قضية دفن النفايات النوويه و امراض السرطانات في السودان

مرحبا Guest
اخر زيارك لك: 03-29-2024, 06:29 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-27-2011, 09:04 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
قضية دفن النفايات النوويه و امراض السرطانات في السودان

    تطرق عدد ليس بالقليل من الحادبين على ان يظل انسان السودان بخير

    اكاديميين ومتخصصين في مجال البيئه وصحة الانسان لهذه القضيه الهامه

    ولكن للاسف لم تسفر كل هذه الجهود لمنع دفن هذه النفايات في وطننا الغالى

    سنقوم بحمله دوليه بالتضامن مع عدد كبير من منظمات المجتمع الدولى

    اتمنى من كل من لديه معلومات عن هذا الموضوع ان يدلى بدلوه

    وسارفق مقتبسات
                  

11-27-2011, 09:40 PM

محمد المسلمي
<aمحمد المسلمي
تاريخ التسجيل: 08-08-2009
مجموع المشاركات: 11831

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    ياخضل الهطل قبل النفايات ورينا رفدوك من التلفزيون مالك وتأني تعال للنفايات وخبرعاجل-
    —--———
    الجماعات الاسلامية خليتة مالك وقلبتة صور
    اوعك تكون خائف من الارهاب والكلام داك
                  

11-27-2011, 10:21 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: محمد المسلمي)

    بسم الله الرحمن الرحيم

    عيادة على الهواء

    موضوع الحلقة : – أنواع السرطانات الأكثر حدوثا وظهوراً في السودان بثت9/ 6/ 2011م

    مقدم البرنامج :

    إسراء زين العابدين

    الضيف :

    دكتور/ كمال حمد محمد منان الأستاذ المشارك لعلاج الأورام والطب النووي بكلية الطب جامعة الخرطوم ومستشفى الذرة

    مقدم البرنامج :

    المستمعون الأعزاء أهلا مرحباً بكم لقاء جديد عبر عيادة على الهواء دعوتنا نجددها لكم مع أمنيات الصحة والعافية للجميع ، عيادة على الهواء هذا اللقاء الاسبوعى الذي نلتقيكم فيه نحاول من خلاله أن نزيل الكثير من المفاهيم الخاطئة حول بعض ممارساتنا الصحية ونسلط الضو على بعض القضايا الصحية ونحاول أن نحل هذه المشكلات الصحية برفقة الاختصاصيين والأطباء أصدقاء وضيوف البرنامج ، هاكم تحايا الفريق الذي يصحبني عبر هذا اللقاء ، أيها الأصدقاء نسعد كثيرا بمتابعتكم ونسعد أكثر بمشاركاتكم اتصالكم عبر هواتف البرنامج 87553151 و 87553152 ، أيها الأصدقاء في هذا اللقاء نرحب كثير جدا بضيف عيادة على الهواء دكتور/ كمال حمد محمد منان الأستاذ المشارك لعلاج الأورام والطب النووي بكلية الطب جامعة الخرطوم ومستشفى الذرة أهلا بيك وحبابك عشرة

    دكتور/ كمال حمد :

    أهلا وسهلا وأشكركم على استضافتنا مرات عديدة لإلقاء الضو على مشاكل السرطان في السودان

    مقدم البرنامج :
    نحن بنحييك وبنرحب بيك وطولت من العيادة بالرغم من إننا كنا نحاول أن نلتقيك في محاضراتك وبرامجك التي تهدف الى خفض مستوى السرطان ورفع الوعي وسط المواطنين

    دكتور/ كمال حمد :

    نحن سعداء دائما بلقاء المواطنين والحديث عن مشاكل السرطان وكيفية الكشف المبكر للسرطان وزيادة وعى المواطن بهذه المشكلة

    مقدم البرنامج :

    أهلا بيك دكتور كمال ، أيها الأصدقاء في هذا اللقاء سنتحدث عن ( أنواع السرطانات الأكثر حدوثا وظهوراً في السودان ) ما هي أسباب أن يأتي المريض متأخراً لطلب العلاج ، أساليب التوعية وإشراك المجتمع المدني في الكشف المبكر على مرض السرطان ، وأيضا نتحدث عن الاعتقادات الخاطئة وسط الناس ، اذاً أهلا مرحبا بكم أيها الأصدقاء ونرحب بكل الذين يتابعوننا ويحاولوا الاتصال بنا عبر هذا اللقاء ، دكتور كمال امكن هناك سؤال حينما يتبادر الى الذهن ماذا نعنى بالسرطان في تعريف بسيط وكم نوع من السرطان تقريبا موجود

    دكتور/ كمال حمد :

    الحقيقة السرطان هو عبارة عن ورم في اى جزء من جسم الإنسان ممكن يحصل وينمو سريع خلاف الورم الحميد فالورم الحميد دائما ينمو ببطء وحجمه لا يزيد بسرعة الورم السرطاني دائما بينمو سريع ويستطيع الانتشار عن طريق الأوعية الدموية وعن طريق الأوعية اللمفاوية في باقي الجسم يعنى ممكن يؤثر على الغدد اللمفاوية القريبة منه وممكن ينتشر عن طريق الدم الى أجزاء أخرى من الجسم في الرئة والكبد والعظام دي مشكلته عشان كدا هو بيؤدى الى مشاكل وقد يؤدى الى الوفاة أحيانا في حين انو الورم الحميد صغير عادة وبينمو ببطء شديد ولا ينتشر ، السرطان تقريباً ممكن يصيب كل أجزاء جسم الإنسان لكن في أجزاء تصاب أكثر من الأجزاء الأخرى

    مقدم البرنامج :

    طيب امكن دكتور كمال نسمع أحيانا بسرطان الدم وذي ما انت ذكرت بعض السرطانات التي تكون مثلا من أعراضها أورام في مناطق مختلفة أو بعض الأنواع التي يحدث فيها خلل في بعض الوظائف المعينة في جسم الإنسان أو في بعض الأجزاء

    دكتور/ كمال حمد :

    هو طبعا كما ذكرنا انو السرطان يصيب معظم أجزاء الجسم لكن في أجزاء تصاب أكثر من الأجزاء الأخرى مثل الثدي عند النساء والبروستاتة عند الرجال والرئة والمعدة دي التي تكثر في العالم ونحن في السودان أكثر الأورام عندنا نتحدث عنها بعدين لكن معظمها في هذه الأجزاء في كل العالم ما مختلفة كثير

    مقدم البرنامج :

    طيب لو تحدثنا عن أكثر السرطانات في السودان حسب أخر الإحصائيات أو الاصلا التي تشكل أرقام ونسب عالية جدا فهي واحدة امكن من التي تسبب تحديات لكم كمعالجين وكمستشفيات متخصصة في علاج السرطانات

    دكتور/ كمال حمد :

    نحن حقيقة في النساء عندنا أكثر السرطانات هي سرطان الثدي من سنة 1967 تاريخ إنشاء مستشفى الذرة بالخرطوم وكانت نسبة سرطان الثدي تتراوح بين 29 – 35% من السرطانات ودا ما زال أكثر السرطانات حدوثاً يعنى بيكون حوالى ثلث الحالات التي عند النساء بعده طوالى بيجى سرطان عنق الرحم وهو يتراوح بين 12 – 15% ومع بعض لما نجمعهم نلقاهم بيكونوا 50% من السرطانات عند النساء يعنى لو استطعنا انو نسيطر على سرطان الثدي وسرطان عنق الرحم عند النساء في السودان نكون سيطرنا على 50% من السرطانات باقي السرطانات كلها في النساء بتتراوح بين 2ونصف الى ثلاثة ونصف في المائة يعنى ما كثيرة نحن دائما بنركز على سرطان الثدي وسرطان عنق الرحم والوضع دا بيشبه سرطان الثدي في شمال أفريقيا دائما أكثر وسرطان عنق الرحم في أواسط وجنوب أفريقيا أكثر يعنى نحن ماخدين حاجتين حاجة من الشمال هي سرطان الثدي وماخدين من أواسط وجنوب أفريقيا سرطان عنق الرحم

    مقدم البرنامج :

    طيب أمكن لحسن الحظ ذي ما بتقولوا دائما دكتور كمال انو النوعين ديل من أنواع السرطان هم يمكن الكشف المبكر عليهم ويمكن السيطرة عليهم في مراحل يعنى اكتشافهم وبتالي العلاج شنو المهددات الكبيرة هل هو عدم وعى بالنسبة للمواطنين هل هو مرتبط بناحية عمرية هل له علاقة بالوراثة ولى شنو الأسباب التي تجعل هذين النوعين هم الأكثر ظهور وانتشار عندنا في السودان وسط النساء

    دكتور/ كمال حمد :

    يعنى هو حاجة عالمية سرطان الثدي عالمياً امكن يكون من أكثر السرطانات حدوثاً بعد الرئة في بعض أجزاء العالم نحن هنا ذي ما قلت ليك نشبه شمال أفريقيا امكن عندنا سرطان الثدي أكثر وتانى طوالى سرطان عنق الرحم لو مشيت الدول العربية الثانية بتلقي سرطان عنق الرحم ما كثير عندهم نحن كثير عندنا لأنو نحن جزء من الافركان في وسط السودان وجنوب السودان وبتالي امكن ى السرطانات الكثيرة نحن الحقيقة المهددات بالنسبة لنا هي عدم الوعي وعدم المعرفة يعنى نحن ما زلنا في السودان عندنا ناس ما بيعرفوا ما هو السرطان يعنى نحن عملنا دراسة في الشمالية وجدنا 5% من النساء لا يعرفوا السرطان هو شنو وفى شرق السودان 15% من النساء لم يسمعوا بالسرطان يبقى مجهود كبير جدا لازم يتعمل التوعية أول حاجة لازم الناس يعرفوا ما هو السرطان وفى كثير من المعتقدات الخاطئة وسط النساء يعنى نحن جينا سألنا في الشمالية سألنا مجموعة من النساء عن انو إذا حسيتي بورم في الثدي بتفتكرى هو شنو فـــ 70% بفتكروا انو كيس دهني ودا طبعا اعتقاد خاطىء لأنو أورام السرطانات في بدايتها ما بتكون مؤلمة وبتالي هم بيقولوا كيس دهني عشان كدا لا يشتغلوا به كثير نحن بنفتكر انو اى ورم في الثدي يجب الاهتمام به خاصة الأورام التي تحصل بعد سن انقطاع الدورة وهى في الغالب تكون سرطانات قبل سنين انقطاع الدورة بتكون في أورام حميدة كثيرة بتحصل في الثدي وما اى ورم معناه سرطان يعنى المريضة ما تبقى مريضة ودكتورة في نفس الوقت يعنى اى واحدة تحس بي ورم لو بتمشى تكشف وياخدوا عينة ويتأكدوا من نوعها شنو أحسن من الواحدة تقوم تشخص تقول دا كيس دهني ولا يؤلمني وتصهين والحاجة الثانية التي تخليهم ما يحضروا للدكتور الخوف من إنهم يمشوا ويقوموا يزيلوا لهم الثدي دا سبب كبير جدا من نسوان كثر بيعرفوا انو عندهم حاجة حاسنها الواحدة بينها وبين نفسها عارفة انو ممكن تكون حاجة سرطانية وهى خائفة تمشى يقوم يقول لها انو عندك الحاجة دي يسموها لها لأنو المرض سمعته سيئة وبعدين يقوموا يعملوا لها إزالة ثدي الحقيقة نحن دائما بننبه الناس انو لو بتحضر بدري يعنى لو ورم صغير اقل من أربعة لخمسة سنة ممكن يزال تحت جراحة وإعطاء علاج بالإشعاع وعلاج كيميائي وتتفادى إزالة الثدي فدى محاسن من المشي مبكراً للأطباء والتشخيص المبكر في أطوار التي يكون حجماً صغير وما انتشر فالواحدة لا تفقد ثديها فدى مهمة جدا لازم الناس يعرفوها يعنى الواحدة لو بتجى بدري ما بالضرورة يشيلوا لها الثدي ممكن يتعالج بعملية بسيطة وتاخد إشعاع وما يحصل لها حاجة كلما الورم يزداد كلما ينتشر في الغدد تحت الإبط ويبقى في الطور الثالث أو ينتشر لباقي الجسم ويبقى في الطور الرابع ويبقى علاجه صعب عشان كدا أهمية الكشف المبكر بالنسبة لسرطان الثدي

    مقدم البرنامج :

    طيب دكتور يعنى قبل ما نمشى من هذا الجزء امكن انت تحدثت عن الأورام التي تظهر في الثدي ودي اغلب النساء ممكن مع تدريب على كيفية الكشف المبكر والكشف الذاتي يمكن الوصول لي انو هل في ورم ولى ما في ورم وبيظهر متين أو لا ولكن عنق الرحم كواحدة أيضا من السرطانات عند النساء الأكثر تفشى كيف يمكن الكشف المبكر لها مع كثير من المحددات صعوبة الإبلاغ عن مشاكل زى دي شنو الأعراض التي ممكن تظهر وتكون هي تنبه النساء وهل هي عملية صعبة مسألة الكشف على عنق الرحم أو اخذ عينة

    دكتور/ كمال حمد :

    دا سؤال جيد الحقيقة هو سرطان عنق الرحم كما ذكرنا هو السرطان الثاني يصيب النساء في السودان وللأسف الشديد امكن حوالى 80% من الحالات بتجى في أطوار متأخرة وبالرغم من انو هو أعراضه النزيف والافرازات المتكررة لحدي ما تعمل رائحة لكن هو عادة بيحصل في النساء كبيرات السن بعد انقطاع الدورة بيخجلوا انو يمشوا للدكتور يقولوا عندنا نزيف عندنا افرازات ومرات لحدي ما الواحدة تطلع منها رائحة والأهل يقوموا يمشوا يشوفوا الحاصل شنو وبعداك تجى للعلاج 70% من النساء ديل لما يجونا بيكون عندهم نزيف أكثر من ثلاثة شهور مع العلم انو في العادة الإنسان لما يحصل له نزيف من اى جزء في جسمه حقوا شوية يخاف ويقوم يمشى للطبيب لكن دا ما حاصل عندنا فيبقى الاهتمام بالافرازات المتكررة والنزيف بالنسبة للنساء اللائي انقطعت منهم الدورة والنزيف بين الدورة والدورة بالنسبة للذين ما زالت بتجيهم دي حاجة مهمة جدا الذهاب للطبيب مبكراً والكشف المبكر لسرطان عنق الرحم في مراحله الأولية علاجه ساهل جدا ويمكن الشفاء منه الأهم من كدا مفروض اى امرأة متزوجة تعمل حاجة اسمها مسحة عنق الرحم هي عملية بسيطة جدا ما فيها بنج يعنى الواحدة ترقد وتضع لها قطعة بلاستيك في عنق الرحم بيلفوها بتشيل خلايا لا تحتاج الى بنج ولا تاخد أكثر من خمسة دقائق وغير مؤلمة ويضعوها في شريحة ويفحصوها تحت المايكرسكوب وتوضح التغيرات الأولية التي تحصل في الخلايا وسرطان عنق الرحم دا بياخد ذي عشرة سنة من الخلية تكون طبيعية تتحول الى سرطانية في العشرة سنة دي بتطلع خلايا من عنق الرحم ممكن تشيلا وتكشفا وتكتشفوا في مرحلة قبل ما يبقى سرطان وممكن تزيل الخلايا دي بطرق كثيرة وتمنع حدوثه مثلا في الدول الاسكندنافية الناس نقصوا نسبة الإصابة بسرطان عنق الرحم بأكثر من 80% فنحن بننصح انو النساء يعملوا مسحة عنق الرحم

    مقدم البرنامج :

    يعنى بيحتاجوا كل كم يعملوا يعنى المرأة بتحتاج إنها لو أجرتها مثلا مره بعد سن الخمسة وأربعين يعنى بتحتاج فترة قدر كم

    دكتور/ كمال حمد :

    هو مفروض اى واحدة متزوجة بعد سنتين من الزواج تبدأ تعمل مسحة عنق الرحم في الدول المتقدمة بيعملوها مرة كل سنتين طبعا في دول ذي دولنا دي ما بتقدر تقول كدا حسب هيئة الصحة العالمية على الأقل مرة كل خمسة سنوات يعنى لو عملناها كل خمسة سنوات لكل النساء في السودان حننقص نسبة الإصابة بأكثر من 50% ولو عملناها مره في العُمر بتنقص نسبة الإصابة بــ 30% المؤسف انو ما في فهم للقصة دي يعنى وعى النساء بمسألة عملية مسحة عنق الرحم ما كثيرة يعنى ما بيحضروا ويسألوا يقولوا نحن عايزين مسحة عنق الرحم بالرغم من انو في مراكز بتعمل مسحة عنق الرحم

    مقدم البرنامج :

    ومجاناً في كثير من المراكز

    دكتور/ كمال حمد :

    أيوا مجاناً نحن نتمنى انو النساء كلهم يعرفوا الحاجة دي يعنى اى واحدة بتفتكر انو الحاجة دي ما بتجيها هي للأسف الشديد يعنى واحدة من كل ثمانية نساء بيجيهم سرطان ثدي لكن لكل واحدة في السودان تفتكر انو الحاجة دي بتخص الناس الآخرين يعنى ما هي وواحدة من كل عشرين بتجيهم سرطان عنق الرحم يعنى اى إنسان ممكن يصاب بهذه الأشياء فيجب الحرص على الكشف الدوري على الثديين ومسحة عنق الرحم دي أشياء مهمة

    مقدم البرنامج :

    نحن بنحييك كثير جدا دكتور كمال ومعنا أول اتصال في هذه الحلقة الو السلام عليكم

    مشاركة عبر الهاتف :

    وعليكم السلام معاك منال محمود – شمال كردفان عندي سؤالين السؤال الأول كيف أنا اقدر أميز إذا كان في ورم في حته معينة انو هو دا سرطان أو ورم خبيث ولى حميد والسؤال الثاني هل ممكن اى ورم حميد يتحول الى ورم خبيث

    مقدم البرنامج :

    شكرا يا منال كتر خيرك معنا اتصال آخر نسمع الاتصال ونجيب على الأسئلة مع بعض الو السلام عليكم

    مشاركة عبر الهاتف :

    وعليكم السلام معاك بابكر حسان عبد الله من مقاطعة الرنك بسأل دكتور كمال عن ما هي مسببات مرض السرطان وعن أعراض هذا المرض ودائما بنلاحظ انو معظم الشرائح التي تصاب بهذا المرض شرائح الأطفال فهل هذا المرض معدي

    مقدم البرنامج :

    شكرا يا بابكر كتر خيرك اتفضل دكتور

    دكتور/ كمال حمد :

    هو طبعا السرطان دائما بيدي أعراض يعنى في اغلب الأحيان بيدي أعراض يعنى الإنسان هو الحصيف هو الذي يعرف انو الأعراض دي تكون حاجة خطيرة وبيمشى للطبيب مبكر لكن نحن في السودان الناس عادة بيحملوا الأعراض الأولية هل الورم الحميد بيتحول الى خبيث في معظم الأحيان لا يتحول الورم الحميد الى خبيث عادة بالنسبة لمسببات السرطان طبعا كثيرة جدا أهمها استعمال التبغ بأنواعه ودا بيسبب حوالى 30% من السرطانات وامكن السجائر بيسبب حوالى 13 نوع من السرطان يعنى الزول لو ما استعمل التبغ ونحن التبغ نقصد به السجائر والصعود والشيشة كلها تعتبر تبغ وكلها بتسبب السرطانات يعنى الإنسان لو ما استعمل تبغ بينقص احتمال انو يصاب بالسرطان بــ 30% ومن المسببات الثانية الكحول وبعض الفيروسات مثل فيروس الكبد الوبائي بيسبب سرطان الكبد في عوامل وراثية وفى مواد مسرطنة في الأكل الناس الذين لا يأكلوا ألياف كثيرة ولا خضروات كثيرة دائما بيصابوا بسرطان أكثر من الناس يعنى الناس الذين يأكلوا خضروات وفواكهة السرطان عندهم اقل من الناس الذين ياخدوا دهون كثيرة ولحوم حمراء كثيرة والسمنة خاصة وسط النساء لها علاقة بسرطان الثدي وسرطان الرحم ووجدوا انو الناس الذين يمارسوا رياضة أكثر بيقللوا نسبة أوزانهم فنسبة الإصابة فيهم بالسرطان اقل بالنسبة للأطفال يعنى ما أكثر أنواع السرطان يعنى في السودان مثلا عندنا كلما تشوف مائة زول عنده سرطان بتشوف ذي 7 – 8 حالات سرطان في الأطفال يعنى 8% من الحالات يعنى ما هو أكثر الأنواع

    مقدم البرنامج :

    هل ممكن يتولد الطفل وعنده سرطان

    دكتور/ كمال حمد :

    ممكن يعنى نحن في الشهر الماضي شفنا زول عمره شهرين وعنده سرطان في عيونوا الاتنين فدا نوع من السرطانات التي تحصل في الأعمار الصغيرة ما كثير طبعا عند الناس بعد الولادة طوالى فالسرطان لا يحترم العُمر ممكن يجى في اى عُمر

    مقدم البرنامج :

    طيب امكن أخونا بابكر سأل سؤال عن انتقاله هل ممكن يكون عنده عدوى وانت يا دكتور تحدتث عن بعض الأمراض الفيروسية التي ممكن تسبب سرطانات هل من الممكن انو تحدث عدوى أو انتقال بعض المشاكل ممكن تسبب

    دكتور/ كمال حمد :

    طبعا السرطان هو مرض غير معدي يعنى الزول لو عندو مريض لا يعاديوا لماذا لأنو لو بيعادى نحن ما كنا اشتغلنا فيه لكن بعض مسببات السرطان بتعادى يعنى أسى الناس بيفتكروا انو سرطان عنق الرحم بيعتبر مرض جنسي لأنو بيسببه فيروس معروف ينتقل من شخص الى شخص وفى السودان الفيروس دا بيسبب 94% من سرطانات عنق الرحم عشان كدا تلقاها في الناس المساكين والذين يلدوا كثير والذين لا يهتموا بصحتهم عشان كدا الفيروسات بتنتقل بينهم فيروس الكبد الوبائي مثلا بينتشر من شخص الى شخص ويسبب سرطان الكبد لكن السرطان في حد ذاته غير معدي

    مقدم البرنامج :

    طيب امكن قبيل كان عندنا سؤال من اختنا منال انو اى ورم كيف تفرز بين ورم وورم وافتكر انت أجبت عليه قبيل في حديثك حول التغير الذي يحدث في الورم ، اذاً أهلا مرحبا بكل المستمعين الذين يتابعونا أيها الأصدقاء في هذا اللقاء نتحدث عن أنواع السرطانات وكيفية الوقاية منها وما هي أنواع السرطانات الأكثر حدوثا دكتور/ كمال حمد محمد منان هو ضيف هذا اللقاء في عيادة على الهواء ، دكتور كمال في سؤال دائما ما يتبادر الى أذهان الناس أساليب التوعية وإشراك المجتمع المدني طالما هو مرض يعتمد في كثير من العلاج وكثير من اكتشاف هذا المرض المبكر أيضا يسرع بعلاجه أو حتى امكن العلاج منه نهائيا من هذا المرض كيف يمكن إشراك المجتمع المدني وهل هناك مجهودات في هذا الإطار بوصفكم قائمين على أمر الصحة في هذا المجال

    دكتور/ كمال حمد :

    حقيقة هناك اتعملت الكثير من المجهودات في هذا المجال بواسطة الدولة وبواسطة منظمات المجتمع المدني على رأسها جمعية المبادرات النسائية وهى جمعية ساعدت في تدريب الكثير من الكوادر الطبية يعنى دربنا أكثر من 70 طبيب على عملية الاكتشاف المبكر للسرطان عن طريق هذه الجمعية وما زلنا عندنا مركز للتدريب في مستشفى الدايات بأم درمان له خمسة سنوات شغال فبندرب كل الكوادر التي تشتغل في مستشفى الدايات من دايات وسسترات وممرضات على أساليب الكشف المبكر وما هو السرطان واتعملت دراسات ميدانية في الشمالية وفى شرق السودان عن السرطان وعن التوعية عن الكشف المبكر آخر المجهودات التي عملناها كانت في الشمالية عملناها في الفترة من 19 – 22 مايو السابق كانت في منطقة كريمة ومروى قمنا كجمعية أصدقاء ومرضى السرطان بالشمالية بالتعاون مع مجموعة من اخصائى علاج الأورام كلية الطب جامعة الخرطوم ووزارة الصحة ذهبنا الى مروى عملنا كورس تدريب للأطباء دربنا ذي 15 طبيب من المناطق المختلفة من الولاية الشمالية ودربنا حوالي 70 من الكوادر المساعدة من أطباء ومساعدين طبيين ومن ممرضات ودايات وناشطات في المجتمع المدني ونفتكر انو التدريب كان ناجح جدا لأنو نحن عملنا ذي امتحان للناس ديل قبل التدريب وبعد التدريب وأتضح انو الناس استفادوا كثير جدا من التدريب وكان في معتقدات خاطئة كثيرة جدا صححناها في نفس الوقت عملنا محاضرات للجمهور في مناطق في أندية ومجمعات نساء حضروها الآلاف وتحدثنا لهم عن ما هو السرطان وما هي أعراضه الأولية وكيفية الكشف المبكر وكانت في أسئلة جميلة جدا تدل على ارتفاع مستوى وعى الناس في هذه المناطق والحقيقة نحن عملنا تجربة جديدة في انو رافقنا بعض الفنانين بقيادة اختنا عازة عبد العزيز محمد داؤد لها التحية وآخرين من المنطقة وكنا بنقدم غناء للناس قبل الندوات حتى نستطيع نجذبهم ونجحت التجربة في انو جلبت لنا عدد كبير من الناس نساء ورجال حضروا وكلمناهم عن السرطان ووزعنا لهم بعض المطبقات الحقيقة نشكر الناس المسئولين في الشمالية الذين ساعدونا في هذا التدريب وعلى رأسهم وزير الصحة الولائى ومعتمد مروى وآخرين كانت مساعدتهم لها دور فاعل في أن تنجح هذه التجربة ونفتكر إنها تجربة ممكن أن ننتقل بها الى مناطق أخرى في السودان لأنو على حسب الدراسة التي عملناها بنفتكر إنها كانت تجربة ناجحة في زيادة وعى الأطباء والكوادر المساعدة والنساء

    مقدم البرنامج :

    طيب امكن دكتور كمال هذا يقودنا مباشرة لتسأول انو هناك أنواع من السرطانات حسب العادات وسلوكيات الناس في مناطق مختلفة في السودان وهى الأكثر انتشار وسط هذه الفئات أو هذه المجموعات عموماً نحن حنرجع الى هذا السؤال قبل كدا معنا اتصال الو السلام عليكم

    مشاركة عبر الهاتف :

    وعليكم السلام معاك على إدريس إسماعيل – ريفي العباسية تقلى أنا بسأل إذا في ألم في الجسم مثلا مرات بيكون بعد أسبوع ومرات بعد عشرين يوم هل هذا الألم بيكون سرطان

    دكتور/ كمال حمد :

    هو عادة الألم في الجسم ممكن يكون له أسباب كثيرة ما بالضرورة سرطان امكن يكون رطوبة يعنى ما بالضرورة يكون سرطان

    مشاركة عبر الهاتف :

    مرات في ورم طوالى بيقوم بالجنب الشمال

    دكتور/ كمال حمد :

    معها اى أعراض تانية هل في تغير في البول أو الفسحة

    مشاركة عبر الهاتف :

    أيوا في تغير في البول مرات البول بيكون ذي اخضر

    دكتور/ كمال حمد :

    قابلت دكتور

    مشاركة عبر الهاتف :

    أيوا قابلت وأدانى حبوب وقال لي

    دكتور/ كمال حمد :

    أمشى الدكتور يعمل ليك فحوصات وموجات صوتية ويشوف الحاصل شنو لكن دي لا تشبه أعراض السرطان

    مقدم البرنامج :

    على ذي ما قال ليك دكتور كمال لازم تمشى تقابل دكتور ولازم تتعمل ليك فحوصات وتحاليل وموجات صوتية عشان تتعرف المشكلة وإذا احتجت لي اى متابعة ممكن تتصل بنا ربنا يديك الصحة والعافية يا سيدي شكرا ليك ، معنا اتصال آخر الو السلام عليكم

    مشاركة عبر الهاتف :

    وعليكم السلام معاك حماد على أنا بسأل من مرض السرطان دا أول عندي ورم في المحسن عايز اسأل منو الدكتور

    مقدم البرنامج :

    في اى أعراض تانى

    مشاركة عبر الهاتف :

    والله في سخانة في البول

    دكتور/ كمال حمد :

    عمرك كم يا حماد

    مشاركة عبر الهاتف :

    عمري 50 سنة

    دكتور/ كمال حمد :

    هل في دم في البول ولى سخانة فقط

    مشاركة عبر الهاتف :

    لا ما في

    دكتور/ كمال حمد :

    يعنى البول كثير أكثر من اللازم

    مشاركة عبر الهاتف :

    أيوا في بول كثير

    دكتور/ كمال حمد :

    قابلت دكتور

    مشاركة عبر الهاتف :

    لا ما قابلت





    دكتور/ كمال حمد :

    يعنى نفس الحكاية انت لازم تمشى لأقرب طبيب يعمل ليك فحص للبول والدم ويعمل موجات صوتية ممكن يكون في التهابات أو يكون في تضخم في البروستاتة وبعداك الدكتور هو الذي يشخص لك الحالة ويعطيك العلاج

    مقدم البرنامج :

    يا حماد ذي ما قال دكتور كمال مهم جدا انو تمشى وتقابل طبيب عشان يعمل لك التحاليل وربنا يديك الصحة والعافية ، دكتور كمال قبل ما نمشى لسؤالنا المؤجل هذه الأسئلة بتقودنا طوالى الى تسأول انو أحيانا الإهمال وأحيانا عدم الاهتمام بأشياء تحت دراية الخوف أو إنها شيء طبيعي وخاصة ما يرتبط بالناس ممكن الزول بيعمل في مكان بيقعد كثير يعنى التهابات متكررة في البول مشاكل الإمساك الشديد المتكرر أو مشاكل عند الناس بعض النزيف من القولون الى اى مدى ممكن تكون دي واحدة من الأسباب

    دكتور/ كمال حمد :

    الحقيقة دي واحدة من أهم الأشياء انو الناس بيهملوا الأغراض الأولية للسرطان يعنى السرطان ذي ما ذكرنا في معظم الحالات بيديك أعراض أولية يعنى زول فسحته بتتغير يكون فيها دم وفيها مخاط معناها لازم يمشى للطبيب يعنى ما بالضرورة يقول ليك دي دوسنتاريا فالدوسنتاريا لو اخدت علاج الفلاجين وما راحت معناها في حاجة تانية تمشى للدكتور يعمل ليك كشف سريري ويعمل ليك منظار اى نزيف من اى مكان من جسم الإنسان يجب الاهتمام به خاصة النزيف من مجرى البول امكن يكون واحد من أعراض السرطان الكلية أو سرطان المثانة نزيف من الشرج يمكن يكون احد أعراض سرطان المستقيم حتى نزيف من الأنف امكن يكون احد أعراض سرطان الأنف أو البلعوم الانفى يعنى يجب الاهتمام بي اى نزيف في اى جزء من أجزاء جسم الإنسان خاصة لو كان متكرر كما ذكرنا قبل كدا أعراض سرطان عنق الرحم النزيف المتكرر والافرازات يعنى نزيف من اى حته متكرر وأدوا علاج وما استجاب يجب على الإنسان يمشى للطبيب واحد مثلا حصل له نزول مفاجى في وزنه بدون أسباب واضحة مفروض يمشى يكشف ويعمل فحوصات يشوف السبب شنو ما بالضرورة يكون سرطان لكن امكن يكون سرطان كما ذكرنا معظم الحالات بيكون فيها أعراض بتوضح انو احتمال تكون في حاجة ذي دي لكن الناس عادة بيهملوها لأسباب كثيرة منها الجهل والفقر وبعد المسافات دي كلها عوامل بتساعد الناس في إنهم لا يقدروا يمشوا للعلاج مبكراً

    مقدم البرنامج :

    طيب دكتور مسألة رفع الوعي أو بعض السلوكيات فقط لو مسكنا التدخين بأنواعه أو تعاطى التمباك في بعض المناطق الأكثر حتى في أعمارها أو مراحل عمرية معينة يعنى الرجال بعد سن الأربعين في أحايين كثيرة في بعض المناطق تصبح عادة مسالة أنواع من التدخين أو تعاطى التمباك أيضا يعنى انتشار أنواع من السرطانات في مناطق أكثر دون غيرها

    دكتور/ كمال حمد :

    الحقيقة مشكلة التبغ في السودان مشكلة كبيرة جدا حسب إحصائياتنا نحن في مركز التمباك بنفتكر انو في ذي 5 – 7 مليون شخص في السودان بيستعمل التمباك بانتظام وحوالي 3 ونصف الى أربعة مليون بيدخنوا بانتظام وأعلى نسبة استعمال تمباك وجدناها في الولاية الشمالية وجدناها 37% وسط الرجال و 7% وسط النساء وبعدها طوالى شرق السودان أهلنا الهدندوة والبني عامر عندهم نسبة عالية 34% من الرجال بيستعملوا التمباك السجائر بتتراح بين 29 – 30% فاخطر حاجة هي الدراسات التي وجدت وسط الأطفال في المدارس في سنه ثامنة في مرحلة الأساس وفى الصف الأول الثانوي وجدوا انو 21% منهم حاول واحد فيهم يستعمل يا إما تمباك أو سجائر أو شيشة و9% منهم بيستعملوها بانتظام ودا طبعا العادة بتاعة انو الواحد يرسل ولده يقول له أمشى جيب تمباك أو سجائر وطبعا حيحاولوا طوالى يمشوا يجربوا بعداك بيبقى مدمن عادة تلقى في حولي المدارس ناس بيبيعوا التمباك وناس بيبيعوا السجائر أنا مشيت أسجل ولدى في واحدة من المدارس دي وجدت الناظر سافي والسفة ذي سقالة البنطون بارزة قلت له يا أخ انت زول مربى لو بتسف مفروض ما تسف قدام الناس فدا بيقودنا الى انو النسبة بتاعة استعمال التبغ بأنواعه وسط الأطباء في الدراسات الأخيرة أيضا كانت نسبة مخيفة

    مقدم البرنامج :

    يعنى الدراسة كانت بتتكلم عن 51% من أطباء الامتياز فقط بيدخنوا و41% بيتعاطوا التمباك وأيضا هناك نسبة لا يستهان بها من المدخنات من الطبيبات

    دكتور/ كمال حمد :

    دي طبعا تكاد تكون أخبار مخيفة ومحزنة لأنو مروض الطبيب يكون قدوة للناس في السلوك الصحي وإذا ابتلى باستعمال السجائر والتمباك مفروض ما يعمل الحكاية دي وسط المرضى يعنى نحن مثلا قدمنا ندوة في محافظة الدبة في الولاية الشمالية تكلمنا عن التمباك والشرائح فالطبيب الشغال في المستشفى معنا قاعد في الصف الأول وخاتى سفتوا كبيرة واحد قام قال لي يا أخ أول حاجة ابدوا بي دكتوركم دا فيجب انو الأستاذة والمعلمين والأطباء يكونوا قدوة يعنى الواحد إذا بيعمل لا يعملها قدام الطالب وما يعملها قدام المرضى محزن جدا انو طبيب يستعمل التبغ وعارف مخاطره

    مقدم البرنامج :

    ودا امكن القوانين نفسها يعنى كثير من القوانين يجب أنها تفعل حتى لا يضار الناس بالتدخين السالب أو مشاكل ذي الشيشة وتعاطيها في شكل جماعات

    دكتور/ كمال حمد :

    أيوا نعم طبعا الناس في السودان بيجهلوا حكاية التدخين السالب يعنى انت ما بتدخن نفسك لكن واحدة زوجها بيدخن في الغرفة بتاعتهم والأطفال قاعدين والزوجة قاعدة دا اسمه التدخين السالب وهو ممكن يسبب نفس المشاكل التي يسببها الشخص المدخن لأنو الدخان الذي يطلع من الشخص المدخن بيؤثر على الآخرين لأنو بيستنشقوا نحن في السودان الناس لا يعرفوا حقوقهم يعنى ممكن تركب في تاكسي أو حافلة تلقى شخص بيدخن لو تكلمت معه الناس يقول ليك مالك ومالو فالناس مفروض يحرصوا على حقهم في المكاتب و المواصلات انو ما في شخص يدخن في وجود الآخرين

    مقدم البرنامج :

    ونحن دائما بنقول الصحة دي لا يمكن التلاعب بها ولا التفريط فيها نحن بنحييك كثير جدا كمال ونحن معنا اتصال الو السلام عليكم

    مشاركة عبر الهاتف :

    وعليكم السلام بنسأل الدكتور عن مرض السرطان أسبابه وهل المياه والمواد الإشعاعية بتاعة الاتصالات لها تأثير وأيضا النفايات وأيضا الخبازين الذين يشتغلوا في الأفران بتاعة الحطب فهل دي كلها لها تأثير وبتسبب سرطان

    مقدم البرنامج :

    شكرا ليك يا سيدة تسلم نحن بنحييك ، دكتور أيضا دي واحدة من الأسئلة الكثيرة التي تدور

    دكتور/ كمال حمد :

    نحن الحقيقة الإشعاع دا مرا بنا كثير جدا في دولتنا الناس في الشمالية تكلموا عن مواد مشعة دفنت في بعض مناطق الشمالية لكن نحن على حسب الحالات التي تجينا من الشمالية ما في زيادة في حالات السرطان التي يسببها الإشعاع معروف انو الإشعاع بيسبب سرطانات مثل الرئة وسرطان الغدة الدرقية وسرطان الدم ما في زيادة في هذه الأنواع من السرطانات في الولاية الشمالية ونحن كمجوعة قمنا وقامت الطاقة الذرية بقياس نسبة الإشعاع في الشمالية من منطقة كريمة لحدي شمال عبري ما كان في زيادة واضحة في نسبة الإشعاع يبقى حكاية انو الإشعاع سبب زيادة السرطان في الولاية الشمالية ما في اى حاجة علمية بتثبت هذا الاعتقاد بالنسبة للاتصالات في دراسة حديثة بتفتكر انو في علاقة بين استعمال الموبايل كثير والسرطان دي حاجة حديثة جدا لسه عايزة الدراسة نفسها تتكرر في مناطق أخرى وتثبت الكيبولات بتاعة الضغط العالي للكهرباء ثبت إنها عندها علاقة ببعض الكيمياء بتاعة الأطفال وفى قانون طبعا بينظم حكاية الكيبولات دي ومسافتها فيجب الاهتمام بهذا الجانب حتى لا تؤثر على الأطفال أما بالنسبة للمياه إلا تكون ملوثة ببعض المواد المسرطنة طبعا في مواد كيميائية كثيرة مسرطنة نحن بنفتكر في السودان الأسمدة والمواد المستعملة في مكافحة الحشرات في الزراعة تلعب دور مهم في تثبيت السرطان وهناك دراسات في مصر أثبتت ذلك وفى سوء في استعمال الأسمدة يعنى تلقى الواحد بيستعمل الأسمدة بيده وما بيلبس جونتات في يديه وما مغطى وجهه وبعداك في النهاية لما ينتهي بيجى يغسل يده في الحوض بتاع الموية أو الجدول ففي حوجة الى توعية كثيرة في هذه الأشياء

    مقدم البرنامج :

    الحقيقة امكن عايزين نتسأل عن الاعتقادات الخاطئة وسط الناس كثير من الناس ما زالت لديهم اعتقادات يعنى السرطان واحد من الأمراض التي يمكن علاجها بالعلاج البلدي لأنو تتفاقم مشكلته حينما يصبح هناك تدخل جراحي أو استخدام اى نوع من أنواع الجراحات أو أنواع العلاجات الذرية نفسها

    دكتور/ كمال حمد :

    الحقيقة في معتقدات كثيرة يعنى في السودان دا في ناس في الولاية الشمالية وفى الخرطوم وخارج السودان ناس الهاشمي المشهورين ديل بيفتكروا إنهم ممكن يعالجوا السرطان بعلاج بلدي بيستعملوا مواد كثيرة جدا ما في زول اثبت علمياً انو هذه الأشياء ممكن أن تعالج السرطان وبالعكس انو هي بتأخر حضور المرضى للعلاج يعنى نحن عندنا في السودان دا واحدة من كل خمسة نساء عندهم سرطان ثدي أول حاجة بيمشوا يعملوا علاج بلدي وبيحضروا لنا في مراحل متأخرة جدا ناس العلاج البلدي بيقوموا يفتحوا فتحة وبيضعوا مواد ذي الجير وأعشاب دي طبعا بتقوم تمتص السوائل والورم يقوم ينكمش والواحدة تفتكر إنها تعالجت ويقول لها ما تأكل لحم بقر فدى كلها اعتقادات خاطئة وما في زول بيقدر يعالج السرطان بعلاج بلدي المعروف انو في 40% من حالات السرطان ممكن تفاديها إذا الواحد عمل الحاجات التي ذكرناها قبيل و30% ممكن اكتشافها المبكر عليه وممكن الشفاء منه نحن عندنا عدد كبير جدا من الناس تعالجوا وشفوا من هذا المرض يعنى عندنا ناس عالجناهم وهم أطفال أسى امكن في ناس منهم صاروا أطباء وشفوا لكن دائما في السودان الإخفاقات بتظهر لكن النجاحات لا تظهر يعنى في ناس كثيرين جدا تعالجوا من السرطان وشفوا منه فالسرطان مرض ممكن الشفاء منه إذا الإنسان اهتم به وحضر مبكر حتى بعض السرطانات في مراحل مـتأخرة ممكن الشفاء منها يبقى الاعتقاد انو الناس بيعتقدوا يقول ليك لو وضعوا فيه المشرط أو وضعوا فيه إبرة أو شالوا عينة خلاص بينتشر دي كلها اعتقادات خاطئة ففي اعتقادات خاطئة كثيرة جدا في السرطان لأنو ناتجة من انو معظم الناس بيحضروا في الأطوار المتأخرة ونسبة الوفيات عالية وسط مرضى السرطان وبتالي سمعة المرض بقت سيئة لكن الناس يعرفوا إذا الشخص حضر بدري بيتعالج معظم السرطانات في بدايتها ممكن تتعالج يعنى ما مرض مخيف ذي ما كان زمان نحن مره شفنا واحد قلت له يا أخ عندك كيس في الحته الفلانية قال لي يا دكتور أنا عارف انو أنا عندي سرطان ما تقعد تقول لي كيس قال لي أنا يا دكتور شيخي مات وفناني مات فقمت قلت له فنانك منو قال لي عثمان حسين وشيخك منو قال البرعى يعنى الرجل دا ما زال حيى أكثر من خمسة سنوات كان عنده سرطان في البروستاتة وما زال حيى يرزق لما شفناه قبل خمسة سنوات هو كان بيفتكر خلاص انو حيحصل شيخه وفنانه فكثير من السرطان ممكن الشفاء منها لو الناس حضروا بدري وما في داعي للخوف الكثير من انو السرطان مرض قاتل فالسرطان مرض عادى يعنى لو قارنتى السرطان بالسكري بتلقي السكري مرض لا يمكن الشفاء منه لكن السرطان يمكن الشفاء منه

    مقدم البرنامج :

    الحقيقة امكن حنرجع عشان نتكلم عن العلاج نفسه وأهمية علاقة المريض بالطبيب والأسرة والروح المعنوية للمريض كل تلك الموضوعات حنتكلم عنها إنشاء الله ولكن قبل ذلك معنا اتصال الو السلام عليكم

    مشاركة عبر الهاتف :

    وعليكم السلام معاك محمد سنادة عندي اخى له ثمانية سنة عندو جرحة في يده وعملنا له عملية قبل كدا في الخرطوم وما نجحت فالعملية امكن لها سنة ونصف ما عرفنا دا من شنو

    دكتور/ كمال حمد :

    الجرح في يده وين يعنى في كفة اليد ولى فوق في الإبط

    مشاركة عبر الهاتف :

    في يده الشمال فوق مع الضراع

    دكتور/ كمال حمد :

    حجمه كبير

    مشاركة عبر الهاتف :

    والله بسيط ما كبير الجرح

    دكتور/ كمال حمد :

    فاتح يعنى بطلع دم

    مشاركة عبر الهاتف :

    أيوا بطلع دم عملنا له عملية وما نجحت معه وما عرفنا الأسباب شنو

    دكتور/ كمال حمد :

    عملوا منه عينة لما عملوا العملية ودوها المعمل

    مشاركة عبر الهاتف :

    لا ما عملوا عينة

    دكتور/ كمال حمد :

    دا لازم يجى يقابلنا في مستشفى الذرة في اى يوم أربعاء مع الصباح ونقوم نعمل له فحوصات ما بالضرورة يكون سرطان لكن امكن يكون فبيحتاج الى فحوصات ثانية تتشال منه عينة وتتعمل صور فمفروض يحضر لنا سريع

    مشاركة عبر الهاتف :

    وين مكانكم

    دكتور/ كمال حمد :

    مستشفى الذرة الخرطوم الأربعاء الصباح قبل الساعة العاشرة

    مشاركة عبر الهاتف :

    هل الحاجات الباردة العصائر بتؤثر بي حاجة

    دكتور/ كمال حمد :

    لا ما بتعمل سرطانات ما في زول اثبت انو العصائر الباردة بتعمل سرطان

    مقدم البرنامج :
    يا محمد سنادة امكن المشروبات الباردة إلا إذا باردة جدا أو مثلجة مع الأطفال ممكن تعمل لهم مشاكل بتاعة حنجرة لكن عموماً هم بيحتاجوا الى مشروبات باردة وسوائل كثيرة نحن بنشكرك كثير ونتمنى لأخوك الصحة والعافية وذي ما قال دكتور كمال تهتموا بالمرض أخوك نتمنى انو تحاول وتحضروا الخرطوم وتقابلوا دكتور كمال حمد مشكور سوف يقابلكم في مستشفى الذرة اى يوم صباح الأربعاء من كل أسبوع شكرا جزيلا ، أيها الأصدقاء ما زلنا نتابع معكم عيادة على الهواء ستة دقائق تفصلنا عن نهاية هذا اللقاء ، دكتور الحقيقة امكن من المفاهيم والمعتقدات الخاطئة والمخاوف يعنى الناس أثناء العلاج نفسه يعنى بعد اكتشاف المرض يتأخر كثير جدا المريض في انو يصل الى قناعة انو يأخذ العلاج وخاصة يعنى الجرعات المحددة في العلاج شنو ما يحدث للمريض في فترة العلاج وأثناء هذه الفترة كثير من الناس تشكوا من بعض التعب والإعياء الى اى مدى ممكن تكون هناك مرحلة مهمة جدا لمعرفة انو الناس كيف تتعامل مع مرض السرطان

    دكتور/ كمال حمد :

    الحقيقة علاج السرطان علاج جراحي علاج كيميائي وعلاج بإشعاع الكلام كله عادة بيدور حول العلاج الكيميائي لأنو بيسبب تساقط في الشعر أحيانا يسبب الغثيان والاستفراغ ونزول الدم يعنى دي كلها أعراض عادة يمكن السيطرة عليها أحيانا بتكون شديدة أكثر من اللازم ودا بيخلى الناس ما يواصلوا العلاج فعلاج السرطان عادة بيعمل أعراض وفى أدوية مساعدة لتقليل هذه الأعراض لكن لا تمنعها منع نهائي يعنى الشخص امكن يجيهوا استفراغ شديد لحدي ما يفقد سوائل وممكن يصاب بالحمى ولكن متابعة العلاج مهمة جدا لأنو زيادة الفترة بين الجرعة والجرعة خطيرة امكن الشخص لا يتعالج إذا زاد الفترات كثير ويجب الاهتمام بي انو الواحد يحضر في مواعيده ولما تحصل له اعرض مفروض يجى للطبيب يعنى لو حصلت له مضاعفات يحضر للطبيب والمضاعفات عادة ممكن علاجها معظمها العلاج بالإشعاع أيضا بيعمل سواد في المنطقة التي يبدو بها ويعمل شوية تقرحات في ناس بيقولوا ليك والله ناس الذرة ديل الأجهزة بتاعتهم ذي المكوة تضعها في الجسم طوالى تحرقوا ليك دا اعتقاد ما صحيح بل بيحصل شوية احمرار وأحيانا بتحصل شوية تقرحات وكلها مقدور على انو تتعالج المهم انو الشخص يصبر على الأعراض الجانبية والعلاج صعب ما علاج عادى لازم يعمل أعراض جانبية

    مقدم البرنامج :

    التغذية في هذه الفترة وممارسة المريض بعد كدا لنشاطه وحياته العادية يعنى حتى الروح المعنوية لتخفيف هذه الآثار الجانبية من العلاج أو متابعة العلاج بعد كدا لفترة طويلة

    دكتور/ كمال حمد :

    مريض السرطان عايز الناس يقعدوا معه ويشرحوا له المشاكل كلها أسى طبعا عدد الكوادر العاملة في مجال السرطان بسيطة وبتالي امكن يكون في تقصير في هذا الجانب وبعدين الشيء الآخر الأسر دائما لا يحبوا المريض يعرف الحاصل شنو يعنى اى مريض يحضر لنا أسرته بتجى داخله قبله يقول ليك والله هو ما عارف ما تكلمه أحيانا المريض لازم يعرف جزء من الحقيقة لا يكذبوا عليه يقول له كيس دهني لازم يكون عارف جزء من الحقيقة عشان يعرف يتعاون مع الناس لو سهلت له الموضوع دا حيتعاون وامكن يقطع العلاج ففي العالم أسى في قسم بتاع تغذية وفى قسم للعلاج النفسي نحن يعنى لسه ما زلنا الأشياء دي في بداياتها ما اتعملت كثير لكن المريض مفروض يعطوا توصية عن يأكل شنو والحاجات يحضروها له كيف ومريض السرطان عايز غذاء خاص وهنا في السودان الناس عندهم اعتقاد بي انو العصائر والقريب فرت والليمون بتزيد الدم فدى ما لها علاقة بزيادة الدم والقُضيم الواحد يعملوا له حلة بتاعة قُضيم ويصروا على انو لازم يشربها كلها فحاجات القُضيم دي كلها بتساوي لها كبسولة أو كبسولتين بتاعة حبوب بتاعة حديد ففي معتقدات خاطئة فمريض السرطان بيحتاج الى غذاء متوازن فيه كمية من البروتينات اللبن والزبادي والبيض وأشياء فيها بروتين والعصائر ما تكون هي الحاجة الرئيسية لازم الإنسان يأكل غذاء فيه بروتينات ودهنيات وفيه نشويات في نفس الوقت لا يركزوا على العصائر فقط

    مقدم البرنامج :

    الحقيقة امكن نحن في نهايات هذا اللقاء في سؤال مهم يعنى هل هناك أنواع من السرطانات ممكن تكون يعنى تنتقل عن طريق الوراثة أكثر يعنى على الأقل تستدعى انو الناس تعمل كشف أو نوع من الفحوصات إذا كانت متكررة في الأسرة أو في محيط العائلة

    دكتور/ كمال حمد :

    دا سؤال جيد الحقيقة مثلا سرطان الثدي من 5 – 10 % منه له علاقة بالوراثة أسى عندنا اسر عالجنا الحبوبة والأم وثلاثة من البنات في أسرة ذي دي وفى أسرة عالجنا أربعة من الأخوات في فحص بتاع جينات بيتعمل عندنا هنا في كلية الطب جامعة الخرطوم للأسر التي عندها حالات سرطان ثدي كثيرة ممكن تفحص تشوف الجين دا عند البنات ولى ما عندهم لو في بنقوم نعمل لهم متابعة خاصة وصور خاصة وموجات خاصة أيضا في سرطانات المعدة عندها علاقة بالوراثة أيضا سرطان الأمعاء وسرطان العين في سرطانات كثير لها علاقة بالوراثة يعنى الناس العندهم سرطانات في الأسر كثيرة من هذه الأنواع يجب ان يهتموا أكثر بي انو يعملوا كشف دوري نحن حقيقة عندنا في السودان الزول الصحيح لا يمشى يعمل كشف يقول ليك امش أفتش أقوم أجد لي حاجة لكن دي بيكون عندها الثقافة بتاعة انو الناس يعنى يمشوا ويعملوا كشف دوري حتى لو الشخص لا يشتكى من حاجة ما ينتظر لحدي ما تحصل المشكلة وبعداك يمشى يبحث عن الحل

    مقدم البرنامج :

    نحن بنحييك كثير جدا دكتور كمال حمد ، الحقيقة في أخر دقيقة يعنى امكن هناك تسأول كثير من الناس تسال أين نحن في السودان من التطور في علاج السرطانات واكتشاف السرطانات وأيضا في العلاج الكيميائي في السودان هل نحن نقول متقدمين أو على الأقل مواكبين

    دكتور/ كمال حمد :

    افتكر انو نحن مواكبين في معظم الأشياء يعنى معظم علاجات السرطان معروفة عندنا في السودان معظمها موجود عندنا صحيح في أدوية غالية جدا في العالم ما بتصلنا لكن في ناس بيجيبوها وبنستعملها نحن بدأنا علاج السرطان في مستشفى الذرة بدا سنة 1967م وامكن أول مركز في أفريقيا بعد مصر ومع جنوب أفريقيا افتكر نحن من الرواد في هذا المجال يعنى في اشراقات كثيرة في هذا المجال وفى إخفاقات طبعا لأنو علاج السرطان عموماً هو علاج مكلف ويحتاج الى مكنات عالية التكلفة والعلاج الكيميائي نفسه علاج مكلف ولكن المقارنة بباقي الدول في أفريقيا يعنى في أفريقيا في 19 دولة ما عندهم مكنات علاج بالأشعة

    مقدم البرنامج :

    نحن بنحييك كثير جدا دكتور/ كمال حمد محمد منان أستاذ مشارك علاج الأورام والطب النووي كلية الطب جامعة الخرطوم ومستشفى الذرة سعدنا بهذا اللقاء نتمنى انو نلتقيك إنشاء الله في حوارات أخرى عبر عيادة على الهواء

    دكتور/ كال حمد :

    شكرا جزيلا وأحييكم ونشكركم على تعاونكم وأنا افتكر انو البرامج دي عادة بعد ما تتعمل بيحضر لنا عدد كبير جدا من الناس بأورام مبكرة وشكرا جزيلا

    مقدم البرنامج :

    شكرا لكل الذين تابعونا عبر هذا اللقاء كنا معكم طه عبد الرحمن طه ، تحياتي إسراء زين العابدين الأسبوع القادم لقاء جديد عيادة على الهواء الإخراج منى صالح .
                  

11-27-2011, 10:36 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    الصادق المهدي الشريف في حوار النفايات مع محمد نور عضو المجلس الوطني


    تقديم:

    هل اصبح السودان سلة قمامات العالم ؟؟

    هذا السؤال ليس تهكماً… ولا وليد السخرية، لانّ الحقائق التي ذكرتها بعض الجهات ونشرتها الصحف خلال الفترة السابقة تكاد تؤكد انّ هذه البلاد اصبحت مدفناً للنفايات الالكترونية، واغرب من كل هذا انّ القصة لم تبدأ في هذا العام… ولا الذي قبله… ولا الذي سبقهما، بل بدأت منذ العام 1966 م ولم يتم الحديث عنها علناً إلا في نهاية العام المنصرم.

    اجهزة إلكترونية واجهزة حاسوب تدخل عبر الشريان الانساني، في شكل مساعدات وهبات ومنح الي منظمات تفرح ايّما فرح بها، كيف لا وهي لا تتكلف قرشاً واحداً… فهي مُعفاة من الجمارك تماماً، أليست هي منظمات (إنسانية؟؟؟). والاجهزة تحمل في جوفها الكادميوم… والبريميوم… والرصاص… لم يتبق إلا ان تحوي اليورانيوم.

    الزميل الصادق تقصّي الحقائق من افواه الذين جاءوا بالمعلومات، فكانت حقائق مذهلة، لاتكاد تعرف فيها الجاني من المجني عليه، وفي هذه الحلقة إلتقي بالسيد محمد نور الزين عضو المجلس الوطني، وأمين مجلس أمناء (منظمة تقنية الاتصالات) التي لنا معها وقفة في مقبل الايام… هذا الرجل الذي أثار القضية في المجلس الوطني، واتهمته بعض الجهات الحكومية بانّه باحث عن الشهرة ولا يدري ما يقول.

    هذه الحلقة جاءت بعد ان نشرت الهيئة السودانية للمواصفات والمقاييس إعلاناً مدفوع الاجر في صحف الخرطوم ( ألحقت فيه اسم الجمارك، فجاء البيان الصحفي وكأنّه بيان مشترك) تنفي فيه وجود ايّ حاويات ذات مخاطر اشعاعية… فكان بياناً أقرب لادانة الهيئة.



    محاورات : الصادق المهدي الشريف

    خطوط:



    الصادق تفتح ملف الحاويات ذات النفايات الإلكترونية المسرطنة

    محمد نور الزين عضو البرلمان يضع وزير المالية امام مسؤوليته الوطنية

    محمد نور : الحاويات دخلت بشهادات هيئة المواصفات والجمارك لا تعلم عنها شيئاً

    البيان الصحفي صدر من المواصفات ولا علاقة للجمارك به !!

    انا لا أتحدث عن مؤامرة أو خيانة عُظمي … انا اتحدث عن مصلحة المواطن

    لقد نادينا واستغثنا بالجهاز التنفيذي… ولكن لا حياة لمن تُنادي



    الصادق: الهيئة السودانية للمواصفات والمقاييس بالتضامن مع الجمارك اصدرتا بياناً صحافياً نفتا فيه وجود ايّ حاويات ذات مخاطر اشعاعية… من اين جئتم بالمعلومات التي ترددونها حول مخاطر هذه الحاويات ؟؟

    محمد نور: اولاً نشكر صحيفة الصادق لشجاعتها التي تمثلت في اثارة هذا الموضوع، لانّ تناول الموضوع نفسه يحتوي علي مخاطر.نحن اثِرنا موضوع الحاويات التي تحوي اجهزة إلكترونية مسرطنة في اجتماع القطاع الاقتصادي بالمجلس الوطني، حينما كنّا نناقشُ ميزانية العام الجديد وذلك بحضور د.عوض الجاز وزير المالية، وفي الحال تمّ استدعاء مدير الجمارك ، الذي حضرعلي وجه السرعة واجاب علي اسئلة السادة النواب والمسؤولين، واقرّ بانّ هناك ثمانية حاويات تحوي مثل هذه النفايات الالكترونية المسرطنة حُجزت في سوبا وانّ هناك العشرات منها في بورتسودان.

    =مقاطعة=

    الصادق: هل اقرّ مدير الجمارك بذلك… هل اكدّ وجود هذه الحاويات ..؟؟

    محمد نور: نعم… اعترف واقرّ بوجود الحاويات ، ثمّ من بعد ذلك عقدنا مؤتمراًً صحافًياً مشتركاً تحدثتُ فيه الي جانب مدير الجمارك الي اجهزة الاعلام المختلفة… واثبتنا الامر امام كل الصحف… والسؤال الذي اود ان اساله هنا هو : إذا كانت هذه الحاويات ليس بها اي اضرار فلماذا تمّ احتجازها ؟؟؟

    الصادق: مازال السؤال قائماً … من اين حصلتَ علي المعلومات التي تشيرُ الي انّ هناك حاويات ذات اضرار سرطانية في طريقها الي البلاد ؟؟؟

    محمد نور: اخذت المعلومات من بعض العلماء وهم اخواننا في منظمة ( تقنية الاتصالات العالمية)

    الصادق: ماهي هذه المنظمة ؟؟ والي ايّ جهة تتبع ؟؟؟

    محمد نور: هي منظمة علمية ومسجلة وفق القوانين السودانية واعضاء المنظمة هم خبراءُ واختصاصيون في الكيمياء والفيزياء التحليلية، وكوّنوا لجنة قامتْ بفحص الحاويات وكتبتْ تقريراً خطيراً لمدير الجمارك بانّ تلك الحاويات تحوي نفايات سامة.

    الصادق: نرجع للاجتماع… ما الذي فعله وزير المالية حينما اقرّ مدير الجمارك امامه بهذه المعلومات الخطيرة ؟؟



    محمد نور: وزير المالية قال انه سيتخذ الاجراءات اللازمة لمنع دخول هذه الحاويات الي البلاد، والاجراءات التي تمنع دخولها مستقبلاً، مدير الجمارك نفسه قال انه سيشددُ الرقابة علي المنافذ البرية والبحرية حتي يضمن عدم دخول مثل هذه المخاطر الي السودان. ورفع القطاع الاقتصادي توصياته بهذ الشأن.

    الصادق: الي ايّ الجهات رفع القطاع الاقتصادي توصياته ؟؟

    محمد نور: بالطبع رفعها الي رئيس البرلمان، فرئيس البرلمان هو قمة الجهاز التشريعي وهو الذي يستدعي قادة الجهاز التنفيذي.

    الصادق: من هم اصحاب هذه الحاويات ؟؟؟

    محمد نور: الحاويات دي جاءت الي بعض المنظمات الخيرية والانسانية وبعض منظمات المجتمع المدني من جهات غربية في شكل تبرعات وهدايا.

    الصادق:هل تشتم رائحة مؤامرة او خيانة من اطراف سودانية مع اطراف اجنبية لدفن هذه النفايات في السودان ؟؟

    = صمت برهة، ثمّ اجاب =

    محمد نور: لا اعتقد ان هناك تآمر او سوء نية في هذا الامر، لانّ اصحاب هذه المنظمات ليسوا خبراء او مختصين او علماء، انهم اشخاص عاديون… ربما كانوا متخصصين في الادارة او العمل الطوعي الانساني، لكن لا يمكن ان ارميهم بالتآمر.

    الصادق : تقصد انهم لا يعرفون محتويات تلك الحاويات ؟؟

    محمد نور: بالطبع يعلمون ما يتبدي ويظهر لهم… بانّ الحاويات تحوي اجهزة كمبيوتر واجهزة الكترونية اخري تاتي في شكل مساعدات ومعونات من جهات خارجية، لكنهم لا يعلمون انّ تلك الكمبيوترات والاجهزة الالكترونية في ذات نفسها عبارة عن نفايات الكترونية مسرطنة.



    الصادق: العلماء الذين قلت انك حصلت منهم علي هذه المعلومات… هل يملكون معامل متخصصة اكدت لهم ما ذهبوا اليه؟؟؟

    محمد نور: هم كلهم مختصين في هذا الشان.

    الصادق: انا اسال عن نتائج معملية ؟؟؟

    محمد نور: المسألة لا تحتاج الي معامل، المعروف ما هي المواد التي يُصنع منها الكمبيوتر، هذه مواد معروفة، لا يمكن التعامل معها مثل بقية المواد لانها تحتاج الي طريقة محددة عند التخلص منها، واعتقد ان الدكتور نزار سوف يحدثك حديثاً مفصلاً حول هذا الامر لو انّك سالته… انّها عناصر ثقيلة ومُشعة مثل الكادميوم والبريميوم والرصاص، كلها عناصر سامة اذا لم يتم التخلص منها بطريقة محددة…. فانّ اضرارها تكون وخيمة علي الانسان والطبيعة.

    الصادق : انت قلت انّ مدير الجمارك اقرّ امام القطاع الاقتصادي بانّ هناك حاويات من هذا النوع، لكن الهيئة السودانية للمواصفات المقاييس اصدرت بياناً بالتضامن مع الجمارك اكدتا فيه عدم وجود مثل هذه الحاوبات !!! كيف تري ذلك ؟؟

    = يبتسم نصف ابتسامة =

    محمد نور: ذلك البيان صادر من هيئة المواصفات وليس للجمارك اي علاقة به، انا شاركت في الندوة التي اقامتها الجمارك في مبانيها برئاسة نائب مدير الجمارك وكان هناك ممثل لمجلس الوزراء… وقد جري فيها نقاش مستفيض حول تلك الحاويات حيث تمّ تناول الموضوع بايجابية واتفق الجميع علي ايقاف الخطر القادم للبلاد، ما اودّ ان اقوله هنا هو انّ الجمارك تعلم بهذا الامر وتريد ايقافه… لكن الحاويات تدخل بشهادات من هيئة المواصفات.

    الصادق: اذا كانت الجمارك لم تشارك في كتابة البياناو الاقرار بما فيه… فلماذا لم تنفِ صلتها وعلاقتها به ؟؟؟

    محمد نور: هذا سؤال وجيه… لكني لا استطيع اجابته، يمكن ان تسال الجمارك عنه.

    الصادق : ما هي الاجابة في اعتقادك ؟؟

    محمد نور : الاجابة لا تحتمل اعتقادات… لا بدّ انّ هناك سبباً منع الجمارك من الرد، انا لا أعرف السبب.

    الصادق : لاتعرف ؟؟؟ أم لا تريد ان تقوله ??

    = يبتسم =

    محمد نور : أسأل إدارة الجمارك.

    الصادق: باعتبارك عضو مجلس وطني هل تقدمت بايّ مسالة مستعجلة لاستدعاء مدير المواصفات… او تحدثت اليهم في هذا الامر ؟؟

    محمد نور: المواصفات هي مجرد هيئة تتبع للجهاز التنفيذي، ونحن في الجهاز التشريعي ادينا ( القسم) لحماية الوطن والمواطنين ، نحن كجهاز تشريعي نستدعي الجهاز التنفيذي ونحاسبه ، هذا واجبنا، انا تناولت هذا الموضوع من جانب مسؤوليتي المهنية واثرته امام وزير المالية وامام كل اعضاء القطاع الاقتصادي.

    الصادق: هذه القضية اثيرت في العام الماضي 2009 م … فهل بدأ دخول تلك الحاويات المسرطنة منذ العام الفائت فقط ؟؟؟

    محمد نور: اقول ليك مبالغة…

    = صمت فترة طويلة ثمّ أجاب =

    محمد نور: هذه النفايات الإلكترونية تدخل منذ العام 1996 م ، والحاويات التي تتحدث عنها الصُحف الآن هي التي دخلت في العام السابق 2009 م ، فالمسالة طويلة المدي !!!

    الصادق: هل تقصد انّ السودان ظلّ يستقبل هذه النفايات منذ اكثر من 13 عاماً ؟؟

    محمد نور: نعم …. منذ العام 1996 م … يعني بالتقريب 13 سنة.

    الصادق: ولماذا اثارة هذه القضية في هذا العام فقط ؟؟

    محمد نور: أثِرنا الموضوع في اوقات سابقة… لكن هذه المرة الصُحف هي التي اعطت الموضوع حجمه الطبيعي.

    الصادق: يبدو انّ الجمارك لديها موقف يختلف عن موقف هيئة المواصفات، في رايك ماهو موقف الجهاز التنفيذي ؟؟

    محمد نور: اننا في المجلس الوطني ناخذ هذا الامر ماخذ الجد، رغم عطلة البرلمان الا اننا مازلنا نتابع هذه الامر بصورة يومية.

    الصادق: سألتك عن موقف الجهاز التنفيذي !!!

    محمد نور: كنا نتوقع من الاخوة في الجهاز التنفيذي ان يتعاملوا مع الامر بكل جدية.

    الصادق: اذن… ماذا كانت نتيجة توقعاتكم ؟؟؟

    محمد نور: للأسف… لاحياة لمن تناديّ.

    الصادق: لكن انت قلت ان مدير الجمارك اصدر بعض القرارات، وان وزير المالية اصدر قرارات اخري.. ما هي تنيجة تلك القرارات ؟؟

    محمد نور: مافي اي نتيجة ؟؟

    الصادق: والحاويات… هل دخلت الي البلاد ام لم تدخل ؟؟؟

    محمد نور: لم تدخل… اوقفتها الجمارك.

    الصادق: اذن هناك تحرك من الجهاز التنفيذي ؟؟

    محمد نور: تحرك ضعيف و اقل من امكانيات الجهاز التنفيذي… واقل من اهمية الموضوع… وأقل من الارادة التي يحتاجها لمعالجته… ولكن الأسئلة التي تحتاج الي اجابة شافية هي كيف سيتم التخلص من هذه النفايات ؟؟؟ ومتي ؟؟؟

                  

11-27-2011, 11:17 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    اهمال وتواطؤ الحكومه سبب في تفشي مرض السرطان في مناطق مختلفه بالسودان

    لقد عبر الاستاذ وراق بصدق عن الموقف المخجل الذى اقحمت فيه وزارة الخارجية نفسها ومراكز المعرفة السودانية كافة بتصرفها المتسرع الذى دلل عن غياب تام لاولويات المعرفة العلمية عن الحياة في السودان وعن غياب التنسيق بين اجهزة الدولة وتقهقر الاداء الدبلوماسى والحقيقة هى ان الولايات المتحدة الامريكية ليست مسئولة عن انتشار وباء السرطان في السودان اذ اننا لا نستطيع ان نرصد للولايات المتحدة في العقدين الاخيرين غير تصرفين لم يتسببا في انتشار مرض السرطان الذى استشرى بطريقة خطيرة في الاونة الاخيرة على الاخص في الاقليم الشمالى وفي العاصمة وهما :
    1- نشر في الثمانينيات ان الولايات المتحدة تقدمت باعتذار لحكومة السودان لان غباراً ذرياً قد مر بسماء السودان وان الرصد والتقصى برهن انه لا يسبب اي اضرار للسودان.
    اما قضية انتشار السرطان في السودان وعلى الاخص في شمال السودان تتطلب منا اهتماماً بالغاً لخطورتها من عدة نواحى :
    - اولاً : على حسب علمى ان احصائيات مستشفى الذرة في الخرطوم تتحدث بالاضافة الى حالات السرطان المختلفة عن حالات سرطان كسرطان الحلق تعرف بانها تنتج عن الاشعاع الذرى.
    - ثانياً : ان دراسة بيئية قدمها اثناء فترة الديمقراطية الثالثة 86/89 قائد السلاح الجوى للاكاديمية العسكرية الفريق على يوسف للحصول على دبلوم الاكاديمية العسكرية والتى قدمت ما استطاع الفريق على يوسف الحصول عليه من معلومات بالرغم من رتبته العسكرية حول دفن النفايات.
    - وان هذه الدراسة تشكك في الكثير من المعلومات التى قدمت وعن تكتم العديد من الجهات الرسمية وتجنبها تقديم المعلومات المطلوبة خاصة الاتفاق الذى تم بين جعفر نميرى واحدى الشركات الالمانية المتخصصة في النفايات لدفن نفايات باثنين مليار دولار في السودان.
    - وقد قيل ان الانتفاضة قد قوضت هذا المشروع قبل قيامه وقدم سمسارته للمحكمة ايام محاكمات مايو ـ الا ان تفاصيل هذه المحاولة وحقيقة احباطها ومقدرة الاجهزة السودانية على كشف مثل هذه الانشطة امر لا يمكن الفصل فيه في بلد استشسرى فيها الفساد بالمستوى المعروف وغابت عنه الشفافية خمسة عشر عاماً حتى الان.
    من منا يستطيع ان يستبعد دخول نفايات خطرة في براميل مكتوب عليها بالخارج انها تحمل اي محاليل كيمائية معملية (عادية) وتصدق عليها سلطات الجمارك التى لا تملك المعرفة العلمية لكشف النفايات الضارة ومن ثم تنقل الى الشمالية او غرب ام درمان وتدفن دونما رقابة الى ان تظهر اضرارها في وباء سرطانى.
    ولا غرو اذا كنا لا نحرك ساكنأً ازاء المواد المسرطنة التى تقع امام اعنيينا ومعروفة لدينا كل المعرفة :
    فمادة الاسبستوس مثلا المكومة في المصنع السابق لصناعة مواسير الاسبستوس الاسمنتية في الشجرة/الخرطوم والتى تقدر بعشرة الف متر مكعب وتلك الكومة في مصنع الاسبستوس في المنطقة الصناعية بالخرطوم بحرى والتى قدرناها بمائة الف متر مكعب ما زالت معرضة لتنقلها الرياح وتستقر في رئة المواطن يوميا.
    ونتيجة لنظام الرياح في منطقة الخرطوم لابد ان يتعرض لها كل المواطنين بدور فرز ـ بل تسببت بالفعل في العديد من حالات سرطان الرئة (Asbestoses) وادت الى حالات وفاة وقد حاول المتضررون رفع قضايا في المحاكم دون جدوى وتقدموا بشكواهم للصحافة التى لم تستطع ان تحرك ساكناً.
    والغريب ان سلطات البيئة قد استطاعت منع تصنيع الاسبستوس واوقفت المصانع ولكنها عجزت عن ان تفهم ان ترك الاف الامتار المكعبة في فناء المصانع تنقلها الرياح داخل المنازل يشكل خطراً اكبر من التصنيع اذ ان التصنيع يربط الياف الاسبستوس ويقلل من قدرة هذه الالياف على الدخول الى الرئة اما تركها في العراء كما هى عليه الان يسهل نقلها الى الرئة وكذلك لا يفيد دفنها في فناء المصنع كما نقل الى عن مصنع المنطقة الصناعية بالخرطوم بحرى لان ذلك لا يغنى عن معالجة خام الاسبستوس وتجنب آثاره الصحية الخطرة بطريقة علمية وينقله الى دائرة المياه.
    وثمة سبب آخر للسرطان يقع امام اعيننا وكأنه مقصود وهو عبارة عن الحفر الضخمة المكشوفة التى يرمى فيها مصفى الجيلى بقايا الكيماويات والفلاتر والتى بدورها تنتقل بواسطة الرياح الى جميع مواقع السكن في العاصمة الامر الذى يعكس قمة الاستهتار بحياة المواطنين اذ لا يوجد في العالم قاطبة مصفى يرمى ملوثاته بهذه الطريقية المستهترة ويتسبب في العديد من امراض الرئة والسرطان فقد درجت كل المصافى على بناء مكب علمى قبل تشغيل المصفى وعلى كل ليس غريباً ان تتصرف ادارة المصفى هكذا اذ ان المصفى نفسه قد بنى دون دراسة اثر بيئي EIA بل دراسة الاثر البيئي في السودان غير معروفة ولا تدرس في الجامعات حتى الان بالرغم من اهميتها القصوى، اما عن اصابات السرطان التى تسببها المبيدات والاسمدة والحشريات التى تدخل البلاد بلا رقابة كافية وتستعمل بدون تفتيش من قبل الصحة والارشاد الزراعى فحدث بلا حرج.
    (من سمع منا يوماً ان اي سلطة صحية حكومية جمعت نماذج خضروات من السوق وقامت بفحصها لمعرفة تركيز الكيماويات الضارة بها ؟؟)
    اضف الى كل ذلك المورد الكبير للمواد المسرطنة وهى المناطق الصناعية في المدن وعلى رأسها العاصمة القومية ـ اين تذهب المواد الخطرة التى تفرزها هذه المناطق الصناعية ؟
    انها تذهب الى العراء والى النيل والى المياه الجوفية هل يعقل ان توجد عاصمة ليس بها مكتب علمى للمواد الخطرة ؟ وهل توجد عاصمة في الدنيا بدون نظام علمى دقيق لتجميع النفايات الطبية والتخلص منها بالحرق التام.
    فبدلاً من ان ننسج الاوهام ونلوم غيرنا، علينا ان نبدأ فوراً بمعالجة الموقف وذلك بالاتى :
    1- انشاء مكتب علمى للمواد الخطرة ووضع نظام ادارة بيئية لاستلام هذه المواد من المصانع والورش ونقلها والتخلص منها بطريقة علمية.
    2- التخلص اليوم قبل الغد من الآثار الضارة بايقاف انتشار الاسبستوس فوراً وذلك بتغطيته اليوم قبل الغد بمشمع بطريقة محكمة وبالعمل على التخلص منه بطريقة علمية باقرب فرصه والبدء بعد ذلك بتجميع كل مواد البناء المصنعة من الاسبستوس خاصة تلك التى تستعمل في سقف بيوت العمال في السودان وعلى الاخص في بورتسودان ومواقع منازل السكة حديد والكشف عن مئات الالاف من الاطنان التى قيل انها دفنت في فناء المصنع الآخر في المنطقة الصناعية ببحرى ومنعها من الاضرار بالبيئة.
    3- مطالبة ادارة المصفى اليوم قبل الغد بجمع نفاياته المتروكة في العراء الحفر امام المصفى والاحتفاظ بها في حاويات داخل المصفى الى ان يبنى المصفى مكتب علمى لنفاياته.
    4- القيام بمسح علمى في الشمالية بواسطة الجامعات وبمساعدة هيئة الصحة العالمية وهيئة الطاقة الذرية وبرنامج الامم المتحدة البيئي التى ستتحمس للمساهمة لتحديد اسباب هذا الوباء وللتأكيد من ان المنطقة خالية من النفاليات الذرية ولمواجهة الموقف.
    ارجو ان اؤكد بان اللوم في هذا التردى البيئي المريع المخجل لا يقع على وزير البيئة بعد ان وقف في المجلس الوطنى ورفض تقديم بيان عن انشطة وزارته بحجة انه لم يستلم حتى نهاية العام غير 10% من ميزانية الوزارة في الوقت الذى تساوى فيه هذه الميزانية المصدقة اقل من 10% من استحقاقات البيئة :
    ولكن اللوم وكل اللوم يقع على المواطنين وعلى الاخص الاكاديميين الذين لا يحركون ساكناً للتعبير عن رفضهم لهذه الفوضى وهذا التجهيل والفساد الذى اقعد اجهزة الدولة عن القيام بمسئوليتها والذى يسئ للسودان وحوله الى موضوع تندر ######رية.
    ان هذا الخنوع وهذه الاستكانة تشكل خطراً اكبر من تلوث نووى امريكى حقيقى.


    من موقع سودانى للابد
                  

11-28-2011, 04:51 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    هذه القضيه الهامه والتى اعترفت بعض الدول بانها ترسل نفاياتها لدول العالم الثالث

    ماذا فعل نظام الخرطوم لمنع دخولها؟

    الحقيقه تقول بان نظام الخرطوم وعن طريق وسطاء دوليين ومحليين من اعوان النظام

    ساهموا وبصوره واضحه في ادخال هذه النفايات
                  

11-28-2011, 05:19 PM

محمد جلال عبدالله
<aمحمد جلال عبدالله
تاريخ التسجيل: 06-24-2011
مجموع المشاركات: 4552

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    شكرا لك على هذا الخيط المهم أخ خضر
    وقد اكتوى أهلنا في شمال السودان كثيرا من هذه النفايات
    وهذا الأمر يوضح بجلاء أن الجلابة هم الفئة الحاكمة فقط
    وليس مواطني الشمال .. وإلا لما دفنها حكام السودان هنالك
    وصدقني لو حدث ذلك في أي إقليم آخر لسمعت الأعاجيب!!
                  

11-28-2011, 05:32 PM

Hassan Senada

تاريخ التسجيل: 04-25-2010
مجموع المشاركات: 1804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: محمد جلال عبدالله)

    بالجد انتشرت مرض السرطان بصورة رهيبة فى الشمالية وبكثافة خاصة النساء والاطفال


    شكرا خضر
                  

11-28-2011, 07:50 PM

بشير أحمد
<aبشير أحمد
تاريخ التسجيل: 03-21-2008
مجموع المشاركات: 10017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: Hassan Senada)

    Quote: الحقيقه تقول بان نظام الخرطوم وعن طريق وسطاء دوليين ومحليين من اعوان النظام

    ساهموا وبصوره واضحه في ادخال هذه النفايات




    معناتها ماقريت مهرجان الكلام النقلتو ده كلو!!!
                  

11-29-2011, 06:08 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: بشير أحمد)

    شكرًا لهذا الموضوع الهام والتثقيفي
    نتمنى ان ياتي اليوم الذى يفتح فيه هذا الملف علي مصراعيه بشفافية لمناقشته هذا المرض وانتشاره الأخطبوطي فى السودان حتى كاد ان يصبح مثل الامراض الوبائية
    جني
                  

11-29-2011, 08:37 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: jini)

    شكرا يا باشمندس بكرى لرفع الموضوع لاهميته


    تم نقاش الموضوع فى اذاعه ليفربول اول امس
                  

11-29-2011, 04:44 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    لك التحيه اخ محمد جلال


    Quote: شكرا لك على هذا الخيط المهم أخ خضر
    وقد اكتوى أهلنا في شمال السودان كثيرا من هذه النفايات
    وهذا الأمر يوضح بجلاء أن الجلابة هم الفئة الحاكمة فقط
    وليس مواطني الشمال .. وإلا لما دفنها حكام السودان هنالك
    وصدقني لو حدث ذلك في أي إقليم آخر لسمعت الأعاجيب!!



    تأتى اهمية الموضوع من خلال انتشار هذا المرض الفتاك

    فى اوساط اهلنا البسطاء الذين لاحول لهم ولاقوه

    مع عدم وجود توعيه بكيفية التعاطى مع هذا المرض الفتاك

    وعدم وجود المستشفيات المتخصصه والاجهزه الطبيه الحديثه

    والادويه ما اعلمه بان مستشفى الذره بالخرطوم لايمكنه باى حال

    استيعاب وعلاج ومتابعه هذه الاعداد الغفيره من المرضى

    نساء ورجال واطفال, والاسوأ بان غالبيه المصابين بهذه السرطانات

    هم من خارج العاصمه وبالتحديد في المنطقه الشماليه

    وحتى من هم داخل العاصمه لاتستوعبهم كما اشرت هذه المستشفى

    ضيقة الامكانيات.

    واجب السلطات ان تسعى لمتابعة هذا الموضوع الهام والخطير

    ان كان في قلوبهم ذرة من الانسانيه.


                  

12-01-2011, 08:18 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    اسر كثيرة باعت منازلها لعلاج زوج او زوجة او ابن او ابنة ومن لا يملك المال ينفق فى الشوارع كما تنفق الماشية
    كم هائل من العملات الصعبة خرج من السودان للعلاج فى اوروبا وأمريكا ومصر والأردن ودول الخليج ورئيسنا الهمام بدلا من بناء مجمعات لعلاج السرطان يبني مجمع النور بكافورى وكان الأجر والثواب الا في بناء المساجد رجل دولة يفكر كما يفكرالعامة!
    جني
                  

12-01-2011, 09:56 AM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 9715

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: jini)

    الاخ جنى لك التحيه
    Quote: شكرًا لهذا الموضوع الهام والتثقيفي نتمنى ان ياتي اليوم الذى يفتح فيه هذا الملف علي مصراعيه بشفافية لمناقشته هذا المرض وانتشاره الأخطبوطي فى السودان حتى كاد ان يصبح مثل الامراض الوبائية جني
    اهمية الموضوع تاتى من انه يتعلق بصحة المواطن واذا استمر دفن هذه النفايات وبهذه الطريقه لن يبقى في السودان غير المقابر وهذا شئ متوقع ممن قاموا بتقسيم الوطن دعك من قتل انسانه.
    Quote: اسر كثيرة باعت منازلها لعلاج زوج او زوجة او ابن او ابنة ومن لا يملك المال ينفق فى الشوارع كما تنفق الماشية كم هائل من العملات الصعبة خرج من السودان للعلاج فى اوروبا وأمريكا ومصر والأردن ودول الخليج ورئيسنا الهمام بدلا من بناء مجمعات لعلاج السرطان يبني مجمع النور بكافورى وكان الأجر والثواب الا في بناء المساجد رجل دولة يفكر كما يفكرالعامة! جني
    هذه هى الحقيقه المره والتى يجب لفت الانتباه لها فعلا كثير من الاسر باعت ماتملك لعلاج احد افرادها هذا بالنسبه لمن يملكون مايبيعونه فمابالك بمن لايملك قوت يومه في ظل هذا (المشروع الحمارى) والذى لايرى ان للانسان الحق فى ان يعيش كريما ومعافى في بدنه. بعد الحلقه التى تم تسجيلها بالاذاعه هناك مجهودات كبيره بصدد ايصال هذا الموضوع لاقصى مراحله حتى نجد له حلا ناجعا لصحة انسان السودان. والله المستعان
                  

12-01-2011, 11:16 AM

مريم عزالدين صديق
<aمريم عزالدين صديق
تاريخ التسجيل: 11-26-2004
مجموع المشاركات: 955

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قضية دفن النفايات النوويه و امراض السرطانات في السودان (Re: خضر الطيب)

    ***
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de