|
|
 الوصفة السحرية للصرف الرشيد (خاصة بمهدودي الدخل)...
|
إذا كنت تعاني من الفلس المدقع ..
أو كنت مهدود الدخل والحيل ...
أو كنت تعاني من انقراض المرتب قبل استلامه ...
فإليك هذه الوصفة السحرية المجربة
جربها لشهر واحد بعد أول صرفية
وبإذن الله لن يمسك الفلس بعدها أبداً مهما أدخلت يدك(1) في جيبك .
ومعاً نحو وطن خالٍ من المفلسين وأصحاب الدين تربت(2) يداهم ..
حاشية::
•1 دخول أي يد أخرى لجيبك غير يدك الشخصية (مثل يد الزوجة أو الخطيبة أو الحبيبة أو النشال) تبطل الوصفة السحرية فوراً.
•2 تربت: اتمرغت في التراب.
|
|
 
|
|
|
|
|
|
|
 Re: الوصفة السحرية للصرف الرشيد (خاصة بمهدودي الدخل)... (Re: Mahir Mohammed Salih)
|
الوصفة دي يا جماعة أداني ليها واحد قريبي لزم ...
وهو شيخ كارب من الجماعة المولغين في التصوف.
ورغم أنو زول بسيط ومحمول وكريم ومقحط واستاذ
لكن ما حصل يوم شفتو مفلس ..
ولا حصل يوم دخل إيدو في جيبو وطلعت فاضية ..
قصر الكلام أنو الوصفة دي مجربة أباً عن جد عن قريب...
وأنا شفت بعيوني ديل الجربها .. علا لسه ما جربتها..
جربها عزيزي القارئ ..
ولن تفلس إذن أبداً ...
حاشية..
هذه الوصفة تعتمد على حاجة كدة إسمها البركة
والبركة دي وصفة إيمانية بالغة التعقيد الفطري ..
ومن هذا المنطلق أنصح المراكسة والعلامنة ومن شايعهم
بعدم استخدامها إلا تحت اشراف الطبيب
كما أرجو حفظها بعيداً عن متناول السياسيين.
| |
|
|
|
|
|
|
|
|
 Re: الوصفة السحرية للصرف الرشيد (خاصة بمهدودي الدخل)... (Re: عمر التاج)
|
الوصفة كما سمعتها:
أول ما تقبض الماهية
ماتعدها كم ...
لأنو أصلاً مافارقة
حاتكون ناقصة يعني حاتكون ناقصة
وتاني حاجة اطمن ..
مافي حاجة بتزيد في الزمن ده إلا الأسعار
المهم تقوم طوالي تدخلها في جيبك ..
وتطلع على السوق بدون تاخير
أول ما تعجبك حاجة...
تدخل ايدك وتطلع أقرب ورقة من الماهية
وتدفع وقلبك قوي ..
وبعد ماتنتهي من السوق ..
تواصل زياراتك لأصحابك وزملائك
وتجامل وقلبك قوي
ما تخلي دفتر عرس ولا عزا ولا طهور ولا سماية
إلا وترشوا بي ورقة غليدة ..
وبعد داك تمشي البيت بي قلب جامد
وأول ما تفتح الباب
تسكت الأولاد بي حق الحلاوة
وتقبل على المدام ..
قبل ما تفتح خشمها
تفاجئها بهدايا السوق
وتجدع ليها ورقتين تلاتة لزوم عدم النكد
تعمل كل ده وماتعد الطلع كم والباقي كم..
تمارس هذه العملية لمدة شهر ...
ونهاية كل يوم ما تنسى تتعشى وتبتسم وتمشي تنوم.
وان شاء الله نوم العافية .
| |
|
|
|
|
|
|
|
|
 Re: الوصفة السحرية للصرف الرشيد (خاصة بمهدودي الدخل)... (Re: قرشـــو)
|
تحية طيبة
يا زول دى وصفة شنو دى ههههههههههه غايتو زولك ده الا يكون كوز يا وارث ، لكن موظف
مستحيييييييييييييييييييييييييييييييييييييييييييييييييييييييييييييييييييييييييييييل
Quote:
أول ما تقبض الماهية
ماتعدها كم ...
لأنو أصلاً مافارقة
حاتكون ناقصة يعني حاتكون ناقصة
وتاني حاجة اطمن ..
مافي حاجة بتزيد في الزمن ده إلا الأسعار
المهم تقوم طوالي تدخلها في جيبك ..
وتطلع على السوق بدون تاخير
أول ما تعجبك حاجة...
تدخل ايدك وتطلع أقرب ورقة من الماهية
وتدفع وقلبك قوي ..
وبعد ماتنتهي من السوق ..
تواصل زياراتك لأصحابك وزملائك
وتجامل وقلبك قوي
ما تخلي دفتر عرس ولا عزا ولا طهور ولا سماية
إلا وترشوا بي ورقة غليدة ..
وبعد داك تمشي البيت بي قلب جامد
وأول ما تفتح الباب
تسكت الأولاد بي حق الحلاوة
وتقبل على المدام ..
قبل ما تفتح خشمها
تفاجئها بهدايا السوق
وتجدع ليها ورقتين تلاتة لزوم عدم النكد
تعمل كل ده وماتعد الطلع كم والباقي كم..
تمارس هذه العملية لمدة شهر ...
ونهاية كل يوم ما تنسى تتعشى وتبتسم وتمشي تنوم
|
| |
|
|
|
|
|
|
|
|
|
Re: الوصفة السحرية للصرف الرشيد (خاصة بمهدودي الدخل)... (Re: Asim Fageary)
|
عمر التاج
تحياتي
بوست خفيف وظريف
هاك الوصفة دي طيب
سمعت إنو أحد (مهدودي الدخل) ذهب لشيخه فقال له : ياشيخنا والله ماهيتي دي نهائي مامكفياني ، يوم عشرة في الشهر بتكمل ، أعمل شنو ؟؟؟
فقال له الشيخ : أمشي للمدير قول ليهو نقص لي ماهيتي
فذهب الرجل لمديره الذي وبكل تأكيد وافق على الطلب بدون اي تردد
فلم يفلح الأمر
فعاد الرجل لشيخه مرةً أخرى وقال : والله ياشيخنا الحال في حالو برضو المرتب ماكفاني
فنصحه الشيخ بأن يذهب للمدير ويقدم طلب إنو ينقصوا ليهو المرتب
فذهب الرجل ووافق المدير ايضاً بدون تردد
وبعد فتره قابله الشيخ فسأل : أها الحال كيف
فأجاب الرجل : ميه ميه يامولانا (زبطت)
فرد الشيخ : ماهيتك الحاليه دي ياها قدر شغلك البتشتغلو عشان كده ربنا بارك ليك فيها واكان إشتغلت زياده مديرك حيزيد ليك القريشات
مؤونة عام من الود
| |
|
|
|
|
|
|
| |
عمر التاج
قرشـــو
محمد الامين احمد
Asim Fageary
محمد فرح
فيس بوك
تويتر
انستقرام
يوتيوب
بنتيريست