|
|
 رسوم كاراكاتيريه لأعضاء سودانيز أون لاين
|
وجد هذا الأمر قبولا جميلا من الجميع فى منتدى سودان دوت نت
قبل سنه تقريبا ... و رأيت أن أكرر التجربه هنا ،
وهى بإختصار رسم كاراكاتيرى لأحد أعضاء المنتدى من وحى إسمه
إن كان ال (نك نيم ) ذو دلاله أو معنا معينا ، أو من وحى مشاركاته
أو من وحى بوست محدد يكون قد أثار زوبعه أو ضجة ما ،
سيكون نزول الكاراكاتيرات دون ترتيب معين فقط يتوقف على ما يرد فى الخاطر،
أرجو ممن لديه إعتراض أو لا يريدنى ممازحته أن يخطرنى بذلك و إلا فلا يلومن
إلا نفسه 
القصد من هذا الأمر هو المزاح فقط ، أكرر فقط مزاح و أتمناه
لطيفا على الجميع ،
غدا موعدنا مع أول ضحيه و هو الأخ الصديق .... و
لا خليهو لى بكره السبت .
|
|
 
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: مصدق مصطفى حسين)
|
الأخ المبدع مصدق مصطفي
شكراً على هذا الجمال ، لكين حقو الموضوع يتعدي مجرد فكرة رسم الصورة إلى رسم الشخصية وبي كده طبعاً بيكون الكاركتير مبالغة زي شغلك النضيف ده ، وطبعاً هذا لا يقلل من إبداعاتك وقدرك كفنان يثري منتدانا هذا بكل ما هو جميل.
ماذا لو كان أبو رزقه حرامي للياهو ، حا نقول ليهو شنو ياهو ياهو وإنت في تلك اللحظة حا تمشي وين بعد أن وثقت الإتهام ضده بأنه حرامي قوقل لا أكثر.
بعدين يا أخوي إنت حوش القوقل بتاعك ده في الدروشاب ولا أمبده السبيل ولا اللامب بحر أبيض ، ما لها الحيطة قصيرة كده ولا في كلب نايم ولا في سكران ماشي في الشارع ولا في واحد ما قادر ينوم مالص فردة سفنجتو وقاعد فيها.
بعدين أبو رزقه ده داير يسرق من البيت الأبيض ملبسو العدة التنكرية دي كلها.
شكراً ليك وشكراً للأخ عبد الرزاق الطالب موضوع القضية وشكراً لحظي الجميل الذي جعل صورتي مستترة وتقديرها هو. أها دي حا ترسمها كيف يا فنان 
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: ناذر محمد الخليفة)
|
تعرف يا مصــدق ناذر بقول ليك أرسم لينا ده وأرسم لينا ده عشان يبعد
منو شرك (بتشديد الراء) يعني عامل فيها صــاحب البطــل قديمة يا أبوالنيز
والله شــدت ما حتترســـم واحتمال تتنقل للرأي العام كمان .
مصـــدق أدفـــع نصــف عمـــري وأشـــوف ناذر وعبدالمنعم سليمان
في كاركاتير بـــس يكـــون شـــــرط (بكســـر الـــراء)
تســــلم إيـــدك يــا فنـــان
صــــــلاح واســــبة
| |
|
|
|
|
|
|
|
|
 Re: رسوم كاراكاتيريه لأعضاء سودانيز أون لاين (Re: مصدق مصطفى حسين)
|
Quote: جيت بى كرعييك ...
شوف ... إنت و أخوك الكاشف داك :
إستحموا عدييييل كده |
انا امس طلعته أنت جيت بي وراي طوالي .. ومن ناحية أخرى كلمووووني قالو لابد لي بالخيرهـ وجابو لي التفاصيل ياخ أنا عملت ليك حاجة؟
.
.
يا مصدق الله يرضى عليك الأيامات دي نفسياتنا تعبانه
ما تخلينا نخسر فيك بنزين بي ريالين انا والكاشف دهـ .. ونجيك هناك نجهجهك
نحن عارفين خــوه فرتق
لكن كمان راعي حق الزمالــة..
راعي حق الزمالة ياخ أنت ما مؤمن؟
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: tmbis)
|
تمبس
مالك إنت ومعتصم كواريكم وقعت ؟؟
خايفين من شنو ؟؟
خايفين من الصورة وبيناتكم ( ســفنجة )
مصدق مصطفى
والله فكرة جميلة .. واااصل كفاحك
لا للتضرع .. أضرب في المليااان
.
.
أنا غايتو أموووت وأشوووف صــورة دكين
قفلة
الأعضاء ساهلين الخوف من زعل النصف الآخر 
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: mamkouna)
|
Quote: شوف ... إنت و أخوك الكاشف داك :
إستحموا عدييييل كده |
..
تحذير وتهديد:
مصـــدق:
في كل مرة انا كنت بوفر ليك كل السبل المتاحة للمخارجة من معضلات وأزمات ( الكراسي ) المتكررة .. حقو تحفظ لي شوية من الجميل دهـ .. وتخلص أمورك مع الكاشف داك كحالة قايمة بذاته وتتعامل معاها من هذا المنطلق ..
وإذا كان لا محالة .. خليني آخر زول .. يعني بعد شتــات تحديدا
كتحذير بس:
إذا ما انسترته معانا كمبيوترك دهـ إلا تجي تفتحو من منزلنا العامر هنا بحي العليا
الكلام ده جــد
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: tmbis)
|
اخوي مصدق لووووووووووووووووووووووول ما قلت ليك .. والله من كتر الضحك ما قادر اكتب
ارسم بيد من حديد .. وعافيين منك لله والرسول .. اعصر لي على تامبا ومعتصم شوية ..
لك فائق احترامي ..
ابورزقة القوقلجي صورتك شرط عديل كمان شايلك بطارية يعني حرامي معترف
ود الباوقة
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: إدريس البدري)
|
الرائع مصدق
بوست جميل جدا والله فى ظل الشكل العام للبورد الان
اضحك الله سنك ومتعك بالصحه والعافيه .
وصيه ( والوصيه بتعطش المؤمن يوم القيامه ) : -
انا شايف تمبس دا بيهدد فيك وانا اعرف انو الفنان لا يستجيب للارهاب
عشان كدا وصيتى ليك لمن يجى الدور عليهو لازم الرسمه تكون ( ام فكو )
عشان تانى ما يهدد الحوت بالغرق ..... كويس
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: صلاح شكوكو)
|
صلاح شكوكو يا جميل شايفك عملت هجمه مرتده خطيره شديد ، بس الهجمة مشكوك فيها يعني زي ما تقول كده في تسلل وإن كان رجل الخط ما رفع أى حاجة لأنو كان داقس ، على العموم بلاش عكاكيز وتكميم أفواه وخلي البينك وبين مصدق "إنت أرسم لي وأنا أرسم ليك "
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: humida)
|
Quote: تعرف يا كبسيبة بكرى ده بالذات
عمرو ما شرفنى فى بوست !
أها النشوف يوم رسمتو بجى و لا ما بجى |
سجمك يا مصدق احسن بكري ما يجيك
لانه بيجي لما يعزي ولا تقل ادبك مع زول
تلقي
......عدل بواسطة بكري ابو بكر..........
ياخي ماي سون ان لو حميدة دا ما عوقتو شديد كدا
اسع ذي عايزين نغير راينا في الموضوع..
كنا قايلنو ولد وسيم وكدي..عايزنو بلاش
اسع يا حميدة تدفع $$$$$$$$$$$$$$$$$$$$$$$$$
واللوم في مصدق.. الكشفك لينا..
| |
|
|
|
|
|
|
|
|
|
Re: رسوم كاراكاتيريه لأعضاء سودانيز أون لاين (Re: مصدق مصطفى حسين)
|
!!!!!!!!!
قوية بتاعت العبار دي
والله ود ابا فكى البيرك من واشنطن لحدي أم روابة ودينق جاري وراهو وما داير يقتنع إنو بريمة بتاع لبن وما فاضل لي دينق دا إلا يبيعوا في الطريق 
صنفرة :
دينق .. موضوع جلسة عبابيرنا ديك لو كانت قامن ومصدق رسما ما اظن حا تكون نفس بتاعتك وبتاعت بريمة .. حا تكون عاملة زي لوحة العشاء الاخير بس
| |
|
|
|
|
|
|
|
|
 Re: رسوم كاراكاتيريه لأعضاء سودانيز أون لاين (Re: مصدق مصطفى حسين)
|
| Quote: انا شايف تمبس دا بيهدد فيك وانا اعرف انو الفنان لا يستجيب للارهاب |
يا علي ..
انا ما قاعد اهدد ياخ .. المسألة ما كده انت بس فهمتني غلط وخايف مصدق زاتو يقوم يسمع كلامك ده ( يرسمني ) غلط ..
..
Quote: تمبس:
قلت لي كراسي.. |
يا باشمهندس .. والله مصدق ناقش ا،و البيناتنا عامرة وكمان ظنيتو محتفظ لي بي جمايل كتيرة جدا فيما يتعلق بي موضوع الكراسي دي
وانا عارف نفسي مرسوم مرسوم .. لكن كمان بس يحفظ لي حقوقي الكرسية دي .. ويراعيني شوية ..
..
| Quote: انا شخصيا مع الرأى البيقول تأجيل كاركتير تمبس لامن يقول الروب... |
حتى أنت كمان يا منــار
ان غايتو معاك في الرأي بتاع التأجيل دهـ .. يا كمان يديني فرصة ارسم نفسي براي واهي احسن من الرووووب .. وبعدين انا مع رأي أم طــارق .. نحن ما عندنا مشكلة بنقول الروووب وبنقول اي حاجة بس كمان مصدق يفتش لينا من جــووه
..
يا مصدق .. قميص معتصم خطير جدا
| Quote: إنت لسه شويه يا تمبـــــس |
أعمل نايم بس
| |
|
|
|
|
|
|
| |
A.Razek Althalib
Hussein Mallasi
almulaomar
فيصل نوبي
عبد الله عقيد
humida
ناذر محمد الخليفة
تولوس
خالد عبد الله محمود
Khalid Saeed
ابراهيم بقال سراج
Salah Waspa
bayan
Sobajo
معتصم دفع الله
Hatim Salih
Yassir Tayfour
tmbis
ثابت محمد
bashir adam abdalla
mamkouna
إدريس البدري
على محمد على بشير
ترهاقا
بدرالدين شنا
ابو جهينة
Ahmed Mohammed Osman
Salahaldeen Nadir
أبوبكر حامد الأمين
bob
Waly Eldin Elfakey
صلاح شكوكو
خالد خليل محمد بحر
Deng
saadeldin abdelrahman
abcde
Imad Khalifa
النذير حجازي
rani
فيس بوك
تويتر
انستقرام
يوتيوب
بنتيريست