|
|
|
 Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
الذى يفتكُ بضمائرَ الأوغاد المعتوهين .. السُّذَّج الواهمين ..
فيمدّ أحدهم كفَّه فى ظلامٍ توهَّمه إلى أفكار الغير .. ليحفرَ (دكَّة) َ خيبتِه ويلتحف
(شملةَ) وضاعته .. شاهراً أنفَه المزكوم فى عنمة الاختلاس الخسيس
ودخان الانتحال الخوءون راجياً خلسةً كذوبةً تُطفئ شبقه الداعر
فيتمخَّض عنها وهمُه الزنيم !!
ولكن هيهات ..
فما أوسعَ هـذا الفضاءَ وما أضيقَه !!
| |
 
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
سلامتك اخي الشاذلي
ده شي غريب وعجيب ولبع عينك يا تاجر وشمس الاسافير فوق
وهذه الظاهرة انتشرت في الفترة الاخيرة بصورة مخيفة
ووجود الاخ منعم هنا يذكرني عضويته بلجنة (العكش الدولية )التي مارست شغلها قبل فترة قصيرة
علي ارض هذا المنبر
ولك التضامن يا شاذلي ولا نامت اعين الحرامية
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
ضاهرة مشاع
في كل المنابر العربية
وبعض السودانية
ماتحرق روحك ساكت
غايتو نحنا بالمرصاد
للزي ايمو...
والكوبي واللصق
ظواهر نادرة
في سودانيز اون لاين
القصيدة من غير ما تورد المصدر
ظاهرة كاتبها سوداني
من خلال قاموسها اللغوي..
ومثل هذا الاهبل العاجز عن
صياغة مشاعرو...وبسرق
لسة نحنا كسودانيين في
نظروا سذج
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
الف تحية يا منعم ا
ودوما كفاوي فاقدي الموهبة والاخلاق تجعل الواحد يرابط علي ارض مثل هذا البوست
الذي يرسل رسالة خطيرة في زمن الفضاء الاسفيري العريض..والجماعة الطيبن واقعين في القصة
كبع وضرب تحت وفوق الحزام..
اسواء السرقات هي مثل هذا التصرف (الشبوني) الغريب ياخي ده خاتييها بضبانتها ولا استحي
لا فكر في جرح وجدان اخونا الذي عصر وجدانه وسكب لينا قصيدة سمحة زي .يجي شبنونة ولا لشبونة
دي يجازفها بكل دم بارد ويكتب بانها من بنات افكاره..
قصة عجيبة وحرامية بقت عينها قوية خلاص..
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
يا سلااااااااااااام يا الشاذلي ياخ !!
والحمد لله الحرامي دا سرق قصيدتك .. ويا ريتو لو كان سرقا من زمان !
وأنا مستعد أسرق كل قصايدك وأكبا بي إسمي طالما النتيجة كلام زي دا :
Quote: الذى يفتكُ بضمائرَ الأوغاد المعتوهين .. السُّذَّج الواهمين ..
فيمدّ أحدهم كفَّه فى ظلامٍ توهَّمه إلى أفكار الغير .. ليحفرَ (دكَّة) َ خيبتِه ويلتحف
(شملةَ) وضاعته .. شاهراً أنفَه المزكوم فى عنمة الاختلاس الخسيس
ودخان الانتحال الخوءون راجياً خلسةً كذوبةً تُطفئ شبقه الداعر
فيتمخَّض عنها وهمُه الزنيم !!
|
Quote: مَنْ هذا الدَّعى الذى يقطن بين
(بلاَّل السَّعَف) و(عنقريب المشَّاطه )
فيطق حنكه بكراع البنبر القديم
نعاساً من دغدغة الأصابع وفعل المسلَّه ؟؟؟ |
ما تتخيل أنا متكيف كيف هسي .......
وإنت موت بي غيظك وزعلك ..
يديك العافية يا الشاذلي ..
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: ناذر محمد الخليفة)
|
Quote: يا سلااااااااااااام يا الشاذلي ياخ !!
والحمد لله الحرامي دا سرق قصيدتك .. ويا ريتو لو كان سرقا من زمان !
وأنا مستعد أسرق كل قصايدك وأكبا بي إسمي طالما النتيجة كلام زي دا : |
أهلييييييييييين ناذر
تعرف يا ناذر صابرين زمنا ده كلو
ما دخلنا الخور .. كل ما نشوف المحدَّقات الداعية
إليه نعضِّى أصبعنا ساكت ونمشى
لكن زى الوليد الخمجان ده !!
بس ربك يستر ..
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: عماد شمت)
|
Quote: مبروك عليك يالحبيب قصيده تستاهل السرقه ..(اول مره اشوف زول بسرق احساس زول ..)
كان سرقت اسرق جمل ..اهو الراجل عملها ..حرامي عديم احساس |
أهليين شمَّت
تعرف يا شمَّت إحساس انكـ سُرقتَ
أكبر بكتيييير من قيمة المسروق
سيما إذا كان (احساس) كما تفضَّلت ..
بالنسبة للحقوق ما فيها مشكلة أصلاً
لكن الجنا ده زعَّلنى زعل شديد خلاس ..
شكراً يا عمدة على الزيارة والمؤازرة .. تسلم
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
أها يا شبانه ماذا أنت قائل وقد شهد عليك
شاهدٌ من أهل دارك ..؟Quote:
رقم المشاركة : 3
7ANKOOSHA
¤¦¤ عضـو ممتــاز ¤¦¤
--------------------------------------------------------------------------------
اقتباس
أرسل أصلا بواسطة شبانة
رغم الجراح
شاذلى جعفر شقَّاق
مبروك عليك
رغم الجراح
مبروك عليك
غيمة فرح
رشَّت بواديكِ
الصباح
مبروك عليك
مسرة مرح
عشَّت مطاميرِك
رباح
مبروك عليك
فالاً سمح
لبَّس طنابيرك
وشاح
مبروك عليك
زولاً فتح
تالاكى
شبَّاك
انشراح
غلَّطِّينى
يوم شبَّيتى
فوق اكتافى
وادَّيتيهو صاح
مبروك عليك
مبروك عليك
رغم الجراح
ساساقى
فى سكة هواك
لا ملَّ منِّك
لا استراح
خيل القصائد
ما شَكَنْ
تعب المهامِه
والبطاح
سرج المشاوير
ما نزل
من صهوة
الجرى والكفاح
رىّ القوافل
ما نِشِف
بحر السراب
فى سكَّتِك
تالاهو لاح
وعليهو يِدَّفَّق عشم
كل ما يَصَل
يلقاهو
من قدَّامو راح
وسِعْن الصبُر
مليان غُلُب
كلما اضيق
فى حلقى
بِيْنقِّط جراحوانا فى الاخير
همبول
على بابِك وقف
يمينى بِتلقِّط
غُنا
وشمالى
بِتْكشِّح نواح
مبروك عليك
مبروك عليك
رغم الجراح
يا ماشَّه غادى
وجايه جاىْ
مركب هواىْ
شاقَّه العِرِق
ما جهجهت
سيرها الرياح
عصفور مناىْ
شادِّى الوتر
ما بكَّمت
لحنو الرماح
طير الغُنا
الشبعان حُزُن
ما ساوم
القوت بالجناح
جرف الوفا
التريان عفُو
ما غرْغَرْ الحُب
بالسلاح
صبح الفرح
لا بُد يجى
يردُم نباح
الليل صياح
راجيهو فى
فروة يقين
راجيهو
حىَّ على الفلاح
ما دام عِرِفتَ
هواك زيف
والدَّاسا فى
جُوَّاكِ فاح
مبروك عليك
مبروك عليك
رغم الجراح
|
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: Imad Khalifa)
|
Quote: الأخ/ شاذلي
لديك كامل الحق في مقاضاة هذا اللص الذى سطى على قصيدتك ونسبها لنفسه.
وكمان بدون خجل برد على المتداخلين |
المصيبة يا عماد هو لا عندو أفكار ولا عندو بطيخ عشان يتعمَّقوا فيها
من هنا انا أحي هذين الشخصين النبيلين (حنكش) ...(ابو الشوش) ..
و فائق شكرى يا عمده على المداخلة المؤازرة ..
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
رســــالة إلى المدعو شبانه:
عندما وجدتُ الصفة الفضفاضة تحت
صورتك البهلوانية (مشرف المنتديات العامة)
لم يتبادر إلى ذهنى بيت الشعر الشهير :
إذا كان ربُّ البيتِ على الدُّفِّ ضارباً
فشيمةُ أهلِ البيتِ الرَّقصُ والطَّرَبُ
ولم يخطر ببالى وأنا أُطالع لوائح (حَنَكَكُم)
القول السائر :
فاقدُ الشئ لا يُعطيه
ولم يُسعفنى الاستشهاد بقول القائل :
إذا كان الغرابُ دليلَ قومٍ
فلا وصل الغرابُ ولا هم وصلوا ..
وربما - يا شبانه - ( مالَ بهــم إلى الرِّممِ ) !!!
وكان ذلك لسبب بسيط وهو :
إنك لست أهلاً لتصبحَ (عضواً ) فى أىِّ منتدى !!
لانك تفتقر لأبسط مقوِّمات الانتماء وأنت تعانى
من جدبِك الفكرى والإبداعى والمعرفى ؛ ومسغبتِك
الكافرة لمراعاة حقوق الآخرين .. وإفلاسك المدقع
من الحياء والاختشاء ..!!
أيها اللص الدَّعى المدعو شبانه :
ألا تستطيع أن تعيش وفى وجهك قطرة مــاء ؟؟؟ يتبع
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
قل لى بربِّك لماذا سرقتَ قصيدتى (رغم الجراح)
من موقع سودانيز أون لاين و(حشرتها ) فى حنككم
هــذا ؟
ولماذا ولماذا سرقتَ بوستى (نظرة الخروف تذبح
ألف قصيدة بداخلى ) ؟
لماذا أيها المعتوه ؟؟
نقِلْ بالضُّبَّانه يا شبانه ؟
كوبى بيست يا مفترى ؟
إذن أنا هنا لأخلع عنك ثيابك - إن كان للص ثياب-
حتى لا تجِدَّنَّ ما تخصفه على سوءتك من ورق الحجة
وأنت العاطل المفلس .. القاعد الكاسى !!
يا بتاع الـ كوبى بيست ..
الآن
ما ينبغى أن تفهمه - إن كان فى وسعك ذلك -
هو أنَّ هذا الحمار الأعرج الذى (تشتَّحتَ ) فوقه
لن يوصلك الى غاية ..
وذلك مردُّه إلى أمرين :
أولاً : لا يُمكنك أن تمسَّ ملكية ما أكتبه بشعرة
وذلك للعلم إن كنت تعلم ..!
ثانياً : أنت لا تملك أدنى موهبة إبداعية ؛ فما تقوم به
لا يعدو أن يكون الاَّ تُرَّهـــات وأوهــام فاســـدة ...
فهمتنى يا شبانه
يا بتاع النَّقِلْ بالضبَّانه ؟؟؟
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
Quote: عجبتني ياشاذلي
لكن بكرة حسابك
لن يكون فاعلا..
احسن اخلص حقك قوام قوام |
عشان ما يعمل لينا فيها (اضان الحامل طرشه)
وهى الحامل كرشها مليانه بوستات حقَّات ناس 
لكن موضوع حسابى ما عارفو غايتو ..احياناً يتلقى حراميه ديمقراطيين
نظام بتقبلوا النقد وقرصة اللضان وكده يعنى ...
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
Quote: هى الحامل كرشها مليانه بوستات حقَّات ناس
لكن موضوع حسابى ما عارفو غايتو ..احياناً يتلقى حراميه ديمقراطيين
نظام بتقبلوا النقد وقرصة اللضان وكده يعنى ... |
هو الزول فضلتو اضان يقرصوه فيها؟
كمان داشي اسم الله والرسول
التقول عليهو مجاور الكعبة
ـــــــــــــــــــــ
سراق عينك ياتاجر
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: عبد المنعم ابراهيم الحاج)
|
المحترم شاذلي
التحية لك ،
شدني عنوان بوستك فدخلت
اعظم ما في السرقات سرقة عصارة الافكار
أثمن على ما قاله الاخ ناذر، فقد سكبت عميق اللغة و فاتنها و انت تعبر عن سخطك من هذا السخف الغريب ، و أعتبر نفسي محظوظا فقد إتيحت لي فرصة أن أضطلع على قصيدتك الرائعة "رغم الجراح" و أشكر هذا "اللص" على منحي هذه الفرصة.
أعبر عن تضامني معك في مطالبتك برد حقوقك التي تعدى عليه هذا المتحنك.
مذيدا من الثبات
مديدا من النجاح ، رغما لهذه الجراح
تحياتي
عمار يس النور
عاشق بخت الرضا
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: عمار يس النور)
|
Quote: المحترم شاذلي
التحية لك ،
شدني عنوان بوستك فدخلت
اعظم ما في السرقات سرقة عصارة الافكار
أثمن على ما قاله الاخ ناذر، فقد سكبت عميق اللغة و فاتنها و انت تعبر عن سخطك من هذا السخف الغريب ، و أعتبر نفسي محظوظا فقد إتيحت لي فرصة أن أضطلع على قصيدتك الرائعة "رغم الجراح" و أشكر هذا "اللص" على منحي هذه الفرصة.
أعبر عن تضامني معك في مطالبتك برد حقوقك التي تعدى عليه هذا المتحنك.
مذيدا من الثبات
مديدا من النجاح ، رغما لهذه الجراح
تحياتي |
أخى عمار
تحية الشعر الندية
أشكر لكـ مرورك وتضامنك و اشارتك نحو القصيدة
وردَّة فعل سرقتها ..
والحق ما قلت .. إن ذروة الإنفعال تتجسَّد فى
قطع كفٍّ تمتدُّ إلى عصارة روح وخلاصة فكر ..
وحقيقةً هذا (الحِرَيمى ) يُشرع بوابة سؤال كبير وهو :
إلى أىِّ مدى تستطيع المنتديات الإلكترونية المحافظة على
على حقوق الملكية ؟؟؟؟؟
ولا بدًَّ من ولوج هذا المُدخل العريض . ولا بدَّ من ركوب إجابة موجه العصىِّ ...
شكراً نميراً
| |
|
|
|
|
|
|
|
|
وعندما رجعت اليهم ممنياً نفسى بمواجهة أرَّقتنى ليلتين متتاليتين ؛ وجدت هذه
الرسالة على صفحة منتداهم :
Quote:
رسالة المنتدى
بسم الله الرحمن الرحيم
اعضاء وزوار شبكة الحنك نعتذر عن اغلاق المنتدي وذلك بسبب مشاكل في السيرفر وحاليا جاري نقل الموقع علي سيرفر اخر وبجودة عالية .....
قد يستقرق النقل حوالي 24 ساعة ..
دعواتكم لنا بالتوفيق
|
ال أربعة وعشرين ساعة ساهلة يا شبانه ...!!
شوف ليك بلد ..!!
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
شاذلي سلامات
عجبني ليك عشان تاني الحاجات الحلوة دي تعرف تلمها من الحرامية.
تعرف اسمك في نص القصيدة صاحبك قايلو (بيت شِعِر) والذ حاجة كان تسجل وتسأله قصدك شنو بالبيت دا تحديداً؟؟
كان ممكن يقول ليك دا انا بعبر فيهو عن حالة من متلازمات إنفراط حبيبات التكوين المتسلسلة....ويجو النفرين المتلمين معاه في الحنك يقولو ليه يا سلااااااام روعة.
يا شاذلي ماسمعت بالحمار يحمل الاسفار.
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: سامى عبد الوهاب مكى)
|
Quote: بسم الله الرحمن الرحيم
اعضاء وزوار شبكة الحنك نعتذر عن اغلاق المنتدي وذلك بسبب مشاكل في السيرفر وحاليا جاري نقل الموقع علي سيرفر اخر وبجودة عالية .....
قد يستقرق النقل حوالي 24 ساعة ..
دعواتكم لنا بالتوفيق
|
شاذلي
لكن عملت للناس مشاكل
ماليها اول ولا آخر..
الناس ديل اول حاجة
مسحو كلامك
الكنت كاتبو هناك
وبعد شوية
عملوها مشكلة في
السيرفا...
وصاحبك هسة علي احسن
الافتراضات..
بكون شلعوه
دا لو المالك
عندو حبة احترام
لحقوق النشر..
المهم المسألة ادت
دورا تماما
لك التحية
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: عبد المنعم ابراهيم الحاج)
|
قلت لى كيف يا منعم ؟
Quote: شاذلي
لكن عملت للناس مشاكل
ماليها اول ولا آخر |
المشاكل جابها ليهم (شبانه )
أب اِيداً خفيفه ولفيفه
Quote: الناس ديل اول حاجة
مسحو كلامك
الكنت كاتبو هناك
وبعد شوية
عملوها مشكلة في
السيرفا... |
نبوءتك اتحقَّقتْ سريع جداً ..
لكن انا انتظرتهم لى الصباح (عينى ما لاقت )أبو يجو !!
كلامى مسحوهو عشان مسح بيهم الواطه ..
Quote: المهم المسألة ادت
دورا تماما
لك التحية |
كان لازم أدخل للعقربه فى جحرها ..
ألا قبَّح اللهُ اللصوص ..
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: عبد المنعم ابراهيم الحاج)
|
Quote: كلامك قروهو ناس كتار
وبمعدل 3 اشخاص في الدقيقة
انت انتصرت لي ناس
كتار |
وانت يا خوى
وقفتك كانت سند قوى
خصوصا بعد اثباتك بالدليل انو
هذا اللص الدعى سارق أكتر من (نص)
من أرشيف المنبر العام حقنا تحديدا ..
----------
أها يا خوى هسَّع الوصية فى الضمَّة
نحن باقيلك هنا مانا زيَّكم هناك
انا زمنى انتهى أبقى على البوست عشرة لا باكر كان الله حيَّانا ..
هم قفلو بنبرهم خشية المواجهة
البوست لازم يكون فوق لاجل الحق والحقيقة .. كان زمنك ساعدك ..
يلا مع السلامه
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
أيها اللص شبانه
لن أدعك ..فأنت من أدخلتَ يدك فى فكِّ التمساح العشارى ..
أليس كذلكـ ؟؟
الآن لكـ هذه حقَّ العشاء 
هبشــــه
* بس أوعى تنُطك !!
ضُبَّانة (شبانه) الـ ما بتطــير بالهشَّه
مانى سليط لساناً بالشِّعِر بنفشَّ
جانى جعان كلامكـ بالكِضِب يِنْدشَّ
أوعــاك تِنْخَدِع فى قولنا .. ماتِنْغشَّ
إنْ درتَ الصَّقِع فصَّلتو ليك فى هبشه
لبَّستك جديد لا فرَّ زول لا انفشَّ
لا تطعن جبال وانت أب صِفيحةً هشَّه
لا بتحَمَلْ صَفِقْ لا سوط يجيك لا تشَّ ...!!
هيييييييييييييع
لقيتنى كيف يا شبانه ؟؟؟؟
بى صراحه !!
القطع الللخضر ده عربون بس !! ....
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: ناذر محمد الخليفة)
|
أخي الشـاذلي إبن جعفر
سـلام وأشـواق
بوسـتك هذا يترجـم
(إحـذروا غضـبة الحـليم)
أصـابتني الدهشـة من إثنين
هذا المسـخ وسـلوكه الذي فيه كثير من الغباء
والسـخـف والإسـتخفاف بعقـول الأخـرين
ثـم
الشـاذلي بهـذا الوجه الجديد عليّ
لا أرفضـه ولكنني لم أراه من قبل
لذلك ذكـرت الحـذر من غـضـبة الحليم
وأخـيراً:
وأيضاً له الشـكر على إتاحة الفرصة لي
وللكثيرين بقـراءة الجمـال (رغم الجـراح)
دمت
مودتي
إسماعيل حميم
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: إسماعيل حميم)
|
Quote: أخي الشـاذلي إبن جعفر
سـلام وأشـواق
بوسـتك هذا يترجـم
(إحـذروا غضـبة الحـليم)
أصـابتني الدهشـة من إثنين
هذا المسـخ وسـلوكه الذي فيه كثير من الغباء
والسـخـف والإسـتخفاف بعقـول الأخـرين
ثـم
الشـاذلي بهـذا الوجه الجديد عليّ
لا أرفضـه ولكنني لم أراه من قبل
لذلك ذكـرت الحـذر من غـضـبة الحليم
وأخـيراً:
وأيضاً له الشـكر على إتاحة الفرصة لي
وللكثيرين بقـراءة الجمـال (رغم الجـراح)
دمت
مودتي
إسماعيل حميم |
أخى الراقى جداً
اسماعيل حميم
تحياتى المخلَصة
واحترتمى بلا حدود
تعرف يا حميم
ربما كنتُ مِن أزهد البورداب
- هنا - تحاوراً فى كثير من
القضايا وذلك ليس بخلاً أو اعراضاً
عنها او تقليلاً لحجمها ..
ولكنى فى أغلب الأحيان أفضل
احترام الآخرين على خوض غمار الجدل
الذى يُفضى إلى المخاشنة والملاسنة
واستنفار اللغة الى المُنافرة ..
ولعل ذلكـ شيئاً مؤصَّلاً فى ذاتى ..
ولــكــن ..
ما عساى أن أفعل يا حميم
وقد امتدَّتْ يدُ لبغى إلى
أخصّ أشيائى ..
بل طالت أكثر من بوست لإخوة أعزّاء هنا ..
سرقة تستهدف أرشيف المنبر ..!!
والصامتون الصامتون
هل تراهم صامتين عن الحق والحقيقة ؛
أم أنَّ فى آذانهم وقْراً ..؟؟!!
شكراً نميراً يا حبيب
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
Quote: الإنترنت ده مافيو شئ إسمو حقوق وملكية وكده ؟؟
ده سؤال حقيقي ..
يعني أسي الواحد إحفظ حقوقو كيف ؟؟ |
Quote: إلى أىِّ مدى تستطيع المنتديات الإلكترونية المحافظة على
على حقوق الملكية ؟؟؟؟؟
ولا بدًَّ من ولوج هذا المُدخل العريض . ولا بدَّ من ركوب إجابة موجه العصىِّ ... |
ولا زال الســؤال
منتصـــــبــاً
بين حَشَف (الصهْيَنه) البــالـى ...!!
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
Quote: بسم الله الرحمن الرحيم
اعضاء وزوار شبكة الحنك نعتذر عن اغلاق المنتدي وذلك بسبب مشاكل في السيرفر وحاليا جاري نقل الموقع علي سيرفر اخر وبجودة عالية .....
قد يستقرق النقل حوالي 24 ساعة ..
دعواتكم لنا بالتوفيق
الساعة الآن » [ 11:26 ] . |
أها يا ناس (الحنك) تحنِّكوا حقوق الناس وتقعدوا تجقلبوا ..
الأربعة وعشرين ساعة دى جرَّت معانا .. دى بقت أكتر من يومين !!
ولازم تفهم يا (شبابه ) انى ح اشيل حالكـ وانقُر طاركـ ..
ايميلى معاكم طبعاً .. ومع ذلكـ هاكم ليهو فى الهـــواء :
[email protected]
ما اديتنى رايكـ فى العربون بتعاع أمس ..!
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
Quote: ما ينبغى أن تفهمه - إن كان فى وسعك ذلك -
هو أنَّ هذا الحمار الأعرج الذى (تشتَّحتَ ) فوقه
لن يوصلك الى غاية .. |
حمارة شبانه (1)
مِى حْمـارة رفيق ورَّكـ عليها (شبانه)
لا شدَّ السَّرِجْ من فوقها لا بطَّانه
واتْفَرْجَخْ على الدَّبَرة الـ بِوِرْ ضُبَّانه
قال لاحْقَ (القصيد) فوق الـ تَزِحْ فِ بُكانه ..!!
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
شكرا لهذا السارق فلولاه لما اطلعنا علي هذه القصيدة ، وكتاباتك يالشاذلى ، ولما عدت لارشيف المنبر ، واتابع ما كتبته (رب ضارة نافعة)
لا ادري كيف يسرق شخص عمل ابداعي يخص آخر ، فايماني بان رب العمل الابداعي ، يحس به ويفخر ويتماهي مع النص ، حتي يصبح النص جزء منه .
ولكن لعل الامر هو مجرد تباهي ، وشعور بعدم الثقة في ما يكتب ن او ربما هو العجز عن الفعل الابداعي .
سرقته لنصك هي شهادة بجماله يا الشاذلي (وفي هذا بعض العزاء لك ) .
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: عبد المنعم ابراهيم الحاج)
|
أخي الشاذلي
تحية وسلام
نواصل تضامنا معك
| Quote: البوست لازم يكون فوق لاجل الحق والحقيقة .. كان زمنك ساعدك .. |
بالرغم من ان هذا الدعي شبانة لا يستحق كثير الوقت و عظيمة من شخص في مثل إبداعاتك و من المنتظر منه ان يستفيد من زمنه في المذيد من الروائع ، إلا أن فكره فضح و تعرية مثل هذا العمل القبيح عموما و ليس تحديدا ((شبانة مثلا)) تستحق الكثير من الوقت و العناء ،،،
Quote: مانى سليط لساناً بالشِّعِر بنفشَّ
جانى جعان كلامكـ بالكِضِب يِنْدشَّ
أوعــاك تِنْخَدِع فى قولنا .. ماتِنْغشَّ
إنْ درتَ الصَّقِع فصَّلتو ليك فى هبشه
لبَّستك جديد لا فرَّ زول لا انفشَّ
لا تطعن جبال وانت أب صِفيحةً هشَّه
لا بتحَمَلْ صَفِقْ لا سوط يجيك لا تشَّ ...!! |
هييييييييييييييييييييعع
عجبتني و الله
هييييييييييييع
عمار يس النور
عاشق بخت الرضا
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
| Quote: بالرغم من ان هذا الدعي شبانة لا يستحق كثير الوقت و عظيمة من شخص في مثل إبداعاتك و من المنتظر منه ان يستفيد من زمنه في المذيد من الروائع ، إلا أن فكره فضح و تعرية مثل هذا العمل القبيح عموما و ليس تحديدا ((شبانة مثلا)) تستحق الكثير من الوقت و العناء ،،، |
شكراً أخى عمَّار
هذا فعلاً ما نودُّ أن نطرحه هنا ...
إذاً لا زالت الأسئلةُ قائمة :
* إلى أىِّ مدى يُمكن أن تحفظ المنتديات الإلكترونية
حقوق الملكية ؟؟
** وهل تمثِّلُ أسبقيةُ النَّشْرالزمنية - بالضرورة- دليلاً
قاطعاً على أحقية ملك ناشره ؟؟
| |
|
|
|
|
|
|
|
|
|
Re: مَنْ هــذا الجربوع الذى سرق قصيدتى ؟؟؟؟؟؟؟؟؟ (Re: shazaly gafar)
|
ما تزال الأسئلة تضع كفَّ الحيرة
على خدِّ الانتظار :
* نجد فى بعض المواقع الإلكترونية
عبارة : (جميع حقوق النشر محفوظة)
كيف يتثنى ذلكـ ؟
* * هل يُعتبَر أمناء المواقع - فى مثل هذه
الحالات - مصادر يُستقَى منها حيثيات النزاع ؛
أم شهــوداً ؛ أم لا ناقة لهم ولا جمل فيما
يُسترَق من وإلى منتدياتهم ..؟
| |
|
|
|
|
|
|
|
shazaly gafar
عبدالكريم الامين احمد
ناذر محمد الخليفة
عماد شمت
Imad Khalifa
عمار يس النور
Muna Khugali
د.محمد حسن
إسماعيل حميم
رقم صفر
معتصم الطاهر
فيس بوك
تويتر
انستقرام
يوتيوب
بنتيريست