حميد/ إعادة حلقة أول أيام العيد بكرة عشرة ونص مساء/قناة النيل الأزرق

مرحبا Guest
اخر زيارك لك: 03-29-2024, 06:23 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-05-2011, 08:44 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
حميد/ إعادة حلقة أول أيام العيد بكرة عشرة ونص مساء/قناة النيل الأزرق

    لمن فاتتهم المشاهدة والاستماع والاستمتاع

    في العاشرة والنصف من مساء غد الثلاثاء الموافق
    6 سبتمبر 2011م .. إعادة حلقة أول أيام عيد
    الفطر المبارك ..

    مع الشاعر محمد الحسن سالم حميد

    تقديم: نسرين النمر


    قناة النيل الأزرق

    شعر وتساؤلات وغناء معافى

    ولا زال ليل البحث عن السلام والإنسجام طفل في
    المهد.. تفاءلوا وطناً تجدوه .. وأشكروني
    على الخبر تؤجروا
                  

09-05-2011, 08:57 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 35312

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    يا جنرال كل سنة وإنت طيب ياخ!
    بعدين ناس النيل الأزرق ديل ما يدونا نَفَس شوية!
    الواحد يبطّل الشغل ولّ شنو؟

    على الأقل يوم الجمعة بعد الصلاة ياخ!!
                  

09-05-2011, 10:37 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: محمد عبد الماجد الصايم)

    صاحب البسمة الوضيئة- ود الصايم- ربنا يحقق الأماني

    ولو التوقيت ما مناسب لكين الحلقة ما حكاية!!
                  

09-05-2011, 09:35 AM

يوسف الدفينة

تاريخ التسجيل: 06-28-2011
مجموع المشاركات: 812

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    استاذي محمد عبد الجليل ..
    كل عام وانت بخير ..
    تشكر على نداوة الكلمات وانشاء الله نكون في الموعد خصوصاً وانني لم اشاهد الحلقة ..
    خالص التقدير وقلوبنا مع الوطن ...
                  

09-05-2011, 11:49 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: يوسف الدفينة)

    الأخ - يوسف الدفينة- تحياتي لك وربنا يحقق الأماني
    ويقيل عثرات الوطن التوالي ..

    حميد أحد الذين عبروا عن أشواق الناس العاديين شعراً
    عميقا وكثيفا وصافيا مستخدما اللسان السوداني العامي
    المبين .. فغياب الكلمة المقطرة عن الاعلام السوداني
    أفسح المجال لسيادة ثقافة الكراهية وضيق الأفق حتى
    أصبحنا لا نسمع إلا الاخبار التي تشيع اليأس .. فالنخصص
    ساعتين من مساء الغد لسماع ماذا قال حميد:

    عن السلام
    عن الحرب
    عن الحرية
    عن صناعة المستقبل

    و
    سوقني معاك يا الحمام
                  

09-05-2011, 01:29 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    تحدث حميد في الحلقة عن نادوس غير القابل للإنقسام
    السودان الحلم نخيل قلبو على التمام .. لا يعتــرف
    بكل ما تلحقه السياسة بالوطن من تشوهات ..

    فالوطن في يقين حميد الشعري هو ما رسمته لوحاته
    الشعرية .. لا ما أفسدته السياسة .. وهنبريب الحن
    قادم لا محالة ولو بعد حين
                  

09-06-2011, 07:15 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    في العاشرة والنصف من مساء اليو الثلاثاء الموافق
    6 سبتمبر 2011م .. إعادة حلقة أول أيام عيد
    الفطر المبارك ..

    مع الشاعر محمد الحسن سالم حميد

    تقديم: نسرين النمر

    قناة النيل الأزرق

    شعر وتساؤلات وغناء معافى
                  

09-06-2011, 10:24 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    سيتم عرض وتحليل ما ورد بالحلقة بعد المشاهدة الرائقة
    ماذا قال حميد؟!
                  

09-06-2011, 12:49 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    لا بدَّ وإن طال
    الأمد
    يختا البصيرات
    الرمد
    طرِّق صراعك
    يا ولد
    غرِّق ضراعك
    تلقى حد
    للآفة والحال
    الموهو
    ضد العوارض
    كون جلِدْ
    ظل مركب الطوفان
    ونوح
    بحر الفجائع
    عدُّو عد
    يا ابن الغلابة
    المتعبين
    شقِّيش تروح
    ياها البلد
    سيْ ياولد
    أحدٌ أحدْ
    حتى الطراوة
    أو اللحدْ


    هكذا تكلم حميد
                  

09-07-2011, 10:55 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)


    شكراً أخي محمد عبدالجليل، فقد أتاح لي نقل خبر أعادة الحلقة مشاهدتها .. بعد أن فاتتني المرّة الأولى.

    سعدّت بمشاهدة لقاء مميّز وحديث سلس لم يبخل حمّيد فيه بإبداء مواقفه الواضحة، و .....

    لا بدّل ملامح صوتو .... ولا غيّر وراها الجتّة.
                  

09-07-2011, 11:01 AM

احمد محمد بشير
<aاحمد محمد بشير
تاريخ التسجيل: 06-17-2008
مجموع المشاركات: 14987

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: محمد أبوالعزائم أبوالريش)
                  

09-07-2011, 11:11 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    بدأت إعادة الحلقة مساء أمس الثلاثاء 6 سبتمبر 2011م في الساعة
    الحادية عشرة إلا الربع مساءاً .. حلقة مختلفة في كل شيء عن جميع
    ما يقدم .. الكلام .. الغناء .. الأسئلة .. الاجابات

    بدأتها نسرين قائلة:

    نسأل النيل عن تفاصيل ماحدث .. ضيفي في هذه الحلقة هو النيل
    ذلك المعين الذي لا ينضب ..

    حميد: بسلم عليك لأنو

    السلام ملح المشاعر
    ومافي حب إلا انبدابو
    وبالعديل الجانا ساير
    يا حبابو يجيب عقابو
    همبريب السلم يقدل
    والأمان يربط سحابو
    والديمقراطية تنزل
    والوطن يخضر ترابو
    والفتح نيران في اخيو
    يمه أخير يفتح كتابو

    البلاد في صباها لسه
    والوطن في عز شبابو
    أمة ما بتعرف هزيمه
    لا انكسارات لا خلافو

    الوطن دفتر عزيمه
    وديل جلودنا سمر غلافو
    والعلينا قليبو ديمه
    حقو فيهو الله نخافو

    وبصوته الدافيء دخل الفنان أبوبكر سيد أحمد
    بإحدى قصائد حميد:

    باسم السلام نبدأ راحة غناوينا
    بنغني للأطفال ياهن تقاوينا
                  

09-07-2011, 11:55 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: قصيدة حميد مفتوحة

    هل هي مفتوحة على الفكرة أم على المفردات

    حميد: النص مخلوق سرمدي لا ينتهي بحكم قانونه الخاص
    ينمو بإستمرار .. نبتة سحرية دايره رزاز من
    الغمام.. القصيدة فعل لا ينتهي .. كل يوم هي
    في صورة جديدة .. فضاء معبأ بالنجوم .. وفي
    كل يوم تبدو نجوم جديدة لم تكن ظاهرة

    ثم غنى أبوبكر سيد أحمد مقاطع من وطني وكفى لحميد
                  

09-07-2011, 12:58 PM

صلاح هاشم السعيد
<aصلاح هاشم السعيد
تاريخ التسجيل: 07-03-2008
مجموع المشاركات: 987

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    أخونا/ محمد عبدالجليل :
    كل عام وانتم بخير ـ
    فعلاً حلقة ـ مميزة ـ
    طمأنتني على السودان ـ واقنعتني تماماً بأن الرجل مشروع ثقافي متكامل وحقيقي..
    حلقة مليئة بالشجن والعواطف ـ وبكاء على وطن وبناة من رجال ـ
    تذكرت كلمات أزهري محمد علي، عندما تحدث عن مصطفى واحتضاره الطويل :
    وطالع طالع للملكوت
    كنت تدندن
    آخر نص لحنتو
    بتشرح سر الغنا للموت
    كذلك حديثه عن لجنة المصنفات (ملكيين أكثر من الملك)..
    وكيف أن أسم حميد أصبح مقترناً بالشطب والإلغاء والمنع ـ
    كنت انظر إليه وتذكرت أن الرجل لا يملك شيئاً ـ تذكرت محجوب شريف ـ وكل مبدعي السودان والفقر والمشاريع الكبيرة ـ حميد جزء أصيل من وجداننا ـ ما زالت الدنيا بخير ـ له الف تحية وتقدير ـ اربكتني واوجعتني، دمعته على مصطفي ـ مطالبته باعتذار الحكومة وملاحظته حول عطاء مصطفي رغم المرض وكيف أن السوداني يضغط على جراحه ـ
    فعلاً السوداني مخلوق عجيب "نسي حميد نفسه" "نسي كيف دفع سنين عمره بلا مقابل.!!..."

    (عدل بواسطة صلاح هاشم السعيد on 09-07-2011, 01:11 PM)
    (عدل بواسطة صلاح هاشم السعيد on 09-07-2011, 02:35 PM)

                  

09-08-2011, 09:17 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: صلاح هاشم السعيد)

    وربنا يحقق الأماني يا صلاح هاشم السعيد وقد أصبحت
    بعيدة .. لكنها قريبة عند رب العالمين

    حميد مثل صديقو مصطفى سيدأحمد عارف نفسو عاوز شنو
    ألم تسمعه يضغط على الحروف لما قال:

    (فهل يعني النهاية الموت وينبعزق غناك سدى
    أم أن الغيم حينسابق على الأرض العزيزة فدى)

    وطفق يردد

    حينسابق على الأرض العزيزة فدى

    حينسابق على الأرض العزيزة فدى

    وحميد كما قال عن نفسه من مدرسة (أمل محجوب شريف)

    أرضا سلاح ..

    و

    عما قريب الهمبريب يفتح شبابيك الحبيب
    والحال يطيب

    أما مطالبة حميد للحكومة بالاعتذار لمصطفى ليست مطالبة
    - حسب ما فهمت - بقدر ما هي إنعاش للذاكرة الجمعية
    وتشهير بمن فرط في اشياءنا الجميلة.. فالرجل شاعر
    ولغته حمالة للإشارات .. أبقى قريب لنتاول معا تلك
    الحلقة المميزة العميقة.
                  

09-08-2011, 11:06 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    حميد:

    يا الله ما أحلا الوطن

    مدفون على حجر الغبش
    لوطن جديد في زمن شديد
    يامن تراني ولا اراك
    هي الحجارة كما تريد
    وهي الجسارة ولن تحيد
    زمني اللي لي
    الما علي
    وطني البريدك منو لي
    وطني البيمرق من حشاي
    مع الله لي
    وطني البهدهدو فوق يدي
    وطني البوسدو من حنان صدري
    وبغطي بضي عيني وطني الصبي
    وطني الابوي أمي وأخي
    يا الما بسويلك بي قفاي
    يا المابفوتك بي وشي
    دمي البحرسو من الصقور
    لحمي البحاحيلو الحدي
    نغمي البلاهو ولا طيور
    صدحت ولا طمبر نقي
    وطني البموت وبخلي حي
    وطني العريض الحاني
    الحاني زي صدر الرسول
    وطني اليفيض إنساني زي حضن البتول
    وطني النقيض لي بعض انظمة الافول
    وطني الخجول بالعافيي في الزمن المريض
    كل ال(... ) سودا ونواي النخل بيض
    كل العروق خدرا وحبال الود وريد
    (ماهيتو )
    مو حمرا وسماحة الزول شهيد
    وطني وكفى وبلا المعادي الحر
    ولا شاطر على قيد انكفى
    وطني البغني علن بحبو بلا خفا
    وطني العديل الفجري والعامل وفا
    معقول تسمو وطن حفا
    ما شيد الطاغوت جدرات من جفا
    وطني الوطن كفني وكفا
    يامبدي بي فجر المسيح مختوم بنشر المصطفى
    يامن تراني ولا اراك
    واقرب لي من حبل الوريد
    وطني او الحجر الاكيد
    وطني
    وطني
    وطني
                  

09-10-2011, 07:09 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: شهدت ثمانينيات القرن الماضي حركة نشطة للشعر باللغة العامية
    ووسط ذلك الزخم كان شعر حميد حاضرا بقوة بخصوصيته وطعمه الخاص

    حميد: ليست هنالك خصوصية لحميد .. فهذه اللغة تشكلت عبر منطقة مرور
    أقوام على بلاد مناطق الشايقية .. والمنطقة كما تعلمين أيضا
    طاردة وابنائها يهاجرون ويعودون ليضيفوا من مفردات المناطق
    التي كانوا فيها .. كما تقع بلاد الشايقية على تخوم بلاد النوبة
    بكل إرثها.. هذه اللغة مدح بها أولاد حاج الماحي وأنشد بها
    اسماعيل العديد من الشعراء .. ثم نهض حميد ليقرأ واقفا:


    يا عضم ضهر المعزة
    ويا تقل زولا براهو
    يا مرقتو مع الجماعة
    يا ستر حالو وضراهو
    في الزمانات الجفيلة

    يا شدير الخير في صنك
    ياك سراباتي البظنك
    والشموش طعمني حنك
    ياتو ريح تنتفني منك
    يا مواثيقي العليهن
    تاكل احلامي العديلة
    زي شرف تكايو انتي
    يا شرف كمين قبيلة
    خشي سعن البينا اكنك
    يا هجيرية وظليلة

    تشبهي العيد في بلدنا
    بالمسافرين البجوهو
    والبطينين التمدر
    في غرق فرحا رجوهو

    الشارات التضرس
    في صدور الامهات
    التهز سعف الحناجر
    التجبد اغنيات
    عند دغيش الليل
    تفقش في الدياجر زغردات
    تبهل الزين والعديلة
    من شرف دخلة صباحك
    يا هجيرية وظليلة

    ما حصل جيتك لقيتك
    الا عازمالك سحابة
    في خلا البلد السقاهو
    يبدا من عطش الغلابي
    وينتهي بك يا ترابه
    يا سماواته ونخيلة
    وفي النخل شن ماب يفرح
    هيلا .. يا ابنوسة هيلا
    ويا تبلدية واراكة
    كل حوبة وليها خيله

    ذات وطن والناس حياري
    والحمايم صان هديله
    قلت يا ليل جو السكاري
    والغناوي السايمة خيله

    قلت يا نيل جو الصحاري
    والقساوي الشادي حيله
    وسنت الربذة الحجارة
    وشكعت فوق فجري ليله
    وجاني ظلم الدنيا جاري
    لم قم قافر الغفاري
    يا غفارية وجميلة

    يا طعم عرق الشغيلة
    والايادي التندهيله
    وتندهك شبهك شبهنا
    خيلنا من غلبك صهيله
    وياتو ريح تنتفنا منك
    وفي الاصابع الف حيله
    هزي جزع البينا اكنك
    غنوة يتساقط واشيله
                  

09-10-2011, 11:31 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: وقفنا لعزة الوطن
    استاذ حميد شخوصك عيوشة/عم عبدالرحيم/ حمتو/ ست الدار .. كيف حالهم..
    العيد مبارك عليهم .. هل هم أشخاص حقيقيين أم متخيلين ..

    بالمناسبة أنا وحميد من نفس المنطقة
    حميد: ياخي خلينا نبرد جوف الناس بغنوه

    نسرين: جوفن بارد

    حميد: ان شاء الله جوف البلد دائماً بارد

    وصدح الفنان أبوبكر سيدأحمد بـ: سوقني معاك يا الحمام

    سوقني معاك يا حمام ..


    سوقني معاك يالحمام
    ... ...
    سوقني محل ما الحبيبة
    قريبة تراعي الغرام
    غريبة الأشواق حبيبة
    يجيبا منام في منام
    ... ...
    سوقني محل ما المحنة
    أيادي تقطر سلام
    سماحة الحياة فوق أهلنا
    وبلادي تقرقر وئام
    ... ...
    غلابه وأمان مو الطيابة
    ضكارى بصارى وكرام
    حبابه الحبان في بابه
    وتدخلوا عليّ الحرام

    فقارى ولكن غنايا
    غنايا بهذا الغمام
    بهذا النيل كم تغايا
    وتيرابا النرميهو قام
    ... ...
    إرادة القمره البتقدر
    براها تضوي الضلام
    شعاع شمشاً ياما خدّر
    وإذا يبَّس لا يُلام
    ... ...
    فيابا خرابا الحرابة
    وخرابة فكر سوسي سام
    خرابة الكل نفسو تأبى
    عقابه .. تلِم عم سام
    ... ...
    ولِيد مخلوق للقرايي
    خزين مدخور للجِسام
    تتمر نيتو التخايي
    إلاما مذهلل إلام

    درب من دم ماب يودي
    حرِب سُبّه .. حرب حرام
    تشيل وتشيل مابِ تدِّي
    عُقب آخرتا إنهزام
    ... ...
    بطانة الشيطان قديمِة
    وبعد دا منو العرشو دام

    إذا الإنسان ما لو قيمِة
    علي إيش خلَّفُو سام وحام
    ... ...
    تعالوا الدم ما هو مويةِ
    ولا ها ترايي المسام
    أخويا وطراوة الخوة إبتسام
    ... ...
    تعالوا نحانن بعضنا
    تعالوا نحانن بعضنا
    نخل قلبو على التُمام
    نبضنا يشهل أرضنا
    وأرضنا تجِم العضام
    ... ...
    تعالوا بدل نبني ساتر
    نخيب ظن الصدام
    نطَّيب للعازه خاطر
    نقوم لأطفاله سام
    ... ...
    أخير كرّاكةً بتفتح
    حفير وتراقد الركام
    أم الدبابة البتكشح
    شخير الموت الزؤام
    ... ...
    تعال لي غابتك يا خيرا
    تعال لها يا أسده الهمام
    بدل دوشكة يغني طيره
    محل قنبلة عش نعام
    ... ...
    بلد صمَّي وشعب واحد
    عصية على الإنقسام
    أبيه وبكراها واعد
    صبية ومشهاده تام
    ... ...
    بساطه أحمدي كم يشيلنا
    وتشهِّلنا على الدوام
    نَقِل ليلنا تقوِّي حيلنا
    ودليلنا تمام التمام
    ... ...
    نلقّم سقف المتاهة
    نجم هدّاي في الضلام
    ونطعِّم حرف النزاهة
    لإيئلافك يا حمام

    ديموقراطية وأمان
    سوا .. سوا عالين مقام
    مواريثنا المن زمان
    محصَّنة في أروع نظام
    ... ...
    بريدك يا زول بريدك
    بعشقك حتّى الهيام
    أريحيتك عد تزيدك
    مهابة وليك القيام
    ... ...
    عهدي معاك يا حمام
    حبِيْب الرُسل الكرام
    رسول الأمراء العظام
    عصامي على ما يرام
    ... ...
    ماب تهدِل في خنادق
    ولا ب تقدِل فوق حطام
    ولا ب تنزل في فنادق
    وسطنا مراعيك قُدام
    ... ...
    فيا ملدوغ من أديس
    معوَّق في كوكدام
    تعال عمِّر فينا ميس
    كفانا طشيش الكلام
    جناحيك جنوب شمال
    وأمش طوِّف يا حمام
    محِل غصن العزّة مال
    عليك وعليهُو السلام

    حكيم الطير يا مهبِّر
    شُراكة القَتَلة اللئام
    متين بإسم الحق تكبِّر
    وبالرحمة تصلِّي إمام
    ... ...
    فلاحة العالم تعمر
    محبّة مودة ووئام
    يقص الايد التدمر
    تشمِّر ساعد السلام
    ... ...
    سوقني زمن كُلُّو عافي
    نتاجو عِلم خيرو عام
    بري آيمة من المنافي
    وطن وافي على الدوام
    قِبلة غناي
                  

09-10-2011, 12:34 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: في أي مناخ كتبت هذه الأغنية؟

    حميد: تاورني وجعها لما كنت في السعودية واتصلت بالسر عثمان الطيب
    ومحمد سعيد دفع الله لنعبيء معاً هذا المطلع التراثي .. رحبوا بالفكرة
    ولكن لم يحدث شيء حتى قال لي السر: يا زول أكل نارك براك، فكانت
    هذه الأغنية، وكان هناك عثمان عبدالعظيم وعادل عثمان الطيب وسريعا
    ما قاما بتأديتها فاللحن تراثي وجاهز أصلاً ثم غناها محمد النصــري
    وأبوبكر سيداحمد.. وبالمناسبة الحرب الله لا جابه .. لكين الاغنيـــة
    جابت لي كلام أنو حميد بيحاول يقرب من النظام!

    بالنسبة لتلحين كلماتي وأدائها أنا ذاتي عندي محاولات لكين أخوانا
    الفنانين ما بقبولوا بقولو صوتي كعب .. إن شاالله البلد دي تمليء
    سلام لامن تدفق .. نقوم ونشيل منديل منديلين لدارفور وإنشاء الله
    السلام يعم.. وأنشد أغنية لدارفور: أرضاً سلاح .. التحية لمن علمنا
    جنس ده محجوب شريف أولا من علمنا: أرضا سلاح

    اوعى الكلام الفارغ المنفوش فشوش
    هقالي امبريالي سام
    حفض السلام في ايدينا مافي ايد عم سام

    بس بالمطايبه بالسماح ارضاً سلاح

    منك السلام ولك السلام وبك السلام
    مياك وليد الحن لزم طياب

    نفج لي صدري بي عطرون زغاوة نقاوة لو شقاق هجم
    ماك الكسيت الكعبة ديك

    ماك السقيت بي آبار علي

    ماك العزمت علي الفقير العقلو راح

    ابن النصاح سوى النصاح
    قل للزنوج النوبوية دم العرب

    كيف البجاوية واريحيت الحلب
    لي كل خلاصات النسب

    من بطن سودانيي جد بطراني اي بالحيل نعم

    ماسادنا دون سودانا سيد

    طول الزمن شانك خدم ليك ياوطن جمعاً عبيد
    لا لليسو دا عريبي شو بلويد بجم
    جلابي مندكرو انقهم
    تلك النعوت الماهي فيك والماهو فيك ماتشيلو هم

    (((سمحة المشاغلة عن وداد )))

    فريق قطع قافت مزاح قريق مو زم

    هيظار حبايب اباني خاله لي اباني عم
    مو دواس ودم

    سيب للزمن مال الزمن
    تلك النعوت هيا بي فهم

    نحيا وتموت موت الخرافات الوهم

    عن فتحت الموية العويش والروث تفوت

    كل السخافات للعدم
    ويبقى الدم السوداني ده الوين زيو دم

    اما الفواخير الوخم من منقد الزمن الجحيم

    اتكومت رتت فحم ياملمع القدر القديم
    لمعنا من قدر السجم ملسنا من خرش الشلوخ
    خلصنا من نتش الوشم

    وسمنا صاح بالاندياح والارتياح لبعضنا صاح

    اثنية لي واحد تشق عرقية ماعادت فهم
    الشي ابن ادم فد عرق والدم دوم

    تحت اللحم هو الدم دوم
    كل اليقلب الخوة دم كل اليكب في الجوة سم
    ما لما لم
    سودانا صم

    مابتنضرع غير للزرع
    ومابتنقسم غير انها الاوطان قسم

    زيح عنو روحك واستريح
    بعضا من الله ياوطن

    واحد صحيح من يقسمك نصين كضب
    من يرسمك وطنين ولو في ولا اترسم
    سودانا بس ما سو فهم
    جوانا صاح بس كيف نحيا صاح
    جما جم صراح

    سوا بالكفاح هو ده الاهم
    يامثبت الريش في الجناح ثبتنا صاح

    كركون سلام لي وطن دوام واحد تمام
    قدام وطن دايما امام
    طوالي في صلاة الزمن لي جملة الاوطان امام

    اسمع كلامي ده ماكلام

    كير الحرب ماعندو حد
    هو لعيب قعوونج المي السعيير
    قلبك تعب قبلك كتير
    يابا الحرب مي فيها خير أي الحرب مي فيها خير
    أي الحرب مي فيها خير

    ثم ان في خيرا في الحرب
    انك عصي ولايوق قدر ماك الهدي
    وطيب قلب
    اسمع كلامي ده ياتلب
    اختا الحرب درب السلام ان كان بعيد للحول قرب
    وما الحرب اخرتا غير نخور على خيرنا تنكالب امم
    طول ما بتنكافا الطيور

    وا بختها الحدي والصقور
    حظ المرافعين والرخم
    ارخ الجناح فوق السلاح
    وارضاً سلاح
    اسمع كلامي ده يابلد

    كان ذات زمان كان في بوكان
    زي البوكان ده وها الزمان
    وقعت شرارة علي برج ساكنو الحمام
    في سراع هرع ريح الخريف

    من جاي و جاي لما الغمام
    في سراع هرع ريح الخريف من جاي لي جاي
    لما الغمام

    نزلت مطيرة برت برت طفت الحريق
    والريح معلق في الركام لما اتنفض
    وقف المطر والجو برد فزعوا العصافير لي بعض
    حفتوا الحطام مرق المرق واللنحرق بين الورق
    لفوه بي كل احترام
    قبل الظلام يغشى الفريق زي اكنو ماقدكان حريق
    كان البرج زي ماهو قام من تاني قام سكنو الحمام
    باض الحمام هدل الحمام
    نزل الحمام طاهر قدم على جملة الايمان قسم
    الدندريس ودحوا ابوالهدهد جزم
    والمنصف البستان حكم

    بوم الخراب وين باني
    جاني ومتهم في كل حربة
    ويات سهم مسنون من اعواد السلم
    في راسو سم
    كل اليقلب الخوه دم
    كل اليكب في الجوه غم

    ما لما لم
    لا ديمي راح يبقى الوطن ده وهيييييط خلاص
    واوسع براح
    اخر الكلام منو السلام ان جيتني جد

    وا جيتلنا ويجت للبلد

    ياابن الكرام حل العقد

    حليته بيطول الحبل
    فكيته راح يصل الدلو البير الحلو

    ويات من ولد تلقاه استمخ مع النشل

    وسقى البلد ياحواء بنوتك ملؤ

    ويادم جناتك تغتسل
    من لوثة الزمن الفسل
    يازول وفي وسمممح خلاص
    يامن عشان عين الوطن
    تبرد نشيل الدنيي حاس
    قوماك ياخيي ندوس دواس

    كجنا ياجنا ها العكاس
    يضرصنا كلنا حس رصاص
    دايرين نونس مااحنا ناس

    على احلى نخب وداد وكاس
    علة حلا نخب وداد وكاس
    من راس قرورة لحدي كاسوزي مابيعاطن الموج درج
    اومابيباطن الغيم اويل
    نلهج لهج حلو سلسبيل

    والنيل يغني حليلي ولاحلاليانا المكتول عديل والله في حوش البلد

    مكتول كتل
    ــــــــــــــ
    وياك بالفعل
    سوداني ياموية الحياة
    ياخالدة يامنذ القدم
    لا ريحة لا لون لاطعم
    الماهو فيك ماتشيلو هم
    اد الوطن مااداك يا
    ادو الحياة وي ده الاهم
    بالجاي راح ننسى اللراح
    فر الجناح فوق الجراح
    ارضاً سلاح
    ياجمنا
    امسك شباطين الصراع الفكري صاح

    انضر حزم بين باطك الدفاي ياخي
    حزم الكفاح بالوعد بي شد البصيرة على الشعاع
    الدغري راح نصلو الصباح
    لا بالصياح
    لا بالتباكي علي بوانكي اليانكي

    لا بالانبطاح تحت السواهي
    وتحت السواهي دواهي
    نصباها الضباح
    انا شوقي لا متناهي للوطن البراح

    انا دمي دم ماشاهي وين شاهي الصباح

    بي همي لا تلاهي

    انا همي شايلو صاح

    لي آهي لا تشاهي لا بالله يانخب الكساح
    وديتي وين وطني الخزين ؟؟؟
    سبتيلي هادي التاح تراح

    وانت العليك ركتنا هات جكتنا سايمين المهج
    ودينا خاطرك ياوطن

    ناس في سبيلك كالغيوم
    وا شوقنا للوديان زمن

    سكتنا دغريية وحداك

    سكتنا دغريية حداك

    سكتنا دغريية وحداك

    جاتك بشاراتك اذن
    علمنا نستشهد فداك

    علمنا نستشهد فداك
    ونحنا البنتماوت سدن
                  

09-11-2011, 07:44 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: بعد هذه القصيدة الرائعة لا شيء غير أرضا سلاح

    حميد: نتمنى ألا يكون بين السودانيين غير السلام .. وحتى
    ما حدث قبل أيام يرجع الناس ويرجع السودان وطن
    واحد

    نسرين: تحدثنا عن شخوصك وين هم الآن؟ فقد ألفناهم حتى
    أصبحوا ماشين بيننا .. أين هم؟ وحدثنا كذلك عن
    رسائلك عبر القصيد

    حميد: نحنا بنسلم عليهم كلهم: راشد - التومات نترحم
    على حمتو عم عبدالرحيم والسره ونوره وعيوشة
    الغلباوية كل سنة وانتو طيبين

    الناس ديل حلوا علي ضيوف في القصيدة .. حمتو
    حداد .. هم مواطنين سودانيين بس ناقصين الحاجات
    التانية ديك .. ما عارف بصوتو في الانتخابات والله
    لا

    بالمناسبة مسألة الشخوص في الشعر خطيرة جداً ..
    تصوري ماذا يحدث لو تمرد عليك أحدهم .. يحسب عليك
    يحملوك حركات شخصيتك الشعرية .. ينبغي أن تكون لديك القدرة
    على قيادة وتوجيه جمهورك .. ديل شخوص وأنا مسئول
    عنهم .

    أول ما تجيء سيرة الرسائل في الشعر المثقفاتية طوالي يربط
    ليك الموضوع بالأبنودي .. كأنما الأدب ده ما عندنا نحنا

    نسرين: المثقفاتية منو؟

    حميد: النخب الضيعو البلد دي

    نحنا عندنا نماذج كثيرة وقديمة لأدب الرسائل .. كتبها
    اسماعيل حسن / ود الدابي/ عبدالله محمد خير
                  

09-11-2011, 09:41 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: يا ريت تقرأ لينا ست الدار

    حميد: الدنيا عيد
    وست الدار هسع بتكون مزنوقة مع العيد
    ده
                  

09-11-2011, 12:57 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    الراحل المقيم الفنان مصطفى سيد أحمد - طيب الله ثراه
    كان حاضراً عبر أغنية يا نوره أه لحميد ؟؟


    تسجيل 1994 بالدوحة .. سمى حميد العازفين واحدا واحدا
    وآلاتهم التي يعزفون عليها آلة آله ثم صدح التسجيل
    بصوت مصطفى الـ (يشق القلوب قبل الجلود)


    من دّرْبِكْ التّور نَفَس خيل الصّبُر ..
    فَتّر خطاوي الشّوق وراه يا نورا آه …
    ساعة الشّموس الغُرْ .. تهضلمْ
    تلحق الصِّح في المغاربْ تدفر الضو الكهاربْ
    في وشيّكْ تذفر المدن الضّبابية
    السّرابية … الكآبة
    وحائط التيِّه والطّشَاشَات
    فوق قِفيِّكْ يا أم عوارض .. مو دعاشة ..
    ماها شبّورة وتقيفْ
    جايي ليك يا نورا غيمة .. تملا ماعونك خريفْ
    يملأ عينيك ويفضِّلْ .. يروي جوّاك … العطاشة ..مو دعاشة

    يا مطر عِزْ الحريقْ يا مصابيح الطّريقْ
    يا المراكبية البتجبِدْ من فَكْ الموج الغريق
    يا الجزاير النتحويبا .. لما إنشعوز بحرنا
    جينا ليك والشوق دفرنا
    يا المراسي النتحويبا .. لما إنشعوز بحرنا
    يا نشوغ روحنا ودمرنا
    يا المحطات الحنينة … القصّرَت مشوار سفرنا
    يا ما شايلك فيني حايمْ أيوة شايلك .. فيني حايمْ
    في الأرِضْ تكوين قضيّة .. !!! في السّمَا الأحمر .. غمايمْ
    بي برِدْ نغما السّلامِي . ..رَطّبَتْ حلق الحمائمْ
    طنبر النّخل التبلدي .. راقص الأبنوس وصَفّقْ
    سَوّتْ الصقرية موجة خَلّت النِّيل هاجلو هوجة
    بشّرت بالخير بلدنا .. شالت الشّبَال نسائمْ
    جدّدَتْ زلفي القديم ..أمشي بي الماشيبو أقاوم
    لا بتكَبِّر راسي فورة .. لا بتصغِّرني الهزائمْ
    جِنْس يا نورا ابن آدم ..حلمو في عالم مسالِمْ

    لا اللّيالي الماها ليّا .. لا الشّمَاتات العليّ
    لا البنوك المخملية لا تفاهات الحضارة ..
    لا عفاريت المدينة .. لا العمارات السّوامِق ..
    فوق ضَهَر ناساً فقارى لا الهتاف الفاوة ضارى
    غطى بالي من الفوارق .. لا الألوهة الطوطمية
    لا البرندات الوسيمة .. ولا الأسامي الأجنبية
    بتمحى من عيني ملامحِكْ .. وإنتي جاية المغربية
    جايي دايخي المغربية .. وشِّك المقبول مكَنْدَكْ ..
    سامسونايتك زمزمية
    كونشبر ..مرزبة..مقطع ريشة فانوساً مدَرْدَحْ
    قلت بيهن لي زمانك .. يا زمان الحاجة عندكْ
    يا زمان الآفة حدّكْ .. لا تطا الوردة الصبية

    يا نفس فجر القصائد .. يا بلادي
    القَطَع قلب الرّوادي باللُّواج الجاي وغادي
    ده ما هو صوتِكْ .. لاها صورتِكْ
    دي البترقش ناديي فوق صدر الجرائد ..
    ماها صورتك !!!! لا هو صوتك ..لاها صورتك !!!

    إنتي يا الفي إطْن الصّحَارَى شُفّع العرب الفتارى
    البَفِنّو الشايلا إيدُنْ .. ويجرو كابسين القطارة
    يجرو باريين القطارة
    لا سراب الصّحراء موية ..لا حُجار سلّوم موائدْ
    إنتي في الغابة اليصارِعْ .. جوفو للآهات تلكِّي
    ياما دفّقْ غيم رجاهو ..لكن الأيام كركِّي

    في خلا حالنا اليمحِّن .. ويملأ بالسُّهد الوسائدْ
    إنتي غيمة ..شديرة ..خيمة ..
    إنتي جاهنا .. والتّقَا الطّلَقَت وشينا ..
    فرّقَت غُمّة جباهنا فرّجت في الحارّة ضيقنا
    فرّحَت شُفّع فريقنا والمواعين الحزينة ..وإتجاهنا
    يا النغيم البقّ فينا .. وشدّ لي وتر إنتباهنا

    يا تباشير يا بشارة إنتي يا ضرعاً تَكَرْمَشْ ..
    شان يرضِّعني الجسارة
    إنتي في منفاي رفيقة .. وفي حشا الأشواق حرارة
    يا هُدَى النّاس الحيارى يا ندى الفجر اليبلِّلْ
    صور عوينات الفقارى
    جاي ليك .. آه جاي ليك .. جاى ليك يا نورا آفة
    آفة للسوس الجا ينقُرْ ..عود عشيماً داخرو فيكْ
    وأصلي لمن أدور أجيك .. بجيك
    لا بتعجِّزْني المسافة لا بقيف بيناتنا عارِضْ ..
    لا الظُّروف تمسك في إيدي ولا من الأيام مخافة
    يا نفس فجر القصائد .. ما ضِهِبْ في بُعدي عنِّكْ
    واصلي متغرِّب عشانك .. راضي بالبيجيني منِّكْ
    ما بكيت شُحْ اللّيالي لا شكيت نُحْ .. شلتو حالي
    رغم إنو الحال بيفسَخْ .. إلا كُت في الحارة بصرخ
    يا وطن عِز الشّدائدْ … يا وطن عِز الشّدائدْ
    =====================================
    عبر حميد بالصمت والدموع والوجه الراجف حزنا

    نسرين شكرت من وفروا الشريط

    حميد: مصطفى ربنا يعدل قداميتو .. شكرا لمن وفروا
    هذه المادة ومن تنادوا إلى فندق رمادا ليغنوا مع مصطفى..

    لم أبك على مصطفى فالموت يطرق أبوابنا كل صباح ولكني
    بكيت لأسباب عديدة ..

    القطريين قاعدين في الصفوف الأمامية التحية للكوالي وزير الثقافة
    القطري ووكيل الوزارة .. جاءوا ليسمعوا مصطفى لم يكترثوا أن
    يؤثر ذلك على العلاقات بين البلدين .. أحي الحكومة القطرية
    والشعب القطري

    نسرين: نعتذر أن الصورة لم تكن بالوضوح المطلوب ولكننا
    في النيل الأزرق نشكر من وفروا الشريط ونرحب بأي
    عمل لمصطفى سيدأحمد

    حميد شكر د. ...... ابراهيم عبود وقال:
    أبكتني عدة أشياء .. عظمة هذا المصطفى إنسان بكلية
    واحدة وأعراض سرطان يغني يوم ويغسل يوم نموذج للسوداني
    يضغط على جراحو .. مش عاوز أقول للحكومة تعتذرلو لكني
    أقول للمهتمين بالثقافة لملموا حاجات مصطفى .. فمصطفى
    مشروع بدأ قبل الخليل مصطفى كان يعمل في هذا
    المشروع الضخم .. حرام لدينا فنان كوني زي ده نهمل
    حاجاتو!!
                  

09-12-2011, 06:51 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: نعرف أنك كتبت عن مصطفى؟

    حميد: كتبت مثل الاخرين عن مصطفى وإن شاء الله
    تسمعوها في عمل تاني: نصاقر لمتين الريح

    أحي أهلنا في ود سلفاب

    نسرين: هل حسيت أنو مشروعك أنهزم بعد مصطفى؟

    حميد: لا .. فهو ليس مشروعي لوحدي ولا مشروع مصطفى
    لوحده .. مصطفى غنى لي عشرين نص ولم تصل هو
    مشروع الأغنية السودانية.. وبشوية صبر برجع
    الغنا .. مصطفى كان فنان وكان سوداني التحية
    لمصطفى ولشعراء مصطفى

    نسرين: غربة حميد بإيعاز من مصطفى؟

    حميد: الاخيرة هي الأهم
    كان مصطفى يعرف المضايقات البتحصل لي حتى في
    نوري.. هذا كلام كتير .. يحتاج حلقات .. مصطفى
    عارف ربنا خلقو لشنو .. لذلك فقد ظل يغني
    ويغني في ظروف المرض والغربة والاوجاع التانية
    وقد سافرت له في قطر وشفتا كيف كان مريض ويغني

    مرة أخرى أحي الاخوة القطريين

    نسرين: ما تقول في مد وجذر بين المثقف والسلطة؟

    حميد: دي حتكون قايمة ليوم الدين بين المبدع والسلطة
    من المستحيل أن تحجر على الشعر خاصة ما يغنى منه
    خليهو يمشي .. مافي غنوه قلبت ليها حيكومة ولو
    رميتو في البحر تلقاهو مطفح وبغني.
                  

09-12-2011, 11:42 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: هل بالضرورة مقص الرقيب هو رأي السلطة؟

    حميد: غناه ده مره زي الهوا ده ما بمر، واخوانا الفنانين
    الباحثين عن اجازة أغانيهم ترمى نصوصهم وانا كتيـر
    احتديت معاهم (مع اخوانا الفنانين) وقلتا خلو الغنا
    يمرق في المكتبات وبعدين الحكومة التجي تصادرو
    .. ياخي ديل ملكيين أكتر من الملك .. حصل وقفوا غنوه
    عشان كلمة عامية ما فهموها .. جيبوا ناس من كل
    ثقافات السودان عشان التعابير تجد من يفهمها قبل
    الفصل فيها.. كما لاحظت أن كل الكراسات تجاز ويمنع
    الغناء الوارد ضمن هذه الكراسات .. مشكلتهم مع
    الغنا

    نسرين: بالمناسبة فالنسمع عفارم بحضور الرئيس
                  

09-12-2011, 11:51 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    ثم
    عرضت أغنية عفارم عفارم أداء الفنان محمد جبارة
    وبحضور رئيس الجمهورية وتبدأ الأغنية بــ:


    عفارم عفارم يا شعباً مسالم

    يا حر الإرادة جماعي القيادة

    يا وقتين تصادم بروقك تضوي

    ورعودك تدوي ورياحك

    تقصقص رقاب المظالم
                  

09-13-2011, 07:14 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: عوالم حميد وعاميته الخاصة تضج بالدراما وسوف
    نعرض الآن رأي أحد النقاد حول تجربة حميد قالت
    الناقد:

    حميد والقدال ظهرا بعامية ذات خصوصية وجعلوهـا
    تقرأ في جامعة الخرطوم وفي كل الميادين لمـــا
    حملوها من مضامين مجتمعية وكونية .

    يتميز شعر حميد بالغزارة والتنوع والأبعاد المختلفة
    في السرد بالأخص الدرامية .. ويمكن ألقول أن تجربة
    حميد لا يمكن الإحاطة بها.

    ثم قرأ حميد:

    آخـــر الريــد

    -------------

    لا تقفل الأبواب

    خلّي الهوى يدخل

    زي الهوا ينساب


    جاييك من آخر الريد مشياً

    على الأشواق

    عز الليالى البيد
    آنست نورك باق
    خبيت مشاعرى شديد
    الدروخا الساساق
    كلما لك انت بعيد
    توميلي بالاطواق


    بى آيه تفتحى لي

    للجاك عديل ودنا
    داير عينيك قراب وتبقيلي
    دار ودنا
    لو بالمحبة حباب إبن الملوح أنا
    لو بالنغم زرياب وما خلى
    فيك غنا
    لو بالعلم دا كتاب مفتوح لك
    ألف سنة
    لو بالضرب دي حراب عنتر
    مدارقو هنا
    لو بالرسم جذاب عند أمو
    كل جنا
    لو مو الشمس كضاب البدر
    يضوي سنا
    لو بالقرش وين جاب ما جاب
    براهو هنا
    لله كم خطاب تتمنى حالو مني
    يا بت بلا استغراب تكشحلى
    جور وضنا
    وأنا اجدر الخُطّاب واكتر قلوبا عنا
    راجيك تقولى حباب يا ......
    ريدتى هاك كفنا
    فالدنيا دون أحباب غيمة
    الضباب دفنا

                  

09-13-2011, 07:28 AM

Hassan Senada

تاريخ التسجيل: 04-25-2010
مجموع المشاركات: 1804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    شكرا لك استاذ محمد والتحية لرايع دوما الشاعر الكبير محمد حسن حميد
                  

09-13-2011, 08:51 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Hassan Senada)

    الاخ حسن سنادة .. تحياتي لك .. نعم حميد رائع دائما ورهاننا
    عليه ينطلق من أرض تجربة شعرية منحازة لقضايا الناس العاديين
    طوال مسيرته الابداعية الإستثنائية

    =======================================================

    نسرين: بعض جماهيرك يعتقدو أن تصالحت؟!

    حميد: لما رجعت من السعودية اشتغلت مع صلاح إدريس .. وبهذه
    المناسبة أقول له : ياب أحمد كلو سنة وإنتا نصيح .. وبالمناسبة
    صلاح إدريس كان كفيلي إبان تواجدي في السعودية .. وتعلمين أن
    كثير من الناس في السودان يبنون رأيهم بإنطباعات سريعة ولو
    أكتشفوا أنك على علاقة بأي زول مؤتمر وطني يقولو خلاص ....

    وأريد أن أقول أن الصراع في السودان يختلف عن الصراع في كثير
    من البلدان الأخرى .. ولكن .. ولكن أقول:

    ما غيرت وراك الجته
    ولا بدلتا ملامح صوتي

    ما غافلني وهادن فني
                  

09-13-2011, 01:14 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    نسرين: قصيدتك الأصل فيها مقروءة؟

    حميد: الشعر فن جماعي وصوتي .. بعضها لا يمكن
    كتابته أصلا .. السنتتة للحمار في عــم
    عبدالرحيم كيف تكتبينها؟! إشارات، الكتابة
    من باب المقاربة .. الشعر هو فن الموهوبين
    من العامة وبدأ سماعي؟

    نسرين: حميد أغترب، لكنه لم ينفصل من الأجيال ..

    غربة الجن

    فقرأ حميد:

    متينك يا غربة الجن نسكٌت صنٌك النقناق
    وطن جية المطور للطين نجيهو وتصدق الأشواق
    ياوطن النفوس البكرة ياوادي الحشا البرٌاق
    إذا ما الريح جرح للٌيح وصيفا حتحت الأوراق
    حطبنا نصيح أتبني الساق أمان ياغيمة مو البتٌاق
    ياوطنا قريب للحي وسرٌك للبعيد لحٌاق
    حلٌو حلاوة ما ب تنطاق ومرٌا كلو كلٌو إنضاق
    من كنٌاكا ما خنٌاكا مافينا الضلالي العاق
    وياحاسب سكاتنا رضا أمانة بطونٌا ماها غراق
    صدورنا علي البعادي زقاق ضهورنا إلي المنادي رقاق
    رضينا بلا قرن ننساق وحين نحرن جبل يا ساق
    الجرٌب يطير ماب يمشي لو حرٌت علي الأشواق
    ومن قولب لهيب الشمس ماكوٌش من الرقراق...

    ______
                  

09-14-2011, 06:36 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    وبينما الحلقة الجميلة تمضي إلى نهاياتها بعد ساعتين من الصدق
    والكلام المعافى سألت
    نسرين: نشكر من سهلوا هذا العمل (وذكرت أسماء عديدة) وجعلوا
    هذا ممكنا

    حميد: شكرا للمشاهدين في كل محل وكل سنة وإنتو طيبين وعشان
    خاطر الشعب السوداني والتحية لدولة قطر ..

    نسرين: بين الموجة والخزان .. كانت نبؤة .. حلم

    حميد: ليست نبؤة شويةحلم .. مش حرام الزول يحلم بخزان ألا
    ينبغي أن يكون مثل هذا أمرا طبيعيا في هذا الزمن ..
    آمل أن يهتم المعنيين بمعالجة الآثار السالبة للخزان

    ثم قرأ: بين الموجة والخزان حلم إنسان:

    هردت لهاتي بالغنوات ... وقُتْ يبرد حشاك يا امي
    ومن التعب البلا صالح .. تفيقي .. تروقي ... تنجمِّي
    تسوي مكانسك المطرة .. تضوي البيت وتنحمي
    تمرقي صبوحة للجيران ... قدح فوق ايد وفي ايد أَلمْي
    يلاقوك شُفّع الكُتّاب نُضاف وظُراف بلا النّسْمي
    ويغنولِك ... يغنّولِك غناوي السّابْ
    وفي بيّوضة مافي سراب
    جبال كَجَبي وفيافي الكاب ... تميد بالخضرة منقسمي
    ولا غابار .. ولا هو سحاب .. وتنهجمي
    من الدّهشة وتحاحيهُن ... غناكُن نيي ... غُنا الوهمي
    ويهتفوا زي كلاب الحي .. على الأغراب
    حوافي الصّي وبيوضة
    البراسيم فيها مفروضة
    خدارا يراري شوف عيني على الأبوابْ
    قماريها وحواريها وطواريها بقت روضة .. بقت تشرب من الحامدابْ
    تشربي عافيي من إيديّ ... تدوي اليوية بي حشمي
    تسوّي السّي وتبتسمي
    تشوفي رهاب بُعُد نجمي
    واشوفو قريب قُرُب نضمي
    اشوف العالم التحتاني .. هيلا هوب وقف ناهضْ
    دكّ عمايد الفوقاني ... جوه الُّجب رمى العارضْ
    وفي السابو الدمار أفراق عريق الحب نبض قابضْ
    متل قبض الحروف في اسمي
    غناوينا القبيل رقراق علينا تصب برد قارضْ
    أَلُكْ طيناتا من دمّي .. وارمِّلها من عصب عشاق ..
    أنط تُلُّبْ واجيك عارضْ
    واجر نمي
    أدودي لهاتي بالغنوات ... عقب يبرد حشاك يا امي
    تسوي السي وتبتسمي
    تسمِّي الشعب وتعتصمي
    بحبل الشعب تتفرق ظلمةً فيها تتحرق .. صُرُمةً قالوا ليك قسمي
    أدودي لهاتي بالغنوات عقب يبرد حشاك يا امي
    تقلبي الكلمة بي الكلمي
    ضراعك يرمي ما يدمي
    تقيفي بعيد عن الشمات تكوني اقرب لي من اسمي
    واضمك بارتياح يا امي
    أحبك صاح وصاح حلمي
    ولاكي سعية للضباح ولا شمش الصباح حزمي
    ولا كتف السلاح سواح ولا نزف الجراح ألمي
    هيا انحزمي .. هيا انخلقي .. هيا انعتقي ..
    متين مو دايرة ري تسقي
    ولا في إيد النزيف نبقى ... ولا في إيد الخريف تبقي
    ولا الفيضان يبضِّع بِكْ .... ولا في القيفة تنهدمي
    ولا ان جات حاره تنهزمي
    ولا يغشى الغلب قلبك ولا تشقي
    ولا انت تخافي لا تدمي
    ضراعك يرمي ما يدمي
    فيا حزن البلد عوك كَرْ
    ويا سعد الولد ضَرْ ضَرْ ... مع النسمي
    ولي قيمة العمل عمي .. وافتحي ظلمتك للضي
    سِنِّي على النضال إيدي
    سوِّكي بالهتاف فمي
    شوارعك لي دويها علي
    اذا ما اخر العلاج الكي ... مراويدك حمر صمي
    مراويدك حمر يا امي
    بليلتي ولا ضبايح طي
    قليلتي ولا كُتُر سّمي
    وطني ولا ملي بطني
    سكاتي ولا الكلام الني
    سلام يا امي .. سلام يا امي .. سلام لا هكمي لا دكمي
                  

09-14-2011, 01:49 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    اذا ما اخر العلاج الكي ... مراويدك حمر صمي
    مراويدك حمر يا امي
    بليلتي ولا ضبايح طي
    قليلتي ولا كُتُر سّمي
    وطني ولا ملي بطني
    سكاتي ولا الكلام الني
    سلام يا امي .. سلام يا امي .. سلام لا هكمي لا دكمي
    ==============================================

    وهكذا ختمت حلقة قناة النيل الأزرق التي ضمخت أول
    أيام العيد بعبق الوطن : حميد ونسرين وأبوبكر
    سيد أحمد شكرا لكم وكل عام ومبدأ الغنا أول
                  

09-15-2011, 09:15 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    وطنا .. حبيبنا

    رغم البيك

    هي الأشواق

    حميد
                  

09-17-2011, 06:49 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    يا نفس فجر القصائد .. يا بلادي
    القَطَع قلب الرّوادي باللُّواج الجاي وغادي
    ده ما هو صوتِكْ .. لاها صورتِكْ
    دي البترقش ناديي فوق صدر الجرائد ..
    ماها صورتك !!!! لا هو صوتك ..لاها صورتك !!!
                  

09-17-2011, 01:30 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    تغني من التعب لامن كلاك دمّن
    ولا شكرا رجيب لا من
    فهل يعني النهاية الموت؟!
    وينبعزق غناك سدىً
    أم أن الغيم حينسابق
    على الأرض العزيز فدى

    حينسابق على الأرض العزيز فدى
    حينسابق
    حينسابق
    حينسابق

    من مصابيح السماء التامنة وطشيش
    في رثاء الراحل المقيم مصطفى سيد أحمد
                  

09-18-2011, 05:22 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    جاءت نسرين للقاء بكل حماسة مقدمي البرامج في أول
    أيام العيد ومع شاعر كبير ومثير للجدل وغائب طوعا
    وكرها عن أجهزة الإعلام الرسمية .. كانت مطمئنة بأن
    اللقاء سيختطف أضواء لقاءات العيد .. أما حميد فقـد
    جاء ليعلن الرهان على الغناء /الشعر وليقول أن مصطفى
    سيد أحمد صاحب مشروع قديم بدأ قبل الخليل وأن هذا
    المشروع يضم مبدعين صفوة من كل جيل، وعلى ضوء هـذا
    المشروع دخل مصطفى سيد أحمد للوسط الفني برؤيا جعلت
    من تجربته حالة إستثنائية على مر تاريخ الغــــناء
    السوداني.

    عمرك كلو تغني عليها تعالي تعالي
    أو ما هي بدت عينيها نهمة غيمه

    مشيت طوالي!!!!
                  

09-18-2011, 12:21 PM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    ذكر حميد في الحلقة أن مصطفى سيد أحمد قد تغنى بعشرين
    عمل من كلماته (كلمات حميد) بالإضافة للأعمال الكثيرة
    الأخرى المنتقاة لمبدعين معروفين ومشهود لهم أنهم مــن
    من أصحاب الرهان على الكلمة كمشروع للتنوير والتغيير
                  

09-19-2011, 06:58 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    أمونه الصباح قالتلو النعال ..
    والطِرق إنهرن ..ما قالتلو جيب
    شيلن يا الحبيب .. غشهن النقُلتي والترزي القريب
    بس يا أم الحسن
    طقهن آ بفيد
    إنطقن زمن
    وإنطق الزمن
    لازمك توب جديد
    وبأيةً تمن ..
    غصباً للظروف والحال الحرن ..
    شان يا أم الرحوم .. ما تنكسفي يوم
    لو جارتنا جن .. مارقات لي صفاح
    أو بيريك نجاح .. ده الواجب إذن
    وإيه الدنيا غير .. لمت ناس في خير
    أو ساعة حزن
                  

09-20-2011, 07:06 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    عندما رحل مصطفى سيد أحمد كتب حميد:

    عمرك كلو تغني عليها تعالي تعالي

    أول ما هي بدت عينيها نهمة غيمة مشيت طوالي

    ========================================

    بكى حميد عندما غنى مصطفى وعندما سؤل عن
    بكائه لحظة تقديم شريط مصطفى سيدأحمد قال:

    أنا لم أبك على على مصطفى بكيت على أشياء
    كثيرة ..

    لعله يقصد الحلم الذي كان مصطفى يمثل أحد
    ركائزه الأساسية:

    تحتاج جماعة من الرجال
    الكنت ليها براك تقــل
    تحتاج قبيلة من الحبال
    الكانه بقيله فرد حبـل

    وقدر اليشيلو الشيله في
    لكين ظروفم هل تفي؟!!!!

    =======================

    كوركت يا نادوس .. أم الغبش يا أم
    يا نخل يا أبنوس .. يا سامبا .. يا تم تم
    يا البيك غناي محروس .. دخري الغلابة هلم
    دهمني كم مجروس .. وعكمت تاني وقم
                  

09-21-2011, 06:40 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    أنا ماشي
    لا خوف
    لا جُبُن
    لكني راجع
    في زمان
    لا آهة فيهو
    ولا غبن
    وما بيني بين الحلم
    سد
    والدنيا ماها
    ملي بطن
    بس ماشي أهلنا
    أهلنا جد
                  

09-25-2011, 09:58 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    عفارم عفارم يا شعباً مسالم

    يا حر الإرادة جماعي القيادة

    يا وقتين تصادم بروقك تضوي

    ورعودك تدوي ورياحك

    تقصقص رقاب المظالم
                  

09-27-2011, 09:57 AM

Mohamed Abdelgaleel
<aMohamed Abdelgaleel
تاريخ التسجيل: 07-05-2005
مجموع المشاركات: 10415

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حميد/ إعادة حلقة أول أيام العيد بكرة عشرة ونص مساء/قناة النيل الأز (Re: Mohamed Abdelgaleel)

    اشوف العالم التحتاني .. هيلا هوب وقف ناهضْ
    دكّ عمايد الفوقاني ... جوه الُّجب رمى العارضْ
    وفي السابو الدمار أفراق عريق الحب نبض قابضْ
    متل قبض الحروف في اسمي
    غناوينا القبيل رقراق علينا تصب برد قارضْ
    أَلُكْ طيناتا من دمّي .. وارمِّلها من عصب عشاق ..
    أنط تُلُّبْ واجيك عارضْ
    واجر نمي
    أدودي لهاتي بالغنوات ... عقب يبرد حشاك يا امي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de