|
Re: الصادق المهدي مبسوطاً ..! (Re: Elbagir Osman)
|
إرتعاشاتِك بتحكي قصة أحلامِك معاي وكل خفقة في قلبي نغمة تحكي ليكي شوقي وهواي إنتي في بهجة شبابِك وحبي ليك من غير نهاية
ــــــــــ (غناء وتلحين الأستاذ محمد وردي) مصدر الصورة إرشيف قوقل
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
مجبور قلبي يتعلم بعد ولف عليك يقسى انا الفارقت مرساك قبل اشواقي ماترسى واصابح بكره كيف العيد وعايش فرقتك هسى
ــــــــــ غناء : الأستاذ حمدالريح ملحوظة : يظهر في الصورة الصديق طارق عبدالمجيد القابع في هذي اللحظة في زنازين الوجيع وقادر الله ...!
مصدر الصورة : الأستاذ قوقل
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
Quote: الكلمات/ كجراوي / غناء الأستاذ محمد وردي) ) |
الشاعر كجراي
اغنية ما في داعي تقولي مافي يالربيع في عطرو دافي احدى روائع الفن والادب السوداني
كجراي من ابناء شرق السودان هذا الرطان الفصيح
| |
|
|
|
|
|
|
Re: الصادق المهدي مبسوطاً ..! (Re: لدن جعفر)
|
الأصدقاء/ت كوستاوي الباقر معاوية لدن
شاكر لحضوركم وأبقو تابعو باقي الصور
ـــــ أنا كويس والناس كذلك يا معاوية لا تشفق (من تالانا ولا نبقالك مشغولية زيك واحد ومستورين وماناسين المسؤلية) الزين ودحامد
| |
|
|
|
|
|
|
Re: الصادق المهدي مبسوطاً ..! (Re: عزاز شامي)
|
يا عزوزة وخدوري ملاحظين البشير يدو الشمال جوّة الجيب! ياخ ده سلام ممحوق شديد، سلام واجب، وعلى عجّل، منزوع النيِّة ؛) ______ يا شيوعيين ويا ملاحدة ويا علمانيين، أرفعوا أياديكم الغير متوضئة عن سيدي الإمام ؛)
| |
|
|
|
|
|
|
Re: الصادق المهدي مبسوطاً ..! (Re: Yassir Tayfour)
|
ولاحظ كمان يا ود طيفور النظرة والابتسامة المتجهتان نحو اليد الفي الجيب - مصداقا لقول ناكلو تورنا - ولسان حال الآخر يقول: منو العوض وعليه العوض! وابتسامة مصطفى الأعرض من امتداد الحدود بين جنوب السودان وشماله! أما نظرة الأميرة فتقول: نظرت إليك يا شقيق الغادر نظرة تيس لشفار الجازر!
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
سايقاني بسمة فاهك در عقيد ومتين لولاها مالي صالح في الظلال والتين يالفريد في ظرفك زي صداقتك وين ما أظن تكون ولا بدعت قبل في التكوين يامن أسرت فؤادي ملكته في اليدين ياملفت الأنظار يا ناير الخدين نحن الجميع مادمنا قلوبنا متحدين تبقى الصداقه قرابه ونكسب الودين
_____________ مصدر الصورة: جريدة الاسبوع المصرية
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
Quote: يا شيوعيين ويا ملاحدة ويا علمانيين، أرفعوا أياديكم الغير متوضئة عن سيدي الإمام ؛) |
هي يا ياسر! ما بتهتني ساي ! ان شاء الله عشة تجن و يسكوها الشفع في الحلة انا جاية لافحة توبي احتفل بهذه اللمة الما منظور مثيلا اها احمونا كمان نكون وطنيين ومواكبين لضرورات المرحلة؟!
| |
|
|
|
|
|
|
Re: الصادق المهدي مبسوطاً ..! (Re: عزاز شامي)
|
يا خضر قالو : وين درب السعادة .. يا الباكين لحالي دلوني عليه .. أنا ساهر ليالي حتي لو بعمري .. لو بالروح ومالي نشاركك في الحكومة طوالي طوالي نديك الكراسي .. يا صاحب المعالي
| |
|
|
|
|
|
|
Re: الصادق المهدي مبسوطاً ..! (Re: محمد حسن العمدة)
|
آخر عمل خير في البشر جاك الصبر من وين .. ولا قلبك رجف .. لا آهة .. لا دمعاً طفر رشرشتي بي إبريق أبو .. وبي دمو نبلتو والحجر خيط الحريرة القرمصيص .. كفنتي ني رفت القماش .. الساكوبيس الخاتا لي يوم الطهورة .. مرقتي لاقوكي الرجال بين الغلب إنقلبو ومتحزمين زي يوم أبو دمع الرجال هزاكي آه خارت قواكي طفرت دموعك والحريم كسرن عليك قلدوك رجالات الفريق فوقك ضي الشمش إتكا وبعض المراضى المقرفين قلدوكي لي شي بلا البكا
ناس تمسك ضنب الككو وناس تقلد الككو زاته ود العمدة تحياتي
| |
|
|
|
|
|
|
Re: الصادق المهدي مبسوطاً ..! (Re: عزاز شامي)
|
خارج البوست وقبل التقفيل والبلع
التحية للوالدة فاطمة احمد ابراهيم
وياليت مساكين الحزب الشيوعي يعلمون ماذا يعني الامام لنا فيتركوا هذا الخبل الذي يمارسوه باسم المعارضة
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
Quote: خارج البوست وقبل التقفيل والبلع التحية للوالدة فاطمة احمد ابراهيم وياليت مساكين الحزب الشيوعي يعلمون ماذا يعني الامام لنا فيتركوا هذا الخبل الذي يمارسوه باسم المعارضة |
ود ده يا خبل ويمارسوه و مساكين !! مبالغة .. مبالغة ... المبالغة احنا زاتنا ممكن نقول قولنا و نختم بوالدنا الامام .. الفرق شنو؟ ولا انتو غير؟
| |
|
|
|
|
|
|
Re: الصادق المهدي مبسوطاً ..! (Re: عزاز شامي)
|
Quote: لنا فيتركوا هذا الخبل الذي يمارسوه باسم المعارضة |
كتيرة منك يا كونت والله
ـــــــــ البوست ده ما عندوا علاقة بالحزب الشيوعي ورؤيته وتحالفه مع حزب الأمة أو غيره بقدرما هو مسؤولية كاتبه فأفرز يا زول وما تخلط الأمور يا حبيب . ثم ياخ الإمام الصادق المهدي وربنا يديم عليهو الإنبساط والقرقراب يبقي رمز من رموز هذا الوطن شئنا أم أبينا إتفقنا أم إختلفنا في بعض مواقفه .
| |
|
|
|
|
|
|
Re: الصادق المهدي مبسوطاً ..! (Re: عزاز شامي)
|
Quote: عبدالمجيد الكونت كتب: ناس تمسك ضنب الككو وناس تقلد الككو زاته
|
Quote: عبدالمجيد الكونت كتب: كتب الشيوعي خضر حسن خليل
لكي لا ننسي
فأ حضر الحبيب العمدة نوتة كتب عليها
اني خيرتك فاختاري يافاطمة |
يا عمّك عادل إمام ما بيلحقك
| |
|
|
|
|
|
|
Re: الصادق المهدي مبسوطاً ..! (Re: عزاز شامي)
|
Quote: ود ده يا خبل ويمارسوه و مساكين !! مبالغة .. مبالغة ... المبالغة احنا زاتنا ممكن نقول قولنا و نختم بوالدنا الامام .. الفرق شنو؟ ولا انتو غير؟ |
عزاز ازيك انا قلت المساكين من الشيوعيين هوم البمارسوا الخبل باسم المعارضة
يبقى معناه انتي ما ليك علاقة بالموضوع
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
Quote: ضرب في الانكل ما معانا يا ود العمدة لووووووووووولز |
تصدقي يا عزاز انا مستغرب في المحبة الهجمت علي للشعوعيين ديل .. يعني لو كان زي زمان كان العجاجة في السما والكبتة والكتاحة مدورة ... يعني تاني مافي انكل في اختام ؤبث كورة وااطة تملصا براحة وتتخارج
| |
|
|
|
|
|
|
Re: الصادق المهدي مبسوطاً ..! (Re: خضر حسين خليل)
|
Quote: تصدقي يا عزاز انا مستغرب في المحبة الهجمت علي للشعوعيين ديل .. يعني لو كان زي زمان كان العجاجة في السما والكبتة والكتاحة مدورة ... يعني تاني مافي انكل في اختام ؤبث كورة وااطة تملصا براحة وتتخارج |
كورتك الليلك هنا ما على قدر الحدث ... وده امتداد لردود فعلكم مؤخرا يا ربي؟ الحساب هنا بالحاضر يا عمك و انت جبتنا لينا بالجنيه القديم احنا اولاد النهاردة، ولا كيف؟ يا ود العمدة انا حاعتبر انو انت قاصد المحبة الوقعت علي للشيوعين ديل محبة من محبتي لشخص ماما سعاد و محجوب شريف و كمال الجزولي و شلة من العزيزين و العزيزات ... بس اخوانا الشيوعين عارفين موقفي من الحزب و الاحزاب السودانية بشكل عام بس بيلمني بيهم اليسار كتوجه و الفكرة الاشتراكية و المطالبة بالدولة العلمانية انا لاعب مستقل حر تماما من قيود التنظيم الحزبي وسأظل كذلك مهما تبدلت الأدوار و مراكز القوى بقول كلامي و اقفل الشاشة وامشي انوم واقضي باقي يومي ... لا عندي تكليف ... لا بتقلقني التوازنات السياسية زول ساي من حقو يحاسب اي زول حاندرع في رقبتو بكرة بحسب الدستور لانو "الشعب" ده انا منو وماني جاية من جزر القمر ولا في زول عندو في السودان اكتر مني لو كان شنو داك، هو سوداني وانا سوادنية مافيش حد احسن من حد!
خليك من محبتي للشيوعين، انت ما كان تسألني ليه بقيت واقفة منكم الضد؟
| |
|
|
|
|
|
|
|