|
|
 .. بشة اوه بشة
|
بصراحة انا معجب بالود بشة ده " محمد احمد بشير " الود كراعو خضرا على الهلال
واعجابى ببشة مش كورة وبس لكن اخلاق وتواضع وقد لمست ذلك من خلال البرنامج
الخاص الذى اجرى معه على قناة النيل الازرق واذيع عصر اليوم وقبل كده بشة ده سجل
للهلال بدون ما يستلم حافز التسجيل
وبشة ده سجل للهلال امس اغلى هدف فى مشوار الكونفدرالية
بشة قلبو حار وجوكر ولعاب ومبروك على الموج الازرق
رايكم شنو فى بشة
|
|
 
|
|
|
|
|
|
|
|
Re: .. بشة اوه بشة (Re: فايزودالقاضي)
|
فايز .. رمضان كريم وكا عام وانت بخير
بينى وبينك .. غياااااظ
ماادى الحكم البنينى فرصة دقيقة واحدة
وفتنوا ليك مع التيحة بقون الفوز
بشتنا ومحبتنا
| |
|
|
|
|
|
|
|
|
|
Re: .. بشة اوه بشة (Re: فايزودالقاضي)
|
هلا يا تيتا
ورمضان كريم ياخي ووينك يا زول ياخي
والتحية لك وانت تاتي بعد غيبة عبر بوابة الود بشة
ويا سلام علي بشة ده ياخي
اولا اللقب هو سليل القاب مميزة وشحت اروع اللاعبين الذين جننو التيوة في الملاعب السودانية
وزة-قلة-فريني- قرعم- ترتار- كبري.. ونهر رهيب من الالقاب ..
وبشة لاعب فنان ومدهش ونتمني له كل النجاح وان يسير في دروب المبدعين الذين هججوا الملاعب بالاهداف واللقطات النادر
وهكذا هو الهلال في كل كم سنة كده بجيب ليهو لاعب صرعة وفلتة يولع فينا جمر حي اللعيبة التاريخين
وبشششششة wayeeeeeeeee
| |
|
|
|
|
|
|
|
|
|
Re: .. بشة اوه بشة (Re: عبدالكريم الامين احمد)
|
كيكى الحبيب الصديق الجميل والانسان النبيل
يادوب امبارح جيت راجع من صحبك الكج
اربعون يوما
ياكيكى بشة حكاية جديدة فى الهلال مواصلة
للدهشة التى ظللنا نستمتع بها ونحن نتابع
هذا اللاعب بشاش الغبينة
وبشة لقب كروى حقيقى زى نا س بطة ووزة
وفرينى والضب وجندب وكديس
بشة قال اللقب اطلقوا عليهو زميلو فى الابتدائى
ومن ديك من بشة لى بشة لحدى ماجاب التيحة
الارض
مبروك علينا بشة ياهندسة وكل عام وانت طيب
| |
|
|
|
|
|
|
|
|
|
Re: .. بشة اوه بشة (Re: عامر تيتاوى)
|
حمد لله على السلامه يااستاذ ..رمضان مرقك جرى من الخرطوم ..
حضرت البرنامج الود شكلو مهذب ومرتب وواعى ..
اما الكورة (رشييييق) ساكت ..و(كرعينو) خفاف ..بالاضافة
الى الطول ..والاهم انو لاعب وسط هداف ..بشبه ريفالدو
الود دا ...مكسب كبير بشه يااستاذ ..
والارباب مع اختلاف الناس حولو لكن (مفتح) وبعرف يسجل
اللعيبة ..
| |
|
|
|
|
|
|
|
|
|
Re: .. بشة اوه بشة (Re: محمد عبدالرحمن)
|
محمد عبد الرحمن كيفك ياحبيب
وكل سنة وانت طيب
رمضان فى الخرطوم حاجة ماتخلص
وندمان الما بقت اجازتى فى رمضان
وبشة حكاية يامحمد وزول فنان
كتلتو عديل بريفالدو ياخى تشبيهك عجيب
وكمان كلامك عن تسجيلات الارباب
بايدك فيهو رغم الاختلاف مع اسلوب
الادارة وبعض الشوفينية
مبروك يامحمد تشريح وتشليح التيحة
بالكورة الحريفة بقيادة البرنس
سيدا بلا منازع
| |
|
|
|
|
|
|
|
|
|
Re: .. بشة اوه بشة (Re: عامر تيتاوى)
|
والله صراحة يا تيتا
بشة في الاول ما وقع لي وكتبت انه لا يصلح لكرة القدم
واعتقدت ان الارباب يمر بضائقة مالية لذا استكحنا بتسجيل بشة
ولكن مع مرور الايام وتكرار مشاهدتي لبشة
ايقنت انه لاعب من طراز فريد ومفيد جدا للهلال وصاحب اهداف حاسمة
مافي لاعب بجي من الموردة وبفشل في القمة علي مدي التاريخ
مجيد وحضرة وخليفة وشوشة وكاوندا
| |
|
|
|
|
|
|
|
|
|
Re: .. بشة اوه بشة (Re: khaleel)
|
يذكرنا بهلال 87
كاريكا الريح صبحى بلاتينى
.....................
زول فنان
صغير
لماح
موهبة
قلبو حار
لياقة
ادب
برازيلى
ممكن يكون هداف وصانع العاب
ربنا يحفظه
زما شاء الله
| |
|
|
|
|
|
|
|
|
|
Re: .. بشة اوه بشة (Re: عبد العظيم احمد)
|
عبد العظيم احمد سلامات
| Quote: ممكن يكون هداف وصانع العاب |
كلام
ده كلام سليم وقد برهن عليه بشة فى اكثر من مناسبة
ربنا يحفظ ولدنا من عيون الحاسدين
ويكفيهو شرور الغرور
| |
|
|
|
|
|
|
|
|
|
Re: .. بشة اوه بشة (Re: khaleel)
|
خليلو
رمضان كريم وكل سنة وانت بخير
طبعا مابراك كنت تعتقد انو بشة مقلب
غيرك كتار قالوا الكلام ده ومن بينهم
اخوى مريخابى قاطع وانا قلت ليهو بشة
ده يوم بكتل ليهو زول بالاقوان القاعد
يجيبا دى
وزى قولك ياخليل الموردة ما بتدى هلال
مريخ الا لعيبة جد وبشة يملك كل المقومات
صغير فى السن وسريع وبعرف طريف
الشبك
اقول ياخليل بشة مكسب
وبشة صغيرة كفاية علينا
اسمع قسطنطين رايو شنو
| |
|
|
|
|
|
|
|
|
|
Re: .. بشة اوه بشة (Re: عامر تيتاوى)
|
تيتاوى ...
رمضان كريم ...
وحمدالله على السلامة ...
دى رطوبة تجى فيها وداك جو تفوتوا والامتداد كمان فى رمضان حاجة عجيبة ...
الله فى ...
بشة لوحدة اخذ الكلام دا بكرى مدينة اخطر واخطر والايام ستثبت ذلك ياخى دا من لمستوا رجعنا لايام المرحوم والى الدين ..
الكاس قريب ياحبيب انشاء الله
| |
|
|
|
|
|
|
|
|
|
Re: .. بشة اوه بشة (Re: بابكر التوم)
|
العزيز تيتاوي
حمد لله علي السلامه ورمضان كريم
بشه لاعب حريف واضافه حقيقيه للهلال ما يقدمه بشه سيدفع مهند الطاهر للارتقاء بمستواه كونهم بيلعبو في نفس الخانه تقريبا
الذي يحير ان الاهداف التي يحرزها اهداف ليست سهله علي الاطلاق. فالهدف الاول في كابس يونايتد لا يحرزه الا هداف قناص وكذلك
هدفه في الاتحاد الليبي
لكنبشه ليس صغير في السن. انا اعتقد ان سن بشه الحقيقي 27 سنه علي اقل تقدير
| |
|
|
|
|
|
|
|
|
|
Re: .. بشة اوه بشة (Re: خضر عبدالغفور)
|
رمضان كريم يا عامر.
بشة لاعب موهوب ومكسب كبير ويلعب على جميع الخطوط.
صاحب مجهود ويجبد الضغط على حامل الكورة.
طريقة الأداء تشبه الى حد كبير اداء الفاتح الريشة.
اتمنى ان يحافظ على المستوى والأداء الجيد
دوام التوفيق لأبو الهل
كثير من الود والتقدير
أبوعبيدة
| |
|
|
|
|
|
|
| |
عامر تيتاوى
فايزودالقاضي
عبدالكريم الامين احمد
محمد عبدالرحمن
khaleel
عبد العظيم احمد
بابكر التوم
Omar Bob
خضر عبدالغفور
Abuobeida Ali Abdullah
فيس بوك
تويتر
انستقرام
يوتيوب
بنتيريست