|
|
|
 Re: مُـــشــكـلـة دارفـــور؟؟؟!!!. (Re: سفيان بشير نابرى)
|
تشكراتى وعميق امتنانى لمرورك هنا وانزال رابط ما نقلته يا اخى محمد خليل
اسماعيل.
طيب الكلام النقلتو فى البوست ده فيهو حقائق تمام التمام
لكن سؤالاتى ما ذالت فى محلها، خصوصاً انت وريتنا انو دار فور دى
انضمت للسودان (الهسع ده) متين، وطال ما هى فى السودان يا اخوى ليه
بنقول مشكلة دارفور ؟؟؟ وليه زمان برضك بنقول مشكلة جنوب السودان؟؟؟ وبرضوا
لى (هسع) بنقول:- مشكلة شرق السودان؟؟؟ يا كافى البلاء السودان ده وين؟؟؟ ياربى
يكون الخرطوم براهو؟؟؟!!!
والكلام ده ياربى فى عقلية محدده وراهو وعنده سلطانها؟؟؟!!!.
اها حاولوا جاوبنى لانو جد انا منتظر.
| |
 
|
|
|
|
|
|
|
|
Re: مُـــشــكـلـة دارفـــور؟؟؟!!!. (Re: سفيان بشير نابرى)
|
الاخ سفيان سلام
وين ما ظاهر ........
و الله سؤالك مشروع جدا
مشكلة الجنوب...
مشكلة دارفور...
مشكلة الشرق...
تقول دي دول براها
المفترض الناس يقولوا مشكلة السودان
او اقل شئ ينسبوا الاقاليم دي للسودان
لان المشكلة مشكلة السودان كله...
هسع انا خايف واحد ينط لي هنا و يقول لي
انت علاقتك بي دارفور شنو ....
لكن بيبي و بينك كده علي الطلاق مشاكل السودان دي ما بتتحل الا
الكيزان ديل يشتتوا........
حقو الناس كدي ينسوا اقاليمهم ويوحدوا جهودهم عشان المشاكل كلها تتحل مع بعض
و اللا كيف
........... والي
| |
|
|
|
|
|
|
|
|
|
Re: مُـــشــكـلـة دارفـــور؟؟؟!!!. (Re: سفيان بشير نابرى)
|
د/ والى الدين ،،
ياخ شوق شديد ، وينك انت؟؟؟
ياوالى ياخ كلامك ده :-Quote: المفترض الناس يقولوا مشكلة السودان
او اقل شئ ينسبوا الاقاليم دي للسودان
|
بيجيب سؤال طوالى :- طيب ليه؟؟؟!!!
وده الداير اعرفوا.
وطيب ياولى مدام:- Quote: لان المشكلة مشكلة السودان كله...
|
طيب ليه التقسيم بتاع مشكلة شرق وغرب وجنوب دى؟؟؟!!!.
يا ولى انت قلته:- Quote: لكن بيبي و بينك كده علي الطلاق مشاكل السودان دي ما بتتحل الا
الكيزان ديل يشتتوا........
|
كلامك ده ياخ كويس وصاح ، لكن خلينا نكون اكثر دقه وامانه، قبل الكيزان ديل مايجو
كان عندنا مشكلة والناس مسمياها (مشكلة الجنوب) ، وناس الشرق ديل مؤتمر البجا بتاعم
ده من زمان عندونا مطالبات وعندوا حاجات محاتاجها ، وناس الغرب عندهم نهضة دارفور
وكل الحركات المطلبية دى لاحظ لا ساميها (اقصد) مؤتمر البجاء ونهضة دارفور ، واستبعد الحركة الشعبية لتحرير السودان لانها سمت نفسها الحركة الشعبية (مش الحركة الجنوبية) اها شفته مسمياتهم الماخده الطابع الجهوى والمسميات الاقليمية دى دليل على انو فى مشكلة اكبر قاعده تخليهم يقوموا بمثل هذه الحركات .
ودى القصة العايزين نعرفها!!!.
تشكر يا دكتور والى الدين
لك تحياتى.
| |
|
|
|
|
|
|
|
|
|
Re: مُـــشــكـلـة دارفـــور؟؟؟!!!. (Re: سفيان بشير نابرى)
|
العزيز سفيان
سلام
بعيدا عن موضوع البوست
انا رسلت لك في بريدك في الياهو اسألك من رقم هاتفك ولم ترد
والآن للمره الثانيه ارسل لي رقم تلفونك في الماسنجر
لانه انا ماسنجر الياهو ما بقدر اقعد ليها.
حقيقي بتعطلني من مشاغل كثيره.
او راسلني على الياهو بتاعي
وهو ما عندك لكن برسلوا لك بالماسنجر بتاع البورد.
تقديري ومودتي.
تراجي.
| |
|
|
|
|
|
|
|
|
|
Re: مُـــشــكـلـة دارفـــور؟؟؟!!!. (Re: Tragie Mustafa)
|
الاخت العزيزه/
تراجى ،،
تحية طيبة ،،
كيفك وكيف العيال؟؟؟
شكراً على الرسالة الوصلتنى المهم التلفون ح يصلك .
ياتراجى عارف رايك فى قصة السودان ده ، لكن تصدقى موضوع انو يقولوا مشكلة
دارفور ومشكلة الجنوب ومشكلة الشرق ده كلام وراهو كلام !!! وانا عايز اصل
للكلام ده .
الف شكر لمرورك
| |
|
|
|
|
|
|
| |
سفيان بشير نابرى
محمد خليل إسماعيل
Waly Eldin Elfakey
Tragie Mustafa
فيس بوك
تويتر
انستقرام
يوتيوب
بنتيريست