|
|
|
 Re: الناس النضّـامين جدا ، كراكتير (Re: مصدق مصطفى حسين)
|
مصدق :
اها المرة دي جيتك عشان كراكتيرك ده زكرني بي واحد كده :
عندنا أهلنا في منطقة المناصير (الجزيرة الحصحيصا).. وأول مرة أمشي ليهم زيارة كانت إجازتي الفاتت ..
عندهم راجل كده نضااااااااااااااام أها في ثناء الونسة يقول ليك (أها قول لي لييييي) تقوم تقول ليهو لييي؟ يقوم يمسكك ساعتين ..
عندنا خالنا كده قاعد يتونس معاهو أها صاحبنا أبو كلام بيتونس معاهو قام في نص الكلام مسك خالنا من يدو و قال لي خالنا :
قول لي لييييييييييييييييييييييييييي؟؟؟
خالنا قال نتل ليك يدو من الراجل وقال ليهو :
والله ما بقول ليك لييييييييييييي أصصصصصصصصصصصصصلو 
| |
 
|
|
|
|
|
|
|
 Re: الناس النضّـامين جدا ، كراكتير (Re: عمر الفاروق شيخ الدين)
|
صديقي الجميل مصدق ..
وينك ياخي ما ظاهر ..
شكلك داقي جرس من شيل الكراسي ..
أهلنا السودانيين ديل نضامين خلاس جنهم نضمي في الفارغة والمقدودة ..
والله الناس بعد ما تجي من المقابر هاك يا ونسة لمن تنسى الميت منو زاتو ..
عشان كده قللو أيام الفراش لمن بقى ينتهي العزاء بإنتهاء مراسم الدفن ..
كلام ..
في الكورة ..
في السياسة ..
في أي حاجة ياخي ديل مقطعنها عديل كده ..
والحالة صفر ..
وطن ممزق ..
مواطن مشرد ..
لك الله يا وطني ..
تسلم ريشت يا فنان ..
| |
|
|
|
|
|
|
|
|
|
Re: الناس النضّـامين جدا ، كراكتير (Re: عمر الفاروق شيخ الدين)
|
مصدق
بمناسبة بصقة السفة
عندنا واحد ابو كلام فى جمعية ابقوتة فرع خميس مشيط ..لما يحكى ما بدى زول فرصة...كان بجادل
فى واحد اخونا وفى اثناء الكلام قالو دقيقة خلينى ابصق السفة واجيك..صاحبنا قال ليه على الطلاق الليلة ما تبصق الا اكمل كلامى ...لو بصقت تانى بلقى فيك فرصة
شكرا للعمل الجميل
ولقدام...
فى واحد اسمه مصدق درس فى الهند..من ناس الكاملين .دا انت ولا تشابه المصدقوت
ولقدام
| |
|
|
|
|
|
|
|
|
|
Re: الناس النضّـامين جدا ، كراكتير (Re: مصدق مصطفى حسين)
|
العزيز أبو قوتة
أسى لو زولك ده جا داخل هنا و ( إطلع على الموضوع ) ....
أهها البفكك منو تانى شنو ؟؟
بخصوص مصدق الكاملين أنا مش هو ، إشتراك فى المصدقوت فقط 
أخى الصادق
شكرا لك على الدعوة الكريمه وده دربى لهناك ،
كل الود .
أخوى محمد الأمين أحمد
خانك خيالك ، و ما يغشك الإسم ،
صادق الود .
| |
|
|
|
|
|
|
|
|
|
Re: الناس النضّـامين جدا ، كراكتير (Re: ودقاسم)
|
العزيز ود قاسم
يسعدنى جدا أن تتصرف كيفما شئت فى الكاراكاتيرات ،
أكرر يسعدنى جدا ،
كنت أتردد سابقا و سأواصل قريبا بإنتظام ان شاءالله ،
لك كل الود و المحبه ،
تخريمه :
إشتهينا لم الكراسى .
| |
|
|
|
|
|
|
|
|
|
Re: الناس النضّـامين جدا ، كراكتير (Re: مصدق مصطفى حسين)
|
مصدق اخوي
كيفك يا اخوي
جميل عملك ونحن راجعين من اجازة
اذا حصل اي عمل من روائعك اثناء اجازتنا
ممكن تنشطو لينا عشان ما يفوتنا
وعليك الله ما تسألني عن احوال السودان
عشان انا من المطار الي الكلاكلة ومنها الي المطار عائداً
| |
|
|
|
|
|
|
|
|
|
Re: الناس النضّـامين جدا ، كراكتير (Re: مصدق مصطفى حسين)
|
أخى العزيز Balla Musa
شكرى و تقديرى لمرورك الكريم ،
بالنسبه لإقتراحك الجميل
فإن سحب الصور كل فترة من مواقع تحميل الصور
يجعل شكل البوست فارغ و منظرو قبيح ،
و لولا ذلك لكان يسعدنى جدا أن يكون هناك بوست ثابت للكراكاتير
بالنسبه لى و لغيرى ،
تقديرى لك و لكلماتك الجميلة فى حقى ... صادق الود و المحبة .
| |
|
|
|
|
|
|
| |
سجيمان
معتصم دفع الله
abuguta
Elsadiq
محمد الامين احمد
ودقاسم
A.Razek Althalib
jini
THE RAIN
shiry
zola123
Balla Musa
فيس بوك
تويتر
انستقرام
يوتيوب
بنتيريست