|
|
 من وحيــــك!
|
أوعى ..
لاتخاف إبتعادي ..قرَّبني البعاد منك إليك
وأوعى لاتقول إفترقنا..لو تفارق الروح تجيك
..إنتا لو عارف عيونك... لمّا تنظرني و..
تقابل لحظة بس أطراف عيوني..
روحي ترحل ليك تهاجر وأبقى من غير روح ..بسافر
أبقى مستغرب مشيها..منِّي ماعارف أجيها ..
وتشعل النيران عَضَايا إنتا ياأسباب أذايا ...
إنتا لو عارف عيونك
ديمة تقدل في رحابي...
فيها منبع إشتياقي..
وفيها آهاتي وعذابي ..
مرّة بفرح بي حضوري
وفيها محتاج ..لي غيابي ..
وفيها بتكل كل همومي ..
إنتو ياإتنين صحابي
وياها أكبر إهتمامي..
وبين رموشا بقول حبابي..
ولمّا تَفْرِق.. خط رموشك ..
كل وريد جوّاي بدوبي..
ترقص النبضات تغنّي ..
ومرّة بسمع طبل نوبي ..
من حنينا بشيل غُنايا ..
ومن غُنايا نسجتو توبي ..
ولّما تغمض هيَّ برضو
تاني ترحل منّي روحي
ماشة في سكة مسامي..
وتبدا تنتر لي جروحي..
ولمّا ترجع تاني تَنْظُر
هل تصدق؟؟..
ليّ..ترجع ..تاني روحي.
|
|
 
|
|
|
|
|
|
|
|
Re: من وحيــــك! (Re: تماضر الخنساء حمزه)
|
كيف أخاف وأنتي جواي وأقرب لي من روحي يا روحي العزيزة
وياأصل الحكاية وكل حكاية وكنهها ويااصوالي البعيدة وانتي سرحياتي
وكم لعبنا لعبتتا البديعة ياقمر ضواي يملاء دنيانا نور
وبهجة و وأجمل أشياءئ الجميلة
أظل اعشقك واعبودك مهم يكون تظلي كل دنياي اللي بحلم بيها وح تحقق
يا اجمل جميلة
زهير عثمان حمد
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote: أوعى ..
لاتخاف إبتعادي ..قرَّبني البعاد منك إليك
وأوعى لاتقول إفترقنا..لو تفارق الروح تجيك
..إنتا لو عارف عيونك... لمّا تنظرني و..
تقابل لحظة بس أطراف عيوني..
روحي ترحل ليك تهاجر وأبقى من غير روح ..بسافر
أبقى مستغرب مشيها..منِّي ماعارف أجيها ..
وتشعل النيران عَضَايا إنتا ياأسباب أذايا ...
إنتا لو عارف عيونك
ديمة تقدل في رحابي...
فيها منبع إشتياقي..
وفيها آهاتي وعذابي ..
مرّة بفرح بي حضوري
وفيها محتاج ..لي غيابي ..
وفيها بتكل كل همومي ..
إنتو ياإتنين صحابي
وياها أكبر إهتمامي..
وبين رموشا بقول حبابي..
ولمّا تَفْرِق.. خط رموشك ..
كل وريد جوّاي بدوبي..
ترقص النبضات تغنّي ..
ومرّة بسمع طبل نوبي ..
من حنينا بشيل غُنايا ..
ومن غُنايا نسجتو توبي ..
ولّما تغمض هيَّ برضو
تاني ترحل منّي روحي
ماشة في سكة مسامي..
وتبدا تنتر لي جروحي..
ولمّا ترجع تاني تَنْظُر
هل تصدق؟؟..
ليّ..ترجع ..تاني روحي. |
في غيابك ببقي هائم وشوقي ظاهر !!
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
الشاعرة النسمة/ تماضر الخنساء حمزة
تطور جملتك الشعرية يمضي بصورة تجعل المرء يطمئن على مستقبل قصيدة العامية في السودان.ألحظ في معظم النصوص التي نشرتها مؤخرا شيئا جديدا في جملتك الشعرية يدهشني كقارئ .. وهذا ما قصدت به أن تخرجي من عباءات شعراء عمالقة عندنا في العامية السودانية من أمثال الدوش ومحجوب شريف وهاشم صديق والحلنقي ..وأن يكون لك صوتك ولونك المميز. في المقطع التالي كثير من التحديث وجمال الصورة:
Quote: ولمّا تَفْرِق.. خط رموشك ..
كل وريد جوّاي بدوبي..
ترقص النبضات تغنّي ..
ومرّة بسمع طبل نوبي ..
من حنينا بشيل غُنايا ..
ومن غُنايا نسجتو توبي ..
ولّما تغمض هيَّ برضو
تاني ترحل منّي روحي
ماشة في سكة مسامي..
وتبدا تنتر لي جروحي |
..
كوني بخير أيتها الشاعرة.
| |
|
|
|
|
|
|
|
|
|
Re: من وحيــــك! (Re: nourelhadi awad)
|
استاذة تماضر
تحية طيبة
Quote: روحي ترحل ليك تهاجر وأبقى من غير روح ..بسافر
أبقى مستغرب مشيها..منِّي ماعارف أجيها ..
وتشعل النيران عَضَايا إنتا ياأسباب أذايا ...
|
تسلمي يا رائعة.gif) .gif)
| |
|
|
|
|
|
|
|
|
|
Re: من وحيــــك! (Re: abubakr)
|
أبو بكر الحبيب
مالمان الحروف تبقى جبانة
في حضرة الزول السمح
لعل في الصورة إختباء
وتحية أخرى من خلف عباءة
هذا الرجل القامة
ودي
نورالهادي
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
يانور
يعجبني مزجك رسم الكلمات بالصور..
اما قامتي فقصيرة طالما بلدنا موجوع
اهل ذلك القناع او التاج طالت قامتهم كثيرا فبقيو في وجدان شعوب لالاف السننين حين عملو لان تكون بلادهم مزدهرة وصحتها عال العال...
شكري ومودتي
ابوبكر
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote:
إنتو ياإتنين صحابي
وياها أكبر إهتمامي..
وبين رموشا بقول حبابي..
|
Quote:
كل وريد جوّاي بدوبي..
ترقص النبضات تغنّي ..
ومرّة بسمع طبل نوبي ..
من حنينا بشيل غُنايا ..
ومن غُنايا نسجتو توبي
|
دوبى دوبايكــ حكايه
رعشة الفرح التمنّى
تعالى آوبى ...
على رياحينكــ براك
أبقى زى ماتبقى منى
سكه تعرف منتهاك
يا نقاقير الخلاخيل
البتطرب من صداك
عرفت تباشير تهنى
تعالى عـودى
وياكم الاتنين صحابى
| |
|
|
|
|
|
|
|
|
|
Re: من وحيــــك! (Re: عبدالله داش)
|
ببقى فيك معنى التمنِّي..
معنى..عارف ..مُشتهاك..
ببقى منّك..برضو..كلّك..
أصلي قاصدك..بس..براك
وبسمعك ..وكتين ..بدوبي..
سميت مساديرك ..غُناك
وكل حرف شوقك بعرفو
والنمّة ..تعشق منتهاك!
| |
|
|
|
|
|
|
|
|
|
Re: من وحيــــك! (Re: عبدالله داش)
|
مابِسمع الطيف الكلام..
قُولُّو ..لايشيل إشتياقي
لايقلّل فيو شوية..
خليني زايد في الهيام
أصلي عاشق إحتراقي
وخلِّي ريدك يأتي ليَّ
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote:
مابِسمع الطيف الكلام..
قُولُّو ..لايشيل إشتياقي
لايقلّل فيو شوية..
خليني زايد في الهيام
أصلي عاشق إحتراقي
وخلِّي ريدك يأتي ليَّ
|
معليش ورود الإتهام للطيف
كحـال أبريل
وقمرياتى بتقاقى
وحلمى مع الصدق فرحان
دغاث أحلام
وفى وضح النهار شادى
ومن شبق الحنين للهيف
رجيت أنســام
من سكسك على جيدك
وفى ايدك
أكاليل باقيه خناقى
وتعالى أجيك
| |
|
|
|
|
|
|
|
|
|
Re: من وحيــــك! (Re: عبدالله داش)
|
كلّمتا الجيّة بالريد البعيشو وماشويّ..
لوكان بتعرف..
ماكان بخلت مواعيدك عليّ
لاكان زمن شال المواقيت التجيبك برضو ليّ
لكني بستمهل طيوفك
لو في المنام ..تجدع..حلم..ضاميو ..حضورك..
فيني تهطل يامطر..
وأنا ذي نسيم هابشاو غيومك
جوّاك بجوط..طاردة السكون..
وجوّاي بِكون ..ياروح سكونك!
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote:
كلّمتا الجيّة بالريد البعيشو وماشويّ..
لوكان بتعرف..
ماكان بخلت مواعيدك عليّ
لاكان زمن شال المواقيت التجيبك برضو ليّ
لكني بستمهل طيوفك
لو في المنام ..تجدع..حلم..ضاميو ..حضورك..
فيني تهطل يامطر..
وأنا ذي نسيم هابشاو غيومك
جوّاك بجوط..طاردة السكون..
وجوّاي بِكون ..ياروح سكونك!
|
بعيد عنِكــ
بيصرعــنى الحضور مكتول
وما بين المواعيد والزمن
إخـــفاق
وحالى معاكــ بقيت مستور
مع هجعة تلوت الليل
ملتنى من الحبور أشواق
دفقت عليك باقى السيل
بقيت من مافى ..
من وين لىّ ..؟
أجيب القدره والمعقول
على الشبه البقيف دونكــ
يأشر فيكــ
ما معــ..قول
| |
|
|
|
|
|
|
|
|
|
Re: من وحيــــك! (Re: عبدالله داش)
|
وبعيد عنّك..
بعيش مشدوه..
إطارد في غُنايَّ ..ذبول..
وذي تقول ..ببقى شئ..وناقصني زول..
بعيد عنّك..بسافر في عيون الناس..
أفتِّش فيها عن معناك..
ياحزني..
البعيشك....في الفرح إحساس..
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote:
وبعيد عنّك..
بعيش مشدوه..
إطارد في غُنايَّ ..ذبول..
وذي تقول ..ببقى شئ..وناقصني زول..
بعيد عنّك..بسافر في عيون الناس..
أفتِّش فيها عن معناك..
ياحزني..
البعيشك....في الفرح إحساس..
|
كِمل حد إنشــداهى بــراى
غناك بيشـــبه الترنيم
محــل ودّرت كل القول
لفحنــــى هواى
سوارى على إتجاه الريح
مرقّت على الفيافى أهيم
بنادى شِــرِق مذاق طعمك
ملانى وحيــح
أفتش إتجاهك وين ..؟
وفى صحن القلب ألقـاك
أنادى صداك بيرجع صوت
وأستناك فى جواى
| |
|
|
|
|
|
|
|
|
|
Re: من وحيــــك! (Re: عبدالله داش)
|
وبطلع برضو من جوّاك..
أشيل الخطوة حنية..
وأعدِّي معاك
مراسي الشوق
وتقدل خطوتي التانية
ترسم في الدرب ..ممشاك
أنا الببراك..
مشاويرك مشاويري
وخطاويك هي التوديني
محل ماالريد إصل معناك.
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote:
وبطلع برضو من جوّاك..
أشيل الخطوة حنية..
وأعدِّي معاك
مراسي الشوق
وتقدل خطوتي التانية
ترسم في الدرب ..ممشاك
أنا الببراك..
مشاويرك مشاويري
وخطاويك هي التوديني
محل ماالريد إصل معناك.
|
بتطلعى من خيوط الضو
شــروق أعلن صباحاتكــ
ومن وحى الصدف غاشـيك
عشنان أعرف مســاحاتك
دا حالكــ والزمن يحّــلو
رزاز قيف البحر منك
غســق شفق المغيب والتو
بيشــبه لونو غنواتك
بتطلعى من حنايا الغيم
مطر رطْــب نشاف الجو
بلا لونك
بتشبهى مين..؟
| |
|
|
|
|
|
|
|
|
|
Re: من وحيــــك! (Re: عبدالله داش)
|
بتطلع منِّي يالوناً
صبغ كل الدواخل نور
بتطلع من وعود الغيم
وتشرق فيني برضو زهور
بتطلع في زفيري غياب
وتشهق بالمعاني ..حضور
بلا طلوعك..
مين بيعشق مين؟؟
داش ماناوي تقول الروب؟؟
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote:
بتطلع منِّي يالوناً
صبغ كل الدواخل نور
بتطلع من وعود الغيم
وتشرق فيني برضو زهور
بتطلع في زفيري غياب
وتشهق بالمعاني ..حضور
بلا طلوعك..
مين بيعشق مين؟؟
|
دهاليز الكلام والبوح
مستفــه بالحروف حد وين ..؟
تلــوحى على المسافه جســور
أكون مجبــور
إذا وحّـــيت
مداك يلوح
مع آخــر حنين وحنين
وهادنتكــ قبلت أتوب
رفعت الرايه إستسلام
وقلت الروب
خنسـاء
قهقـه تلزمنى
كفكفت دموع الفرح
| |
|
|
|
|
|
|
|
|
|
Re: من وحيــــك! (Re: عبدالله داش)
|
وبرفع رايتي قبالك
عشان خاطر الكلام مجبور
إذا ..وحّيت ..
بجيكا حِداك..
وبعيش تعبك ..بكون مسرور
ولو سكت الكلام مني..
أكيد معذور.
| |
|
|
|
|
|
|
|
|
|
Re: من وحيــــك! (Re: تماضر الخنساء حمزه)
|
Quote: ..إنتا لو عارف عيونك... لمّا تنظرني و..
تقابل لحظة بس أطراف عيوني.. |
لو عارف عيونك
توهت المشاااعر
و غنى ورااها كون...
شكرا تماااضر
على الكلماات التى تتخلل
الدوااخل من غير اسئتذااان...
| |
|
|
|
|
|
|
|
|
|
Re: من وحيــــك! (Re: محمد عثمان)
|
تماضر يا غيما ماطر
سقيتى ارواحنا العطر يا بنيه من بطن الاهل
حنينه وموسومه بالمحبة ديمه
لك يا غالية كل الود
شكرا لنبعك الصافى
شكرا أردب محنة
| |
|
|
|
|
|
|
|
|
 Re: من وحيــــك! (Re: تماضر الخنساء حمزه)
|
تعرفي
الواحد لمن يكتب ليك رد هنا بيحس انه بيطمبج ساااااااي
Quote: كل وريد جوّاي بدوبي..
ترقص النبضات تغنّي ..
ومرّة بسمع طبل نوبي ..
من حنينا بشيل غُنايا ..
ومن غُنايا نسجتو توبي .. |
يا زوله نوبي ما قاعد يطبل 
_____
علي سبيل التحية يا فردة.
في زول ضرب لي قال لي الفلجة دي يعني شنو
| |
|
|
|
|
|
|
| |
Alsa7afa_30
زهير عثمان حمد
هاشم أحمد خلف الله
د.محمد حسن
فضيلي جماع
abubakr
هند محمد
Muna Khugali
فيصل نوبي
فيس بوك
تويتر
انستقرام
يوتيوب
بنتيريست