|
|
 اسعار وموديلات التلفونات في السودان
|
جزيل شكري مسبقا لكل من يسهم باي معلومة تفيد
بعمل لي في دراسة جدوى لاسعار التلفونات المحمولة في السودان, اسعارها, الاكثر تسويقا, الافضل
الموديلات, واي معلومات اخرى مفيدة.
سمعت بان سوق البلاك بيري والايفون كويس لكن في استطلاعي عن اسعار وموديلات المطلوب اختلفت البيانات
من شخص لاخر واحيانا اتباينت تباين شديد جدا..... يعني واحد يقول ليك الايفون حصل تلاتة مليون ومرغوب
وشخص تاني يقول لا الاي فون دا سعرو اقل من مليون وسوقو نايم جدا. ما تعرف تعتمد اي القولين. المهم
يا اخوانا ارجو مدنا باي معلومات تفيد في هذه الدراسة.
لكم اخلص الود
|
|
 
|
|
|
|
|
|
|
 Re: اسعار وموديلات التلفونات في السودان (Re: الخير محمد عوض)
|
استطلعت شقيقتي الصغري في الامر لاعتقادي بانها ممكن تكون (تفتيحة) في المسالة دي
سالتها من الايفون فسالتني قالت لي انت قاصد ياتو اب تفاحة مقرومة وللا التفاحة كاملة ^_^
ولما تقدمت معها في مراحل الاستطلاع عرفت فعلا انه في نوعين من الايفون واحد ضارب واحد
ما ضارب الما ضارب دا تفاحته مقرومة ههههههههههههههه محن
| |
|
|
|
|
|
|
|
|
|
Re: اسعار وموديلات التلفونات في السودان (Re: الخير محمد عوض)
|
السؤال ..البلاك بيري بيشتغل في السودان ... ؟؟؟ ما أظن ... الا كان تشيلو قشرة سااااكت ....
الحاجة التانية ..سوق الموبايلات في السودان ما مربوط بالسوق العالمي ....
غايتو النوكيا اكتر حاجة مرغوبة و دا الشي الملاحظ ..مع انو انا شخصيا ما بفضلو
| |
|
|
|
|
|
|
|
|
Re: اسعار وموديلات التلفونات في السودان (Re: sari_alail)
|
يا ساري الليل تحياتي
| Quote: السؤال ..البلاك بيري بيشتغل في السودان ... ؟؟؟ ما أظن ... الا كان تشيلو قشرة سااااكت .... |
يا ساري الله اخوك لا داير اقشر بيه ولا شي ووبرضو داير اكد ليك انه بشتغل في السودان انا شخصيا استعملته في
السودان في بداية عام 2009 يعني من الزمن دا كان شغال بس حقيقة انه ما استعملته الا كتلفون للاتصال والاستقبال
فقط وهسي ما عارف هل شركات الاتصالات فتحت فيه باقي الخدمات وللا لا.
| Quote: الحاجة التانية ..سوق الموبايلات في السودان ما مربوط بالسوق العالمي .... |
ما اظن يا ساري في حاجة في السودان مرتبطة بالسوق العالمي
| Quote: غايتو النوكيا اكتر حاجة مرغوبة و دا الشي الملاحظ ..مع انو انا شخصيا ما بفضلو |
فعلا نوكيا ما مرغوب كتير برة السودان وظهرت تلفونات جديدة في عوالم الاتصالات منها ال HTC وهو تلفون
راقي جدا والتكنلوجيا الفيهو متطورة جدا ومثله كثير من التلفونات لا سيما اخانا الايفون الذي هو كون اخر
في عالم التكنلوجيا.
تسلم يا سيدي علي المرور والاضاءة.
| |
|
|
|
|
|
|
|
|
|
Re: اسعار وموديلات التلفونات في السودان (Re: ناهد حسن بشير)
|
Quote: والله آخر الاخبارالوصلتنى اليوم من السعوديه تحديدا
سعر الآى فون 4 بكل موديلاته 750$
|
تسلمي يا ناهد للافادة وياريت كمان لو عرفت الطلب عليهو كيف
في سوق الخليج وكان الموضوع مشى كويس ليك علي ايفون هدية باعتبارك
اول من افاد بهذا الخصوص.
تحيتي
| |
|
|
|
|
|
|
|
|
|
Re: اسعار وموديلات التلفونات في السودان (Re: الخير محمد عوض)
|
أخي الفاضل الخير... عليك أن تضع في حسبانك سعر الدولار الذي يتصاعد بجنون وتأثيره على أسعار الموبايلات لأنها ستصبح غالية جدا ولربما تجد صعوبة في تسويقها كاش. ولا تنسى الجمارك وما أدراك ما الجمارك!
للأسف الشديد أي شيء يتم استيراده للسودان هذه الأيام سيصطدم بالقوة الشرائية للناس لأن السعر سيكون مضاعفا، خاصة إذا تعلق الأمر بالكماليات. ولكن إذا كان لك الزبون المضمون القادر فتوكل على الله والأرزاق بيده تعالى.
| |
|
|
|
|
|
|
|
|
|
Re: اسعار وموديلات التلفونات في السودان (Re: محمد الأمين موسى)
|
اخانا محمد الامين
تحياتي يارجل
فعلا سعر الدولار العاير دا بجهجه الاسعار وللاسف السوق السوداني ماشي بارادة التجار
يعني من المفارقات العجيبة ممكن براحة تلقى سعلة بسعر محدد ونفس السلعة دي وتكون في الدكان
المجاور بسعر مختلف تماما عن السعر اللقيتها بيهو....دي حاجة ما بتلقاها في اي مكان
في الكرة الارضية الا عندنا.... لكن يا محمد التلفون في السودان ما اظنه من الكماليات
وفكرة انه التلفونان والتلفونات الراقية جداجدا جدا في السودان دا وبحالته الاقتصادية
المشلشة دي يكون ما كماليات, دي في حد زاتها فكرة تمخول الزول والله.... عموماتسلم يا سيدي
للمشارة والافادة.
ودي
| |
|
|
|
|
|
|
|
|
|
Re: اسعار وموديلات التلفونات في السودان (Re: طارق زروق)
|
تسلم يا طارق زروق للافادة الجيدة بس في مشكلة تانية كبيرة واللهي حتى كل
الموبايلات الهنا في امريكا بتلقة فيها (ميد ان جاينا) ناس السودان بعرفو
كيف دا تصنيع بخص امريكا(اصلي) ودا تصنيع ما بخص امريكا ( ما اصلي)
| |
|
|
|
|
|
|
|
|
|
Re: اسعار وموديلات التلفونات في السودان (Re: عمار محمد ادريس)
|
اخي الكريم صاحب البوست تحية طيبة:
بداية لست مقيما بالسودان من زمن النبي نوح، لكن الذي استشفيته من هذا البوست هو انك بصدد فتح بيزنس في الموبايلات، وبالتالي تحتاج الي دراسة الاسعار والسوق الخ، واعتقد ان الانسب لك لو ذهبت انت بنفسك واجريت دراسة ميدانية علي الارض او معك تلات اشخاص اذهبوا الي اسواق السلعة في العاصمة المثلثة ومعك دفتر وقلم، اسال، استفسر، اكتب، اشطب، قارن، كل يوم تحتاج لثماني ساعات الي عشرة ساعات، وشوف ايهما ماشي في السوق؟ الصيني المضروب المنتوف، ام الاصلي؟ الي اي مدي تتاثر الاسعار بترنح الدولار؟ تحتاج الي اسبوعين الي تلاتة اسابيع، لقراءة السوق، ويومين لاستخلاص النتائج، واليوم الثالث لاتخاذ القرار، اما اعتمادك فقط علي سودانيز اولاين لا اعتقد انه سيوفر لك بيئة عمل ودراسة جدوي تستيطع ان تؤسس عليها، اما ان كان الغرض من البوست هو انك تريد اقتناء موبايل خاص بك فتقبل اعتذاري، مع عواصف الود.
| |
|
|
|
|
|
|
|
|
|
Re: اسعار وموديلات التلفونات في السودان (Re: محمود الدقم)
|
عمار تسلم يا حبوب للمشاركة الذي اعرفه انه البضائع الصينية البتتصنع لافريقيا
وبعض الدول الاسيوية بتكون ضاربة ودي لا تخطأها عين الزبون السوداني المتفحصة جدا
يعني ما بتعامل مع البضاعة الضاربة الا زول يكون مضطر*
مضطر دي شايف اخانا حسين زي ماعاجباهو كدا 
| |
|
|
|
|
|
|
|
|
|
Re: اسعار وموديلات التلفونات في السودان (Re: محمود الدقم)
|
| Quote: بداية لست مقيما بالسودان من زمن النبي نوح، لكن الذي استشفيته من هذا البوست هو انك بصدد فتح بيزنس في الموبايلات، وبالتالي تحتاج الي دراسة الاسعار والسوق الخ، واعتقد ان الانسب لك لو ذهبت انت بنفسك واجريت دراسة ميدانية علي الارض او معك تلات اشخاص اذهبوا الي اسواق السلعة في العاصمة المثلثة ومعك دفتر وقلم، اسال، استفسر، اكتب، اشطب، قارن، كل يوم تحتاج لثماني ساعات الي عشرة ساعات، وشوف ايهما ماشي في السوق؟ الصيني المضروب المنتوف، ام الاصلي؟ الي اي مدي تتاثر الاسعار بترنح الدولار؟ تحتاج الي اسبوعين الي تلاتة اسابيع، لقراءة السوق، ويومين لاستخلاص النتائج، واليوم الثالث لاتخاذ القرار، اما اعتمادك فقط علي سودانيز اولاين لا اعتقد انه سيوفر لك بيئة عمل ودراسة جدوي تستيطع ان تؤسس عليها، اما ان كان الغرض من البوست هو انك تريد اقتناء موبايل خاص بك فتقبل اعتذاري، مع عواصف الود. |
اخي محمد الدقم تحياتي وتشكر يا سيدي للافادة وكلامك فعلا منطقي ومقبول جدا ويبدو لي انه في
نهاية مطاف هذهالدراسة اني حا الجأ للنصايح بتاعتك والتي اعتبرها قيمة جدا. انا طبعا ما
حا اعتمد اعتماد قطعي لافادات الاخوان هنا ولكن بعتبرها خطوه ايجابية تفيد الدراسة في مراحلها
الاولية يعني بتديني جنرل فيشن لامكانية مواصلة الدراسة ام لا.
لك تحيتي
| |
|
|
|
|
|
|
|
|
|
Re: اسعار وموديلات التلفونات في السودان (Re: الخير محمد عوض)
|
اخونا الخير
السودانيين مغرمين جدا بالنوكيا وثمانين في المائة من السودانيين نوكياب
لكن العقدة دي بدات تخف شويه
شايف سامسونج خشت السوق بتقل شديد وفي الجهاز جلاكسي عامل شغل جامد وفيه امكنيات حلوة شديد
وسعره يتراوح بين 1500 الي 2000 جينه والميني منه ما بين 600 الي 800 جنيه
اما الايفون فجهاز سمح في امتلاكه ولكن صعب في بيعه وغالبيه الناس بتحب الموبايل الممكن تبدله وتبيعه سريع لو احتجت ودي نوكيا فيها الاولي
وهسه الناس اتجهت للصيني لانه فيه شريحتين وسعره هادي بس مشكلته ....لو اتعطل الا تجدعوا لانه سعر صيانته اغلي منه
كل الود
| |
|
|
|
|
|
|
|
|
|
Re: اسعار وموديلات التلفونات في السودان (Re: فيصل محمد رشوان)
|
تشكراتي يا فيصل
فعلا سامسونج جلاكسي من التلفونات العاملة شغل جامد حتى في بلاد عمك سام
لكن يبدو لي انه سعره غالي جدا في السودان بس اهو كويس غايتو نختو من
ضمن تلفونات الدراسة دي ونشوف..... تسلم كتير للمداخلة المفيدة جدا
وخدك السامسونج دا هدية
| |
|
|
|
|
|
|
|
|
|
Re: اسعار وموديلات التلفونات في السودان (Re: الخير محمد عوض)
|
الحظر الإقتصادى على السودان لا يجعلك تستمتع الإستمتاع الكامل بالآيفون فى السودان
لانو أى قيم جديد أو أى برنامج أو أى App جديد ما مكن تنزلو فى الأيفون فى السودان
لعدم السماح بإستعمال بطاقات الضمان المالية مثل الفيزا و الماستر كارد من السودان عبر شركات النت السودانية
والايفون بيعتمد على تنزيل المثير والجديد من ال Apps وهو محظور فى السودان
وهذا قد ينطبق على البلاك بيرى أيضا
يمكن إستعماله مجرد تلفون للوجاهة
والحظر هذا إحدى المصايب التى جلبها لنا حكم المؤتمر الخبيث
| |
|
|
|
|
|
|
| |
الخير محمد عوض
lana mahdi
sari_alail
Ahmed Abdallah
حسين نوباتيا
ناهد حسن بشير
محمد الأمين موسى
طارق زروق
عمار محمد ادريس
محمود الدقم
baha eassa
عبد اللطيف السيدح
محمد النيل
محمد عبد الماجد الصايم
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست