|
|
|
 Re: فاطمة الصادق ( الصفيرابية ) مذيعة قوون تتجاهل اساءات البرير (Re: شمس الدين ساتى)
|
الصفوة الأخ هجو
تحياتى
مشكورعلى اللنك .. بسمع بهذه المذيعة فاطمة أول مرة أشاهد لها حلقة وحواراً
إنحيازهاا واضح إلى جانب ضعفها فى إدارة الحوار والزمن. لم تقاطع البرير
وهو يهدر الزمن مكررا كلامه عدة مرات. بينما قاطعت إدارى النيل ومزمل ابوالقاسم
ومتوكل أحمد.
التحية والتقدير لمتوكل أحمد ومزمل ابوالقاسم كلامهما فى الصميم
أما العميد حاتم حديثه تحفة .. بس معقولة دا مستوى إدارى
هذه الفاطمة دون أن تقصد اتاحت مقارنة البرير وحاتم، قصاد متوكل أحمد
فبان البون الشاسع فكرا وفهماً ومنطقاً لصالح متوكل أحمد
ويبدوأن الفرق بين الزريبة والمعبرة من ناحية و القلعة والمفخرة
ليست تباين فى جودة الأمكنة فقط !
أما عن القضية الفارغة المطروحة فالإتحاد لديه سابقة تسجيل علاء الدين
يوسف حيث كان قرار الإتحاد إحترام رغبة اللاعب. وهذه المرة الإقرار
الموقع من قبل اللاعب وناديه ورغبته كلها متفقة فى تسجيله للمريخ
وفهمت من الحوار ليس هنالك اى عقد موقع بين الهلال ونادى النيل
أو اللاعب الضفر .. فأى شكوى أو قضية يتحدث عنها هذا الحاتم
ونادى الهلال .. القانون لا يحمى المغفلين، وما بينهم واللاعب وناديه
وصل إستلام مبالغ وليس عقوداً.
وأى أخلاق يتشدق بها هذا البرير وحاتمه .. ولكمة الحكم الجزائرى
فى ألأذهان .. البستحوا فاتو والبختشوا ماتوا !!!!
| |
 
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: نادر الفضلى)
|
الأخ هجو
سلام ومبروك الممتاز وضفر
والله انا ما شايف اصلاً في موضوع يعني مافي لاعب في السودان بيستحق هذه الهيلمانة
وكل من تكلم في هذا الموضوع داخل الاستديو او تداخل عبر التلفون اذا كان من الهلال أو المريخ أو النيل ما عندهم موضوع وما بيعرفوا
يتكلموا .
أخي هجو عرفنا رايك في الاخت فاطمة الصادق ( الصفيرابية)
ورينا رايك في حركة وارغو ( الصفوة ) لجماهير الهلال بعد نهاية مباراة الهلال والمريخ الاخيرة
خليناك من ضرب فاروق جبرة للحكم
أخي هجو لك تحياتي واحترامي ،،،
أبو كريم
| |
|
|
|
|
|
|
|
|
 Re: فاطمة الصادق ( الصفيرابية ) مذيعة قوون تتجاهل اساءات البرير (Re: ابراهيم محمد الحسن)
|
في ذات الإطـــار ،،
(منقول من منتدى محبي المريخ)
مذيعة قوون ....أنتي غبية (حلمنتيش)
يا الشغالة في قناة قوون
ويا المبهورة ببنات جون
ويالفي وشك مليون لون
انتي غبية...
ولو ادوك بنية قوية...عليك ما شوية
===================
كان اصورتي مع ايتو
ولو زرتيهو في بيتو
وايتو هداك عربيتو
انتي غبية...
وكان ارتكبوا فيك جنية...عليك ما شوية
======================
لو طلبوك في فرانس فتبول
ولو ودوك لي كم مول
وما بشروك بي صحن فول
انتي غبية....
ولو خمشوك بي طورية....عليك ما شوية
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: الفاتح خليل الفكي)
|
اخى الفاضل ابو كريم اشكرك على كلماتك الهادئة
لا يخفى عليك ان المريخ هذا العام حورب بصورة
ظالمة و الشواهد كثيرة ، اخرها هذا الحكم الظالم
الجاهل الذى كرت فاروق جبرة ، كان بامكانه طلب اخراجه فقط
هذا الرجل فعلا ناوى على المريخ و لكن ربنا كريم وشبابنا كانوا
فى الموعد ، حركة وارغو مرفوضة ، ولكن حركة هيثم قارورة قبيحة
وهو يطلب من الزملاء عدم تهنئة لعبية المريخ ، بس المعز ما قصر.
| |
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: حيدر بشير)
|
Quote: الاخ هجو
لك التحية
الحمدلله انك ما قلت الصفوية فدا يديها شوية عذر
لكن ما بالكم و انتم تدعون الصفوية لم تعلقوا على ما فعله فاروق جبرة ولا ما جاء به وارغو بعد ان تم استبداله |
اخى حيدر بشير سلام من الله ورحمة
فى كل المنابر المريخية استنكرت ردة
فعل الكابتن فاروق جبرة على الحكم الظالم
الذى شاهد الكل ظلمه و تجنيه على المريخ
حركة وارغو مرفوضة ، و تذكرنى هيثم قارورة
اهه انت يا شيخنا رايك شنو فى إنسحاب لعبية
الهلال و عدم مباركتهم للزعيم داخل الملعب
ثم من طفأ النور فى الملعب وحرم الناس من
الانبساط .
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: هجو الأقرع)
|
هجو يا عمك سلامات
عندي ملاحظة على الحوار الدار في البوست
اغلب المعلقين كل تناول الموضوع من زاوية انتماؤه
وصار الحوار اشبه بدائرية من سرق الروب كل واحد بسال التاني اها انت رايك شنو في الحاجة الفلانية العملها فريقك
يا اخوانا الشي الغلط دا ما ظاااااهر وما محتاج يتقري من زاوية انتماءك وولاءك
التصرفات الخاطئة و المعيبة ادانتها ورفضها يجب ان يكون بصورة مطلقة غض النظر عن قربك او بعدك من مرتكبها
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: هجو الأقرع)
|
د. نشأت نبيل .. شهد الحروف .. اختارت قون لا اخترنا نحن!
· تأسفنا للألفاظ الغير محترمة التي ادلى بها الأمين البرير رئيس نادى الهلال ، عبر قناة قون أول امس ، قون التي كنا نحسبها نحن أهل الرياضة بأنها باكورة إنتاجنا وأول خطواتنا نحو انطلاقنا الى العالمية ، في زمن تحول فيه العالم الى قرية صغيرة ، حيث اصبح المواطن العربي يعيش كل لحظة من الحدث بلحظتها ، فكان فى التحرير مع ثوار قاهرة المعز ودافع عن شرف الميدان في معركة الجمل ، وقاتل مع ثوار ليبيا في الزنتان والبريقة ومصراتة ، وناضل مع ثوار اليمن في صنعاء وتعز وأبين ، ويقاتل الأن مع ثوار سوريا في حمص واللاذقية وحلب ، وشهد هروب زين العابدين ومحاكمة مبارك ، ونحر القذافي و وكان مع صالح في مشفاه بالمملكة السعودية.
· قون التي اعتبرناها وجه الرياضة السودانية ، صوتنا في زمن يتحكم فيه الأعلام الفضائي على عقول وراء الأمم ، ولكن ... للأسف اختارت قون ان تكون صوت للهلال لا للسودان .
· لقد تجاوزنا عن أخطاء كثير وقعت فيها قون وأوجدنا لها العزر وقلنا أنها قناة ناشئة وسنة الحياة الخطأ والصواب ، ولكن ان يصل الأمر الى هذا الحد فهذا غير مقبول بتاتاً.
· اختارت قون لا اخترنا نحن ... وأخطأت قون ولم نخطئ نحن ، كيف ارتضت الزميلة فاطمة الصادق أن يساء الى نادى بقامة المريخ في القناة التي تنتمى إليها وعبر برنامجها الذى تقدمه هي شخصياً ، فهل لو كانت هذه الإساءة موجه الى نادى الهلال فهل كان ستسكت عنها ؟؟، ربما أخطأت الزميلة فاطمة الصادق الفهم و خلطت بين منتدى الهلال الذى تكتب فيه وتسيئ الى المريخ يومياً وبين قناة (ظننا) أنها ملك لكل رياضي سوداني.
· لا نملك ان نغير في سياسة و لونية قناة قون التي اختارتها ، ولكن هناك طرق قانونية وطرق أخرى يمكن لأهل المريخ ان يسلكوها للدفاع عن حقوقهم.
· اذا كان المريخ قذر، ماذا يسمى من اعتدى على حكم مباراة الترجي الذي حل ضيفاً على الهلال أولاً والسودان ثانياً، ماذا يسمى الهروب من لجنة الانضباط بالاتحاد الأفريقي ، وماذا يسمى من خرجوا علينا ببيان وعلى صدره اعظم آيات المصحف الشريف من أجل طمث الحق وإعلاء كلمة الباطل .
· نحن لا نعرف القذارة والمريخ نادى كبير، أكبر من النادي الذى ترأسه ، نحن خلق ومبادئ اكبر من تاريخ ناديك ، نحن تاريخ الرياضة في السودان وناديك ولد من رحم نادينا ، والفضل لله أولاً ... ثم للمريخ الذى وهبكم الحياة ، فلولا المريخ وفضله عليكم ما أصبحت أنت رئيس لنادي يدعى الهلال.
· رجاء لا تتكلموا على المثل والمبادئ ، فانتم آخر من يتكلم عنها ، أين كانت مثلكم وأخلاقكم عندما تم تسجيل علاء الدين ، وأين كانت مثلكم وأخلاقكم عندما سجلتم نزار حامد وصالح الأمين ، أين كانت مثلكم وأخلاقكم عندما نهشت الأهرام المصرية عرض ناديكم ، أين كانت المثل والأخلاق عندما كابرتم وأنكرتم واقعة (الحيمودى) والتي بسببها أوقف رئيس ناديكم .
· جففوا دموع التماسيح ما عادت تجدى ، قد حفظنا أسلوبكم ونعلم خفايا أنفسكم.
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: علي مزمل)
|
· نحن لا نعرف القذارة والمريخ نادى كبير، أكبر من النادي الذى ترأسه ، نحن خلق ومبادئ اكبر من تاريخ ناديك ، نحن تاريخ الرياضة في السودان وناديك ولد من رحم نادينا ، والفضل لله أولاً ... ثم للمريخ الذى وهبكم الحياة ، فلولا المريخ وفضله عليكم ما أصبحت أنت رئيس لنادي يدعى الهلال.
يكفيكم فقط بصمة علاء الدين
عشان تعرف حقيقه ناديك
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: abas)
|
هههههههههههههههههه
الراجل السمين ( مع احترامى لـ اللفظ ) الطيــرة ( مع احترامى لـ اللفظ ) الاسمو البرير ده الكلام ده حااااااااااااااااارقو
شدييييييييييييييييييييييييييد ، ضفر ده طلع ليهو من ضفرووووو هههههههههههههههههههههههههههههههههههههههههههههه
هو فى قذارة ( مع احترامى لـ اللفظ ) اكتر من انو رئيس نادى الهلال ( مع احترامى لـ اللفظ ) يضرب حكم بالبونية !
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: محمد الامين احمد)
|
بسم الله الرحمن الرحيم
في السلك
زعلت عمك قوقل يا راجل !!!!
• ظروف طارئه قطعت تواصلنا في الايام الماضيه
• ولكنها ارادة الله
• المواضيع كتيره
• حانفلفلها واحد واحد
• لكن اكتر حاجه واجعاني كانت في قناة قون
• حلقة هزيله جدا
• قدمتها الرائعه فاطمه الصادق الله جابو
• كانت عن عملية خلع الضفر من الضرس
• الضرس طبعا ماراضي
• لكنها ارادة الله
• وارادة اللاعب
• وارادة ادارة النيل
• وارادة المريخ
• الضرس دخلو شنو يزعل ولا مايزعل
• المهم
• حلقه كلام فارغ كتير دار فيها
• ماكان فيها شئ مفيد غير سؤال مزمل لفاطمه عن لماذا لم تتناول احتجاجات رئيس الامل علي الاتحاد الذي قبل توقيع لاعبي الامل لاقرارات التسجيل في الهلال دون حضور نادي الامل كطرف ثالث وهام
• فاطنه زاغت
• واتت بجمله مفيده قالت انها كانت مريضه بالالتهاب
• تبري انت من الالم
• وبركه البقيتي طيبه
• اها
• بعد بقيتي كويسه نحنا في انتظار حلقة تجاوز الهلال والاتحاد للامل عطبره
• منتظرنك
• ما تطولي
• والسؤال المهم الغاب عن الحلقه هو
• هل خاطب الهلال نيل الحصاحيصا مطالبا باللاعب ضفر بخطاب رسمي من مؤسسة الهلال لمؤسسة النيل التربويه ؟؟
• ام كان ذلك الاتفاق بين النيل التربوي والهلال قد تم بين رئيس النيل التربوي وسكرتير النيل التربوي ورئيس الهلال عن طريق الموبايل والاسبيكر فاتح ؟
• مؤسسه تخاطب مؤسسه تربويه بالموبايل مفروض المؤسستين يخجلوا
• المهم
• ومن الاشياء المفيده في الحلقه اتصال مع (فاطنه )
• المتصل قال كده
• فاطنه
• بالنون ما بالبون
• وقال المتصل كلام بعرفو براهو
• ومن ضمن ذلك الكلام عباره بالانجليزي
• So what who
• ماعرفت الزول ده قاصد شنو
• لكن سكته سااااي
• قلت يا ابو السلوك فكت منك ولا شنو
• بالليل بعد اسلام نامت
• قمت براااااحه فتحت اللاب توب ( الاتسرق زمان داك )
• وخشيت ليك قوقل
• سألتو من المعني
• قام قوقل قسمها
• قال لي so what براها و who براها
• قلت ليهو ياعمك قوقل ما تفرتقها سيدها جابها مع بعض
• عمك قوقل زعل
• وقال لي قبل كده سألتني قلت لي الزول لما يدفع تلاته اتلات مبلغ الباقي بكون كم فوتها ليك
• الليله تجيني بجمله قاطعها من راسك ؟
• ده انجليزي يا مرسي ؟
• قلت ليهو يمكن انجليزي زمان التقيل داك
• قال لي علي الطلاق انجلترا بدري لما كان فيها الانجليز ما قدروا يركبوا جمله زي دي
• قلت ليهو والله انا سمعتها في قناة قون
• قال لي ده انجليزي ؟
• قلت ليهو ايوه يعني حايكون شنو ؟
• قال لي لو ده انجليزي الرندوق كيف ؟؟؟؟؟؟
• وزعل
• لك العتبي يا حاج قوقل لكن حاتسمع اكتر من كده
• اها
• جبنا مبينزا
• بعد نبزه لينا
• النبزه الجايه ميسي في المطار
• اقعدوا في الضل و نبزوا
• المهم
• افلحت غرفة التسجيلات في توقيع المطلوبين الاقرارت
• وسمعنا ان هناك حركات داخليه لاستبعاد مجدي امبده
• هووووووووووووووووووي
• مجدي مطلب شعب المريخ
• اي حركات من اي جهة لابعاده سوف تشعل الثورة في شعب المريخ
• وعاليها وواطيها سيصبحان سيان
• وسوف يعطي الفرصه ل so what who لضمه ليخلق بطوله جديده له
• المهم
• احتفلنا في مهرجان ضخم في معناه وحضوره وفقراته وسئ في اخراجه
• هاشم الزبير مثل هذه الكرنفالات لا تنظم بالهتافات وارجعوا ورا يا اخوانا
• سنعود للمهرجان
• المهم
• امس شبابنا ضقلموا ليك شباب الجماعه
• والجميل في الامر ان وليد علاء الدين هو من احرز هدف الفوز
• تحت اقدام حارس الجماعه
• من الله خلقكم
• شفتوا ليكم كوره بتعبر بين قدمي زول راقد ؟؟؟؟؟
• جنس بشتنه
• والغريبه الهلال عندو اتوبونج في الاشبال
• هو اتوبونج الكبار ماعارفين يودوهوا وين
• تعقلوا منو شتله صغيره ؟؟؟
• سمعنا تحت تحت وفوق فوق
• قالوا المحله المصري دافع خمسين الف دولار في اوتوبونج
• ياربي ناس المحله دايرين يقطعوهوا صاج ويبيعوهوا خرده ؟؟؟؟؟
• اتخردي
• قالوا الجماعه جايبين مهاجم من هولندا
• ده ياربي جاي مع اللبن ؟؟؟؟
• ايها الناس
• الا مجدي امبده
• وعلي الطلاق مابعرفو
• لكن اهل العروس ما احترمونا
• الغريبه امس اهل عروس اتحاد الخرطوم احترموا الناس
• اي ميداليه ما وزعوها الناس الما احترموا الناس جابوها ادوها للناس
• في ناس لبسوهم ميداليتين
• مدد
• ايها الناس
• اكتمل عقد الجدد
• من سيغادر !!!!!!!
• الا هنو , صدقوني
• البعض سألني
• الطفو النور منو ؟
• قلت ليهم الشطف القرد
• المهم
• نحن في انتظار برنامج الاستاذه فاطمه الصادق الله جابو حول اهمال الاتحاد والهلال لوجود الامل عند قوقيع لاعبيه لاقرارات اللعب للهلال
• وان تدخل فاطمه داخل الحلقه سؤال عن لماذا وقع نزار حامد وصالح الامين لعقود موثقه مع المريخ
• وهل قبضوا مقدم ولا ما قبضوا ؟
• ولو قبضوا قبضوا ليه ؟
• ولو ماقبضوا ماقبضوا ليه ؟
• ورجعوا ولا مارجعوا ؟
• ولو مارجعوا ما رجعوا ليه ؟
• ولو رجعوا ليه ؟
• والجهه الماقذره الحولتهم من المريخ هي منو ؟
• وعشان شنو ؟
• وهل هي جهه معلومه ام جهه so what who ؟
• فاطنه كلمينا
• فاطنه قولي لينا
• كل نبزه لازم تبقي مسطرينه
• عشان تخلي ناسك ناسك يبقوا حبه زينه
• فاطمه اسمعينا
• جيبي كمرتك يوم وشرفينا
• تعالي صورينا
• تلقي تلاته طوابق كيه للمابينا
• تلقي نجيله شرط وحوض سباحه لينا
• تلقي كشافات (زنن ) ما انوار رتينه
• تلقي ساكواها مابكري المدينه
• بس انت شرفينا
• زعلت عمك قوقل ياراجل
سلك كهربا
So what who ننساك ؟؟؟؟؟؟؟
والي لقاء
سلك
| |
|
|
|
|
|
|
|
|
|
Re: فاطمة الصادق ( الصفيرابية ) مذيعة قوون تتجاهل اساءات البرير (Re: هجو الأقرع)
|
جزء من مقال سلك
اولها مناقشة عدم الحياديه في الاجهزه الرسميه التي تقصد المريخ
• وأول ذلك برنامج رضا في تلفزيون رضا
• من ينتجه ومن يعده ومن يقدمه (اسئله تحتاج لاجابات )
• رضا الذي يثير الموضوعات بخيار وفقوس
• وعندما ينتصر المريخ تكون فترة المدائح طويله
• خصما علي زمن برنامج رضا
• لان رضا لايعجبه انتصار المريخ
• وبالامس كان محور رضا الاساسي ضفر
• واستضاف رضا واحد من اهل الناس الواجعهم خلع الضفر
• ولو كان رضا محايدا لاستضاف واحد برضو من اهل الناس القلعو الضفر
• شوف يارضا
• وياتلفزيون ياقومي
• ويا قون
• الشايف اي حقوق لاي جهه ايا كانت ولأي زول SO what who عند ضفر يمشي المحكمه
• ماتفلقونا بكلام لابودي ولا بجيب
• فقط يثبت انكم مفروسين شديد
• اتفرسوا
• عشان كده ننادي بقناة الزعيم الرياضيه
• قناة الزعيم القياديه
• التي لا تخدم الا الحقيقه والقضيه
• والحقيقه هي ان المريخ عظيم ومتوج
• دايرين قناة النجوم
• عشان يكون فيها برنامج متخصص يقدمه خبير اجنبي عن اخطاء التحكيم
• صوره وصوت
• وحاجات كتيره
• المهم
• قالوا اللاعب في الكشف الطبي طلع سعران
• رجعوهوا
• انتوا اتوبونج ده وديتوهوا كشف طبي ولا طوالي من راس بيت العربيه الركبها مع البرير للاتحاد العام ؟؟؟
• عاد خسرانين فيهو مليم !!!!!!
• اذكر انهم قالوا كسبا للوقت تم الكشف الطبي علي اتوبونج بمصر
• واجتازه هناك
• واتوبونج من حضر للبلد دي خاشي صيانه للليله
• فحصتوا عليو وين ده ؟؟؟
• عند فكي !!!!!
• اتمبجي
• ايها الناس
• والله قصة ايدكو ومساوي دي لي اسي محيراني
• الركشه بتدور كيف ؟
• موش عندها منفله بالجمبه !!!
• ترفعها فوق
• الركشه تقول ورررر ورررر
• كان جاهزه بتدور
• وكان ماجاهزه بتحتاج منفله تاني
• وررر وررررر ورررررر
• اها
• ايدكو خاتي مساوي بالجمبه
• زي منفلة الركشه
• وررررر ويقيف
• ورررررر ويقيف
• الركشه ابت تدور
• وررررررر ويقيف
• ورررررر الركشه دورت والكوره اتدورت وساكواها لاقاها
• قال ركششششششششششششششششششششه
• وقع حتي ركب الركشه
• ورررررررررر
• ايها الناس
• الاحلال والابدال سنة الحياه
• ولكن يجب ان تتم تلك السنه وفق معايير منطقيه وبدون عواطف
• لا يشطب لاعب ويترك من هو اقل منه عطاء او مهاره
• ولا نبقي علي لاعب لاعتبارات شخصيه وننسي اعتبار مصلحة المريخ العليا
• واللاعب الذي يغادر كشوفاتنا يغادرها مرفوع الرأس
• لاننا نكرمه ونسلمه ما يعينه علي حياته في مرحلة مابعد المريخ
• يعني مؤخر صداق
• ياربي ناس التعاون ادوهم مؤخر صداق ولا فكوهم عكس الهواء ؟؟؟
• والخوف يكون رجعوهم بي هدومهم الفي جسمهم
• شئ ما شالوهوا
• لاهتش ولا عفش
• وده الكلام البجيب دعوي استرداد الامتعه المنزليه
| |
|
|
|
|
|
|
| |
هجو الأقرع
عابدون محمد عابدون
شمس الدين ساتى
ابراهيم محمد الحسن
نادر الفضلى
الفاتح خليل الفكي
محمد البشرى الخضر
abas
علي مزمل
محمد الامين احمد
تاج السر محمد حامد
فيس بوك
تويتر
انستقرام
يوتيوب
بنتيريست