|
|
 المريخ × الأمل العطبراوي .. الهلال × حي العرب بورتسودان
|
يحتضن استاد عطبرة في الثامنة من مساء اليوم لقاء المريخ العاصمي والأمل العطبراوي في إطار مباريات الدوري الممتاز، وينتظر أن تأتي المباراة ساخنة وحافلة بالبذل والعطاء من الفريقين خاصة بعد تحسن أداء فريق الأمل وعودة الروح والأداء الإيجابي بعد عدة انكسارات في بداية الدوري الممتاز.
فريق المريخ قدم إلى مدينة الحديد والنار بالبر من بورتسودان بعد ما هزم شقيقه الساحلي بهدف ورفع نقاطه إلى 15 نقطة، ليدخل مباراة اليوم مع فريق الأمل الذي يلعب مباريات قوية للغاية في ملعبه مدعوماً بالوقفة الجماهيرية الكبرى لقاعدته بعطبرة.
وكان فريق الامل قد خسر آخر لقاء دوري له بهدف من الهلال العاصمي بعد مباراة جيدة تكتل من خلالها الأمل ومنع الهلال من الوصول إلى مرماه إلا بكرة يتمية .
تنقل الإذاعة السودانية المباراة بالتبادل مع مباراة الهلال وحي العرب التي تقام في بورتسودان.
كل الأمنيات للمريخ العظيم بتخطي عقبة الأمل العطبراوي للمواصلة بقوة في سباق صدارة الدوري الممتاز.
وأملنا كبير في حي العرب البورتسوداني لإيقاف الهلال كما فعل في الموسم السابق عبر مهاجمه الشاب بركة عباس 
|
|
 
|
|
|
|
|
|
|
 Re: المريخ × الأمل العطبراوي .. الهلال × حي العرب بورتسودان (Re: Rakoba)
|
راكوبة سلاااام ..
| Quote: وكان فريق الامل قد خسر آخر لقاء دوري له بهدف من الهلال العاصمي بعد مباراة جيدة تكتل من خلالها الأمل ومنع الهلال من الوصول إلى مرماه إلا بكرة يتمية . |
أمانة في ذمتك ..
ياخي ناسنا كانوا قاعدين يتمرنوا بس ..
| Quote: وأملنا كبير في حي العرب البورتسوداني لإيقاف الهلال كما فعل في الموسم السابق عبر مهاجمه الشاب بركة عباس |
بقيتو تأجروا بالوكالة ..
| |
|
|
|
|
|
|
|
|
 Re: المريخ × الأمل العطبراوي .. الهلال × حي العرب بورتسودان (Re: Rakoba)
|
سلامات يا راكوبة
حي العرب أكثر الفرق التي هزمت الهلال في الدوري الممتاز منذ إنشاءه،
بل هو الفريق الولائي الوحيد الذي هزم الهلال بالخرطوم "مرتين كمان"!!
بل إنه هزم الهلال في الدوري الممتاز أكثر من المريخ!!
هزم حي العرب الهلال بإستاده موسم ١٩٩٦ بنتيجة ٢-١ عقب اكتساح الهلال
للمريخ ٤-١
وهزمه مرة اخرى بهدف جعفر كاريكا عقب فوز الهلال على المريخ بهدفي خالد
بخيت ٢-١ عام ١٩٩٩ "لست متأكداً من أن المباراة كانت بإستاد الهلال أو
الخرطوم"
الأستاذ عبده قابل كتب أن حي العرب فاز على الهلال ٥ مرات وأنا أذكر
منها ٤ فقط: مرتان بالخرطوم ومرتان ببورتسودان "١-٠ و٢-١".
وعلى أية حال حي العرب اشتهر بوقوفه أمام الهلال ببورتسودان بل والفوز
عليه، وكل شيء وارد.
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: Rakoba)
|
أما عن لقاء المريخ بالأمل العطبرواي فإن الخيارات تظل أيضاً
مفتوحة في ظل تذبذب مستويات لاعبي المريخ وارتفاع مستوى الفرق
الولائية بأرضها أمام طرفي القمة.
الأمل فاز على المريخ بعطبرة مرة واحدة فقط في الدوري الممتاز وكان
ذلك بنتيجة ٢-١ "لا أذكر السنة على وجه التحديد".
لكن الأمل أسهم الموسم الماضي في عرقلة المريخ عندما تعادل معه بعطبرة
١-١ وكان المريخ قد تعادل قبلها مع حي العرب ببورتسودان ١-١، ثم خسر
المريخ بعدها من الهلال ٢-٠ بإستاد المريخ وتلاشى فارق النقاط السبع
الذي انتهت عليه الدورة الأولى.
ساعات قليلة وسنعرف بعدها ما آلت إليه المباراتان، وهذه أهم فوائد
الدوري الممتاز: الإثارة وإمكانية خسارة طرفي القمة.
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: Rakoba)
|
| Quote: تمبس أقوان وين بس الكورة ما منقولة |
راكوبة ياخاين .. إنت الرادي ده ما بتعرف تسجل منو ؟
افتح قناة السودان وسجل من جــوه
والله انا يا راكوبة كان ما في إجتماع .. كان مرضتك جنس مرض بالاقوان دي .. من قبيل كنت بسجل في الهجمات حسع قفلت الصوت خالص ..
غايتو حظك الليلة الله مرقك .. غايتو يعوضنا الله .. بنقبل منك اقوانا دي سليقة ساكت
نزله لينا بس ما تاكل حقنــا يا راكوبة
خلي عندك ذمـــة
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: ahmed babikir)
|
فاز المريخ العاصمي على فريق الأمل عطبرة بثلاثة أهداف مقابل هدف، في إطار المباراة المؤجلة من الأسبوع الثالث للدوري الممتاز، في المباراة التي جرت مساء اليوم باستاد عطبرة.
تقدم الأمل عطبرة في الدقيقة 16 عن طريق اللاعب حسون، ليعود المريخ بعدها ويعادل النتيجة عن طريق المهاجم هيثم طمبل في الدقيقة 34 من رأسية رائعة سكنت شمال محمد رابح حارس الامل العطبراوي.
ومع بداية الشوط الثاني واصل لاعبي المريخ ضغطهم على جبهة الأمل العطبراوي ، مستفيدين من تحرك الأطراف التي هيأت العديد من الفرص لرماة المريخ التي أهدروها بشكل مثير في منطقة عمليات الأمل عطبرة.
وشن لاعبو المريخ ضغطاً كبيراً على فريق الأمل الذي لعب متكتلاً في المنطقة الخلفية ، ومعتمداً على الهجمات المرتدة السريعة المنظمة، ولمن تنجح كل محاولات لاعبي المريخ للخروج منتصرين في الشوط الأول.
ومع بداية الشوط الثاني، واصل المريخ أدائه القوي وهجماته المتلاحقة، و أجرى المدير الفني للمريخ تغير قضى بدخول علاء الدين بابكر بديلا عن عبد الحميد السعودي ، ليتحول قلق إلى الوسط وينشط علاء الدين في الجهة اليمنى حيث واصل هوايته في خلخلة الدفاعات وعكس الكرات المحسنة، والتي نتج من إهداها الهدف الثاني في الدقيقة 19 عن طريق المهاجم هيثم طمبل.
ويواصل المريخ سيطرته الكاملة على مجريات المباراة، مع وجود بعض الهجمات الخطيرة العكسية على مرمى المريخ ، تصدى لها دفاع المريخ بقيادة سفاري وأبالو ومجاهد.
بعدها قام الجهاز الفني بسحب الكابتن فيصل عجب الذي تعرض لرقابة لصيقة في هذه المباراة، ويدفع بالمحترف إيفوسا الذي سجل أول كرة يلمسها مستفيدا من عكسية علاء الدين بابكر ليلعبها قوية رأسية في شباك الأمل محرزاً بها الهدف الثالث في الدقيقة 44 من الشوط الثاني.
وبعد هذا الهدف ثارت جماهير عطبرة وبدأت في حصب الملعب بالحجارة، والتي أصابت إحداها لاعب المريخ علاء الدين بابكر الذي خرج متأثراً بهذه الإصابة، وأعلن بعدها حكم المباراة خالد عبد الرحمن نهاية المباراة قبل نهايتها الرسمية بثواني بتفوق المريخ وحصده نقاط المباراة الثلاث.
بهذه النتيجة ارتفع المريخ بنقاطه إلى 21 نقطة، وحصده لنقاط جولة الولايات كاملة بنجاح تام.
مثل المريخ في هذه المباراة : محمد كمال في حراسة المرمى، أبالو ، الزومة ، سفاري ، مجاهد ، قلق ، العجب (إيفوسا)، عبدالحميد السعودي (علاء الدين بابكر)، إيداهور، هيثم طمبل، باولينو.
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: Rakoba)
|
| Quote: يقفز المريخ بنقاطه إلى 21 نقطة وحصد جولة الولايات بنجاح |
دايماً نكمل ليك تعليقك يا راكوبة:
قفز الهلال بدوره إلى ٢١ نقطة في الصدارة بفارق الأهداف عن المريخ
الذي لعب مباراة واحدة أكثر من الهلال.
المريخ خسر بأمدرمان من الموردة وهي خسارة تعادل الخسارة بالولايات
لأنها أمر لا يتكرر كثيراً لطرفي القمة "إلا في مبارياتهما معاً".
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: Ahmed Alrayah)
|
Quote: دكتور ياسر
الأمل خسر حتى الآن 6 مباريات في الدوري الممتاز من أصل 9 مباريات ، تقول لي آمل! |
بعد ان تنفستم الصعداء جايي تقول كلامك دا...يكفي انو دخلكم في مدرسة...ولو ما خالد عبدالرحمن الجايبنو معاكم من الخرطوم صدقني ماكان بتلقوا منها حاجة...ويستمر تواطؤ الاتحاد في اسناد حكام صريحي المريخية لادارة مباريات المريخ
عموما كما قال احمد الريح
Quote: قفز الهلال بدوره إلى ٢١ نقطة في الصدارة بفارق الأهداف عن المريخ
الذي لعب مباراة واحدة أكثر من الهلال. |
انو احنا فوقكم بالرغم من انو لاعبين مباراة اقل منكم...في وضاعة اكتر من كدا....يعني الدوري السنة دي تنسوهو....
واذا لاقدر الله طلعتوا من الكونفدرالية علي يد الشباب التنزاني...يبقي موسمكم دا لحق امات طه زي الاربعة مواسم القبله...وينتهي العزاء بأنتهاء مراسم الدفن
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: yasir Abdelgadir)
|
دكتور ياسر
لما قلت كلامي النتيجة كانت تعادلية، لثقتي الكبيرة في ابناء الزعيم على تخطي الأمل وقهره داخل أرضة بل وصهره حتى..
الأمل ليست من الفرق التي يمكن ان توقف المريخ فالفارق كبير جداً، ولم يجد جمهور عطبرة المسكين سوى اللجوء إلى الحجارة تماما مثل جمهور الهلال حين تغلبه الكورة وتصبح الشباك عرضة للتمزيق.
بلا امل بلا لمة
| |
|
|
|
|
|
|
|
|
|
Re: المريخ × الأمل العطبراوي .. الهلال × حي العرب بورتسودان (Re: Ahmed Alrayah)
|
أحمد الريح: انت كدا بتزيد من عقد وكلاكيع الصهاينة...بالراحة عليهم...
يعني بيني وبينك كدا ناس المريخ ديل ماعارفين انو المريخ دا ليهو خمسة سنوات وصيف...
وماعارفين انو ليهم اربعة سنوات بيطلعوا من الدور التمهيدي للكونفدرالية بطولة المعقدين داخليا
وماعرف فضايح نادي المريخ في البطولة العربية ..حتي عرف عربيا بأسم الموز ابو نقطة.
وماعارفين انو كل سنة بيصرفوا ليهم كمية مليارات من اموال الدولة علي كمية محترفين من امثال ابالو كدا وفي النهاية بيطلعوا فطايس مش ميتين...ويجعوا لمقعد الوصيف الدائم
وييعني هم ماعارفين انو الهلال دا بطل لاربعة مواسم متتالية كرقم قياسي فيهم واحدة بدون تعادل اوهزيمة..كأول انجاز...
وماعارفين انو هداف الدوري من الهلال لخمس مواسم متتالية...
وما عارفين انو دخول مباريات الهلال محليا واقليميا لاتقارن بدخول مباريات الوصيف الدائم
وماعارفين انو الهلال هو ممثل السودان الوحيد والشرعي لبطولة ابطال افريقيا وهي البطولة الرسمية..مش بطولة الكتاكيت الميتة الكل سنة بيتمرمطوا فيها...
ياعزيزي احمد..كل المريخاب عارفين الحقايق دي كجوع بطنهم..لكن كعادة كل المريخاب يدفنوا رأسهم في الرمال ليستمعوا لاروع قصائد الغزل في المريخ من صحفييهم الوهم ويغمضوا اعينهم حتي لايصحوا ويجدوا انهم كانوا في وهم
فخليهم نايمين وما تصحيهم...لانو جميع مستشفيات العلاج النفسي مليانة وما ناقصة
| |
|
|
|
|
|
|
| |
Rakoba
معتصم دفع الله
Dr.Saeed Zakarya Saeed
شهاب الفاتح عثمان
Khalid Osman Jaafar
محمد البشرى الخضر
tmbis
محمد المختار الزيادى
حسين يوسف احمد
فيس بوك
تويتر
انستقرام
يوتيوب
بنتيريست