|
اذهب قاتل انت وجهاز امنك انا هاهنا قاعدون
|
عذرآ ايها الديكتاتور لن نكون وقودآ لحربك هذه ، لقد انكشف زيفك بعد ٢٣ عاما كنت تخدعنا بانك تطبق الشريعه واكتشفنا انك الان تريد تطبيقها وتريد منع (الدغمسه) لقد سقط اقتصادك الاسلامي لقد سقط مشروعك الحضاري حين قسمت البلاد واشعلت الحروب لقد دمرت الصحه والتعليم لقد انفقت كل ثرواتنا علي اجهزتك الامنيه التي اذاقتنا الذل والويل لقد ان الاوان لتذهب هذه الاجهزه لتقاتل في ميادين المعارك لتثبت كفأتها ان الاوان لنتابع انتصاراتها في ساحات الوغي وليس في المكاتب المكيفه وفي غرف تعذيب الشرفاء ، عزرآ ايها الدكتاتور فان شبابنا سوف يقف متفرجآ عليك انت واجهزتك وصبيتك لاداعي لفتح المعسكرات فنحن لن نذهب للدفاع عن نظامك الفاشل اذن اذهب وقاتل انت واجهزتك الامنيه فهي التي صرفت عليها جل ميزانية الدوله فانا هاهنا قاعدون ,,,
|
|
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: ABUHUSSEIN)
|
لو قرأت الآية الكريمة التي حاولت الإقتباس منها و تدبرت معانيها ، لتأكد لك أنك تهرف بما لا تعرف .. ـــ (وَإِذْ قَالَ مُوسَى لِقَوْمِهِ يَا قَوْمِ اذْكُرُوا نِعْمَةَ اللَّهِ عَلَيْكُمْ إِذْ جَعَلَ فِيكُمْ أَنْبِيَاءَ وَجَعَلَكُمْ مُلُوكًا وَآَتَاكُمْ مَا لَمْ يُؤْتِ أَحَدًا مِنَ الْعَالَمِينَ (20) يَا قَوْمِ ادْخُلُوا الْأَرْضَ الْمُقَدَّسَةَ الَّتِي كَتَبَ اللَّهُ لَكُمْ وَلَا تَرْتَدُّوا عَلَى أَدْبَارِكُمْ فَتَنْقَلِبُوا خَاسِرِينَ (21) قَالُوا يَا مُوسَى إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّى يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ (22) قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ (23) قَالُوا يَا مُوسَى إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّى يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ (22) قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ (23) قَالُوا يَا مُوسَى إِنَّا لَنْ نَدْخُلَهَا أَبَدًا مَا دَامُوا فِيهَا فَاذْهَبْ أَنْتَ وَرَبُّكَ فَقَاتِلَا إِنَّا هَاهُنَا قَاعِدُونَ (24) قَالَ رَبِّ إِنِّي لَا أَمْلِكُ إِلَّا نَفْسِي وَأَخِي فَافْرُقْ بَيْنَنَا وَبَيْنَ الْقَوْمِ الْفَاسِقِينَ (25) قَالَ فَإِنَّهَا مُحَرَّمَةٌ عَلَيْهِمْ أَرْبَعِينَ سَنَةً يَتِيهُونَ فِي الْأَرْضِ فَلَا تَأْسَ عَلَى الْقَوْمِ الْفَاسِقِينَ (26)
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: ABUHUSSEIN)
|
بوشي سلام تراني اختلف معك انظر منذ متي رمت الحركة الشعبية السلاح وقالت نعم للسلام
يابعث الامة العربية ان صدام في يوم من الايام وتحديدا عندما احتلت الحركة الشعبية الكرمك امد صدام الجيش السوداني بالعتاد وتحررت الكرمك وقال صدام مقولة مشهورة لا فرق بين الكرمك وميسان.. ميسان مدينة عراقية علي الحدود مع ايران حينها كنت طالبا في جامعة بغداد وعندما بدأت حرب الخليج الاولي ونحن كنا جنودا فيها لا نعرف غير لغة السلاح قال الرفاق دعوا الانقاذ ) نحنا نواجه ام المعارك العدو الخارجي اخطر من الداخلي .... كانت دعوة البعث من اجل القومية العربية اما الان فلا ادري وضعوا ايديهم في يد الحركة الشعبية للاسقاط النظام اول من خرج من التجمع كانت الحركة الشعبية واول من تصالح مع النظام هم الحركة الشعبية فما الفرق بينكم وبين احمد الجلبي والطالباني وشيعة العراق .. كل ولائهم ايران .... فنحن مع السودان لو كان يحكمه شيطان سوداني اما العمالة فلا ........ والموقف اكبر من نافع. فلنا عودة
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: محمد حسن بوشى)
|
Quote: شبابنا سوف يقف متفرجآ |
باشمهندس هذا الموقف لا يشبهك انت صرت رمزاً للشباب السوداني الذي لا يخشى في الحق لومة لائم ومايحدث في هجليج هو عدوان بين على أرضنا ولا أظنك انت او مرجعيتك الفكرية في حزب البعث تقبل مثل هذا العدوان والسودان ليس ملكا لاحد حتى يقاتل عنه هو وجهاز امنه السودان ملك لنا جميعاُ وحري بنا الدفاع عنه عذراً أخي بوشي فالتعميم هنا لا يصح ولايُقبل منك كسياسي يفترض فيك دقة الكلمة فانا مثلا شاب ولا اتفق مع ما ذهبت اليه وكثيرون هنا ومنهم من هو مع الحكومة ومنهم من هو ضدها ولكنهم جميعهم سودانيون ووطنيون
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: محمد حسن بوشى)
|
تحية طيبة
فى فرق بين ان ندافع عن حكومة البشير او ان تدافع عن وطنك !
جنوب السودان اصبحت دولة مستقلة ، عليكم ان تتقبلو هذا الواقع
عليكم ان تقبلوه لان 98% قالو ما عايزين معاكم ! leave them alone
غرور المطالبين بالوحدة لا يفرق كثيرن عن غرور و جهل المصريين المطالبين بعودة السودان
تحت رايه الحكم المصرى ! و يتحدثون و كان السودان ده حوش بيتهم
افق ، و انتبه جيدا
لمن تجى دولة و تدخل وطنك و انت تهلل ليها ساعتها محتاج تراجع ابجدياتك
و ما حك جلدك غير ظفرك ، البشير و عصبته كان ما شلناهم نحنا ما بيشلهم غيرنا
===================
تكتب عـ(ذ)رآ
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: محمد الامين احمد)
|
الحبيب محمد حسن بوشي السلام عليك غايتو لكن بالغت في حكاية ثم ياخ إتا راجل ثوري كما فهمنا، والثورية لا تتفق أبدا مع السلبية المدفوقة فوق دي وعليه وحتى لا تكون كذلك فأقترح عليك بدل القعاد هاهنا أن تذهب وتقاتل مع المقاتلين جنبا إلى جنب ضد جهاز الأمن، وأهو تكون نشت ليك طيرتين اتنين بى نبلة واحدة، منها تتخلص من السلبية بتاعت القعاد هاهنا دي، ومنها تقاتل جهاز الأمن القلتو دا. مع الود والتقدير يا زول.
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: طلحة عبدالله)
|
شباب سلامات و يا بوشي عساك طيب بالنسبة للاعزاء المختلفين في عبارة (انا ها هنا قاعدين) و بالطبع اي زول برايو- وليس دفاعا عن حبيبنا بوشي لكن بالنسبة لي الفكرة واضحة انو الحرب دي سببها المظام و سياساتو - و اصلا اذا الموضوع وطن وطن بالجد -عندنا مساحات كتيرة من الوطن اقتطعتها اي دولة مجاورة !! وين الوطن و وين النظام هنا ام حسب مصلحة النظام نمشي نحارب --!! -- طلحة يا حبيبنا - حكاية انا ها هنا قاعدين -فيما اري - ما عندو علاقة يالزول ثوري ولة ما ثوري - بل هو معني ثوري للاحتجاج و رفض امكانية الوقوع في فخ مصالح النظام بحجة الوطن !! وليه بتجي المتاجرة بفكرة الوطن في حالات معينة !! الوطن دا مش واحد !! ولة بقصوا حسب رغبة الجماعة الطيبين
تحياتي -- -- الاساذ عصام -وين (الهرف ) ووين (المعرفة ) هنا !! دي عبارة عادي بتتقال و هو ما قال كما قال تعالي !! غايتو -في ظني -شكلك زعلان ساي من كلام البوشي و داير تدوسو ساي لوجه الزعل تعالي !! تقديري
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: طلحة عبدالله)
|
كنا طلبة يومها في جامعة بعداد وكانت ليلة السادس عشر الساعة 2 بالليل ضربت امريكا بغدد وفي صباح اليوم الباكر جاءت الينا مجروسات الجيش العراقي الي داخليات الطلية السودانيين وكنا بالعشرات صاح فينا الضابط العراقي من اراد ان يدافع عن العراق فاليصعد الي السيارات وهنا سمعنا زغاريد اخوات مهيرة وصعدنا وفي خلال عشرة ايام كنا نتدرب ليل نهار حتي اجدنا سبعة انواع من الاسلحة ثم انتشرنا علي حدود العراق مقاتلين لا نخاف الموت ولا الوساس تلك اللحظة صنعت منا رجال اما ان تكون رجلا او تكون غير ذالك ... وعند انتهاء الحرب عندنا لمقاعدة الدراسة وجدنا انفسنا قد نسينا حتي اسماء الدكاترة من دوي المدافع وازيز الطائرات كنا في خلاء نأكل وجبة واحدة في برد قارص والوجبة عبارة عن خبز ناشف ولم يتمرد منا احد كنا نفترش الخنادق ...الفرق بين المواقف والنضال .. وبين المواقف والسياسة وبين النضج والنبوة اربعين عام .... انت اكبر من هذا الموقف قف فاعتذر لشعب احبك وليس للانقاذ ونعرف خلافك مع الامن
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: Yassir Tayfour)
|
شكرا بوشي انها حرب عمر البشير عليه ان يذهب هو وجهاز امنه للقتال فيها ولن يكون الشباب وقودا لحروبه مرة اخرى .. من اراد ان يذهب للحرب معه فاليذهب الطريق الى هجليج واضح وبائن .. وعقبال بقية الجبهات .. دارفور .. ج كردفان .. النيل الأزرق .. نحن معك قاعدون يا بوشي نتفرج بل ونتمنى سقوط بقية المدن على يد قوات الجبهة الثورية .. وننتظر
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: محمد الامين احمد)
|
Quote:
لمن تجى دولة و تدخل وطنك و انت تهلل ليها ساعتها محتاج تراجع ابجدياتك
|
من الذى تسبب فى ان يكون تلك الدولة دولة بين ليلة وضحاها ؟ من الذى ماطل واجبر هؤلاء فى ان يكون لهم دولة؟ ماالذى يمنع النظام الذى خلق دولتين فى ان يخلق لنا دولة ثالثة ورابعة الى ان يتلاشى دولة اسمها السودان ؟ اين حدود وطننا حتى لا نهلل ونكبر لمن يدخل عليه؟
الوطن الذى فصل النظام جزء منه من اجل بناء دولة عربية واسلامية لا ادافع عنه طالما هذا الوطن لا يستوعبنى , انما اساند وادافع بقوة على كل الجهود التى تسعى لاسقاط النظام الفاشى والعنصرى وذلك من اجل بناء وطن يستوعب جميع مكونات الشعب , سودان متعدد الاعراق واللغات والثقافات والاديان ويحقق الاستقرار والتنمية والعدل والمساواة ! ما بالضرورة ان ندافع عليه بهوى العروبيون والاسلامويون والعنصريون من اهل الشمال والوسط حتى نتحصل على صكوك الوطنية منهم .. وطنيون بطريقتنا وبفهمنا للوطنية وما فى حد يزايد علينا!
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: خالد حاكم)
|
Quote: لمن تجى دولة و تدخل وطنك و انت تهلل ليها ساعتها محتاج تراجع ابجدياتك |
متاجره عجيبه بمعاني الوطنيه .... كدي واحد يمشي يسال أهلي النوبه من الحاصل من أمس ده... و هل حيمشو يحاربو مع البشير وجهاز امنو ...ماااا مشين .....واياكم ووصفنا بعدم الوطنيه
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: الصادق عوض)
|
Quote:
: (( ما يغرك نعيق قلة مارقة رايح ليها الدرب يا دينق. الأغلبية هنا معارضة لنظام البشير حتى النهاية لكن هذا لن يبرر التفريط في شبر من أرض السودان و ما تقول لي حلايب... التفريط في حلايب من قبل النظام لا يعني أن نقبل التفريط في غيرها. و إن كان خيار حكومة الجنوب هو الحرب فهي الحرب إذن و مشكلتنا مع الكيزان اتأجلت أكتر من عشرين سنة فلتتأجل سنة أخرى.)) |
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: عبدالفتاح أبوشيمة)
|
لما توظيف الخريجين يبقى خاضع لشروط الكفاءة وليس الواسطة الواحد ممكن يفكر أنا مثلاُ أعول أسرتين فيهن 6 خريجين عاطلين لسنوات ولما نشوف أولاد نافع وقطبي وعمك عابدين بتاع الأقطان وبقية اللحيسة قايدين المتحركات ممكن الواحد يفكر اذروايز إنا هنا متكلون حتى لو وصلوا حلايب أساساً احنا مفروض ندافع عن شنو؟ نفرض إنو دولة جنوب السودان جات احتلت الشمال الحيحصل لينا شنو أسوأ من الحاصل دلوقت؟ قمع؟ أكل حقوق؟ مصادرة رأي؟ ترويع؟ اعتقال؟ قتل؟ اغتصاب؟ ما دا كله اولريدي حصل!!.. إذاً ندافع عن شنو؟ الشايف إنو الوطنية تقتضي ذلك يمشي يشيل سلاحه ويركب الشارع وبالتوفيق إن شاء الله
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: هاشم نوريت)
|
Quote: لما توظيف الخريجين يبقى خاضع لشروط الكفاءة وليس الواسطة الواحد ممكن يفكر أنا مثلاُ أعول أسرتين فيهن 6 خريجين عاطلين لسنوات ولما نشوف أولاد نافع وقطبي وعمك عابدين بتاع الأقطان وبقية اللحيسة قايدين المتحركات ممكن الواحد يفكر اذروايز إنا هنا متكلون حتى لو وصلوا حلايب أساساً احنا مفروض ندافع عن شنو؟ نفرض إنو دولة جنوب السودان جات احتلت الشمال الحيحصل لينا شنو أسوأ من الحاصل دلوقت؟ قمع؟ أكل حقوق؟ مصادرة رأي؟ ترويع؟ اعتقال؟ قتل؟ اغتصاب؟ ما دا كله اولريدي حصل!!.. إذاً ندافع عن شنو؟ الشايف إنو الوطنية تقتضي ذلك يمشي يشيل سلاحه ويركب الشارع وبالتوفيق إن شاء الله |
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: خضر الطيب)
|
Quote: لو قرأت الآية الكريمة التي حاولت الإقتباس منها و تدبرت معانيها ، لتأكد لك أنك تهرف بما لا تعرف .. ـــ (وَإِذْ قَالَ مُوسَى لِقَوْمِهِ يَا قَوْمِ اذْكُرُوا نِعْمَةَ اللَّهِ عَلَيْكُمْ إِذْ جَعَلَ فِيكُمْ أَنْبِيَاءَ وَجَعَلَكُمْ مُلُوكًا وَآَتَاكُمْ مَا لَمْ يُؤْتِ أَحَدًا مِنَ الْعَالَمِينَ (20) يَا قَوْمِ ادْخُلُوا الْأَرْضَ الْمُقَدَّسَةَ الَّتِي كَتَبَ اللَّهُ لَكُمْ وَلَا تَرْتَدُّوا عَلَى أَدْبَارِكُمْ فَتَنْقَلِبُوا خَاسِرِينَ (21) قَالُوا يَا مُوسَى إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّى يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ (22) قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ (23) قَالُوا يَا مُوسَى إِنَّ فِيهَا قَوْمًا جَبَّارِينَ وَإِنَّا لَنْ نَدْخُلَهَا حَتَّى يَخْرُجُوا مِنْهَا فَإِنْ يَخْرُجُوا مِنْهَا فَإِنَّا دَاخِلُونَ (22) قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ (23) قَالُوا يَا مُوسَى إِنَّا لَنْ نَدْخُلَهَا أَبَدًا مَا دَامُوا فِيهَا فَاذْهَبْ أَنْتَ وَرَبُّكَ فَقَاتِلَا إِنَّا هَاهُنَا قَاعِدُونَ (24) قَالَ رَبِّ إِنِّي لَا أَمْلِكُ إِلَّا نَفْسِي وَأَخِي فَافْرُقْ بَيْنَنَا وَبَيْنَ الْقَوْمِ الْفَاسِقِينَ (25) قَالَ فَإِنَّهَا مُحَرَّمَةٌ عَلَيْهِمْ أَرْبَعِينَ سَنَةً يَتِيهُونَ فِي الْأَرْضِ فَلَا تَأْسَ عَلَى الْقَوْمِ الْفَاسِقِينَ (26) |
QUOTE]لو قرأت الآية الكريمة التي حاولت الإقتباس منها و تدبرت معانيها ، لتأكد لك أنك تهرف بما لا تعرف ..
دا كلام صاح يا اخي عصام
بعدين ما تنسى الراجل بعثي ....
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: ود الباوقة)
|
Quote: لما توظيف الخريجين يبقى خاضع لشروط الكفاءة وليس الواسطة الواحد ممكن يفكر أنا مثلاُ أعول أسرتين فيهن 6 خريجين عاطلين لسنوات ولما نشوف أولاد نافع وقطبي وعمك عابدين بتاع الأقطان وبقية اللحيسة قايدين المتحركات ممكن الواحد يفكر اذروايز إنا هنا متكلون حتى لو وصلوا حلايب أساساً احنا مفروض ندافع عن شنو؟ نفرض إنو دولة جنوب السودان جات احتلت الشمال الحيحصل لينا شنو أسوأ من الحاصل دلوقت؟ قمع؟ أكل حقوق؟ مصادرة رأي؟ ترويع؟ اعتقال؟ قتل؟ اغتصاب؟ ما دا كله اولريدي حصل!!.. إذاً ندافع عن شنو؟ الشايف إنو الوطنية تقتضي ذلك يمشي يشيل سلاحه ويركب الشارع وبالتوفيق إن شاء الله |
كلام مية في المية صاح وبعدين يا ود الباوقة مالو ما يبقى بعثي مش حكومكتكم دي الخلت الطلبة يمشوا يقروا في العراق يعني عايزهم يجوك سلفيين ولا شنو
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: هاشم نوريت)
|
السلام لصاحب الملف البوشي وعلي من أتبع الهدي أولاً أدين الحرب وأنا شخصياً ضد فكرة أن تراق نقطة من دم مواطن جنوبي أو شمالي نهائياً . هذه حرب البشير وسلفاكير وحدهما . ما ذنب المواطنين في الدولتين؛ بل ماذا أقترفوا كي يساقوا إلي هذه المحرقة ؟ لغاية الآن لم تتوفر لي معلومة تثبت أن هذه الغاغة لا تتعدّي أن تكون مسرحية وفي حالة ثبوت العكس سيكون لي موقف آخر . ولكن الشئ الذي لا أجد له تفسيراً لماذا لم نسيّر الجيوش ونعد ما أستطعنا من رباط الخيل لكي نحرّر الفشقة مثلاً ؟ دي مجرد غاغة ونفخة كدابة ومعركة في غير معترك بحسابات الأولويات . وبعدين بالنسبة للسيد الرئيس لو غيّر رايو من مشوار جوبا ياخ أحسن ما يتعبنا معاه . ولو مُصِر علي الموضوع ده فدونه أولاد الكيزان خليهم يتحزّموا ويتلزّموا ويا ضايقين حِلوها .. مُرّها ضوقوا . واللا أنا غلطان ؟ وبناءاً علي ما سبق أنا وبوشي وياسر طيفور وهشام نوريت ومن لفّ لفنا ( ها هنا قاعدون )
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: haroon diyab)
|
أتفق تماماً مع البوشي ...
الحرب هُم من أوقد إوارها ، وعليهم أن يكتووا بنارها ..
ثم إن ( الدواس ) بلا غبينة ما ببقى .. ونحن ( كشعب شمالي ) ما عندنا أي ( غباين ) تجاه نصفنا الآخر في الجنوب ، بل يقيناً سنعود شعباً واحداً بعد زوال الطغاة ..
ولو في دواس مفترض نداوس هؤلاء الطغاة ..
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: Hassan Bakri Nugud)
|
اتفق مع المهندس البوشي في كل ما ذهب اليه وليس لاحد الحق على المزايدة في وطنية احد يا اخ ما ممكن الانقاذ دي تقاتل في الشعب اكثر من 20 سنة تصادر دولة كاملة بمواردها لصالح فئة بعينها وتفاضل بين الشعب السوداني وفقا للعقيدة والجهة والقبلية واللون السياسي وترمينا خارج بلدنا اكثر من 15 سنة وتجي تعمل ليها معركة تكتيكية لفك الزنقة وانت تطالبنا اناصرهم بحجة ان الوطن مستهدف من دولة جنوب السودان هو الفصل الجنوب منو غيرهم ليه اناصرهم عشان ينهى سياسيا حربهم التكتيكي ويفضى لي انا تاني الانقاذ تغور وتذهب غير ماسوف عليها فليتفرغ الشعب لبناء دولته ورتق النسيح الاجتماعي يا عالم الناس مشت لمسافات بعيدة ونحن لسع بنقاتل في بعض في قضايا حلها باللسان لا بالكلاش
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: علاء الدين صلاح محمد)
|
Quote: ربح البيع أخانا حميد ,, أحمد اسماعيل الطيب قبل عشرين عاما . كانت الجيوش تجيش . وما يعرف بالتوجه الاسلامى الحضارى مستفحل. و(الرادى) يلعلق مثلما يلعلع السلاح فى جنوبنا الحبيب. وكان هناك أعراس للشهداء . وصكوك غفران يملكها النظام . وأبواب للجنة مفتوحة فى توريت والآلة الاعلامية تجعل منك (كافر) أو أن بك بعض كفر إن لم تستأنث روحك مع تلك الاصوات واذا لم يعجبك (الكاكى) الذى دخل كل البيوت . وكأنما كتب علينا القتال ضد عدو ليس عدو.
فى تلك الاثناء كنا نولد ونكبر ونراهق (رساليين) ولا خيار لنا سوى أن نكون كما يودوا إما شهداء- حسب اصطلاح المرحلة- أو مرجفين. ولكن.
كان هناك من عرف حميد عبر شرائط الكاسيت المطبوعة من جهاز لجهاز . كانوا يسهرون الليل فى نسخها . ويسهرون الليل فى سماعها فتخرج باهتة الصوت ولكنها واضحة المعانى والافكار . فعاشوا حميد الذى شاركهم (صينية الغداء) أيام كانت للغداءات صوانى توضع.ينامون وصوت (الركورد) فى آذانهم.
فتطورت العلاقة وصاروا يلاحقون ندواته فى الجامعات والمنابر . كان يمثل ( الصوت العالى- لصوت الناس ال تحت الواطى ال ما مسموع) برغم الالة الاعلامية وبرغم الملاحقة له . وبرغم المد العقيم للخطاب السياسى والدينى والقهر كان يمثل للشباب اليافعين الوعى المطلوب والرفض الصامت .والتيار المدنى.
استغرب حين أشاهد شاب فى العشرينات لم يلوثه الهوس والتخويف الدينى والقهر اليومى . وكيف لشاب يافع أن يخرج عن هذا الطوق ؟
فعرفت الاجابة ولم أكن أجهلها . وهى ليس غائبة على فطنة القارىء – انه التيار القوى – تيار القلم من الشعراء والكتاب الملتزمين والفنانين الذين لم تشوههم الاغراءات ولم تدهسهم الطاحونة برغم طحنها لأجسادهم.
حميد – محجوب – القدال – هاشم صديق – وردى – عركى – عقد الجلاد – ساورا وغيرهم وغيرهم من المسرحيين الشباب الذين استمر منهم من استمر أو توقفوا بفعل الطواحين والظروف الخاصة شباب الجمام – فرقة شوف مسرح الهامش جميع هؤلاء وغيرهم شكلوا الجيش الموازى ، التيار المختلف ليبرهنوا بذلك أن ما ينفع الناس يمكث فى الأرض وأن الزبد يذهب جفاء.
وعلينا أن نسأل أنفسنا من هو المنتصر فى هذا الصراع الخفى بين السلطة والمثقف السودانى بعد أكثر من عشرين عام. من هو المحبوب فى وفاته أو مماته ومن الذى وصل لل-ناس التحت- من هو الوطنى فعلا ومن هو الوطنى –اصطلاحا- برغم الفارق بين من بيده السلطة وبين من يملك القلم !! من الرابح اليوم - فى جردة سريعة - الجمال أم القبح ؟ الصدق أم النفاق ؟ التواضع أم الاستعلاء ؟ العمق أم السطحية ؟ الاستنارة أم قوى الظلام ؟ الحرب أم السلم ؟ الحب أم الكراهية ؟ القوة الحقيقية أم الاستقواء والعنجهية الفارغة؟
نم هانئا حميد فقد ربح البيع . برغم حزننا على فراقك وبرغم أسفنا على أجيال ستولد بدونك لن يتوافدوا لحضورك فى المنابر بعد هذا . وبرغم عدم تمكنهم من نسخ قصائدك الجديدة الا أنا نقول بكل صدق (ربح البيع أخانا حميد).
|
GAME OVER
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: Barakat Alsharif)
|
Quote: يا بوشي مع التحية
1 - ان تعادي الحكومة شئ.... وان تعادي الوطن شئ آخر
يوجد الكثيرون هنا ممن يكرهون الحكومة كراهية الموت، لكن تجردوا بكل عقلانية عن كرههم للحكومة وأدركوا ان الوقت ليس وقت مزايدات واظهار عضلات للمعارضة، ووقفوا إلى جانب الوطن وليس إلى جانب الحكومة، هناك دولة اجنبية تعتدي على الوطن، دولة اجنبية عضو في الأمم المتحدة، وهذا حسب الأمر الواقع، كيف جاءت ولماذا جاءت؟ كل هذه الأسئلة ليس وقتها الآن ..الواقع الدولي والجغرافي يقول هناك دولة اسمها جمهورية جنوب السودان، ولا يمكن تحت اي ظرف القول بانها جزء من السودان وانها ستعود وان الوحدة سترجع..الخ، فهذه الأقوال تصلح لنظم قصيدة عن الوحدة والوطن الذي انشطر والنوارس الحزينة وعشب تركاكا الذي يحن لنخيل كرمة النزل، وتمساح كدباس الذي يشتاق لأخيه في التمسحة تمساح منقلا ... إ(اوتار الحنين) لن شطب الدولة الجديدة من سجلات الأمم المتحدة ...فنحن امام كيان دولي معنرف به اسمه جمهورية جنوب السودان.
2- انت بعثي ..الإجابة نعم إذن كيف تفسر امداد زعامتك وقيادتك للحكومة في التسعينات بالراجمات والصواريخ لصد هجمات قرنق؟؟ ولولا هذه الراجمات والأسلحة لاكتسح قرنق الخرطوم، ما هي المنطلقات الفكرية التي دفعتهم لذلك؟ فاما انهم مخطئون ومنطلفاتهم خاطئة وفي هذه الحالة وجب عليك تحسس مواقع اقدامك في ذلك الفكر أو أنهم مصيبون وفي هذه الحالة تكون انت المخطئ.، وعليك ان تحدد لنا اين يقع هذا الشعار الان (أمة عربية واحدة ذات رسالة خالدة) هل يتفق هذا الشعار مع رؤية الجنوبيين لإنفسهم وخياراتهم الثقافية؟؟ وهل سيقبلون بفكرك الداعي لتطبيق هذا الشعار؟؟؟ ولنفترض ان هذه الحكومة الإنقاذية ذهبت وجاءت حكومة بعثية..هل ستنظر الحكومة للجنوب باعتباره جزءا من الأمة العربية ذات الرسالة الخالدة أم انها ستعتبره خارج هذا السياق؟ باعتبار ان الجنوبيين يرون انفسهم خارجه، وهل إذا اعترفت الحكومة البعثية بانفصال الجنوب كأمر واقع هل ستقبل منه اي تجاوزات، لو قام بذلك، ام انها ستكون مضطرة للدفاع عن حدودها؟؟ لا تقل لي ان الحكومة البعثية ستعترف بالجنوبيين كاقلية وبحقوقهم .....خذ مشكلة الأكراد نموذجا
3- في موضوع معارضتك للحكومة ومطالبتك بالديمقراطية...هات لي نموذجا بعثيا واحدا طبق الديمقراطية التعددية كما تنادي بها..سواء كان في العراق أو سوريا؟؟ من أين ستاتي لنا بدمقراطية فشل النموذجان البعثيان في الأتيان بها؟؟ الم تسمع بالمثل فاقد الشئ لا يعطيه؟؟ 4- من دمر العراق هم الأمريكان والبريطانيين واليهود.... ومن يؤيد دولة جنوب السودان هي الأشكال نفسها..كيف تكون صديقا لقوم هم اصدقاء من تآمر على فكرك ومعتقدك وتسببوا في انهيار واحد من نماذجه..ألا يحتاج ذلك منك لوقفة تأمل؟ |
والله يابركات ود الشريف كلامك صح ومنطقي زاسئلة قوية وصادقة تحياتي
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: ود العجمى)
|
ياااه يا أخي انتا زول قديم خلاص سيبك من فرمالة الكيزان دي واحسن ليك
تقشقش دميعاتك ومخاخيتك وتستغفر وأهو فرصة تثبت انك كوز قد حسن اسلامك وذلك بالتوجه فورا للجهاد بدلا من مص الشيشة .
شكرا يا بوشي
حرب التحرير الحقيقية هي ضد نظام القمع والتهميش في الخرطوم .
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: خالد حاكم)
|
تحية طيبة
اوكيه يا خالد حاكم ، ورينى ردك على مثل هذا البوست
مدينة هجليج تابعة لجنول السودان وليس للشمال.
Quote: - من الذى تسبب فى ان يكون تلك الدولة دولة بين ليلة وضحاها ؟ |
أهل الجنوب صوتوا و اختارو الانفصال بنسبة تفوق ال98% ميه ، اهه الانتخابات مزورة ؟
Quote: -من الذى ماطل واجبر هؤلاء فى ان يكون لهم دولة؟ |
لم يجبرهم احد، هذا خيارهم ، و لكن فى ناس مصره تخليهم غصب تحت حكم الشمال!
Quote: -ماالذى يمنع النظام الذى خلق دولتين فى ان يخلق لنا دولة ثالثة ورابعة الى ان يتلاشى دولة اسمها السودان ؟ |
والله اذا كان ده بيحل المشاكل فليكن
Quote: -اين حدود وطننا حتى لا نهلل ونكبر لمن يدخل عليه؟ |
بعقليه نحن هنا قاعدون دى ما ح يكون عندك وطن اساسا، اذا بقيت بتدى كل دولة من عندك حته ! و كون فى مناطق مسروقة من الوطن هذا لا يبرر ابدا ان نعطى مناطق آخرى بالمقابل
Quote: -الوطن الذى فصل النظام جزء منه من اجل بناء دولة عربية واسلامية لا ادافع عنه طالما هذا الوطن لا يستوعبنى |
معليش ده كلام انشائى ما مفيد الجماعة ديل هم قررور مصيرهم بانفسهم، ليه ما عايز تقر بدهQuote: -انما اساند وادافع بقوة على كل الجهود التى تسعى لاسقاط النظام الفاشى والعنصرى وذلك من اجل بناء وطن يستوعب جميع مكونات الشعب , سودان متعدد الاعراق واللغات والثقافات والاديان ويحقق الاستقرار والتنمية والعدل والمساواة ! |
هذا الذى تسعى اليه لن يتحق بيد الغريب ، اعملو بيدك ، و دونك ما حصل فى افغانستان و العراق
Quote: -ما بالضرورة ان ندافع عليه بهوى العروبيون والاسلامويون والعنصريون من اهل الشمال والوسط حتى نتحصل على صكوك الوطنية منهم .. وطنيون بطريقتنا وبفهمنا للوطنية وما فى حد يزايد علينا! |
بزيد عليك فى الوطنية و لازم تفهم انو لما الحرامى يسرق بيت جيرانك و انت قاعد تتفرج عشان ولد جيرانكم اتشكال معاك الصباح يبقى محتاج تراجع ابجدياتك
و لتانى مرة راجع البوست ده مدينة هجليج تابعة لجنول السودان وليس للشمال.
و لكل من يقول انهم اكثر وطنية و انهم يعتقدون ان جيش الجنوب هو الخلاص ، اذا الحل بسيط اذهب الى جنوب السودان الدولة الوليدة و اخذ جنسيتهم و دافع عن افكارهم و نظامهم هناك ، اليس هولاء اخوانكم كما تقولون ام انكم لا تدلون الطريق
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: محمد فرح)
|
محمد فرح..مؤنة عامين و نص من الود ياخي.. قلت لي الراجل ما بيعرف يستهجي كويس؟..
مش صديقنا بوشي دي خريج ثورة التعليم العالي؟..ولا اتخرج قبالها؟.. صحيح اب سنينة بيضحك على اب سنينتين..ناس تخرج ليها اجيال و تضيعهم و تسويهم ضحايا عدييل..و برضك يجوا يتفاصحوا فيهم..!!!
اها كل اجيال ثورة التعليم العالي بتاعة سيدنا عمر البشير (حفظه الله) عندهم مشكلة زي دي..باقي ليك اخير نعترف بالغلط و نحاول نصلحوا ..ولا نجي نشتغلهم بالبارد عشان سلوا ايدهم و قالوا البغلة في الإبريق؟..
مؤنة تانية ..
كبر
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: Kabar)
|
بوشي..حبابك يا صديق
حادثة هجليج تمت باشارة من عمر البشير شخصيا..و زيارة باقان اموم لإستلام تلك الإشارة..و من ديك و عييك..حموها العمراب..ولعوها الباقاناب..شعلوها السلفاب..و تاجروا بيها الفرحاب و الدهباب (ناس صاحبي عصام دهب الفوق ده)..! اثبات الوطنية لا يحتاج أن تسل الأرواح البريئة..و تدمير مقدارت الشعوب..!! و ناس المؤتمر الوطني عندي ليهم سؤال: الوطنية كانت ماخدة اجازة لمن الطيران الإسرائيلي كان بيتفسح في سموات السودان و بينفذ عمليات حربية في الأراضي السودانية؟..ولا الطيران ده يا ربي يكون مكتفوا فكي كارب..عمل ليهو حجاب تغمضون في حالة الطيران الأسرائيلي و تفتحون في حالة بؤساء الحرب في جنوب كردفان؟..
الدواس بلا غبينة شكلة ساكت..وناس المؤتمر الوطني ديل من سنة حفروا البحر قاعدين يشاكلوا..و ليوم الليلة ما عندهم التكتح..بعد شوية ح يشاكلوا ضلهم..!! متى كانت حروب المؤتمر الوطني و الجبهة الإسلامية هي حروب تخص الوطن و مواطنيه؟..
كبر
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: Kabar)
|
Quote: بل يجوز لكل خائن مرتزق عميل أن يقدم نفسه جيفة لصقور الاس بي ال ايه .. |
أخي عصام
سلاماً
سلاماً
لن أدافع عن الحركة الشعبية أو جركات دارفور - فهم يعرفون كيف يدافعون عن أنفسهم.
لكنني أتحدث عننا كشماليين لم نحمل سوى سلاح القلم والنضال السلمي ضد النظام
فنحن لا نحتاج لدرس عصر لنعرف الكيزان ومتاجرتهم بالحرب والسلام من أجل البقاء في كرسي السلطة باي ثمن
ولعلك تعرف أن مصطلح (فطايس) هذه ليست من عندنا بل هي من صميم تراث الإسلامويين، الذين عندما وصلوا لميس السلام مع الحركة الشعبية، والذي لم يستصحبوا فيه الشعب من الأساس، ارادوا إقصاء الجميع حتى ينفردوا بكعكة نيفاشا فسلط عليهم ربك سوط خلاف على كراسي السلطة، وأطلقوا هذه التسمية (فطايس) من شيخهم الكبير الذي علمهم السحر. فجاءات عليهم السلطة وبالاً والآن يأتيهم الجزاء من جنس العمل.
وفي الحديث الصحيح: لا يلدغ المؤمن من جحر واحد مرتين
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: علاء الدين يوسف علي محمد)
|
أماه لو أبصـــــــترتنا فى معمـــــــــع ××× والقصف يرعد والدخان مثار الهام تصرخ والحـــــديد مزمجــــــــر ××× والموت فوق رؤوســــــــنا دوار لرأيت من حولى يرابط إخـــــــــــوة ××× مايمموا هربا ولم ينهـــــــاروا إخوان صدق عندما إحتدم الوغى××× لحمى العقيدة والشريعة ثاروا أيان ما سمعوا لهيعة فــــــــــارس ××× يدعو لنيل الشــــــهادة طاروا وتدافعوا متطلعين إلـــــــــى العـلا ××× وتسابقوا نحو الفــــداء وتباروا صبروا لها حتى إنجلت غـــمراتها ×× وانفض من ساحاتها الكــــــــفار فمضى لعلياء الشــهادة مــــنهم ××× نفر كرام خـــــــــــــــــلص أخيار فهم مصابيح الهـــدى وضـــــــــياؤه ××× وهم إذا احتدم الدجى أقمار لهفى عليهم سارعت بهم الخطى ××نحو الجنان وفى النعيم تواروا أسفى على نفسى تبقت خلفهم ×× تنتابها الأهـــــواء والأخــطاروا ألـــــــــم تناوبنى لفقــــــــد أحـــبة ××× مـــن نورهــــــم تتلألأ الأنوار وأقول فى نفسى يمزقنى الأسـى ×× لولا الحياء لهاجنى اســـــتعار ياسيف لاتبكـــــــــي عليك عيوننا ××× إن الدموع على الفوارس عار ياتاج لاترثيك بعــــــتتض حــــــروفنا ××× أو تنتحب لفراقك الأشــــــعار يبكيك اخوتك الذين تعاهــــــــــــدوا ××× عــــــــهدا يوثق عقده الإصرار فبكوك حين تسلحوا بكلاشـــــــهم ×× ×ورثوك إذاما استبسلوا وأغاروا ونعوك حين تجمعوا بمعســـــــــكر ××× وتوجهوا نحو الجنوب وســـاروا ما عادت الدنيا لتملك لبهــــــــــتم ××× أو يسترق قلــــــــــوبهم دينار ما نالـــــــت الأيتــام من تصميمهم ××× أو هد من إصـــرارهم جــــــبار فالغـــرب من إصــــــرارهم متعجب ××× والشرق من توحيدهم مــحتار والله بارك سعيهم فأمدـــــــــــــهم ××× وأعزهم بالفتح حيث أشــــاروا أماه هل ارتاح بعد رحـــــــــــــــيلهم ××× يعتادنى الأحباب والســــــــمار أماه هل يهدأ فؤادى بعدهــــــــــــم ××× ويروقنى الترحال والتســــــــفار وأكون موفور المطاعم متخـــــــــما ××× والجـــــــوع هد عظامهم ـــــنار أنفى تضمخ بالشذا وأنوفــــــــــــهم ××× قد مسهن من المسير غبـــار ورفلت فى خضر الثياب وبيضـــــــها ×× ×وعليهــــم أثر البلى أطـــــــمار أماه لوخيرت بين كفـــــــــــــــــافهم ××× ونعيمنا فنعيمـــــــــــــهم أختار أماه لآ أرتضى مقـــــــــــــام خلفهم ××× إن القعود عن الجهاد صغــــــار لبيك داعى الله نحو الخــــــــــــــلد ××× إن دوى النفير وهبت الأنصــــار لبيك داعى الله فى الميــــــــــدان ××× إن حمى ا########س وزاغت الأبصار أماه لا أرتضى مقام خلفـــــــــــــهم ××× إن القعود عن الجــــــــــهاد صغار
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: Abdlaziz Eisa)
|
طلحة يجازي محنك ياخ -ههه فعلا تعليقي خارج الشبكة -و يا داب فهمت كلامك الاول - !! تعرف قريت سريع المشاركات -و حسيت في ناس دايرين يبلوا شيخنا البوشي بلاً منبريا بلا صالح !! معليش يا فردة !
و اهو براك شايف ! بلْ متنوع !! بل ديني و جزء ادبي و تالت وطني وهلمجرا !
و عموما الدواس المنبري بالنسبة لشيخنا البوشي مقابل دواس كوبر زي (المساج ) ساي !! --- ابو حسين يا عزيزنا - يعني لامن جا دور البوشي للكلام (بصيغة الجماعة ) بقي حرام ! حسع نافع صاحب البوشي حيطة بالحيطة ما قاعد يتكلم بصيغة الجماعة !و بصيغة الشعب كلو و حاكمو زاتو !و مش كدة لو في واحد اتكلم باسمو بس خليك الجماعة بمشي يرميهو في كوبر !
ياخي انت بل الراجل ساي -!
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: salah awad allah)
|
Quote: عبد العظيم احمد ما تقول بقيت مؤتمر وطنى وطرشته الحكاية شنو الحركات البتعمل فيها دى ؟؟؟ |
سلام صلاح عوض الله مافي داعي للتصنيف قبل كده ناقشتك في الخرطوم عن مسألة التحالف او تبني مواقف الحركة الشعبية ..... نحن نعرف تاريخ الحركة الشعبية كويس وتاريخ الانقاذ ... ولكن تعلمنا عندما يكون العدوان ضد الوطن نقف مع الوطن ... ويا صلاح انت في كوستي واحد مواطني كوستي لو ناس الحركة عملوا هجوم علي كوستي كما هجليج ماذا انت فاعل ..... برضوا ح تكونوا قاعدون بعدين موقف بوشي موقف جزب البعث العربي الاشتراكي.. ولنا عوده والقعاد طول
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: هيثم طه)
|
Quote: عبد العظيم احمد ما تقول بقيت مؤتمر وطنى وطرشته الحكاية شنو الحركات البتعمل فيها دى ؟؟؟ |
سلام صلاح عوض الله مستعدون للاعادة ماكتب اولا ما داعي للتصنيفات سؤال هل اذا دخلت الحركة الشعبية مدينة كوستي كما دخلت هجليج التي تقيم فيها هل مع القاعدون وشكرا هل بوشي يتحدث باسم الحزب ام باسمه وشكرا
| |
|
|
|
|
|
|
Re: اذهب قاتل انت وجهاز امنك انا هاهنا قاعدون (Re: عبد العظيم احمد)
|
Quote: أهل الجنوب صوتوا و اختارو الانفصال بنسبة تفوق ال98% ميه ، اهه الانتخابات مزورة ؟
|
وعليكم السلام
محمد الامين احمد
اهل الجنوب صوتوا بهذه النسبة مكرهين عندما وجدوا المؤتمر الوطنى ماطل فى تطبيق اتفاق السلام كما يجب ! صوتوا بهذه النسبة لكى لا يعيشوا مواطنين درجة ثانية فى بلد يمارس ضدهم الاستعلاء العرقى والثقافى ! صوتوا لكى لا يكونوا جزء من دولة تعلى من شان لغة وثقافة وديانة واحدة وفى المقابل ترفض وتحتقر اللغات والثقافات والديانات الاخرى !
Quote: لم يجبرهم احد، هذا خيارهم ، و لكن فى ناس مصره تخليهم غصب تحت حكم الشمال!
|
نعم هذا خيارهم , لكنهم سلكوهو مجبرين ومكرهين للاسباب المذكورة اعلاه!
Quote: والله اذا كان ده بيحل المشاكل فليكن
|
جميل كلامك خلاص افصلوا لينا بلدنا وانا من مواطنى اقصى الشمال , عشان نقدر نستمتع بحقوقنا وهويتنا كاملة دون نقصان بعيدا عن الهوية المفروضة علينا وتانى ما فى زول يجى ينعتنا بالانفصالين اذا انتوا عايزين تقسموا البلد عشان ما عندكم استعداد تدوا الحقوق لناس يشاركونكم الوطن !
Quote: بعقليه نحن هنا قاعدون دى ما ح يكون عندك وطن اساسا، اذا بقيت بتدى كل دولة من عندك حته ! و كون فى مناطق مسروقة من الوطن هذا لا يبرر ابدا ان نعطى مناطق آخرى بالمقابل
|
اولا ديل ما كانوا دولة ولغاية شهر يوليو الماضى كانوا جزء من السودان الفضل وكانوا سيظلوا لو لا رعونة النظام الذى فصل الوطن دون اشراك الاخرين معه حفاظا على كرسيه حلال على النظام كل ما يفعله وحرام على الاخر حتى مجرد ابداء رايه فى ما يفعله النظام !
حتى نكون وطنين وشرفاء وهلمجرا لازم ندور فى فلك الانقاذ وهو الوحيد الذى سوف يحدد لنا متى نفاوض وماذا نقول وماذا نقبل وماذا نرفض ومن نفصل ومع من نتحد ومتى ننفصل ومتى نتحد ومتى نسالم ومتى نحارب وهو الذى يرسم لنا الحدود وعلينا السمع والطاعة فقط , ط ززززززززززززززززززز فى الوطنية يا سيدى هذه حرب لا تخصنى وغير ملزم فى ان يطابق وجهة نظرى مع النظام حتى احصد منكم صكوك الشرف والوطنية!
Quote: معليش ده كلام انشائى ما مفيد الجماعة ديل هم قررور مصيرهم بانفسهم، ليه ما عايز تقر بده |
فى النقطة دى انا بتكلم عن نفسى وممكن ترجع لمداخلتى واقراءها تانى بتمعن !
Quote: هذا الذى تسعى اليه لن يتحق بيد الغريب ، اعملو بيدك ، و دونك ما حصل فى افغانستان و العراق
|
هم البلد موش فصلوها بيد الغريب والا انت فاكر اتفاقية نيفاشا دى سودانية خالصة؟
Quote: بزيد عليك فى الوطنية و لازم تفهم انو لما الحرامى يسرق بيت جيرانك و انت قاعد تتفرج عشان ولد جيرانكم اتشكال معاك الصباح يبقى محتاج تراجع ابجدياتك
|
هى البلد دى بالله زى بيت الجيران ؟ طيب الجيران ما يحرسوا على بيتهم ويخلونى انا احرس على بيتى!
Quote: و لكل من يقول انهم اكثر وطنية و انهم يعتقدون ان جيش الجنوب هو الخلاص ، اذا الحل بسيط اذهب الى جنوب السودان الدولة الوليدة و اخذ جنسيتهم و دافع عن افكارهم و نظامهم هناك ، اليس هولاء اخوانكم كما تقولون ام انكم لا تدلون الطريق
|
ما فى حد دافع لجيش الجنوب ! قلنا هذه الحرب ليست للبلد فيها مصلحة ولا تعنيها فى شئ .. وهى حرب خاصة بالنظام بامتياز وهو الذى يفجرها حسب مصالحه ويطفيها حسب مصالحه ! بالنسبة للذهاب لدولة الجنوب واخذ جنسيتها , افتكر ما محتاج منك ومن امثالك وصية او نصيحة عشان اعمل حاجة زى دى وانا سودانى غصبا عنك ووطنى غصبا عنك وما بالضرورة اتفق معاك فى رؤيتك للسودان ورؤيتك للوطنية عشان انال رضاك ورضا الكيزان والمتوالين معاهم باسم الوطنية !!!!!!!!!!!!
| |
|
|
|
|
|
|
|