|
|
|
 Re: وزير التربية عيب عليك ,, وكمان في رمضان (Re: عمار عبدالله عبدالرحمن)
|
انت ياوزير يعنى
ما عارف ان قريشاتنا ما كفت حاجات رمضان ,, واقتصرنا على المهم,,
وشايلين هم العيد ومصاريفو ,,,
عشان المدارس تفرض علينا اتاوة جديدة ,,, وفي الظرف ده
| |
 
|
|
|
|
|
|
|
|
Re: وزير التربية عيب عليك ,, وكمان في رمضان (Re: عمار عبدالله عبدالرحمن)
|
اليوم جات بنتى من المدرسة ,, (الخرطوم القديمة)
متعبه وبادي عليها التعب ,,
ظنيت الصيام ارهفها
جلست جنبى مهمومه ,,
سالتها ماليك الصيام متعبك ولا شنو
سكتت ,,,,,,,
قمت افتح ليها المكيف (لان ما قاعد نفتح الا للضرورة القصوى عشان الكهرباء تكمل الشهر)
قالت لي انا ما تعبانة من الصيام ,, وبدل من اربت عليها بحنية ربتت هي علي بحنية
قلت ليه في شنو
مديرة المدرسة قالت لينا تدفعوا مساهمة الاباء..
قلت ليها ما في مشكلة ,, ظنيت مبلغ بسبط
قالت يا ابوي قالت 200.000
الدنيا بق لي لون كوبية ,,
| |
|
|
|
|
|
|
|
|
|
Re: وزير التربية عيب عليك ,, وكمان في رمضان (Re: عمار عبدالله عبدالرحمن)
|
لما انتقلت بنتى من مرحلة الاساس (مدرسة خاصة) الى الثانوي مدرسة حكومية ,,
كنت مبسوط وانا اسقط بند مكلف جدا في الميزانية,,,
عندما فتحت المدرسة (الان في الصف الثاني) الرسوم 250.000 (ما قلنا حاجة اهو اخف من المدرسة الخاصة)
اشترينا الكتب من مكتبة الجامع الكبير ب 350.000 ,,
الترحيل بالشهر ,,, كل شهر 80.000 (ما احتجيت رغم انه الترحيل يتغيب على كيفو)
اه الان دايرين من 200.000 ,,
يعنى الشغلانة شكلها ماشة اكتر من المدرسة الخاصة ,,,
وما معروف بكرة حتطلبوا شنو ,,,
| |
|
|
|
|
|
|
|
|
|
Re: وزير التربية عيب عليك ,, وكمان في رمضان (Re: عمار عبدالله عبدالرحمن)
|
العزيز مرتضى
| Quote: سلامات عمار رمضان كريم وربنا يكون في العون وزارة التربيه بقت بتوفر مكان المدرسه وماهية الأستاذ مره مره لكن باقي الإحتياجات دي متروكه لحرفنة المدير والمعلمين إتخيل في مدارس بتدفع الطلاب حق الكهرباء !! |
يظهر ان علينا ان نوفر ايضا حق الوزراء
وزير اتحادي + وزيرة دولة + زائد كم وزير ولائي ,,,
ربنا يستر بكرة يطلعوا منشور بدفع رسوم بدل مجاملات لزوجات وازواج الوزراء ,,
يا رب اقلعهم ,,,,
| |
|
|
|
|
|
|
| |
عمار عبدالله عبدالرحمن
مرتضى احمد عبد القادر
فيس بوك
تويتر
انستقرام
يوتيوب
بنتيريست