واحد زلمي لبناني مهاجر في السويد رزق بطفل ذكر والأمر هنا عادي ، أها قعد يفتش في الإنترنت عن إسم لطفله وبرضو الموضوع أكتر من عادي لكين الما عادي إنه الراجل زهج من البحث في الإنترنت ولم يجد أى إسم يتوافق ومزاجه فقام على طول مسمى إبنه بإسم محرك البحث google هذا هو اول طفل اسمه google في العالم , على اسم موقع البحث الاكبر في العالم , وقد قام الاهل باعطاء المولود هذا الاسم , نظرا لشهرة موقع google في العالم المهم ناس موقع جوجل سمعو بي خبر التسمية وقربو يجيبو للبناني خروف سايبيري أو كيس حلاوه بالإيميل طبعاً لكين أكيد بعث الموقع للعائلة مجموعة هدايا قيمة للطفل ولهم. وقد تطرقت الكثير من المواقع الالكترونية الى هذا الطفل الذي حصل على اسم موقع انترنت. وقد سمعنا في السابق عن اطفال تم تسميتهم على اسم لاعبي كرة قدم وفرق كرة قدم وغيرها ولكن على اسم موقع انترنت هذه اول مرة.. وهذا هو الطفل الذي قد يصبح في المستقبل باحث كبير. هذا هو اول طفل اسمه جوجل في العالم , على اسم موقع البحث الاكبر في العالم يعني تجي الواحدة لي أبوها وتقول ليهو يا أبوي قوقل بحبني وداير يعرسني أو يجي الولد لي أمه ويقول ليها يمه أخطبوا لي بت ناس قوقل أنا مكسر فيها. أظن بدل نقول إسم النبي حارسه للمولود حا نقول الآنتي فايروس حارسو
07-11-2010, 09:44 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 10986
ود شيقوق الجي ميل شنو يا زول كمان إنتو الجمال زاتها سفن الصحراء ما بتقولو ليها جمال بتقول عليها إبل وفي رواية أخرى ألبل أها داير تسمي شوف ليك حاجه من مرادفات أو مشتقات إبل وألبل ولو مفتون شديد سميهو أبل وجيب ليهو حلاوة ماكنتوش وأهو يبقي apple mac وكلها تقنيات.
07-11-2010, 10:26 AM
almulaomar
almulaomar
تاريخ التسجيل: 07-08-2002
مجموع المشاركات: 6485
الله لي قوقو يا حلاة قوقو شكراً يا سني يا جميل على مرورك من هنا الأيام دي لا أنصحك بزيارة السودان فالدنيا حر شديد والطماطم بح والمويه تيك فأديها صنه يمكن ينصلح الحال.[/B]font>
07-11-2010, 10:30 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
الطماطم ولا الدوت نت يا ود الصايم وضح أبن أفصح نحن من شدة الحر مخنا فار وبذلك بقت حكاية فهمنا للأشياء مخستكه جدا أو زي ما بقول عمك عبد الله عايره وأدوها سوط "ما إنتخابي يا منقه"
07-12-2010, 10:02 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
كسره: هسي بالله عليك لو غلطت وختيت النقطة في حرف الجيم فوق يعني بدل جوان تبقي خوان ما كان ملك إسبانيا مسح ليك شنبك بي منتجع و كمية بتاعت تيران لي السمايه خاصة في ظل الظيطه التي تشهدها البلاد بمناسبة فوزهم بكأس العالم. دقست يا عمك أو زي ما قال وردي "دي فرصة ########تيها (دكشنري بكري أبوبكر دا جن ولا شنو واحد عايز يكتب كلمة ض ي ع ت ي ه ا يقوم يشطب لي عليها أكتبها بالإنجليزي يعني ولا شنو. وبالذمة أخير كلمتي دي المست غرور الرقيب في المنتدى ولا سيقان الملكة صوفيا التي أوردتها الزميلة تراجي) وتاني وين تلقيها وزي ما مكتوب في حافلة ناس مونج الشغالة في خط الشعبية الخرطوم "تلقاها عند الغافل"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة