|
|
|
 Re: أمسكي عليك عيونك ديل! .. محمد ميرغني (Re: Rakoba)
|
حبيبنا الصهيوني راكوبة :
ياخ الواحد زهج كل مرة يشبكك يا مبدع ويا فنان وما بعرفو ليك والله متعتنا وشي والله ريحت اعصابنا ووووو 
طبعاً وانت سيد العارفين مدى حبي للفنان الأستاذ الأنيق الهلالابي الغيور محمد ميرغني ..
قبل الدخول في تفاصيل كدي اول شي اقرا لي الجملة دي :
| Quote: خليهن لي روحن فكن من شبكة عيونك ديل .. |
غايتو انا غلبني عدييل اوزنا باللحن وقدر ما اغنيها بي كلامك ده بتشتر معاي
انا غايتو قاعد اسمعا كده :
| Quote: وخليني النروح انفكّ من شبكة عيونك ديل.. |
وطبعاً لأنو ثقتي فيك اكبر مبدئياً كده بقول انت الصاح وانا الغلط ..
نرجع للموضوع الأساسي:
اكثر ما اعجبني في الأغنية المحببة لدي في هذا التسجيل هو الأداء الموسيقي ووضوح التسجيل للفرقة الموسيقي ..
لكن اكثر ما المني ولا اقول ازعجني هو صوت الفنان الرائع محمد ميرغني ...
فالاستاذ محمد ميرغني بدا واضحاً الإرهاق في صوته ومن استمع لهذا التسجيل يكاد يتخيل كيف ان محمد ميرغني يتعب حتى يخرج صوته دون حشرجة او تفويت للزمن وهذا ما المني إذ يبدو ان الأستاذ متأثر بمشكلة في الحبال اللصوتية منذ فترة وإن كان حالياً بدا افضل ..
الأستاذ محمد ميرغني صاحب صوت طروب من الدرجة الأولى ورجل حساس يندمج مع الغناء ويغني من الأعماق ودوماً ما تجده يغني مغمض العينين مما يعني انه هام مع الأغنية ..
وفي الخاطر هذه التسجيلات القديمة للهذا الرائع ..
لدي شريط كاسيت لا يبارح مسجل العربية (زوبة) وهو تسجيل قديييم من حفلة للفنان محمد ميرغني ايام الحفلة بي الخيمة حقت المولد والمايكرفونات وليس السماعات والساوند والأجمل لما تسمع صوت البنات بيشيلو معاهو في الحفلة ..شريط يرجعك للزمن الجمييييل ..
اكتر أغنية اعيد تشغيلها امسكي عليك عيونك ديل وليتني اتمكن من تسجيل هذه الأغنية لتسمع الفرق في الاداء اللحني لهذه الأغنية ..
حقيقة يا راكوبة الأغنية الأنت منزلها هنا يوجد بينها وبين التسجيل القديم فرق كبييير في بعض الجمل الموسيقية والاداء اللحني ( داير انظر في شغل ناس خدر ) ..
وحتى لاحظ في لحظة هنا الموسيقى فرقت بين المجموعة ومحمد ميرغني لأنهم متعودين علي لحن معين لكن يبدو ان صوت الفنان الأستاذ لم تسعفه ليتمكن من إستخدام اللحن الصحيح خوفاً من قطعة الصوت ...
تخريمة :
بعد عرسي بي تلاتة يوم قررت اعزم الأولاد في مطعم الفندق الكبير على ضفاف النيل حركات العرسان ديك فجأة سمعت ليك صوت حفلة عرس في الأسكلا وكان الفنان محمد ميرغني !!!!
أنقر ما وقفت العربية وتوووووشك نزلت وخشيت العرس وكأني معزوم ..
اجمل حاجة في الموضوع بعد شوية عربية العرسان جات وفجأة كده تنزل العروس بس من غير عريس لأنو شكلو العروس مرسنها طرد ..
قلت للأولاد والله حقو الواحد يمشي يقعد مع العروس في الكوشة خصوصاً وإنو اخوك حنتو كانت كرت كرتونة ونورة العريس لسة فيهو
والله يامان تميت ليك الحفلة زي الترتيب واذكر انو العريس طلع اسمو الهادي لأنو محمد ميرغني قال في المايك ونرسل تحياتنا لي العريس المغترب الهادي (هدهد)..
انقر ما جابو لي صحن عشا ...
| |
 
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: عمر الفاروق)
|
ودالفاروق الرشاشة الأصلي
والله محمد ميرغني ما بتفات، لكن للزمن أحكامو، ومعليش على الخطأ في الكلمات.
والتسجيل لازم يكون واضح مع إنو تسجيل تلفزيوني !!
ومن (تالت) يوم بديت (تتخافف) كويس الوقفت على محمد ميرغني
وناس العرس ما قصروا معاك تب، ولي هسي كل ما يشوفو الشريط بقولو ده منو
في مدرستك ديك عاوزين نعمل جمعية أدبية كيف؟ على (البركة) ولا كيف
خليك بالبيت وخليك قريب
| |
|
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: Rakoba)
|
الحبيب راكوبة
تسلم يا جميل
تعرف
حمة كاس العالم وصلت الف
و صراع شدين بين الفيفا و شركات الدعاية و الإعلان
الببيع نبق يحتال بكل الطرق عشان يربط بضاعته بكاس العالم
غايتو أخوك ح يكون عريس و ما عارف مشاهدة المباريات ح تكون كيف
اذا فلتنا من المراغبة ح اكون مراسلكم من ارض الحدث
تحياتي
| |
|
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: Rakoba)
|
.
ازيك راكوبة يامبدع
انت عامل زي اخوانا في الخليج زمااااان ..
بتغطس .. تغطس ..
وتجي طالع لينا بدرر..
يا ســــــــــلام على الهمبريب البيجنا منك يا أبو الرواكيب..
...
أعزيك وكل عاشقي الطرب الأصيل في رحيل القامة إبراهيم عوض .. رحمة الله عليه..
.
| |
|
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: Rakoba)
|
راكوبة
صباحاتك ورد ..
طبعا اختياراتك دي قاتلة و زي ما قال ود الفاروق فترنا من الالقاب و مافي كلام سمح بيكفيك
نقول بس تسجيل حضور و اندهاش كالعادة ..
خـــ النص ـــارج
الناس اللي عندهم عدسات ( eye lenses ) ديل ماسكين عيونهم طبيعي ؟؟
| |
|
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: Rakoba)
|
يقال قبل وفاة الراحل عبد العظيم حركة بيومين كان يدندن بهذا المقطع :
ده ماااااااااا قدر الله جانا عدييييييييييل
وظل يكرر المقطع طيلة اليومين إلى ان توفي ..
تخريمة :
شايفك يا راكوبة شايل المقطع ده من الأغنية ..
تخاف يا كبير ؟؟؟ ما قلتوا نوووووووووووووووووووبة
| |
|
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: Rakoba)
|
يا راكوبة الصهيوني :
| Quote: بالمناسبة إنت بايع ولا لأ |
انا من زمان سجلت موقفي ..
صدقني يا مان لو الهلال باع الزريبة ووداها لي حتة تاني داخل امدرمان إحتمال ابيع على مضض وبي الخسارة كمان ..
لكن لو الهلال فكر يبيع الزريبة عشان تمشي الخرطوم ولا بحري فجهز لي اخوك كرسي في الرد كاسل وعلم احمر فيهو نجمة صفرا ..
والشافني مع اسحق ابو قرن ما كضب ..
وفوووووووووووووووق فوووووووووووووووق مريخنا فوووووووووووووق
الله يستر بس..
| |
|
|
|
|
|
|
|
|
|
Re: أمسكي عليك عيونك ديل! .. محمد ميرغني (Re: Rakoba)
|
راكوبة يا
زول يا نيل
يا مريخابي يا اصيل
يا احد صناع الجمال في البوست
شكرا لك
وشكرا للاستاذ محمد مرغني
لهذا الالق الجميل
ويا ريت تتحفنا دائما
بروائع هذا المبدع الانيق
وخليك من الرشاشات ديل
عمر الفاروق وود الباوقة
في سوق العيش بتاعم
ونحنا منتظرنهم في الدورة الثانية
ودوري السودان
وفوق فوق مريخنا فوق
| |
|
|
|
|
|
|
|
|
 Re: أمسكي عليك عيونك ديل! .. محمد ميرغني (Re: Rakoba)
|
دا شيتن أصلو ما شفناه ..
لا في الناس ولا في الريل ..
دا ما قدر الله جانا عديييييل ..
راكوبة الجميل ..
الله عليك يا فنان ..
تعرف الأغنية دي ما بتفارقني خالس ..
داسنها في السحارة طبعاً ..
ومن حسن الصدف حضرت حفلة للأستاذ محمد ميرغني ..
وأنا في السودان قبل فترة ..
فما كان مني وإلا أن طلبتها منه ..
خلينا ننفك من شبكة عيونك ديل ..
| |
|
|
|
|
|
|
| |
Rakoba
طارق جبريل
Gaafar Ismail
عمر الفاروق
جمال السنوسي
نصار
MAHJOOP ALI
bashir adam abdalla
فيصل نوبي
محمد حامد جمعه
طارق عبد اللطيف نقد
معتصم دفع الله
عبدالكريم الامين احمد
قرشـــو
toona
فيس بوك
تويتر
انستقرام
يوتيوب
بنتيريست