|
|
 عاودنى الحنين وفؤادى تاعبو الشوق توجد زكريات
|
السنه المضت فى نفس التاريخ والدنيا خريف ورمضان
مرقنا انا احمد يوسف ابوحريره رحلةزى اليومين ديل
اهاوجودى فى الرياض محبوس وللظروف احكام واليومين ديل
السودان جؤها خريفى كل شى فى محلو الا انا احمد بى هناك
والسودان بى هناك الا انا زى الصيده
القال الفيها الفرجونى القصيده وغناها يوسف اخوه بقول فيها
الشافك على كسمور ملاده حرايقك
ما كان جابك السجن الحديدو بضايقك
سوف انزل جزء من الرحله مع نميم محمد ربابه فى البطانه
|
|
 
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: حمزاوي)
|
Quote: إذا البطحاني شيخ القبيلة
المساح دمع البكى
وشيال التقيلة
سيد الرجال العمسيب
يريد ان يسامرنا
فعلي الجميع المتابعة
فالمتعة في نشوق البطانة
أها متابعين |
الخال حمزاوي،،
تتحدث هكذا وكأنك كنت معنا على مائدته يوم الخميس الثاني من رمضان،،
أكرم وفادتنا بشهي الطعام وحسن الكلام وأنيق الأستقبال من الأسرة الكريمة،،
صحبة رائعة مع الريس أبو جهينة ، وجلسة أروع في دياره الجديدة بالحي البعيد داك
الأسكان،،
الامين البشاري كان هادئاً بجواري ليس كما يبدو عصياً في صفحات البورد،،
وعرفت ان بعض البورداب كان مدعواً وحالت ظروف بعضهم دون وصولها،،
وطارق جبريل أيضاًُ كان له طبقاً من بين ثنايا المائدة حيث تلى لنا أبو أحمد
جزء من كلام طارق مشيول الحال ، والله ياطارق الأرباب طابع كلامك عن (الحفرة)
ويجيد قراءته بنفس لكنتك التقول جابك قدر كريمي قبل اسبوع،،
جعلها الله دياراً معمورة دائماً بالوئام والمودة ومجبولة كالعهد على إكرام الضيف
وتجسيد المعاني الرائعة لمورثاتنا الحق،،
شكرا ياخالد وأم أحمد ، والدكتور أحمد ،،
الله يقدرنا على الجمايل ،،
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: عبد اللطيف بكري أحمد)
|
Quote: الامين البشاري كان هادئاً بجواري ليس كما يبدو عصياً في صفحات البورد،،
وعرفت ان بعض البورداب كان مدعواً وحالت ظروف بعضهم دون وصولها،،
وطارق جبريل أيضاًُ كان له طبقاً من بين ثنايا المائدة حيث تلى لنا أبو أحمد
جزء من كلام طارق مشيول الحال ، والله ياطارق الأرباب طابع كلامك عن (الحفرة)
ويجيد قراءته بنفس لكنتك التقول جابك قدر كريمي قبل اسبوع،،
جعلها الله دياراً معمورة دائماً بالوئام والمودة ومجبولة كالعهد على إكرام الضيف
وتجسيد المعاني الرائعة لمورثاتنا الحق،،
شكرا ياخالد وأم أحمد ، والدكتور أحمد ،،
الله يقدرنا على الجمايل ،، |
الاخ الوجيه عبد اللطيف بكرى
شكرا على تكبدكم المشاق من اقصى الشمال الى اقصى الجنوب
مع الريس ابوجهينه الذى اقترح عليك ان يدفع معك النص فى مخالفة
المرور بسبب السرعه وانتم فى طريقكم الينا
شكرا يازول يانيل فوجودكم معنا تشرفنا به كثيرا
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: حمزاوي)
|
Quote: إذا البطحاني شيخ القبيلة
المساح دمع البكى
وشيال التقيلة
سيد الرجال العمسيب
يريد ان يسامرنا
فعلي الجميع المتابعة
فالمتعة في نشوق البطانة
أها متابعين |
حمزاوى كلمة نشوق دى جبتها من وين والله رطانى ونجح
طبعا اليومين ديل كل الناس ناشقه الى البطانه
ما برجعوا الا بعد عيد الضحيه تلقاهم بيوتات بيوتات
فوق الحدبه ديلك اولاد فلان وديلك اولاد علان
والبيوت من الشعر والبروش
والابل والغنم يشبعن من طرف الفريق
بت ام ساق على طرف الفريق اتعشت
تحياتى يازول love you
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: خالد المحرب)
|
سلام شيخ العرب وتقبل الله الصيام والقيام
الحديث عن باديتنا السودانيه حديث ذو شجون وذو طعم ومذاق خاص جدا
لايدركه الا من عاش في هذه الباديه وعايش اهلها عن قرب
تعرف لى مشاهيد الرقاد والفَره
فلاًخ المصب بيهو بتبين تِتوره
فوق حيا فوق مَحَل من الصعيد مِنجره
شاحد الله الكريم ما تلقى فيهو مَضَره
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: الكباشى البكرى)
|
Quote: سلام شيخ العرب وتقبل الله الصيام والقيام
الحديث عن باديتنا السودانيه حديث ذو شجون وذو طعم ومذاق خاص جدا
لايدركه الا من عاش في هذه الباديه وعايش اهلها عن قرب
|
مرحب الكباشى ود كباشى القوم
والتحيه عبرك الى كل اولاد الكباشى
من قومة الجهل ولداً مميز عومو ***وحافلات الخيول فيهن بكتر كومو
خليفة المنتظر عمارة جاك ما تلومو ** جاك كبش الضحية الليلة آخر يومو
من قومة الجهل ولداً ولو بضارة ** يعصر الكيك على الحرب البتوقد نارة
جاييك بامتثال ود عزة النقارة **** خليفة المنتظر قول السماح لي عمارة
من قومة الجهل بركب على المتشابي * وحافلات الخيول فيهن بعزل النابي
خليفة المنتظر عمارة جاك مومابي *** حلفتك بالرسول تقوله من أصحابي
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: طارق جبريل)
|
ود المحرب
ان عاودك الحنين واتعب فؤادك الشوق
فما عليك الا تنفيذ ما اتفقنا عليه.
تعال ان شاء الله ردف مع عمك ودالشريقاوي ده:
خبارو العادي أصبح بصرو غازّو شمال
أخاف هفـّالو بُريب الضرا الوقـّال !
رايهوبن جمالو طبيعي ماهو دلال
إت بتواغلو يا أب لبـّة القفاك وشـّال
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: Ahmed Yousif Abu Harira)
|
Quote: ود المحرب
ان عاودك الحنين واتعب فؤادك الشوق
فما عليك الا تنفيذ ما اتفقنا عليه.
تعال ان شاء الله ردف مع عمك ودالشريقاوي ده:
|
احمد كيفك اها شديت وبسم الله
بينَــــــك وبيِن بِلـــــودْ العِنْدو فُوقْنَا حَقوقْ
جَاكْ صَيَّا مَفَاســــــِح وفي وطَاطُو شِقُوقْ
عَلى سُكــــــــّرْ نبات الفي العِــــلبْ مَدْقُوقْ
قَمــــــــــــاري الجَالسَة خَلّيتِنْ يَسَوّنْ قُوقْ
معليش كت غايب دايرين نتونس فى البوست كل مره بجونا ناس
الليلى ماجاكم مطر
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: خالد المحرب)
|
أول شي رمضانك كريم يا ود المحرب ..
و الله بالحيل متذكرين الرحلة بتعاتك مع البندقيّة و الوليدات لي بطانة الخير و الصور و الحاجات السمحة ديك العرفتنا بيها السهل و الوديان الخلابة ديكـ , لكين ما مشكلة يا ود أخوي السنيين جارية و أكيد لوربنا أدي العافية و الصحة إنشاء الله نلقاك مرة تانية في البطانة و إحتمال نمشيها سوا ..
بس يا ود المحرب الغربة دي بطال خلااااص و السنيين جارية فيها زي الهواء , انا شخصيا دي أول مرة أتغرب فيها عن أهلي و أعيش براااي , بس عرفت الفرق و اليوم كا بيمش براحة وبي رزانة وبي مواضيعوا الكتيرة في ارض الوطن , بس هنا كل ما ترفع يدك وتعاين للساعة تلقي اليوم إنتهي و شتت , الفايدة الوحيدة الفي الغربة دي إنو رمضان ما حاسين بيهو و وقت الفطور بيجي سريع خلااااااص .
ما عارف عندكم كيف؟
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: Ahmed Yousif Abu Harira)
|
أبو أحمد
الا انا احمد بى هناك
والسودان بى هناك الا انا زى الصيده
القال الفيها الفرجونى القصيده وغناها يوسف اخوه بقول فيها
الشافك على كسمور ملاده حرايقك
ما كان جابك السجن الحديدو بضايقك
و لا يهمك
أعمل ليك جو مشابه - تقليد يعني ، أمشي البر نهاية ( التنهات جنوب غرب الرياض ) و شيل معاك الشية و الذي منو و سوق معاك عشاق النمة و المسادير
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: ابو جهينة)
|
Quote: و لا يهمك
أعمل ليك جو مشابه - تقليد يعني ، أمشي البر نهاية ( التنهات جنوب غرب الرياض ) و شيل معاك الشية و الذي منو و سوق معاك عشاق النمة و المسادير |
الريس ابوجهينه التنهات هنا والكربه والسهول الخضراء
والهواء البزبجنى البى الهناك داك ماعندو مثيل
لكن نقول ما قاله اللمين ودخير
وين القا الخفيف لمسو ومنجح كوعو
وين القا اللزم وقر الشديد فوق جوعو
ولكن لامانع من ان نفعل رحله على راى ابويمن
فى العيد وبكون الجو برد شويه ونجيب طارق مرغنى
يغنى ليناالبى دلالو مالو شكرا تحياتى
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: احمد محمد بشير)
|
Quote: بس يا ود المحرب الغربة دي بطال خلااااص و السنيين جارية فيها زي الهواء , انا شخصيا دي أول مرة أتغرب فيها عن أهلي و أعيش براااي , بس عرفت الفرق و اليوم كا بيمش براحة وبي رزانة وبي مواضيعوا الكتيرة في ارض الوطن , بس هنا كل ما ترفع يدك وتعاين للساعة تلقي اليوم إنتهي و شتت , الفايدة الوحيدة الفي الغربة دي إنو رمضان ما حاسين بيهو و وقت الفطور بيجي سريع خلااااااص .
ما عارف عندكم كيف؟ |
الاخ احمد حبابك
ات اتغربت يادوبك يعنى اعلنت الانفصال يادوب من الوطن
ومشيت وين فى بلاد الله
فى الغربه لان الوقت مليان والبرنامج شغل والباقى نوم
وقنوات فضائيه ونت وطبعا فى السودان التلفزيون تجيه
جارى والنت ايضا كترة الفواتح طبعا رمضان هنا لان التكييف
فوق راسك 24 ساعه
قت لى عنكم كيف عندنا كمان فوق دا كلو مكه المكرمه والمدينه المنوره
مافى احسن من هيك وضع تحياتى
| |
|
|
|
|
|
|
|
|
|
Re: عاودنى الحنين وفؤادى تاعبو الشوق توجد زكريات (Re: خالد المحرب)
|
عسى من يجي يونسنا
شرَع رسنو ، هبر قيدو البشيل مطـّامن
عارفو بماسي دوّار البعيد حوامن
هيا ياكاسر السجن الطلع غير ضامن
وصلني أنـّصدق للقلوب أحلامن !!
بالله شوف ثقة هذا الرجل في نفسه
فكل ما يطلبه من رفيق دربه (راحلته) ان يوصله
وبمجرد الوصول تتحقق الاحلام
تجو وللا نجي (ياعملات الفنان الراحل)
| |
|
|
|
|
|
|
| |
خالد المحرب
معاذ حسن
حبيب نورة
طارق جبريل
Ahmed Yousif Abu Harira
احمد محمد بشير
ابو جهينة
حافظ حسن ابراهيم
فيس بوك
تويتر
انستقرام
يوتيوب
بنتيريست