|
|
 عشمى فى عدم مجاملتكم لى
|
شغلنى أمر عدم مداخلاتكم و تعليقاتكم على ما أشارك به
من كاريكاتيرات ،،
فبدون ردود فعل منكم أشعر و كأنى أصرخ فى وادى الصمت ،
و أحسست بأنها لا ترقى لمستوى النشر ولا يجب على
حشرها حشرا فى المنتدى ، تحت وطأة هذا الإحساس اللعين رجعت أجتر الزكريات
عند بداية دخولى لهذا الحوش العامر
فى الصفحه رقم ( 70 ) ، فوجدت ترحيبا و تشجيعا أعادا لى شيئا من توازنى
و دفعنى لأن أتساءل : هل يجد ما أشارك به من كاريكاتيرات قبولا لديكم ؟
أم يجب على أن لا أزحم الساحه ؟؟
كلى عشم و ثقه فى صدق من يتفضل بالرد ،
صادق الود .
|
|
 
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
الأخ المحترم جداً مصدق :
انا شخصياً أشاهد كل بوست تكتبه وأكتفي لاضحك فما ترسمه ريشتك لا أجد ما أكتب بعده أو أعلق بعده (ده ما رد دسبلوماسي) ولكنها الحقيقة يا مصدق ..
ولو مكضبنا ما مصدقنا أسأل (وليد 399) يعني ما تسأل العنبة ..
واصل يا مبدع وما تكسر شوكتك ..
تخريمة :
إنت عارف يا مصدق حاول كده إتلكم عن دارفور ولا خش لي بوست بينبزو فيهو الأخ محمد حامد وتاني والله إلا تجي تفتح ليك بوست هنا تقول فيهو يا نااااااااااااااااس انا كفاي مداخلات ..
ده فهم الغالبية هنا وللأسف..
واصل ..أرسم ..شخبط
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
العزيز الفنان الرائع مصدق
اسعدالله اوقاتك بكل الخير
واصـــــــــــل ابداعاتك وكثيرين يعشموا انتظار الكثير منك
| Quote: هل يجد ما أشارك به من كاريكاتيرات قبولا لديكم |
نعم يجد القبول وارجو منك ان تستمر فيه
تحياتى لك
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
الرائع مصدق مصطفى حسن
والله نحن المقصرين معاك
| Quote: فبدون ردود فعل منكم أشعر و كأنى أصرخ فى وادى الصمت |
ده غلط مننا نحن، و لكن يا زول ولا يهمك، تعابيرك دى مؤثرة
و ازيدك من الشعر بيت، فبل اسبوع كده جاى ايميل فيهو مجموعة
من اعمالك، الشباب شغالين يعملوا ليهوا forword لبعض 
واصل واصل و ما توقف ابدا
| |
|
|
|
|
|
|
|
|
|
Re: عشمى فى عدم مجاملتكم لى (Re: محمد الامين احمد)
|
الحبيب مصدق
وتبقى اللوحة أعظم وأجمل تعبير ..
لوحاتك جميلة ومعبرة وهذه ليست مجاملة ..
واصل في أعمالك فالكثير منا متابع لها وبشقف ..
ولكن الواحد منا يجد نفسه عاجز عن التعبير لحظتها ..
لا تدع مثل هذه الأشياء تقلل من عزيمتك فأعمالك أكبر من ذلك ..
لك خالص ودي وتقديري ..
| |
|
|
|
|
|
|
|
|
|
Re: عشمى فى عدم مجاملتكم لى (Re: Elmosley)
|
ابان عمر الفاروق يامصدق!
ومادتك يامصدق متعة للمتلقي..يعني التجاوب معها هو الأستمتاع بها بالنسبة لنا كمتلقين.
أما الفنيات ونقد المادة فهذه أمور لها أهلها وأعتقد أنك تقصد هؤلاء.
واصل يامصدق..فإيميلاتي تباصي بعض من إيميلاتك وملف الصور في كمبيوتري بالشركة به عدد من اعمالك وبعض أعمالك يصل البيت مطبوعا للأهل لأنني لا أدخل الإنترنت من البيت.
ألعن الشيطان يامصدق
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
إلى الأمام
يا زول يا فنان
نتابع والله كل إبداعاتك الجميلة
المشكلة يا مصدق ما عندى شاهد عشان تصدقنى
إلا أنا
ولو ما صدقتنى بحلف ليك
مافى مجاملة فى الجمال والخلق الإبداعى يا مصدق
واصل تجلياتك
وبالمناسبة ال
Cartoon
أو ال
Caricature
من أصعب أنواع التشكيل والرسم، وما بتصدى ليها إلا الزول الموهوب حقا والمسكون بالإبداع
زيك
وليك الود كله والتقدير
وفى انتظار المزيد
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
يا مصدق رسوماتك رهيبة
بس نحن قوم من الكسالي
نستمتع بها دون أن نكلف نفسنا عناء كتابة تعليق مشجع او حتى كلمة جميلة
وأنا منهم
لو ما لقيتني كتبت ليك رسوماتك شينة أعرف براك انها سمحة
تحياتي
زولة123
| |
|
|
|
|
|
|
|
|
|
Re: عشمى فى عدم مجاملتكم لى (Re: zola123)
|
طيب يا مصدق انت لما بتحب الناس يعلقو على رسوماتك، لما يعلقو ليه ما بترد عليهم؟
انا دى شخصيا اتعقدت لانى علقت مرتين تلاته ولقيتك فاطينى...هههههههههه
لا والله ما مجاملة لكن رسوماتك جميلة ونكتتك واضحة ومضحكة وتستحق كل تقدير...بس اركز للتعليقات
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
كل من خط حرفا هنا دفعنى ملايينا من السنين الضوئيه نحوالأفق ،
ليتنى ما كتبت ما كتبت ، و ظللت فقط أرسم و أرسم و أرسم ،
و سأظل أرسم و أرسم و أرسم .. و أكرتر ( يعنى أعمل كراكاتيرات ) ،
حروفكم المشعه أضاءت دياجير ظلمة تفكيرى ، و أبانت لى عظم مسؤلية ما أقدمه
لأناس مثلكم ، أدعو الله من قلبى أن يديم عليكم نعمة الصحه و العافيه و أن يوفقكم فى كل مساعيكم ، و أن يوفقنى لأكون عند حسن ظنكم بى و أهلا لما كتبتموه فى حق شخصى الضعيف.
الأعـــــــــــزاء جدا :
لنا مهدى
زوله 123
تماضر شيخ الدين
عمر الفاروق شيخ الدين
أبو جهينة
عبد الرازق الطالب
هشام مدنى
محمد الأمين احمد
معتصم دفع الله
يوسف الموصلى
بناديها
ابو قوته
معتصم الطاهر
THE RAIN
أحبكـــــــــــم ،،،،،
و بحب كل أهل الحوش ده .
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
الأخ مصدق
تحياتي و تقديري
يعجبني ما تخطه بريشتك كل مره
و أنا عندي حبه عنصريه (ما تكلم زول) لناس مدني
المهم أنت أرسم و نحن نتفرج وننبسط و لو كتبت ليك بوست
ما فيهو رسمه حنجيك تووش داخلين متل دي كده
تحياتي وتقديري
محمد علي
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
مصدق
أنا يمكن أكون أول واحد قرأ هذا البوست ،، وراقبته ،، وقلت أحسن أتداخل بعد شوية ، عشان ما يقولوا الخال وود أختو قاعدين يشكروا في بعض ،،،
تعرف يا مصدق عيبك شنو ؟
إنك كسلان ، ما بتنزّل لينا بوستات كتيرة ...
إنت شايف نحن نتعب ونوصل الفكرة في مقال أو قصة تأخذ من القارئ ساعة كاملة ،،، وبعد ده كلو ما في حد سائل فينا ،،، وإنت بتوصل فكرتك بجملة واحدة ، وعايزين نعمل ليك هلّولة ،،،
شيل شيلتك ، واشتغل شغلك ،، وبلاش حركات ،،، وغير كده راجياك عتالة الكراسي ...
| |
|
|
|
|
|
|
|
|
|
Re: عشمى فى عدم مجاملتكم لى (Re: مصدق مصطفى حسين)
|
العزيز abuguta
معليش ،، نسيت أقول ليك أنا لست ذلك الأخ من الكاملين ،
بس إسم جميل متلو ،
عاجز عن شكرك لهذه الكلمات الجميله فى حقى ، كل الود .
الحبيب صديق الموج
أولا : إنت غاتس وين ؟
سوم سانيا : الجوال صاحبو شالو ... و لا شنو ؟
سوم سانيا مرة أخرى : إنت غاتس وين ؟؟
بلدياتى محمد البشير
تعيش إنت و تعيش مدنى ،
أطيب تمنياتى لك و لأرض المحنه و قلب الجزيره .
أخى محمد صلاح
أشكرك من قلبى لهذا الدفع المعنوى الكبير ،
و لك صادق الود .
الخال الغالى ود قاسم
بارك الله فيك و كتر خيرك ،
و براحه كده : عتالة الكراسى دى ياها زاااااتها سبب الكسل .
| |
|
|
|
|
|
|
| |
ابو جهينة
A.Razek Althalib
محمد الامين احمد
معتصم دفع الله
Elmosley
banadieha
abuguta
lana mahdi
معتصم الطاهر
THE RAIN
zola123
Tumadir
صديق الموج
Mohamed Elbashir
ودقاسم
المسافر
فيس بوك
تويتر
انستقرام
يوتيوب
بنتيريست