|
|
|
 Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: PLAYER)
|
لكن مع الأسف الشديد.......
لا جيت للحفلة ....ولا قلت ليهم ما جاي...عشان يشوفوا ليهم زول تاني.......
والأبيخ من دا كلوا.........
انك لا داير ترد علي التلفون...ولا داير تخلي واحد من ناس بيتك يرد لتلفونات ناس هيوستن.........
ويقول انوا القروش شوية وانت ما جاي عشان يذيدوا لك....او...ناس تانين دفعوا لك أكتر وغيرت رايك عشان الناس تتصرف وتشوف حل تاني.......
| |
 
|
|
|
|
|
|
|
 Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: PLAYER)
|
قلقتهم عليك....ما تنسي ديل سودانين وقلبهم عليك برضوا.......
أتخيل عملوا شنوا عشان بس يعرفوا انت كويس.......
أتصلوا بأي زول بيعرفوا عشان يعرفوا خبرك......
ويا للفاجئة المخجلة.....
عندما أتصلوا بزول بيعرفوهو...والزول دا أتصل بزول بيعرفوا ...والزول دا قام أتصل بزولة بتعرفك....والزولة دي اتصلت ببيتك....وقالوا ليها:
انت نايم........
نحن الظروف بنقدرو....والعذر بنقبلوا......بس البياخة والحقارة ما بندوروا..
حمدالله علي السلامة....وأنشاء الله نومة عافية.......
| |
|
|
|
|
|
|
|
|
 Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: PLAYER)
|
اخونا عادل بلير
تحياتي وكل العام وانتم بخير
يااخي اعتقد ان طريقتك في طرح امر خاص على المنبر العام وهو امر يتعلق بمناسبة خاصة
وايضا يتعلق بسمعة اخينا عضو المنبر الفنان الخلوق المهذب صابر عبد الهادي امر فيه اجحاف بحقه بل تشهير بالاخ صابر عبد الهادي على العام وعليه ارجو منك سحب هذا الخيط غير الموفق والذي يعد تشهيرا بسمعة اخينا صابر مع خالص التحايا لكل الاخوة بهيوســـــــــتن.
| |
|
|
|
|
|
|
|
|
|
Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: هشام هباني)
|
المحترم هشام
كل عام وانت بخير
Quote: يااخي اعتقد ان طريقتك في طرح امر خاص على المنبر العام وهو امر يتعلق بمناسبة خاصة
وايضا يتعلق بسمعة اخينا عضو المنبر الفنان الخلوق المهذب صابر عبد الهادي امر فيه اجحاف بحقه بل تشهير بالاخ صابر عبد الهادي على العام وعليه ارجو منك سحب هذا الخيط غير الموفق والذي يعد تشهيرا بسمعة اخينا صابر مع خالص التحايا لكل الاخوة بهيوســـــــــتن. |
اولآ: دي مناسبة عامة ما خاصة
ثانيآ:صابر كفنان هو شخصية عامة
ثالثآ: لم أشهر بسمعته او بأخلاقه انما أشهرت بخطأ كبير قام بها تجاه مناسبة عامة.
رابعآ:مادام هو عضو في البورد فبأمكانه توضيح ما حصل و والحفاظ علي صورته كفنان.
أخيرا
لا أري اي داعي لسحب البوست
تحياتي وتقديري لك
| |
|
|
|
|
|
|
|
|
|
Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: PLAYER)
|
(| Quote: وحسب أتفاقهم معك رسلوا لك تذاكر الطيارة.... |
الاخ بلير سلام مربع
ربما ما نجضتوا الاتفاق ، وإرسال التذكرة لا يعني إنو يقوم يركب طيارته ويجي ، ربما الاتفاق ما كان واضح بينكم وبينه يعني ما وصلتوا لإتفاق اخير
وإلا لما تقاعس عن الحضور وإلا الاتفاق كان قطع تذكرة فقط - في مشكلة كبيرة دائما هنا في وسط السودانيين ، بيعتقدوا إنهم وفروا التذكرة فما على المغني إلا يجيهم وبدون أي نقاش ولو كان هنالك إتفاق ووافق عليه فلا شك الخطأ راكبه من راسه لكرعينه يعني كان يكون واضح -
والحمد لله إنو حفلتكم إنتهت على خير
ولكم مودتي
| |
|
|
|
|
|
|
|
|
|
Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: ترهاقا)
|
الأخ بلير
تحياتي
الصديق أيمن الهندي عازف الإيقاع هو من إتفق معي على الحفلة وهو يعرف ليه أنا ماجيت
فالرجاء مراجعته لمعرفة الأمر
شكرا لكم
وبالغ إعنذاري للأهل بهيوستن لما حصل رغم أن لا ذنب لي فيه
(إتصل بي عدد من أبناء الجالية بهيوستن وإعتذروا لي عن سوء التنظيم الحصل ممن تصدوا لهذا الموضوع
وطلبوا مني أن لا أعمم الموضوع وآخد فكرة سيئة عن ناس هيوستن وتم التعاقد معهم على أن أحيي ليلة رأس السنة بهيوستن
فلهم الشكر على ثقتهم وحسن ظنهم بي وسأكون هناك بإذن الله )
----------------------------
شكرا الأخوان هشام وساطور على محاولة توضيح اللبس
شكرا بلير على قلقكم علي رغم أني كنت نائم
يعني ماعارف كنت ح أرد على التلفون كيف وأنا نائم
وبعدما صحيت إتصلت بكل الناس الإتصلوا بي
------------------------
مرة أخرى أقدم بالغ إعتذاري للأهل بهيوستن
رغم أن المسألة كانت تكنيكال وليس للمادة أي دخل بها وهم يعرفون ذلك
صابر
6155680034
| |
|
|
|
|
|
|
|
|
|
Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: PLAYER)
|
عزيزى جدا
بلير
تحايا بحجم الوطن الذى ورثناه كما كان
Quote: وجهة نظرك سليمة...بس اذا قفلت الابواب الأخري ..فلا بد من مخرج لتوصيل الرسالة
وهنا كان ذلك
تحياتي |
تسلم وشكرا عميقا على هذا الرد الانيق جدا . ليت الابواب كانت كشراع مركب شاقى النيل
.... صابر صديق عزيز جدا معرفة ازمنة جميلة اعلم كم هو ملتزم حد السيف فيما يخص
المسالة الفنية والغنائية وخلينا نقول ونكرر ملحوقة انشاء الله فى مرااات اخر ,
وربنا يكتر من الافراح والليالى الاكثر اشراقا .
تانى شاكر جدا ردك الجميل وممنون حتى الثمالة
كن بخير وعافيات كثر
قاسم المهاوى
| |
|
|
|
|
|
|
|
|
|
Re: ياالفنان صابر عبد الهادي...عيب كبير الحركة العملتوا في ناس هيوستن......... (Re: ترهاقا)
|
المحترم ترهاقا
يا الف هلا ومرحبا
| Quote: ربما ما نجضتوا الاتفاق ، وإرسال التذكرة لا يعني إنو يقوم يركب طيارته ويجي ، ربما الاتفاق ما كان واضح بينكم وبينه يعني ما وصلتوا لإتفاق اخير |
كلامك صحيح ومحتمل جدآ..........بس يا ليته قال ذلك
أنشاءالله مستقبلآ بنخط دا في الأعتبار
المفروض نتعامل علي الطريقة الامريكية(توقيع عقد ودفع مقدم...وتسليم الباقي عند الحضور وقبل الحفل....)...واي تخاذل من الطرفين القانون يأخذ مجراه.......لان الطيبة السودانية بقت موضة قديمة............
............
الفنان الزائيري المشهور اويلو جاء حيا حفلة في أمريكا...الجماعة قطعوا التذاكر ودخلوا....صاحبك غني فاصل واحد وعمل عيان وداير يتخارج........
واحد اتصل ب911.....البوليس جاء....وقالوا لصاحبنا يا تغني...ولا ترجع للناس قروشهم........صاحبك كمل الحفلة براها.......
شكرآ لك
| |
|
|
|
|
|
|
| |
PLAYER
احمد معتصم الطيب
هشام هباني
ترهاقا
Saber Abdelhadi
قاسم المهداوى
فيس بوك
تويتر
انستقرام
يوتيوب
بنتيريست