|
|
 سفيان بشير نابري
|
أول حاجة ما عافي ليك كان ما إبتسمت في الأول قبال ما أقول ليك السر ده..
عامل إضنيك الكبار ديل..
إنت البوديك تشرب الموية البتسوي الحصوة شنو يا حبة..
ياخي كفارة و سلامتك
عارف يا منقة مرات بتقفل كده للدين
و الدنيا بتبقى مسيخة و صعبة ... إتذكر بس إنت سايط قلب كم زول بوشيك المطفج ده.. ياخي المرض بروح و بتفضل إنت ده و نريدك زيادة و زيادة
كدي أسمع جدك لوي أرمسترونج ده بعذب التفاؤل ده بالغنا كيف..
و أبقى لينا كويس سريع لو سمحت
سريع خالص بالله
لأنو عندنا حاجات مفروض نعملها سوا..
بس
|
|
 
|
|
|
|
|
|
|
|
Re: سفيان بشير نابري (Re: fadlabi)
|
Quote: إتذكر بس إنت سايط قلب كم زول بوشيك المطفج ده.. ياخي المرض بروح و بتفضل إنت ده و نريدك زيادة و زيادة
كدي أسمع جدك لوي أرمسترونج ده بعذب التفاؤل ده بالغنا كيف..
|
ياسلام عليك يافاضلابي
وهو كذلك سفيان فعلاً سايط قلب كمين نفر
| |
|
|
|
|
|
|
|
|
 Re: سفيان بشير نابري (Re: fadlabi)
|
سلامات يازول يا رائع
سفيان بشير نابري
كيفك وكيف الامور تمام التمام شباب التبلدية. كوم اون لاين مستنينك انت والشباب الف
عافيه يا رائع
اليسد :طلال القاضى" ظــب " كيف اموره قالو لى انو بيعافر مع الغبش ...
سلامات مرة تانيه يازول يا رائع
احتمال تذكر منو هو ؟! على عثمان
| |
|
|
|
|
|
|
|
|
|
Re: سفيان بشير نابري (Re: fadlabi)
|
فاضلابى إزيك
| Quote: إنت البوديك تشرب الموية البتسوي الحصوة شنو يا حبة.. |
زول بحب الشقا بس,
بالله يافضلابى لو لاقيت الزول دا
أو جا بى هنا أقريهو محبة كتيره
دا بعد ماتشيل إنتا منها كفايتك..
ps
شايفكم اليومين ديل إنتو الإتنين مدورين فى تيمه
بتاعت (شتات) و(فرتيق)..
| |
|
|
|
|
|
|
|
|
|
Re: سفيان بشير نابري (Re: fadlabi)
|
طــــق خاااااص
الوريف فاضلابي ...
شوكة شوقك يا وريف .. فاقداك سما "الحزنوم"
تعرف يا فاضلابي " سفيان " ده مافي شي بيقتلو غير شفافيتو الزائده دي " الموية " الحبة مابتسويها
طمنا عليك ..
| |
|
|
|
|
|
|
|
|
|
Re: سفيان بشير نابري (Re: خالد ماسا)
|
أبو مدينة .. سلام .
هو سيدنا العارف بسر السر الإنساني ..
سيدنا الجنايني الحكيم سفيان .
انا أحبه ..
و زيي كتير .
سلام سفيان ..
يا الفي مدينة الجوف ساكن الضرا .
| |
|
|
|
|
|
|
|
|
 Re: سفيان بشير نابري (Re: خالد ماسا)
|
فاضلابي
فيك الخير البتفقد في اصحابك
صدقني حصوة سفيان دي بقت لي قرحه في معدتي عديل كده.
من يوم ما سمعته بمرضه وانا مغمومه وكرهانه الدنيا وحاسه بعجز مبالغ فيه.
صدقني يا فاضلابي
سفيان كان ما وجعه غلبه ما كان كتب لينا عنه.
عشان كده انا حزينه جدا لانه صديقي موجوع و ما عارفه اخفف عنه كيف!!
| |
|
|
|
|
|
|
|
|
|
Re: سفيان بشير نابري (Re: lana mahdi)
|
العزيز سفيان
أجر وعافية وكفارة وسلامتك أيها النبيل.
نتمني ان تتفتت وتفتت معاها كل احزان وهموم الوطن المكلوم.
شكرا فاضلابي على البوست
لكم تحياتي
عماد خليفة
| |
|
|
|
|
|
|
|
|
|
Re: سفيان بشير نابري (Re: fadlabi)
|
شوف البريدوك ديل منو
بس عاين للأسامي و إتذكر الوشوش
و أكرب بطنك كل مغص و عضي الجلابية و أضحك على الحصوة
و ورينا محتاج لشنو
يا شباب كتر خيركم كلكم و عن إذنكم أكورك لعمر التوم ده أضانه:
مشتااااااااااقين ياخ
كيفك يا أبوطويلة
و كيف أختك الشينة دي
| |
|
|
|
|
|
|
|
|
|
Re: سفيان بشير نابري (Re: fadlabi)
|
| Quote: ياخي المرض بروح و بتفضل إنت ده و نريدك زيادة و زيادة |
حبيبنا وعزيزنا النابري أمنياتنا لك بالشفاء العاجل ،وسلامتك والألم بزول وكفارة وألف تحية ليك يازول، وشكراً فاضلابي ولايعرف مقدار الكرام إلا الكرام.
| |
|
|
|
|
|
|
|
|
|
Re: سفيان بشير نابري (Re: fadlabi)
|
WHAT A WONDERFUL WORLD
Louis Armstrong-singer
(George Weiss / Bob Thiele)-lyrics
I see trees of green, red roses too
I see them bloom for me and you
And I think to myself, what a wonderful world
I see skies of blue and clouds of white
The bright blessed day, the dark sacred night
And I think to myself, what a wonderful world
The colures of the rainbow, so pretty in the sky
Are also on the faces of people going by
I see friends shakin' hands, sayin' "How do you do?"
They're really saying "I love you"
I hear babies cryin', I watch them grow
They'll learn much more than I'll ever know
And I think to myself, what a wonderful world
Yes, I think to myself, what a wonderful world
Oh yeah
وده الفيديو للغنية انعل ابو الغنا ذاتو:-
http://www.youtube.com/watch?v=vnRqYMTpXHc&mode=related&search=
| |
|
|
|
|
|
|
|
|
|
Re: سفيان بشير نابري (Re: omar altom)
|
إبن آدم لو كان بيتزرع ، كان شتلنا سفيان ده في أقرب مسقط شمس
ونمنامطمئنين على غدنا الأخضر ..
إنسان من أجمل ما يكون يا ناس ، خفيف وشفيف وزي النسمة ..
وما أحلى لمن يهل عليك بعيونو الطيبة الطفلة اللامعة بحلاوة قلبو ،
يا سلام .. يا سلام ، أنبل واحد فينا وأخفنا وطأة على الآخرين ..
إنسان تقدر تقول إنك بتحبو وإنت آمن من غدر الأيام وتصاريف
الزمان .
سفيان ده ..
تتمنى لو يكون أبوك أو أخوك ، أو حتى صاحبك من زمان .. كلما
يوجع قلبك خاطر تترمي عليهو فتبتسم ؛
سفيان ده ..
عجيب في أصل آدميته ، وطينته ذكية ما زي طينة معظم الخلايق ،
طينه شبه الروح الشايلاها ..
إنسان مختلف وعميق بجد ، وحزنو زي ضحكتو .. الإتنين مكتومين ..
تقترب من فتلمح في عينيه حِمل كبير وإنت عارف إنو عمره لن
يقاسمك حِمله ..
سفيان ده جمل شيل ..
ومن نعماء ربك على الناس أن جعل فيهم زول مثل سفيان ،
طيب ، صافي النفس ، عالي المشارب ..
وكانه في العالم ده الصوفي الأخير ..
| |
|
|
|
|
|
|
|
|
|
Re: سفيان بشير نابري (Re: fadlabi)
|
ياااااااااااااااااا سفيان،،
بعاين لكتابة اصحابك دي و بفرح،،
و احس ان فعلاً الاصدقاء روي الروح،،
فأروي منهم و لا تبتعد،،
كتابة حروفهم تنفس عليك،،
انا يا سفيان كلامي مجروح فيك،،
كيف لا يكون و انت انقي من عرفت؟
كيف لا يكون و انت احن مننا علينا؟
كيف لا يكون و انا أقرأ حروف اصحابك
تبقبق حرف حرف؟
سفيان لا تنقطع و كن بخير
وفير المحبة ضاوي القلب،،
| |
|
|
|
|
|
|
|
|
|
Re: سفيان بشير نابري (Re: fadlabi)
|
Quote: ياخي كفارة و سلامتك
عارف يا منقة مرات بتقفل كده للدين
و الدنيا بتبقى مسيخة و صعبة ... إتذكر بس إنت سايط قلب كم زول بوشيك المطفج ده.. ياخي المرض بروح و بتفضل إنت ده و نريدك زيادة و زيادة
كدي أسمع جدك لوي أرمسترونج ده بعذب التفاؤل ده بالغنا كيف..
و أبقى لينا كويس سريع لو سمحت |
قاضلابى يشهد الله ذكرت راجل
بجيك راجع ليهو ان شاء الله،،،
| |
|
|
|
|
|
|
|
|
|
Re: سفيان بشير نابري (Re: fadlabi)
|
فاضلآآآآآآآآآآآآآآآآبي
انا تمام واختك الشينة دي ما عارفها ما انا زيك شلت شنطتي ودقيت الباب واتخارجت ونزلت في الساحل الشرقي للولايات المتحدة مهاجرا في سبيل( نفسي) لحين اشعار اخر!!!
مودات كثيرة
| |
|
|
|
|
|
|
| |
fadlabi
خضر حسين خليل
الجيلى أحمد
خالد ماسا
Emad Abdulla
Tragie Mustafa
lana mahdi
Imad Khalifa
أبو ساندرا
omar altom
AmroKamal
النذير حجازي
السمؤال بدرالدين
الملك
Moawia Mohammed
طلال عفيفي
Soumeta
صديق الموج
ريهان الريح الشاذلي
فيس بوك
تويتر
انستقرام
يوتيوب
بنتيريست