|
|
 مقتطفات متنوعة - توجد صور - و مسموح بالمشاركة خفيفة الدم
|
وددنا ان نستريح قليلا عبر متنوعاتنا من المقتطفات
التي امل المشاركة من الجميع فيها بايداع مقتطفاتهم
التي نحسبها مفيدة لذا لا تبخلوا لنا بها الباب مفتوح
للجميع للدخول إلا شخص واحد وهو عارف نفسو بالله بدون
احراج .......................فل ...يحترم نفسه ..
..
...
...
...
فليتفضل ..........
اول المقتطفات بعنوان أدمنتك يا وطن :
وطن مــــــــــليان محنــــــــة
رمـــــــــلة ونخيل وشواطي جنـــة
زفــــــــة عروس مزدانة حنـــــــة
دمـعــــــة غريب لبلاده حنـــــــــه
كايس الأمـــــان كايس المحنــــــــــة
|
|
  
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد صديق)
|
احترم نفسك و تفضل............
و الله يا محمد صديق قصدت اكتب لك اعتذار شخصي في
البوست في المنبر العام تراجعت قليلا حاولت اتصل
شغلني عنك للمرة الميه اشغال مالها حد قررت ان
افتح البوست و تمنيت ان تكون اول المتداخلين و
كان ما تنميت فلك العتبي منى حتى ترضي .
هكذا القلوب عندما تصفو تلتقي حتى و ان كان ذلك
من باب التمني .
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
و السادسة : نسمة الفرح البعيد :
بهوى فيك صمت اليالي *** ورقة أزهار المــروج
وبهوى فيك روح الأصالة *** وسمرة العرب الزنوج
************
لما كل الناس تغنـــــــــي *** في غناهم بلقى همســك
يبدا فجر الفرحة يطلــــع *** لما تطلع فينا شمســـــك
ديمة بحلم ولما أحلـــــــم *** القى حلمي بيحي امسك
وحتى لما أقرا ذاتــــــــي *** القى ذاتي ذاتــــا نفسك
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
يا موسى عيسي
أولاً بالتبادي
بوستيك في السلك شديد وسمح
الله يكبرو ليك ويتربى في عزك
بس تابعو وخليك نجيض
ما تبقى زيييي انا
----------
مرة منصور عبد الرازق كتب كلام جميل أظنو عن جمال فارح لمن كنت بكتب في خواطرو المعاي من زمن الزقازيق
وقال إنو الواحد رغم معرفة السنين حس إنو زي بدأ يستكشف في الناس من جديد
--
تصدق موسى رغم صداقتنا والمودة البينان
حاسي إني قاعد
بكتشف في موسى جديد
يا أخوي إنت ليك في الشغلانة دي
شغلانة الشعر والكلام الحلو الزي محمد صديق والرشيد بابكر وآخرين ....
والله نفتح ليك ملف جيد لنج
----Quote: والرابعة : لللرفيف و رفيع الذوق ود الشادي :
يا أغلى من وهج الحروف
شلناك أجمل مفردة
يا غنوة بي عمر الزمن
صوت القمارى يرددها
ناداني حبك يا جميل
قلبي استجاب لبى الندا
خليتو سابح فى مداك
أحلامه بيك مقيدة |
بالنسبة لهديتك انا قبلتها وكتر خيرك
لكن قول لي اول حاجة
لو الكلام ده حقك رسل لي باقيهو
ووعد
اسمعك لحن يعجبك جدا ان شاء الله
تحياتي
كمال الشادي
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: كمال الشادي)
|
ود الشادي الجميل سعدين بمرورك و نصائحك الغالية
موضع التنفيذ انشاء الله .
ثانيا انا من الناس الذي يهوي الكلمة الحلوة خاصة
لو كانت في الصميم تلقى الواحد بعيشها و يتذوقها
لدرجة الاندماج .
ثالثا هذه المقتطفات بعضها لشخص عزيز و لك مني
سوف استشيره . وافتح ملفاتك ساي و سوف تجدني من
الملبين .......................
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد آدم النور)
|
Quote:
غير الصلعة و الكرش
تاني داير تكتشف فيهو شنو الزول دا؟؟؟
بالله فكونا كدي نمشي نشوف
الدكتور خالد محي الدين
حتاتو بي وين |
يا كمال الشادي انا ما قلت ليك الزول امسكوا مني !
يا محمد صديق انحن قلنا البوست دا المفروض يكون
محروس يعني ما كل من هب و دب يجي يتنطط علينا و
كمان يقول زي الكلام الفوق دا و مافي زول يقول ليه
حاجة، و الله يا جماعة انا لو فلقتوا ما غلطان و كمان
صحبي جلال قال العكاكيز بتعاتو بقت في خبر كان شالها
الخور و اولاد رفاعة ناس محي الدين زيدان ما قدروا
يحصلوها هس الواحد يتسلف ليه ضبة من وين طارق جبريل
بيتهم بعيد ، يا جماعة دبروني قبل ما تحصل جريمة
في البوست دا و بعدين تقولوا والله نحن ما عارفين!!!
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: الرشيد بابكر)
|
Quote: صحبي جلال قال العكاكيز بتعاتو بقت في خبر كان شالها
الخور و اولاد رفاعة ناس محي الدين زيدان ما قدروا
يحصلوها |
ياحبيب ماعليك واصل في الكلام السمح والزول دا خلى علًي
طبعا كلامو دا "هضربة" ساكت تكون الحمى طلعت ليه في راسو
والله كان ما اخاف الكضب الزول دا اثار "الطعامة" بدت تظهر فيهو
الهضربة دي ماساكت ... البتاع دا اصلوا بيبتدى كدا
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: جلال عثمان)
|
موسى هاك راس الخيط ده فتش انت على الباقي....
الرواسي
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: الرشيد بابكر)
|
سلامات يا ناس
Quote: يا محمد صديق انحن قلنا البوست دا المفروض يكون
محروس يعني ما كل من هب و دب يجي يتنطط علينا و
|
يا موسى يا لذيذ...
انت صاحبك ده ما الحالة الجاتو على كبرو؟؟انت هسة ساى
دخلتو مع ناس من هب ودبّ انت قايلم هم بيرضو بيهو..
الزول ما عليهو حرج ...مش الهضربة نوع من المرض؟ ناس
علم النفس ممكن يجيبوا ليك براهين...
واصل الابداع ونحن متابعين ومستمتعين وبعد شوية حنكون
مشاركين.
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد صديق)
|
ندين ونشجب أي محاولات للنيل من ولدنا جلا ... يعني عشان موسي عيسي بقي يكتب شعر سمح نقوم نجدع جلا في الكوشة لا وألف لا .... بعدين البوست ده يا جلا ذاتو ما بينفع معانا كلو شعر وغناء ورمانسيات .. وحاجات بتاعت أولاد الخرطوم ... بإعتبار أنه موسي عيسي عمل بيت في الخرطوم .. لذا نعلن المقاطعة منذ الآن ... إلا موسي عيسي يعمل لينا قصيدة في كسلا ...
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: زهير الزناتي)
|
Quote:
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة |
طبعا كلام في الصميم يا الرشيد و بالله زيد من دلك شوية
الكلام الزي دا بطلع ميتينا من جوه و بخلينا نسرح في
الناس الطيبين الراحو و البلد البندور ليه ما لاقنو
و مرحبيتن بطلتك يا جميل و خليك قريب انت اصلك زول
شاعر و رهيف بس ما زي بعض الناس و أقال إيه قال كسلا قال!!!!!!!!!!،
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: زهير الزناتي)
|
Quote:
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة |
طبعا كلام في الصميم يا الرشيد و بالله زيد من دلك شوية
الكلام الزي دا بطلع ميتينا من جوه و بخلينا نسرح في
الناس الطيبين الراحو و البلد البندور ليه ما لاقنو
و مرحبيتن بطلتك يا جميل و خليك قريب انت اصلك زول
شاعر و رهيف بس ما زي بعض الناس و أقال إيه قال كسلا قال!!!!!!!!!!،
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
Quote:
دخلتو مع ناس من هب ودبّ انت قايلم هم بيرضو بيهو..
الزول ما عليهو حرج ...مش الهضربة نوع من المرض؟ ناس
علم النفس ممكن يجيبوا ليك براهين...
|
يا جنابو يا ظريف الزول دا رغم المشاكل معاه إلا انه يسكن
في دواخلي و لا استطيع ان اتخلص من ذلك الا بواسطة مساعدة
بوليسية قوية نامل المساعدة والمشاركة بمزيد من الابداع
فتواصل فلك المساحات ثكلي فتقدم بواحدة من بيت الكلاوي !
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
Quote: وهذه مهداه للجميل ذوقا و ادبا و المطرب
خلقا و العذيب فهماالاستاذ جلا :
حاولت أكتب فيك وأقول وأوصف ملامحك بالشعر
لكن حروفي تذوب عديل قدام عيونك تنصهر
يا عايشة في دمي وغناي يا ديدن الروح والفكر
خلدت اسمك بي حروف قطرات دماي كانت حبر |
ارجي الراجيك .... ياموسي
انا برررررررررررررررررررررررره ......
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
موسى عيسى...
هاك الكلام ده بتاع حميد...
سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: كمال الشادي)
|
Quote: سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام |
يا سلام يالرشيد علي كلام حميد الطاعم و ذوقك الجميل
اخوك طبعا زول حنين و خاصة للكلام في الاهل و البلد
انت لو عارف الواحد مدي ارتباطه بالبلد و الشوق
اليومي ليه و ماملين ان الحياة تدور للوراء قليلا
حتى نسعد بالقرب من اناس جرفتنا الحياة عنهم و ما
زالو بنفس الحب القديم الذي يكنونه لنا و ندخره لهم
الا ليت ايام الشباب تعود فنخبرها بما فعل المشيب .
تشكر علي المرور الجميل و نامل ان تكثر منه و لك ودي .
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد آدم النور)
|
Quote:
33 مداخلة
و لا توجد صورة واحدة
يا تنزل صور
يا تلم كلامك دا في بوست الكوتش |
ما في صور عارفين و حرين نكتب مما ..........
انت مال مالووووووووووو أنشاء الله .....ذاتو؟
الحاجة الثانية انت ما قادر إلا على الحطية القصيرة دي
ما زهير الزناتي فاتح بوست ليه سنة و كاتب فيه صور
نادي الشرطة ليه ما فتح فيه بلاغ و لا يعني العين بصيرة
و الايد قصيرة و يدك ما بطول إلا تمر حلتنادا!!!!!
و الله يا جماعة عالم جــــــــــــبانــــــــــــة بشكل ؟
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
Quote: سلامات يا ناس
Quote: ارجي الراجيك .... ياموسي
انا برررررررررررررررررررررررره ......
وانا برضو. |
أولاً شكراً ياسر نجيلة
و الكوتش
فاتت علي قراءة المداخلة التي تعنيني وكويس أنكم نبهتوني
على أي حال
أذكركم بي حاجة
دائماً عندما تهاتف الأخ شاويش أو تلاقيهو يسلم عليك
وطوالي يقول ليك كلام سمح
المهم الكلام القاعد يقول لي شاويش لمن ألاقيهو
هو نفس الكلام الداير أقولو ليكم يا أحبتي
مع خالص تشكراتي على ذلك التنبيه الظريف
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد آدم النور)
|
Quote: إذا المرء لم يحفظ ثلاثا ** فبعه ولـو بكـف من رمـاد
وفاء للصديق ، وبذل مال ** وكتمان السرائر في الفؤاد |
طبعاً صاحب البوست دا الكلام الفوق دا جاي معاهو في السلك
البيع.......ثم البيع
مع إنو حاولت كذا مرة أكون صاحب وفاء بس ما لقيت طريقة
أما بذل المال دي بيني و بين نفسي قلت الواحد ما يبقى مبذر
أما كتمان السر دي....ممكن تكون ملازمة أي شخص بس أنا دا أبعدوني عنها
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: أحمد إسماعيل)
|
Quote: طبعاً صاحب البوست دا الكلام الفوق دا جاي معاهو في السلك
البيع.......ثم البيع
مع إنو حاولت كذا مرة أكون صاحب وفاء بس ما لقيت طريقة
أما بذل المال دي بيني و بين نفسي قلت الواحد ما يبقى مبذر
أما كتمان السر دي....ممكن تكون ملازمة أي شخص بس أنا دا أبعدوني عنها |
و الله يا احمد اسماعيل الله يريحك و ينصر دينك ذاتو.
و طبعا مش بيع ساي و الله بيع بالتجزئة والقطاعي لكل من
هب و دب بس شوف اعوك تجي تقول لي بالدين و كلام زي دا
نحن بيعنا ما فيه مسترجع شوت علي طول بس ارجى الراجيك و هاك
الحنان دا :
قالت وفي عينها من رمشها كحل
قف وانتظرني فقد أودى بي الحول
أنا الغريبة يا عمري وكم نــظرت
إليك عيـــــــني بقلب ملؤه الوجل
أنا المحبة والولهى على مضـــــــض
فكن رحيمـــــا وقف يا أيها الرجل
لاتتركني فإني بت مغرمـــــــــــة
بحسن وجهـــــك لما اختاره الخجل
صددت عني فكاد الصد يقتلـــني
وغبت عني فكــــــــاد العقل يختبل
فكرت أنساك لكني كواهــــــــمة
ظنـــت بأن قلوب الغيد تنتقل
فرحت أرسل طرفي في الوجوه فما
علـــمت قلبي إلا فيك يشتغل
ينام كل الورى حولي ولا أحـــــد.
يدري بأن فؤادي منك يشتعل.
فكن شفوقا وجد لي بالوصال فمـا
أريـد غيرك أنت الحب والأمل
جد لي ولا تك مـــغرورا فما أحد
رأى جــــمالي إلا إغتاله الغزل
ألا ترى قدي المياس لو نظــــــرت
إليه أجمل مـن في الأرض تختجل
ووجهي الشمس هل للشمس بارقة
إذا شخــصت إليها فهي ترتحل
فقلت والحزن مرسوم على شـــفتي
وفي فــــؤادي من أقوالها دخل
أختاه لا تهتكي ستر الــــحياء ولا
تضيعي الدين بالدنيا كمن جهلوا
والله لو كنت من حور الجــنان لما
نظرت نحوك مهما غرني الهدل
أختاه إني أخاف الله فاســـــتتري
ولتعلــــمي أنني بالدين مشتمل
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
و ها هو حسان ابن ثابت يمدح نبي الهدي محمد (صلي الله عليه و سلم )
أغـر عـليه مـن الـنبوة خـاتم ..... مـن الله مـشهود يـلوح ويـشهد
وضـم الإلـه اسم النبي إلى اسمه ..... إذا قـال فـي الخمس المؤذن أشهد
وشــق لـه مـن اسـمه لـيُجلهُ ..... فـذو الـعرش مـحمودٌ وهذا محمدٌ
نـبي أتـانا مـن بـعد يأس وفترةٍ ..... من الرسل والأوثان في الأرض تعبدُ
فـأمسى سـراجاً مـستنيراً وهادياً ..... يـلوح كـما لاح الـصقيل الـمهند
وأنـذرنـا نــاراً وبـشر جـنة ..... وعـلـمنا الإســلام فالله نـحمد
وأنـت الـه الـخلق ربي وخالقي ..... بـذلك مـاعُمرت فـي الناس أشهد
تعاليت رب الناس عن قول من دعا ..... سـواك إلـها انـت اعـلى وأمجد
لـك الـخلق والـنعماء والأمر كله ..... فـإيـاك نـستهدي وإيـاك نـعبد
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: أحمد إسماعيل)
|
Quote: سلامات يا ناس
متابعة واستمتاع (إلى حين ميسرة) |
يا محمد صديق إنت عارف اخوك شوفه طشاش و فهمه
اكعب من فهم جلا !!! دحين يا صحبي انت إلي حين
ميسرة دي قاصد بيها الريس حقنا دا و لا قاصد بيها
أجيكم برواقة .....بالله فرز لينا الكيمان لانه عندنا
جماعة هنا بشوت ضفاري نقوم نقع لينا في مني و لا عرفات
و يبقي صحبي جلا في التمرقو ما يلقاها لانه بيني و بينك
هسي دي قال لي انو ناوي يتني الحجة !! تقوم يا جنابو
بعبارتك دي تطرقش ليهو الدبيل ..............الحقونا
انا قلت شنو ؟ و الله يا ياسر نجيلة انا قصدي شريف بالكلمة
اوعى تفسرها غلط .
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: ياسر نجيلة)
|
يا نجيلة انا لو باريت جلا دا ياني الليلة النشوفي لي
طريقة مخارجة ؟ و انا ما قلت ليك هي كلمة اتقالت من ورى
قلبي و ما قاصد بيها إلا الخير !
و الله نحن ناس غلابة و بنمشى من تحت الحيط يعني لا لينا في
الدبيل و لا كترة الشيل !!!!!!!!!! و اضنينا ما تتحمل ؟
اسمع قلت الشعر كيف !!!
دي زي نكتة اخونا ادروب قال هو حاوي اي حاجة بسويها قامو الشباب
طلبو منو انو يعمل ليهم كبري بين بورتسودان و جده قال ليهم
دا صعب جدا شوفوا ليكم حاجة تانية غير الكبري دا ، قالو ليه
طيب اقلب لينا حكومة البشير دي قام قال ليهم قولتو الكبري كيف دايرين!!!
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد آدم النور)
|
سلامات يا ناس
Quote: ميسرة دي قاصد بيها الريس حقنا دا و لا قاصد بيها
أجيكم برواقة .... |
ياموسى ...إزيَّكْ
البوست يتلاءم مع حاجات كتيرة حبيبة إلىّ..كان ممكن أكون مساهم
فيهو بصورة كبيرة..ماقادر لانى مزحوم حبة ومزاجى ما رايق تلاتة
حبات..والى ان تتيَّسّر الأمور ...بجيكم برواقة...وتحياتى إلى الريس
ميسرة..
يبدو لى كده واضح..
احمد اسماعيل ...سلام
نمرة واحد: ليه حارمنا من طلتك فى (ولمن فاتهم الاستماع)؟
نمرة اتنين:مداخلة المديدة حرقتنى ..انت بتحرض جلا على موسى
ولا العكس..خليك واضح يا جميل..لانو فى ناس بجوا يقولوا ليك:
انا برررررررررررة( هسة انا جبت سيرة نجيلة؟)
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد صديق)
|
Quote: وجئت إليك
يحملني
جناح الشوق يا حلوة
يسابقني
إلى عينيك
شوق الروح والنجوى
أعينيني
علي ولهي
فذلك فوق ما أقوي |
عموما يا محمد ادم نقبل الكلام الرقيق رقة شاعرنا
ياسر نجيلة لانه بشبهو و فيه انفاس جمال جنابو لانه
مرهف و هو زاتو قال ليك حيجيك برواقة يعني بس انت
اطلع منها الراجل في الكورة كان فنان و مطرب يعني
ما بلعب باك و يبهدل في خلق الله انت عارف يا جلا انو
بسببك حاتم جبارة خلى الكورة و خلى السودان ظاتووووو
و مرق في امريكا يعني مكان لو فكوك بي نبلة ما تصلو.
عموما يا جلا انت و الله الظاهر بنت كسلا دي عملت فيك نقلة
ما طبيعية و بقى الاحساس جميل انا والله الكلام عجبي
و قاعد بسال في نفسي يا ربي دا جلا ذاتو و لا يكون انبدل!!!!!!!!!!
عموما عصام جلي بسلم عليك .
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
Quote: ياسر نجيلة ده وينو ...
خلونا نشوفو ..... |
دي مداخلة ياسر نجيلة و الذي لم يستوعب مداخلتك كويس
Quote: ياسر نجيلة الراجل الحلبي اللابس
بلوفر مخطط و جالس ايسفل زنوبة وجنب
سعيد الضو حامد |
طبعاً يا موسى ياسر نجيلة حيقول ليك وينو سعيد الضو حامد؟؟؟
المهم يا ياسر الزول الحلبي إسمو جرجس
جمال حسن سعيد
الزول الراسو مليان دكوة قال
ضلى .. يا المولود منى ومن الشمس
انا مين يا ضل ؟؟
مين فينا الخير ؟ ومين النمس
هدا فى جلدى لون الارض الشاحب
بقى لونى
ما زى لونى
ما زى لون
الصاحب
انا مين
يا ضل
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: أحمد إسماعيل)
|
Quote: دائما المكاواة والمناكفة والمراشقة بين موسى عيسى وجلا
تزيدهم ألقا وبريق ويمتعونا معهم. بالظبط زي الأشقةالطريدين
دائما في مناكفات رغم ذلك بينهم حب ماعادي ويظهر ذلك عندما يفارق
أحدهما الآخر |
الكلام دا قولو لي زول ما عندو حديدة
المكنة بتاعتك ما شالت و برضو عايزة وزنة بلووفة
و لا أقول ليك حنكك ما سنين
برضو الشويتين بتوعنك دووول ...ما بجيبن مريسة تامزين
طبعاً الكلام الكتبتو دا لقيتو كاتبو لي موسى في المسنجر
وقال لي الزول اليخش أول يرش أحمد إسماعيل
و أنا عملت بالوصية
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد آدم النور)
|
Quote: الكلام دا قولو لي زول ما عندو حديدة
المكنة بتاعتك ما شالت و برضو عايزة وزنة بلووفة
و لا أقول ليك حنكك ما سنين
برضو الشويتين بتوعنك دووول ...ما بجيبن مريسة تامزين
طبعاً الكلام الكتبتو دا لقيتو كاتبو لي موسى في المسنجر
وقال لي الزول اليخش أول يرش أحمد إسماعيل
و أنا عملت بالوصية
|
الأخ محمد آدم بتشرك وبتحاحي مالك
وكمان انا متأكد الشويتين بتوعي دول يجيبوا
دنزاي مريسة وكم طورايات لحم وستيب وجقجق كمان
اما موسى لو قال لك ذلك فخذا هذا البيت
عن المرء لا تسأل وسل عن قرينه ++ فكل قرين بالمقارن يقتدي
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: أحمد إسماعيل)
|
سلامات يا ناس
Quote: وكمان انا متأكد الشويتين بتوعي دول يجيبوا
دنزاي مريسة وكم طورايات لحم وستيب وجقجق كمان
|
يا احمد اسماعيل ...عليك الله الحاجات القلتها دى لما
تصلك رسِّلا لى النضيف..
ويا موسى الجاى ده الشيرنق حقى:
أكيد إنك رجعت ورا..
واكيد إنك مبحلق فى عيون ناسآ
من الزمن الحلو ونديان
لمن كانت الضحكة بتكفِّى البيت
وتطلع منو بالنفاج على الجيران
وللسابع...
تصل مبلولة زى زهرات من الوديان
عليك الشوق:
شنو الفضَّل من الزمن الخلى ومليان؟؟
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد صديق)
|
Quote:
برضو الشويتين بتوعنك دووول ...ما بجيبن مريسة تامزين
طبعاً الكلام الكتبتو دا لقيتو كاتبو لي موسى في المسنجر
وقال لي الزول اليخش أول يرش أحمد إسماعيل
و أنا عملت بالوصية |
شوف ليك جنس شبك و مشاكل بالله يا احمد اسماعيل طالبو بانو
يرسل ليك الماسنجر الانا مرسلو ليه و لو بقى ما رسلو اه البوليس
شاهد علي الجريمة يعني قبض متلبس هذه المره .
الشي الثاني يا ابو عمر تتوقع كلام زي دا يطلع منى انا عموما لو
قلتو إلا أكون في وضع ما طبيعي و الحمد لله وضعي ما وصل لتلك الدرجة
بس اسال الله لاخونا جلا السلامة و الان انا بلغت زهير الزناتي يحاول يوصل
الزول دا لشبشه لعناية الشيخ / اسامة الطيب السعيد علشان يقوم باللازم
امل مساعدتك يا باشا !!
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
Quote: وكمان انا متأكد الشويتين بتوعي دول يجيبوا
دنزاي مريسة وكم طورايات لحم وستيب وجقجق كمان
|
يا احمد الكلام الطاعم دا برجع البلد و يطلع ميتين الواحد
عديل ، انت عارف يا احمد ولدنا محمد جبريل مشى نيالا وطلب
دنزاي لحم زي ما قلت و معاها مريسة ولا لا ما عارف لكن شلاليفو
ديك ما بتخته !و قال للميرم بالله اديني معاه خبر قامو ضحكو فيه
قالو ليه يا ولدي انت دار البحر و لا شنو قال ليهم اي قال ليه
لكن لحم ولا بكالو معاه عجين ؟عشان ما يخمر في بطنك !! أما الجقجف
دا الا كان تسأل صحبك النضيف زي ما قال جنابو و ليه منى جائزة
لو عرفو من غير استعانة بصديق .؟
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
احتفظ بثلاث ورقات ::
.. ورقـــة الصـــدق .
ورقة لآغنى عنَهآ لِكسب رضآ آلناس ..,
ومودتهم واحترآمهم ..
فالصدق يجلب آلخَير .. وينفي آلشر ,,
ويبعد كـ ل مكروه عَنك ..
يجعلك محبوباً عند أصحآب العقول آلراجحة ..
وأنا أرى أنه سِرآجك آلذي لا غنىعنه ..,
.. ورقـــة الحــــب ..
ورقة تفتح لكـ الحيآة بشكل رهيب ترى
سعآدتك فيهآ .., يكون قلبك فرحاً ..
تصبح جسد .. مليء بالسعادة والهنآء ,,
ترى بعينك عآلم مضيء ..
تتمنى أن لايمشي آلوقت بسرعه حتى تعيش
اللحظة الجمآلية بزيادة ..,.
.. ورقـــة التوآضـــع ..
أرى أنهآ يدك التي تبطش بهآ .. فهي عادتي
دآئماً ..,
أتواضع للكبير ,, وأصغي للصغير .. وأشفق
على اليتيم ..
(( من توآضع لله رفعه )) كتبتها في أعلى
الورقة ,,
التواضع شيء جميل يشعرك بالإنسانية ..
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد صديق)
|
Quote:
وانت ذاتك حقو يوم ما تقيف
وامل لقياك شايفو رهيف |
وسيد الريد قليبو خفيف .
وقت ما تهب ريح يحسبو خريف .
تعالي يا السمحة قلبي ليك وليف .
وسماع اسمك في جواي ليه عريف !!
بس واسفاي من ناس جلا لما يعرفوا اني أليف........
شاكرين يا جنابو يا ذوق علي المرور و الكلام الرايق
الحقيقة يا محمد صديق بحس بانو في جواك حاجات كتيرة
محتاجة تمرق بس في ناس بجو مقاطعين ليك قدامك بخربو أي
حاجة علشان كده انا من يوم الليلة دي لمن تجي برواقتك
ديك تدينا تلفون انحبس ليك الدرب علشان تبدع و تتجدع و
تمرق لينا الكامن في جواك سنين 1 العجب لمن تذكر البلد
و الدينا خريف و المنديل المنقوش و الحاجات التانية الحامياني.
لك التحية مجددا.
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: زهير الزناتي)
|
إنت يا زهير شغلك دا حقارة ولا شنو ؟ البوست حقي
و أنا سيدو تجي تقول لي وين جلا ! الشي التاني و
الترجمة حقتك دي ما شفتها إلا الليلة و لمن اتصلت
عليك عايز اقول ليك محمد صديق كفتك بقون من استاد
رفاعة يعني ما خلي فيها ضي ؟
إنت يا محمد صديق و زهير الزول دا ياربي يكون ما
من كسلا ولا شنو طبعا الحاجات دي في كسلا ليها شنة و
رنة خلت جنابو مكسر هناك!!! لكن صحبي دا الظاهر ما
حضر زمن المناديل دي جات بعدهم !!!!!ك،،،،،،،ك.
بالله يا جلا قلتي لي ابوك قال شنو لمن قلت ليه موسى
عيسى بسأل منك ؟
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: زهير الزناتي)
|
بسم الله
البوست ده طلع متين ؟؟
وكمان اسمى مكتوب فيهو
طيب , ما بتعملوا لى مس كول مالكم
ان شاء الله تدقوا لى بيجر لو ما عندكم رصيد
انتو قايلنى مضرب ولا شنو ؟؟
انا متضامن بس
وضعيف قدام الحلويات
المن الطحنية ولى فوق
هاكم شوية سمسم , مخلوط بى قشطة , عليهم عسل رايق مصفى
العايز , ما يلاوز
والما داير , غير ضهروا ما دايرين
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: منصور عبد الرازق)
|
Quote: يا موسى انت عارف صورة البروفايل دى حقت منو
ولا تشيل وتلصق ساكت
حقت عضوة فى المنبر اسمها محسـية
الليلة شيل شيلتك |
معليش يا النضيف زولك كان متخيلها
زي صور المشاهير الممكن تتعلق في الحيط أو مكان الإعلانات
يعني ممكن يشيل صورة بكري أبوبكر و يعلقها لينا في البروفايل
Quote: انت الجماعة سافروا ولا شنو
بقيت تشيل وتلصق فى الناس امهات عبايات ديل |
هاهاهاهاهاهاهاهاهاها
كااااااااااااااااااك
ههههههههههههههههههه
إهي إهي إهي إهي إهي إهي
ورووك ورووك ورووك ورووك ورووك ورووك
لي لي لي لي لي لي لي لي
وجااااااااااااااااك
كح كح كح كح
إححححححم
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: أحمد إسماعيل)
|
انت عارف يا احمد اسماعيل لو على كلام جلا و
النضيف الموضوع هين لكن يا صحبي الوزارة
و المشجعين في البيت علي طول في البوست
دا الواحد الحاجات العامل ليه تورم ....
دي بقوم بعمل ليه سرقت كده و بعمل زايغ
إنت لازم تتصل علي ياسر نجيلة يديك كورس
اولي في موضوع الزوغانات و اختيار الاوقات
المناسبة للسرقات الادبية المحبكة زي دي ؟
بعدين تعال للنضمي ساي حتى لو الوزارة لقت
الكلام ما بتعرف الحاصل كان شنو و ممكن بكلمة
كلمتين تعمل ليك ملفات !!!!
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: محمد آدم النور)
|
Quote: الكلام دا يا موسى بتاع هناي
|
هاها عرفتو يا تعبان بالله !!!!!!!!!
اتذكرت لمن مشينا لناس بتاع في الهناي داك مش صاح ؟
بالمناسبة دي سافرت الاميرة ست البنات الدكتورة عهود موسى
غادرتنا للسودان فنسال الله لها التوفيق في كل خطوة و ان يكتب
الله لها السلامة اينما حلت و لكني لاول مرة اشعر بالحزن لفراقها
و اعتقد باني فقدت شي عظيم لدي و بدات حالات الدبرسة و عدم الارتياح
و ذلك لامور شتى و لكني احس منذ البارحة بان هناك جبل اشتياق و محيط
دموع قادم عندما ترحل باقي الكوكبة الجميلة عن ديارنا إلي السودان في
الجمعة القادمة ::
فيا دار عبلة بالجواء تكلمي و عمي صباح دار عبلة و اسلمي
و اخر :
ودع هريرة إن الركب مرتحل فهل تضيق وداعا أيها الراجل ..... كلا كلا كلا
| |
|
|
|
|
|
|
|
|
|
Re: مقتطفات متنوعة - توجد صور - و مسموح بالمشاركة خفيفة الدم (Re: موسي عيسي)
|
بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..
التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..
في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..
في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..
عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..
لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو
| |
|
|
|
|
|
|
| |
موسي عيسي
محمد صديق
كمال الشادي
محمد آدم النور
الرشيد بابكر
جلال عثمان
زهير الزناتي
ياسر نجيلة
أحمد إسماعيل
عبد الدائم سيد أحمد
منصور عبد الرازق
فيس بوك
تويتر
انستقرام
يوتيوب
بنتيريست