|
|
|
 Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: Fadl Karrar)
|
Quote: سفيان
ممكن أعرف إنت فرحان لي شنو؟؟
دا ما حجر عليك إنك تفرح بس ممكن أعرف سبب فرحك ؟
يمكن نفرح معاك
فضل كرار |
سلام يافضُل كرار سلام ياصاحبي
والله فرحان لانو أبناء جنوب السودان اللغة العربية
مالغتهم الرئيسية ولانو منهج اللغة العربية
كان منهج قاسي عليهم باعتبار أنه ليس اللغة
الام بالنسبة لهم وكان من الصعوبة بمكان أن يلبي
تصوراتهم الذهنية وحتى انه لا يقارب أو يدنو من اي تصور
خيالي مستقر لهم في ذهنيتهم باعتبار أن اللغة
في منهج التعليم السوداني المتبع منهج يستلب واقعهم
المعاش والمحلي لواقع أخر مختلف من واقعهم بالكامل.
وفرحان لانو اللغة الانكليزية هي لغة العلم وأنو طالما
اننا في السودان نحتاج للتنمية والتقدم فلازم استثمارنا
في التنمية يبدأ اساسه الانسان باعتباره هو رأس المال الرئيسي
في عملية التنمية والنماء والتقدم.
دى اسباب فرحي وفرح شديد كمان.
محبتي لك
| |
 
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: من حق اهل الجنوب ان يفرحوا بدحر اللغة العربية التى كانت السبب فى تخلف الاقليم الجنوبى
وكانت عائقا امام التنمية والمعرفة ومن حقهم ان يفرحوا باحلال اللغة الانجليزية لغة الرجل
الابيض رمز التقدم والحرية والديمقراطية
طيب انت فرحان ليه؟
الاسم والصورة يدلان على انك ليس من اهل الجنوب |
سلام يا أحمد التجاني
سلام وتقدير ومرحباً بي معك في هذا الفضاء
ما اظن أنو الموضوع دحر أو حاجة بالشكل ده ، ببساطة ده حق طبيعي وموثق له
في مواثيق الامم المتحده فيبقي حقهم الطبيعي ده كان غائب منذ 40 عام وهسي
هم بدوا استعادته .
كمان يا احمد ما اتخيل لي انو اللغة الانكليزية هي لغة الابيض اللغة الانكليزية هي
لغة العلم والتقدم وهي وضعت لنفسها المكانة دي لانه فعلاً ساهمت في تقدم الانسانية
وانتجت بها كثير مما ينفع الناس .
لك سلامي وتقديري.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: بكري اسماعيل)
|
Quote: النكسة التي أصابت التعليم في السودان كانت بسبب إحلال اللغة العربية مكان اللغة الإنجليزية وهذا رأي الذين عاصروا تلك الفترة ..
سياسات التعريب التي طبقت مؤخراً في الجامعات والمعاهد العليا أيضاً كان لها نصيب الأسد في تدني مستوى الكادر الوظيفي وهذه حقيقة لا يختلف حولها إثنان إذن لماذا لا ننادي بعودة اللغة الأنجليزية بدلاً عن العربية ..
|
سلام يا بكري ود عمي إسماعين سلام
اشكرك علي هذه الاضافة وياريت يا بكري
تفصل في الموضوع اكتر .
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: سلام يافضُل كرار سلام ياصاحبي
والله فرحان لانو أبناء جنوب السودان اللغة العربية
مالغتهم الرئيسية ولانو منهج اللغة العربية
كان منهج قاسي عليهم باعتبار أنه ليس اللغة
الام بالنسبة لهم وكان من الصعوبة بمكان أن يلبي
تصوراتهم الذهنية وحتى انه لا يقارب أو يدنو من اي تصور
خيالي مستقر لهم في ذهنيتهم باعتبار أن اللغة
في منهج التعليم السوداني المتبع منهج يستلب واقعهم
المعاش والمحلي لواقع أخر مختلف من واقعهم بالكامل.
وفرحان لانو اللغة الانكليزية هي لغة العلم وأنو طالما
اننا في السودان نحتاج للتنمية والتقدم فلازم استثمارنا
في التنمية يبدأ اساسه الانسان باعتباره هو رأس المال الرئيسي
في عملية التنمية والنماء والتقدم.
دى اسباب فرحي وفرح شديد كمان.
محبتي لك |
العزيز سفيان.
كلامك موزون جدا, ويعبر عن وعي كبير من جانبكم.
ملكة سبأ.
شايفك رديتي بعفوية شديدة ولا تخلوا من فكر عفا عنه الزمن.
أما مسألة التخلي عن اللغة العربية في الوقت الحالي, فهو مهم جدا ومن صالح اللغة العربية أن تبعد نفسها من القهر والظلم الذي صاحب فرضها في جنوب السودان. وسوف يأتي الوقت المناسب وينسى أهل الجنوب كل المصائب التي أتت مع دخول اللغة العربية للجنوب وسوف يقبلون عليها طوعا وليس فرضا.
دينق.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: محمد فرح)
|
Quote: وفرحان أوي
سأستشهد لك برأي الدكتور فاروق كدوده
Quote: هناك خطوره من إستبدال اللغه العربيه لأن اللغه العربيه هي شكل من أشكال الوحده ويجب الإلتفات لقضية الوحده جيداً ..
ولك من الود مؤونة عام |
سلام يا محمد فرح
وانشاء الله الفرح يتقدمك ويبراك
ايوة فرحان والله
وكلام دكتور كدودة مافي زول بياباهو لكن الكلام بتاعو ده من وجهة نظري غلط ولو جد جد صح وانو اللغة العربية شكل من اشكال الوحدة ما كان كل المحارق دي حصلت !!
كيف هي شكل من اشكال الوحدة يا محمد فرح و لحدود يوم الليلة جنوبيين كتار جداً بينكشحو برة مؤسسات التعليم بي سبب اللغة العربية ؟!!!
محمد فرح يا اخوي شايفك توزع في العواطف بعبارأت المؤونة وكمان بالكميات
من اين لك هذا 
تقديري لك
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: Quote: لأن اللغه العربيه هي شكل من أشكال الوحده
ابدا يادينق .. انا رديت على أساس نفس الفكرة الفوق دي |
سبا ياملكة.
للاسف الشديد اللغة والثقافة العربية والاسلام أستخدموا لقمع أهل الجنوب لا أكثر ولا أقل. لذلك أهل الجنوب ينظرون للغة العربية بهذا الطريقة, ولن يتغير هذا الفهم بين ليلة وضحاها. لذلك من الافضل فك مثل هذا الالتباس الان قبل غدا. صدقيني يا ملكة سبأ أن الذي يوحد أهل السودان اليوم عامل اللغة لا دخل له به أبدا. هناك الكثير يجب أن يتم في السلطة المركزية لكي يتوحد السودان.
دينق.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: حيدر حسن ميرغني)
|
Quote: الاخ العزيز سفيان
الشيخ الترابي نفسه قال في احد ردوده على الذين كانوا يهاجمونه في إشعاله فتيل الحرب المقدسة في الجنوب [ إن محاربتهم افضل من دعوتنا لهم للاسلام.... لأن في إسلامهم تخريب للغة العربية الفصيحة]
فلندع أهل الجنوب يتعلمون باللغة التي تناسبهم |
حيدر سلام وتقدير
شكراً علي المداخلة
وبالفعل من حق اهل الجنوب واهل كافة مشارق الارض ومغاربها
التعلم بلغة التي تناسبهم دون فرض اي لغة عليهم .
مقولة دكتور الترابي لم تغدوا مقولة فقط هذا الرجل قالها
وأمر شيعته ومناصرته بأن يفعلوا التقتيل ليكون حصاد السودان
هو الحصاد الحالي ودكتور الترابي لم يأتي بهذا من بعيد بل هو
أمر يحدث في السودان (هنا لا اقصد التقتيل بل اقصد القهر والفرض)
منذ الاستقلال لكن دكتور الترابي شرع وسرع فيه بالايديلوجيا فكان الموت
والوبال علي الجميع .
تحياتي لك.
| |
|
|
|
|
|
|
|
|
 Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: أبو عبيدة البصاص)
|
ابوعبيدة البصاص سلام واحترام
والله يا ابوعبيدة زي ما بيقال جبتها من قاصره
اها عشان ما يجي زول يقولني كلام ما قلتو (من
قاصره دي) انا ما قاصد بيها العلم بل قاصد بيها
انو اي مسلمة عن السودان وعن وحدتو دي نجيبها ونقلبه
ونفتشه ونتناقش فيها ويا تبقي مسلمة جد جد يا تمشي لي
حال سبيله ، لانو ببساطة ما معقول سودان نال استقلالو من
1956م لحدود يوم الليلة فيهو حروبات بين ابناء الوطن الواحد
وما معقول سودان باستقلال من التاريخ داك لحدود يوم الليلة فيهو
ناس ما بيكملوا مشروع قرايتهم لانهم سقطوا في مادة اللغة العربية!
اها يا جماعة المسلمات بتاعة الوحدة البينقال عليها دي لازم تتهزه
صح الصح عشان تكون في وحده صح.
والا كيف يا صاحب؟!
كن بخير
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: أبو عبيدة البصاص)
|
| Quote: كيف هي شكل من اشكال الوحدة يا محمد فرح و لحدود يوم الليلة جنوبيين كتار جداً بينكشحو برة مؤسسات التعليم بي سبب اللغة العربية ؟!!! |
الأخ العزيز سفيان
اللغه العربيه إنتشرت في الجنوب جنباً لجنب إلى جوار الإنجليزيه حتى ظهر مايسمى بعربي جوبا وفي الإبتدائي درس معي زميل جنوبي كان يحرز في اللغه العربيه 100% ...
إلغاء التدريس بالعربيه سيلغي رابط قوي بين الشمال والجنوب وهو رابط اللغه وقد ينشيء جيل لايعرف من اللغه العربيه غير السلام عليكم وعندها ينقطع رابط قوي جداً يربط بين الشمال والجنوب وهو رابط اللغه ...
رغم أن الدستور قد كفل حق الإنفصال للإخوه الجنوبيين لكنني شخصياًأرفض هذا الخيار تمامالأنه قد يكون أسوأ حدث في تاريخ السودان القديم والحديث والان العالم بأكمله يتجه للإتحادات الإقليميه والدوليه ونحن نزداد ضعفاً وتمزقاً ....
الحل الأمثل في رأيي إعادة التدريس باللغه العربيه في الجنوب أو التركيز الشديد على منهج اللغه الإنجليزيه في الشمال والان الخريج الجامعي لايستطيع أن يركب كلمه واحده بالإنجليزيه وهذه مأساة المقرر الجديد المهتريء ....
في إعتقادي تغيير لغة التدريس في الجنوب للإنجليزيه طوبه أخرى في بناء الإنفصال هذا لو كان للإنفصال بناء ...
مخزون الود لدي بدأ ينفد لكن هذا لايمنعني من منحك مؤونة عامين من الود  قصرت معاك
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: محمد فرح)
|
سلام يا محمد فرح سلام ومعزة وتقدير
يامحمد شوف معاي كلامك ده :- Quote: الأخ العزيز سفيان
اللغه العربيه إنتشرت في الجنوب جنباً لجنب إلى جوار الإنجليزيه حتى ظهر مايسمى بعربي جوبا |
اها جنباً لجنب دي فيها كلام كتير جداً جداً لانو ببساطة في تاريخ السودان القريناهو ده في كلام واضح
بيقول الانكليز عملو قانون المناطق المقفوله وحموا الشماليين يدخلو هناك أها جنباً لي جنب القلتها انت فوق دي بتروح فين ؟!!!
اما ده :- Quote: إلغاء التدريس بالعربيه سيلغي رابط قوي بين الشمال والجنوب وهو رابط اللغه وقد ينشيء جيل لايعرف من اللغه العربيه غير السلام عليكم وعندها ينقطع رابط قوي جداً يربط بين الشمال والجنوب وهو رابط اللغه ...
|
يا محمد يا اخوي مافي رابط للغة صدقني ياخ لو قصدك عربي جوبا يبقي يا محمد انت محتاج فعلاً انك تاخد مهلة مع نفسك وتفكري تمام انو الاسمو عربي جوبا ده خلقو القهر والحوجة يعني ما فيش وحده يا محمد ولو كانت في طيب ليه الحرب والغبن ده ؟؟!! عليك الله يا محمد اللغة رابط ؟؟! في ذمتك دي رابط !
اما كلامك ده :-
Quote: رغم أن الدستور قد كفل حق الإنفصال للإخوه الجنوبيين لكنني شخصياًأرفض هذا الخيار تمامالأنه قد يكون أسوأ حدث في تاريخ السودان القديم والحديث والان العالم بأكمله يتجه للإتحادات الإقليميه والدوليه ونحن نزداد ضعفاً وتمزقاً ....
|
يا محمد فرح احساسك وشعورك ده اكون كضاب لو ما قلته ليك انها كويسه لكن الشعور والاحساس ديل ما ح ينفعوا لانو جد مسأئل الضعف والفقر والجهل والمرض اساسهم هو مركزي وما يمارسه المركز علي الاطراف صاحبة الثقافة الغير عربية.
اما توجه العالم لاتحادات اقليمية ودولية فدا موضوع كويس مالو لو عملنا اتحاد اقليمي مع الجنوب او الشرق او الغرب او حتي الشمال اقلاهو بيكون قايم علي اساس الندية والاحترام .
Quote: الحل الأمثل في رأيي إعادة التدريس باللغه العربيه في الجنوب أو التركيز الشديد على منهج اللغه الإنجليزيه في الشمال والان الخريج الجامعي لايستطيع أن يركب كلمه واحده بالإنجليزيه وهذه مأساة المقرر الجديد المهتريء ....
|
يا محمد حلك ما بطال بس خليني اقول ليك انو دي مسائل بتاعة حقوق وهي ما منة ولا مكرمة يعني ده حق طبيعي وعشان يكون في سودان حقيقي يبقي لازم من دولة مدنية ودمقراطية ودولة قانون بعديها ح تقوم الوحدة الحقيقية اما مسالة التعليم في السودان فيجب أن يفرض فرض التعليم بالغة الانكليزية لانها لغة العلم والتطور .
انا لا اتفق معك علي هذا :-
Quote: في إعتقادي تغيير لغة التدريس في الجنوب للإنجليزيه طوبه أخرى في بناء الإنفصال هذا لو كان للإنفصال بناء ...
|
والتعليم بالغة الانكليزية هو مسألة مهمة للجنوب من اجل البناء والتقدم أما بناء الوحدة فهو رهين بجدية ايجاد دولة حقيقية يكون القانون منهجها بضمان كامل لكفالة كافة حقوق الناس دون اي تمييز .
| Quote: مخزون الود لدي بدأ ينفد لكن هذا لايمنعني من منحك مؤونة عامين من الود قصرت معاك |
يازول ربك يهون وياريت يحلج ليك بلف مايكمل كلو كلو والمؤونة تنفتح عليك وتشيل وتغرف وتدي الناس
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: الاخ دينق
سلامات
بعيداً من الافريقانيه والقومية العربية وقصة البيضة والدجاجه
هل حقاً هناك تاسيس لوحده داخل هذه الخريطة المتهالكه
ام هناك تهيئة لعملية انفصال يرفض الطرفان الاعلان عنها ؟ |
الاخ أبو عبيدة.
أسف لمناداتك بأسم عادل.
إجابة قصيرة لسؤالك.
الجنوبين لا يرون أن هناك من يريد الوحدة في الشمال. فهم يرون أن الحديث عن الوحدة يختلف كثيرا عن العمل من أجلها.
السودان بحاجة الى قيادة قوية ووطنية تتخذ قرارات تاريخية تضع السودان في الوضع الصحيح. الوحدة بشكلها الحالي لن ترضي أهل الجنوب ابدا.
فمن المستحسن لهم الانفصال.
دينق.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: Deng)
|
اخي دينق
اذن ليؤسس الجميع لهذا الانفصال
| Quote: السودان بحاجة الى قيادة قوية ووطنية تتخذ قرارات تاريخية تضع السودان في الوضع الصحيح |
لان القيادات التي ذكرت لابد ان نستوردها
حتى تؤسس لما ذهبت اليه
ثم ان ما يحدث منذ اتفاقات السلام
لم تدعم الا عدم الثقة بين الطرفين ..
عفواً لحظه :
هل حقاان على الشمال ان يدفع اغلاط خمسين عاماً
حتى يصدق نيته في الوحده (الجاذبه)
حقاالوحده والغول والعنقا والخل الوفي
البصاص
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: Deng)
|
| Quote: الحل الأمثل في رأيي إعادة التدريس باللغه العربيه في الجنوب أو التركيز الشديد على منهج اللغه الإنجليزيه في الشمال والان الخريج الجامعي لايستطيع أن يركب كلمه واحده بالإنجليزيه وهذه مأساة المقرر الجديد المهتريء .... |
يا فرح بتبالغ عايز تدرس الإنجليزية في الشمال و العربية في الحنوب
طيب ما قلنا خلو الجنوبين يختصروها ومن البداية يمشوا على الإنجليزية
بدل ما يتعذبوا بلغة عارفين حدهم معاها قريب..
عربي جوبا لغة هجينة ما بين العربية ولغات أخري من ضمنها الانجليزية
مثلها مثل لغة النوبي بكينيا و يوغندا و تطورها يتجه في إتجاه يبعدها عن العربي
و يتوقع ان تصبح مثلها مثل السواحيلي في شرق أفريقيا ، واللينقالا في الكنغو
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
الإخوه عبدالباقي وسفيان
| Quote: يا فرح بتبالغ عايز تدرس الإنجليزية في الشمال و العربية في الحنوب |
أخ عبدالباقي
أناإقتراحي كان بشتمل على حلين :
إما الإبقاء على التدريس باللغه العربيه في الجنوب أو زيادة جرعات اللغه الإنجليزيه في مدارس الشمال لأن اللغه عامل مهم في الوحده لأنه لايختلف إثنان على الضرر الذي سيلحق بالشمال والجنوب معاً إذا ماإنفصل الجنوب لاقدر الله وأخاف أن يعض إخوتنا الجنوبيين أصابع الندم إذا ماأخطئوا التقدير ورأوا أن طريق الإنفصال أفضل لهم ...
| Quote: عربي جوبا لغة هجينة ما بين العربية ولغات أخري |
عربي جوبا كما ذكرت هولغه هجين
أحببت هنا أن أوضح للأخ سفيان أن هذه اللغه لم تفرض على الجنوبيين للحياه كماذكر ولكنها نشأت من خلال التعايش الجميل بين الشماليين والجنوبيين من خلال التعاملات التجاريه على مر السنين ومن خلال التزاوج وقد عاش أهلنا في الجنوب ردحاً من الزمن وعملوا بالتجاره وكانت العلاقات بالجنوبيين كلها علاقات حميميه مغلفه بالحب .. وأهلنا الجنوبيين عندما يتزوج شمالي منهم تناديه كل الأهالي بالـ(نسيب) وتكون له مكانه خاصه عندهم .....
أخ سفيان أرى أنك تكرس وتناول الطوب لمن يشيدون مبنى الوحده وأخاف أن نندم جميعنا إذا ماإنفصل الجنوب لابد من دفن أحقاد الماضي والتوجه للأمام ..
لابد من أن نحافظ جميعنا على بناء الوحده ودعمه وجعل الوحده جاذبه للجميع ...
ولكما مؤونة عام من الود
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
تحياتي وسلامي يا محمد فرح
Quote: عربي جوبا كما ذكرت هولغه هجين
أحببت هنا أن أوضح للأخ سفيان أن هذه اللغه لم تفرض على الجنوبيين للحياه كماذكر ولكنها نشأت من خلال التعايش الجميل بين الشماليين والجنوبيين من خلال التعاملات التجاريه على مر السنين ومن خلال التزاوج وقد عاش أهلنا في الجنوب ردحاً من الزمن وعملوا بالتجاره وكانت العلاقات بالجنوبيين كلها علاقات حميميه مغلفه بالحب .. وأهلنا الجنوبيين عندما يتزوج شمالي منهم تناديه كل الأهالي بالـ(نسيب) وتكون له مكانه خاصه عندهم .....
أخ سفيان أرى أنك تكرس وتناول الطوب لمن يشيدون مبنى الوحده وأخاف أن نندم جميعنا إذا ماإنفصل الجنوب لابد من دفن أحقاد الماضي والتوجه للأمام ..
لابد من أن نحافظ جميعنا على بناء الوحده ودعمه وجعل الوحده جاذبه للجميع ...
ولكما مؤونة عام من الود |
طيب يا محمد فرح النكلمك ضحي (زي مابقول الجريفاوي صاحبي) ليه اتهجنت ؟؟؟!!! مُش برضك سؤال ؟؟
ماهو لو اتهجنت معناها في مكنزمات الزمته انها تتهجن فيبقي ايه هي المكنيزمات دي بقي ؟؟!! وهو ده السؤال الجد جد العايز اجابة لانو بيني وبينك مافيش حاجه كده سااااي .
عارف يامحمد فرح اكعب حاجة في الدنيا دي هي الانشاء الاليها طائل لانائل زي جنس كلامك عن التعايش ما بين الشماليين والجنوبيين وبتقول عليهو كمان جميل يازول بي صحك انت !!!؟ طيب يامحمد فرح يبقي تعايش وجميل ومعاملات تجارية ونسابة وزواجات وحميمية ليه تبقي (مغلفه) بالحب ياخ ده حب راسو واخوه عديليين ليه يتغلفو؟!!! والا الانشاء والنضمي (هبتي ربتي) ساي كده!!! طيب ده كلو قول حاصل الحرب في شأن شنو ؟!!!
يامحمد فرح شهيدك الله بجنس نضميك ده و(طبطبتك) دي الا تكون عايز تربط الجروح بكل الفيها بدون نضافه ودي نفس الشغلانية السوها حكام السودان منذ الاستقلال لي يوم حرفي وحرفك ده وعشان الكلام يكون (مقنب) صح جنس كلامك ده هو البكرس للمشاكل وانفلات الوحده لانو وحده بسهولة وبساطة وضياع حقوق ناس في القرن الواحد وعشرين دي تاني مافي كو.
يبقي عشان سودان موحد كاملاً لازم نعرف نقيف صح ونصلح صح عشان يكون سودان صح .
والا ككيف ؟
بشكرك يامحمد فرح علي الود والله شكر شديد.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
كيف أصبحت يا سفيان
الوحدة التي ينشدها الإخوة بين الجنوب والشمال لا تحتاج إلى لغه بقدر ما تحتاج إلى تصفية النفوس وقبول الآخر وهو ما لا يتوفر حالياً ..
في اعتقادي أن التعريب بالإضافة إلى السياسات الإقتصادية التي مازال المواطن يدفع ثمنهابجانب الحرب الجهادية في الجنوب ، تعتبر من أفدح الأخطاء التي ارتكبها النظام وهو في عنفوان ثوريته ولم يدرك تبعات ذلك إلاّ بعد فوات الأوان ..
فاللغة العربية أسهمت في تدمير المناهج الجامعية وذلك لعدم اكتمال التعريب في غالبية المراجع العلمية فطلاب الدراسات العليا بالخارج هم من يشعر بهذا بل أن بعض شهادات البكالوريوس عند معادلتها في بعض الدول لا تتعدى الانترميديت .. والغريب في الأمر أن يشجعون العربية يدرسون أبناءهم في مدارس خاصة تعتمد على اللغات الأجنبية وبعضهم لا يعترف بالجامعات السودانية ويبتعثون أبناءهم للدراسة بالخارج فلماذا يستكثرون علينا نحن ؟
نتمنى أن تكون خطوة إعلان اللغة الإنجليزية بالجنوب فاتحة خير لكل السودان ..
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: بكري اسماعيل)
|
سلام يابكري ود عمي إسماعين
كيفنك ؟؟
اهو يابكري كلام سليم 100% :-
Quote: الوحدة التي ينشدها الإخوة بين الجنوب والشمال لا تحتاج إلى لغه بقدر ما تحتاج إلى تصفية النفوس وقبول الآخر وهو ما لا يتوفر حالياً ..
|
واي زول بيفتكر انو اللغة وما اللغة محتاج يشوف كويس ويراجع التاريخ تمام عشان كل شي يمشي صاح ولما نقيف عشان نبني نبني ونحنا واعين .
Quote: في اعتقادي أن التعريب بالإضافة إلى السياسات الإقتصادية التي مازال المواطن يدفع ثمنهابجانب الحرب الجهادية في الجنوب ، تعتبر من أفدح الأخطاء التي ارتكبها النظام وهو في عنفوان ثوريته ولم يدرك تبعات ذلك إلاّ بعد فوات الأوان ..
فاللغة العربية أسهمت في تدمير المناهج الجامعية وذلك لعدم اكتمال التعريب في غالبية المراجع العلمية فطلاب الدراسات العليا بالخارج هم من يشعر بهذا بل أن بعض شهادات البكالوريوس عند معادلتها في بعض الدول لا تتعدى الانترميديت .. والغريب في الأمر أن يشجعون العربية يدرسون أبناءهم في مدارس خاصة تعتمد على اللغات الأجنبية وبعضهم لا يعترف بالجامعات السودانية ويبتعثون أبناءهم للدراسة بالخارج فلماذا يستكثرون علينا نحن ؟
نتمنى أن تكون خطوة إعلان اللغة الإنجليزية بالجنوب فاتحة خير لكل السودان .. |
يابكري اذا كان المقصود بالتعريب هو سياسات التعريب في المؤسسات التعليمية في السودان بتفق معاك انو كلامك صح بس ح ازيد عليك في موضوعة التعريب اكتر من كده ايوة بزيد انو السودان ده فيهو اسلمة وتعريب شديدين جداً وقصد مؤسسي في اعادة انتاج ثقافة الاخر في داخل بناء الثقافة الاسلامو عربية وده ما كان في ظل النظام ده ده كان منذ آمد بعيد جداً .
اما الكلام عن انو اللغة العربية والتعريب الاتمارس في المؤسسات فمافي شك انو الدمار شامل .
كن بخير .
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: غباشي)
|
تحياتي يا غباشي وسلامى
Quote: ليست المشكلة ان اللغة العربية هي التي كانت سائدة ... أو انها الأفضل بقدر ما أن التجاهل الكبير الذي طال بقية اللغات
التي من كان من شأنها تغيير ملامح وثقافة المواطن السوداني
علينا أن نسأل أنفسنا سؤلا واحداَ ... بعد كل هذه السنوات .. هل حقا إستفدنا من إستئساد اللغة العربية في التعليم ؟ وإلى أي مدى؟
وهل أصبح جميع السودانيين من اهل البلاغة و أحبار اللغة ؟
من هذا يتضح أن اللغة العربية مفترى عليها فقط , بدليل انه لم تتم الإستفادة منها بقدر المساحة التي أفردت لها ...
حقيقة .... تجاهل اللغات الأجنبية عامة و الأنجليزية خاصة أضر بالجميع !!!
|
تعرف يا غباشي لما قريت مداخلتك دي ركزته في في الجل ديل (كانت سائدة) و (أو انها كانت الافضل) لقيت أنو فعلاً في مشكلة بتكمن في ضبط الحديث عن اللغة العربية في السودان فالغة العربية في السودان لغة مدرسية (حدها الدراسة الاكاديمية وحيشان دار التعليم) برة في الشارع العام الكلام ببقي تاني وتداخل اللغات السودانية وعربينا بيبقي بيخصنا برانا بدون نحو وصرف وبلاغة وتعريض واعراب ، وطالما انو الغات والثقافات السودانية التانية طاله (تجاهل) - اذا تواطأنا علي تسميته بهذه السهولة- فلازم برضو نعرف أنو التجاهل ده ماتمه بالشكل الطبيعي والانتخابي والدليل اهو مواقف الرفض واحساس الغبن والاحتقان العرقي والديني والثقافي واللغوئي في السودان ماجديد واستمره لحدود ما انفجر بحروبات طويلة جدا .
اما السؤال هل استفدنا من العربية كلغة فيا غباشي يا صديقي العربية كلغة في ذات نفسها عاجزة عن انتاج المعارف والعلوم وهي لغة تاريخانية مصاحبها عقل كامل الفشل في التعايش والتداخل مع التطورات التكنلوجية والمعرفية والحضاري وده كلام بينقال منذ زمن وماجديد في ازمة العقل العربي فموضوعة الاستفادة منها بيبقي موضوعة تفتقد الشروط الحقيقية لانو اي حاجة عايزين نستفيد منها بالضرورة أنها تقدر تجاوبنا علي شروط مايسمي بتقدم الحياة ومتطلباتها .
غباشي يقني انك تعلم ضرورة التعلم بالغة الانكليزية واهل الجنوب حسموا الامر وتبقي الاخرون.
تحياتي لك يا صديقي.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: منصوري)
|
تحياتي وسلامي لك اخي منصوري
Quote: أوع يكون برضو اللغة الإنجليزية مفروضة على المواطن العادي الجنوبي الكادح؟
|
اللغة الانكليزية حتكون في مناهج التعليم المدرسي والمواطن العادى لو في الشارع العام قصدك بيبقي
علي كيفو .
تعرف يا منصوري كلامك ده :-
| Quote: التعامل اليومي.. والواقع المعاش هو الذي يمثل الصورة الباقية.. |
صح 100% اي بلد في تعدد زي السودان ده وحدتو بتكون رهينه بالواقع المعاش والتداخل اليومي شريطة انو مؤسسة الدولة تدير مسألة التعدد ده عبر دستور وقوانين تبعد اي تميييز ولانو ده ما حصل ولا حاصل في السودان فحالنا بقي زي ماشايف .
لك شكري وتقديري .
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: طيب يا محمد فرح النكلمك ضحي (زي مابقول الجريفاوي صاحبي) ليه اتهجنت ؟؟؟!!! مُش برضك سؤال ؟؟
ماهو لو اتهجنت معناها في مكنزمات الزمته انها تتهجن فيبقي ايه هي المكنيزمات دي بقي ؟؟!! وهو ده السؤال الجد جد العايز اجابة لانو بيني وبينك مافيش حاجه كده سااااي .
عارف يامحمد فرح اكعب حاجة في الدنيا دي هي الانشاء الاليها طائل لانائل زي جنس كلامك عن التعايش ما بين الشماليين والجنوبيين وبتقول عليهو كمان جميل يازول بي صحك انت !!!؟ طيب يامحمد فرح يبقي تعايش وجميل ومعاملات تجارية ونسابة وزواجات وحميمية ليه تبقي (مغلفه) بالحب ياخ ده حب راسو واخوه عديليين ليه يتغلفو؟!!! والا الانشاء والنضمي (هبتي ربتي) ساي كده!!! طيب ده كلو قول حاصل الحرب في شأن شنو ؟!!!
يامحمد فرح شهيدك الله بجنس نضميك ده و(طبطبتك) دي الا تكون عايز تربط الجروح بكل الفيها بدون نضافه ودي نفس الشغلانية السوها حكام السودان منذ الاستقلال لي يوم حرفي وحرفك ده وعشان الكلام يكون (مقنب) صح جنس كلامك ده هو البكرس للمشاكل وانفلات الوحده لانو وحده بسهولة وبساطة وضياع حقوق ناس في القرن الواحد وعشرين دي تاني مافي كو.
يبقي عشان سودان موحد كاملاً لازم نعرف نقيف صح ونصلح صح عشان يكون سودان صح .
والا ككيف ؟ |
الاخ سفيان وهنا يكمن مربط الفرس.
دينق.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: Deng)
|
سلام يا دينق وتقدير
ياصاحب عشان تتبني دولة حقيقية لازم الناس تكون عملية وموضوعية وامينة
ومافيش دولة بتتبني بالاحلام والاوهام ساي والحاصل والبيحصل في السودان الفيهو
اكتر من كم مية قبيلة وفيهو الميات من اللغات ماعايز اي عقل واعي عشان يدلل
انو في قهر وظلم وانو القهر والظلم ده اكتر ناس بيتضرروا منو هم القاهرين في
ذات نفسهم لانو ابسط حاجة بيضعهم في موضع غير انسانى وغير ادمي وبشري ، فعلاً محتاجين
يشوفوا صح ويعاينو صح ويبطلوا تعامي.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: P يا صديقي،
وبعد:
شنو يا سفيان نحنا مش عندنا إتفاقية ترجمة من الإنجليزي للعربي سوا؟
شريتني كتير يا صاحب،و معاي زولة بتعرفها....
المهم،
البوست شكلوا ماشي على اللغات.. نخليهو يستمر
مع محبتي التي تعرف |
الله يجازي شيطانك يامازن
البوست مسخن وحيمشي تمام تجيني بي جنوناتك !
غايتو علي العموم من البوست ده :- اعلم يا صديقي
انو الانكليزي من هنا لي قدام ببقي موووووووويه
والاشيه معدن والريح موافي زي مابقول عيال المحروسه
وسلامي للزولة شديد
وانا عند وعدى بس اتحرك انت .
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: سفيان بشير نابرى)
|
Quote: خطوة محمودة وثمرة ناضجة للكفاح الطويل الذي خاضته الحركة الشعبية
تحرير السودان بقيادة الزعيم الخالد جون قرنق. |
تحياتي صديقي عثمان تراث
والمجد والخلود لجون قرنق ديمبيور
الذي يظل اهم عقل وقادر مر علي تاريخ
السودان .
Quote: لقد اطل على معلمي اللغة الانجليزية القداااااااااااااااااام فجر جديد فهنيئا لهم .
لو تدخلت منظمات الامم المتحدة بدعم التوجة ماديا فقطعا سيعود معلمو اللغة الانجليزية المنتشرون في انحاء العالم للعمل في بلادهم لو قدرت لنا الوحدة . |
الاخ الفاضل والمربي الطيب شيقوق
سلامي وتحياتي
وبارادة قوية وحقيقية ستكون الوحدة ويعود للتعليم مجده
فقط نحتاج أن نكون اقويا في مواجهة انفسنا والاعتراف بما
يجعلنا نتغاضي عن كل المظالم .
تحياتي لك.
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: الطيب شيقوق)
|
تحياتى وسلامي اليك اخي /
الطيب شيقوق
Quote: فقط نحتاج أن نكون اقويا في مواجهة انفسنا والاعتراف بما
يجعلنا نتغاضي عن كل المظالم .
هذا كلام عقل يا نابري
|
اشكرك بان تكرمت علي بجميل قول اتمني أن اكونه .
بالفعل استاذي العزيز التغاضي عن المظالم والغبن مسألة ليست بسيطة واظن أن كثيرين جداً يعلمون حقيقة الملهاة والمأساة في السودان لكنهم لايمتلكون الشجاعة في نبذ هذه الاشياء والمواقف وعجلة النماء والتقدم والاذدهار والتنمية في سودان التعدد رهينة لاستعادة أبناء شعبنا لهذه الشجاعة و
مهما طال الزمن ودار وتقلب ليس في وسع سوداننا النهوض بغير اكتسابنا لهذه الشجاعة ومواجهة انفسنا
بها .
تحياتى لك
ــــــــــــــــــ
الرجاء مراجعة الماسنجر الداخلي
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: عثمان عجبين)
|
| Quote: بالفعل استاذي العزيز التغاضي عن المظالم والغبن مسألة ليست بسيطة |
نعم اخي نابري
دعنى اروى لك ما قاله الاستاذ محمد احمد المحجوب المحامي عندما كان في المعارضة ابان الديموقراطية الاولى وعندما كان البرلمان يناقش اتفاقية سحب مياه النيل - فقد قال :
(دعونا ننسى خلافاتنا الحزبية حتى نستطيع الحصول على اى قطرة ماء من هذه الاتفاقية)
قطرة ماء واحدة يا نابري اخوى - تفرج - يا لها من مواقف نادرة
مودتي
| |
|
|
|
|
|
|
|
|
|
Re: الف مبرووووك :- اعتماد اللغة الانجليزية في مدارس جنوب السودان كلغة رئيسية ورسمية (Re: عثمان عجبين)
|
Quote: والله ياسفيان في ناس في الدنيا دي يحيروك
عارف وين المشكلة ياسفيان : انو حكومة الجنوب اعتمدت اللغة الانجليزية في المدارس ، وكان الاصح انها تعتمد في الجامعات ..والاصح اكتر انه يعتمدو لغاتهم المحلية في التدريس الابتدائي ....ودا صعب تحقيقو في الوقت الراهن ولابعد عشرين سنة ....ببقي من حق الجنوبيين ، كامل الحق في انو يدرسو ابنائهم العلم الاساسي باللغة العاوزناها ...وكلا الخيارين مر (العربية / الانجليزية) لانهم في الاخر ما لغة ام بالنسبة للجنوبيين وحاتاثر في مستوي تحصيلهم للمعرفة لامحالة ... لانك لو عاوز تدرس الفيزياء مثلا باللغة الانجليزية انت محتاج اولا ان تضمن معرفتهم للغة الانجليزية معرفة تامة ....هل صغار الجنوبيين علي معرفة تامة باللغة الانجليزية ؟ قطعا لا لانها مالغتهم الام .
حاتواجه حكومة الجنوب مشكلة كبيرة في تحصيل ابنائها للعلوم ...لانو الطالب الجنوبي حايكون امام مهمتين اساسيتين هما فهم اللغة وفهم المراد ايصاله باللغة .... اتخيل انك جيت تدرسني التاريخ باللغة المروية ، بكون محتاج اولا اعرف اللغة المروية ..لكن كونك تدرسني الحاجتين في وقت واحد دي مسالة مستحيلة . مش مستحيلة في تنفيذها ..لا مستحيلة في نتائجها .
طيب الحل شنو ؟ والله ياسفيان يمشو في المشروع دا لانو ماعندهم خيار تاني ولانو اللغة العربية بالنسبة للطالب الجنوبي ذي الانجليزية ...والحل الناجع انو يدرسو كل المعرفة الانسانية بلغتهم الام عشان يضمنو تحصيل جيد للعلم لدي طلابهم ...وذي ماقلت ليك دا محتاج لي مجهود ووقت طوييييل وحركة ترجمة رهيبة للعلوم الي لغتهم المحلية المكتوبة ... وكمان محتاجين بالاساس الي لغة وسيطة تمثل معظم الجنوبيين تترجم العلوم اليها .... مشوااااار ياسفيان .
عارف مسالة التربية والتعليم دي مسالة خطيرة ...خطيرة جدا
كيف قدرت تفرح ياسفيان وحايكون في طالب جنوبي عما قريب يتلقي علم الفيزياء بعلم الانجليزية ... طالب يتلقي علم بعلم وهو لا علم له بالعلمين ....تخيل صعوبة الموقف والارتباك الممكن يحصل لطالب ذي كدا ....ولو درسوهو بالعربي النتيجة واحدة .
مخاطرة ياسفيان .... لكن لامفر
بالتوفيق للجميع
|
تحياتي يا صاحب يا زين
ومرحب بيك في الاحاديث وزقاقات المماحكة الاسفيرية دي
واضح جداً يا ديجيل انو حكومة الجنوب عاينت للموضوع من عدت نواحي ودرستو دراسة منطقية لانو بتذكر جداً انو قضية التعليم دي واحده من اهم النقاط الاتكلم عنها الراحل قرنق في البرنامج بتاع الحركة منذ 1994م وفي كثير من احاديث قادة الحركة الشعبية كانو يتحدثون عن ضرورة النظر في مسالة التعليم في السودان وايضاً ابان مفوضات نيفاشا والايام التي سبقتها في (ناكورو) رفعت الجلسات وانفضت المفاوضات بسبب وقوف الحركة الشعبية بصلابة في قضية التعليم بالسودان ، اقول واسوق هذا الحديث ليس كمبرر فما سقته حقائق واضحه وجليه وتدلل أن الحركة الشعبية اعلنت عن هذه الخطوة بنسق ورؤي شبه متكاملة إن لم تكن متكاملة .
الشي الواضح ولا يسطيع أحد أن يتكابر عليه ويتجاوزه هو ضرورة اي بلاد متعدد الثقافات للتعلم بلغاته الام لان الاستعداد الذهني يكون اكثر قبول للتعرف علي الحياة بهذه الطريقة وهي مساعدة في الارتباط والانتماء والاحساس بالبيئة والتفاعل معها ومن خلالها تنهض الثقة في النفس والاستعداد لقبول كافة العلوم والمعرف الاخري رغم هذه الضرورة رات حكومة الجنوب أن تبدأ التعليم بالغة الانكليزية منذ العام الدراسي الجديد القادم وهي مفاضلة بين لغتين غريبتين علي اهل الجنوب لكن مايميز اللغة الانكليزية هو انها لغة العلم والتطور والتقدم وهي لغة تنتج من خلالها المعارف كافة ووضع حكومة الجنوب هذا يتناسب وخيارات الاقدام علي عجلة النماء والتقدم للجنوب ولان الجامعات لا توجد هناك كان الخيار يبدأ بالمراحل الاولية .
بالفعل هو خيار بمنطق الصعوبة صعب جداً لكنه يظل الخيار الناجع والافضل لاهل الجنوب طالما أن اللغة العربية هي ليست لغتهم الأم بل وبكل وضوح ليس لهذا السبب وحده بل لان هناك غبن تاريخي سياسي متعمق تجاه ممارسات حقيقية ومظالم واضحة ظل يشهرها انسان الجنوب وانسان كل السودان من غير الناطقين باللغة العربية علي هذه اللغة (ليس اللغة كلغة لكن انسان ايديلوجيا الثقافة العربية) لذا يكون هذا الحل افضل وهو خيارهم طالما أنه ليس لهم اي مردود سلبي تجاه اللغة الانكليزية .
وحقاً فرحان يا عثمان لانو الانكليزية كعلم ستكون في مراحل الاساس والعلوم كالفيزياء معروف أنها تلاحق في سنوات دراسية متقدمة وسعيد وفرحان لان هذه الروية ظلت حلم يراود كثير من قادة الحركة الشعبية ومن أبناء شعب الجنوب .
تحياتي لك .
| |
|
|
|
|
|
|
| |
سفيان بشير نابرى
ملكة سبأ
Fadl Karrar
احمد التجانى احمد
Deng
محمد فرح
JOK BIONG
أبو عبيدة البصاص
حيدر حسن ميرغني
Abdulbagi Mohammed
غباشي
منصوري
mazin mustafa
تراث
الطيب شيقوق
فيس بوك
تويتر
انستقرام
يوتيوب
بنتيريست