فى البيت لكن بلا طعمة على قول الشوام!
عندى مشوار وجاياك ياحبيبها
تحياتى
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: مهيرة)
|
Quote: اصبر لى الليلة عاد ياحبيبها !
كتاباتك الفنية وقدراتك الروائية ماعندنا فيهن كلام
الا عاد الفيك انعرفت!!!( وش ضاحك)
أمانة فى زمتك دة عنوان دة ولا أعلان حرب عديييل!
قال نصيحة قال!!!
|
هاهاهاهاهاهاهاها دكتورة مهيرة أوعي بس تكوني أتضايقتي ؟ كلوووو إلا زعلك يا ست الناس
خصوصاً بعد موقفك الصفيحي المشرف داك
لازمن نراضيك وكده
أها بخصوص باقي الكلام
لمن تجينا صادة
نشوف البحصل شنو
شكرن كتيرن !
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: مها عبد الله)
|
Quote: تتنازعني رغباتي الصفيحية الجامحة والقوية بخورنة البوست وأن أوديهو فى ستين داهية بل مية
ولا أدري من أين أبدأ ؟ |
كاااااااااااااااااااااااك الله يستر
بقيتي يا صفيحة تخوفي عديييييييييييل كده
إنتي ومعاك باقي الرجرجة ومن لف لفهم
أمرقي يمرق جلدك
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: العوض المسلمي)
|
Quote: حبيب نورة يا صديقي خانك التعبير هذه المرة فملائكة الرحمة نحلات ذوات عسل اينما حللن
وتاني شئ اقوم ازعل من دكتورة داليا او اي طبيبة اجي اعمم كلام علي الناس ؟
والمهم ما تكون انطباع شخصي تعممه علي كل بناتنا
____________________________
اوعة تكون تعاني اثار حذف او شطب |
يا شيخ العوض كيفنك
أنا لا خاني التعبير ولا شتين
بالعكس أنا وصفت مشكلة عاني منها احد معارفي بالحرف
لوووووووول ومنو القال ليك أنا زعلان من دكتورة داليا أو أي دكتورة في البلد دي
وده ما إنطباع شخصي يا عمك
إلا في حالة إنك تكون قريت العنوان وجيت ترد علي
دي حاجة والحاجة التانية
| Quote: اوعة تكون تعاني اثار حذف او شطب |
كااااااااااااااااااااااااااك يا راجل الشطب والحذف ده أنا بتعرّض ليه يومياً ولا أهتم بما تساقط من متاع أثناء الرحلة
ولو صبر المتاع ده لأسقطتو وماشين في السكة نمد 
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
Quote:
كااااااااااااااااااااااااااك يا راجل الشطب والحذف ده أنا بتعرّض ليه يومياً ولا أهتم بما تساقط من متاع أثناء الرحلة
ولو صبر المتاع ده لأسقطتو وماشين في السكة نمد |
يا حبيب نورة كلامك ده تحديدا بوضح مدي صدق حديثي وغبنك
يا يسن خليك كول
تحياتي ونشوفك يا زول
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: العوض المسلمي)
|
Quote: يا حبيب نورة كلامك ده تحديدا بوضح مدي صدق حديثي وغبنك
يا يسن خليك كول
تحياتي ونشوفك يا زول |
يا شيخ العرب
لعبك طلع علي شونة حبيبي
أخوك سندالة ثابتة وسحابة رابطة وبعدين الخير باسط
يعني لو حصلت حاجة زي دي تروح بابتا وتجي باتا بي رباطا
المافي شنو :)
أنا حبيب نورة سيد النافورة
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: الامين موسى البشاري)
|
Quote: يا قريبي كل يوم تثبت أنكـ أحد صفائح البورد
..
..
حبيب نورة تصدق أي واحدة قريبة لي بنصحها بعدم دراسة الطب
وبقول ليها اكسبي زمنكـ
ياخ دراسة لمدة 6 سنوات وسنة امتياز ديل لوحدهم سبعة سنوات
غيرها بتكون جابت ليها 3 (بطون) شفع
يعني حتفني زهرة شبابها في العلم
كمان اسبابكـ دي يعني بووووووووووورة بمزااااااااج |
كاااااااااااااااااااااااااك يا بشاري
يعني معترف إنك منضم لحزب الشر وفي الجانب الآخر تماماً ؟
برضو ما كعب
أها أمسكن في كلام البشاري ده كويس
وبالنسبة لقريبك ده انا بقترح إنك تفطّو عاااااااااادي
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
Quote: كاااااااااااااااااااااااااك يا بشاري
يعني معترف إنك منضم لحزب الشر وفي الجانب الآخر تماماً ؟
برضو ما كعب |
يا حبيب نورة أنا قلت فايز هو الصفيحة أنا
لكن أنا موقفي رمادي شديد في الحتة دي
عالم صفايح مصدية عديييييييييل كدا
..
..
___
هاكـ دي يا حبيب نورة
قالوا في واحد عندو بنته حالفه تقرأ طب
امتحنت شهادة سودانية زي 5 مرات وكل مرة تجلي
البقريها طب بالقروش ما جابتو
اها ابوها زهج منها وقال ليها: شــوفي يا بتي السنة
يا طــب .... يا (.....)
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: الامين موسى البشاري)
|
Quote: يا حبيب نورة أنا قلت فايز هو الصفيحة أنا
لكن أنا موقفي رمادي شديد في الحتة دي
عالم صفايح مصدية عديييييييييل كدا
..
.._
هاكـ دي يا حبيب نورة
قالوا في واحد عندو بنته حالفه تقرأ طب
امتحنت شهادة سودانية زي 5 مرات وكل مرة تجلي
البقريها طب بالقروش ما جابتو
اها ابوها زهج منها وقال ليها: شــوفي يا بتي السنة
يا طــب .... يا (.....) |
يا راجل فايز طاير
أنسانا منو هسه :)
لكن غايتو لمن أقنع من البوست ده بعمل الكابشر للمسينجر وبجي أكشحو هنا
وعينك ما تشوف إلا النور
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
Quote: الموضوع ده ما دراسة يا عمك؛ وكمان ده ما رأيي أنا لم أتزوج بعد
|
نصيحة لوجه الله يا الحبيب :
اكتب كتابتك البديعة دى و الفى راسك كلها قبل ما تتزوج .
طبعن دا ما رأى انا
دا رأي واحد من الاصحاب
نقلتو بحزافيرو وانشالله يكون في ميزان حسناتى ....
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: عمر دفع الله)
|
خبر عاجل
أكدت مصادرنا المطلعة ان ياسين
سليمان [حبيب نورة]يعاني من
صعقة شاكوشية تعرض لها
مؤخرا من قبل طبيبة اسنان
جعلته من عدو لكافة العاملات
في الحقل الطبي ، الامر الذي
اضطره لتدشين حملة "تبويرهن"
وفي ذات السياق نتاشد الطبيبة
فلانة الفلانية كافة اعضاء منبر
سودانيز اونلاين دوت كم بالوقوف
ضد حملة التبوير التي شنها المدعو
حبيب نورة في اقرب وقت ممكن.
المصدر:
انقابو دوت كم
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حافظ انقابو)
|
Quote: أكدت مصادرنا المطلعة ان ياسين
سليمان [حبيب نورة]يعاني من
صعقة شاكوشية تعرض لها
مؤخرا من قبل طبيبة اسنان
جعلته من عدو لكافة العاملات
في الحقل الطبي ، الامر الذي
اضطره لتدشين حملة "تبويرهن" |
يسمعن يا غبيان
كلو بالبزار حتي الضار بالصحة
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: عمر دفع الله)
|
Quote: نصيحة لوجه الله يا الحبيب :
اكتب كتابتك البديعة دى و الفى راسك كلها قبل ما تتزوج .
طبعن دا ما رأى انا
دا رأي واحد من الاصحاب
نقلتو بحزافيرو وانشالله يكون في ميزان حسناتى .... |
حبينا يا عمر يا راجل يا فنان
يا سيدي تحياتي لصديقك وقول ليه تسلم يا حبيب وربنا يخليك لي ويديم المحبات الصادقات
وبعدين الموضوع ده ممكن يكون محفز ظريف كده لكاريكاتور
شغل فياجرا المخيخ وتعال لي وتعال لي وما تشمّت الناس علي
شكرن كتيرن !
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
يا حبيبها ...
انا لو ما خايف من المثل البيقول:
البضاعة لا ترد بعد خروجها من المحل ...
كنت سليت ليكم صفيحةً قديييمة داسيها تحت العنقريب ... تصلح لتخوير ما لا يمكن تخويره ...
لاكين زي ما بيقولوا ... الجاتك في مهنة مرتك سامحتك ...
(خصوصًا انا النوع اللسة بتداوى بالجردقة والمحريب والقرض!)
... المهم ....
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: تبارك شيخ الدين جبريل)
|
Quote: يا حبيبها ...
انا لو ما خايف من المثل البيقول:
البضاعة لا ترد بعد خروجها من المحل ...
كنت سليت ليكم صفيحةً قديييمة داسيها تحت العنقريب ... تصلح لتخوير ما لا يمكن تخويره ...
لاكين زي ما بيقولوا ... الجاتك في مهنة مرتك سامحتك ...
(خصوصًا انا النوع اللسة بتداوى بالجردقة والمحريب والقرض!)
|
يا تبارك يا صديق
يا راجل ينوبك ثواب جيب الصفيحة القديمة وإنشاء الله البوست يعدم طفاي النار
عارف ؟ أنا بقي عندي إستاندرد للبوستات
البوست الناجح هو الأسرع ذهاباً إلي الخور !!
دي حكمة أسبوع النجاض في البورد
أما بخصوص إستعمالك للجردقة والمحريب والحرجل والقرض فاااا دي طفرة ما أتوقعتها منك
المهم
السّت متابعة ما يحدث هنا ؟؟؟ :)
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: تبارك شيخ الدين جبريل)
|
Quote: يا زول استغفر ... هسى كتابتي دي كتابة زول (ستّو) متابعة؟
أها الندّيك من بيت الكلاوي ... في حاجة في الطب اسمها فحص البروستاتا ...
الله لا ورّاك ... |
أحسن حاجة
ويستحسن يكون ما عندها إيميل ذاتو وبتكره سودانيز ومعجبة بالخورنة
أما بخصوص فحص البروستاتا
فأرجو آملاً للفائدة العامة أن تلقي قليلاً من الضوء عليه
المهم
إنو الست طلعت برة الموضوع ده
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
| Quote: فأرجو آملاً للفائدة العامة أن تلقي قليلاً من الضوء عليه |
ضو شنو يا مان ... دا شغل ضلمة ...
لو اتبحرت فيهو يضلّم اجعصها بورد ...
اقلّها انو في ناس بيسموهو "فحص الحفرة" ... غير الغرض الطبي من الفحص اساسًا عشان يشوفوك فيك عقاب روح ولا صلاحيتك انتهت ... يعني الموضوع مستحمي من كل النواحي ... يعني كدا كدا انت شرفك ضاع وتفرق دمك بين القبائل ...
انت الليلة بتخورن مستقبلي الأسري وحالتي الإجتماعية ظاطو ...
... المهم ....
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: تبارك شيخ الدين جبريل)
|
Quote: اقلّها انو في ناس بيسموهو "فحص الحفرة" ... غير الغرض الطبي من الفحص اساسًا عشان يشوفوك فيك عقاب روح ولا صلاحيتك انتهت ... يعني الموضوع مستحمي من كل النواحي ... يعني كدا كدا انت شرفك ضاع وتفرق دمك بين القبائل ...
انت الليلة بتخورن مستقبلي الأسري وحالتي الإجتماعية ظاطو ...
|
فحص الحفرة دي وين لي فحص الطشت ؟؟ اللهم زدني علماً .. لكن ياخوي إنت ما ملاحظ الحملة الموجهة لقتلي معنوياً هذه الأيام ؟
طيب يا أيمان صليب ما تنصر أخاك ظالما أو مظلوماً دي من كلمات الهكرز مثلاً ؟
غايتو علي قول البشاري الله يقطع سنينو السنة دي يا الطب يا الفلاني
ألذ حاجة عندي صديق يجلس علي مقربة من وول متكيف منك شديد
بس قال لي الزول ده بتاع حالات
أنا قلت ليه تفسيري الوحيد المسألة بتتوقف علي الكتمة
أمممممممك كممممبلت
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: حبيب نورة)
|
الاخ حبيب نورة لك التحية
ما كنت بتتسوق فى سوق سعد قشرة كويس
الجابك شنو فى مياهنا الإقليمية
و الله يا حبيبم ما طالبنى حليفة غالبية الطبيبات
بيفتكروا انهم مفروض بناتهم يدرسوا طب
من كثرة ما بيشوفوا ارتباط حياتنا بالمهنة دى
وممكن اى زوجة طبيبة توظفها بوستف(+) فى مصلحة
أسرتها بعدين ما كل التخصصات مرهقة يعنى
عندك طب المجتمع الجلدية الى حد ما العيون
ما فى بيات ولا مناوبة بعدين زى العيون ممكن مقيم
يحل الأشكال لحدى ما تجى الصباح !
الاطباء من التخصصات زى الجراحة والباطنية
بضحكوا على بتاعين الجلدية انه اكثر حالة طارئة
ممكن تجيهم نص الليل واحد عنده ( كاروشة ) هههه
يا زول ابعد من المناطق دى ما تبور بنات الناس ساهى
شكله البوست ده فاتحو لخدمة أجندة لجهات معينة
فى المنبر ههههههه
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: ندى صالح الطيب)
|
Quote: يا زول ابعد من المناطق دى ما تبور بنات الناس ساهى
شكله البوست ده فاتحو لخدمة أجندة لجهات معينة
فى المنبر ههههههه |
ندي صالح
كيفنك يا غالية
متشكرين ومقدرين للحضور والإستماتة في الدفاع عن الدكتورات
لكن أحب أحيطك علماً بأن العبد لله ليست لديه صلة من قريب ولا من بعيد بهذا الموضوع
ولكنه يبدو كذلك
أنا أصلاً لمزيدٍ من المصداقية كنت عايز أمثل دور البطل والضحية
لكن قلت أخيها كده وزي ما تجي تجي :)
وقع ليك واللا أوقعو ليك
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: ندى صالح الطيب)
|
ذكرتنى فى احد سهران رمضان كان بين الضيوف طبيب مشهور وزوجته الطبيبه
زوجها قال انا لمن اشتهى الطبيخ بستعين بأمى او حماتى
نطت هى وبدون ما تحس ونست انها على الهواء مباشرة
وقالت ,,, برى وحات عيونى بعرف اطبخ لكن الخدرة غلبتنى كلو كلو
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: هويدا شرف الدين)
|
| Quote: يا حبيب نوره بوستيك كان ماشي جميل الا بعد مداخلات الصفائ اعلاه واذكر منهم ود القاضي ومهويه والبشاري واخرها منال الناس ديل قطع شك بخربو ليك البوست دا |
هههههههههههههه
غايتو القاصــدكـ بيحدر ليكـ في بوست حبيب نوره
والله صحي ()
يا هويدا ياخ أنا ما مصنف صفيحة من الصفايح
ولكنني لا أنكر اعجابي بالصفايح ديل
هســي لو كان شلتي اسمي بره ودخلتي اسم صديق الموج معاهم
كان الحكاية تبقى موزونة 100 %
كوني بخير
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: مهيرة)
|
ياحبيبنا،،
انا اعتقد انوعمل المراة كلو واحد مع اختلاف بسيط في ساعات الدوام
ياخي لو عرست دكتورة ح تكون مثقف صحيا وتعرف مصطلحات الطب كلها
ياخي يوم قعدت مع زميل البورد ماقدرت اتونس معاهو كلامو كلو بقى مصطلحات اي سي يو والهارت اتاااك
عشان كده قلنا ندبل بي دكتورة عشان نجاري زميل البورد في الونسة لووووووووووولز يكه
الظاهر انت في طبيبة عملت ليك كاروشة
تحياتي
زاتوووو
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: ALZOLZATOO)
|
Quote: يااخي لو عرست دكتورة ح تكون مثقف صحيا وتعرف مصطلحات الطب كلها
ياخي يوم قعدت مع زميل البورد ماقدرت اتونس معاهو كلامو كلو بقى مصطلحات اي سي يو والهارت اتاااك
عشان كده قلنا ندبل بي دكتورة عشان نجاري زميل البورد في الونسة لووووووووووولز يكه
الظاهر انت في طبيبة عملت ليك كاروشة |
لوووووووووووووولز
يا ذاتو قلت لي ! ههههههههههههيكه ياخي أنا قبل كده عرفت لي دكتورة حبرتجية من شفوت الليل وآخرو في كايرو وما أدراك ما أضايرو
وحاتك قرّبت أداوم في القصر العيني :) تقول لي زميل البورد ؟؟
هسه علي اليمين تلقاهو مقدم لإمتحان الزمالة :) كااااااااااااااااااااااااك
| |
|
|
|
|
|
|
|
|
 Re: ( نصيحة ) لا تتزوج طبيبة لأنها .... (Re: محمد البشرى الخضر)
|
| Quote: لاحولا, طب مافي خيارات :) |
ماتزعل ياود البشرى ، فى خيارات تانى:
غزالى الحبيب بلاقى ** وفى سادسة طب بلاقى
سادسة طب فى كل الكليات ، مش بس الاحفاد!!!
غايتو زمنا نحن طالبات الطب فى كل الجامعات ماتامات الخمسين!
زمن الزمان زين والشعر مغتى الاضنين
معليش ياحبيبها احتلينا البوست
كيتا كدى على صاحبك!!
تحياتى
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: مهيرة)
|
Quote: ماتزعل ياود البشرى ، فى خيارات تانى:
غزالى الحبيب بلاقى ** وفى سادسة طب بلاقى
سادسة طب فى كل الكليات ، مش بس الاحفاد!!!
|
والله لكن لقيتك معللللللمة يا دكتورة :)
عجبتني المجادعات دي وبعدين ود البشري ده برضو من عندينا ؛ واخدة بالك ؟ ههههههههههههه
Quote: معليش ياحبيبها احتلينا البوست
كيتا كدى على صاحبك!! |
معقولة يا ست الناس ؟؟
أنا كلامي قلتو زمااااااااااااااان وكان ما قلتو بسكر وبجي أفِتُّو :)
أتونسوا براحتكم
| |
|
|
|
|
|
|
|
|
|
Re: ( نصيحة ) لا تتزوج طبيبة لأنها .... (Re: مهيرة)
|
Quote: لماطال العنب
قال حاااااااااااامض!
وين وين تلقوا زى ده
طبيبة |
حااااااااااااااامض يا مهيرة يا ست الناس
لكن بيني بينك لو ده الإستاندرد 
لا حامض ولا شتين :)
وكان فتحنا ملف العنب ده ح تتعبوا معانا يا جماعة
| |
|
|
|
|
|
|
| |
حبيب نورة
عزالدين عباس الفحل
nazar hussien
حافظ انقابو
Hassan Bakri Nugud
عوض عبدالله طه
بله محمد الفاضل
فايزودالقاضي
على محمد على بشير
الصادق صديق سلمان
بدر الدين اسحاق احمد
الامين موسى البشاري
مها عبد الله
مهيرة
العوض المسلمي
عمر دفع الله
تبارك شيخ الدين جبريل
ندى صالح الطيب
Hani Arabi Mohamed
داليا الكباشى
هويدا شرف الدين
ALZOLZATOO
محمد البشرى الخضر
عامر باضاوي
فيس بوك
تويتر
انستقرام
يوتيوب
بنتيريست