هل فات على أولئك الذين يسمون أنفسهم بفنانين بأن ما يقدموه من تحرييف وتغيير فى مواضع الحروف فى شكل منلوج أنه يضر ويسئ للسودانيين ولا يضيف شيئا البتة .... هل علموا هؤلاء الشباب أن ما يقدموه بغرض الفكاهة يتناوله الملايين فى الشبكة العنكبوتية وخاصة فى اليو تيوب ويصبح مضحكة علينا ويعتبرون أن هذا هو الغناء السودانى ... هل يوجد داعى فى تأدية المنلوج الذى يقول كل زول بزوجة بتاءو الا أنا ما اندى مره بهذه الطريقة التى كانت سلبياتها أكثر من ايجابياتها .. حتى يضحك علينا الآخرون ويصدقون فعلا أننا هكذا ... وتأتى السخرية والتعليقات المسيئة لنا ومنها يأتى السورى الحقير الياس كرم ليمشى على ذات النهج ويمكنكم أن تكتبوا على اليوتيوب يا سودانيين ( أضحك على سودانى ومصرى وعراقى ) فى أغنية ( أيظن ) وكيف أن السودانى يقول ( أيدن ) هذ هى السلبيات التى تأتينا من كل الفرق التى ولدتها الظروف والمعيشة الضنكا ولو أن الشعب كان يعيش فى رفاهية وسلام لما جاءت مثل هذه الفرق التى تفتقر لأبسط مقومات معنى الفن ونشر الثقافة ...
يا محمد الأمين ... أنا أتحدث عن اللهجة السودانية بصفة عامة والمعروفة لدى الكل ... لا أتحدث عن المناطق بالسودان ... يعنى مش كان ممكن يقول ( كل زول بزوجتو الا انا ماعندى مره )
03-09-2012, 05:23 PM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
سلام، غايتو السيد طارق الامين رئيس الفرقة في وقتها و قائل هذة الكلمات فى الكليب و اعتقد انو الملحن برضو عضو فى هذا البودر و اتمنى انو يتحلى بالكياسة و يجي يرد علي اسئلتك دي، و متأكد انو شاف البوست ده او وصلو خبرو
03-09-2012, 05:41 PM
خالد فهمي خالد فهمي
تاريخ التسجيل: 08-30-2010
مجموع المشاركات: 994
سلامات يا محمد الأمين ... وكمان ملحن الكلمات يا له من لحن .. بالله عليك يا محمد شوف اليوتيوب فى ما ذكرته فى هذا البوست من استهزاء الحقير السورى الياس كرم ... نحن اذا كنا نقوم بتصدير هذا المستوى الهابط من الكلام الذى ليس بكلامنا وأن يتم عرضه فى الاعلام ومنها الى الشبكة العنكبوتية فلا ننسى أن هنالك متلقى عربى يريد أن يستمع لنا أو يتعرف علينا ... فهل نعطيه هذا المستوى الذى يجعله يسخر منا ... لماذا لا نقدم حتى المنلوجات بصورة تليق بمكانتنا وبلهجتنا المعروفة ... لماذا نقوم بتصدير ( المحلى البحت ) الذى ربما فى تغيير الحروف العربية يخص قبائل معينة ... هل يمكننا القول بأن الراحل المقيم محمد وردى وبكل ما يملك من صوت جميل أن يغنى أغنياته بنطق العين ألف ... كلا ثم كلا ... بل كان متمسكا بنوبيته فصيحا فى لغته ... الدارجة السودانية .... أو فلنسميها الدارجة القومية المعروفة ... نحن أفضل من يتحدث العربى وسوف آتيك بالدليل واللهجة السودانية هى الاقرب الى الفصحى ... ليس قولى هنا أننا دولة عربية بل اننى لا أعترف أصلا بهذا الحديث وأفتخر بسودانيتى وافريقيتى ولكننا خير من أجاد العربى فى شعرنا وفى أدبنا من خلال كتابنا ومثقفينا ومبدعينا ومعلمينا الذين علموا العرب القواعد والنحو ... ان هذه الفرق هى مدعاة للمسخرة والاستخفاف وهى ظاهرة بسبب ما ذكرت من ضائقة خانقة ألمت بالشعب السودانى أفرزت تلك الجماعات ... وللعلم كل هذه الفرق جاءت بعد العام 89 ... هم يضحكون على أنفسهم ولا يضحكون الناس ولا يعرفون معنى الضحكة وليس هكذا تعالج القضايا
03-09-2012, 06:36 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
سلام خالد فهمى .. أنا استمعت جيدا للعمل ... وأقول لك عمل ممتاز ومعبر وجميل وحنين ويشحذ الهمم ... هكذا نريد من أعمال ... ولكن أتوجه لرئيس الفرقة طارق الامين ان كان على رأسها أن يعملوا على تقديم الجميل لأنه وبضغطة زر واحدة يكون العمل الفنى قد انتشر فى كل أرجاء العالم وما كان استهزاء هذا السورى الحقير الياس كرم الا لما وجده فى اليوتيوب وطبعا شاركوه عشرات الآلاف من جنسيات مختلفة بأراؤهم التى كانت فيها الذى يدافع عنا بقوله أن السودانيين يجيدون العربى وفيهم من ضحك وقال هذه معلومة جديدة .... أخى طارق عندما نرسل مثل ( كل زول بزوجة بتاؤا الا أنا ما اندى مره ) الى الفضاء فسوف يتلقاها الملايين من الناس ويرسخ فى ذهنهم الانطباع ...
03-09-2012, 07:10 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
وضعت على البوست أيقونة (رأي)، إذاً هذا رأيك، الذي يحق لنا مناقشتك فيه.
أما أن تأتي على ألفاظ على شاكلة:
Quote: .لماذا تنطقون يا بجم ويا عجم العين ألف
هذه لا حق لك فيها. أقصد هنا (يا بجم). أما (ياعجم)، فهي تجيب على كل البوست.
في رأيي أن هذا العمل أكتر من ممتاز ولا يعيبه نطق مفردات بطريقة موجودة فعلاً في السودان.
حتى العمل الذي أثنيت عليه أنت (بلداً هيلي انا)، إذا عرض على الأشخاص الذين ذكرتهم سيتوقفوا عند كلمة (هيلي) لأنها غريبة عليهم.
ليس هناك ما يعيب أعمال فرقة الهيلاهوب من ناحية المفردات .... وكما نصحك أحد الأخوة: تصالح مع نفسك لن ينقصك ذلك شيئا. أفخر بأنك من بلد تتعدد فيه اللهجات واللغات من اللسان الرطاني في أقصى الشمال الذي عندما يتحدث العربية يحول بعض الحروف، فتصبح الخاء عنده هاء ... وفي الغرب وأقصى الغرب تتحول العين عنده (ألف) .... شخصياً أفخر بكل تلك اللهجات واللكنات .... وأتحسر على اللكنة الجنوبية التي بُترت قسراً
03-09-2012, 07:26 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
تحية طيبة أخ بهاء اعتقد معلومة ان "كل" الفرق جات بعد 89 غير دقيقة , اذكر كانت هناك جماعة الجو الرطب موجودة من قبل التاريخ دا نعم هي لم تكن تقدم نكات فقط كبعض الفرق الحالية لكن كانو بقدموا اسكتشات ومنلوجات و اعمال غنائية عموما دي ما نقطة رئيسة في حديثك اختلف معك في تقييمك للعمل كهبالة وكنت اود اسالك هل تقييمك ليه بسبب تعليقات السوري السخيـــف أم دا رأيك كمتلقي للعمل بمعزل عن رد فعل الآخرين عليه ؟ إن كانت الأولى فما ليك حق, الهيلاهوب لما قدموا العمل دا قدموه لينا احنا المتعايشين و قبلانين باللهجة السودانية دي و طريقة النطق المعنية وما بنستعر منها او نسخر السوري يغور في ستين هو و رايو لا يلزمنا ولا يلزم الهيلاهوب بتعريفة لا هو ولا كل من يريد ان يسخر منا كسودانيين اما إن كان تقييمك للعمل بانو هبالة راجع لذائقتك و مزاجك الشخصي فدا طبعا رايك الذي لايملك احد ان يحجر عليه, فقط كان يمكنك توصيله بطريقة اقل خشونة في النهاية الهيلاهوب وغيرها هم سودانيين اجتهدوا ليقدموا لنا ما يرسم البسمةعلى وجوهنا إن اخطأوا فلهم اجر الاجتهاد و حقهم علينا تبصيرهم بمحل الخطأ ليجوّدوا ما امكن
03-09-2012, 08:44 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
الاخ محمد أبو العزائم أبو الريش .. تحياتى شكرا على المداخلة الجميلة ولك من الرأى ما شئت .... أولا اعتذر عن كلمة البجم والعجم وان كان قصدت بها أنكم ليسوا من الناطقين بغيرها... أنت تقول ( ولا يعيبه نطق مفردات موجودة فعلا فى السودان ) وأنا اقول لك ولكنها ليست اللهجة الأم المتداولة والمعروفة .... كلمة هيلى أنا هى فى الاصل لو فككتها تعنى ( هى لى ) بمعنى بلدا هى لى .... ويتغير المعنى ان نطقت حيلى أنا ...لا خلاف بأننى من بلد تتعدد فيه اللهجات واللغات وهناك من ينطق الخاء هاء ولكن لماذا نعمل على أن يكون المحصور منشور .... مع مودتى
03-09-2012, 09:20 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
الاخ محمد البشرى .... تحياتى فرقة الجو الرطب كانت فى منتصف الثمانينيات ولا غيرها وقد عطرت وقتها الخرطوم وسماواتها بالابداع والفن الهادف ... وكم من فرقة الآن ... والسؤال هل نجحوا فى تبنى قضايا عبر فنهم أم فقط الضحك ومحاكاة القبائل ... أما تقييمى للاثنين معا .. أولا للذى سخر منى وثانيا للذى تسبب فى السخرية .... أما بخصوص تقديم العمل نعم تم تقديمه لنا كسودانيين ولكن أرجو أن لا تحجب استهزاء المتلقى الآخر ايا كانت جنسيته لابد من الرد عليه كما فعلوا السودانيين وحاولوا أن يوضحوا له أن بالسودان فن اصيل وهذا ليس فننا ... أكرر ليس فننا ... أعتذر على الخشونة التى ذكرتها .... أطلب منك أن تدخل على اليوتيوب وتكتب ( أضحك على مصرى وعراقى وسودانى ) لترى كيف أيضا استهزء بالفنان سيد خليفة ... أرجو أن لا نستهين بمثل هذه الاشياء ... الدفاع عنها واجب بسبهم ان سبونا هم يريدون أن ينتقصوا منا عندما يجدوا المدخل والثغرة ... واتفق معك علينا أن نبصرهم بمحل الخطأ علهم يسمعون ...
03-09-2012, 09:47 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: فسوف يتلقاها الملايين من الناس ويرسخ فى ذهنهم الانطباع
هو ليس انطباع بل هى حقيقة صارخه .. تقف على رجلين .. لمصلحة من تريد اخفائها ؟؟
اذا كنت تعنى بعامة السودانيين اغلبيتهم؟ ! فالاغلبية فى السودان بتقول بتااو النوبة فوق فى شمال السودان لا ينطقون حرف العين ولا يستطيعوا .. كل الجنوب السابق والدى كان فى عهد الاغنية معانا ما بينطقوا حرف العين ولن يستطيعوا ! كل اهل غرب السودان دارفوريين ونوبه ما بنطقوها برضو ولو ارادوا ناس الشرق ديل الا يجيك فايز ود القاضى مكارييين اى حاجة متوقعه منهم !
اها السورى بتاعك دا نغشوا عاد ؟؟ شوف لينا حاجة تانية نرضى بيها .. مناظر لـ نسوانا السمحات مثلا .... لوووووب .
هذا أجمل أعمال الفرقة على الإطلاق استمتعت بأداء طارق الأمين لهذا الدور وخزنته في حاسوبي وكنا نستمع إليه يومياً أنا والمدام ونموت من الضحك
فكرة العمل هادفة جداً وهي مشكلة عدم المقدرة على الزواج والعراقيل التي تواجه الشباب
سبب نطق الحروف بهذه الطريقة هو أن العمل مجاراة لأغنيه غرباوية سمعتها لدى فرقة سكة سفر وكلماتها أبا قال زوجوني بنية خالي قال فطومة صغيرة أبا قال شوفوا حلاتا خالي قال بقراتا تلاتة
وهكذا ...
النطق باللهجة المحلية المشابهة للعجمة لا عيب فيه وقد وجد تقبلاً منقطع النظير في أدوار (أبكرينا) ولا أعتقد أن أدوار أبكرينا يمكن أن توصف بأنها غير هادفة
تقييم إعمالنا بناء على وجهة نظر الأجانب يعتبر إجحافاً في حقنا يصل لدرجة الاستلاب
هذه الأعمال صممت خصيصاً للسودان لتناقش مشاكل السودان وهموم المواطن السوداني .. على السوري أن يهتم بمشاكله وليس مشاكلنا وأعتقد أن لديه من المشاكل الآن ما يكفيه سنوات وسنوات
أخيراً أنتهز هذه الفرصة لأهمس في أذن طارق الأمين بأن يرتاد مجال التمثيل الذي أجاده تماماً في هذه الأغنية وموهبته متجلية في كل أعماله وأتمنى ألا يحصر نفسه في الانتاج والإخراج حتى لا يفقدنا طارق الفنان
اشاطر ( بهاء الدين)في هواجسه عندما يقدم الفنان او المبدع السوداني عملا ابداعياقد تتسل منه بعض
العلل سواء من حيث الفكرة او الاخراج او في طرح الافكار باساليب فطيرة .
المتتبع لاحوال الكوميديا حاليا يلاحظ ضحالة الفكرة وعدم الكياسة في الطرح بل الركون الي الجهوية لاستدرار الضحك دون تبصر بعقابيل هذا النهج ونحن في بيئة حافلة بالاحتقان في كافة الاصعدة..
الفنان عندما يقدم عملا يجب ان يتوجه به الي الكافة وبالتالي فان الغلو في المحلية قد يكون علي حساب قيم عليا يجب الا تفوت علي فطنة ( طارق ) وغيره من المهمومين باستيلاد صيغ ابداعية في تجلياتها الانسانية نحو الحق والخير والجمال لا لتسويق الضحالة من حيث الافكار والمردودكما نسمع ونشاهد.
03-10-2012, 09:41 AM
عمر مصطفى مضوي عمر مصطفى مضوي
تاريخ التسجيل: 02-04-2012
مجموع المشاركات: 276
أخ بهاء اى منتج في الدنيا سوى كان مادي او معنوي يستهدف شريحة معينة من الناس وصناع المنتج الابداعي أكيد الشريحة دي في بالهم وهم بينتجوا العمل والعمل مثار النقاش ده اعتقد إنو جماعة الهيلاهوب خصونا بيهو نحن السودانين وما كان في بالهم شرائح اخرى زي العرب الجهال بتاعين اليوتيوب وصدقني يا بهاء العرب ديل بالذات لينا نحن السودانين لو غنينا المعلقات وعزفناها بعود زرياب برضو حايكون عندهم نفس الراي . ياريت نحن نتجه نحو انفسنا اولاً وحول محيطنا الافريقي البسمع حاجاتنا أحسن مننا . ياخ والله نحن مابنشبه العرب ولا بشبهونا فحقو ا موضوعوهم بتاع العروبة نجليهوا حقيقة .
03-10-2012, 10:27 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي بهاء..حبابك كل سنة و انت طيب.. ما عرفت انت زعلان من شنو بالضبط: من التلاعب (الذي تعتقد) باللغة العربية ..ولا من نكتة اخونا السوري؟..ولا من تجربة الهيلاهوب كلها؟.. بالنسبة لتجربة الهيلاهوب.. فقد شهدتها منذ ان انشقت عن الجو الرطب في 1988 ..و قد شكلت وجداني بالكثير المثير للضحك..و مثلما ذكر بعض الأصدقاء اعلاه..جمهور الهلاهوب الأول هو الجمهور السوداني..اما الباقي زيادة خير و بركة.. انت سيد العارفين فن النكتة و الكوميديا اساسا يقوم على المزاج المحلي..و ذلك بناء على المفارقة و الطرفة..و انا من المعجبين جدا بالفنان عادل امام..و لم تقف اللغة حاجزا بيني و بينه.. مع اني ادعى فصاحتي في اللغة العربية عن سيدنا الجميل عادل امام..هذا من ناحية.. من الناحية الثانية (يمكن نفسيات ساكت) المادة التي تقولها للهيلاهوب..النطق فيها بتاعو..و عندو..و هي واضحة للغاية..و هذا لا يمنع انو السودان زي ما قالت صديقتنا دينا ..نصو عندو مشكلة مع العين و الضاد.. بالنسبة لموقف اخونا السوري.. فلقد استمعت لهذا العمل مرات عديدة..و منطلقي خلق المفارقة و الطرفة..و الرجل زكي للغاية لأنه اختار بالتحديد فناننا العظيم سيد خليفة..و لو ملاحظ دوره كان الأخير..و كل الجمهور اتناسى النكتة و قعد يردد المامبو سوداني.. يعني سيد خليفة معروف لديهم و يطربون له مثلما نطرب له من غير عقد..
اها عشان نعوضك.. نستأذنك اضافة مادة واحدة.. المؤدية فيها هي فنانة واحدة.. ادت اغنية واحدة سودانية..و المفارقة انو الفنانة دي من سوريا..و هي الفنانة زينة افيتموس.. غنت زينة اغنية (اسمر جميل) لعبقري الأغنية السودانية ابراهيم الكاشف..و المرة الأولى كانت الأغنية مشروع تخرج في اكاديمية مزيكا في سوريا..اها كانت بتقول (فين يا اسمر) يعني زي الكاشف بالضبط..و لكنها حينما زارت السودان عرفت حكاية (وين)..و اكتر من كده لبست توب زيها و زي اي سودانية عادية..ده نحن بنفهمو انو التوب السوداني حاجة سمحة و بتعجب.. يعني اضافة للثقافات الأخرى من غير حساسية..
هنا بهاء..الفنانة السورية..زينة افيتموس..جات السودان..و ادت نفس الغنية اسمر جميل ..بدل فين.. بقت تقول وين..و نحن ما بنقول احسنت نطق العربية..بقدر ما بنقول انها دخلت المزاج السوداني و عجبها..لدرجة انها لبست توب سوداني..
اما عمل الهيلاهوب الذي ذكرته..توقفت عنده كثيرا..و لم تعجبني حكاية الأداء العسكري.. لكن من ناحية مفارقة..فلقد نجح الهلاهوب في انجازها.. الكيوميدا مثلما ذكرت تعتمد كثيرا على الواقع اليومي..و المزاج الثقافي اليومي.. لذلك من الصعب تلقى ليك كوميدية عابرة المحيطات و القارات.. فعلا قد تضحك لعمل كوميدي.. لكن صديقني لو لم يكن هناك موقف أو خلفية مشتركة يصعب التفاعل معها.. و وفق كل ذلك .. ليس للهيلاهوب اداعاء بانها سادنة اللغة العربية في السودان أو انها تقدم فن تتوسم أن يرضي جمهور عربي..ياخي ديل اخر حاجة يفكروا فيها حكاية الجمهور العربي..دي.. اما سيد خليفة..ارجو الأ ازعج و ضيوفك..اضيف حاجة طريفة عنو و هي برضك فيديو من اليوتوب..
كبر
03-10-2012, 02:26 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
سلامات يا دينا خالد .. تقولين حقيقة صارخة تقف على رجلين وتشيرين الى القبائل التى لا تنطق الحروف .... طيب أرجو يا دينا أن تفيدينى ليس بعدد الفنانين بل بعدد كل اغنيات الفنانين صغارهم وكبارهم فنان واحد تغنى بحرف العين ألف أو حرف الخاء هاء .... وأرجو أن تركزى معى هنا جيدا ( وردى عندما يغنى خاف من الله على قلبى ) ولو افترضنا أن طارق الامين وفرقته لديهم عمل على سبيل المثال ( خاف من الله على قلبى ) وعلى ذكرك أهلنا النوبة فهل ينطقوها ( هاف من الله على قلبى ) أو كما هى ... يجب علينا يا دينا أن نصدرها ( خاف من الله ) وفى محليتنا ومناطقنا لو سألنا واحد وقلنا ليهو أغنيتك المفضلة لوردى شنو وقال ( هاف من الله ) فلا حرج لأن الآخر تلقائيا يعرف المقصود هذا فيما بيننا يا دينا وليس تسويقا الى الفضاء
03-10-2012, 02:47 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
أحمد محمد عمر ... سلامات فى رايك أجمل الأعمال وفى رأيي العكس وقد تجد من يشاطرك ويشاطرنى .... الاجحاف فى حقنا يجب الرد عليه .... أما المجاراة التى تتحدث عنها فهى شئ جميل ولكن على ذكر الابيات من الغرب فهذا هو الاصل وليس تحريف ( أبا قال زوجونى بنية أبا قال فطومة حلاتة ) لو اردنا منهم تأدية هذا العمل بالتحديد لماذا مثلا يقولون ( فتومة هلاتة ) نحن لدينا مشكلة فى كيفية تسويق فننا وثقافتنا
03-10-2012, 03:01 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
المشكلة فيك انت دا يابهاء...خليني أختها ليك حااااامضة... ياخ نحن مالنا ومال السوريين والبوريين والبورنديين والذي منو؟
الهيلاهوب تخلق النكتة من الواقع السوداني العريض....البنعرفو كلنا يعني عايز الفرقة ...تستورد ثقافة (إدلب) لتسلم إنت من الحرج..
والحرج في شنو زاتو؟
اسمع المغاربة...والتوانسة والجزائريين... اسمع البنية السميحة بتاعة أراب آيدول (منو كده بطمه) بتغني بالعربي وتنطقه...أحسن من أبو الأسود ولما تجي تعلق...راغب علامة بطلب منها ترجمة علي الشريط ومع ذلك لا تتحرج...بل وتعتز بذلك...(وهو زاتو عارف كده)
وعليه أي محاولة من الفرقة لإرضاء بهاء سليمان أو مخارجته من الحرج...يعني أنها تأدلبت...وأحرجتنا نحن عوام أهل السودان.
يا راجل والله أنا بعتز عزة بي كلامنا وغنانا ونكاتنا وحكمة الله أي نكتة في الدنيا دي ما بتضحكني اذا ما كانت محكية بالسودانية الانت متحرج منها دي زاتا...
( هسي زولك دا لو حكي لي مليون نكتة بي لغة هيك ما يصير بتضحكك؟؟ خليني أنا...بالله جاوب بي صراحة...مع العلم اذا انت عايش بره السودان أنا لازيك. (معليش لكن دي الحقيقة) ولازيك دي بحساب السنين...ما بي أي حاجة عشان ما كمان تفك الهيلاهوب وتقبل علي.
03-10-2012, 03:26 PM
nazar hussien nazar hussien
تاريخ التسجيل: 09-04-2002
مجموع المشاركات: 10408
طيب يا بهاء خلينى اجاوبك بى سؤال انت وكتير من السودانيين بتحفظوا كم اغنية بالدارجة المصرية ؟
وكم اغنية يحفظها السودانيين بالدارجة السورية او اللبنانية او الخليجية او حتى المغربية ؟؟
مامتذكر عبد القادر يا (ابوعلب ) شيخ الحللانيييييه لوووووب والصحيح طبعا عبدالقادر يا بو علم ضاق الحال عليّ داوي حالي يا بو علم سيدي ارؤف عليّ عبدالقادر يا بو علم ضاق الحال عليّ داوي حالي يا بو علم سيدي ارؤف عليّ اااه والباقى جزائرى صر ..
بصوت الشاب خالد الجزائرى التى رددها كل العالم العربى ؟
ياخى الـ (تضى) حافظ اغانى الموريتانيات !!! اها
طيب . انت عارف عدد الحروف المقلبه فى الدارجى بتاع الناس ديل؟؟ لكن نشروهو بى عين قوية لما انت هسه شايفو عادى ,, ومألوف وما مخجل ! اها نحن لانو بنخجل من ثقافتنا وبنتكجم منها ... بقت غريبة على اذن العرب لما بقوا يتريقوا عليها لانها غريبة عليهم ما قدرنا فرضناها .. خليهم بضحكوا كدا فى الاول وتانى وتالت وبجى التذوق ! انا بتذكر زمان خالتى بتقول لى المسلسل الخليجى دا ما بفهم منو حرف .. سنه سنتين كدا بقت ستهم ..
ــــــــــــــ الموضوع دا عادى ما تخجلوا منو .. بشاشا جانا ما تغشانا بشاشا جانا ما....الخ
03-10-2012, 04:49 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
عمر مصطفى ... سلام نعم الهيلا هوب خصونا بيها نحن السودانيين ... لكنها أضرت بنا فى الخارج ... أنا ما زلت متمسك بأنها ليست العامية السودانية ... وكيف لنا يا مصطفى أن نتجه نحو محيطنا الافريقى وقد رفضنا ان نكون أوائل الأفارقة واخترنا طيش العرب ... لماذا نحن السودانيين ننجح فى تسويق الآخرين ولا ننجح فى تسويق أنفسنا... والله لو تعلم كم أضرت بنا مثل هذه المنلوجات فى الخارج لغضبت مثلى وأكثر ...
Quote: عمر مصطفى ... سلام نعم الهيلا هوب خصونا بيها نحن السودانيين ... لكنها أضرت بنا فى الخارج ... أنا ما زلت متمسك بأنها ليست العامية السودانية ... وكيف لنا يا مصطفى أن نتجه نحو محيطنا الافريقى وقد رفضنا ان نكون أوائل الأفارقة واخترنا طيش العرب ... لماذا نحن السودانيين ننجح فى تسويق الآخرين ولا ننجح فى تسويق أنفسنا... والله لو تعلم كم أضرت بنا مثل هذه المنلوجات فى الخارج لغضبت مثلى وأكثر ...
الوهابي بهاء سليمان
لك التحية او اقول السلام عليك ورحمة الله مش دي تحية الاسلام ازيييك بيها وبغيرها
معقوله ؟؟؟؟ تحزن انت من نكات الهيلاهوووب ؟؟ وهي شوهت لك صورة السودان ؟؟؟
احسن تسفر عن وجهك وانت وشلة الوهابية الهنا مرة ضد الزواج باشكاله التي نعرفها ومرة ضد الاضرحة وغيرها واهل التقابة والمسايد
لو كان لك مشاعر للحزن لكان بابها المفتوح شارع افضي بك للدخول عبرها اعطيك نمازج منها؟؟؟
الابادة لاخوانك واخواتك شعب دارفور قتلا وتشريدا واغتصابا والغالبية للان تسكن في المعسكرات ( هل ليس لك للحزن شباك او باب من هنا )
الفسااااااااااااااااااااااااااااااااااااااااد من قبل الطغاة الظلمه القتله ؟؟؟
الجوع والمرض وسوء التعليم
الحروب في الشرق والغرب وجبال النوبة واقصي الشمال اهل السدود والظلم الواقع علي الانسان
صورة السودان في الفساد والاستبداد والقمع والنهب الم تراها يا سيدي الوهابي
جرائم القتل في المساجد وحرق القباب وادخال ثقافة التكفير والشتيمة وحرق ما تبقي من وطن الا تجعلك تفكر ولو لبرهة
الدعارة والمخدرات وان شيخكم الوهابي قال ان بمركز المايقوما في عهد حكومة الشريعة والاسلام به 30 الف طفل خارج مؤسسة الزواج وهذا اللفظ حقي انا
هو قال ( لقطاء )
العنصرية لاهل البلد التي انت الان جزء من مخططها هذه اللغة بعميتها المختلفة حقتنا ونفرح بها
03-10-2012, 05:29 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
صبرى الشريف لك منى السلام .... رجاءا ثم رجاءا عدم تغيير مجرى الموضوع ... سآتيك وأرد عليك ... بس خلينا فى الهيلا هوب ... وسأرد على كل ملاحظاتك وتعليقك بجاه النبى
03-10-2012, 10:06 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
kabar لك منى السلام قرأت ردك جيدا وسبق لى أن استمعت للفنانة السورية زينة أفتيموس فى العملين وقد أجادت الاغنية السودانية ولكنها لم تقل أسمر جميل آجبنى لونو بل قالت عاجبنى لونو .. بمعنى أنها تعرفت على اللهجة السودانية من خلال الاغنية التى وجدتها بجهدها أو ببحثها على الشبكة العنكبوتية ... وأما لبسها الثوب السودانى فكان شيئا لا بد منه حيث أن كل الأمة مجتمعة فى ختام المؤتمر وعلى رأسهم البشير وكعادة وثقافة السوريات وبعض العرب باستتناء دول الخليج والسودان فان ثقافتهم فى اللبس كما هو معروف الفستان فوق الركبة والشعر كاشف كلو والصدر مكشوف ولا دخل لى بهذا ولكن هذا ما أراه ... فكان من الطبيعى أن يكون أقرب زى يجعلها محتشمة هو الثوب السودانى العظيم ... أرجو شاكرا قراءة رد الأخ محمد الكامل ابراهيم كما أرجو منك أيضا ولو تكرمتى أن تقومى بانزال هذا اليتيوب بموازاة لعنوان السورى الحقير الياس كرم فى شكل خدعة على أن يكون فى شكل ارتباط مع الفيديو الذى تمت فيه الاساءة للراحل المقيم سيد خليفة والشعب السودانى بحيث من يفتح الفيديو بغرض الضحك علينا يجد السورية زينة أفتيموس تغنى بالسودانى وعسى ولعل أن يقع فى عين الياس كرم ليعلم أنه انتقص من حقنا .... ونحن فى حوجة فى هذا الوقت للاعلام المضاد ...
03-10-2012, 10:18 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
نصر الدين الشريف ... سلام ... أنا لست وهابيا ... أحد أصدقائى بالسعودية هو الذى راسلكم باسمى دون علمى ... ان أردت أن ترانى صوتا وصورة فأرجو أن تكتب على اليوتيوب بهاء الدين سليمان وسوف ترانى .... وبعدها انتظرك لترد على مع شكرى
03-10-2012, 10:40 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
الزول الأعز نزار حسين .... تحياتى وكم سعدت بردك الجميل أنا أتفق معاك انو لو السورى حكى لى نكتة بلغة هيك ما يصير طبعا ما بتضحكنى لأنو ثقافة النكتة تختلف وترتبط بمكونات وتركيبة الشعوب والنكتة السودانية حاضرة وجميلة لا اختلاف فى ذلك ... انحنا يا نزار لا سائلين فى المغاربة ولا فى كل العرب ... انا والله شغال فى بحث من خلال القرآن الكريم ابتداءا من سورة البقرة والآن وصلت حتى سورة الانعام وأقوم باستخراج مفردات العامية السودانية الموجودة بالقرآن الكريم افتخارا منى بها وسوف أعطيك مثال لاحقا أو فتح بوست فى هذا الخصوص .... ولكن هدفى يا نزار أن نرتقى بالفن ونقدم الجميل بدلا من محاكاة قبيلة بعينها فى شكل أغنية وترسل الى الفضاء بهذا الشكل .... ارجو قراءة رد محمد الكامل مع شكرى ايها العزيز
03-10-2012, 10:56 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: وكعادة وثقافة السوريات وبعض العرب باستتناء دول الخليج والسودان فان ثقافتهم فى اللبس كما هو معروف الفستان فوق الركبة والشعر كاشف كلو والصدر مكشوف ولا دخل لى بهذا ولكن هذا ما أراه ...
فهن في كبسولة بسط الامن الشامل .... وهن في النار ... خالدين فيها ابدا ...
(دول الخليج والسودان عندهم خصوصية الدماء الشرعية العربية الكريمة)
... المهم ....
03-10-2012, 11:00 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
يادينا ما تتهربى من السؤال أنا ما سألتك من أغنيات الناس ديل وأنا شخصيا ما بحفظ ليهم ولكن أسمع الجميل من أغنياتهم ... لا شك أن هنالك فنانين لهم وزنهم وهم قلة والغالبية طبعا حدث ولا حرج وأنا عارف انو المصرى لو عايز يغنى ( جايى تفتش الماضى ) ح يقول( قايى ) فلنتفق نحن خير من نتحدث العربية من وجهة نظرى ( اللهجة السودانية ) وطبعا كثير من السودانيين يحفظون للفنانين الذين ذكرتيهم ولكنك لم تأتى بالأسباب المؤسفة ... وفى انتظارك أن تعدديها .... طيب هم فى غناعم بينطقوا الجيم قاف والقاف ألف والميم برضو نون ... ما تنسى الجماعة البيقولو ( هنى عم بيئولوا ) ( هم يقولوا ) يا دينا أدينا فنان واحد سودانى من كل فنانين السودان على مدار تاريخ الفن السودانى عندما يغنى باللهجة السودانية بنطق حرف غير الأصل
03-10-2012, 11:09 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
غايتو انا اكثرفرقة بتعجبني هي فرقة الهلاهوب وبحضر كل الاسكتشات في اليو تيوب
وبتعجبني شديد خاصة بتاع الراجل الشمشار عبداللطيف وسواق الحافلة وزوجته وابكرونا ومحاربة البعوض ود خال العريس االخ الخ وكذلك الدبلجات ناس موهوبين جدا في امكا نيات شحيحة وكل اعمالهم تلامس وجدان الشعب السوداني وتضحكنا الى ان نموت بالضحك وبعداك تجي الفكرة الجميلة الوراء الاسكتش ما عايزين السورين يورونا كيف درامتنا يمكن تكون ...
والكلام دا وجهة نظري كمعجبة وكذلك كدارسة مسرح.
مع التحية لطارق الامين وفرقته السمحة
03-11-2012, 06:01 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: ناس موهوبين جدا في امكا نيات شحيحة وكل اعمالهم تلامس وجدان الشعب السوداني وتضحكنا الى ان نموت بالضحك وبعداك تجي الفكرة الجميلة الوراء الاسكتش ما عايزين السورين يورونا كيف درامتنا يمكن تكون ...
والكلام دا وجهة نظري كمعجبة وكذلك كدارسة مسرح.
مع التحية لطارق الامين وفرقته السمحة
دا الكلام البيتفقوا معاهو يا بهاء الدين سليمان ... ومن متخصصين دراما كمان ... يعني ما كلام اجندات مخفية ومفضوحة ...
طبعاً تشتيت الكورة من موضوع مقتل عوضية ظاهر جداً جداً ...
لسنوات طويلة شديد الناس تحفر بالاظافر في الصخر عشان تكون عندنا دراما حقتنا نحنا مية المية نستخدم فيها لهجاتنا المختلفة ونحتفي بيها ونقتل بالسخرية العقد ونكسر التابوهات. تجو تأرخو لظهور الفرق بي 1989
غياتو الاسكتشات دي كنابنعملها في المعهد كجزء من مادة تدريب الممثل الكلام دا في بداية الثمانياتومن قبلنا كان بعملوها لما اتبلورت في محطة التلفزيون الاهلية الى ان بقت في كثير من الفرق..
قال منو السوري هاجمنا قال
03-11-2012, 06:50 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
بهاء الدين السلام عليك يا محترم ما قريت كل المداخلات على موضوع البوست طبعا عشان كدا الكلام العايز أقولو ليك دا يمكن يكون في زول سبقني عليهو لكن برضو ح أقولو ليك .. لكن قبل ما أقولو ليك عايز بس أوضح ليك رأيي الشخصي في طارق الأمين وهو أنو زول يستاهل الردم في كل المواضع فلا تأخذك به رحمة ولو عايز مساعدة أنا بجيب ليك الحجار بتاعت الردم كمان .. لكن دا يا بهاء ما بنفي أنو معظم أعمال الهيلا هوب أعمال هادفة وعندها مشروع ومتعوب عليها ولاقت صدي واسع، مع التأكيد أنو العمل موضوع البوست دا ما مع الأعمال الجيدة لكن ما عشان سببك الجبتو فوق دا بل لأسباب نقدية وفنية تانية خالص . بالنسبة لسخرية السوري فدي ما حاجة جديدة على الزلمات والمصريين وبقية العرب وصدقني المسألة ما قاصرة على الأعمال الفنية والدراما وما شابه بل تشمل تقريبا كل حاجات ( الزول ) وطبعا ما عارف السبب شنو بالضبط لكن أكاد أجزم أنو دا بسبب بساطة الزول السوداني وترفعه عن التوافه والس خ رية من الغير حتى ولو ظلموه وس خروا منو .. المشكلة في العرب ديل يا بهاء الدين أنو بيوتم من زجاج هش ورخيص والس خ رية من حاجاتم ( كلام وسلوك وغيرو) أسهل من شراب موية باردة في عز الحر فهم كما قلت ليك كلهم فتوق ورتوق وما عارف والله إلى متي سيضحك أب سنا واحدة على أبى سنون كتيرة؟ تحياتي يا بلد .
قابلت واحد لبناني هنا في بوسطون في مكان عملي,ولما عرف اني سوداني تهلل وجهه فرحا وداعبني قائلا :كل زول بزوجة بتاعو..وطلب مني تبليغ سلامه للاخ طارق الامين,لحظتها علمت قيمة هذا العمل الذي كسر كل الحواجز..التحية لطارق وافرا فرقته الرائعين.
03-11-2012, 10:00 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
الدكتورة نجاة ... السلام عليكم ورحمة الله ... أنا احترم وجهة نظرك باعجابك لفرقة الهيلا هوب وأنا هنا لم أقل أن فرقة الهيلا هوب فاشلة أو فشلت بل يمكنها أن تتطلع الى الأفضل نحو الفن الهادف ويتركوا تكسير العربى ومحاكاة القبائل .... ثم أنك تتحدثين عن الدراما السورية وبتقولى ما عايزين السوريين يورونا درامتنا كيف ... أولا انت عايزة 100 عام عشان تحصلى أو ترتقى الى مستوى الدراما السورية .... ونحن فى السودان ماذا قدمنا من دراما أو مسلسلات أو أفلام سودانية ... نحن ما زلنا نقدم مسلسلات رديئة فى الاخراج والتأليف والتصوير والصوت والاضاءة والمكياج والمونتاج وووووو الخ .... وعليه فان ما يقدم من عمل سودانى فهو للسودانيين فقط يعنى محلية والناس مستاءة ... نحن الآن نستورد المسلسلات المصرية لأننا لا نملك دراما تقنع الآخرين ... حتى الفاضل سعيد رحمه الله كان محليا بحتا وفى أول عمل خارجى مع صلاح بن البادية فى فيلم مصرى اسمه رحلة عيون كان مصيره الفشل ... يا أختى العزيزة نحن لا نملك مقومات التمثيل الا أفرادا بأعينهم على سبيل المثال لا الحصر جمال حسن سعيد ومحمد نعيم سعد والطيب شعراوى وغيرهم من الاقلية الذين اجادوا الدراما ... لا تفتخرين بفرقة الهيلا هوب فهى ليست عنوان الدراما السودانية .... أنت تتحدثين عن الضحك حتى تموتين .... هل هذا الذى تريدينه فقط تضحكين ثم تجعلى الآخرين يسخرون ( أى زول بزوجة بتاؤا الا أنا ما اندى مره ) ده الفن الهادف الذى تتحدثى عنه ... أفهموها يا عالم يجب عكس الوجه الحسن للسودان لغة وثقافة وفنا وحضارة .... ليته كان عملا هادفا وليس مدعاة للسخرية .... من لا يهمه أمر السودانيين فهو ليس بسودانى .... وفى ما يختص بموضوع العام 89 نعم فكل الفرق بمسمياتها جاءت بعد هذا العام تحت ظل المعاناة وضيق المعيشة وأتحداك ان كنت تذكرين لى عدد 3 فرق فقط للضحك والمسخرة قبل العام 89 وبما انك درستى المسرح فيجب أن تعلمى ماهى رسالة المسرح ورسالة الفن الحقيقية ...ما زال الممثل عندنا يخاطب الكاميرا ولا يجيد مخارج الحروف بالاضافة الى السرعة فى الكلام ... ان فرقة الهيلا هوب لم تكن فرقة أرادت أن تنشر ثقافة السودان بل أرادت وبدون علمها أن تصبح بعض أعمالها مدعاة للسخرية ... أنا أقول يجب أن نتأنى فى اختيار الاعمال ومن ثم تقديمها لأنها ستصل للعالم الذى اصبح قرية ونحن نريد المردود الايجابى لكل ما نقدمه مع معالجة السلبيات .... الآن ماذا استفاد طارق الأمين عندما انتشر هذا العمل وأصبح كله مدعاة للسخرية ... ماذا لو أنه قام بتقديمه زى ماهو معروف عندنا كل زول بزوجتو الا أنا ماعندى مره .... كان شنو ح يحصل ... ح تنقلب الدنيا ... لا طبعا .... بل لم نجد واحدا مثل هذا السورى الحقير أن ينتقص منا ومن سودانيتنا .... أقول كل ما يخص المحلية والقبيلة يجب أن يكون داخلى .... هل يعقل أن نصل الى العالم من خلال القبيلة أم من خلال العامة والشعب ....ولى عودة
Quote: .. ثم أنك تتحدثين عن الدراما السورية وبتقولى ما عايزين السوريين يورونا درامتنا كيف ... أولا انت عايزة 100 عام عشان تحصلى أو ترتقى الى مستوى الدراما السورية
سلامات
انا قلت ليك درست مسرح موش؟ معناها درست تأريخ المسرح والفنون في كل العالم عارفة الدراما بدت متين وصلت وين...
برضو الدراما السورية عايزة 1000 سنة عشان تصل للدراما الامريكية تحديدا..الحوارات المطولة التي تصل اى ثرثرات حركة الكا ميرا البطيئة البتسرح مرات اكثر من اللازم الصوت المطرطر..المؤثرات الصوتيىة البتخش مرات في اللقطة البعدها وهنات وهناك دا طبعا اللهجة السزرية ذاتها اخير منها حقت بتأو دي
نجيك كدا لكلامك التقريري حق انه السودانين ما بنفعو ممثلين... القاليك منو؟
الفن الان امكانيات وشركات بتتحد مع بعض عشان يطلعو فلم او مسلسل ميزانية ضخمة في بلد لسع بتفتكر الغناي والفنان والممثل من قبيلة المطاليق اما الفنانة ديك اسكت ساكت.. فبالله ما تقول نحن لا نملك مقومات التمثيل دا كلام ما عنده اي معنى وحكم جائر لانك ما رصدت حركة التممثيل في البلاد
Quote: وعليه فان ما يقدم من عمل سودانى فهو للسودانيين فقط يعنى محلية والناس مستاءة ... نحن الآن نستورد المسلسلات المصرية لأننا لا نملك دراما تقنع الآخرين ..
اصلو حيكوتو خاتين في بالهم السورين والشعوب الاخرى؟ اسع لما ميل قبسوت بيخرج فلم بيكون براعي لناس الواق واق؟
بعدينالفنون دي ارث عالمي ما في زول بستورد افلام عشان ما عنده افلام التلفزيونات دي مليانة افلام من جميع العالم اصحى يا بريش ..
Quote: وبما انك درستى المسرح فيجب أن تعلمى ماهى رسالة المسرح ورسالة الفن الحقيقية .
بالجد مبالغة اسع انت درست مسرح ما يهو دا قادينا وعايزما نبقى ذي السوريين لانه في زول سوري ما عاجبنو
اسع اخد كل زول مرة بتأمو الا انا ما عندي مرة دا من اهدف ما قدمته الهلاهوب لانه بحارب مشكلة كبيرة جا وهي تعثر الزواج ووضع العراقيل وكدا حقق الاسكتش الرسالة حقتو. ورينا ماذا يحدث حينما تضع العراقيل للزواج وبرضو ضحنا وامتعنا ودا الهدف في الدراما الا كان ناس الزمن دا بقى عندهم حاجة تانية.. ولو عايز تناقش الموضوع من وجهات النظر المختلفة من خلال نظريات الدراما حاضرين نحللو ليك عن طريق النظرية الاشتراكية والنظرية الراسمالية والنظرية الاسلامية.. كلامك دا ذكرني لما كنا في سنة تالتة جابو لينا استاذ من جامعة الخرطوم يدرسنا مسرح افريقي اها الزول كسلا وتكاسلا درنا نفس المنهج البدرسوا هناك وبقى مصيع لينا زمنا في شرح حاجات درسناها في اول شهر في المعهد
Quote: /B].. أنا أقول يجب أن نتأنى فى اختيار الاعمال ومن ثم تقديمها لأنها ستصل للعالم الذى اصبح قرية ونحن نريد المردود الايجابى لكل ما نقدمه مع معالجة السلبيات ..
اوكي جينا للكلام الموضوعي اها دا حيحصل كيف؟ هل انت مستعد تدي طارق الامين دا ذي مليون دولار عشان يقدر يعمل ليه حاجات عالمية؟ طارق بامكانياته الضئيلة النكست تو نوثنق قدر يعمل حاجات للشعب السوداني ويفرحو ويضحكو ويوريه عيوبه
هل الدولة مستعدة تستثمر في الاعمال الدرامية؟
المعهد العالي للموسيقى والمسرح بدا سنة 1969 وكان سنويا تنتج مسرحيات لم تصور ولم تحفظ صار يتنقل من مكان الى مكان عبر كل الحكومات الديمقراطية والغير ديمقراطية الى ان تم تميعه في جامعة السودان وعملو ليهم دراسات عليا بدون مقومات عشان ما يبعثوهم ويخسرو قروش في فنانين ساي عشان كدا يا ملك لا حكومة لا شعب بيؤمنوا باهمية الفن.
اخرجت صديقتي وصال ناصر فلم اسمو موت ضيف لانهمافي استديوهات مجهزة كانت بتصور غلى الطبيعة عايزين منظر شروق شمس خلت رضيعتها ومشت حرست الشمس لما بقى الشكل العايزاه وبدات التصوير.. اها في بلد الناس فيها بتستثمر في الفن وعندهم استديوهات فلم ذي دا بيخرج في كم يوم والناس بتعلم بروفات كثيرة جدا عشان الممثل ما يعاين للكميرا ولكن في بلد يدوك 100 جنيةي ويقولو ليك اعمل لينا فلم يبقى يا تعملو ويصب في تراكم الاعمالالفنية كما او نوعا ولا يبقو ذيك يقعدو ساي ويخزلو الناس ويشتموهم..
اشكر كل ا زول فنان بقدم لينا اي عمل يثري وجدانا ويضحكنا ويفرحنا ويفتح عينا لعيوبنا الاجتماعية واشد على يد اي زول شغال في الشغل الما جايب تعبو دا واسع بقى جايب ليهم النبيشة كمان عشان في سوري سخر مننا.. وتحية خاصة لطارق الامين ومن معه
لو سمحت المشكلة شنو انه ناس طارق الامين يبدو سنة 1989 ولا قبلها ولا بعدها ما عارفة انت قاصد شنو بس اوعى تكون قاصد الانقاذ هي العملت الفرق دي؟
03-12-2012, 02:35 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
Quote: برضو الدراما السورية عايزة 1000 سنة عشان تصل للدراما الامريكية تحديدا..
الدكتورة نجاة ... خليك فى المحيط العربى ... أول خلى الدراما بتاعتنا يشاهدوها 10 اشخاص من كل دولة عربية ...
Quote: في بلد لسع بتفتكر الغناي والفنان والممثل من قبيلة المطاليق اما الفنانة ديك اسكت ساكت..
هنا أتفق معك ولكن علينا أن نعمل سويا لتصحيح الفكرة ... وأن الفن رسالة ويمكن أن يؤدى الى تغيير كثير من الأشياء ويمكن أن يكون أداة للتحريض وتفعيل القضايا التى تهم المواطن
Quote: بعدينالفنون دي ارث عالمي ما في زول بستورد افلام عشان ما عنده افلام التلفزيونات دي مليانة افلام من جميع العالم اصحى يا بريش ..
لا اختلاف هنا الناس بتستورد أفلام لعدة أسباب منها تبادل الثقافات والاستفادة من الفن الهادف كالأفلام التى تؤرخ لعصور متعددة ... لكن انت وين الارث الفنى بتاعك ؟؟؟ المصريين عندهم عشرات الآلاف من الأفلام والمسلسلات .... نحن على مر التاريخ عندنا كم فيلم ( يا هو بركة الشيخ ده )
Quote: اسع انت درست مسرح ما يهو دا قادينا وعايزما نبقى ذي السوريين لانه في زول سوري ما عاجبنو
هههههههههههه يادكتورة انا ما عايزكم تبقو زى السوريين لأنو أنحنا كلامناأفضل من السوريين .... أنا أطالب بتقديم الأفضل من الأعمال وتليق بصورتنا كسودانيين
Quote: هل الدولة مستعدة تستثمر في الاعمال الدرامية؟
المعهد العالي للموسيقى والمسرح بدا سنة 1969 وكان سنويا تنتج مسرحيات لم تصور ولم تحفظ صار يتنقل من مكان الى مكان عبر كل الحكومات الديمقراطية والغير ديمقراطية الى ان تم تميعه في جامعة السودان وعملو ليهم دراسات عليا بدون مقومات عشان ما يبعثوهم ويخسرو قروش في فنانين ساي عشان كدا يا ملك لا حكومة لا شعب بيؤمنوا باهمية الفن.
كلامك الحلو ده أمشى قوليهو للسمؤل خلف الله
Quote: لو سمحت المشكلة شنو انه ناس طارق الامين يبدو سنة 1989 ولا قبلها ولا بعدها ما عارفة انت قاصد شنو بس اوعى تكون قاصد الانقاذ هي العملت الفرق دي؟
انت ما تسألى نفسك وتقولى الكم الهائل من الفرق دى شئ ضحك وشئ منلوج وشئ دبلجة وشئ نكات وهلمجر كانت وين قبل العام 89 ... أو يمكن تكون جات مع البترول السودانى ...
قلبنة اللغة سبيل لإضحاكنا كسودانيين بحكم العادة وفي سياق الإبداع, وهي قلبنة بريئة وغرضها طيب, هو الضحك من أعماق الإعتراف بالتعددية. وهو ضحك أراه معافى يستطرد في وجدان, من محاميله التريقة والسخرية البريئة والهظار الفكه... فلماذا نحيل هذه المعطيات من سلالنا الثقافية إلى أدوات تجريم أو معابة هكذا؟ وقديما قالوا...ضحكة تفوت ولا حد إموت.
إقليمية اللغة أمر مفروغ منه... وسيظل. فاللسان ينعجم وفق البيئة الحاضرة ونطاقها الثقافي ومعطياتها الجينية ومؤثراتها الإجتماعية. لهذا ... وإن إخترنا اللغة العربية كمثال, فسوف تظل كل ملة على تراثها وتاريخها وطريقة إستظهارها ونطقها. شواما كانوا أم مصريين أم خليجيين أم سودانيين أم يمنيين أم نواكشطة. فليس هناك { مركز } بيرفكت منه ننطلق لمقايسة صحيح النطق... ولهذا فليس صحيحا أن يتهكم ذلكم المواطن السوري من آخر سوداني ينطق اللغة بطريقة مختلفة. فالإختلاف أساسا موجود غض النظر عن دعابة الهيلاهوب.
تذكرت نكتة قديمة ذات صلة. حيث حضر مواطن جنوبي إلى دكان يملكه دنقلاوي عشان إشتري خيط. فقال لصاحب المتجر داير كيت, فإحتار الدنقلاوي حيرة كبرى في فهم مراد الجنوبي, حتى أشار الأخير بأصبعه لما يريد. فقال له صاحب المتجر ده إسمو هيت مش كيت... هههههههه
أخي كبر ... إنت دايما كبير وجميل ... أعجبتني مداخلاتك وهي تروم حميد الصلات وكريم المآثر وعزيز الوصال بين مختلف الألسن والأرواح والملل, غض النظر عن جسر العبارة ومخارج القنة. فالطبيعة جبل لا يمكن تجاوزه بقراءة عجولة غير صوابة.
وعلى ذكر الهيلاهوب, فالتحية تصل كريمة مضمخة بأريج الوطن الأعفر, لصديقي الشامل طارق اللمين ... فالتحية للرجل وهو يسوق الفرح في ساحة تزخها الأحزان. والتحية للرجل وهو يبتضعنا أملا رافد ووطنا مقتدر... زي بلدا هيلينا. فمحلك جهر وكن كما كنت معطونا في هم عزة ... وصابرا كما يستوجب المسار, ومسرورا لأي فوحة أمل ممكن. فضحك الناس وعوج لسانك وطير عيونك وغبش هدومك وإتعولق ما كان في ذلكم سبيل لأن ترتسم إبتسامة على وجه حضورك ومستمعيك... فأنت تعرف كيف تهمز الناس وتكلكل مشاعرهم.
وشكرا أخي بهاء ... على البوست, بس هي ما هبالة ... هو فن وهو إبداع لا يقتدره إلا مبدعين ... من أمثال طارق اللمين.
... يله لي قدام
03-12-2012, 00:37 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
بل الهبالة هي هذه النظرة الدونية التي ترى أن الغرض من كل ثقافة بل ووجود الشعب السوداني هو التماهي مع ال(عرب) و تسليتهم
لا أعرف هل هي هبالة أم ضحالة أم دونية .. أم جميعهن مجتمعات
( أهبل) جزئية هي المطالبة بأن تلتزم الفكاهة ( بمواصفات) ... و لكم أن تتخيلوا نكت المواصفات ( الصارمة ) كيف ستكون .. يمكن أن تكون أي شي عدا أن تكون مضحكة
حالة الإنفعال الزائدة هذه و مثلها حالة الحساسية الزائدة من النكات عن السودانيين تعبر عن غياب كارثي لروح الدعابة و ثقل الدم و الإنغلاق
03-12-2012, 01:13 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
red][B]حول احتجاج الاستاذ بها الدين باستخدام فرقة الهيلاهوب واخواتها عدد من اللهجات العامية فى السودان لاداء اعمالها
والدفع بان المعلقين العرب يسخرون ويتندرون منها . منطق جانبه الصواب وفيه شيئ من التعالى على واقع نعيشه نحن السودانين ولا ارى فيه عيبا ينتقص من كونناامة مكونها العديد والمتنوع من الشعوب التى لكل منها لغته الام وثقافته الخاصة فرقة الهيلاهوب المعنية كمثال نجد انها مكونة من عدد من الفنانين ينحدرون من مختلف جهات السودان فمثلا نجمها الفنان محمد صالحين جاء للخرطوم من حلفا دغيم وهو يحمل كل السمات العامة لاهلى فى حلفا ..
فى كثير من الاعمال وخاصة الكوميدية منها فى سوريا ومصر يستخدمون لهجات جهوية كاللهجة الفلاحى واللهجة الصعيدية فى مصر ووالهجة الشامية واللهجة الحمصانية وايضا لهجة اهل البادية فى سورية
ولكن نحن هكذا السودانين نحب ان تلقى ونقلد ونتأثر بما يفرضه الاعلام علينا فى السودان وخاصة التلفزيون السودانى عن طريق بث مسلسلات عربية سورية ومصرية واحيانا خليجية انا اتفق مع الاستاز فى ان الفرقة واخواتها ازمتهم الرتابة فى الاداء وتكرار الدور حتى اصبح ادائهم نمطيا بحتا ، وليس فى اللهجة العامية فهى لهجتنا ونستخدمها ان لم نكن نحن فسودانين اخرين ، لدينا فى العاصمة التى الان اصبح مكونها السكانى متعدد ومتنوع واذكر ان احد اقاربى مهندسا ترقى حتى صار مديرا عاما لمصلحة حكومية من المصالح الكبيرة والمتخصصة هذا المدير العام يحمل من الشهادات ما يؤهله لتولى هذا المنصب الهام وقد تلقى تعليمه فى مدارس حلفا وحضر الى العاصمة ليدخل الجامعة فلم تتستطيع كل سنوات الجامعة والوظيفة التى تدرج فيها حتى صار مديرا عاما لم تستطيع كل هذه السنين ان تجعله يخاطبك بصفة المذكر لا المؤنث فظل ينادينى وغيرى بقوله انتى وغيره كثيرون لانه فى اللغة النوبية بكل لهاجتها لا يوجد فرق لفظى لمخاطبة المؤنث والمذكر كما لا يوجد فى ذات اللغة صيغة المثنى فاما مفرد او جماعة يذكر العدد للمثنى
فى ذات يوم كنت اشاهد برنامج تلفزيونى سودانى لاختبار الشعراء اسمه سحر القوافى وكان من بين المتقدمين للمسابقة شاب جاء من ولاية كسلا فقراء شعرا عربيا رصينا حسب فهمى خاص ولكن اللجنة بالاجماع قررت عدم قبوله لكثرة الاخطاء اللغوية فى النظق ومخارج الالفاظ وعندما خرج هذا الشاب مزهولا قابلته المذيعة الخارجية لدى الباب فسالته فقال لها انا كتبتها صاح لكن انا حلفاوى اعمل ليهم شنو يعنى .. واكمل احتجاجه بطريقته وبلغته النوبية وفهمنامنظقه المقنع جدا جدا ..
Quote: فى ذات يوم كنت اشاهد برنامج تلفزيونى سودانى لاختبار الشعراء اسمه سحر القوافى وكان من بين المتقدمين للمسابقة شاب جاء من ولاية كسلا فقراء شعرا عربيا رصينا حسب فهمى خاص ولكن اللجنة بالاجماع قررت عدم قبوله لكثرة الاخطاء اللغوية فى النظق ومخارج الالفاظ وعندما خرج هذا الشاب مزهولا قابلته المذيعة الخارجية لدى الباب فسالته فقال لها انا كتبتها صاح لكن انا حلفاوى اعمل ليهم شنو يعنى .. واكمل احتجاجه بطريقته وبلغته النوبية وفهمنامنظقه المقنع جدا جدا ..
الأخ محمد داؤد ... تحياتى ... وهذا هو الصحيح ... هذا الشاعر تم رفضه داخليا ولا شك سيأتى يوما ويصبح متمكنا فى اللغة .... أنا أعترف بأننا شعب متعدد الثقافات والحضارات والأجناس وحتى اللهجات ولكن لدينا اللهجة القومية المعروفة .... فرقة الهيلا هوب لها ايجابياتها وسلبياتها
03-12-2012, 09:33 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
أمين صديق سلام .... نحن لا نتحدث عن نكات صارمة ...نحن نتحدث عن تناول الآخرين الذين ينظرون لنا ولأعمالنا نظرة دونية ... وليس لهم حق فى ذلك لأن المسألة كلها تلفيق ... يا اخى كيف ترضى لنا شئ لم يكن فينا ... بالله عليك هل سمعت يوما أن الفنان سيد خليفة ينطق حرف الظاء دال ... آوان الاوان لنتصدى لهم ولنبرز لهم جوانبنا الفنية والثقافية والأدبية المعافى من كل اتهاماتهم
03-12-2012, 03:07 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
حيدر قاسم .... السلام عليكم كلامك جميل وواضح جدا .... لكن يا حيدر فلنتأنى فى اختيار الجميل الهادف لنا ولغيرنا .... يعنى كل زول بزوجة بتاؤا الا أنا ما اندى مره ... ماكان ممكن تكون بمخارج حروف اوضح وبنفس اللهجة السودانية .... ووقتها صدقنى لن تجد السخرية لعدم وجود السبب وفى نفس الوقت قلناها بدارجيتنا المعروفة والسائدة .... أنا لا أريد أن تكون بعض لكنات القبيلة على حساب لهجة بأكملها خاصة عند تسويقها عبر الشبكة
03-12-2012, 11:41 AM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
Quote: ولما عرف اني سوداني تهلل وجهه فرحا وداعبني قائلا :كل زول بزوجة بتاعو
يا سيف اليزل قال ليك بتاؤا ولا بتاعو ... كان قال زى ما انت كتبتها معناها قام بتعديلها لك ... بعدين ياخى صدقنى بيضحك عليك وعلى بتاؤا وماتنسى البنانيين هم أول دولة فرنسية ترفض انضمام السودان لجامعة الدول العربية بحجة أن السودان ليس دولة عربية .... مش ده التاريخ ولا أنا غلطان
03-12-2012, 11:19 AM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
Quote: المشكلة في العرب ديل يا بهاء الدين أنو بيوتم من زجاج هش ورخيص والس خ رية من حاجاتم ( كلام وسلوك وغيرو) أسهل من شراب موية باردة في عز الحر فهم كما قلت ليك كلهم فتوق ورتوق وما عارف والله إلى متي سيضحك أب سنا واحدة على أبى سنون كتيرة؟
اخى طلحة أوافقك الرأى ... على فرقة الهيلا هوب أن تقدم الهادف ... لماذا نتجاهل ببساطتنا من يسخر منا .... العمل كان سبب السخرية ...طيب أنا قبل قليل رجعت أشوف التعليقات من العرب وجدتها فى زيادة غير عادية وكلها سخرية ( على حساب من كل ذلك )
03-12-2012, 11:35 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
يا بهاء الدين يا حبيب بمنطقك دا المفروض السوادنيين ديل يبطلوا أية حاجة حتى الأكل والشراب ويقعدوا يتفرجوا في الناس اللي قاعدين يس خروا منهم ديل لأنو زي ما قلت ليك العرب ديل بس خروا من أية حاجة للزول السوداني . الحل الوحيد أنو الناس تتجاهلم من باب (إذا خاطبهم الجاهلون) أو لو شغالين بيهم كدا وبنتابع سخافاتم وتوافهم دي نرد ليهم بالمثل ومافي حد أحسن من حد. ............... يا تبارك شيخ الدين ياللخو دا شنو القاعد تعمل فيهو دا ؟؟؟؟؟؟؟؟؟؟؟؟؟؟؟
03-12-2012, 11:54 AM
Abd-Elrhman sorkati Abd-Elrhman sorkati
تاريخ التسجيل: 02-21-2003
مجموع المشاركات: 1576
وجاء عبد الرحمن سوركتى .... لا اريد أن اعلن هنا عن سيرتك الذاتية ولكن حسب معرفتى بك أن الموضوع يهمك وخاصة ماورد من موضوع دراما لبعض المتداخلين .... أوافق على تسمية عنوان البوست كما اخترت وسوف يكون الحوار هادفاأكثر
Quote: هل ما تقدمه الفرق الكوميدية من نكان ومنلوجات يعتبر دراما وهل الدراما هي الاضحاك فقط ؟
تحياتى لك أبو نور وأطلب من بكرى ابو بكر تغيير العنوان
Quote: يا بهاء الدين يا حبيب بمنطقك دا المفروض السوادنيين ديل يبطلوا أية حاجة حتى الأكل والشراب ويقعدوا يتفرجوا في الناس اللي قاعدين يس خروا منهم ديل لأنو زي ما قلت ليك العرب ديل بس خروا من أية حاجة للزول السوداني . الحل الوحيد أنو الناس تتجاهلم من باب (إذا خاطبهم الجاهلون) أو لو شغالين بيهم كدا وبنتابع سخافاتم وتوافهم دي نرد ليهم بالمثل ومافي حد أحسن من حد.
تمام يا طلحة أراك قد اتيتنى فى المطلوب فعله ... وهو نعم نرد لهم بالمثل .... فلتعمل فرقة الهيلا هوب كما فعل السورى الحقير الياس كرم لأنه استهزأ بالراحل المقيم سيد خليفة وسط فرقة موسيقية ووسط ضحك ######رية ... ولماذا لا تتناول فرقة الهيلا هوب أغنية سورية وفيها الحروف كلها غير صحيحة ... عشان نوريهم انو نحنا برضنا ما معترفين بيكم ... لماذا لا نرد الصاع صاعين .... اذا كان السورى اتخذ من السخرية مجرد ضحك فلنتخذ ذلك ايضا
Quote: تمام يا طلحة أراك قد اتيتنى فى المطلوب فعله ... وهو نعم نرد لهم بالمثل .... فلتعمل فرقة الهيلا هوب كما فعل السورى الحقير الياس كرم لأنه استهزأ بالراحل المقيم سيد خليفة وسط فرقة موسيقية ووسط ضحك ######رية ... ولماذا لا تتناول فرقة الهيلا هوب أغنية سورية وفيها الحروف كلها غير صحيحة ... عشان نوريهم انو نحنا برضنا ما معترفين بيكم ... لماذا لا نرد الصاع صاعين .... اذا كان السورى اتخذ من السخرية مجرد ضحك فلنتخذ ذلك ايضا
باااااااااااااس دا كلام كويس ذي ما بقولو اسياد العربان ديل Don't get mad, get even
نوجه كل القراء والكتاب هنا بمكابسة كل اليوتويبات السورية وشتمهم والسخرية منهم ومن اللهجة الكلها هلق بلق واذا مر يوتيوب فيه قاعدين ناس الاسد يقتلوهم يمكن برضو نشمت عليهم عادي جزاء سخريتهم مننا وممكن نذكرهم عشان قلة ادبكم دي سيدكم اوباما اللى هو ابن عمنا لزم عامل ليكم طناش فقر وعن.ط.زةعلى الفاضي اسع لو كان عندهم بترول كان جو انقذوهم ناس الامم المتحدة. لا تخلو ليهم صفحة يتكو عليها...
ممكن يا بهاء تورينا ياتو يو تيوب لاني بفتش من قبيل ما لاقية الهجوم العرباني خت الوصلة هنا
(عدل بواسطة د.نجاة محمود on 03-12-2012, 02:56 PM)
03-12-2012, 05:21 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
بعدين شوفتا الصورة للقيتو راجل ما عنده شنب بالله يزعلك يا بهاء راجل ما عنده شنب؟؟
ممكن نعمل لينا اسكتش كل زلمي عنده شنب الا انا ما عندي شنب ليه كدا بس ليه كدا بس ونجيب صورو تتراقص .. ونختها لي رد على سخريته اي زلو يشوف سخريتو يشوف سخريتنا نحنا,
03-12-2012, 04:26 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
الاخ بهاء تحياتي في القاهرة مجموعة من المثقفين هاجموا العملاق وردي بقولهم ليه الفنانين السودانين ما قادرين يصلوا للمستمع العربي؟ سكت وردي طويلا حتى تخلينا ان قوة الحجة قد اخرسته او انه يوافقهم الرأي . وبعد برهة سالهم ان كان في الامكان اجراء بعض التعديل علي السؤال بالسؤال التالي: بل قل توجهنا الثقافي الي أين؟ وذهب وردي موضحا وشارحا بانه ليست هناك أي مشكلة في الفن او الفنان السوداني وانما المشكلة في توجهنا بفننا لاسماع من لا يريد ان يستمع اليك وضرب مثلا انه في الوقت الذي يحظي الفن السوداني والفنان السوداني بمكانة عالية في دول الجوار الافريقي بدرجة ان تقام حفلاتنا علي ملاعب الكرة لضيق المسارح في استقبال الجمهور الضخم نصر نحن علي تجاهل كل ذلك ونتوجه لاستجداء المستمع العربي .. اذن المشكلة ليست في الفنان او الفن بقدرما هو في كيف ننظر الي انفسنا ....... رسالة الهيلاهوب من زاوية اخري غير زاوية بهاء انا أعتقد ان هذا العمل استهدف به الشريحة الواسعة من بلدي والذين تجاهلهم العمل الدرامي او الفني طويلا ... يعني انا الرسالة الوصلتني انو ناس طارق الامين بيضحكوا على القاعدين يضحكوا علينا (الناطقين بغيرها) لامن في جبال النوبة نقول بتاءؤ و أنينا (نحن) يعني بعد العمل دا المفردات البتضرس دي حتكون عادية في المواصلات ومافي واحد حيشعر بأمتعاض لامن أقع كسير في العربي لانهم ما حيقدروا يفرزوا انا جادي والله بهذر وبي كدا تكون الهيلاهوب رفعت الحرج عن شريحة كبيرة من ناس بتاءؤ عشان المرحلة البعدها ما يكون في تحرج من اللغات المختلفة والتي اسموها جورا (رطانة) يعني السورى بدل ما كان مشكلتو هي بتاءؤ اليتيمة في وسط الجملة تبقي مشكلتو في اسكتش كامل غير مفهوم وكان جيت للجد... المشكلة ما في السوري البضحك علينا يا بهاء .. المشكلة في ضحكنا على أنفسنا بأننا أفصح منهم في اللغة العربية بينما اللغة ما هو إلا محمول ثقافي غير محايد ينتمي تماما لشخصية الناطق بها. نعم هذا لا ينفى ان بها الدين أفصح من أحد السوريين ولكن تبقي حقيقة مفادها ان سوريا دولة عربية وجدانها عربي وغناها وفنها عربي ومشروعها القومي عربي .. بينما السودان دولة مستعربة لم يكتمل وجدانها القومي بعد مع عميق تقديري
03-12-2012, 11:00 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
أما أنت يا شمس الدين السنوسى فقد جئتنا برؤية مختلفة ... مع خالص تحياتى وشكرى لمداخلتك الجميلة
Quote: ليه الفنانين السودانين ما قادرين يصلوا للمستمع العربي؟
وايضا لأن المستمع العربى يحتاج منا الى تطوير السلم الخماسى حتى يكون مشابها للسباعى لحنا وايقاعا
Quote: في الوقت الذي يحظي الفن السوداني والفنان السوداني بمكانة عالية في دول الجوار الافريقي
ولكن لا بد أن لا ننسى يا السنوسى أننا فى هذه الحالة نفصل الكلام عن الموسيقى ويصبحوا مستمعيين ايقاعيين .... لأنوأنحناأغنياتنا بالعربى والمستهدف غير عربى ... تفاعل مع الموسيقى دون المعنى فى الشعر الغنائى وهنا هل اكتملت الحلقة ؟؟
Quote: يعني السورى بدل ما كان مشكلتو هي بتاءؤ اليتيمة في وسط الجملة تبقي مشكلتو في اسكتش كامل غير مفهوم
لا يا السنوسى لو كان فرقة الهيلا هوب قالت كل الجملة ( كل زول بزوجتو الا أنا ما عندى مره ) السورى الحقير ما كان عندو مشكلة .... وبعدين ما وضع بين قوسين ألم يكن لهجة سودانية بحتة ؟؟؟؟؟
Quote: بينما اللغة ما هو إلا محمول ثقافي غير محايد ينتمي تماما لشخصية الناطق بها
هذا كلام علمى مؤسس لا اختلاف فيه
Quote: نعم هذا لا ينفى ان بها الدين أفصح من أحد السوريين ولكن تبقي حقيقة مفادها ان سوريا دولة عربية وجدانها عربي وغناها وفنها عربي ومشروعها القومي عربي .. بينما السودان دولة مستعربة لم يكتمل وجدانها القومي بعد
هنا علينا أن نختار اما أوائل الأفارقة أو طيش العرب ولا توجد منطقة وسطى ما بين الجنة والنار
اها يا بهاء مشيت فتحت الوصلة ةسمعت الزول الما عنده شتب دا
لقيتو هو ذاتو اعبط من العباطة و ابلد من البلادة النوع البتكون عايزو يعيد ثقتك بنفسك بعد الكلام مع صيني..وتفتش ليه بالفتاشة عشان تحس انك عبقري مقابل كمية البلادة العربية
الحاجة الما فهمتها مشكلة ناس الهيلا هوب وين هنا؟؟
في الادب المقارن موضوع السرقات لازم تثبت انه الزول دا بعرف اللغة العربية ولا شاف ليه ترجمة للحاجة دي
اها اسع الراجل البلا شنب دا شاف ناس الهلاهوب ولا كيف؟
نجي للتعليقات كلها تصب في صالحنا ما عدا السودانين المتحمسين اكثر من اللازم زاستخدمو لغة بذيئة
لكن كل العرب قالو كلام تمام عننا.. برضو في معلق طايرة ليه قصة هامش في راسو
Quote: هل ما تقدمه الفرق الكوميدية من نكان ومنلوجات يعتبر دراما وهل الدراما هي الاضحاك فقط ؟
عشان نناقش موضوع ذي دا عايزة اتكلم ليك عن نفسي انا المتلقية دي بكون عايزة شنو في اي عمل فني او درامي
من ناحية المضمون عايزة لي حاجة فيها مضمون كويس يتماشى مع نظامي الاخلاقي ومفاهيمي الانسانية من ناحية شكل عايزة يكون شكل ممتاز جدا واخراج مممتاز يساعد في توصيل المضمون لي بصورة مشوقة و ممتعتة,, عايزة لو الصنف كوميدي اضحك شديد على الملحة والمفارقة وجودة الاداء وبرضو تكون الرسالة وصلتني واذا من الصنف التراجيدي عايزة احزن واندمج مع الممثل وابكي ويحدث لي التطهير وبرضو تكون الرسالة وصلتني في كل الحالات المضمون فيه رسالة.. ودا بحصل للدراما بانواعها واختلاف نظرياتها
يلا نجي للفرق الكوميدية هل هذه دراما .. اي نوع من الكوميدية هي تمثيل ومحاكاة يعني لازم تكون ممثل متوفرة فيك الموهبة عشان تبقى كوميدي ا النكتة فيها مستوى حوارات متعددة الكوميدي مثلها وانا ضحكت تبقى تمثيل يبقى دراما الدراما ما هي الاضحاك فقط الكوميديا نمط من انماط الدراما والفرقة الاسمها الهلاهوب الاتفتح ليها البوست دا بتعلم اسكتشات فيها تمثيل و ونص
يبقى الفرقة دي بتقدم كوميديا فقط ومن حقها طبعا. انا ارى انها نجحت في استقطاب ناس كتار من مختلف المستويات انا تقريبا شوفتا كثير جدا من اعمالهم . غالبيتها وجدت القبول عندي كمتلقي واحدات شوفتهم ماجيدات ذي لما اشوف لاي نجم شباك افلام كثيرة جزء بعجبني وجزء لا ولكن هذا لا يعني ان هذاالنجم بطال ..
وللك ارى ان نقوم كل عملوحده ونشوف كعب وين وكويس وين عشان الفرقة تستفيد بد ما نرميهم في سلة المهملات كلهم
كل الاعمال تقريبا لديهم مشكلة في الفنيات وهذا راجع للامكانيات .
واحد يسا عدنا في نقل الفديوهات ونعمل من البوست دا ورشة يشارك فيها سوركتي بوجهة نظره كمخرج سينمائي واي زول من ناس الدراما ولديه باصورد واي متلقي ..
عايزين اول حاجة فديو عبد اللطيف وانا احسبه من اجمل ما قدمته الفرقة. ونشرحو شكلا ومضمونا للفائدة العامة مع التحية
03-13-2012, 06:20 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: هل فات على أولئك الذين يسمون أنفسهم بفنانين بأن ما يقدموه من تحرييف وتغيير فى مواضع الحروف فى شكل منلوج أنه يضر ويسئ للسودانيين ولا يضيف شيئا البتة .... هل علموا هؤلاء الشباب أن ما يقدموه بغرض الفكاهة يتناوله الملايين فى الشبكة العنكبوتية وخاصة فى اليو تيوب ويصبح مضحكة علينا ويعتبرون أن هذا هو الغناء السودانى ... هل يوجد داعى فى تأدية المنلوج الذى يقول كل زول بزوجة بتاءو الا أنا ما اندى مره ...لماذا تنطقون يا بجم ويا عجم العين ألف حتى يضحك علينا الآخرون ويصدقون فعلا أننا هكذا ... وتأتى السخرية والتعليقات المسيئة لنا ومنها يأتى السورى الحقير الياس كرم ليمشى على ذات النهج ويمكنكم أن تكتبوا على اليوتيوب يا سودانيين ( أضحك على سودانى ومصرى وعراقى ) فى أغنية ( أيظن ) وكيف أن السودانى يقول ( أيدن ) هذ هى السلبيات التى تأتينا من كل الفرق التى ولدتها الظروف والمعيشة الضنكا ولو أن الشعب كان يعيش فى رفاهية وسلام لما جاءت مثل هذه الفرق التى تفتقر لأبسط مقومات معنى الفن ونشر الثقافة ...
موضوع البوست ... الله يكرم القراء من الكضب والتجديف واللف والدوران ....
... المهم .....
03-13-2012, 08:43 AM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
الدكتورة نجاة .... أشكرك على الاهتمام ويقينى أنك من بنات السودان المهمومات والمهتمات بشأن الدراما السودانية التى نتطلع لها وهى تمثلنا خير تمثيل .... كنت واثق بعد استماعك لهذا السورى الحقير بأنك سوف تصفينه بأعبط من العباطة وأبلد من البلادة وأما علاقة الهيلا هوب بالموضوع فهى بعد نشر ( كل زول بزوجة بتاؤ الا أنا ما اندى مره) على اليوتيوب وبعد مشاهدتها طبعا من كافة الناس وربما من ضمنهم الياس كرم وجاءت فكرته التى استمعتى اليها وظنا منه أنه طالما السودانى ينطق العين ألف فأيضا ينطق الظاء دال وقام بفعلته التى فعلها مع سيد خليفة زورا وبهتانا ....خلاصة الكلام السلبيات وافرازات السلبيات .... اقتراحك جميل ومفيد وأعتقد أن المخرج السينمائى عبد الرحمن سوركتى الذى أفصحت عنه سيكون له ما يفيد وليكن البوست ورشة لتعم الفائدة الجميع وأعتذر عن خشونة الكلام فى بداية موضوع البوست ولكن ردك الأخير كان بمثابة أن هنالك من يشاركنى الهم .... هم السودانى المتفرد فى كل شئ عن البقية وسأقوم بسحب كلمتان بعد أن خففت من غضبى ( وأظنك عرفتى عذاب المغنى وطبلو المجدع شظايا التمنى )
03-13-2012, 09:23 PM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
نزولا عند رغبة أحدالأقرباء فقد طلب منى بعد أن قرأ مداخلات الأعضاء الكرام أن أسرد لكم القصة التى حكاها لى بنفسه وقال فيها ... كنا فى ذات يوم متجهين الى مناسبة زواج لأحد المواطنين وبعد أن جلسنا فى الخيمة المعدة للضيوف وقبل أن نتمكن من الجلوس جيدا والخيمة مكتظة بالمواطنين والمعارف وفجأة هرول نحونا شباب بعد أن عرفوا أننا سودانيين وفى أياديهم أجهزة الآيفون 4 وقاموا بتشغيل ( كل زول بزوجة بتاؤ الا انا ما اندى مره ) وتحولت الوليمة على حسب كلامه الى ضحك لدرجة أننا خجلنا وخاصة عندما سألونا قائلين ( بتاؤا ولا بتاعو ) ( اندى ولا عندى ) ويستمرون بالضحك فوالله وحسب كلامه حتى أن عيونهم صبت دمعا ومسحوها بالوزار والمعروف أن الوزار يستخدم لتتمير الايادى بعد الفراغ من الأكل ...
تحياتي لشرف الدين ولكن هو حساس شديد كنت بس حاضحك معاهم ولكن مشكلتنا بنتعامل مع العربان ديل بchip on shoulder لانهم شايفننا عبيد ومابنعرف عربي..ويبدو اننا محتاجين منهم لاعتراف كان ممكن تقوليه برضو لو عايز تبقى "سقيل" ذي هزول ولهجتهم العجيبة ديك ذي غسيل الهدوم في طشت مطرقع
اذا اتلم العربان كلهم خاصة عربان مدن الملح وقالو السودانين ما بعرفو عربي ما بتهمني لان اي واحد فيهم بيكون درسوا سوداني
هونو عليكم يا ناس العرب ديل نحنا اذكى وافطن منهم بس حساسين شوية. في نكتة قالو واحد عايز نقل مخ الدكتور قاليهلازم المخ ما يكون مستخدم كثير
مشى جاب مخ عربي... اها نكات ذي دي ممكن نألفها وننشرها ليهم في كل مكان لما يآمنو.
03-14-2012, 09:13 AM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
سلام دكتورة نجاة ... ايوة كده نسخر منهم زى ما بيسخروا مننا .. ومصيرهم يتعلموا من الايام انو السودانيين عارفين لينا الكتير لكنهم كانوا متواضعين معانا ومتسامحين فى كل ما يقال عنهم ( عن طريق النكتة أو السخرية )
03-15-2012, 05:28 PM
Abd-Elrhman sorkati Abd-Elrhman sorkati
تاريخ التسجيل: 02-21-2003
مجموع المشاركات: 1576
Quote: وفجأة هرول نحونا شباب بعد أن عرفوا أننا سودانيين وفى أياديهم أجهزة الآيفون 4 وقاموا بتشغيل ( كل زول بزوجة بتاؤ الا انا ما اندى مره ) وتحولت الوليمة على حسب كلامه الى ضحك لدرجة أننا خجلنا وخاصة عندما سألونا قائلين ( بتاؤا ولا بتاعو ) ( اندى ولا عندى ) ويستمرون بالضحك فوالله وحسب كلامه حتى أن عيونهم صبت دمعا ومسحوها بالوزار والمعروف أن الوزار يستخدم لتتمير الايادى بعد الفراغ من الأكل ...
بهاء الدين سلامات
مافى سبب واحد بيخليهم يخجلوا لو ما عقدة العروبة الواقعين فيها! يا اخى بكل اختصار كان يشرحوا ليهم بانو 80 % من الشعب السودانى يتحدثون العربية بطريقتهم الخاصة وعلى حسب لسان لغاتهم الام وهى غير اللغة العربية وكل الاعمال الدرامية والنكات السودانية نابعة من هذه الالسن , لكن المشكلة يا بهاء الدين انت وامثالك لا تحبون تمليك حقيقة التعدد الاثنى واللغوى والثقافى الموجودة فى السودان عند مخالطتكم ومخاطبتكم للعربان , بل تسوقنه على انه دولة عربية وشعبه شعب عربى خالص لا لغة لهم ولا ثقافة لهم غير الثقافة العربية واللغة العربية! غايتو انا عن نفسى كنوبى سودانى بعرف نفسى امام كل عربى بانى نوبى سودانى لدى لغة ولدى ثقافة ولدى تاريخ ولدى جغرافيا وان 80% من الشعب السودانى شعب لديه لغته ولديه ثقافته ولديه تاريخه وجغرافيته وان 20% فقط هم الذين يقولون بانهم عرب و هؤلاء منهم من يقول ان جدهم العباس ومنهم من يقول انهم من سلالة ال البيت وهكذا!
03-16-2012, 02:19 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: هل فات على أولئك الذين يسمون أنفسهم بفنانين بأن ما يقدموه من تحرييف وتغيير فى مواضع الحروف فى شكل منلوج أنه يضر ويسئ للسودانيين ولا يضيف شيئا البتة .... هل علموا هؤلاء الشباب أن ما يقدموه بغرض الفكاهة يتناوله الملايين فى الشبكة العنكبوتية وخاصة فى اليو تيوب ويصبح مضحكة علينا ويعتبرون أن هذا هو الغناء السودانى ... هل يوجد داعى فى تأدية المنلوج الذى يقول كل زول بزوجة بتاءو الا أنا ما اندى مره ...لماذا تنطقون يا بجم ويا عجم العين ألف حتى يضحك علينا الآخرون ويصدقون فعلا أننا هكذا ... وتأتى السخرية والتعليقات المسيئة لنا ومنها يأتى السورى الحقير الياس كرم ليمشى على ذات النهج ويمكنكم أن تكتبوا على اليوتيوب يا سودانيين ( أضحك على سودانى ومصرى وعراقى ) فى أغنية ( أيظن ) وكيف أن السودانى يقول ( أيدن ) هذ هى السلبيات التى تأتينا من كل الفرق التى ولدتها الظروف والمعيشة الضنكا ولو أن الشعب كان يعيش فى رفاهية وسلام لما جاءت مثل هذه الفرق التى تفتقر لأبسط مقومات معنى الفن ونشر الثقافة ...
موضوع البوست ... الله يكرم القراء من الكضب والتجديف واللف والدوران ....
(والمعروف أن الوزار يستخدم لتتمير الأيادي بعد الفراغ من الأكل! ... والله "الفراغ من الأكل" دي لو عندها أي معنى بالعربي غير "الطراش" كان اتفاهمنا مع قريبك دا ...)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بهاء الدين سليمان
محمد الامين احمد
خالد فهمي
محمد أبوالعزائم أبوالريش
محمد البشرى الخضر
دينا خالد
Kabar
تبارك شيخ الدين جبريل
سيف اليزل برعي البدوي
HAYDER GASIM
amin siddig
Abd-Elrhman sorkati
الصادق اسماعيل
Shams eldin Alsanosi
فيس بوك
تويتر
انستقرام
يوتيوب
بنتيريست