|
|
|
 Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: علاء الدين يوسف علي محمد)
|
يا مُنْعِم
معليش مفروض أسلِّم عليك اوّل حاجة
بعد التّطبيع الحصل بيناتنا مُؤخّراً
سلامات
طيِّب يا بيجو
صدِّقني أنا علاء الدّين اللي خاتِّي صورة البشير في توقيعي
و جاهز بي الشّريط الأحمر البيُرْبط في الجّبهة لأفديه كرمز و رئيس دولة
بقول ليك جيب لي الآتي و تجدني أوّل الدّاعمين لك في هذا الأمر
1- إثْبات أنّ النّفقة التي تُدْفع ليها 1000 ج.س (مليون جنيه بالقديم وهي تعول أبناءه الثّلاثة)
2- ما يفيد من المحْكمة أنّ هذا المبلغ أقل من النّفقة المُفْترضة قانوناً.
طبعاً ما حأقدر أقول ليك جيب لي ما يُثْبِت إنّها ما هي الطّلبت الطّلاق
أو جيب لينا أسباب الطّلاق الحقيقية
لأنو ياما في البيوت أسرار و مشاكل حتى لو كانت بيوت رئاسِيّة
أو بيوت إخوة رؤساء
و هِنا إنت حتدخُل ما بين المرء وزوجه يا مُنْعِِم
ودة لا مِهنِيّاً أعْتقِد ليك كصحفي
ولا إنسانِيّاً ليك كإنْسان
ولا من باب الرُّجولة ليك و لينا كسودانيين
ما حندْخُل في الأمور الخاصّة دي
جيب لي واحد و إتنين يا مُنْعِم وشوف وقفتي معاك تكون كيف
أمّا لو كانت قِصّة الطلاق صحيحة و النّفقة قانوناً تكفي
فأفْتكِر كلام البشير (كرجُل مُسْلِم) لا كرئيس يا بيجو
| Quote: قال لها شقيق عباس والذي هو (رئيس) البلاد وراعيها : ( شوفي اقبلي بالنفقة واقعدي والراجل محلله ليهو أربعة أما لو عايزه مشاكل : شوفي ليك قاضي يقبل بقضيتك دي ..!!) |
ما من شيء يعيبه
هو هِنا تصرّف كمواطن عادي ليهو أُسْرة
أيِّ تصرُّف ليهو غير كدة
كرئيس في الأمور العائلية (تدخُّل قانوني أو يدخِّل يدُّو في بيت مال الشّعب ليزيد نفقتها) لحل هذه المُشْكِلة
أفتكِر إنت أوّل من سيعترض عليه
يعني بقت عليك يا البشير كدة ووب و كدة ووبييييييين
بعدين مسألة إنُّو زوجها يفتح فيها بلاغ تعدِّي أو غيرو
فلك أن تتقصّى الحقائق هُنا كصحفي
لا كمُسْتمِع لأخبار أو ما نُسمِّيه (شمارات)
المِهنِيّة تقتضي عليك ذلك
فإّن صحّ إنّها تستحِق بلاغ جنائي
يبقى دي أمور قانونِيّة بحتة
لا حرج فيها على الرّجُل إن كان رئيساً أو شقيقاً للرّئيس
أمّا مسألة طلّقا ليه؟
و صبرت عليهو أيّام الضنك
و دا باعها لأجل عشرينِيّة و بتاع
و البشير (كمواطن في عائلة) واقف يتفرّج (دون إثبات مِنْك)
يا مُْنعِم أسمح لي أقول هِنا دة سقوط فظيع ليك و لأي شخص يتناول الأمر من هذه الجهة
مافي زول عارف ما بين المرء وزوجه ، و ما أكثر مشاكل البيوت
و برجع ليك تاني
| |
 
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: علاء الدين يوسف علي محمد)
|
| Quote: دعوة للمحكمة الجنائية الدولية |
أها يا بيجو دي بالغت فيها كُلُّو كُلُّو!!!!
إييييييييييييه البيدخِّل المحْكمة الجِّنائيّة و أوكامبو في قضايا طلاق و نفقة!!!؟
تعرف دة معناهو إنُّو تلت شعب العالم المُتزوِّج حيدْخُل محكمة جنئاية دولِيّة لو دة جيكون من إخْتِصاصهم!؟
لا تدع عداءك للنِّظام يجرفك نحو هذه الهاوية السّحيقية يا بيجو
و لا تزِج بالأمور الخاصّة في العام
إلى إذا كُنت مُحمّل بالوثائق و المُسْتندات الثُّبوتِيّة إنّو الرّئيس ضالع في ظُلْم إمرأة ما من شعْبِه
غير كدة
ببقى شمار في مرقة
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: محمد حسن العمدة)
|
الاخ منعم ..
تحياتى ..
معليش عندى بعض الملاحظات على كلامك وهذا ليس دفاعاً عن العباس
قلت ان الشرطة استدعت زوجة العباس والاستدعاء يعنى تكليف بالحضور وليس قبض ..
والتعدى الجنائى هى المادة 182 من القانون الجنائى ويحق للنيابة اطلاق سراح المتهم بالضمانة العادية فقط وليس بالكفالة والكفالة بتكون فى حالة التلف والاذى الجسيم وبلاغات الشيكات ..
وقلت ان شرطة الرياض استدعت زوجة العباس .!
ودا بيعنى ان الجريمة وقعت فى دائرة اختصاص قسم الرياض او الشاكى يقيم فى دائرة الاختصاص وحسب علمى
ان الشاكى لا يقيم فى منطقة الرياض او فى دائرة اختصاص قسم الرياض ..
وقلت ان البلاغ اتحول لمحكمة امتداد الدرجة الثالثة !
دى برضو حاجة غريبة !
البلاغ فى الرياض والمحكمة فى الامتداد.؟
طالما البلاغ مفتوح فى قسم الرياض البلاغ من المفترض يمشى لمجمع محاكم القسم الشرقى وليس مجمع محاكم
امتداد الدرجة الثالثة .!!
وشكراً ..
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: حذيفه ابراهيم الكباشي)
|
| Quote: قبل أسبوع علمت من محامي وقانوني ضليع يقيم خارج البلاد (قسرا) |
وأنت تقيم داخل البلاد (إختياراً) ، ما منع صاحبك المحامي أن يقول ما
أوردته هنا بنفسه وترك لك أمر نشره؟؟؟
هل لك حصانة؟؟
هل تخيف السلطات الأمنية؟؟
هل يتعامل جهاز الأمن بماينشر هنا بوجل لدرجة عدم مساءلة كاتبه؟؟
هل نحن في بلد يسمح لعبد المنعم سليمان دون الآخرين بكتابة مايشاء؟؟
في معادلة ضايعة هنا !!
يا إما بيجو دا فعلاً أمنجي كما يقول البعض في هذا المنبر،،
يا أما جهاز الأمن ما شايف شغلو،،
يا إما البلد مليان حرية رأي لمن مدفق،،
يا إما سودانيزاونلاين لا يقرأها أحد!!
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عبد اللطيف بكري أحمد)
|
والله أنا لو في مِحِل ناس المُعارضة "عبدالمُنعِم سليمان" ده أسلِمو براي لِناس الأمن وأبصُم ليهُم بِالعشرة إنو ما حنسأل عنو كلو كلو ... ياخ إنت والزَيك ده ، أكبر كارِثة حلت على المُعارضة السودانِية ... المُعارضة السودانِية عِندها أدبِيات بِتاعت فُرسان ، إنت والزَيك وصلتوها لِمِتِل كلام النِسوان ده <طلقها وجدع أولادا في الشارِع>
<أبى يديها مِتْكفي زي الناس>
<أييييي مشا عرس ليهو بِت قدُر بِتو>
عليك الله دي سُوات رُجال ... الله يِلعنك ياخ مِحِل تقبِل وِكْتين خليتني أضامن مع عُمر البشير القاتِل الهاتِك السارِق ... تفووو عليك
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
Quote: والله أنا لو في مِحِل ناس المُعارضة "عبدالمُنعِم سليمان" ده أسلِمو براي لِناس الأمن وأبصُم ليهُم بِالعشرة إنو ما حنسأل عنو كلو كلو ... ياخ إنت والزَيك ده ، أكبر كارِثة حلت على المُعارضة السودانِية ... المُعارضة السودانِية عِندها أدبِيات بِتاعت فُرسان ، إنت والزَيك وصلتوها لِمِتِل كلام النِسوان ده <طلقها وجدع أولادا في الشارِع>
<أبى يديها مِتْكفي زي الناس>
<أييييي مشا عرس ليهو بِت قدُر بِتو>
عليك الله دي سُوات رُجال ... الله يِلعنك ياخ مِحِل تقبِل وِكْتين خليتني أضامن مع عُمر البشير القاتِل الهاتِك السارِق ... تفووو عليك |
يا عزام ما في داعي لتقيل القول.
ممكن نتناصح كأخوة براحة و شوية شوية و الأبواب فاتحة للأعتذارات و حتى البلع.
تبا للبوست
وتوبه لصاحبه
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: ود الباوقة)
|
أنصح بِحفظ مُداخلة "عبدالمنعم سليمان" بِخِلاف طريقة الإقْتِباس ... مُمكِن بِإسْتِخدام زِر Prt Scr SysRq الموجود في لَوحة المفاتيح (الكيبورد) خلي المقال قِدام عِيونك ... إضغط على زِر Prt Scr SysRq ... أمشي أفتح ليك صفحة وورد عادِية ... أعمِل لصق. أو بدل ما تفتح صفحة وورد أفتح برنامِج الرسام Paint ولِصِق النسخو هِناك وأحفظ ...
Quote: ما فعله عمر البشير بزوجة شقيقه ؟!!
كتب : عبد المنعم سليمان
كنت أتساءل منذ صدور قرار المحكمة الجنائية الدولية كيف يخلد الديكتاتور عمر البشير إلى فراشه بعد اتهامه بارتكاب جرائم إبادة جماعية ضد شعبه وكيف يمكنه من الرقص وحوله هذه المآسي وكمية الجماجم المهولة ! ولكن سرعان ما زال تعجبي واستغرابي عندما عرفت ان الرجل لا حياء له ولا حياة ..!! قبل أسبوع علمت من محامي وقانوني ضليع يقيم خارج البلاد (قسرا) - تم تهديد حياته بالتصفية الجسدية بعد أن صرح بآرائه الداعمة للمحكمة الجنائية الدولية التي تطالب بمثول عمر حسن احمد البشير أمامها كمتهم بارتكاب جرائم حرب وجرائم ضد الإنسانية قبل أن تضيف إليها اتهامه بارتكاب جريمة الإبادة الجماعية ضد شعبه . الحكاية والرواية أن السيدة إيمان فتح الرحمن وهي زوجة السيد عباس حسن احمد البشير شقيق عمر حسن احمد البشير وهي أم لثلاثة أطفال منه وقد تزوجته أيام الفقر والحاجة قبل أن يصبح شقيقه عمر حسن احمد البشير رئيسا للبلاد بعد انقلابه على نظام الحكم الديمقراطي آنذاك , أن السيدة إيمان قالت أن زوجها عباس شقيق (الرئيس) قد قام بتطليقها بعد أن اتخذ أخرى تبلغ من العمر (22) عاما زوجة له . لم يراعي صبرها عليه أيام الشدة وتربية الأبناء رغما عن شظف العيش بل لم يكتف بذلك بل قرر طردها من منزل الزوجية وصرف مبلغ (1000) جنيه بالجديد شهريا (1000000) جنيه بالقديم . قبلت السيدة الفاضلة إيمان بمصيرها إلا أن مبلغ النفقة التي قررها لها طليقها السابق شقيق الرئيس لم تغطي نفقات السكن ناهيك عن مستلزمات المعيشة والدراسة والمستلزمات الأخرى لابناءه . طرقت السيدة إيمان منزل زوجها السابق شقيق الرئيس ولا حياة لمن تنادي وذهبت إلى مقر شركاته الــ (3) بمنطقة الرياض قرب مطار العاصمة الخرطوم ولم تتمكن من مقابلته بدعوى انه في اجتماع ولا يستطيع مقابلتها .. حاولت السيدة إيمان مرارا وتكرارا دون جدوى . في النهاية قررت السيدة إيمان مقابلة شقيقه السيد عمر حسن احمد البشير خاصة وانه بالإضافة إلى انه شقيق طليقها السابق فانه أيضا (رئيس) البلاد المسئول عن مشاكل شعبه أو هكذا ظنت السيدة إيمان . وبواسطة زوجته السيدة الفاضلة فاطمة خالد – حسب تعبير السيدة إيمان – قابلت عمر حسن احمد البشير وحكت له قصتها مع شقيقه عباس وكيف انه قد رمى بها وبأبنائها إلى الشارع ولم يسال عنهم وحدثته عن بؤس ظروفها المعيشية وما يعانيه أبناء شقيقه قال لها شقيق عباس والذي هو (رئيس) البلاد وراعيها : ( شوفي اقبلي بالنفقة واقعدي والراجل محلله ليهو أربعة أما لو عايزه مشاكل : شوفي ليك قاضي يقبل بقضيتك دي ..!!) لم يستغرق الأمر يوما واحد حتى استدعت شرطة منطقة الرياض السيدة إيمان وفتح ضدها بلاغ ( تعدي
جنائي) لمصلحة الشاكي عباس حسن احمد البشير خرجت بكفالة وحولت قضيتها إلى محكمة امتداد الدرجة الثالثة . ما يحير في الموضوع أن عمر حسن احمد البشير المطار دوليا بتهمة ارتكاب جرائم إبادة جماعية ضد شعبه لا يتردد في الجهر - - مطمئنا - بسيطرته المطلقة على السلطة القضائية حتى في موضوع بسيط وأمام طليقة شقيقه . ان ما يثير التساؤل هو هل يمكن ائتمان عمر البشير على مصلحة شعبه الكبير وهو غير مؤتمن حتى على نطاق أسرته الصغيرة ؟ وكيف بالله سيكون حال أطفال المعسكرات بدارفور وهو الذي يرمى بأبناء أخيه إلى الشارع ؟ وكيف يمكن تحقيق العدالة بالبلاد والرجل يجهر بسيطرته على السلطة القضائية بالبلاد ؟ وهل يوجد بعد كل هذا من ينادي بمحاكمته داخليا وهو الذي لا يتورع من أن يتعسف حتى على زوجة شقيقه ويستغل القانون وسيطرته التامة على السلطة القضائية بالبلاد لهزيمة زوجة شقيقه وأبناءه الصغار ..؟!! دعوة للتضامن مع السيدة الفاضلة أيمان فتح الرحمن وأبنائها . |
Quote: ما فعله عمر البشير بزوجة شقيقه ؟!!
كتب : عبد المنعم سليمان |
"كتب" دي بتعني بيها شنو؟ لأنها لامِن تِنْكتِب بِالشكل ده معناها المقال إنْكتب في صحيفة أو مِجلة ... علو بس "كتب" دي عاني بيها الكِتابة الهِنا دي؟
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: MOHAMMED ELSHEIKH)
|
| Quote: الحكاية والرواية أن السيدة فلانة الفلانيـة وهي زوجة السيد فلان شقيق علان، وهي أم لثلاثة أطفال منه وقد تزوجته أيام الفقر والحاجة قبل أن يصبح شقيقه علان رجلا مهما, أن السيدة فلانة قالت أن زوجها فلان شقيق (علان) قد قام بتطليقها بعد أن اتخذ أخرى تبلغ من العمر (22) عاما زوجة له . لم يراعي صبرها عليه أيام الشدة وتربية الأبناء رغما عن شظف العيش بل لم يكتف بذلك بل قرر طردها من منزل الزوجية وصرف مبلغ (1000) جنيه بالجديد شهريا (1000000) جنيه بالقديم |
أقترح على المعرضـة تشكيل حكومـة ظل فوراً، لأن إنيهار النظام أصبح وشيكا مع هـذه التضحيات الجسـام للمناضلين مدعومـة بسعـة فكرهم ووضوح
الرؤيتة لديهم والمحافظـة على أعلى معايير الأخلاق.
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: Abureesh)
|
(السينـاتور) باراك أوباما، وهو فى نص المعركـة الرئاسيـة التى فى مثلها سياسيونا ومناضلونا الأشاوس
لا يتورعون فى أقذر السلوك لهزيمـة خصومهم، سأله أحد الصحافيين عن ما نشـر من أن إبنة سارة بالن
حامل أو أنجبت من غير زواج.. فماذا كان رد أوباما؟ قال بصـورة حاسمـة وبكلمـة واحدة:
This is off-limits
يعنى هـذا الجانب الأسرى محظور الحديث فيه.
فتشبهـوا إن لم تكونوا مثلهم.............. إن التشبــه بالكرام فلاح
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: خالد خليل محمد بحر)
|
تحية طيبة
اما بعد
هذه حكومة الفضائح و السرقة و الهمجية....و هذا هو مستواها ال########....اقول للاخوة المتداخلين...لماذ لم يحدث هذا الزمر و الطبل و التبويق و القوادة السياسية و الدفاع عن عاهرات السياسة.....عندما تعرض الطيب مصطفى العنصرى الغبى.... لعرض و اسرة السيد ياسر عرمان.... و اين كانت هذه الابواق النتنة...القبيحة...الجاهله المتخفية وراء جدار الاخلاق و الحق..و الدين الزائف و اجهزة الامن الفاجرة .....ام انكم خائفون ......لان ياسر عرمان ليس لديه اجهزة امن ########ه تدخل الزجاج فى مؤخرات الناس و تتبجح بتعذيب البشر و اهانة الانسان.....ام انكم شرذمة من الجبناء تخافون و لا تختشون....ان من يستخف بشعبه و يقتل جاره و صديقه و رفيق سلاحه و يلقى بهم الى كلاب الامن....لا يستبعد ان ان يفعل ذلك بان يخون و يغدر باقرب الاقربين و مشكلة هؤلاء ليس ما يرتكبونه من جرائم و انما طبيعتهم وتربيتهم الاجراميه المتأصلة فى نفوسهم المريضة.....من يصف شعبه بانه شعب جماعة من الشحاتين, و ابناء ال######...و يعامل شعبه كعبيد و يستخدم بلادهم كضيعة.....و يعتبر التعليم و الصحة و الغذاء ميزة لفئة معينة من الشعب و ليس حقا.....بلاد حكامها اقزام لا تفكير لهم سوى ما تحت السرة.....يعيشون بعقلية القرون الوسطى...هذا هو مستواهم ...اين كانت هذه الابواق عندما تم التشريع لاغتصاب الغرباويات تحت العنوان و التبرير العنصرى لعمر البشير العنصرى...النازى....اين كانت هذه الابواق ال########ة...عندما انتهكت سيادة الشعب السودانى و قيمه و دينه بيد من يدعون التدين فى اكثر من مناسبة و اكثر من مكان..فى لبنان و حلايب و تشاد...و اثيوبيا و غيرها و غيرها......اين كانت هذه الابواق المأجورة المنافقة عندما امعن هذا النظام و تمادى فى اهانتهم و ضربهم بسياط الفقر و الجوع و الجهل و المرض.....انتم مجموعة من الخوافين....الرعاديد المتماهين فى نظام بوليسى هو قمة فى الفساد و الفشل و البؤس... فاليفضح عمر البشير و نظامة الاسن المظلم المزمن كمرض عضال و ليفضح اخوته و اقرباؤه و من لف لفهم بما افسدوا به البلاد فى صدفة من الزمان....زمان شذاذ الافاق.....و ان عدتم عدنا.
حاتم
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: Barakat Alsharif)
|
Quote: برافوووو المناضل عبد المنعم سليمان بيجو ..
اصليهم بي كيبوردك الرشاش .. ايها البطل العظيم ..
اصليهم وما تخلي اي واحد فوقم .. أي قوالات جيبه هنا دا .. وما تخلي حاجة .. وخالد أبو أحمد ظاطووو كان قاليك حاجة .. تعال اكتبه هنا دا ..
برافوو اشد من البرافوو الفوق ديك .. دا الشغل والا بلاش . |
.
البطل المقدام وصاحب الأبهة تمبس رضي الله عنه..
إذا افترضنا جدلاً أن الاخ عباس حسن أحمد البشير غير مذنب وكلام الاخ عبدالمنعم كله قوالات كما ذكرت..الآن الظلم في السودان للنساء غير موجود..؟؟.
جلد النساء على قارعة الطريق في أكبر إساءة لبنى البشر لم تحدث في كل العهد الظالمة حدثت في هذا العهد الذي أصبحت تدافع عنه بكل اعتزاز.
لأول مرة في تاريخ السودان تسجن النساء بجريرة الازواج..بل تسجن الزوجة مع أطفالها، وعندك زوجات منتسبي العدل والمساواة عندما هاجموا الخرطوم في نص النهار..تم اعتقال الزوجات عندما فشلوا في صد الزواج...(هولاء نعرفهن بالاسم وتربطنا بهن العلاقات الاخوية والأسرية..)يعني ما قوالات..
سجون النساء يا سيد تمبس مليئة بالنساء واللائي سُجن في بلاغات كيدية من متنفذين في السلطة والكثير من الناس يعرف ذلك.
ستات الشاي..الضربوها حتى ماتت..وانتو جيتوا نفيتوا..وظهرت الحقيقة فيما بعد..
الاطفال 300 بتاعين المايقوما..لم ننساهم..!!.
طلاب الخدمة الالزامية الذين ماتوا في المعسكرات بالعشرات.. والحكومة معترفة بذلك ولم تنكر ذلك..لكنها تنفي الاسباب وهي السلطة العسكرية التي تحكم المعسكرات..كيف يموت طالب وهي غير مسؤولة عنه..؟.
يعني مركز يا تمبس على أنك تداخل في كل بوست ضد الحكومة بالحق والباطل...؟؟.
إذا كان المعارضون للنظام بتاعين قوالات وأكاذيب ولا يضيعوا فرصة إلا وانتقدوا النظام..انت الحارق عزك شنو..؟؟.
النظام ده يوم من الايام كان عدوك اللدود....؟؟.؟
ما الذي تغير فيه..؟؟.
هل ترك التعذيب والتنكيل بالناس..؟؟..
هل توقف أكل المال العام...؟.
هل توقف اراقة الدماء في دارفور وغيرها..؟؟.
هذه أسئلة يمكن ان يجاوب عليها أي طفل ماشي في الشارع العام وفي اي مكان في السودان..
لكن ما بالك..؟؟
| |
|
|
|
|
|
|
|
|
 Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: khalid abuahmed)
|
| Quote: طلاب الخدمة الالزامية الذين ماتوا في المعسكرات بالعشرات |
وستات الشاي ... والنساء والظلم ..؟ والله لكن شايفك ماشي في تطور كويس يا خالد .. كل مرة شاعر بيك بتتطور في مشروعك النضالي ..
أول حاجة انا طبعا ضد الفكرة بتاعت إنك كنت كوز .. الكوز واضح جدا .. لكن الخوف من النوعية الكانت شغاله بتاكل من وراء الكيزان .. الناس البتجي تقول فلان داك عمل وفلان داك والله بكره ح بيعمل .. طبعا ديل عارفم ناس منو يا بطل ..
اقوليك حاجة خليني اقول عليك بطل عليك الله الناقصك من البطولة شنو ..؟ ناقصك شنو من عبد المنعم سليمان دا وتبقى بطل ..؟ بس فرق بسيط عبد المنعم بيجو خلاص عبر .. وأهو زي ما شايف كل يوم بيتحف فينا بي مقالات اوفر سيز ..
بس إنت لسة عايز ليك وزنة شوية ..
يعني حسع دي كان قلته خير وطلعت الورق العندك بتاع المرة الفاتت داك .. وقلت كدا يا بطولة ووديتو لي اوكامبو والله تكون رافت الهجان عديل كدا ..
لكن البتعمل فوقو دا كلو ما بيخليك تعبر .. يعني بي صورة أوضح .. كلامك البتكتب فوقو دا والله يدين ما ياكلك ليهم
انا عايز الورق العندك الماسك بيهو الكيزان .. يللا لما تطلعو بعداك عربيتك علي .. مش برضو بتحب العربيات ؟؟ عبد المنعم سليمان دا ما تعصر عليهو شديد دا برنامجو براهو وما زول عربات .. وبيلعب على حبل تاني .. إنت عربيتك علي بس كدي دق سدرك .. وتعال طالع بالورق .. اقوليك حاجة ..؟
تذكرتك علي لي لاهاي .. قصرت معاك ..؟
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: مريم عزالدين صديق)
|
Quote: الموضوع عادى جدا والشخصيات العامة يمكن التحدث عنها
|
مريم ياختى عادى كيف يعنى .؟
عشان العباس اخو البشير بيبقى شخصية عامة .؟؟
وبعدين زول بيتكلم فى خصوصيات ناس والناس دي ماشخصيات عامة تقولى عادى جداً ..!!
ختى نفسك فى مكان زوجة العباس دى ، بتقبلى الناس تتكلم عنك فى الاسافير .؟
انا واحد من الناس ماكنت عارف انو ايمان دى كانت متزوجة العباس واتطلقت منو !!
ومليون واحد عرف انها اطلقت والسبب بيجو .؟
الكلام دا كويس يعنى .؟
حاجة غريبة لكن .!!
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: وليد محمد المبارك)
|
الاستاذة مريم
تحياتي واحترامي
هؤلاء المحشودون لا يتحركون هكذا بل هم يتحركون وفق خطة مرسومة تقوم اساسا باستتفاه كاتب الموضوع ومن ثم استتفاه اراءه
لم يوجد بينهم من قال من هي ايمان ؟
وكيف عرف عبدالمنعم قصتها ؟
وهل يوجد من اسمها ايمان على هذه البسيطه وهل هي طليقة ذلك العباس ؟
ووووو ,,,؟
اتو فرادى وجماعات من كل فج عميق منهم الحاقن ومنهم الكاره ومنهم الارزقي ومنهم الاجير حتى جماعة اونسة وفلانه اتزوجت
وفلان عرس اتوا الى هذا البوست ..
باسم نحن سودانيين وانت ما عندك اخوات (في غير محلها) وووو يتم التغاضي عن الجرائم وخاصة لو انها حدثت في دارفور او
الجنوب هنا تظهر حقيقتهم وعنصريتهم ويتوقفون عن ترديد الاسطوانة المشروخة لا اخوان ولا خوات ولا رقص الهنود الحمر
حول النار .. باسم هذا التواطؤ العنصري ال######## يتم ازدراء النساء في البلاد وتتم كذلك عملية تقديس المجرمين
والقتلة والمأفونين .. لم يسأل احدا منهم عن ايمان وابناءها ؟ هكذا عمدا هجموا هجمتهم للدفاع عن سيدهم الذي ظهر قبل
فترة من قال عنه : الغرابية لما يغتصبها شمالي دا شرف ليها
ما ا###### هذا القول وما اقذره .. ماذا حدث للقائل ؟
هاهو كما هو وليس غريبا عليه ان ياتي بما اتى به الآن ..
فكرتنا الرئيسية من هذا البوست هي كيف تظلم امراة بسبب نفوذ الزوج
وكيف تتم السيطرة على السلطة القضائية بالبلاد من قبل الشخص الواحد
وانتهينا بان قلنا ولانه لا توجد عدالة بالبلاد يجب اللجؤ للعدالة الدولية
فهل كفرنا ..؟
لك الاحترام
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عبد المنعم سليمان)
|
Quote: اتى المحشودون غصبا والكارهون وارزقية النظام ومناصريه ولكي يتخلصوا من حديثنا يتم تتفيهنا اولا قبل استتفاه اراءنا وهي
حيلة ماكرة خصوصا لو ان مداخلات ابناء النظام اتت بسرعة كما هو حاصل ..
اولا مالي ومال العباس هذا نكرة من نكرات الزمان اتى به شقيقه الذي اتى في غفلة من الزمان ولا يهمني
من يريد ان يقرأ البوست على حسب هواه والرد علينا بالعاطفة السودانية نحن سودانيين وما بنرضى دا علي كيفو ونقول ليهم ونحن
سودانيين قاعد نرضى الاغتصابات وحرق الاطفال والاعتداء على امهاتهم جنسيا كيف ؟ اليس هذا ما يحدث في دارفور
اين عاطفتكم ..
اما ناس تفففف عليك ومشاطه وووو الخ فلن نرد عليهم ..
والذين يريدون التاثير على القارئ بان هذا الموضوع اي كلام والا لماذا نكتبه ونحن في الداخل .. نقول للقارئ انا نكتب من الخارج
السودان وفي ظل ظروف عصيبة يعتبر دخول الانترنت فيها من الترف والتبذير ..
الموضوع الذي لم ولن يردو عليه :
هو قول المجرم الهارب : شوفي ليك قاضي
هنا اعتراف صريح بسيطرته على العدالة وسقوطها في عهده او تحت (جزمته) كما يررد بلغة متدنية وبذيئة لا تشبه لغة رئيس . |
برضو يعني جيت ورديت علينا! ياخ إنت ما بِتقدر تثبِت دقايِق ... بِالمُناسبة وين الناس الكُنت
بِـتِـتْـدحلس ليهُم وواقِف على طول معاهُم وشابِكُمْ ... يا رايِع ... يا مُفيد ... يا عجيب ... يا مؤطِر الحروف في ذات الكلام ... الناس ديل مشو وين؟ ليه ما بِيجو يِسوو معاك " الأحد " وِكْتين إتْ سويت معاهُم " السبِت " تِتذكر يَوم معركة " ذات الأمثال " كُنت عارِف إنو حيِخلوك براك ... لأنهُم حتى في الشكل والصِراع الإسْفيري بِصارعو بِالأصاله عن نفسهُم وإنت يا حليلك عُمرك ما بِتْصارِع بِالأصاله عن نفسك ... لا لا أنا زول واضِح جِدًا ... أنا كُنت مُنتظِرك في اللفه
فقط تجرأ على قِيمُنا السودانِية فتُنصب أديب ... مُحسِن خالِد مِثال
وجايِني ملف كامِل عنك أيام كُنت في السودان ... حنفِتو هِنا ده ... زي ما بِنكافِح ضَد الحكومة على قدر ما نقدر ، برضو بِنكافِح ضِد أمثالك العاوزين يِلوِثو المُعارضة ... إنت أخطر ...
أنا عزام حسن فرح محمد عبدالحميد ، كُنت مُنتظِر المدعو / عبدالمُنعِم سُلَيمان مِن أكتر مِن سنة علشان أرُد ليهو عفنو المارسو معاي في الرابِط أعلاه ... بس عِندي حاجة واااااحدة ، ما بكضِب ... ما بزّوِر ... ما بتبلى عليك ... كُلو مِن واقِع كِتاباتك مِن مبادئ مِن قِيَمك مِن البِتِدعيهو إنت لِرقبتك ...
أنا كِده فارِس ... لامِن أقبِل على الزول بقول ليهو أنا جيتك ... أنا دايِر أمسح بيك الأرض ، علشان يوم داك إنت سويت كَدي وفعلت كَدي ... ما بتْضارى خلف أقنِعة كاذِبة ... بس ما بكضِب
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
بالله انت مطاردتك لي دي كلها لدرجة دفاعك عنهم بسبب مثل شعبي قالو محسن خالد
والله حاقن ليك سنة ..الله يشفيك
| Quote: جايِني ملف كامِل عنك أيام كُنت في السودان |
الملف دا شنو ؟
دا اسلوب ناس الامن يا راجل وعيب عليك شنو الجاييني ملف عنك
____
خلاص ادوك المهمة ال فشلوا فيها هم لانهم واضحين وجايين يبدلو الشخصيات
بئس المبدل والمستبدل
نصيحة : حتى يصدق القارئ قصة ملفك ارجو ان تسبق ملفي ملف للمجرم عمر البشير
عشان مصداقيتك وكدا
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عبد المنعم سليمان)
|
| Quote: ليس موضوعي ما ركز عليه الاخوة عن عمد (طلاق .. نفقة ..عيال ..الخ) |
بل دي اهم نقطة في الموضوع اهم حتى من كون القضاء لعبة في يد السيد البشير.. كل اتباع النظام لهم سلطة في القضاء وبحكموا دعاويهم كيفما شاؤا
فما غريبةان يتلاعب الرئيس بالقضاء و يفعل ما يريد لصالحه و لصالح اخوه ..النفقة على الزوجة و على العيال فرض فرضه رب عمر البشير و العباس
و كفله ليها القانون .. ظلم الرجل للمرأة و الأطفال ليس من الشجاعة في شي ..لها الله هذة المرأة المسكينة إذ ابتلاها الله بزوج ظالم و بشقيق زوج اظلم
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
| Quote: أنا كِده فارِس ... لامِن أقبِل على الزول بقول ليهو أنا جيتك ... أنا دايِر أمسح بيك الأرض ، علشان يوم داك إنت سويت كَدي وفعلت كَدي ... ما بتْضارى خلف أقنِعة كاذِبة ... بس ما بكضِب |
بس يا سيــد عزام لغة الفرسان واولاد القبائل دي مابعرفا اي زول لأنها لانها ما بتخاطب امثال عبدالمنعم لغة الفرسان فقط للفرسان
اما اللغة المناسبة مع هذا العبدالمنعم فهي لغة ارهاب جهاز الامن اللهم اهلك الظالمين بالظالمين
انا في اللحظة دي شاعر بالامتنان للأمن الذي اعتقل وعذب عبدالمنعم(حسب ادعاءه ) ودي الحاجة الوحيدة الصاح العملا الامن
..
| |
|
|
|
|
|
|
|
|
 Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: حذيفه ابراهيم الكباشي)
|
Quote: نصيحة : حتى يصدق القارئ قصة ملفك ارجو ان تسبق ملفي ملف للمجرم عمر البشير
عشان مصداقيتك وكدا |
إنت مالك ومال القارئ ..؟ يصدق ما يصدق دي حاجة تانية .. حسع يعني القارئ دا يصدق كلامك الكاتبو دا فلانه قالت وفلانه عملت ..؟
بعدين ملف البشير دا ما تخصصك .. إنت خليك في التخصص حقك .. اي حاجة عندنا هنا بي نظام ..
ملف البشير دا تخصص خالد ابو أحمد الصحفي .. إنتصحفي ..؟
خالد أبو أحمد عندو ملف كاتل بيهو ملف .. خليهو يديك صورة من الملف دا .. احتمال ينفعك في المرحلة بتاعت الصعود لي أعلى .. وهو يبقى حاتل تحت كدا .. اصلو هو طبعا من النوع الشمعة يحترق من أجل غيرو ..
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: ابراهيم عوض عمر)
|
Quote: إيمان طلقوها]
[إيمان ما كفوها]
[إيمان مشت لِعباس]
[إيمان قِنعت مِن عباس]
[إيمان عِنت البشير زات نفسو]
[إيمان الله ليها]
حرم يا عبدالمنعم ، ما فضل ليك عِلا السَكَلبا فوق راس إيمان وووووووووب علي يا بِتْ أُمي ووووووووب الراجِل الجدعِك وما سوليكي غيما ... وإنتي صغيرونا يِطلِقوكي بس فيما ... عباس تِتعكس القِدامو يِلقى الفقُر ديما
(عدل بواسطة عزام حسن فرح |
يشير الاصبع الى البشير والفارس يرى الاصبع ولا يرى البشير
لم يرى الفارس عزام بن بوست في البوست سوى ما يتماشى وفروسيته
يا راجل ايمان دي عيب نقيف معاها ؟
ما اهو الرئيس بتاعك ال خاتي القضاء في جيبه هدده فهل تستكثر عليها ببوست كتبه زول ما فارس - والحمد لله
بعدين يا اخوي فراستكم دي شنو ال فيها ووووب وما عارف ايه
امسح كمان تضحك علينا الناس يقولو فارسهم عزام بن بوست بتكلم لغة ما بتاعة فرسان
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: ابراهيم عوض عمر)
|
| Quote: الحكاية والرواية أن السيدة إيمان فتح الرحمن وهي زوجة السيد عباس حسن احمد البشير شقيق عمر حسن احمد البشير وهي أم لثلاثة أطفال منه وقد تزوجته أيام الفقر والحاجة قبل أن يصبح شقيقه عمر حسن احمد البشير رئيسا للبلاد بعد انقلابه على نظام الحكم الديمقراطي آنذاك , |
| Quote: وهي أم لثلاثة أطفال منه |
| Quote: وقد تزوجته أيام الفقر والحاجة قبل أن يصبح شقيقه عمر حسن احمد البشير رئيسا للبلاد بعد انقلابه على نظام الحكم الديمقراطي آنذاك |
البشير ليهو في الحكم بالضبط 21 سنة ..قول واحد كويس معاك ؟
تلاتة اطفال ديل معناها وبكل بساطة كلهم اتولدو في الالفية التالتة وكده ..وعليه فزولتك دي قعدت طاشر سنة بدون ولادة مش ؟(بس اوعا يكون الحنك كانوا عايزين يستمتعو بي الحياة زوجية ) طبعا ده حنك الزول الما عندو رد لي السؤال البايخ بتاع ما بقيتو تلاتة داك !!!
بي بساطة يا منعم الكلام الفوق ده جبتو ليك كمقدمة مضحكة ساي لكن بالجد ت ازعجني كضبك ده ياخ ..
اثبت لي إنو الزولة دي إتزوجت شقيق عم البشير قبل ما يبقا رئيس وليك علي بعد مااسمع كلامك بجيب ليك لقطة من صور العرس ولو اتحرجت شوية بكتفي ليك بي كتابة تاريخ الزواج والعاقبة عندكم في المسرات ..
تخريمة :
قال ليهو أها ما بقيتو تلاتة ؟
قال ليهو أيوة ..جبنا خدامة ..
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: ابراهيم عوض عمر)
|
Quote: وهل هذا سيغير في الامر ؟ عجيب !!
طيب قول قبل ان يتمكن شقيقة بعد المفاصلة وتدفق ثروات البترول |
لالالا يا عبد المنعم ما تتشوطن علي لو سمحت ..
نعم سيغير الأمر ..لأنك ببساطة وقتها حا تكون جبت معلومة مغلوطة وهي أساس فتحك للموضوع من أصله مش؟
يعني باختصار يا صحفي يا شفت إنت بنيت كللللل كلامك اللاحق على المعلومة دي مش؟ وإلا لو ما ما كان ح تغير في الأمر ما كنت جيت كتبتها لينا هنا من البداية مش؟
طالما إنت قررت تدخل بيوت الناس والبيوت أسرار يبقا يا عمك بيفرق كتييير وسيغير الأمر..
انت فكرتك اسااااسا قامت على المعلومة دي وعايز تقول إنو الزولة دي إتزوجتو ايام الفقر وبعد اخوهو بقا رئيس قام إتزوج زولة تانية مش ياهو ده كلامك ؟
انا ما حا امشي معاك كتير وما حا اجيك تاني بس عندك واحد من حلين :
يا تشيل المعلومة دي تحدييدا وتقول معليش يا جماعة انا غلطت في المعلومة دي .
يا تواصل وتتمسك بي رائيك وتثبت لينا صحة المعلومة لأنو ممكن كلامك يكون صاح ..
تخريمة :
بالمناسبة الزوجة التانية قريبتهم برضو عشان ما راسك يمشي بعيد وتقول الزول ده بعد اخوهو بقا الرئيس مشا اتزوج شقيقة الملك حسين بالمملكة الأردنية سمح ؟
ونصيحة مني ليك وقف البتسوي فيهو ده لأنو عيب عليك والله ..وما تضطراني اجي احكي ليك بي تفاصيل ادق وامسك ليك سطر سطر سمح؟
عليييك الله عشان انا تاني ما داير اجي هنا
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: فدياس نجم الدين)
|
Quote: إنت مالك ومال القارئ ..؟ يصدق ما يصدق دي حاجة تانية .. حسع يعني القارئ دا يصدق كلامك الكاتبو دا فلانه قالت وفلانه عملت ..؟
بعدين ملف البشير دا ما تخصصك .. إنت خليك في التخصص حقك .. اي حاجة عندنا هنا بي نظام ..
ملف البشير دا تخصص خالد ابو أحمد الصحفي .. إنتصحفي ..؟
خالد أبو أحمد عندو ملف كاتل بيهو ملف .. خليهو يديك صورة من الملف دا .. احتمال ينفعك في المرحلة بتاعت الصعود لي أعلى .. وهو يبقى حاتل تحت كدا .. اصلو هو طبعا من النوع الشمعة يحترق من أجل غيرو .. |
.
الاخ تمبس
برغم انك تخاطب منعم..لكن دعني أهنئيك على النهج الجديد في تعامل مع الردود بدون إساءات وهرج ومجر كما كنت تفعل سابقاً..وكلما الواحد رد عليك في بوست تأتي بالصور التي نشرتها أنا بنفسي على عدد من المواقع وتأتي بها وكأنها سُبة..وبذلك كنت تخيف الناس حتى لا يجاريك احد كانوا يبتعدون عنك.. وشايفك مرتاح جدا جدا على أن بتخوف الناس وتأتي بصورهم ومعلوماتهم الخاص من مصادرك التي اعلمها..
المهم كويس جدا هذا الرقي..أهو برضو يا سيد تمبس نتعلم منك..
والشئ التاني منو القال ليك انا متخصص في ملف عمر البشير أنا تخصصاتي أكبر من كده كتير..
خليك من ملف البشير وما أدراك ما منعم..قلت شنو في أسئلتي...؟؟؟.
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
ومن الذي قال لك بانك ضد مذكرة اوكامبو ؟
انا ليست لدي اي فكرة مسبقة عن موقفك في هذا الامر ولم اقل ذلك ولا ينبغي لي
انت قلت بانك ستفتح ملفي حال وصوله من السودان
فسالتك هل الاولوية تلفيق ملفق لي ام ملف للمجرم الجاثم على صدور الشعب هناك
___
الاخ عمر الفاروق
Quote: ثبت لي إنو الزولة دي إتزوجت شقيق عم البشير قبل ما يبقا رئيس وليك علي بعد مااسمع كلامك بجيب ليك لقطة من صور العرس ولو اتحرجت شوية بكتفي ليك بي كتابة تاريخ الزواج والعاقبة عندكم في المسرات ..
|
وهل هذا سيغير في الامر ؟ عجيب !!
طيب قول قبل ان يتمكن شقيقة بعد المفاصلة وتدفق ثروات البترول
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
Quote: الملف دا شنو ؟
دا اسلوب ناس الامن يا راجل وعيب عليك شنو الجاييني ملف عنك |
حلاتك إنت يا تلوش ... الملف ده وارِد ناس المُعارضة ... سألناهُم الزول ده معاكُم ... والإجابة جايه في السِكه ... وبعدين يا عبدالمُنعِم ، لو ناس الحيكومة أدونا معلومة عنك وتأكدنا مِنا برضو بِنعْتمِدا ، ما إنت مُعتمِد أوراق الحيكومة مُش عِندك بِتاغة شخسية وباسبورط وجنسية وشِهادة ميلاد أو تسنين وشِهادة مدرسية أو جامِعِية وكرت صحي مرقت بيهو مِن البلد وخلو طرف مِن الإلزامِية وخروجِية ... تَيِب ... لو جاتنا معلومة مَوسغه كَدي ما حتو بِنعْتمِدا ، مفيش مانِع وبِنأصِل الحركة دي بِـ" أطلبوا العِلم ولو في الصين " أها الصين دي جاتنا فوق بلدنا نهمِلا ساااي كَدي
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عبد المنعم سليمان)
|
Quote: القضاء لعبة في يد السيد البشير.. كل اتباع النظام لهم سلطة في القضاء وبحكموا دعاويهم كيفما شاؤا
فما غريبةان يتلاعب الرئيس بالقضاء و يفعل ما يريد لصالحه و لصالح اخوه ..النفقة على الزوجة و على العيال فرض فرضه رب عمر البشير و العباس
و كفله ليها القانون .. ظلم الرجل للمرأة و الأطفال ليس من الشجاعة في شي ..لها الله هذة المرأة المسكينة إذ ابتلاها الله بزوج ظالم و بشقيق زوج اظلم |
شكرا الاخت سناء على تضامنك النبيل مع السيدة المظلومة من شقيق المجرم الدولي
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عبد المنعم سليمان)
|
منعم إزيك
الموضوع دا كتب فيهو العمدة هشام هبانى قبل أكثر من ثلاثة شهور
وأنا عملت مداخلة عن هل يعتمد على من لا يستطيع حل مشاكل أسرتة
ولو بالوساطة والجودية وهل يستطيع مثلة حل مشاكل بلد
حقيقى ما ذكر فى بوست هشام هبانى مسألة مقابلة السيدة
إيمان للأجواد الجعلى الحمش وكيف كان رده
كما لم يذكر هشام هبانى تفاصيل ما ذكرت
ولذلك أعاود الرد أو التداخل مرة أخرى هل مثله من
يحل مشاكل قرية صغيرة خليك بلد متعددة الأعراق والأجناس والديانات
وهل يمكن أن نثق فى قضاء هذا راى رئيسه
وهل القضاء والقضاة فعلا مستقلين فى هذة البلد
المثال المطروح مهم جدا وحاله تستحق الدراسة
إثق تماما فى ما أوردته وما أورده قبلك هشام هبانى
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عوض الصديق)
|
Quote: ومن الذي قال لك بانك ضد مذكرة اوكامبو ؟
انا ليست لدي اي فكرة مسبقة عن موقفك في هذا الامر ولم اقل ذلك ولا ينبغي لي
انت قلت بانك ستفتح ملفي حال وصوله من السودان
فسالتك هل الاولوية تلفيق ملفق لي ام ملف للمجرم الجاثم على صدور الشعب هناك |
لا أنا عاوِز أوريك نوع الفراسا الراكباني مشيت لِغاية السِفارة وسجلت تأيدي لِمُذكِرة أوكامبو أمام شاشة قناة الجزيرة وفي حضور كامِل طاقِم السِفارة السودانِية بِقطر ، وقطر والسودان بِمثِلو أحسن عِلاقة مُمكِن تقوم بِين دَولتين ، يعني كان مُمكِن ناس السِفارة يِرجِعوني السودان خِلال دقائِق ، وأنا عارِف كِده وكُل السودانِيين الفي قطر عارفين قُوة العِلاقة بين قطر والسودان ... وبرغم ده كلو مشيت فارِس وقُلت القُلتو ومرقت ... أنا بتكلم عن الزول لامِن يِعارِض بِأخلاق الفُراس بِكبر في نفسو وفي عين الآخرين ... إنت مُعارضتك مُعارضة مشاطات [طلقة/عرس واحدة أصغر مِنو/ما أدى إيمان مِكفي ... إلخ]
وبعدين إنت عاوز لامِن تقول لِعزام أفتح ملف لِلمُجرم عُمر البشير ، أقوم أجري أفتح ملف ليهو ... ده بنفع مع زول إمعه زَيك ، مُش مع عزام فرح
ياخ إنت لو عاوِز ليك جواز ولجوء أنا بوريك طريقة أنضف وأنبل مِن البِتْسوي فوقو ده
وبعدين إنت كاتِب في أول المقال :
Quote: ما فعله عمر البشير بزوجة شقيقه ؟!!
كتب : عبد المنعم سليمان |
كتب دي شنو؟ هل المقال ده نزل في صحيفة مثلاً ولا عاوِز توحي بِكِده؟! ده سؤال ... أهو إنت بِتسأل ونِحنا بِنجاوِب ليك
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
| Quote: سألنا ناس المعارضة الزول دا معاكم |
يا زول انت قايل المعارضة دي كنتين يماني ولــ شنو عشان تمشي تقول ليهم في ؟ يقولو ليك يفتح الله
يا زول قول كلام يصدق .. ول المحرش ما بكاتل
___
بعدين يا الفارس انت الكلام ال مشيت قلته في السفارة دا نحن قلناه في وسط الخرطوم حيث المجرم ينوم
قلناه في قلب جامعة الخرطوم في ندوات بنجيلة اداب امشي اسال دكان المعارضة المزعوم بتاعك
وفي تضامن لحركة قرفنا امشي اليوتيوب
وكتبناه في مقالات مشهودة ويمكن لمن الملف يجي ننزلوا ليك كمان بالاسكانر ,,
وما قلنا نحن فرسان ولو لم تتطرق انت للموضوع لما كتباه والله ..
يعني بمنطقك دا طلعت انا ال ما فارس دا وما عندي حصان كمان طلعت (أفرس ) منك
لكن برضه متنازل ليك من الفروسية دي .. تستاهل يا فارس
___
يا اخي منظرك بايخ وانت بتدير حرب بالوكالة لجهات اخرى لمجرد انك كايس لي من سنة عشان وقفت مع محسن خالد ال هزاءك
انا لو اكنت اريد اللجوء السياسي لتحصلت عليه بعيدا عن منبر بكري هذا وقبل سنوات وسنوات
فلدي من المسوغات القانونية والاخلاقية ما يجعل طلب لجوئي مقبولا وباسرع فرصة
انت قايل اللجوء دا حياته سهلة عشان الناس تسعى اليه ول مفكرو قروش وزوجة وعيال وعربية ..ال
ياخ ما يلقونك الكلام وتجي جاري تخته ساااي
اكبر
انت فارس ياااخ
___
بعدين ياخ كونوا انا اخدت او ساخذ حماية قانونية دولية اليس هذا معناه ان هناك ما يستوجب الخوف والهرب منه
طيب يا فارس شوف لينا ال بخوفنا دا وخلينا نرجع بلدنا بلا خوف او لجوء
بدل مطاردة الضحايا والمقهورين
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
لا ياخ ما قصدي كدا ولا بلمح لكده ولا جاء علي بالي
انا برد على فراستك بفراسة مثلها وقلت ليك الحه بالتحديد ال انا قلت فيها البشير يجب ان يسلم
زي ما انت قلت لي في السفارة السودانية بقطر ..
يعني قلنا ليك الحدث مكانه نجيلة اداب والسنة 2009م واقام الندوة لجنة دعم التحالف الديمقراطي في الجامعة
واتكلمنا فيها انا وياي جوزيف ودكتور القراي والاستاذ محجوب شريف ..
يعني لا تقولني لا تلف لا تدور ..
اها كدا انا بقيت فارس ول لا ... برضه متنازل ليك
ثانيا كيف يا زول انا بتهمك ساي
شوف انت قبل يومين كنت بتكتب عني كيف وكت كنت بتخاطبني على اني بكتب من الخرطوم ؟؟؟!!
في بوست او بوستين كدا وردوا عليك الناس وانا رفضت الرد عليك لاني عارفك محرش
ولا رد لمحرش او حاقن
___
فك بعافية وعلى من اراد التضامن مع هذه السيدة الفاضلة فله
ولن تثنينا العواطف والتهديدات والابتزاز والاتهامات الكذوبة
سنعري المجرم العاري ونترك الناس يرون عورته لكي يقولو له
انت عاري
لكم الشكر
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عبد المنعم سليمان)
|
| Quote: واتكلمنا فيها انا وياي جوزيف ودكتور القراي والاستاذ محجوب شريف .. |
فارِس ... بس السؤال إنت لامِن إتكلمت ، قُلت شنو؟ ما تخلعنا وتقوم تقول لي "محجوب شريف" يا خوي ده يِلِمو فوقو وين علشان يِتأكدو مِن كلامك ... خلينا في الأول نثبِت كلامك ... إنت قُلت في الندوة شنو؟
بس حِكاية تبريرك بِتاع جامعة الخُرطوم مااااا راكِب عدلو ...
| Quote: قلناه في قلب جامعة الخرطوم في ندوات بنجيلة اداب |
ما علينا ... وين مقالاتك ... أمثِلة يعني
ـــــــــــــ
Quote: شوف انت قبل يومين كنت بتكتب عني كيف وكت كنت بتخاطبني على اني بكتب من الخرطوم ؟؟؟!!
في بوست او بوستين كدا وردوا عليك الناس وانا رفضت الرد عليك لاني عارفك محرش |
والناس المُحرِشيني ديل ليه ما حدثوني إنك ما في الخُرطوم؟
وبعدين مُحرش كيف وأنا جيت وكتبت ليك إني لابِد ليك مِن 15 شهر
ياخ مُحرش شنو ... أنا الوحيد في سودانيز أونلايِن دي البقول لِلزول أنا < لابِد ليك > وبكتِب عِنواني البريدي في العمود وبطلُب مِن الناس في العمود عديل كِده إنها ترسِل لي معلومات عن زول مُعَين ، زي ما سويت في ملف < تراجي > وفي ملفك ... يعني مُنتهى الشفافِية ، ولامِن تجيني معلومة وأتأكد مِنا بنزِلا ، ده إسمو تحريش؟
| |
|
|
|
|
|
|
|
|
|
Re: فضيحة : ما فعله عمر البشير بزوجة شقيقه ..؟! .. دعوة للمحكمة الجنائية الدولية (Re: عزام حسن فرح)
|
من اين تاتون بكل هذا الكلام العجيب .. لا حولا ولا قوة الا بالله :
حسي العباس دا يدو اللحاقة دي كان لحقتك وقام ..,ووط كدا ...شـــر ليك عديــــل كدا بكون غلطان؟
كان حشر فيك قزازة بكون خاتي عليك؟؟
عليك الله دي سُوات رُجال ... الله يِلعنك ياخ مِحِل تقبِل وِكْتين خليتني أضامن مع عُمر البشير القاتِل الهاتِك السارِق ... تفووو عليك
Quote: تفووو عليك
الشويه دي ؟
ياخي التفاف كده بيزعل على المقرّبين من هذا المريض "عبد المنعم سليمان" أن يأخذوا بيده إلى شاطئ الإنسانية والكرامة والنبل والشهامة فهو في بحر الرزيلة غارق, دون ذلك انا ما قلت ليك يا منعم انت من جيت البيت
خلاف فلانه عملت وفلان سوى وداك خصي وديك عندها الدورة ما عندك شغلة
يا زول انت مشكلتك شنو ؟
انا ما قلت ليك يا منعم انت من جيت البيت
خلاف فلانه عملت وفلان سوى وداك خصي وديك عندها الدورة ما عندك شغلة
يا زول انت مشكلتك شنو ؟
| |
|
|
|
|
|
|
| |
عبد المنعم سليمان
علاء الدين يوسف علي محمد
jini
Hussein Mallasi
أحمد ابن عوف
MOHAMMED ELSHEIKH
عبدالوهاب علي الحاج
امير مصطفى احمد
مزمل خيرى
فدياس نجم الدين
حذيفه ابراهيم الكباشي
أبو ساندرا
عزام حسن فرح
محمد عبد الماجد الصايم
قسم السيد الحاردلو
سيف اليزل جعفر عبد الرحمن
Frankly
Abureesh
tmbis
خالد خليل محمد بحر
khalid abuahmed
Mohamed Abdelmotalib Hassan
مريم عزالدين صديق
cantona_1
سناء عبد السيد
عمر الفاروق
هشام هباني
عوض الصديق
زينب بدر الدين
عمر عبد الله فضل المولى
نور الدين عثمان
وليد عبد اللطيف
EMU إيمو
فيس بوك
تويتر
انستقرام
يوتيوب
بنتيريست