|
|
|
 Re: كيف تكون نجمآ في البورد......الجزءالثانى (Re: PLAYER)
|
الأخ بلاير
لك الود والتحية
أود التعليق على نقطة واحدة وردت فى حديثك تتعلق بإقحام الدين فى النقاش .. لقد رصدت وتابعت ذلك كثيرا ، وتأكد لى بأن إقحام الدين فى النقاش قد أتى دائما بعواصف وأفسد النقاش فى الغالب بل جعل كثيرين يزهدون فى المشاركة ويديرون ظهرهم للمنتدى
| |
 
|
|
|
|
|
|
|
|
Re: كيف تكون نجمآ في البورد......الجزءالثانى (Re: مارد)
|
والله يا بلير هذا البوست ليس كسابقه حقيقة هذه يا بلير ذاك البورد بدايته انفعالية كانت لذا كان النقد حليفا دائما له اما هذا فقد تطرقت للحقائق بعينها طبعا من وجه نظري علي كدا الزول يفرح انه من تصنيفك دا انه درجة اولي وشوية اجتهاد وتنفيذ للارشادات تبقي ممتاذ وبعد داك الاحتراف
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: اساسي)
|
الأخ بلير..التبرير المنطقى أن الادارة لاتصنع نجوما ولا يمكنها ذلك فحركة البوستات تعتمد على حركة الأعضاء والزوار فى بقائها بالصفحة الأولى أو انزوائها الى الصفحات الداخلية وبهذا المنطق أيضا فان محاباة الادارة لاتصنع نجما..واذا تتبعنا نفس منطقك مثلا سأجد نفسى من الدرجة الثالثة وهذا يرضينى ويفرحنى أيضا..فهنالك حلقات مفقودة فى التقييم عموما يجب أن لا نهتم بهاويظل اهتمامنا قائما بتوصيل الفكرةدون انتظار نجومية وشهرةلاسم وان تعاظم عطاء بوستاته فهو فى النهاية مجرد اسم مستعار تحياتى
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: اساسي)
|
مارد
شكرآ لانك كتبت...البورد فاقدك والله
كلامك صح التطرق للنقاش بالدين احبطت الكثيرين من المشاركة...لان دائمآ الناس بتسعمل الجزء التحريمي من الدين....ناسين او متناسين الاجزاء الاخري في الدين
اساسي
يا راجل تقول لي درجة اولي صلحها شوية
الواحد بتعلم حاجات جديدة كثيرة من الاخرين في البورد...بنحاول نستفيد منوا ونتحسن شوية
ربنا يوفقك
wadazza
اتفق معك ان الاجتهاد هى التى تصنع النجوم...لان الادارة اعضاء مثلنا بعضهم في الدرجة ثالثة ....لكن برضوا لهم تأثيرهم في البورد.....انا مقتنع انو التقييم ما كامل..
ذى ما احد الاعضاء قال: اذا طرحت موضوع يصبح ملك عام.. عشان كدا اتمنى ان تعتبر الموضوع حقك وتضيف ما تراه مكمل له حتى يليق بمقام البورد...
.انت يا زول قاصدك درجة ثالثة... ولا جات بالغلط
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
اشكرك بحرارة
رغم اني اختلف معك بان هذا البورد يحمل الكثير من النجوم
في رايي كل من اشترك فهو نجم لأنه يوصل لنا فكرة أو معلومة نحن متعطشون لها 00 لكن ربما هناك نجوم اكثر أضاءة وبريقاً
وتلك النجوم البعيدة التي لايصل ضؤها فربما الحياء والتواضع جعل هذه النجوم ترسل اشعتها الدافئة من على البعد
لقد قيمت نفسي من خلال تقييمك لنجوم البورد
فوجدت نفسي بحمد الله في الصف الثالث
وهذا سيدفعني باذن الله للعطاء أكثر لنسطع أكثر
ابوحراز
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: Tumadir)
|
بلير اخصائي التحليل البوردي ، لك الحب والود ،اتفق معك في كثيرمن ماقلته ، وان كنت ختلف في تقييمك في البنات ،علي اي حال هناك نجوما سطعت دون مساعدة احد غير كتاباتهم ، وعلي راسهم ودعازه وابوحراز ، ابوحراز اذا رد علي بوست يخصك ثق بانه سيجلب معه الكثيرين ، لهذا اضيف اذا اردت ان تكون نجم في البوست ، نصيحتي لك نافق او صادق ابوحراز ،فحتما ستنال ردود علي البوست بتاعك
تماضر انت نجمه في هذا البورد ، دمتم
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: فنجرى)
|
ابوحراز
نعم كلنا نجوم بما نقدمه للبورد....بس في نجوم صغار بتشافوا طشاش...ويا ريت النجوم كلها تقف قدام عشان الاضواء..تملأ كل اركان البورد
...تالتة مرة واحدة ما معقولة......احسن ليك تصلح تالتة دا
الفنجري
حيرونا الناس ديل والله...قالوا تالتة, تفتكر قاصدينها ولا غلطة كتابية....عجبتنى بكلامك ...فعلآ نتشرف بالانتماء للبورد.....واملنا التقدم
تماضر
في ناس اتولدوا نجوم وعاشوا نجوم
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
بوست ظريف ونوع من النقد الهادف وهكذا بلير ,,,, وعلى العموم انا شخصيا حريص على الاولى الممتازة وبعقد اليومين ديل صفقات مع الاحبة عشان نعمل قروب ,وبما انى شاعر وعندى قصيدة مشهوره بغنيها الطيب عبداللة فمافى مشكلة مع الجنس اللطيف اكيد بلقى سبورت ,,,بس ادينى شهر وربنا يوفق المناضلين والمقطوعين والمغتربين فى البورد حتى,,
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: Tumadir)
|
رقم صفر
شكرآ لك....لسا ما اتخرجت من مدرسة الاخصائين...عندى ملحق وباخد دروس خصوصية.....الظاهر البنات زعلوا من كلامى...عليك الله خوش لينا واسطة معهن... فعلآ في ناس حفروا طريق النجاح باظافرهم ...لهم التقدير ولنا التوفيق.......ما شايف لك كتابة أنشاء المانع خير
kofi
الممتازة مافى زيها.....اوعك تعمل قروب ما ناس غلط ,عشان ما يرجعوك لمستوى الليق...صلح كويس ما البنات...عندهن حق الفيتو....أجتهد لكل مجتهد نصيب
تماضر
حقك...اخذتى بتعبك وشقاك.....واصلى وربنا يوفق
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
سلام يا شباب..وشابات المنتدي
بصراحه كده..انا ما فهمت ..نجم يعني شنو!!؟..معليش مرات المخ بيتخن
يخيل لي..انو الزول بيكتب لما يحس انو عايز يكتب شئ وبيرد علي موضوع برضو لما يحس انو مفروض يرد..نجاح موضوع من فشلو ما قاصر علي كمية الردود او الزوار ..طالما الغرض الاساسي انك ..تشارك .الناس معاك في فكره او موضوع للنقاش
فاذا لقيت شخص واحد بس ..وصلتو الفكره..خير.
بالجد ..انا بستغرب..لما واحد يزعل ويقول .انتو ما رديتو علي ليه..!!؟ ولا يا فلان ..انت ما شغال بي مواضيعي!!!وفي العينه الشغاله رفع لي مواضيعها ..للصفحه الاولي..بمناسبه ..وبدون مناسبه..تخش تقول ..في اضافه..تلقاه عامل ليك نجمه..ولا شخته..ولا كاتب ..أب!!!!!!!!!؟
انا بالجد محتار والله..انتو يا ناس مشاركين في البورد ده ليه!!؟؟؟
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: Dafi)
|
Dafi
ما تشتغل بكلامى دا....دا مجرد راي فردي...قد اكون موفق في جزء بسيط ...والباقى لا....دا ما تقييم ذات اهمية ,مجرد راى شخص لا علاقة له بالادارة.....النجم نظرى هو من يؤثر كتاباته ايجابيآ...ويجد التجاوب والقبول من الاخرين.....انا معك ان الكتابة احساس...لكن في ناس احساسهم الكتابى بطى وكتاباتهم قليلة..فمن الظلم مساوتهم بالمشاركين الدائمين...باتفق معك بشدة اذا استفاد واحد فكفاية....اما موضوع البوستات البرفعوها فوق بدون مناسبة والردود الما ليها معنى دا عندى ليك موضوع فيهوا لما يجمع..
..ختامآ
اعمل الانتا مقتنع بيهوا والله يوفق
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
يا جماعه كدا بي المهدوانيه...
يا بلير انا بشوف توقف زول في الباب عشان يفرز ليك ناس درجه اولي و تانيه و تالته و ناس نحنا... و بعد يدخلو كلو زول يقيف في صف و البناطلين قدام و الجلاليب ورا و فساتين قدام تياب ورا و كدا
.. و بعد داك تشوف الناس البلمعو تعمل ليهم صف براو تسميهو ابو لمعه و خلي بالك معاي لانو الحته دي حرجه شويه لانو في ناس ما لمعانين خلقة الله ,, ايي قصدي لي بتلومعو و دي طبعا بتم بي عدة طرق و منها انو الواحد/ واحده يلبسو رقوشي و يقعدو تحت الكشافه و لكن للاسف اللمعه بتزول بزوال المؤثر و طبعا في الحاله دي المؤثر الكشافه... آآهآآ ديل اعمل ليهم صف براو سمي تحرمني منك ... لكن نصحيتي لي ناس الصف دا انو التلمع ما مشكله لكن كل زول يجيب كشافتو براو يعني ما تملحو في كشافات الناس العندها كشافات ...
واخد بالك معاي النقطه الجايه دي مهمه... لانو لازم تفرز الناس الكانو لمعانين.. ركز معاي في كانو دي لانها من كان و اخواتا و كدا.. يعني ناس دق لي و اغني ليك.. وديل اخطر ناس لانو بجو تووووش يقعدو ليك في صف ال VIP
يسو في نحنا كنا .... و نحنا سوينا... و فعلنا و تركنا... لكن السؤال بكون هل لازلتم؟؟؟ هم بس بنسو ولا يا ربي ما بلاحظو انو لمبه 60 واط ما زي ال 100 واط ولا كيف؟
اها ديل سوي ليهم صف و سمي كان ليك يا المطير عينيك ...
اها يا جماعه ما اطول عليكم .. انا ماشه اكووس لي طريقه كشافه و فستان جورجيت مشغول بي ترتر ورا و قدام...
بسسس امووووت و اعرف البشيل سفنجتي منو ؟؟؟ تعرفو بعد دا حاعمل ليها لستك عشان البسه زي الشبط ...
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: ShiningStar)
|
shining star
علمنا بنصيحتك واوقفنا بواب ...لكن واجهته مشكلتين :في اى صف يجب ان يقف انصار السنة ...لقد رفض ناس البنطلين لان بناطلنهم قصيرة..وكذلك ناس الجلاليب حيث انكروا بشدة انا ما يلبسه انصار السنة ليس بجلاليب انما يسمى عراريق....المشكلة الثانية من اخوات المؤمنين الننجا...في اي صف يقفن......الرجاء مساعدتنا في ايجاد حل سريع
.لقد قبض بوابنا على الكثير من اللمعان المزيف...مثل استعمال االكريمات للبنات واستعمال حمام البخار من الاولاد...اما موضوع
صف المطير عينيك ما زال تحت الدراسة...اما سفنجاتك فاليك الحل: اشترى قفل عجلة ولما تجي تقعدى في العنقريب او البنبر طبلى فى كراعو
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: ensana)
|
sis ansana
فعلأ ديل نجومنا....ابوحراز والملا عمر ما قصروا بالكتابات والردود....اما شاننغ ما قصرت بالردود بس مقصرة بالكتابات...يا ريت لو تنزل موضوا عشان الافراح تكتمل والابتسامات تذداد وتتحول الى ضحكات.........ما قولتى لي في ياتوا درجة انتى
لك تقديرى
| |
|
|
|
|
|
|
|
|
 Re: كيف تكون نجمآ في البورد......الجزءالثانى (Re: PLAYER)
|
عزيزي بلير حياك الله وطبت وطاب صباحك
بداية انت موضوعك مازال فىالصفحة الأولى وعدد الزوار أكثر من 155 والردود فوق ال18 يعنى أنت من المستوى الوسط يعنى أحسن حالاً من الانسان الذي يغيب عن البورد أكثر من شهر واذا كتب موضوع فى لايجد صدى الا من الفئق القليلة جدا وبعد ذلك يكون محل موضوعه خط 100 غرب وأكون بالغت اذا قلت لك يكون موضوعو خارج البورد وعشان كدة أنا بقولك احمد الله لأنو مواضيعك دائما فى الصفحة الأولى وعدد زوارها كثر وكذلك الردود عليها منهالة
وحقيقة موضوعك جدير بالقراءة والرد عليه
ودمت دمت يلبلير
وقدر ماأمشي فى سور الزمن خطوات *** ألاقي خطى السنين واقفات
شجن
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: shagan_aleem)
|
brother shagan
سلام الله عليك........وشكرأ لتحيتك الدافئة في الصباح البارد.....نحمدو نشكر الله على كرمه لنا ......ونشكر الاخوة والاخوات على تقبلهم ما نكتبه سواء كان بالرضى او الرفض....واتمنى للجميع التوفيق في الكتابات لان غرضنا جميعآ تقديم المفيد......عندما نظرت الى تاريخ تسجيلك وجدته لا يتناسب مع مشاركتك....لكننى مقتنع ان ظروفك لا تسمح لك بالتواجد والمشاركة الدائمة....اتضرع على الله عن يخف عنك قليلآ حتى تساهم مع الجميع........اما اذا وجدت مواضيعك خارج خط الاستواء وقريبآ من خط 100 غ....خد لك دورة مع الارض في مدارها حول الشمس وسوف تعود اكثر بريقآ ولمعانا
شكرآ لاشادتك بالموضوع ...وشكرآ لانك اخذت من زمنك القليل لقراته والرد
وفقكم الله وايانا
| |
|
|
|
|
|
|
|
|
 Re: كيف تكون نجمآ في البورد......الجزءالثانى (Re: PLAYER)
|
يا حلو انا واحد من لعيبة دورى الظاليم يعنى الدرجة التالتة حسب تقييمك وكمان مهدد بالهبوط لى روابط الناشئين يعنى حالتى صعبة جدآ
عشان كدة عايزك تنصحنى بى نوعية معينة من التمارين . واذا بقى فيها كمان شوية من العلاقات الجتماعية او حتى النفاق الاجتماعى تكون ما قصرت
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: منعم)
|
منعم
اولأ مرحب بيك....ثانيا من شهر 5 عندك أقلة من5 مشاركتك...صلحها شوية ل500 والله كريم.......حتى لا تهبط الى دورى الدافورى في الحوارى فتحتاج الي ;مدرب برازيلى للمهارات الفردية....والمانى لللياقة....وكينى للسرعة......اما النفاق اقرء كيف تكون نجمآ فى البورد (الجزء الاول)
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
بسم الله الرحمن الرحيم
الاخ الاكرم بلير
لك منى الاف التحايا
بغض النظر عن مكانتك فى هذا البورد . وسواء كنت من نجوم الصف الاول او حتى نجوم الصف الاخير . فانت بلا شك انسان رائع .
بالمناسبة الرسالة دى عشان الكوم بتاعى يكبر واصبح من نجوم الصف الاول.
انت مش برضة نصحتنى بى انة انا لازم اشارك اكتر؟
وختامآ لك منى الكثير من الاحترام يا حلو
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: منعم)
|
منعم
جزاك الله كل الخير...والله كلامك دا درجة بحالوا ...اتمنى ان اكون عند حسن الظن دائمآ.....لك عندى دين حادفعوا لك فى الوقت....واصل مشاركاتك وسوف تصل لمرادك
او كما الشاعر:
ما أستعصى على أمرى منال**اذا كان الاقدام لها ركابا
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
يعني انا بت و ما عندي موضوع على الصفحة الأولى تطير عيشتي مصنفة وين أنا هسة
player
يا اخوي ما لكن ظلمت البنات و انا شايفة منهن كتار بردن على مواضيع غير الحب و الأغاني
و بعدين هنالك من يمكل القدرة على الرد أكثر من قدرته على إثارة المواضيع هل ينفي هذا نجوميته؟؟؟
فرحانة بيك كل النجوم لا نام بريقها و لا انطفى
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: noha_g)
|
noha g
ما دام ما عندك موضع حسى...وعاوزة تعرفى درجتك غيبى وشوفى البحصل شنوا...وانشاء الله تعرفى وين انتى
والله ما قصدت سوءآ بالبنات في كلامى ولا التقليل عن مستواهن الثقافى او الحواري....قصدت من قولى الطبيعة التكوينى تجعلها ميالة للاحساس والمشاعر...وانى لمقتنع كغيرى ان غالبية نجوم البورد من البنات
تقبلى اعتذارى نيابة عن بقية البنات...اذا شعرن بانى اجحفت فى حقهن
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: noha_g)
|
noha g
غررررقانة فى حب البورد....ذى ما غنت بلوبلو(دا عزاكى فى الحب ما بتنفع العملية ).. مشكلتك دا ير خبير غرامى
اذا غبتى...وما فى زولن حسى بغيابك تكونى تبع الدرجة....خايف اقولوا واصدمك.....ما تزعلى ولا تغيبى.....قبلى النوم أبكى شديد ....ولما تجي اليوم الثانى البورد ما تبتسمى.....خليكى مكشرة جوة البورد لحادى ما البوردين يحسوا بيكى.......قولتى ما اعتذر للبنات....خلاص قول لاخوتك البنات انا سحبت الاعتذار والعاوزة ت
| |
|
|
|
|
|
|
|
|
 Re: كيف تكون نجمآ في البورد......الجزءالثانى (Re: PLAYER)
|
يا شباب لكن ما بالغتو و خجلتوني عديييل كدي .. نجمة شنو الاديتوني ليها دي .. انتو اظنكم ما ركزتو في كلامي لمن قلته ناس درجه اولي و تانيه و تالته و ناس نححححنا... نحنا ديل ياهو الناس التمامة عدد يعني ذي البعام .. آيي البعام ما بتعرفو؟؟الجماعه البقعدو جنب نادي الفنانين يجيبو خبر الحفلات ويين و دييييك يا القشره و يستلمو الحفلات... اها ديل صفهم براهم...
اما يا بلير موضوع الجماعه المذكورين اعلاه دا .. فلت مني لكن خليني اعمل بحوث سريعه و اتصالات مع الكونغرس و بجيك بي حل... لكن في الوقت الحالي اديه كبون و خليهم يجو بكره الساعه سته في نفس الحته و نكون شفنا ليهم حل ...
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: ShiningStar)
|
shining star
اديناهم الكبونات ابوا يملوها ولا يجبوا بكرة الساعة ستة...قالوا حايبيتوا هنا .....وانتى لما تجى الساعة ستة تلقاهم مسنقرين فوق الكبونات .... لانوا عاوزين يعرفوا صفهم وين البلد دا....المهم كان الكونغرس الامريكى ما ليقا ليك حل ..شوفى قريبنا القذافى اكيد يكون عندوا الحل للمشكلة فى الكتاب الاخضر......نصيحتى ليك كان ما لقيتى حل ما تعتبى بهناك لانك حتشيلى شيلتك براكى...اصلوا انا حا أجي بعد الفطور
| |
|
|
|
|
|
|
|
|
 Re: كيف تكون نجمآ في البورد......الجزءالثانى (Re: zico)
|
اخي الرائع زيكو
البوست ده غريب جدا للاخ بلير
وبالذات لواحد مستجد مثلي
يعني انا سمعت الجميل والناس هنا اهل واصحاب
بس لما جيت عندي احساس مش كبير انه في ناس بينالو حظ اكبر
من الاهتمام ببوستاتهم حتى لو ما كانت
ذات أهمية في ذاتها
؟!!وما عرفت ده راجع لشنو
بس تفتكر بلير
الواحد لازم يمشي على نصيحتك
بتمنى انه فعلا ما يكون الموضوع بالحجم ده
انشاء الله
ما تكون في تحيزات واحزاب وروابط داخلية
وتكون الساحة فاتحة الناس على بعض
والناس في حضن بعضدمتم
| |
|
|
|
|
|
|
|
|
|
Re: كيف تكون نجمآ في البورد......الجزءالثانى (Re: PLAYER)
|
كيف تكون نجما؟؟؟
انا حاعتبر الكلام القلتو في البدايه نصائح لاني جديده لسه(نغه)يعني
لكن في حاجه..انو في كتير جدا من المواضيع الجميله جدا جدا لكن ما بتاخد حقها ليه؟لانو الشخص ده ما معروف..يعني انا امكن اقول ليك اني ما قادره انزل موضوع لحدي هسه لاني ما عارفه انزل شنو؟فبكتفي بالردود و الحاجه دي سلبيه.. لذلك انا من الدرجه(البالي بالك)...و
انو في المنتدي في كميه من الناس المبدعه خياليه لكن للاسف ما بظهرو ما عارفه ده راجع ل شنو....شباب على كبار؟
شكرا لتوضيح نفسيه المنتدى....
تحياتي
Solara...
| |
|
|
|
|
|
|
| |
PLAYER
اساسي
ابوحراز
Tumadir
رقم صفر
Dafi
noha_g
فيس بوك
تويتر
انستقرام
يوتيوب
بنتيريست