|
|
|
 Re: الكلاكلة ولّعت والرصاص ركب (Re: على ميرغني)
|
حسب افادات من سكان بمنطقة الكلاكلة صنقعت سمع السكان اطلاق نار بعد الساعة الرابعة عصراً وبدا الامر كأنه رصاص عقد خاصة وان اليوم الخميس
لكن بعد فترة وجيزة تصاعد صوت الرصاص واصبح معركة عديل كدا
| |
 
|
|
|
|
|
|
|
|
Re: الكلاكلة ولّعت والرصاص ركب (Re: معتصم محمد صالح)
|
على مــيرغنى....سلاام..
فى الاحوال الزى يجب الانتظار والتاكد من الخير ...بدل الناس تودى وتجيب وتتخيل وتتملى هم على الهم العليها...
ممن الممكن ان يكون الخبر صحيح100% بس يجب الانتظار شان الناس البعيدة ماتقلق واسي يكون فى
زى 1000 تلفون بتتصل شان تطمن على اهلها وناسها..
حتى انت يابكرى?
| |
|
|
|
|
|
|
|
|
|
Re: الكلاكلة ولّعت والرصاص ركب (Re: Amira Elsheikh)
|
شكرا لكل من نصحني بالتأكد من الخبر
بس اصلا تأكدت اولاً بعدين كتبت
انا عسكري وصحفي يعني بعرف اهمية التأكد من الخبر شنو وكمان بعرف رصاص يعني شنو
وياخبر الليلة مشكوك فيه بعد شوية يكون حقيقة مرة
| |
|
|
|
|
|
|
|
|
|
Re: الكلاكلة ولّعت والرصاص ركب (Re: على ميرغني)
|
آخر الاخبار ان الشرطة تطارد اثنين من قتلة قرانفيل وانها قبضت على احدهم فيمالا زال الثاني محاصر.
لا توجد مليشيات جنوبية في الاتشباك
ــــــــــــــــــــ
المليح سلام
والله الجيش ربانا وعلمنا نخاف من الله ونخاف على البلاد واي شئ غير ديل زائل
| |
|
|
|
|
|
|
|
|
|
Re: الكلاكلة ولّعت والرصاص ركب (Re: على ميرغني)
|
Quote: انا عسكري وصحفي يعني بعرف اهمية التأكد من الخبر شنو وكمان بعرف رصاص يعني شنو
وياخبر الليلة مشكوك فيه بعد شوية يكون حقيقة مرة |
يا اخواننا بروفايل الزول بيقول انو صحفى بصحيفة التيار .. ومتزوج وساكن فى بحرى ... يعنى غلطة صحفية زى دى حا يفقد بيها شغلو فى الصحيفة (حفاظاً على سمعتها) والباسويرد بتاعو هنا ... يعنى ما عندو مصلحة ينجر فتنة زى دى ... ناس الـ IP يشوفوا لينا المداخلات دى أصلية ولاّ هكر ...
... المهم ....
| |
|
|
|
|
|
|
|
|
|
Re: الكلاكلة ولّعت والرصاص ركب (Re: معتصم محمد صالح)
|
يا أخوانا الخبر صحيح و انا اتصلت علي صديقي عضو المنبر خضر حسين وهو يسكن الكلاكلة وأكد كل ما قاله الاستاذ علي ميرغني.... فقط قال أنه لا يعرف الاطراف المتقاتلة لكن المعلمة المرجحة انو الحكومة بتطارد في قتلة قرانفيل
| |
|
|
|
|
|
|
|
|
|
Re: الكلاكلة ولّعت والرصاص ركب (Re: الصادق ضرار)
|
اخي المكرم الصادق ..
حسب ارتباطي الوثيق بالمنطقة قمت بالاتصال بالكلاكلة القبة في مكانين مختلفين .. ثم لفة الكلاكلة ايضا وجميع من اتصلت بهم اكدوا لي هدوء الاحوال وكنت احاول الاتصال بالكلاكلة صنقعت ولم يكن هناك رد وعند الرد اكد لي من اتصلت عليه صحة الواقعة وعدت واعتذرت فورا للاخ علي.
| |
|
|
|
|
|
|
|
|
|
Re: الكلاكلة ولّعت والرصاص ركب (Re: على محمد على بشير)
|
سمعت المعلومة من صديق كان يحادث أهله بالكلاكلة صنقعت
و سمع أصوات رصاص و صفير سيارات شرطة و أفاده أهله بأن الوضع هو ما يروى هنا في هذا البوست.
دخلت لأتأكد من الخبر و أطمئن أنه ليس هناك ضحايا لا قدر الله
الغريبة أن الناس في الشارع!
يا أخوانا حاجة غريبة إنه يكون في صوت رصاص و وضع مضطرب و أهلنا يخرجوا الى الشارع كما في حالة غزوة الموز و الأحداث الجارية.
| |
|
|
|
|
|
|
|
|
|
Re: الكلاكلة ولّعت والرصاص ركب (Re: saadeldin abdelrahman)
|
في 1999 دوت رصاصة مساء في السوق العربي كانت كفيلة بإخلاء المنطقة في لحظات من كافة المدنيين
في 2008 دوى الرصاص داخل ام درمان وكان الناس يتمشون في الشارع بشكل عادي
في 2010 الناس في الكلاكلة صنقعت يتمشون وسط الرصاص
الم تلاحظوا التغير في طريقة تعامل السودانيين مع الأحداث بين 99 و 2010
| |
|
|
|
|
|
|
|
|
|
Re: الكلاكلة ولّعت والرصاص ركب (Re: هيثم التوم)
|
يبدو ان الأمر اكبر من قتلة قرانفل
الموضوع خلية كاملة
ما داير اقول برافو لجهاز الأمن يقوم ينط لي واحد يوقول انا امنجي
بس اكيد نجاح يحسب ليهم رغم كل الاخفاقات السابقة
ـــــــــــــــــــــ
سؤال يفرض نفسو
هل ترك جهاز الأمن قتلة قرانفل يهربوا ليصل كل الخلايا النايمة
اكاد اجزم بذلك
| |
|
|
|
|
|
|
|
|
|
Re: الكلاكلة ولّعت والرصاص ركب (Re: عوض الصديق)
|
Quote: سؤال يفرض نفسو
هل ترك جهاز الأمن قتلة قرانفل يهربوا ليصل كل الخلايا النايمة
اكاد اجزم بذلك |
اذن لماذا لاحقتهم على اطراف امدرمان مما تسبب فى وفاة شرطى
لا اعتقد ان الحكومة تعرض نفسها ومصداقيتها لضغط لا مستوجب له فى هذا الظرف
ناسنا ديل اساطين فى انتزاع المعلومات!
أجعص جعيص خلال نص ساعة يعترف بما فعله وبما كان سيفعله لاحقا!
يعنى الواحد ممكن يطلع لبن أمو الرضعتو ليهو قبل عقود!
"من اين اتى هؤلاء"
دى يا استاذ اعظم توصيف دون تحديد الوجهة والفصيلة والنوع...الخ
جنى
| |
|
|
|
|
|
|
|
|
|
Re: الكلاكلة ولّعت والرصاص ركب (Re: عوض الصديق)
|
على حسب الفتوى التى قمنا بأخذها من العلماء العاملين داخل وخارج الودان أنه لا يجوز القصاص منهم اعداما بل تؤخذ منهم الجزية
هذا ما افتى به اغلب العلماء الذين قمنا بإستفتاءهم واؤكد أنهم علماء لا علاقة لهم بالسلطان وبعيدا عن السياسة أرجو ممن يريد أن يبحث في الموضوع فليبحس .. هذا إن كانت أسرة السايق قد رضيت بالدية والله على ما أقول شهيد
| |
|
|
|
|
|
|
|
|
|
Re: الكلاكلة ولّعت والرصاص ركب (Re: على ميرغني)
|
Quote:
المعلومات تقول انها خلية تتبع للقاعدة تم قتل احد افرادها من جنسية عربية افريقية واعتقل آخر فيما هرب بقية المجموعة وعددهم يقارب العشرين |
عشرين مرة واحدة ومن القاعدة!
يعنى عشرين ضرب 100
2000
جنى
| |
|
|
|
|
|
|
|
|
|
Re: الكلاكلة ولّعت والرصاص ركب (Re: jini)
|
بالجد يا جني الموضوع خطير وجد القاعدة دخلت السودان اقصد بدأت عملها في السودان
ما عارف ضربتهم في مئة ليه ..
الساعة اسع عشرة والاحداث انتهت منذ السابعة ولحدي الآن الجهات الرسمية ما اصدرت بيان حول الموضوع
يكون ما لاقين ورق ولا كمبيوترهم مهكر
| |
|
|
|
|
|
|
|
|
|
Re: الكلاكلة ولّعت والرصاص ركب (Re: محمد إبراهيم علي)
|
يا جماعة الآن قمت بالإتصال مع إبن أخى إيمن ميرغنى محمد صالح وأكد لى بأن الأمور هادية تماماَ ،، وأكد لى بأن الموضوع متعلق بالهاربين الأربعة قتلة قرنفيل ،، وأكد لى بأنه تم قتل أحدهم من قبل الشرطة وتم إعتقال الآخر ،، قال أنه سمع هذا الأمر من المحيطين فقط ولا يستيطع أن يؤكد الأمر بصفة قاطعة ،،
لذا أرجو من أهل الكلاكلة أن يتمأطنوا تماماَ ،،
ماهر
| |
|
|
|
|
|
|
|
|
|
Re: الكلاكلة ولّعت والرصاص ركب (Re: على محمد على بشير)
|
Quote: للمعلوميه
الريس بكرى ود حلة الاخ على ميرغنى كاتب البوست .. |
في الكلاكلة ؟؟؟
طيب الحلفايا دي شنو؟؟؟
شكراً جنابو علي
على السبقين الصحفي والعسكري
باشمهندس بكري أبوبكر
والله شرطاً إنت إترفدت من شغالك
(مُداخلاتك كترت)
| |
|
|
|
|
|
|
|
|
|
Re: الكلاكلة ولّعت والرصاص ركب (Re: Ahmed musa)
|
Quote: للمعلوميه
الريس بكرى ود حلة الاخ على ميرغنى كاتب البوست .. |
المعلومة دي ما صحيحة
جنابو علي ميرغني من الخليلة والباشمهندس بكري من الحلفاية
وجنابو علي ميرغني أخو الباشمهندس عثمان ميرغني رئيس تحرير صحيفة (التيار)
| |
|
|
|
|
|
|
|
|
|
Re: الكلاكلة ولّعت والرصاص ركب (Re: salah almaleeh)
|
فيما يلي بيان من الشرطة حسب موقع المركز السوداني للخدمات الصحفية التابع لجهاز الأمن :
Quote: في بيان للشرطة: التحريات مستمرة لمعرفة هوية أجانب قاموا بمقاومة قوة من الشرطة بالكلاكلة الخرطوم (smc)
أكد الناطق الرسمي لقوات الشرطة الفريق دكتور محمد عبدالمجيد الطيب في بيان صحفي اليوم انه اثر توفر معلومات لدى الشرطة تفيد بوجود بعض الأشخاص المشبوهين داخل منزل بالكلاكلة القطعية تحركت قوة من الشرطة للموقع المعني وعند محاولة اقتحام المنزل واجهت القوة إطلاق أعيره نارية من داخل المنزل الأمر الذي أدى إلى أن ترد القوة على مصدر إطلاق النيران مما نتج عنه إصابة أحد الجناة توفى لاحقاً متأثراً بجراحه وتم القبض على أخر.
وأشار البيان أنه ومن التحريات الأولية تبين أن المتهمين أجانب مبيناً أن التحريات ما زالت مستمرة لمعرفة هوية المذكورين ودوافع أطلاق النار علي قوة الشرطة.
|
http://smc.sd/news-details.html?rsnpid=16288
| |
|
|
|
|
|
|
|
|
|
Re: الكلاكلة ولّعت والرصاص ركب (Re: salah almaleeh)
|
الخبر صحيح
حوالي الخامسة مساء عدت من عملي ـ تفاجأت بالتواجد الشرطي في اللفة بالرغم من أن المنظر صار مألوفاً غير أن هناك الحركة لم تكن عادية علي الإطلاق ـ أتتني اتصالات عدة من أهلي وأصدقائي بعدم الذهاب للمنزل إذ أن هناك إطلاق نار كثيف ـ مكان الاشتباكات يقع علي بعد شوارع قليلة من منزلنا في الكلاكل القطعية ـ الشرطة أخلت المكان تماماً ولا أحد يعرف حتي الآن حقيقة الأمر ـ الكثيرون يؤكدون أن الشرطة حاصرت قتلة قرانفيل ـ وآخرون يتحدثون عن مصرع إرهابيين علي أقل تقدير من جنسيات عربية ـ والقبض علي إثنين آخرين حسب الروايات ـ الأحوال هدأت تقريباً ـ ربما ببعض الغد ستتضح حقائق أكثر .
أحد المواطنين وهو صاحب ركشة أصيب في الإشتباكات . وعلي ما يبدوا أنه أسعف في لحظته . لا حديث عن اصابات وسط قوات الشرطة .
خضر
| |
|
|
|
|
|
|
|
|
|
Re: الكلاكلة ولّعت والرصاص ركب (Re: Mohamad Shamseldin)
|
الموضوع خلية قاعدة واجانب والكلام دا من مصادر عليمة والقتيل عربي افريقي وما سوداني وما مصري
اجتهدت الانقاذ منذ مجيئها1989 فى خلق بيئة جاذبة للارهاب والنتيجة توافد الارهابيون من جزيرة العرب وشمال افريقيا ووجدوا الترحاب والضيافة واشتد ساعدهم وقويت شوكتهم...والان هم فى حرب مع الدولة وشعب السودان...بكل بساطة يصلون الى قلب العاصمة وبسلاحهم ويستاجرون المنازل ويتدربون على السلاح...هذه ليست عملية عشوائية بل مدبرة ومخططة ...فلتبحث الدولة عن من هم وراء هذا...واعتقد انهم من ذوى النفوذ وربما من ذوى السلطة ايضا
| |
|
|
|
|
|
|
|
|
|
Re: الكلاكلة ولّعت والرصاص ركب (Re: على بدرى حاج)
|
اتصل مع ناس الحلة وقالو الضرب روع المواطنيين و العجزة و الاطفال...... اسباب اطلاق الرصاص ........ قالوا مليشية عديل كده.......و المليشية دي ما معروف تابعة لي منو لانهم هربوا..........قصة قتلة قرافيل دي فبركة سااااكت
| |
|
|
|
|
|
|
|
|
|
Re: الكلاكلة ولّعت والرصاص ركب (Re: احمد محمد بشير)
|
المعلومة فعلاً صحيحة ..اختنا الكبيرة ساكنة الكلاكلة القطعية جنب جامع سوق الجو والاحداث دى على بعد امتار قليلة من بيتها ... ضربت لى تلفون أمس وقالت لى انا وشفعى تحت السراير والرصاص ماشى فوق البيت .. وفعلاً سمعت اصوات طلقات نارية فى التلفون ... وبعدها بساعتين اتصلت عليهم قالوا خلاص الرصاص وقف... قبضوهم وكتلوا واحد وفى عسكرى اتضرب بس ما مات ....
| |
|
|
|
|
|
|
|
|
|
Re: الكلاكلة ولّعت والرصاص ركب (Re: مزمل خيرى)
|
| Quote: ضربت لى تلفون أمس وقالت لى انا وشفعى تحت السراير والرصاص ماشى فوق البيت .. |
ده كلام صاح!
كلو ينزل ع الأرض
البلد بقت ما مضمونة
مرة غزوة موز و مرة لالوب
مالهم مال دقوه شالوا قروشو؟
-------
ربنا يلطف بالجميع
| |
|
|
|
|
|
|
|
|
|
Re: الكلاكلة ولّعت والرصاص ركب (Re: saadeldin abdelrahman)
|
أستاذ على
سلامات وشكرا على الخبر
ياجماعة لو الحكومة دى فشلت فى حماية ناس الكلاكلة المساكين ديل ما تشرح ليهم الحاصل شنو... المعلومة الصحيحة دى مشكلتها شنو؟؟
اللهم أحم أهلنا البسطاء من هوس المتنطعين ومن يتستر عليهم ولو بالصمت....
وحسبى الله ونعم الوكيل
سيف مصطفى
| |
|
|
|
|
|
|
|
|
|
Re: الكلاكلة ولّعت والرصاص ركب (Re: الرفاعي عبدالعاطي حجر)
|
نسال الله اللطف بالسودان وأهله وأن ينعم كلِ من تشرد بسبب الحرب بطعم الأمن والإستقرار في كامل أرض السودان وليري الجميع أن تهديد حياة الإنسان الذي كرمه الله ليس بالأمر الهين ولعل من يتداخلوا بالبوست تربطهم علاقة بالكلالة سواء مباشرة أو غير مباشرة ويمكن لنا أن نقيس مدي إنفعالاتهم وهم يكتبون مع أي شخص تعرض أهله للنزوح والموت بسبب تدفق السلاح بأيادي كثيرة ووجود أكبر من طرف في الصراعات . أما تدفق السلاح بالأيدي العادية القادمة من خارج حدود السودان لن يوجه للأعداء المفترضين بل سيوجه لأبناء السودان بأي مستوي وشكل. وهناتكمن الخطورة القصوى من دخول ووجود أجانب بالمعني الجغرافي للكلمة بغض النظر عن أي فكر أو دين يتبعون. وعلى من يراهن بتواجد هذه الشخوص بمساحة الوطن المتعدد دون نظر للإنتماء الحقيقي أن يراجع مواقفة اليوم قبل الغد.
بحيراوي
| |
|
|
|
|
|
|
|
|
|
Re: الكلاكلة ولّعت والرصاص ركب (Re: البحيراوي)
|
آمل أن يرى جثث هؤلاء القتلة مصلوبة في ساحات الخرطوم ..
المسلم الحقيقي يعلم أين يقاتل عدوه ..
إن الدبلوماسي ضيف السودان ووجوده في البلاد محكوم بمواثيق .. أي أنه في حكم (وإن كان من قوم بينكم وبينهم ميثاق) ..
فالاعتداء أي نفس دون وجه حق يجب الوقوف عنده بصرامة فائقة ..
هذه فئة ضالة لا تعلم عن الإسلام شئياً ..
وهي فئة مغرر بها بهدف الإساءة للمسلمين ..
وبهدف تأكيد ما يردده اليهود وأعداء الإسلام بأن المسلمين إرهابيون وقتلة ..
لذلك أرجو أن يجدوا أقصى درجات العقوبة وهي القتل مع الصلب ..
جاد
| |
|
|
|
|
|
|
|
|
|
Re: الكلاكلة ولّعت والرصاص ركب (Re: JAD)
|
المحترم الاستاذ جاد
تحياتي
Quote: إن الدبلوماسي ضيف السودان ووجوده في البلاد محكوم بمواثيق .. أي أنه في حكم (وإن كان من قوم بينكم وبينهم ميثاق) ..
فالاعتداء أي نفس دون وجه حق يجب الوقوف عنده بصرامة فائقة ..
هذه فئة ضالة لا تعلم عن الإسلام شئياً ..
وهي فئة مغرر بها بهدف الإساءة للمسلمين |
اقف لك احتراما اخي جاد
لاشئ اروع واعظم من قول الحق
| |
|
|
|
|
|
|
| |
ياسر بيناوي
عصام دهب
بكرى ابوبكر
معتصم محمد صالح
محمد النيل
تبارك شيخ الدين جبريل
حافظ حسن ابراهيم
cantona_1
على محمد على بشير
الصادق ضرار
salah almaleeh
saadeldin abdelrahman
Hani Arabi Mohamed
عوض الصديق
د.محمد حسن
هيثم التوم
Amani Al Ajab
jini
المكاشفي الخضر الطاهر
محمد إبراهيم علي
Zakaria Joseph
خالد كدودي
Ahmed musa
خضر حسين خليل
Mohamad Shamseldin
احمد محمد بشير
مزمل خيرى
SAIF MUstafa
الرفاعي عبدالعاطي حجر
البحيراوي
JAD
خالد العبيد
فيس بوك
تويتر
انستقرام
يوتيوب
بنتيريست