خاتِم شنو الـ شابِكْنـا هولَك يــا نبى ؟

مرحبا Guest
اخر زيارك لك: 03-28-2024, 04:58 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة شاذلى جعفر شقَّاق(shazaly gafar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-06-2011, 10:03 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
خاتِم شنو الـ شابِكْنـا هولَك يــا نبى ؟

    خاتِم شنو الـ شابِكْنـا هولَك يــا نبى ؟

    شاذلى جعفر شقَّاق


    كانت كِضِبْ
    مِن قومة النَّفَس الزفير
    والنفخة حاحايْة الهلَع
    الراسية سفَّاية وسفير
    زىْ نفخة الورَل الرِّضِعْ
    ضرْع الموجَّبة للصغير !
    كانت حكاية ملفَّقة
    الخدعة جنحين مِن ورَق
    والضحكة مقطوعة ضِكِرْ
    كان ما الفضيلة ملتَّقة
    ما قوَّمتْ شيران بروس
    ما بتَّق الحلفا القديم
    ما خدَّر الحنك المفرهد
    بالضلال
    ما خلَّى أذَّانو وسرَق
    خير القبيلة الحارسة !!
    أحسن تشيل الـ بين ايديك
    أو تمشى تتغرَّب تكوس ؟



    *** ***
                  

09-06-2011, 10:05 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: shazaly gafar)

    ركّيتو فوقها منقِّزين
    حاكيتو تاتاىْ الرَّخَمْ
    الحكمة لا راى لا فهَم !
    ركّيتو فوقها ممدَّدة
    متوشِّحة الدم والعرَق
    شبَّحتو فوقها مصقِّرين
    سمّيتو فَىْ خيراتها
    بيناتكم نفير !
    سمّيتو طول الليد فلاح !
    لكين صُماح الإبطِ فاح
    جفَّنْ ضروع الحانيات
    لجَّنْ صغارهن بالصياح !
    ربّيتو من سُحْت الرِّبـا
    كمِّين جناح
    شان الضرورة اتْمايعتْ
    جَدَعتْ قراقيب الأدب
    هتفتْ : مُباح !
    ما بالغصِبْ
    كانت كِضِب
    *** ***
                  

09-06-2011, 10:07 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: shazaly gafar)

    ما النيَّة بايتة مع الضمير
    فى شقَّتو الـ ما حقَّتو
    شقَّة شنو ؟
    كانت خرابة بلا سرير
    صِبْحتْ قصور ..ضوَّتْ قُباب
    غشَّتْ فَراش حيرانها
    بى كلمة : فقير !
    النيَّة زاملة راكبها
    شايلاهو فوق سرْجاً
    عضير !
    سرجاً مضنَّب بالكِضِب
    والكِضِب حبلاً قصير !
    إيَّاك والخوف والسكوت
    إيَّاك خيط العنكبوت
    إيَّاك ما تبكى وتفوت
    ومن السكوت ؛ أحسن تموت
    السكوت قوَّاد أجــير !
    *** ***
    النيَّة معشوقة الضلام
    باتتْ معاك فى جبَّتك
    أو جبَّته
    دخلتْ عليك فى غفلتك
    أو غفلته
    وبى نبلته
    النيَّة صابت دُنيتا
    بى نبلته
    الطاوياها كانت حِزَّته
    ولمَّن تجوط كلّ الخيوط
    ما بْتلقى غير بعض اللصوص
    تقعُد تلوص
    تجمع فصوص كلّ النصوص
    يصبِح سُنط كضباتها بوص !
    ترقُد جبال هيباتها موص
    لا الشورة بيتها بينْخرِب
    لا الصدِق كان بِنْغَلِب
    كانت كِضِب
    *** ***
                  

09-06-2011, 10:09 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: shazaly gafar)

    كانت كِضِب
    مابْصدِّقا إلاَّ الغبى
    خاتم شنو الـ شابِكْنا هولَك
    يا نبى ؟!
    بى ها الكلام
    غالَتُّو نبى الله الكريم
    فى اصْبَعو
    خاتم شنو الـ شابِكْنا هولَك
    يا نبى ؟!
    بيييى اصْبَعك بِنْشيلو
    من حدَّ الله ما صوَّر
    عروقو بِنَقْطعو !
    وخِتِم شنو الصاقِعْنـا بى ؟!
    وشْمَك يطير
    ما نحن عندنا وشْمَنـا
    ما نحن عندنا رَسْمَنـا
    بيت الله فى كلّ الصُّوَر
    زايْناهو دايماً مئذنة
    شان اسْمنــا
    يسكن كراريس القلوب
    فى كلِّ صفحة بِنطْبعو
    وبين السطور يِتَّرْتع
    الحَرِف المَكَبْرَت بالعطور
    شايل البخور
    يمْدح طراطير السرور
    البَّدَّعو
    يِتْفدَّع القول السَّمِج
    فى مصنعو ..ويتْفدَّعو !!
    ونخدع وليدات الفقُر
    بالدَّنْدنة وبالهودنة :
    يــا هـودنة يــا هــودنة
    أكَّــان كبرتَ يــا جَنــا
    تمشى تسْكر عندنــا
    يـا هـودنة يـا هــودنة
    وبالعِندنا ما دخلنــا
    كان طبَّعو
    كان بايعو الناس كلَّهم
    أو برْطعو
    أو شربو طين
    من تُرعتُم واتَّرَّعو !
    ما نحن سايغين الزلال
    لينا الكواعب والحسان
    يدّافرن فى بابنا
    ربَّات الدلال
    ما قلت لَكْ سايغنَّهم
    ما قلت لَك سايغَّننــا
    أنا قلت لك سايقنَّهم
    من اللضان !
    الصرخة معناها الألم
    والآهة مولاة الخضوع
    والأنَّة تِرْباية الهــوان !
    الـ ورَّعو الناس بالكِضِب
    وما اتْورَّعو
    ديل منَّنــا
    الـ بِحْصدو الـ ما بِزْرعو
    ديل منَّنــا
    الـ ياكلو ناقة
    صـالِحُنْ
    ما يرْعوو
    ديل منَّنــا
    لا نحن جاينَّك عبث
    لا نحن جايين
    من فراغ
    جايين نشهِّل
    من شليَّاتِك
    خراب !
    ونْمسِّكو الدَّرْبَ اليباب
    نقْلع من اللحم الضُّفُر
    نقطع من الشِّقَّ الجنوب
    نرميهو بى طول ايدنا
    تلْفاهو الكلاب !!
    ونعلِّق الفضَّل نذور
    منّ الكجور فى كلِّ باب
    ونْطيِّع الخرَّاته
    لى سوس الخلِق من جَمْ
    كبارُن والشباب
    عاين هنــــا
    إبهامنـا ده
    كان ما دخَل فى الجيب
    مع الباقين عِدِلْ ؛ بنْجزِّو
    زىَّ الـ مابْنَعَرْْفو ونجدعو !
    ونْتُفْ عليهو ملطَّخ
    بالدِّما والطين : تُفُو
    كُلْ ما يراودنا العفُو
    بنْقول : أفُو
    حرَّم دفِنْ ما ندفِنو
    كان يلحس الكوع اللسان
    كان قوَّمت راحة الكفوف
    الصوف صفوف !!
    *** ***
                  

09-06-2011, 10:12 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: shazaly gafar)

    هاكم بيان :
    والعين تشوف
    أنْ تلزم الناس الكهوف
    وندوِّن الغايبين حضور
    ونْسجِّل الحاضر غياب !
    ونوحِّد الدستور :
    (نعَم) لى كُلْ سؤال
    كُلْ ما يقيف
    شيطان رجيم
    قِدَّام (أجِب) !
    كانت كِضِب
    سبّورة والحصَّة انتهتْ
    مطمورة و الـ فيها انْسَحَتْ
    ما خاوس المنجل شكَك
    إنّو الكلاليق المبطَّحة
    فى القِيَفْ
    كانت عويش
    كانت قشوش
    ختَّتْ على
    هام العيوش
    ضُلَّهـــا
    كانت دبَش
    حجَب الشمِس
    منَّ الخَدار
    مصَّ المواريق كُلَّهـــا
    لاكين عُقُب بعد البَوار
    طاريها سار شُويَمْ لهـــا
    برَّم شَنَب .. حدَّرْ لهم
    عايَنْ لهـــا وطاف حولهـــا
    يابْنيَّه هوووووووووووى
    جيناكى من تحت الرُّكــام
    ما حنَّس الفجُر الضلام
    ما عاشرتْ خوسه الجفير
    ما ضبَّب العُكَّاز ضَنَب
    ما طاوعتْ مركب تِلِبْ
    كانت كِضِب
    كانت كِضِب
    كانت كِضِب
    كانت كِضِب
                  

09-06-2011, 10:28 AM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 8617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: shazaly gafar)

    عجزتُ بحضرة الشعر
    بحضرة الغضب
    .
    .
    .
    .
                  

09-06-2011, 10:48 AM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: بله محمد الفاضل)

    كانت كِضِب
    كانت كِضِب
    كانت كِضِب
    كانت كِضِب




    كل سنه وانت طيب
    والقابله ما يلاقيك فيها ها الكضب
                  

09-06-2011, 11:16 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: بله محمد الفاضل)

    الأخ بلَّة

    وبحضورك هنـــا نسعد جدَّاً

    شكراً وكل سنة وانت بخير
                  

09-06-2011, 11:43 AM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خاتِم شنو الـ شابِكْنـا هولَك يــا نبى ؟ (Re: shazaly gafar)

    أهلييييييييييين نوفل
    وانت بألف خير يا جميل

    يعود عليكم إنشاء الله وانتو تامّين ولامّين وسالمين وزايدين

    عيد سعيد
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de