نبوية الملاك: أنا ضد الكلمة الخليعة .. وهكذا أتعامل مع فقدان البصر

مرحبا Guest
اخر زيارك لك: 03-28-2024, 11:56 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عماد البدرى(Rakoba)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-29-2006, 04:22 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
نبوية الملاك: أنا ضد الكلمة الخليعة .. وهكذا أتعامل مع فقدان البصر


    أجرت صحيفة الصحافة حواراً شيقاً مع المطربة الجميلة نبوية الملاك، نصه كالتالي:
    Quote:
    نبوية الملاك : أنا ضد الكلمة الخليعة واللحن غير المقنع
    هكذا أتعامل مع فقدان نعمة البصر ..
    وفي هذه الحالة فقط أغني في بيوت الأعراس

    حوار :وليد كمال -
    على الرغم من حداثة سنها وقصر مشوارها الفني في شارع الفن السوداني، الا ان البنت استطاعت بموهبتها ان تكوِّن شخصية فنية مستقلة، وان تنفذ بصوتها طوعاً لدواخل الناس.. سفير الفن والنوايا الحسنة الكابلي وصف صوتها بالملائكي... التقيتها استجابة لنبض جمهورها فكان ميلاد هذا الحوار... مهلاً دعونا نقترب من عقل وجدان الفنانة نبوية الملاك .
    صورة مقرَّبة
    نبوية عبدالحفيظ احمد عبد الرحمن ولدت ونشأت في ربوع ام در بحي ابوروف العريق ودرست وتشكلت في مدارس معهد النور لتأهيل المكفوفين والملازمين الثانوية وحالياً طالبة في جامعة السودان.
    *ماذا عن لقب الملاك؟
    - أستاذ كابلي قال نبوية دي صوتها ملائكي . وبعدين ناس استديو سارة قاموا ثبتو التسمية. الاستاذ جمال تيرو قال نبوية دي نسميها نبوية الملاك يمكن عشان انا زولة هادئة وما بتكلم كثير سموني الملاك.
    *متى اكتشفت الفنان الجواك؟
    - من بدري في الثمانينات خالي كان عازف عود وصاحب الفنان عبد العزيز العميري الذي كان يقيم معنا. وفي مرة سافرت معهم نيالا في رحلة امتدت شهوراً وهناك غنيت.. ومن هنا اكتشفت الفنان الجواي. لكن البداية الجادة كانت 2002م، كنت بمشي مسجد الشيخ قريب الله وبسمع النسوان بيمدحن وبشيل معاهن عرضو علىَّ فكرة تسجيل البوم مدائح اخذت الفكرة بعدم جدية لانو حتة بت عند اهلنا تقوم تمدح او تغني صعبة.. المهم ودوني لناس شركة سارة وكان اول تعاون شريط مدائح وما كنت مؤملة انو ناس بيتنا يسمحوا لي اغني.. بعد داك قالوا لي خلاص غني انتي زولة علاقتك بالحقيبة جميلة، وبعد نضال واقناع كم زول استطعت في شهر يوليو 2002م، اجازة صوتي بالمصنفات الفنية وطلعت للناس البومي الاول.ووجدت المساندة والتشجيع من ست الحبايب امي ومن خالي العزيز مصطفى.
    *أول أغنية وأول حفل؟
    - أول حفل على ما اذكر كان في جامعة الامام الهادي على هامش ندوة بعنوان نساء فوق العادة.. كنت مع الاستاذ حمد الريح، فكرة انك تغني مع زول زي استاذ حمد وسط جمهور عريض كانت صعبة، وكان بيدور في دواخلي صراع هل حا انجح والجمهور حيقبل نبوية ام.. واخيراً وصلت لقناعة خوض التجربة وطلعت المسرح اتجاوزت وجود الجمهور وحمد وبقيت اغني عادي كأني في بيتنا ونجحت.اما اول اغنية كانت بعنوان الحلوة ألحان صلاح جميل .
    *معايير اختيار الأعمال الفنية؟
    - معايير اختيار الاعمال الفنية وعدد الاغنيات الخاصةيخضع للاحساس والعقل، لو اللحن والكلمات ما اطربتني وحسيتها ما بغني، بعد داك بسمع مقترحات الناس وبعمل (فلترة) للعمل كل كلمة وترها لازم يرن في قلبي ووجدان المستمع حتى الآن لدي حوالى (25) عملاً خاصاً في جزء سمعه المستمع وجزء آخر لا يزال يخضع للورشة الفنية.
    *ماذاعن الحلوة ؟
    - تعاملي مع فكرة الغنا منذ بداياتي لا يقوم على (المجازفة) البومي الاول (الحلوة) لم يحتوِ على اعمال خاصة كثيرة" كنت عايزة الناس تستوعب اولاً خامة صوتي يومها -كنت طالبة في الثانوية وصوتي لم يكتمل تكوينه وحتى الآن كان ادائي وسطاً توقفت بعدها لبعض الوقت كنت خائفة هل سيتقبل الجمهور الالبوم."
    *ومشتهى الأنظار؟
    - "في البوم مشتهى الانظار كنت عارفة انا بعمل في شنو رغم انه عمل مركب ومعقد وهو من كلمات الاستاذ الطاهر ابراهيم تعاملت معه باحساس مختلف وقدمت الى جانبه اعمالاً خفيفة.. مجنونة حسن الزبير وألحان الماحي سليمان انتاج مشتهى تم بعد سبعة شهور من القلق والتعديل."
    *وملك الجمال؟
    - دائماً بحب اعرف الجمهور عايز شنو وأفاجئه هم منتظرني في البوم بالعود اسمه ملك الجمال حا يطلع بعد (10) أيام، الاغنية عنوان الالبوم من ألحان حمزة سليمان.
    *نبوية كيف تعاملت مع فقدان نعمة البصر؟
    - لقد فقدت نعمة البصر منذ الميلاد ويمكن عشان كده الحاجة دي ما فارقة معاي لأني طلعت للدنيا ما شايفة. فاذا انا قمت اتعقدت وما اتعايشت مع الواقع حا افقد الاستمتاع بروعة الحياة، من انا صغيرة قررت أعيش حياتي لعبت مع الاطفال وابتديت اعرف الحاجات الحولي باحساسي الداخلي، وكنت حتى لما بحس اني ما قادرة اعمل بعض الحاجات واني متفوقة في المواد العلمية، وكان ممكن اكون مهندسة او دكتورة بقول لنفسي طيب ما انا بغنائي بعالج الناس نفسياً، بالفهم دا قدرت اخلق جواي انسانة طموحة وأعيش بفهم الزولة السوية ما اخدت نفسي انو انا زولة معاقة وسط الناس السويين بالعكس انا السوية وهم المعاقون، لانو ممكن يكون عندهم قصور في التفكير أو السمع أو الاحساس بالناس، ودي حاجات انا ما عندي اتعاملت عادي اشوف او ما اشوف دي ما مشكلة.
    *كيف تتعاملين مع الأوركسترا؟
    - لا أجد صعوبة في التعامل مع الاوركسترا الإحساس بالزمن داخلي وعندي ملكة حفظ وبنيت أعمالي بشكل علمي.
    *مصطلح أغاني البنات؟
    - ليس لدي اعتراض عليه" العيب ما فيهو في الناس البقت خالية إحساس وفهم وثقافة وللأسف اغلبية البنات البغنو في البلد دي اصلاً ما عندهم رسالة غير جمع القروش يسوها عربات اتوز وبولو وبيوت المال وسيلة ما غاية. مضامين اغنية البنات زمان الكرم والشجاعة من زمن ناس مهلة العبادية وام حراير وام بشاير.."
    *الغناء في بيوت الأعراس؟
    - لا اغني في بيوت الاعراس ليس لسبب محدد" لكن لو في زول عايز يسمع نبوية بغناها الحالي انا مستعدة مش اجي حفلة ويقولو لي غني لينا دق الباب وجانا!"
    *عضوية اتحاد الفنانين؟
    حتى الآن لا احمل عضوية اية جهة محددة ماشة كدة زي ما بيقولوا باسمي وحاجاتي مع الناس. كنت عايزة احس بي دفء الاتحاد في الاول، نحن بعيدين عن الرعيل الاول من الفنانين العزلوا نفسهم نحن مستعدين نجيبهم عشان يقيفوا معانا.
    *بمن تأثرت فنيا ؟
    - دا ما بفهم التقليد اخذت من بستان كل فنانة بعض الازاهير وتكتيكات الصوت سمية حسن، وحنان النيل التي اصابني اعتزالها بعدم توازن، فكرت بما انو حنان اعتزلت معناها في خطأ لكن المسألة في النهاية قناعة. لقد اخذت منها وضوح المخارج وصمودها واتعلمت من الاستاذة آمال النور انو البني آدم ما يكون دايما بأسلوب واحد ثابت، واخذت منها حبها للناس وبساطتها وتأثرت بمصطفى سيد احمد غناه كان بيحمل قضايا.
    *هل تفكرين في صقل الموهبة بالدراسة؟
    -فكرة الالتحاق بكلية الموسيقى والدراما موجودة في مخيلتي واجندة طموحي لكن ذلك لن يحدث قبل ان اكمل دراسة الاعلام دراسة الموسيقى عايزة تفرغ.
    *شعراء وملحنون؟
    - تعاملت فنياً مع الراحل حسن الزبير والطاهر ابراهيم، الماحي سليمان ومعتصم دغاميس وفي طريقي للتعامل مع عبد اللطيف خضر الحاوي ومحجوب شريف وبتمنى اغني عملاً للحلنقي ولحناً لسيف الجامعة.
    *أغنية عبرت بك لوجودان المستمع؟
    - رائعة الراحل صالح الضي (عيشي معاي الحب) اضفت فيها احساسي الخاص وحافظت على اللحن الاساسي ودائما ما يطلبها الجمهور مني..
    *المهرجانات الخارجية؟
    - لن اشارك خارجياً في اي مهرجان لسنوات طويلة ما لم اصقل موهبتي جيدا، ويعرفني كل الشعب السوداني واتعامل مع كل نغمات وايقاعات الدنيا.
    *شركات الإنتاج الفني؟
    - مسؤولة عن توفير المادة الخام والتنسيق بين الفنان والشاعر والملحن ومعرفة حركة السوق والفنان مسؤول عن تجويد اعماله بعيداً عن فرض الوصايا..
    *العلاقة بين الفنانات فيها الغيرة والمنافسة؟
    - الفنانات منو.. مدرسة المثقفات الجادات ام مدرسة التمتم؟ العلاقة بين اعضاء مدرستنا تقوم على المحبة ومبادئ احترام نفسي ولا احب التدخل في شؤون الآخرين واسعد بكل صوت جديد بيعمل اضافة للاغنية النسائية.
    *تجربة الفديو كليب؟
    - كنت في شعار العيد بقناة النيل الازرق مع الزميل معتز صباحي الذي احييه وهي لم تكن فكرة فديو كليب كاملة تم التصوير في يوم واحد وكانت الجهود مبعثرة والمونتاج لم يرض الناس والفديو كليب عندنا بصورة عامة يعاني من لاءات الرقابة.
    *نبوية الملاك الإنسانة؟
    - تهوى كتابة الخواطر والنثر والاستماع للشعر وممارسة رياضة السباحة والاطفال، علاقتها بالمطبخ حلوة وبتختار ازياءها وفق معيار الاحتشام والالوان المريحة تفرح عندما تكون قريبة من جمهورها وتغضب عندما تشعر بأن هناك من لا يفهمها وتحزن لفقد وغياب الأحبة.
    *هل أنت راضية نفسك؟
    - سؤال بسأله دائماً لنفسي فتأتي الإجابة نعم... نعم..

                  

05-29-2006, 04:38 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Rakoba)

    ايواااااااااااااااااااا تِلِك ..
    ده ياهو الصوت النسائي الجميل ..
    وبااااااااااااااااااقوووووووووووووووووووووون في الممتاز ..
    واسألوني عن نظافة شباكي طيلة هذا الموسم

    تخريمة :
    كايسة زمن تشوفو وتسألوا عن ظروفو ..فااااااااقدة عيوني زول ..
                  

05-29-2006, 10:42 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: عمر الفاروق)

    عمر
    سلامات
    Quote: ده ياهو الصوت النسائي الجميل ..

    مالك على المشاكل
                  

05-29-2006, 05:14 AM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Rakoba)

    الزول الجميل ملك الروائع راكوبة ..
    تحياتي وسلامي ..

    نبوية الملاك فعلاً صوت ملائكي ..
    ياتيك من الأعماق ملئ بالأحاسيس الجميلةالتي تدخل الوجدان ..
    تختار أغانيها بعناية فائقة ..
    وهي تسير بخطى ثابتة ..
    لذلك هي متميزة ..
    ومن الأصوات النسائية التي تعجبني ..
    وأحتفظ لها بكثير من أغانيها ..

    التحية لك ولها ..
                  

05-29-2006, 10:43 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: معتصم دفع الله)

    الجميل معتصم
    نبوية فعلاً ملاك وستشكل إضافة قوية للفن السوداني، وهي إضافة إلى فنها، فهي إنسانة مثقفة وواعية وينتظر منها الكثير.
                  

05-29-2006, 05:22 AM

طارق عبد اللطيف نقد
<aطارق عبد اللطيف نقد
تاريخ التسجيل: 11-13-2005
مجموع المشاركات: 2311

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Rakoba)

    صاحب الروائع
    العزيز راكوبة
    لأنك مشبع بحب الجمال
    من الاحمر الوهاج
    عشان كده
    دائما تتحفنا بالجميل
    نبوية الولاك
    اسم علي مسمي
    وهي الصوت النسائي الذي شدني بعد البلابل
    فهي صاحبت صوت شجي وعذب ودافئ
    وتمتلك احساس مدهش
    واختيار بديع
    يتسق مع امكانياتها الصوتية
                  

05-29-2006, 10:52 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: طارق عبد اللطيف نقد)

    طارق
    ماهو شنو غير الأحمر يبث فينا الإلهام، وإنتظروا الكثير من نبوية
                  

05-29-2006, 06:59 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Rakoba)

    يعني يا راكوبة الواحد ما عارف يعمل شنو

    قبل ما يشيل نفس تكون ردمتو بي ابداع تاني

    غايتو الواحد بقا بس ( يزازي ) بين بوستاتك دي

    راكوبتك ديمه عمرانه ..
                  

05-29-2006, 10:51 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: فيصل نوبي)

    فيصل
    تحياتي
    الروابط دي بتجيبا من وين بقيت (خطري)
                  

05-29-2006, 11:18 AM

على محمد على بشير
<aعلى محمد على بشير
تاريخ التسجيل: 08-07-2005
مجموع المشاركات: 8648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Rakoba)

    راكوبه الجميل

    تحيات واشواق وكدا ..
    تعرف ياراكوبه انو فيك عيب واحد
    انك لمن تجيب لينا حاجه حلوه .. بتنسى او بتتناسى
    لنك التحميل .. شفت كيف ..
                  

06-01-2006, 05:15 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: على محمد على بشير)

    أبوعلوة
    سلامات
    واللنك موجود فوق، وفيصل مابقصر معاكم خالص
                  

06-01-2006, 05:39 AM

Sidig Rahama Elnour
<aSidig Rahama Elnour
تاريخ التسجيل: 09-01-2004
مجموع المشاركات: 3420

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: على محمد على بشير)

    Quote: تعرف ياراكوبه انو فيك عيب واحد
    انك لمن تجيب لينا حاجه حلوه .. بتنسى او بتتناسى
    لنك التحميل .. شفت كيف ..


    دا ما عيب يا علي لانو هين الواحد يلم في لنك التحميل بالضغط Right Clickعلى الأغنية

    لكن راكوبة دا كلمناهو 100 مرة قلنالو عندنا مشكلة مع الريل بلير ومصر ينزلو
    ياخي الميديا بلير دا ما حنين وظريف ... أنا بقيت أشوف أي بوست لراكوبة أو لؤي ولا أخشو عشان ما يجيني مغص ... قلنالكم الريل بلير دا محجوز وناس الشركة عاملين ليهو Block ............. أخر بوست لراكوبة أخشو ياهو دا
    راكوبة ما تبصارا معانا ياخ ... ربنا يديك العافية ويزيدك جمال
                  

06-01-2006, 05:46 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Sidig Rahama Elnour)

    صديق
    سلام
    حكاية الريل بلاير والميديا حسب الأغنية وطولها، وحاجات كتيرة كده. فنياً أسهل لينا التعامل مع الريل وبيحجز مساحة أقل على السيرفر.
    على العموم في أغنية لي وردي ، بتلقاها ويندوز ميديا بلاير عشانك بس
                  

05-30-2006, 07:21 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: Rakoba)



    شكرا راكوبه

    يديك العافية
                  

06-01-2006, 04:51 AM

nashaat elemam
<anashaat elemam
تاريخ التسجيل: 12-12-2004
مجموع المشاركات: 1108

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: قرشـــو)

    ياراكوبة يا راقي

    ياخي دائماً انت راكوبتك عمرانه بكل جميل.. تسلم يازول يا ذوق
                  

06-01-2006, 05:17 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: nashaat elemam)

    حبيبنا نشأت
    تسلم على المرور ياجميل، ونبوية فعلاً صوتها ملائكي ومريح للغاية.
                  

06-01-2006, 05:17 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نبوية الملاك: أنا ضد الكلمة الخليعة .. وهكذا أتعامل مع فقدان البصر (Re: قرشـــو)

    العمدة قرشو
    ويديك العافية على المتابعة
                  

06-01-2006, 05:50 AM

Ahmed Sharafeldin

تاريخ التسجيل: 05-16-2006
مجموع المشاركات: 100

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
صوت ملائكى (Re: Rakoba)

    ياله من صوت ملائكى فعلا. شكرأ ليك يا راكوبه على إتحافنا بهذه الروائع.
                  

06-01-2006, 02:59 PM

luai
<aluai
تاريخ التسجيل: 02-27-2002
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صوت ملائكى (Re: Ahmed Sharafeldin)

    سلام ياراكوبه

    بالله طلب خاص
    فاقده عيوني زول .................
                  

06-03-2006, 06:52 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صوت ملائكى (Re: luai)

    لؤي
    سلامات
    بتجيك الأغنية قريب
    تحياتي
                  

06-03-2006, 06:52 AM

Rakoba
<aRakoba
تاريخ التسجيل: 02-05-2002
مجموع المشاركات: 5814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صوت ملائكى (Re: Ahmed Sharafeldin)

    أحمد
    لذلك استحقت عن جدارة هذا الاسم الجميل. شكراً لك مرورك
                  

06-03-2006, 08:46 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صوت ملائكى (Re: Rakoba)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de