العزيز معتز، عدلت في اللنكات، استمتع معي بهذا اللحن الشجي..
Quote: لمتين مبارياك غربتك خلت حدود الرحلة حالات الدوار يوماتي بتلاقيك مدن يوماتي راجيك كم مطار قست الديار ولا الرحيل والغربة نسوك الديار صالبني في وجع النهارات غربة وهواجس وانتظار مرات أشوف بعدك حقيقة مرات ألاقيه هظار هظار كان اعتذارك بالغياب عن بيتنا محتاج اعتذار على كيفك أمش وعلى كيفك تعال
03-16-2005, 11:30 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
Quote: بعادك سلب جسمى وسرد من الغناوى الصوت فما ضراك اذا رد غناك رحيق وعلم الشوق السفور لو نسمة من عطر الوطن تعبر بى حلتنا وتفوت كان تنفلت من ضحكتك تحبى وترك براقه (طراقه) براحه فينا... البيوت..
عادل مسلم من الشباب الذين يتمتعون بصوت قوى واداء جميل فهو يغرف كيف يختار كلماته والحانه التى تتناسق مع اسلوبه الهادى.. كنت متابع له كثيرا عندما كنت فى السودان لديه له عديد من التسجيلات القديمه منذ ايامه بالاورغن .. لكننى لم احضرها معى .. الان هو يفاجنا بعمل جميل مثله من كلمات استاذنا الكبير الحلنقى .. وتلحين علي أحمد ..
وايضا عزرا لو اخطات فى باقى القصيده..
وكمان اطلب منك لو سمحت ان تقوم بانزال كميةعمل لهذا الفنان (عادل مسلم)..
ايضا لدى كمية طلبات دعها لاحق كانت شرايط تركتها فى السودان اولا اتحفنا بعادل ولك كل الحب.. راكوبه ياعزيز ربك لاجاب يوم شكرك.. ماعرف انت بالموسيقى دى بتعمل فينا شنو..
03-16-2005, 02:18 PM
Faisal Salih Faisal Salih
تاريخ التسجيل: 10-12-2002
مجموع المشاركات: 477
شكرا يا راكوبةعلى أغنية ولدنا البورتسوداني الغناي عادل مسلم فقط تعديل بسيط لحفظ حق الملكية الاغنية من كلمات صديقنا الشاعر الرائع أزهري محمد علي واسمها "ترحال"
فيصل محمد صالح
03-16-2005, 10:53 PM
Rakoba Rakoba
تاريخ التسجيل: 02-05-2002
مجموع المشاركات: 5814
الحبيب معتز، بركة الفتحت المرة دي وعادل مميز جداً، والسهرة التي جمعته بصلاح إدريس بقناة النيل الأزرق قبل عام تقريباً ، كانت قمة في الإبداع، ألحان جميلة وفرقة موسيقية رائعة، إنشاء الله ربنا يسهل وننزل منها مرة تانية. أستاذنا فيصل، تحياتي طيف الرائع الحلنقي كان مخيماً علي، عذراً للخطأ، وتم التعديل إعلاه، وتقديرنا الخالص للمبدع أزهري محمد علي. وشكراً لك على التصحيح.
03-18-2005, 05:19 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
Quote: بعادك سلب جسمى وسرد من الغناوى الصوت فما ضراك اذا رد غناك رحيق وعلم الشوق السفور لو نسمة من عطر الوطن تعبر بى حلتنا وتفوت
Quote: صالبني في وجع النهارات غربة وهواجس وانتظار مرات أشوف بعدك حقيقة مرات ألاقيه هظار هظار كان اعتذارك بالغياب عن بيتنا محتاج اعتذار على كيفك أمش وعلى كيفك تعال
وين بقية الشغل تعرف من نزلته الاغنيه دى بقوم وبنوم بيها طيب تعال تم جميلك ما تكتلنا مع الولد البورسودانى ده يااااااااااااااااااه على كيفك أمش وعلى كيفك تعال
طيب لكن ده مافى صالحنا.. انشاء الله المريخ يغلب تعال نزل باقى الشغل
أخونا معتز، عدنا بعمل جديد باسم الكواكب، وأعتقد أنه للأستاذ الحلنقي، وعذرا إن كان التسجيل غير نقي.. الكلمات تقول بقدر ما استطعت تجميعه:-
Quote: ما علي لو جات مواكب ولا فاتتني المراكب القمر مادام معاي أعمل إيه أنا بالكواكب ما علي بالقاسيه تحصل يبقي لي الهم مفصل طالما ريدك مأصل خلي كل الباقي يحصل البخاف الموج بشيلو والبواصل العوم بيوصل يا المليت الكون محنة ويالرسمت النون حواجب أعمل إيه أنا بالكواكب لو يجيني الكون ده كلو زاهي باسم لي فلو روحي يمكن يوم تملو إلا ريدك ما بملو أبقا خليها الكواكب في حضورك يوم يهلو أصلك اتعودت دايما تبقى لي أنوارا حادي أعمل إيه أنا بالكواكب لو كسوك عقد الجواهر يبقى نورك ليهو جاهر أما أمواج الضفائر خلت الليل كلو داير يبقى نايم في حريرا والمساهر بيك مساهر سيبو يشرق نور جبينك ويطوي أحزان المغارب أعمل إيه أنا بالكواكب
الحبيب معتز، ألحان جميلة وكلمات رائعة، نطرب بها معك في كل لحظة ولحظة، بس أنا وناس تمبس وعمنا تنقو عندنا مشاكل مع السيرفرات دي ... غايتوا الله يعين ساااااي بس، واتفضل معانا.
03-20-2005, 11:04 PM
banadieha banadieha
تاريخ التسجيل: 02-04-2002
مجموع المشاركات: 2235
الفن فن..بس الكورة كورة ياراكوبة..وهذه الأغنية هلالابية صارخة(نصا ولحنا وغناء)..كيف تسمح لك مريخيتك بالترويج لها؟ عموما سأعمل لينك لمداخلتك الفوق دي في بوست شيري حتى تعرف أننا كمريخاب من نور ولا نشمت
03-20-2005, 11:15 PM
Rakoba Rakoba
تاريخ التسجيل: 02-05-2002
مجموع المشاركات: 5814
العزيز بناديها، سلامات وطولت الغيبة، والله ما بنشمت، بس ننشاغل ونهظر سااااي ، والفن ده ما بنلعب فيهو، حتى وإن في ناس عزوا الهزيمة لمرافقة فناني المريخ (ترباس وحمد الريح ) إلى تونس!!! نعمل شنو، كانت أيام علينا، والليلة يومنا تحياتي،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Rakoba
معتز تروتسكى
Faisal Salih
وعادل مميز جداً، والسهرة التي جمعته بصلاح إدريس بقناة النيل الأزرق قبل عام تقريباً ، كانت قمة في الإبداع، ألحان جميلة وفرقة موسيقية رائعة، إنشاء الله ربنا يسهل وننزل منها مرة تانية.
banadieha
، والفن ده ما بنلعب فيهو، حتى وإن في ناس عزوا الهزيمة لمرافقة فناني المريخ (ترباس وحمد الريح ) إلى تونس!!!
فيس بوك
تويتر
انستقرام
يوتيوب
بنتيريست